Facebook

நெறியாளர் : editor@adirainirubar.in
கருத்துக்கு : comments@adirainirubar.in

முஹம்மத் அலீய் - இரங்கற்பா!! 2

அதிரைநிருபர் பதிப்பகம் | June 04, 2016 | , , , , , , ,

கச்சித அடுக்குடன்
  கட்டுடல் உனக்கு,
மெச்சிடும் பலம்,
   மேனியில் திடம்,
அச்சமே தரும்
   ஐவிரல் மூர்க்கம்,
உச்சியில் புகழ்
   உலகெலாம் பெயர்!!.

கையிலே கேடயம்,
   களிப்புடன் நீ..
பையிலே பணம்,
   உணவுக் குடற்
பையிலே பசி,
   உணவக மேகினாய்,
மையினை யொத்த
  மேனியோன் உன்னை

தடுத்தான் வெள்ளைத்
  தற்குறி ஒருவன்,
அடுத்ததாய் கண்டாய்
  அழகிய சமத்துவம்,
தொடுதோள் தோழமை,
  தோல்நிறம் அறியா
நெடியதோர் வரிகளில்
  நாயனை தொழுதிடும்

இறைவழி பாட்டினில்
  இருப்பவர், எவரவர்?
கருமை நிறத்தவர்
  முதன்மை பெறுகிறார்,
மறுமை மட்டுமே
  மனதினில் கொள்கிறார்,
அருமை, அருமை !!
அகமகிழ் கொள்கிறாய்.

அகமது முழுவதும்
  அலைவந் தடித்தது,
இகமது மீதினில்
  இப்படி எப்படி?
முகமது புதிதாய்
  முளைத்தவன் போலவே
முகம்மது அலிய்-என
   முழங்கினாய் உன்பெயர்.

குத்தினாய் உள்ளத்தில்
  குறைவல்ல நிறமென,
குத்தினாய் சமத்துவம்
  குலைப்போர் கன்னத்தில்,
குத்தினாய் வெற்றிக்
  கொடி மண்மீதிலே!
பொத்தினாய் விழியிரண்டு
  புவிவாழ்வு போதுமென்று.

பிறந்தவை யாவுமிங்கு
  பிறிதோர் தினத்தன்று
இறந்தே தீருமென்னும்
  இறைவனின் திட்டமதில்
வருந்துதற்கு ஒன்றுமில்லை
   வரலாற்றில் வாழ்கின்றாய்!
இறந்தும் எம்நினைவில்
  என்றும் வாழ்ந்திருப்பாய். !

அதிரை என். ஷஃபாத்

2 Responses So Far:

m.nainathambi.அபூஇப்ராஹீம் said...

வருந்துதற்கு ஒன்றுமில்லை
வரலாற்றில் வாழ்கின்றாய்!
இறந்தும் எம்நினைவில்
என்றும் வாழ்ந்திருப்பாய். !

Ebrahim Ansari said...

மூன்று முறை உலக சாம்பியன் . பிறப்பால் கிருத்தவர். இஸ்லாத்தால் ஈர்க்கப்பட்டு 1975 - ல் இறைவன் அவருக்கு ஹிதாயத்தை வழங்கினான். போருக்காக வியட்நாம் செல்ல மறுத்த காரணத்தால் ஏகாதிபத்திய அமெரிக்க அரசால் சிறையில் அடைக்கப்பட்டார். அவர் போட்டிகளில் வெல்லும்போது குத்தும் கடைசி குத்து அல்லாஹு அக்பர் என்று முழங்கிக் கொண்டு குத்துவதாக கூறுவார்கள். அல்லாஹு அக்பர்.

தாவாப் பணிக்கு குறிப்பிட்டுச் சொல்லப்படக்கூடிய ஒரு விஐபி யாக உலகெங்கும் சுட்டிக் காட்டப்பட்டவர்.

அல்லாஹ் அவரை பொருந்திக் கொள்வானாக. ஆமீன்.

உமர் தமிழ் தட்டசுப் பலகை



           

 

உமர் தமிழ் தட்டசுப் பலகை

தமிழ் மற்றும் ஆங்கிலத்தில் தட்டச்சு செய்ய Ctrl+g பட்டன்களை தட்டவும்

நபிமணியும் நகைச்சுவையும்

உமர் தமிழ் தட்டசுப் பலகை

மறைக்கப்பட்ட இந்திய முஸ்லீம் தியாகிகளின் வரலாறு

Linked to ஊடக போதை

அன்பார்ந்த அதிரைநிருபர் வாசக நேசங்களுக்கு ஓர் வேண்டுகோள்! அனாமத்தாக சுய அறிமுகம் இல்லாதவர்களால் கருத்துகள் பதியப்பட்டிருந்தால் அதற்கு அதிரைநிருபர் எந்த வகையிலும் பதில் அளிக்காது, நெறியாளர் பார்வைக்கு வரும் பட்சத்தில் உடனடியாக அவ்வகை கருத்துகள் நீக்கம் செய்யப்படும், எங்கள் வாசக நேசங்களும் அவைகளுக்கு பதில் கருத்துகள் ஏதும் பதிய வேண்டாம் என்று அன்போடு கேட்டுக் கொள்கிறோம். - அதிரைநிருபர் குழு