ஊடக போதை தொடர்கிறது... 2 50

அல்லாஹ்வின் திருப்பெயரால்..

அஸ்ஸலாமு அலைக்கும் வரஹ்...

அன்பானவர்களே..

ஊடக போதை முகவுரைப் பதிவில் புனைபெயர்களிலும் போலியான பெயர்களிலும் எழுதுவதும் கருத்தாய்வுகள் பதிவதும் அங்கே  தங்களின் அறிமுகம் அவசியமற்றது என்பதில் நிலையாக இருப்பதிலும் அதனால் விளையும் பாதிப்புகளை மறைக்கவே முயற்சிக்கின்றனர் என்ற நிலையை விளக்கமாக விவரித்ததோடு மட்டுமல்லாது. அப்படியாக செய்வதனால் குழப்பங்கள் எவ்வாறு தலைதூக்குகிறது என்றும் குர்ஆன் ஹதீஸ்களை மேற்கோள்காட்டி விழிப்புணர்வூட்டும் விதமாக பதிவு செய்தோம்.

பின்னூட்டங்களில், கருத்தாய்வுகளில் ஈடுபடும்போது புனைபெயர் மற்றும் போலியான புனைபெயர்கள் தொடர்பாக பெரும்பாலான சகோதரர்கள் தங்களின் தன்னிலையாகவும், அறிவாய்ந்த விளக்கங்கள் மற்றும் தங்களின் நிலைப்பாடுகளின் கருத்துக்களை கண்ணியமாக பதிந்தார்கள் அல்ஹம்துலில்லாஹ்.

அல்லாஹ் நம் எல்லோரையும் குழப்பம் விளைவிக்கும் சைத்தானிய குணங்களிலிருந்து விலகியிருக்க பாதுகாப்பளிப்பானாக..

நிறைவில் புனைபெயர்களில் எழுதுபவர்கள் தங்களை பற்றிய அறிமுகத்தினை வெளிகாட்டிக் கொண்டு காலச் சூழல் அறிந்து நன்மையை நாடி எழுதினால் அவர்களின் கருத்துக்கள் மேலும் வலுப்பெரும் என்பதனை அவர்கள் விரைவில் உணர்ந்து கொள்வார்கள் என்று நம்புவோமாக இன்ஷா அல்லாஹ். 

பொதுவில் தங்களுடைய கருத்தாய்வினால் பதிந்த ஆக்கத்திலோ அல்லது கருத்துக் கோர்வையிலோ ஊடுருவும் உணர்வுகளால் கவரப்பட்ட சகோதரர்களின் அறிமுகம் காண ஆவல் எழுவது இயல்பே அதனை அறிந்து கொள்ள கவரப்பட்டவர் வினவும் பட்சத்தில் பொதுவிலோ அல்லது மின்னஞ்சலிலோ கேட்டால் அங்கே அறிமுகமாகி கொள்வதே சாலச் சிறந்தது.

அப்படி சுயவிபரங்கள் தெரிவிக்க மறுத்து அதற்காக மனதில் தோன்றும் காரணங்களை எல்லாம் சுட்டிக் காட்டி மறைந்துகொண்டு வலைப்பூக்களில் இவைகளெல்லாம் ஏற்றுக் கொள்ளப்பட்டது. ஊடகத்தில் சகஜம் என்று வாதிடுவதனால் அப்படியானவர்கள் நல்லதையே எழுதினாலும் "ஒரு சந்தேகக் கண்ணோட்டத்துடனே பார்க்கத்தூண்டும்". அவர்கள் போலியான புனைபெயர்களைக் கொண்டவர்களாக கருதுவதை தவிர்க்க முடியாததே. நிழலாக வரும் இது போன்றவர்களை ஊக்கப்படுத்தவதால் எந்த பயனும் சமுதாயத்திற்கு ஏற்படப்போவதில்லை.

வலைத்தளங்களில் பின்னூட்டங்களில் முதுகுக்குப் பின்னால் ஓட்டுபவர்கள் சிலர் அறிந்தோ அறியாமலோ பின்னூட்டமிட ஏதுவாக தங்களின் முகக்குறிப்பில் (profile) உள்ள பெயர்களை அடிக்கடி மாற்றி எழுதி வருபவர்களும் இருக்கிறார்கள். வலைதளங்களில் தங்களை அடையாளம் கண்டுக்கொள்ள முடியாது என்று அசாதாரணமான தைரியமும் சேர்ந்து எண்ணிலடங்காத குறியீடுகளை (ID க்களை) உருவாக்கி போலியான புனைபெயர்களோடு பின்னூட்டங்களில் தங்களின் வீர விளையாட்டுக்கு களம் அமைப்பவர்களும் உண்டு. அதில் அவர்களுக்கு அப்படி ஒரு அற்ப சந்தோஷம். இப்படியானவர்களின் அடையாளங்களை கண்டுபிடிப்பதில் வலைத்தளங்களில் சிக்கலை சின்னா பின்னாமாக்குபவர்களுக்கு எவ்வித சிரமும் இருக்காது. அதனை அறிந்தார்களேயானால் போலித்தனமான வேலைகளை செய்ய தயங்குவார்கள்.

கூகுல் ID வைத்திருந்தால், நீங்கள் blogger.com வலம் வரும் எந்த பிளாக்கரிலும் (அவர்கள் அனுமதிக்கும் பட்சத்தில்) கருத்துக்களை பதியலாம், அதேபோல் தனிப்பட்ட பிளாக் பயனீட்டார்களின் பெயருக்கும் (எந்த நிலையிலும் பெயர் அடையாளங்களை மாற்றும் வசதியுடன்) ஒரு குறியீட்டு எண் ID Number உள்ளது. காட்டாக dcba3421@gmail.com என்றொரு  ஜிமெயில்  மின்னஞ்சல் முகவரி, இதற்கு http://www.blogger.com/profile/12345678901234567890  என்றொரு குறியீட்டு எண்ணாக பயனீட்டாளருக்கு என்று இருக்கும் இதனை நன்கறிந்தவர்களாக நீங்களும் இருப்பீர்கள்.

இருப்பினும் (பார்க்க அருகிலிருக்கும் படமொன்றை, சிகப்பு கட்டமிட்ட எண்கள்). இந்த முகவரியை நீங்கள் உருவாக்கும்போது உங்களின் நேரடிப் பெயர் அல்லது விரும்பிய பெயர் கொடுத்திருப்பீர்கள் (பார்க்க புகைப்படம், சிகப்பு வட்டமிட்ட காட்டு பெயர்தான் இது). அந்த பெயர்  மின்னஞ்சல் முகவரியினை உள்ளீட்டு  கருத்துக்களை பதிவு செய்தால்  ஏற்கனவே ஜிமெயிலில் குறிப்பிட்டுள்ள பெயர் அல்லது பிளாக்கர் முகப்பு குறிப்பில் (profile) இட்டிருக்கும் பெயர் அந்தக் கருத்திட்டவர் பெயரா பதியப்படும். ஒவ்வொரு மின்னஞ்சல் முகவரியையும் பிளாக்கரில் பயண்படுத்தினால் அங்கே ஒரு குறியீட்டு எண் ID-number மட்டுமே உருவாகும். எத்தனை தடவை முகப்பு குறிப்பின் profile உள்ள பெயர்களை மாற்றியமைத்து கருத்திட முயன்றாலும் கருத்திட்டவரின் அடையாளத்தின் போலித்தனத்தை இணையத்தளப் பயன்பாட்டாளர்காளும், வலைக்குள் சிக்கலெடுப்பவர்களாலும் இலகுவாக கண்டுபிடித்துவிடுவார்கள் இவைகள் யாவும் இலவசமாக வழங்கும் வசதியினை பயன்படுத்தியே.

மற்றொரு வகை ஏராளமான வலைத்தளங்கள் கட்டணம் செலுத்தி உலவியில் உலாவும்போது பயன்பாட்டாளர்களுக்கு (users) அறியாமலே ஊடுருவ விட்டு அங்கே மறைந்திருந்து வேவு பார்க்கும் மென்பொருளை (hidden spyware software) நிறுவிடவும் வசதிகளை வழங்கியிருக்கின்றன. அதனை பிளக்கரை அல்லது இணையதளத்தினை நிர்வகிப்பவர்கள்  அதனை பயன்படுத்தியிருந்தால், ஒவ்வொரு முறையும் அந்த தளங்களுக்கு வருபவர்களின் இணைய நெறிமுறை முகவரி (IP ADDRESS / Internet Protocol address), சேவையை வழங்கும் நிறுவனம் (SERVICE PROVIDER), தேதி, நேரம், எத்தனை முறை வருகை போன்ற விபரங்களை துல்லியமாக சேகரிக்கிறார்கள்.

மேலும் பயன்பாட்டளர்கள் எங்கிருந்து வருகை தருகிறார்கள்  என்பதை  இணைய நெறிமுறை முகவரி (IP-Address) உள்ளிட்டு கூகுல் map ஊடாக துல்லியமாக இல்லாவிடினும் தோராயமாக கண்டுபிடிக்க முடியும். போலிப் புனைபெயர்களின் பின்னூட்டக்காரர்களுக்கு தெரிந்திருக்க  வாய்ப்புகள் இருக்கலாம் அல்லது அவர்களுக்கு அவைகள் பற்றிய போதிய அறிவு இல்லாமல் இருக்கலாம்.

மற்றுமொரு வகை, அறிமுகத்தை காட்ட விரும்பாதவர்களை அவர்கள் அறியாமலே அறிந்திட முயற்சிக்கும் முறை. ஒரு குறிப்பிட்ட  இணைய / வலைதளத்திற்கு வருகை செய்தால் அங்கே செல்பவரின் கணினிக்குள் பயன்பாட்டாளர்களின் (users) அனுமதியின்றி  அவர்களால் உணரப்படாமலே அங்கே வெப் கேமராவை தானாக மென்பொருளைக்  கொண்டு இயக்கப்பட்டு அதன் முன்னாலிருக்கும் அனைத்து பிம்பங்களையும் ஏன் பயன்பாட்டளரான உங்களையும் புகைப்படங்கள்  எடுக்கப்பட்டு ஏவியவனுக்கு எடுத்து வீசிக் கொண்டிருக்கும் பாவம் அதன் தாக்கம் தெரியாமலே.

தொடர் இணைய வசதியினால் அதனை எப்போதும் அதன் இயக்கத்தை நிறுத்தாமல் தொடர்பிலேயே கணினியை அல்லது இணையத்தில் இணைக்கப்பட்டுள்ள எந்த சாதனத்தையும் பயன்படுத்தி முடித்ததும் அதன் செயலை முடக்காமல் அல்லது நிறுத்தாமல் வைத்திருப்பதும் விபரீதமே.

தொடர் இணைய இணைப்பினால் புதிய மறைக்கப்பட்ட கணினிப் பினி உருவாக்கும் மென்பொருள்களால் hidden virus software எந்தச் சூழலிலும் உருவாக்கிக் கொண்டேயிருக்கும்.இது அவசியமற்ற வலைத்தளங்களுக்கும், அட! என்ன இது என்று ஆர்வக் கோளாரில் சிக்கிய சுட்டிகளை தட்டுவதனால் வினைக்கு வரவேற்பு வழங்கப்படுகிறது. கணினித்துறையில் கொட்டம் போட்டவர்கள்  பெரும்பாலோர் இந்த மறைமுக சித்து விளையாட்டின் தாக்கத்தை நன்கு அறிவர். ஆகவே சிக்கும் வலையெல்லாம் சிம்மாசனமாக இருக்கிறதே என்று நினைத்து அங்கேயே போய் உட்கார்ந்து கொண்டு பொழுதைக் கழிப்பதை தவிர்த்துக்கொள்ளுவது நல்லது.

இங்கே பதியப்பட்ட தகவல்கள் போலி புனைபெயர் பின்னூட்டக்காரர்களுக்கு மட்டுமல்ல, அடுத்தவர்களை சீண்டுவதில் உவகை கொள்வதிலும், அநீதிக்கெதிராக தட்டிக் கேட்கிறோம் பேர்வழிகள்  வலையுலகில்  இதெல்லாம் சகஜம் என்று பொழுது போக்கையே மைய்யமாக வைத்து ஊடகத்துறையில் அவர்களை ஊக்கப்படுத்துவதிலும் அவர்களுக்காக  வாதாடுபவர்களுக்கும் தெரியாமல் இருக்காது. இருப்பினும் இவைகள் பற்றி அறியாதவர்களுக்கு அறியத்தருவதும் இதன் நோக்கமே.

நம் சகோதரர்களுக்கிடையே பொதுவில் கருத்துரையாடும்போது போலியாக விழிப்புணர்வு அல்லது புரட்சி என்று சொல்லி நிழலாகவே  பதியும் நம் நல்லெண்ணக் கருத்துக்களால் என்ன பயன்? என்றுதான்  நாம் சவால் மிகுந்த ஊடகத்துறையில் வலுவான சமுதாயமாக நிலையாக காலூன்றப் போகிறோம்?

இறைவனுக்கு மட்டுமே அஞ்சி, நன்மையை ஏவி தீமையை தடுக்கும் ஒரே எண்ணத்தில் போலித்தனமில்லாமல்  ஊடகத்துறையில் நாம் காலூன்ற முயற்சித்தால், வலுவான ஊடகம் நம் கட்டுக்குள் வரும் காலம் வெகுதூரத்தில் இல்லை என்பதை மட்டும் யாராலும் மறுக்க முடியாது.

இது சாத்தியமா?

நம்மில் இருக்கும் இயக்கபோதை, தடுமாற்றமான ஊடகபோதை (திரைப்படங்கள், தொலைக்காட்சித் தொடர்கள், பழக்கவழக்கத்தில் நண்பர்களுக்கு ஒரு முகம், வீட்டாருக்கு மற்றொரு முகம், அறிமுகமில்லாதவர்களுக்கென்று ஒரு முகம், சார்ந்திருக்கும் இயக்கத்திற்கு என்றொரு முகம் இவைகள்) தெளிந்து, சுய விருப்பு வெறுப்புகளை மறந்து அல்லாஹ்வுக்காக குர்ஆன் சுன்னா வழியில் நடந்தால் மட்டுமே சாத்தியம்.

போலித்தனத்திலிருந்து அல்லாஹ் நம்மை பாதுகாப்பானாக..

ஊடக போதையில் இதுவரை அதிரை இணைய ஊடகங்களை தொட்டுதான் பார்த்தோம், இனிமேல்தான் நம்மைச் சுற்றி இருக்கும் ஊடகங்களின் போதை எவ்வகை, எவ்வாறு நம் சமுதாயத்தோடு விளையாடுகிறது, விஷக் கருத்துக்களை ஊசியை ஏற்றுவதுபோல் எப்படியெல்லாம் நம்மிடையே ஏற்றுகிறார்கள் என்று விரிவாக தொடர்ந்து பார்க்க இருக்கிறோம் இன்ஷா அல்லாஹ்.

ஊடக போதை முகவுரை.. 1

-அதிரைநிருபர் குழு