இன்று - நூல் வெளியீடு ! 7

الحمد لله رب العألمين ، و الصلاة و السلام على سيد المرسلين و على آله و أصحابه أجمعين  

வாழ்க்கை  என்பது  வாய்கெடச்  சிரிப்பதும்,
சீழ்க்கை  யடித்துச்  சிரிப்பை  மூட்டலும்,
சிறப்பாம்  வாழ்வைச்  சிரிப்பாய்  ஆக்கிப்
பொறுப்பாய்  வாழாப்  பொய்மை  மக்களின்
கானல்  வாழ்வைக்  கடைப்பிடித்  தொழுகல்
ஈனம்  அன்றோ!  இதுதான்  வாழ்வா?

மாறாய் –
உளத்திலும்  சொல்லிலும்  உண்மையைத்  தேக்கி,
அளப்பரும்  அருளால்  ஆண்டவன்  தந்த
நல்ல  வாய்ப்பாம்  நகைச்சுவை  தன்னை
மெல்ல  எடுத்து  மிகையிலா  விதத்தில்
சொல்லிடா  திருப்பதும்،  சோகம்  ததும்ப
மல்லிட்  டிருப்பதும்  வாழ்க்கையா?  சொல்வீர்?


உண்மையில் –
நகைச்சுவை  யென்று  நமக்கெலா  முண்டு!
பகைச்சுவை  யன்றது;  பண்பு  நபியார்
பயனுறு  வாழ்வில்  பளிச்சிடச்  செய்த
நயனுடை  நாயன்  நல்கிய  வரமது!

இதனையே  தம்பி  இக்பால்  தொகுத்துப்
பதவுரை  செய்தனன்  பயனுற  நமக்கே!
மகிழ்ச்சிக்  குரியவிம்  மாபெரும்  மன்றின்
நிகழ்ச்சியில்  மூவர்  நெருங்கியுள்  ளார்கள்.
வழங்கும்  பொறுப்பில்  நானுளேன்  அதனால்
முழங்குவோம்  ‘பிஸ்மி’யை  முகமனின்  முன்னே!

வாழ்த்தி வெளிட்டு வழங்குபவர்,

அதிரை அஹ்மத்

சில புகைப்படங்கள் இதோ.. விபரம் விரைவில்