இரயில் பயணம் - இனி ஒரு கனவா ? 10

அன்று அதிகாலை ! கிழக்கில் கதிரவனோடு சேர்ந்தே உதித்தது ஒரு கரும்புள்ளி போன்ற புகை நீண்டு எழுந்து வந்த அந்த இரயில் வண்டி நெருங்கியது. இன்னும் நெருங்கியது அதிர்ந்தது எங்களூரின் இரயிலடியின் நடைமேடையும் அங்கே மூச்சு இழுத்து வந்த அந்த தொடர்வண்டியும் நின்றது கம்பீரமாக. ஆஹா ! என்ன கம்பீரம், இதுவல்லவா இந்திய திருநாட்டின் மிகப்பெரிய பொதுத் துறையின் தன்னிறைவு நிறுவனத்தின் கம்பீரம் என்று இறுமாப்பு காட்டியது...

அது ஒரு பொற்காலம் !

ஆனால், இன்று விரிவாக்கம், விரிவு படுத்துதல், விரைவுக்காக, என்று வீராப்பு பேசியதுபோல் ஆகிவிட்டது இவர்களின் அறிவிப்பும் அதோடு தவழும் நடவடிக்கைகளும்.

ஏன் இவர்கள் மழுப்புகிறார்கள், எதனால் அகல இரயில் பாதைத் திட்டத்தை நீட்ட முடியவில்லை ? தடைகள் என்னதான் இவர்களுக்கு ? அதிரையின் வழித்தடம் என்றுமே எவ்விதமான அதிர்வுகளையும் அமைதியாக ஆட்கொள்ளும் என்பது ஏன் புரியவில்லை இவர்களுக்கு !?

கெஞ்சினோம், கொஞ்சினோம், ஆர்ப்பாட்டம் (முடிந்தவரை) செய்கிறோம், தனிப்பட்டவர்களும் இயக்கங்களும் அவரவர் பங்கிற்கு மனுக்களை அளிக்கிறோம் அடிமேல் அடித்தால் அம்மியும் அசையும் என்பதற்கினங்க, இரும்பால் தடம் கண்ட இரயில்வே நிர்வாகத்தின் மேலதிகாரிகளின் இதயக்கதவையும் தட்டும் சீக்கிரம் அங்கே கைகாட்டியும் இறக்கப்படும் நம்புவுவோமாக !

இரயிலடியைப் பற்றி நிறைய எழுதியிருக்கிறோம், வாசித்திருக்கிறோம், ஏன் கனவுகளும் கண்டிருக்கிறோம்... கடந்த தலைமுறையிலிருந்து இன்றைய தலைமுறை வரை மனோகரா எக்ஸ்பிரஸிலும், கம்பன் எக்ஸ்பிரஸிலும் பயணம் செய்தவர்கள் அந்த நாட்களின் ஞாபகத்தைக் கிளறினால் எப்படியிக்கும்னு ஒரு யோசனைதான் தோன்றியது, ஆக !

மூச்சிரைத்த தொடர்வண்டி இனிமேலும் கனவிலாவது வருமா !?

இரயிலடி ஒரு நினைவலைகள் !

- அபுஇபுறாஹிம்
- நன்றி : காணொளி adiraiBBC

கம்பன் விரைவு இரயில் மீண்டு வருமா? - வேண்டுகோள் ! 10

அன்பின் அதிரைச் சமுகமே !

விழித்தெழுவோம் ஒன்றுபடுவோம்... இது தனிமனிதனின் கோரிக்கையல்ல நம்மூர் உறவுகளின் ஒவ்வொருவரின் அடிப்படை உரிமையை வென்றெடுக்கும் கோரிக்கை, கிடைத்திருக்கும் இந்த வலைப்பூக்களின் விரிவாக்கத்தினை கொண்டு திரண்டெழுவோம் ஒன்று திரளுவோம் கொட்டி கொட்டிக் கொடுக்கும் நமது அன்னியச் செலவாவனிக்கு நாம் தான் கேள்விகள் கேட்கவேண்டும்.

அதிரைச் சகோதரர் அப்துல் ரஜாக் (media CHASECOM Service P.Ltd.) இந்திய இறையான்மை வழங்கியிருக்கும் தகவல் அறியும் உரிமைச் சட்டத்தின் கீழ் விளக்கம் கேட்டு மனுதாக்கல் செய்திருக்கிறார்கள் நிச்சயம் இவர்களின் மனுக்கு பதில் தந்தே ஆகவேண்டும் இதற்கு தென்னக ரயில்வே தப்பிக்க முடியாது.

இம்முயற்சிக்கு ஏதும் கைவிட்டுப் போகவில்லை, வெளிநாடுகளில் வாழும் அதிரைச் சமூக சகோதரர்களே, உங்களில் ஒன்றினைந்து அவரவர் வசிக்கும் நாடுகளில் இருக்கும் இந்தியத் தூரகத்திற்கு சென்று முறையாக அவர்களின் மூலமாக இந்திய தென்னக ரயில்வேயிக்கும், மத்திய இரயில்வே மந்திரிக்கும், தமிழக முதல்வருக்கும் தொடர்ந்து மனுக்களை அனுப்ப முயற்சிக்கவும்.

இங்கே கீழ் வைக்கப் பாட்டிருக்கும் கோரிக்கையால் தனிமனிதனோ அல்லது தனிப்பட்ட வர்க்கமோ பயனடையப்போவதில்லை, ஒவ்வொரு அதிரைப்பட்டினத்தில் வீடு வைத்திருக்கும் வெளிநாட்டுவாழ்  மற்றும்  வெளியூர்களில் வாழ்ந்து வரும் அதிரை சகோதரர்களின் நலன் கருதியே என்று களம் காண்போமே.... இன்ஷா அல்லாஹ்!

---------------

அஸ்ஸலாமு அலைக்கும்,

திருவாரூர் காரைக்குடி அகல ரயில் பாதை திட்டம் கடந்த 2011 - 2012 வரவு செலவு திட்டத்திலும் சேர்க்கப்படவில்லை என்பதை நாம் அறிந்ததே... தற்போதைய சூழ்நிலையை பார்த்தால் அடுத்த 3 ஆண்டுகளிலும் இதற்க்கான வாய்ப்பு தெரியவில்லை.இருந்த போதிலும் முயற்ச்சியை கை விட கூடாது, மேலும் உண்மை நிலவரத்தை அறியவும், ," தகவல் அறியும் உரிமை" ( Right to Information Act ) சட்டத்தின் கீழ் , ரயில்வே நிர்வாகத்திற்கு மனு எழுதி நேற்றைய தினதன்று அனுப்பியுள்ளோம்.. இதற்க்கான பதில் 45 நாட்காளில் பதிலை ரயில்வே நிர்வாகம் கொடுத்தாக வேண்டும்.அதன் அடிப்படையில் மேற்கொண்டு நம் முயற்சியை தொடருவோம்.

வெளி நாடுகளில் வசிக்கும் சகோதர்களுக்கு , சிறிய வேண்டுகோள் :

அங்குள்ள பொது அமைப்பின் மூலமாக, Ministry of Foriegn Affairs, Ministry of Railways, & Chief Minister of Tamil nadu இவர்களுக்கு நமது அகல ரயில் பாதை கோரிகையை அங்குள்ள EMABSSAY மூலமாக தொடர்ந்து அனுப்பிவைக்க வேண்டுகிறோம்..

ஓன்றுபட்டு முயற்சி செய்தால் இன்ஷா அல்லாஹ் நம் நல்ல சிந்தனைகள் செயல் வடிவம் பெரும்.

தங்கள் அன்புள்ள

ABDUL RAZAK

Media CHASECOM Services P.Ltd.

0091 - 44 - 42052222

இணைப்பு: தகவல் அறியும் உரிமை கோரிக்கைக்கான மனுவின் நகல்

தேர்தல் நேரம் என்பதால் பொய் வாக்குறுதிகளை நம்பி ஏமாற்றமடைய வேண்டாம். ஆளும் மற்றும் எதிர்க்கட்சிகளில் உள்ள அன்பு பாசமிகு உறவுகள் வந்து நம்மிடையே நம்பிக்கையூட்டும். மக்களே ஏமாறவேண்டாம். அன்னிய செலாவனியை அள்ளிகொடுக்கும் வெளிநாட்டு வாழ் அதிரைவாசிகளே இந்த கோரிக்கைக்கு வலு சேர்பதற்காக ஓர் இணையப் புரட்சியில் ஈடுபடுவது காலத்தின் கட்டாயம்.

கடந்த வருடம் அதிரையில் இரயில் மறியல் போராட்டம் நடைப்பெற ஏற்பாடுகள் அதிரைவாசிகளால் செய்யப்பட்டு சில அரசியல் சூழ்ச்சிகளால் முறியடிக்கப்பட்டது, இது தொடர்பான செய்தியை நம் அதிரைநிருபரி. வெளியிட்டோம், மீண்டும் இந்த சுட்டிக்கு சென்று பாருங்கள்.

சரி இனி பூனைக்கு யார் மணி கட்டுவது?

கட்டுவோம்.... இன்ஷா அல்லாஹ், இது  தொடர்பான பின்னூட்டங்களும், தொடர்ந்து வரும் ஆக்கங்களும் நிச்சயம் புனைக்கு மட்டுமல்ல புலிக்கும் மணிகட்டும்.

- அதிரைநிருபர் குழு

நன்றி; அதிரை போஸ்ட்

              http://adiraipost.blogspot.com/2011/03/blog-post.html

புகைப்படம்; சகோதரர் ஜாஹிர் ஹுசைன்

எங்கே செல்கிறது இந்த பாதை? பகுதி - 3 14

நேற்று அதிரையில் இரயில் மறியல் போராட்டம் இனிதே நடைபெற்றது என்பது அதிரைவாசிகள் நாம் அறிந்தது.                                                         

                                                                          

அரசிடம் பல கோரிக்கைகள் வைக்கப்பட்டு இன்னும் கண்டுக்கொள்ளப்படாத நம் பகுதி அகல இரயில் பாதை போக்குவரத்தை மீண்டும் எற்படுத்துவதற்காக இந்த இரயில் மறியல் போராட்டம் நடத்தப்பட்டது.

பொதுமக்கள் 250 பேர் கூடிய கூட்டத்தில் 20 பேர் மட்டுமே கைதானார்கள், மற்றவர்கள் தாங்கள் கைது செய்யப்படுவதை விரும்பவில்லை. கைது செய்யப்பட்டவர்கள் அன்று இரவு 9.00 மணியளவில் தான் விடுதலை செய்யப்பட்டார்கள். இது அதிரை பொது மக்களால் ஏற்பாடு செய்யப்பட்ட போரட்டம், எந்த தனிப்பட்ட இயக்கத்தால் நடத்தப்பட்ட போராட்டம் அல்ல என்பது அதிரை மக்களுக்கும். காவல்துறைக்கும் நன்றாக தெரியும்.

ஊருக்கு நல்லது நடப்பதற்கு ஒரு போராட்டம் நடைப்பெறுவதற்கு எவ்வளவு எதிர்ப்புகள் அதிரை அரசியல் வட்டாரத்தில் காட்டப்பட்டுள்ளதை நேற்றய இரயில் போராட்டத்தை முறியடிப்பதற்காக காவல்துறையினரின் கடைசி நேர கொடுபிடிகள் ஊர்ஜிதப்படுத்தியுள்ளதாக கைதான அன்பு சகோதரர்கள் வேதனையுடன் தெரிவித்தார்கள்..

ஆட்சி அதிரகாரத்தில் இருப்பதால் நிறுத்தப்பட்ட இரயில் போக்குவரத்தை மீண்டும் எற்படுத்துவதற்காக வீதீயில் வந்து போராடக்கூடாது என்று வேடிக்கை காட்டிவரும் இந்த ஆளும் மற்றும் ஆளாத அரசியல்வாதிகள் எப்போது திருந்தப் போகிறார்களோ, தெரியவில்லை.

பொது நலனுக்காக மக்களை ஒன்று சேர விடாத அரசியல்வாதிகளை இன்னுமா நாம் நம்பிக்கொண்டிக்க வேண்டும்?

எப்போது நம்மூர் இரயிலடி அதிரைவாசிகளை வழியனுப்பி,  வரவேற்கப் போகிறது?

எங்கே செல்கிறது நம் பாதை????????????????????????

தகவல்: தாஜுதீன்

ஜூன் 30, 2010