மூவண்ணக் கொடியைக் கண்டேன்! 30

               புலர்காலைப் பொழுதினிலே கிழக்கு நோக்கிப் 
புறப்பட்டேன் நடைபயில வீட்டை விட்டு 
மலர்மாலை கோத்ததுபோல் மக்கள் கூட்டம்
மருங்கினிலே நடந்துசெலும் காட்சி கண்டேன்
சிலர்வருவார் சிலர்போவார் எல்லா ருக்கும் 
சிந்தனையோ நடைபயிலல் ஒன்றே யாகும்
பலர்வாழும் நம்நாட்டின் பெருமை எல்லாம்
பதிவாக நான்எண்ணி நடந்து சென்றேன்.

பக்கத்து நெல்வயலில் நாற்றின் காட்சி
பசுமையுடன் தோன்றியதை மகிழ்ந்து கண்டேன்
கொக்கொன்று எங்கிருந்தோ பறந்து வந்து 
குறியாக வயல்நடுவில் அமர்ந்த பின்னர் 
பொக்கென்று பின்பற்றிக் கொக்கின் கூட்டம் 
புதிதாக அணியணியாய் அமர்ந்த தன்றே
இக்காட்சி இதயத்தில் பதிந்த போதில் 
இன்னொன்றும் நடந்ததங்கு வியக்கும் வண்ணம்! 

சிந்தனையின் வயப்பட்டேன் கிழக்கு வானில்
செங்கதிரால் இவ்வுலகை வண்ணம் தீட்டச் 
செந்தழலின் உந்திவரும் இனிய தோற்றம் 
செழுமையுடன் தோன்றிடவே உவகை கொண்டேன்
உந்தியெழும் உணர்வாலே பெருமை கொண்டேன்
உலகெங்கும் புகழ்பரப்பி உயர்ந்து நிற்கும் 
இந்தியாவின் மூவண்ணக் கொடியைப் போன்றே
இக்காட்சி இருந்ததனை உளத்தில் கொண்டேன்.

கொடிநடுவில் சக்கரத்தைக் காணோம் என்று
கூர்ந்தேயான் வெண்ணிறத்தைப் பார்த்த போது 
துடிப்பான பையனொரு கல்லைத் தூக்கித் 
தொலைவிருந்து கொக்குகளை நோக்கி வீச 
நடுப்பகுதிக் கொக்கெல்லாம் பறந்த போது 
நன்றாக வட்டமொன்று சக்க ரம்போல் 
வடிவாகக் கண்டதனை வியந்து நின்றேன்
வயல்நடுவில் மூவண்ணக் கொடியைக் கண்டேன்!

அதிரை அஹ்மது

அதிரையில் :: இதமான மழை கனமான இடி ! 1

அதிரையில் இன்று (15-08-2012) நள்ளிரவு 12:45am யிலிருந்து இதமான மழையுடன் தொடர் மின்னலும் கனமான இடியும் தொடர்ந்தது...

மின்சாரத்திற்கு சொல்லவே வேண்டாம் ஓடி ஒளிந்து கொள்ள, பாவம் அதுவும் என்னதான் செய்யும் கண்கள் கூசியிருக்கும் இந்த மின்னலுக்கு பக்கத்தில் அதனால் நிற்கவா முடியும் !

இவைகள் அனைத்து படைத்தவனின் புறத்திலிருந்து வரும் நிகழ்வுகளே...

இதில் படிப்பினைகள் ஏராளம் நமக்கு உண்டு !

கையடக்க கேமரா கைவசம் இருந்ததால், அந்த மின்னலை பிடித்து அதிரைக்கு மின்சாரம் கொடுக்க முயற்சித்தோம் முடியவில்லை ! மின்னலின் ஒளியை உங்களால் பிடிக்க முடிகிறதா என்று பாருங்களேன் இந்த காணொளிச் சர சர சர சத்தத்தில்.

மின்னல் வேகத்தில் காணொளியும் இணையத்தின் உதவியால் !

அதிரைநிருபர் குழு

1947 ஆகஸ்ட் 15 - பழைய பேப்பர் ! 3

அமைதியான, மதக்கலவரங்களில்லாத, ஒருவருக்கொருவர் பரஸ்பரம் சகோதரத்துடன் (அவர்கள் யாராக இருப்பினும் சரியே; இந்தியனாக இருந்தால் மட்டும் போதும்) இறுதியில் நாம் உலகைவிட்டு செல்லும் பொழுது எதை எடுத்துச் செல்லப்போகிறோம் என்ற உயர்ந்த மனப்பான்மையுடன் வாழக்கூடிய, தீண்டாமை என்னும் கொடுந்தீயை அழித்து; மாசு படிந்துள்ள இந்த மனித உள்ளங்களில் உள்ள தூசுக்களை சுத்தம் செய்து, பார்வைக்குறைவான நம் அகக்கண்களுக்கு, இறைவன் நமக்களித்த அருட்கொடையாம் பகுத்தறிவு என்னும் கண்ணாடி அணிந்து தெளிவான உலகை காண புறப்படுவோம்.

இஸ்லாமியர்களின் தன்னலமற்ற சுந்தந்திர போராட்டம் இந்திய சகோதரர்கள் அனைவரோடும் சேர்ந்து ஓரணியில் ஆங்கிலேய ஏகாதிபத்யத்திடமிருந்து தன் குருதிகளை விலையாகக் கொடுத்து நம் முன்னோர்கள் பெற்றுத்தந்த இவ்விலை மதிப்பில்லாத சுதந்திரம் என்னும் பொக்கிஷத்தை வானில் வட்டமிடும் கழுகுகளிடமிருந்தும் இனவெறியைத் தூண்டும் கயவர்களிடமிருந்தும், மதவெறிக்கு எண்ணை ஊற்றும் எத்தர்களிடமிருந்தும் தன் பிஞ்சு குஞ்சுகளை தன் மிருதுவான இறக்கைகளுக்குள் பாதுகாக்கும் கோழிகளைப்போல் நாம் நம் இந்திய நாட்டின் சுதந்திரத்தை பாதுகாப்போம்; சபதமேற்போம்.

நமது இஸ்லாமிய சகோதரர்கள் தியாகத்தை எடுத்துரைப்போம், மண்ணின் மைந்தர்களாக கோலோச்சிய நம் சகோதரர்கள் அனைவரையும் நினைவு கூறுவோம்.

இந்த பொன்னான தருனத்தில் உலகில் நாம் எந்த மூளையில் இருந்தாலும் சரியே. 

இந்திய சுதந்திரன தின கொண்டாட்டங்கள் கலைகட்டிருக்கும் இந்தியாவின் முதல் சுதந்திர தின கொண்டாட்டத்தை இங்கே காணலாம்.

சுதந்திரம் கொடுத்த ஆங்கிலேயர்களுடன் முதல் பிரதமர் ஜவஹர்லால் நேரு

அணிவகுப்பை பார்வையிடுவதற்காக சாலையின் இருபுறங்களிலும் குவிந்த மக்கள்

எந்தவித தீவிரவாத மிரட்டலும் இன்றி பாதுகாப்பு வளையமில்லாத ஒரு அணிவகுப்பு படையினர்

அப்துல் மாலிக் 

Sha an Sha [Mens Way] - தொழில் முனைவோர் ! 18

அதிரை சகோதரர்களின் புதிய தொழில் முனைவோர் என்ற வரிசையில் அதிரைநிருபரில் தொடர் பதிவுகளாக பதிந்து வருகிறோம், இவ்வாறான பதிவுகள் சுயதொழில் முனைவோரை ஊக்கப்படுத்துவதற்கே அன்றி தனிப்பட்ட விளம்பரமாக அல்ல. இன்றைய இளைய சமுதாயத்தினரை நாம் நிச்சயம் வரவேற்பதிலும் ஊக்கப்படுத்துவதிலும் முன் நிற்க வேண்டும் என்பதை என்றும் நினைவூட்டுகிறோம்.

அதிரையில் Sha an Sha (mens way) என்ற தையல் ஆடையகம் ஆண்கள் மற்றும் பள்ளி குழந்தைகளுகான ஆடைகள் வடிவமைத்து தரமான மேல்சட்டைகளை (shirts) வாடிக்கையாளர்களின் ரசனைக்கேற்பவும் புதிய ஃபேஷன்ஸ்களுக்கு ஏற்ப அவர்களின் தேவைகள பூர்த்தி செய்து வருகின்றனர். இந்த ஆண்களுக்கான தையல் ஆடையகம் அதிரையைச் சார்ந்த சகோதரர் H. ஷேக் ஷமீம் (S.K.M.ஹாஜா முகைதீன் சார் அவகளின் இளைய மகன்)  அவர்களால் கடந்த 11 வருடங்களுக்கு மேலாக தொடங்கி வெற்றிகரமாக செயல்பட்டு வருகிறது. சென்னை, திருச்சி, மதுரை, கோயம்புத்தூர் போன்ற பிரபலமான நகரங்களில் இருக்கும் ஆயத்த ஆடை நிறுவனங்களுக்கும் (readymade mens wear shop) அவர்களின் ஆர்டர்களுக்கு ஏற்ப செய்து கொடுக்கும் அனுபவமும், உள்ளூரிலேயே நமது சகோதரர்களின் ரசனைக்கேற்றார்போல் மேலாடைகளை வடிவமைப்பதில் மிகச் சிறந்த அனுபவும் உடையவர்களால் செயல்படுகிறது.

Sha an Sha - Mens Way :: சிறப்பம்சங்கள்.

• தேவையான டிசைனகளின், சூழலுக்கு ஏற்றார்போல் 300க்கு மேற்பட்ட டிசைன்களில் சட்டை துணிகள் அனைத்தும் கிடைக்கிறது
• இந்தியா மற்றும் உலகின் தரமான பிராண்டட் துணிகள் இங்கு கிடைக்கும், (காட்டு: Raymonds, Aravind, Vaneri, Monti, Cotton Fitio, Villa Italiya, Shoktas, Linon adithya, birla, Bombay dyeing, Bomday lying, Vimal மற்றும் பல பிராண்ட் மேலாடைகளுக்கான துணிமனிகள் கிடைக்கும்.
• அதீதமாக நிலான் காட்டன் துணிகள் இங்கு மட்டுமே மிகக்குறைவான விலையில் கிடைக்கிறது.
• மிகக் குறைந்த விலையில் தரமான துணிகளை தைக்கும் இடத்திலேயே தேர்ந்தெடுக்கும் வசதி.
• பள்ளிச் சீருடைகளை சிறுவர்களின் மிடுக்கான தோற்றத்தை எடுத்துக் காட்டும் திறன்
• ஆண்களின் எடுப்பான தோற்றத்தை மிளிர வைக்கும் நேர்த்தியான தையல் வேலைபாடுகள்
• சீதோஷன சூழலுக்கு ஏற்றார்போல் உடுத்திக் கொள்ள ஆடைகளின் வகைப்படுத்தல்
• கல்யாண சீசன் ஆர்டர்கள் சிறப்புடனும் நேர்த்தியாகவும் செய்து கொடுப்பது.
• பெருநாட்களுக்கென்று மேலதிகமான டிசைன்களின் கலெக்க்ஷன்ஸ்.
• அதிரை மற்றும் சுற்று வட்டார ஊர்களின் இளைஞர்களின் மேலாடைகளின் சங்கமம்
• தேடிவரும் வாடிக்கையாளர்களிடம் தன்மையான அனுமுறை
• நேரில் வருகை தருவோருக்கு கிடைக்கும் திருப்தியே சாட்சி இதன் சிறப்பம்சங்களை சொல்ல.
• குறிப்பிட்டு சொல்ல வேண்டுமானால், வெளிநாடு வாழ் அதிரை மற்றும் சுற்று வட்டார ஊர்களின் இளைஞர்கள் மிகவும் விரும்பும் ஆண்களின ஆடையகம் இது ஒன்றே ! 
• சமீம் அவர்களின் கைத்திறனாலும், திறமை வாய்ந்த தையல் கலைஞர்களின் வேலைப்பாடுகள் இந்த ஆடையகத்தின் தரத்தை தூக்கி நிறுத்தி வைத்திருப்பதை மறுக்க இயலாது. 

உள்ளூரிலேயே லேட்டஸ்ட் ஃபேஷன்களில் வெளிவரும் அனைத்து வகையான மேலாடைகளின் துணிகளை ஒரே இடத்தில் கிடைத்திட வகைசெய்திருக்கும் இந்த ஸ்தாபனத்தை தேவையுடையவர்கள் பயன்படுத்திக் கொள்ள வேண்டும். இதெற்கென சிரத்தை எடுத்து அருகில் உள்ள ஊர்களுக்கு சென்று அலைவதிலிருந்தும் நேரம் மிச்சவாதையும் மனதில் கொண்டு அதிரை மற்றும் அதன் சுற்று வட்டாரத்தை சார்ந்த சகோதரர்கள் பயனடைய நல்ல சந்தர்ப்பம்.

இளைஞர்கள் மட்டுமல்ல ஆண்களில் அனைத்து வயதினருக்கும் பொருத்தமான மேலாடைகள் (shirts) ஒரே இடத்தில் கிடைப்பதால் அவர்களின் தேடலுக்கு நல்ல இடமென்று நம்பலாம்.

 மேலும் விபரங்களுக்கும் கீழ் உள்ள முகவரியை தொடர்பு கொள்ளலாம்.

Sha an Sha - Mens Way

6-E Rich Comples, Sethu Road, (ECR road) - காதிர் முகைதீன் கல்லூரி சாலை

Adirampattinam, 614 701 , Thanjavur District.

Phone: +91 99654 97583

இந்த சுட்டியையும் சுட்டிப் பார்த்திடுங்களேன் : http://adirainirubar.blogspot.com/2010/11/blog-post_8374.html

அதிரைநிருபர் குழு

நிலவே! நீதான் பிறையா !? 9

நிலா நிலா - ஓடிவா

நில்லாமல் - ஓடிவா !

மலை மீது - ஏறிவா

மல்லிகைப் பூ - கொண்டுவா !

- நினைவில் இருக்கும் சிறு வயதுப் பாடல்

நிலவு, நிலா என்று கவிதைகளிலும் கதைகளிலும் கதாநாயகியாக சித்தரிக்கப்படும் சந்திரன், இதுதான் பூமிக்கு மிக அருகாமையில் (சுமார் 4,06,899 கிலோ மீட்டர் தூரம்) இருப்பதால் நாம் தினமும் சர்வ சாதாரணமாக கண்களால் பார்க்கக் கூடிய ஒன்றாகத் தெரிகிறது. பூமியை நான்காகப் பிரித்து மூன்று பங்கை நாம் (மனைகளாக) வைத்துகொண்டால் பாக்கி என்னவோ அதுதான் நிலவின் சுற்றளவு , அதாவது சுமார் 10,927 கிலோ மீட்டர் சுற்றளவு கொண்டதுதான் அந்த நிலா. அட! நமதூர் நிலங்களை வாங்கி விற்கும் ப்ரோக்கர்களை அங்கு அனுப்பினால் கிடைக்கின்ற இடங்களை அங்கு சிறு சிறு பாகங்களாக, சந்தும் பொந்துமாக, சாக்கடை ஓடக்கூட வழிவைக்காமல் துண்டு துண்டாக மனை போட்டுவிடுவார்கள்!.

நிலவை உற்று நோக்கினால் வட்டவடிவப் பகுதிக்கு நடுவே சிறு சிறு துகல்கள் போல் மங்கலாகக் கருப்பாக தெரியும் அது நிலவில் உள்ள மலைப் பகுதிகள். அந்த மலைப் பகுதி சூரிய வெளிச்சத்தை அதிகமாகப் பிரதிபலிக்காததால் நமக்குக் கருமை நிரமாகத் தெரிகின்றது நமது பூமியில் உள்ள மலைச் சிகரங்களில் மிக உயரமானது இமயமலையில் உள்ள everest சிகரம்.அதன் உயரம் 8,848 மீட்டர் (1955 ஆம் ஆண்டு இந்தியாவால் அளக்கப்பட்டது) ஆனால் நிலவில் உள்ள லைப்ரிட்ஸ் என்னும் மலை கிட்டத்தட்ட 10,600 மீட்டராகும். நிலவில் 120 டெசிபலை (நம் காதுகள் இந்த சப்தத்தில் செவிடாகிவிடும்) சப்தம் போட்டாலும் வெளியோ கேட்காது (நமதூர் குற்றால குளியல் பர்ட்டிகளின் சப்தமெல்லாம் அங்கு எடுபடாது) காரணம் சப்தத்தை கடத்த அங்கு அசைந்தாடும் காற்று இல்லை.

சூரிய ஒளி நிலவில் பட்டு அது பூமிக்கு வந்து சேர 1.3 வினாடிகள் ஆகிறது அதே சூரிய ஒளி சூரியனில் இருந்து நேரடியாக பூமிக்கு வர பல நிமிடங்கள் ஆகும் காரணம் சூரியன் தூரத்தில் இருப்பதால் வெளிச்சம் வந்து சேர தாமதம் ஆகும். சூரியன் அதே நிலவு இருக்கும் தூரத்தில் இருந்தால் (பூமி) நமலேல்லாம் கரிக்கட்டைதான் (அந்தோ கபாப் தான் போங்கள்)!. நிலவிலும் பூமியில் இருப்பது போல் எரிமலைகள் உள்ளன அதில் ஒலிம்பஸ் மான்ஸ் என்ற எரிமலை 3 கிலோ மீட்டர் உயரமும் 600  கிலோ மீட்டர் அகலமும் கொண்டது. 

நிலவு பூமியை ஒரு முறை சுற்றி வர 27 நாட்களும் 7 மணி நேரமும் 43 நிமிடங்களும் 11. 47 வினாடிகளும் ஆகும். நிலவின் இழுவிசை பூமின் இழுவிசையில் ஆறில் ஒரு பங்குதான். நாம் நிலவில் நின்று கொண்டு துள்ளிக் குதித்தால் அப்படியே ஸ்லோ மோஷனில் மேலும் கீழும் மிதந்து வருவோம்! நிலவு பூமியை மணிக்கு 3,700 கிலோ மீட்டர் வேகத்தில் சுற்றி வருகின்றது. சாதாரணமாக பயணிகள் விமானம் அதிகபட்சமாக 1000 கிலோ மீட்டர் வேகத்திற்குள் தான் பறக்கும். 

சில நேரங்களில் வானில் மேகமூட்டம் காணப்படுவதால் பிறையைக் காண்பதில் சிரமம் ஏற்படும் இது போன்ற நேரங்களில் நாம் சிறுவயதில் யோசிப்போமே நமது விமானப்படை விமானங்கள் மூலம் மேக மூட்டத்தை விளக்கிச் சென்று மறைந்திருக்கும் பிறையைப் பார்க்க ஏற்பாடுகள் செய்தால் நோன்பு வைப்பதிலும் பெருநாள் கொண்டாடுவதிலும் உள்ள பெரும் குழப்பங்கள் தடுக்கப்படலாம் அல்லவா என்று ? ஆனால் நமது நாட்டு விமானப்படை மிக்20 மற்றும் மிராஜ் 2000 ரக அதி நவீன போர் விமானங்களைத் துரு பிடித்துத் தூக்கி போடுவார்களே தவிர இதுபோன்ற காரியங்களுக்குப் பயன் படுத்தவே மாட்டார்கள் என்பது மட்டும் நிச்சயம். அது நம் சிறுவயது கனவுதான்.

சவுதியில் இருந்து நம்மைத் தாண்டி (இந்தியாவை) இருக்கும் சிங்கப்பூர் மலேசியாவில் எல்லாம் சவுதியில் நோன்பு என்றால் அங்கும் நோன்பு, சவுதியில் பெருநாள் என்றால் அங்கும் பெருநாள் கொண்டாடி விடுகின்றனர். அங்கு எந்த குழப்பமும் கிடையாது. ஆனால், நாம் மட்டும் (இந்தியாவில்) இரண்டு பெருநாள் மூன்று பெருநாள் என்று ஆளுக்கு ஒரு இயக்கப் பெருநாள் கொண்டாடி நம் ஒற்றுமையை உருக்குலைத்துக் கொள்கின்றோம்.

இந்த நோன்புப் பெருநாள் தினத்திலிருந்து நம் ஒற்றுமையை நிலை நாட்டிட நாம் அனைத்து முஹல்லாக்களும் ஒன்று சேர்ந்து ஒரு நல்ல முடிவை எட்டுவதற்கு இன்னும் கால அவகாசம் உள்ளது. ஒற்றுமை என்னும் ஒற்றைச் சொல்லை எட்டிப் பிடிப்போமா ?

மெய்யாலுமே இது ஒரு மீள்பதிவுதானுங்க !

Sஹமீத்

கவிதை, ஓர் இஸ்லாமியப் பார்வை – 26 13

தமிழ் மண்ணில் கவியரங்குகள் அறவே நடைபெறாத காலம் அது!  சுமார் 1950களில் என்று சொல்லலாம்.  இந்தியாவின் வட பகுதியிலும், ஹைதராபாத் பெங்களூர் போன்ற உர்தூ பேசும் தென்பகுதிகளிலும், ‘முஷாயிரா’க்கள் எனும் உர்தூக் கவியரங்குகள் பல்லாண்டுகளாக வழக்கமாக நடைபெற்று வந்துள்ளன.  அம்மரபைப் பின்பற்றி, தமிழைத் தாய்மொழியாகவும், உர்துவைப் பேச்சுமொழியாகவும் கொண்டுள்ள தமிழகத்தின் வட ஆர்க்காட்டு முஸ்லிம்களும் ‘முஷாயிரா’க்கள் நடத்திவந்தனர்.  அந்தக் காலகட்டத்தில்தான் ‘இறையருள் கவிமணி’ அவர்கள் வாணியம்பாடி இஸ்லாமியா கல்லூரியில் தமிழ்ப் பேராசிரியராகப் பணியை மேற்கொண்டார்கள்.

‘கருவிலே திருவான’ கவிஞர் அல்லவா?  ‘இந்த முறையைத் தமிழ் கூறும் நல்லுலகிலும் அறிமுகப் படுத்தினால் என்ன?’ என்ற எண்ணம் தோன்றவே, தமிழ்நாட்டில் தமிழ்க் கவியரங்கிற்கு வித்திட்டுவிட்டார் நம் பேராசிரியர்.  பெரிய அளவிலான மாநாடுகளின் கவியரங்கத் தலைமைப் பொறுப்பு, பேராசிரியருக்கு வழங்கப்பட்டது.  அப்பொறுப்பினைத் திறம்பட நிறைவேற்றி, 1990வரை கவியரங்கத் தலைமைக்கு ‘இறையருள் கவிமணி’யே தகுமானவர் என்ற நிலை நீடித்தது.  அன்னாரின் கவியரங்கக் கவிதைகளின் தொகுப்பு, ‘தலைப் பா’ எனும் பெயரில் நூலுருவில் வந்துள்ளது.  அதில் மூழ்கி எடுத்த முத்துகளே பின்வரும் கருத்துக் கோவை.

இறையச்சமும் இறைநினைவும் இன்றி வாழும் மக்களைப் பற்றி எண்ணிக் கவலைப்பட்ட இறையருள் கவிமணியார்,

                    “கலியாட்டே மிகுந்தின்று காவலனை மறந்துள்ளோம்

                    புலிவாழும் குகைகளிலே பூனைகளாய்க் கிடக்கின்றோம்”

என்று சலித்துப் பாடுகின்றார்.  அந்த இழிநிலையினைப் போக்க வழி வகுத்துத் தருகின்றார் பின்வரும் அடிகளில்:

                   “இதயந் திறந்து இறைவனை வேண்டுவோம்!

                   அனைத்துப் புகழும் அல்லாஹ் வுக்கே

                   அனைத்தையும் காக்கும் ஆண்டவன் ஒருவன்

                   அவனையே நாடினால் அனைத்துமே பெறலாம்

                   அவனையே மாற்றினால் நம்மையே மாற்றுவோம்!”  

இக்கவியடிகளுள் இறுதி அடியைக் கவனியுங்கள்.  அதில் ஓர் இலக்கிய நயம்  பொதிந்துள்ளது.  ‘அவனையே’ என்பதை, ‘அவனை+ஏ’ எனப் பிரித்து, ‘அவனை ஏமாற்றினால்’ என்றும், ‘நம்மையே’ என்பதை, ‘நம்மை+ஏ’ எனப் பிரித்து, ‘நம்மை ஏமாற்றினால்’   என்றும் இலக்கிய நயம்பட விரித்துரைக்கும் தனித் திறன் பேராசிரியருக்குக் கைவந்த கலையாகும்.

மக்களுக்கு நீதியைக் கற்பிப்பதில் கதைகளுக்கும் கட்டுரைகளுக்கும் இருக்கும் வீரியத்தைவிடக் கவிதைகளின் வீரியம் கூடுதலானது என்பதை இலக்கிய வல்லார் இயம்புவர்.  இவ்வுண்மை, சங்கப் பாடல்கள் மூலமும் நம் சமகாலப் பாடல்கள் மூலமும் தெளிவாக உணரப்படும் ஒன்றாகும்.  ‘இறையருள் கவிமணி’ அவர்களின் நிறையருள் கவியடிகளில் இது போன்று அறவுரைக் கவிகளாகப் பதிவாகியுள்ளதை நாம் காணலாம்.

                    “நம்நிழலை நாம்தொடர்ந்தால் நாமதனைப் பிடிக்கமாட்டோம்

                    நம்போக்கில் நாம்நடந்தால் நிழல்நம்மைத் தொடர்ந்துவரும்.”

எத்துணை அற்புதமான அறிவுரை!

நபிவழியை நம் வாழ்க்கை நெறியாகக் கொள்வதன் தேவையை இனிமையுறப் பாடுவார் இறையருட்கவிமணியார்:

                   “‘நானாடி’ எனநவின்ற நபிகள்பிரான் நல்லுரைமுன்

                   தீனாடி நின்றிடுவோர் திகழழகை நோக்கிடுவோம்

                   ஊனோடும் உயிரோடும் உலகோடும் உறவாடும்

                   தேனோடும் உரையாடும் திருநபியின் மொழிகற்போம்

                   வளங்காணும் வாழ்வினிக்க வள்ளல்நபி வழிநிற்போம்

                   உளம்வாழும் நிலைகாண உயர்மறையின் நெறிச்செல்வோம்”

திருமறை நெறி முறையையும் திருநபி வழிமுறையையும் கற்று, அவற்றின்படி நிற்றலின் தேவையைப் பாடும் முறை, படித்துப் பின்பற்றத் தக்கது.  (நானாடி = நான் + ஆடி = நான் கண்ணாடி, தீனாடி = தீன் + நாடி = மார்க்கத்தை நாடி, தேனோடும் = தேன் + ஓடும்)

நபியவர்களின் ஒப்பற்ற மேன்மைத் தன்மையினை விளக்க, கீழ்க்காணும் இரண்டடிகளில் இலகுவாகப் பாடுகின்றார்:

                  

“மானிடரின் உயர்வுக்கு மாநபியே சான்றாவார்

                   மானிடரின் இழிநிலைக்கு நாமின்று சான்றாவோம்.”  

நமது அழுகிய குணங்களால் நம் இழிநிலையும், நபியவர்களின் அழகிய குணங்களால் அவர்களின் உயர் நிலையும் ஒப்பு நோக்கிப் பாடுவது நம் சிந்தனைக்கு உரியவையாகும்.  இன்னும் இரண்டு வரிகளும் நம் சிந்தனைக்குரியவை:

                   “நற்குனத்தின் நாயகராம் நன்னபியார் பிறந்திலரேல்

                   கற்சிலைசெய் சிற்பிகளால் கல்மலைகள் மறைந்திருக்கும்.”

அன்று மக்காவில் இருந்த சிலை வணக்கம் மறைந்து போனதற்குக் காரணம், மாநபி (ஸல்) அவர்கள் பிறந்ததுதான் என்பதை இலக்கிய நயத்துடன் பாடும் விதம் படித்து மகிழத் தக்கது.  நபிகள் நாயகம் (ஸல்) அவர்கள் பிறந்திருக்காவிட்டால், மக்கத்து மலைகளெல்லாம் கற்சிலைகள் செய்வதற்காக உடைபட்டுச் சிலைகளாகச் செதுக்கப்பட்டிருக்குமாம்!  எத்துணை அழகிய கற்பனை!

இது போன்ற கற்பனை வளத்தினை வேறொரு கருத்தில் கவியரங்கில் பாடுகின்றார் பேராசிரியர்.  அது, பெருமானார் அவர்களை அருமைத் தோழர்கள் பின்பற்றிய விதம்  பற்றிக்  கூறுவதாகும்.

                             “ஊசியைத் தொடரும் நூலினைப் போன்று

                             காசிம் நபியைக் கருத்துடன் தொடர்ந்தனர்”

என்று அழகாகப் பாடுகின்றார்.  இவ்வரிகளைப் படிக்கும்போது, நமக்கும் அந்த நபியவர்கள்தாம் வழிகாட்டி; நாமும் அவர்களின் அடியொட்டியே வாழவேண்டும் என்ற இன்னுரையை வழங்குகின்றார் ‘இறையருட்கவிமணி’.

இனி, பேராசிரியரின் கவியரங்கப் பாடல்கள் செய்த சிந்தனைப் புரட்சி, கல்விச் சிந்தனை, கவிதை பற்றிய கருத்து, இஸ்லாமிய விழுமிய உணர்வு முதலானவற்றைப் பற்றி அடுத்த பதிவில் பார்ப்போம், இன்ஷா அல்லாஹ்.

அதிரை அஹ்மது

ஜக்காத் நிதிப் பங்கீடு ! 3

   أقيموا الصلات و أتواالزكاة  என்று அருளாளன் அல்லாஹ் கட்டளையிட்டிருப்பது, வசதி பெற்றோரின் வருமானத்தின் ஒரு பகுதியானது தேவையுடையோருக்கு உரிய நேரத்தில் போய்ச் சேர்ந்துவிட வேண்டும் என்பதற்காகவே.  எவ்வாறு தொழுகையானது அதனதன் நேரத்தில் உடனடியாக நிறைவேற்றப்பட வேண்டுமோ, அது போன்றதுதான் ஜக்காத்தும் என்பதற்காகவே, அல்லாஹ் தொழுகையுடன் ஜக்காத்தையும் சேர்த்துக் கூறியுள்ளான்.

‘கர்ழன் ஹஸனா’ எனும் அழகிய கடன் அறக்கட்டளையின் தோற்றம் பற்றிய அறிவிப்பைக் கேட்டவுடனேயே, இதில் ஜக்காத் நிதிப் பங்கீடும் ஓர் அங்கம் என்பதைத் தனித்தனியாக ஒவ்வொருவருக்கும் அறிவிக்காத நிலையிலும், இறையச்சமும் மார்க்கப் பற்றும் உடைய சகோதரர்கள் சிலர் எமக்குத் தத்தம் ஜக்காத் தொகைகளைத் தாராளமாக அனுப்பித் தந்தனர்.  மாஷா அல்லாஹ்!  இது, நாம் உரிய முறையில், உரியவர்களுக்கு, உரிய நேரத்தில் அத்தொகைகளைப் பங்கிட்டுக் கொடுத்துவிடுவோம் என்ற அவர்களின் நம்பிக்கையின் விளைவுதான் என்று கூற முடியும்.

நிர்வாகக் குழுவின் ஆலோசனைப்படியும், நெறியாளர்கள் மற்றும் ஆலிம்களின் வழிகாட்டலின்படியும், தேவையுடையோரைத் தேடிக் கண்டுபிடித்துக் கொண்டுபோய்க் கொடுக்கும் விதத்தில், ‘கர்ழன் ஹஸனா’வின் நிர்வாகிகளும் முக்கிய உறுப்பினர்களும் அவரவர் அறிந்த தேவையுடையோருக்கு ஜக்காத் நிதியைப் பங்கீடு செய்து கொடுக்கும் விதத்தில், தொகைகள் பிரித்துக் கொடுக்கப்பட்டு, அவர்களே ஏழை எளியோரைத் தேடிக் கொண்டுபோய்க் கொடுக்குமாறு பணிக்கப்பட்டார்கள்.  

இவ்வடிப்படையில் வழங்கப்பட்ட நிதிப் பங்கீட்டைப் பெற்றவர்கள் தம்மைப் பற்றிய விவரம் வெளியில் தெரிய விரும்பாதவர்கள் என்பதால், அவர்களின் பெயர்கள் வெளியிடப்படவில்லை.  எனினும், சமுதாய ஆர்வலரும் இணையதளப் பங்களிப்பாளருமான சகோ. சேக்கனா நிஜாம் அவர்கள் தாம் வசிக்கும் ‘பிலால் நகர்’ பகுதியில், ஏழைகளுக்குக் கொடுப்பதற்காகத் தமக்கு இந்த அறக்கட்டளையால் வழங்கப்பட்ட தொகை 5000 ரூபாயைப் பத்துப் பேருக்குத் தலா 500 ரூபாய் வீதம் பிரித்துக் கொடுத்து, அதனை இணையத்திலும் வெளியிட விரும்பினார்.  அதற்கு நாம் அனுமதியளித்தோம்.  காரணம், அங்கு வசிப்பவர்கள் பெரும்பாலான நமதூர்க்காரர்களுக்கு அறிமுகமற்றவர்கள்.  அவரின் பதிவு கீழே:

பிலால் நகர் – ஏழை எளியோர், முதியோர், நலிவுற்றோர், கணவனால் கைவிடப்பட்டோர், வட்டிக்கடனில் மூழ்கிருப்போர், அன்றாடம் தொழில்செய்து பிழைப்போர் என வாழ்ந்து வருகின்ற இப்பகுதிக்கு “கர்ழன் ஹஸனா” அழகிய கடன் அறக்கட்டளை சார்பாக அதன் நிர்வாகிகள் ரூ 5000/- ( ரூபாய் ஐந்து ஆயிரம் மட்டும் ) என்னிடம் வழங்கி அவற்றை நலிவுற்றோருக்கு வழங்கக் கேட்டுக்கொண்டனர்.

இதன் அடிப்படையில், கீழ்க்கண்ட பிலால் நகர் பகுதியைச் சார்ந்தவர்களைத் தேர்ந்தெடுத்து, தலா ரூபாய் 500/- வீதம் “கர்ழன் ஹஸனா” அழகிய கடன் அறக்கட்டளையின் தலைவர் சகோ. M.C. அலி அக்பர், செயலாளர் சகோ. M. I. ஜமால் முஹம்மது மற்றும் அதன் பொருளாளர் ஆசிரியர் A.M. மஹபூப் அலி ஆகியோர் முன்னிலையில் ஒவ்வொருக்கும் வழங்கப்பட்டுள்ளது.

1. சகோதரி ஜஹபர் – (முதியவர்- விதவை) 

2. சகோதரி சுல்தான் நாச்சியா – (கணவனால் கைவிடப்பட்ட பெண் - மூன்று பெண் குழந்தைகள் உள்ளனர் )

3. சகோதரி கபீரா – (ஏழைப்பெண்)

4. சகோதரி நாஜிரா – (கணவனால் கைவிடப்பட்ட பெண் - மூன்று குழந்தைகள் உள்ளனர்  - மீட்டர் வட்டிக்கடனில் மூழ்கியுள்ளவர்.)

5. சகோதரி  ஜஹபர் நாச்சியா – (முதியவர் – விதவை)  

6. சகோதரி பசீரா – (முதியவ௦ர் – விதவை)

7. சகோதரி ஹைரா – (நலிவுற்ற முதியவர் – விதவை)

8. சகோதரி கதீஜா – (மீட்டர் வட்டிக்கடனில் மூழ்கியுள்ளவர்) 

9. சகோதரர் ஹனீபா – ( ஐந்து பெண் குழந்தைகள் உள்ளனர் )

10. சகோதரி ஹவ்வா அம்மாள் – (முதியவர் – விதவை)

ஜகாத் நிதி உதவி செய்த பெயர் சொல்ல விரும்பாத சகோதரர்களுக்கும், “கர்ழன் ஹஸனா” அழகிய கடன் அறக்கட்டளையின் ஆலோசகர்கள், நிர்வாகிகள், உறுப்பினர்கள் என அனைவருக்கும் என் நன்றியையும் வாழ்த்தையும் அன்புடன் தெரிவித்துக்கொள்கிறேன்.

மேலும் இதுபோன்ற உதவிகள் மென்மேலும் “கர்ழன் ஹஸனா” அழகிய கடன் அறக்கட்டளையின் சார்பாக பிலால் நகரைப் போல மிகவும் பின்தங்கியுள்ள அதிரையின் பகுதிகளுக்கும் தொடர எல்லாம் வல்ல அல்லாஹ் நல்லுதவி புரியட்டும் என்று “துஆ” செய்தவனாக........

அன்புடன்,

சேக்கனா M. நிஜாம்  

ஜக்காத் நிதிகளை ‘கர்ழன் ஹஸனா’ நிர்வாகிகளை நம்பி அனுப்பித் தந்த அன்புச் சகோதரர்களுக்காக நாங்களும், நிதியைப் பெற்ற மக்களும் இதயம் கனிந்து துஆச் செய்கின்றோம்.

“யா அல்லாஹ்!  எழைகளின்பால் இரக்கம் கொண்ட இந்தச் சகோதரர்களுக்கு இம்மையிலும் மறுமையிலும் வளமான வாழ்க்கையைக் கொடுத்தருள்வாயாக!”

அதிரை அஹ்மது

ரமளான் காணொளி: நபி தோழர் ஸாத் பின் முஆத் (ரழி) 0

அல்லாஹ்வின் திருப்பெயரால்....

அல்லாஹ்வின் பேருதவியால் இந்த வருடம் ரமளான் மிகச் சிறப்பாக அனைவருக்கும் அமைந்திருக்கலாம் இன்ஷா அல்லாஹ்...

இன்றைய மார்க்க சொற்பொழிவு:

தலைப்பு: நபி தோழர் ஸாத் பின் முஆத் (ரழி)

உரை: சகோதரர் கோவை S அய்யூப்

ரமளானின் கடைசி பத்து - பழைய நினைவுகளிலிருந்து... 12

நினைவுகளோடு நீசசல்...

இறையருட்கொடைகளை நம்மீது குறைவின்றி பொழியும் இந்த புனித ரமழான் நம்மை விட்டு மெல்ல,மெல்ல நகர்ந்து கொண்டிருப்பதை அறியாமல் இறுதியில் நாம் ஒரு மாதம் செய்த நல்லமல்களுக்கு இறைவன் கொடுக்கும் கூலியாய் வரும் ஈத் பெருநாளை புதிய சட்டை, வேட்டி, தொப்பி, கைக்குட்டை, செருப்பு, நறுமண செண்ட், கைக்கடிகாரத்திற்காக சிறுவயது உள்ளம் பெருமிதம் கொண்டு பேரானந்தம் அடைந்து அந்த நாளை எண்ணி ஆவலுடன் எதிர்பார்த்திருக்கும் ஒரு காலத்தில்.

ஊரில் ஒவ்வொரு பள்ளிகளும் ஒரு மாத இரவுத் தொழுகையில் ஓதி வந்த திருக்குர்'ஆனை மெல்ல,மெல்ல முடித்து இறுதியில் 30வது ஜூஸ்வின் சிறிய சூராக்களை ஓத ஆரம்பிக்கும்.

ஊரில் சில பள்ளிகள் அலங்கரிக்கப்பட்டு 27ம் இரவு தொழுகைக்காகவும் அதற்குப்பின் இரவுத் தொழுகையில் ஓதி முடிக்கப்படும் திருக்குர்'ஆன் "தம்மாம்" விடப்பட்டு (சவுதி தம்மாம் அல்ல) இதுவரை தொழுகைக்கு கட் அடித்த பெருசு, சிறுசுகள் யாவும் பேணுதலுடன் அனைத்து ரக்காத்துக்களுடன் பிளஸ் மூன்றையும் தொழுது முடிக்கும். நல்ல பிரியாணி நார்சாவாய் பிளாஸ்டிக் பைக்குள் நைந்து கிடக்கும். வீடு செல்லும் வரை காத்திருக்காத சில உள்ளங்கள் மொளனமாய் அதை அங்கேயே பிரித்து மேயும்.

ஒரு பள்ளியில் வாங்கிய நார்சாவுடன் அடுத்த பள்ளிக்கு செல்ல நேரம்/வாய்ப்பு தேடும். கிடைத்தால் அதையும் நன்கு பயன்படுத்திக்கொள்ளும்.

தெரு தையல்கடைக்காரரின் கடையோ நியாயவிலைக்கடை (ரேசன்)போல் கூட்டம் அலைமோதி நிற்கும். சொன்ன தேதியில் அவர் துணிமணிகளை தைத்து கொடுத்து விட்டால் உள்ளம் அவரை கின்னஸ் புத்தகத்தில் வர வேண்டியவர் என வெறும் வாயில் புகழ்ந்து தள்ளும்.

பெரும்பாலும் ஜகாத் கடைசி பத்தில் நம் ஊரில் விநியோகிக்கப்படுவதால் அதை நன்கறிந்த மாற்று மத வெளியூர் கூட்டம் கூட தலையில் தொப்பியுடன், கிழிந்த மேல்துணி அணிந்து பஸ், ரயில் ஏறி எப்படியும் ஊர் வந்து சேரும். தெரிந்த சில இஸ்லாமிய வார்த்தைகளை நாவில் அரைகுறையாய் உச்சரித்து காசு கேட்டு வாங்கிச்செல்லும்.

சென்னையிலிருந்து வந்த தொழிலதிபர்களின் பிள்ளைகளும் உள்ளூர் தொழிலதிபர்களின் பிள்ளைகளுடன் ஒன்று சேரும். உற்சாகம் ஊரில் கலைக்கட்டும் இதனால் சில சிறு சண்டைகளும் அரங்கேறும்.

ஏழை, பணக்காரர் ஏற்ற இறக்கமின்றி எல்லோரிடமும் காசு நிரப்பமாய் வந்து சேரும்.

பெருநாளுக்கு எடுக்கும் வேட்டி 80x80, 60x60, 60x40  என்று பள்ளிக்கூட கணக்கு பாடம் நடத்தும். அந்த குழப்பத்திலும் உள்ளம் குறைந்த காசு எது என்று பார்த்து அதையே வாங்கி உடுத்தி மகிழும்.

பெருநாள் இரவு ஊர் சுற்ற கடைத்தெரு பரீதா, வின்னர் வாடகை சைக்கிள் கடைகளில் முன் பதிவு செய்யும். 

வரும் வழியில் தலைக்கேற்ற தொப்பியை இலியாஸ், அன்சாரி கேப் மார்ட்டில் வாங்கி அணிந்து மகிழும். தொழுகை முடிந்ததும் அதை மடித்து எக்களில் சொறுகி வைக்கும்.

வருடத்தில் செல்லாத சொந்த பந்த வீடுகள் செல்ல உள்ளம் துடிக்கும் வர இருக்கும் (பெருநாள் காசு) வருவாயை எண்ணி பெருமிதம் கொள்ளும்.

பெருநாள் இரவு பிறை பார்ப்பதில் ஏற்பட்ட குழப்பம் இறுதியில் முஹல்லாப்பள்ளியில் (மரைக்காப்பள்ளி) உலமாக்களின் முடிவுக்கு கொண்டுவரப்படும். அவர்களின் நல்ல முடிவுக்கு பொறுமையின்றி காத்திருக்கும். நாளை பெருநாள் இல்லை நோன்பு என்று முடிவானால் சந்தோசப்படவேண்டிய உள்ளமோ கனத்த இதயத்துடன், கவலையுடன் வீடு திரும்பும்.

பெருநாள் பிறையை பார்க்க உள்ளம் பரவசம் அடைந்து அவசரப்படும். அது பார்க்கப்படாவிட்டாலும் ஏன் பார்க்கப்படவில்லை? என்று அறியாமல் உள்ளம் கேள்வி கேட்கும்.

பெருநாள் இரவு இறைச்சிக்கடைகளெல்லாம் பேரிரைச்சல் அடையும். ஆட்டின் உறுப்புகளை தனித்தனியே கூறுபோட்டு ஆடர் செய்யும். இது வரை வேண்டாவெறுப்பாய் இருந்த இறைச்சிக்கடைக்காரனும் வேண்டப்பட்டவனாய் ஆகிப்போவான். உள்ளம் வருடம் முழுவதும் அவனிடம் கறி வாங்குவது போல் பவ்வியமாக பேசி காரியம் சாதிக்க கிட்னி பக்கம் கண் திரும்பும்.

பெருநாளுக்கு எடுத்த வேட்டியில் ஒட்டப்பட்ட லேபிள் அவசரத்தில் கிழிக்கப்பட்டு அவ்விடத்தில் கருங்காக்கை ஒன்று போட்ட வெள்ளை எச்சம் போல் காட்சி தரும்.

கண்ட இடத்தில் உட்கார்ந்து எழ கருப்பு கம்பாயம் போட்ட வேட்டி கை கொடுக்கும். இன்று கம்பனையும் காணவில்லை கம்பாயம் போட்ட வேட்டியணிந்தவர்களையும் காண இயலவில்லை.

புது சட்டை அவசரத்தில் பிரிக்கும் பொழுது எடுத்த குண்டூசி சில சமயம் கையை நன்கு பதம் பார்க்கும். ஆடு அறுக்கும் முன்பே நம் கையில் காவு வாங்கும்.

சல்லடை போன்ற பனியனும் அது வெளியில் தெரிய கண்ணாடி போல் அணிந்த மார்ட்டின் சட்டையும் அதன் பாக்கெட்டில் வைத்த சலவை பத்து, இருபது ரூபாய் நோட்டுக்களும், சப்தம் வர அணிந்த சோலப்புரி செருப்பும் அந்த காலத்தின் சரித்திரக்குறியீடுகள்.

எவ்வித பிரயோஜனமும் இல்லாமல் இரவு நேர ஓவர்டைம் வேலையை பெண்கள் அனல்பறக்கும் அடுப்பங்கரையில் பார்த்து நல்ல ருசிக்கு பொறித்த ரொட்டி சுட்டெடுத்து, வட்லப்பம், கடல்பாசி, இடியப்பம், கறியாணம் என கலைக்கட்டும் அடுப்பங்கரை சளைக்காத வீட்டுப்பெண்கள். (ஜப்பானாக இருந்தால் பை நிறைய பார்த்த ஓ.டி.க்கு பணம் பார்த்திருப்பார்கள் பாவம்)

மல்லிகைப் பூக்காரி கூட இரவு நேரத்தில் நம் தெரு வீதி உலாவருவாள். நல்ல வியாபாரத்தையும் செய்து முடிப்பாள்.

பெருநாள் இரவு முழுவதும் பேய்பிசாசு பயமின்றி நண்பர்களுடன் சுற்றி விட்டு பெருநாள் காலை சுபுஹ் தொழுக்கைக்கு எழும்ப அலும்பு பண்ணும். வீட்டினரின் ஓலத்தில் வேண்டா வெறுப்பாய் எழுந்து கண்சிமிட்டி கூசும். வீட்டுப்பெரியவர்களின் அதட்டலில் கடைசியில் பல் துலக்காமல் பள்ளி வந்து சேரும்.

குளித்து புத்தாடை அணிந்து நறுமணத்தைலம் அங்குமிங்கும் உடலில் தடவி பள்ளிக்கு வந்து தொழுகைக்கு அமரும். பெரியவர்களுடன் சேர்ந்து கலிமாவும் கூறும். தொழுகை முடிந்ததும் பள்ளியின் வெளியே விரிக்கப்பட்ட விரிப்பில் தன் பாக்கெட்டிலிருந்து பள்ளி சாபுக்கு சலவை நோட்டு பத்தோ, இருபதோ அல்லது இயன்றதைப்போட்டு மகிழும்.

காலை மெல்ல, மெல்ல பொறித்த ரொட்டி சுவையுடன் பெருநாளும் நம்மை விட்டு மெல்ல, மெல்ல எட்டப்பார்வை போல் மறையத்துவங்கும். தெருவில் விற்கும் ஜஸ்கிரீம் உண்டு ஆசைத்தாகம் தீரும். பெருநாள் பகல் நல்ல பிரியாணி உண்டு அயர்ந்து போகும். சாய்ங்காலப்பெருநாள் சக நண்பர்களுடன் மல்லிப்பட்டினம் மனோரா காணத்தூண்டும்.

பெருநாள் மாலை தட்டுத்தடுமாறும் உள்ளங்களை ஒண்றிணைத்து மன ஓர்மையுடன் நமதூர் ஜாவியாவில் மாலை நேர திக்ரு மஜ்லிஸ் ஒன்று சேர்க்கும்.

எல்லாம் முடிந்து வீடு திரும்பியதும் சென்ற ரமழானுக்காக வருந்தத்துவங்கும் செய்வதறியாது விழிக்கும். வருடம் முழுவதும் ரமழானாய் இருக்கக்கூடாதா? என உள்ளத்துக்குள் கேள்வி எழுப்பி பதிலின்றி மொளனமாய் உறங்கிப்போகும்.

சென்ற ரமழான்களை எண்ணிப்பெருமிதம் கொள்வதுடன் கையில் இருக்கும் ரமழானை நன்கு அமல்கள் செய்து பயன்படுத்துவோம். இறைவனின் பொருத்தத்தைப்பெருவோம் இன்ஷா அல்லாஹ்...

நம்மை விட்டு பிரிந்து இறைவனடி சேர்ந்த அனைவருக்காகவும் இறைஞ்சுவோம்...

மலரும் நினைவுகளுடன் நிகழ்கால நிகழ்வுகளுடன்..

மெய்யாலுமே இது ஒரு நினைவு மீள்பதிவுதானுங்க !

மு.செ.மு. நெய்னா முஹம்மது.

இந்தியா உலகின் குப்பைத்தொட்டி ! 7

இந்தியாவின் வலிமையினை உலகுக்கு பறைசாற்றும் தொழிநுட்ப புரட்சியின் வித்தாய் திகழ்வது மின்னணுவியல். தகவல்-தொழில்நுட்பம், தொலைத்தொடர்பு, மருத்துவம் என இதன் எல்லையில்லா பங்களிப்பு தொடர்வது கொண்டிருக்கும் வேளையில் நம்நாடு மட்டுமன்றி மேலைநாடுகளில் பயன்படுத்தப்பட்டு உபயோகமற்ற எலக்ட்ரானிக் கழிவுகளுக்கு புதைகுழியாய் நம்நாட்டின் நகரங்கள் மாறிவருகிறது. 

மின்னல் வேகத்தில் வளரும் இந்திய பொருளாதரத்தில், ஒவ்வொரு ஆண்டும் 5 ,00 ,000 டன் எடை கொண்ட மின்னணு குப்பைகளும் சேர்ந்தே வளர்கின்றது. இது 2012 ல் ஒரு மில்லியன் டன் அளவுக்கு வளரும் என எச்சரிக்கப்பட்டுள்ளது.

நம்நாட்டில் பயன்படுத்தப்பட்டு இன்று உபயோகமற்ற நிலையில் இருக்கும் கம்ப்யூடர் பாகங்களும், செல்போன்களும், மருத்துவ உபகரணங்களும் என ஒரு புறம் இருந்தாலும், 1992 ம் ஆண்டு உலக  வல்லரசுகளை சமாதானம் செய்வதற்காக தற்கொலைக்கு சமமான 'காட்' ஒப்பந்தத்தைத் தொடர்ந்து அதன் உட்கூறாய் நம் மீது திணிக்கப்பட்ட 'ஓபன் ஜெனரல் ரைட்ஸ்' எனும் விதிதியின் கீழ், மேலை நாடுகளில் சேரும் கழிவுகள் 'கொடை' என்ற பெயரிலும், மறுசுழற்சி என்ற போர்வையிலும் நம் மீது திணிக்கப்படுகிறது. 

நம்நாட்டைப் பொறுத்தவரை இருபது ஆண்டுகளுக்கு முன்பு கம்ப்யூடர் என்பது எட்டாக் கனியாகவே இருந்தது. அந்த சமயத்தில் கம்ப்யூட்டரும் அதன் உதிரி பாகங்களும் மற்ற எலக்ட்ரானிக் பொருட்களும் அந்த முறையில் நம்நாட்டிற்கு தருவிக்கப்பட்டது. ஆனால் அந்த சட்டம் இன்று வளர்ந்த  நாடுகளின் குப்பைகளை கொண்டு வந்து இந்தியாவில் கொட்டும் அரசாங்க ஆணையாக செயல்படுகிறது.

கடந்த 2006  ம் ஆண்டு முதல் 2009 ம் ஆண்டு வரையிலான காலகட்டத்தில் மட்டும் மேலைநாடுகளிலிருந்து தானமாக(!) வழங்கப்பட்ட கழிவுப் பொருட்கள் 190 மடங்கு அதிகரித்துள்ளதாக சுற்றுச்சூழல் அமைச்சகம் அலறுகிறது.

இந்தியாவிற்கான ஒட்டுமொத்த இறக்குமதியில் 48 % மேலை நாடுகளின் குப்பை கழிவுகள்.

பேரழிவுகளைத் தரக்கூடிய கழிவுகளை இந்தியாவில் இறக்குமதி செய்யப்படுவதற்கு ஆட்சேபம் தேவிக்கும் சட்டம், உரிமை மத்திய சுற்றுச்சூழல் அமைச்சகத்திடம் இருந்தாலும் மேற்சொன்ன 'ஓபன் ஜெனெரல் ரைட்ஸ்' என்ற விதி எந்த பாகுபாடும் இல்லாமல் எல்லாக் கழிவுகளையுமே இந்தியாவில் இறக்குமதி செய்ய நங்க்கூரமிடுத்கிறது.

ஆபத்தின் ஆழமறியா நம்மூர் அப்பாவி குடிசைவாசிகள் அதுபோன்ற குப்பைகளை தரம் பிரித்து காசு பார்க்க அலைமோதுகின்றனர், குடிசைத் தொழிலதிபர் ஆவதற்காக.

மேற்கு தில்லியின் மாயாபுரி பகுதியில் தீபக் ஜெயின் என்ற பழைய இரும்புக்கழிவு வியாபாரி உட்பட ஆறு தொழிலாளர்கள் மயங்கி சரிந்து விழுந்து உயிருக்கு போராடத் துவங்கியவுடன் அள்ளிக் கொண்டுபோய் அப்போல்லா மருத்துவமனையில் சேர்த்திருக்கிறார்கள். அவசரப் பிரிவில் அனுமதிக்கப்பட்ட அவர்களில் இருவருக்கு கை, கால் மற்றும் உடல்பகுதியில்  உள்ள முடிகள் உதிரத் தொடங்கி, மெழுகுபோல் அவர்கள் கை, கால்கள் உருகத்தொடங்கியதைக் கண்ட மருத்துவக்குழு செய்வதறியாது திகைத்து நின்றது. நோயாளிகளின் பின்புலங்களை ஆராய்ந்தபோது, அவர்களுடைய  இருப்பிடம்,குடோன் ஆகியவற்றை பரிசோதிக்குமாறு அகில இந்திய மருத்துவக்கழகம் பணித்தது. மாநகராட்சி, மாநகர காவல்துறை, அணுசக்தி ஒழுங்குமுறைக்கழகம் என பலரும் களத்தில் இறங்கினர். 

ஆய்வின் முடிவில் "முறுக்கேற்றப்பட்ட இரும்புக்கம்பி பின்னல்கள்" என்ற பெயரில் எட்டு மூட்டைகளை பாதிக்கப்பட்ட ஜெயின் குடோனிலிருந்து கைப்பற்றியது அணுசக்தி ஒழுங்குமுறைக்கழகம்.பரிசோதனைக்கு  பிறகு பகீர் தகவலையும் வெளியிட்டது. காமாக் கதிர்களை வெளியிடும் கோபால்ட் - 60 என்ற உயிர்க்கொல்லும் கதிரியக்கப் பொருள்தான் இந்த மோசமான விளைவுக்குக் காரணம் என்று ஒரு விழிப்புணர்வு நிகழ்ச்சியினை நடத்திவிட்டு தன் கையைக் கழுவிக்கொன்டது அணுசக்தி ஒழுங்குமுறைக் கழகம். ஆனால் "இது பாதுகாப்பனதோ அல்லது பாதுகாப்பற்றதோ என்பதைப் பற்றி எல்லாம் எங்களுக்கு கவலை இல்லை" என்கிறார்கள் கம்ப்யூடர் கேபிள்களை உருக்கி அதிலிருந்து தாமிரக் கம்பியினைப்  பெறும் வேலையினைச் செய்யும் பெண் தொழிலாளர்கள். 

தாமிரம் பெறுவதற்காக நச்சுப்புகையில் கருகும் இவர்களை கேன்சர் நோய் மட்டுமல்லாது குழந்தைப் பேறின்மை, சிறுநீரகங்கள் செயலிழப்பு, நரம்புகளின் செயலிழப்பு போன்ற பெருநோய்களும் தாக்கலாம். தாமிரம் எடுத்துக்கொண்டபின் எஞ்சியுள்ள பாதரசக் கலவை மற்றும் ஈயம் போன்றவற்றினை ஆறுகளிலும், விளைநிலங்களிலும் வீசி விடுகின்றனர் உணவு தானியங்கள் மூலம் மற்றவர்களுக்கும் அப்பெரும் வியாதிகள் பரவும் என்பதினை அறியா அப்பாவிகள்.

கிராமப்புறத்தில் வாழ்பவர்களுக்கும், சுற்றுச்சூழலுக்கும் பெறும் சவாலாய் நிற்கும் இப்பிரச்சனைக்கு சட்ட வல்லுனர்கள் முன்னின்று இந்தியப் பெருநாட்டின் மக்களின் வாழ்வில் நஞ்சைக் கலக்கும் இந்த அதிநவீன தொழில்நுட்ப குப்பைகளை முறையாக, சுற்றுச்சூழலுக்கும், மனித மற்றும் மற்ற உயிரினங்களுக்கும், விவசாயப் பெருந்தொழிலுக்கும் பாதிப்பு ஏற்படாதவாறு அழித்திட வகைசெய்யும் ஆலைகளை அமைத்தல் வேண்டும். மேலை நாடுகளிலிருந்து 'கொடை' அல்லது 'மறுஉபயோகம்' எனும் பெயரில் நம் மீது குப்பை கொட்டுவதை தடைசெய்யப்பட வேண்டும். கோபால்ட்-60  விவகாரம் மக்களவையில் விவாதிக்கப்பட்டு விவாதப்பொருளாகவே அறியப்பட்டது போலில்லாமல், மக்களின் வாழ்க்கையையும், உயிர் உடைமைகளையும், உலக வெப்பமயமாதல் என்ற நெருங்கிவரும் அச்சுறுத்தலையும் கவனத்தில் கொண்டு புதிய சட்டங்கள் வகுப்பதன் மூலமே இப்பேராபத்திலிருந்து நம்மைக் காத்துக்கொள்ளமுடியும். 

புதுசுரபி

ரமளான் காணொளி: நபி தோழர் பிலால் (ரழி) 0

அல்லாஹ்வின் திருப்பெயரால்....

அல்லாஹ்வின் பேருதவியால் இந்த வருடம் ரமளான் மிகச் சிறப்பாக அனைவருக்கும் அமைந்திருக்கலாம் இன்ஷா அல்லாஹ்...

இன்றைய மார்க்க சொற்பொழிவு:

தலைப்பு: நபி தோழர் பிலால் (ரழி)

உரை: சகோதரர் கோவை S அய்யூப்

மண் வாசனை :: ஊர் பார்வை ! 7

பார்வை - 1

கல் தோன்றி மண்தோன்றா காலம் தொட்டே  சமூக சூழலில் இயல்பாக எவராலும் நேசிக்கப்படுவது “மண், பொன், பெண்” இது காலந்தொட்டு தொடர்வதே… நமது ஊர் என்றல்ல எங்குமே காசு கொடுத்தால் எதனையும் வாங்கி விடலாம் என்ற காலமெல்லாம் மலையேறி போய் விட்டது (இந்த மலையேற்றம் என்றால் என்வென்று யாராவது சரியான விளக்கம் கொடுங்களேன்).அவசியமேற்படும்போது விவசாய நிலங்களை சீர் செய்வதற்கு அதாவது மேடு-பள்ளங்களை சமநிலபடுத்தி அதனை சரி செய்வதற்கு இருமன் ஏரி குளங்களில் தேவைக்கேற்ப முன்பு வெட்டி எடுத்துக் கொள்ளலாம்.  

இன்று நிலைமை தலைகீழ் இருமண் தேவைப்படுபவர்களின் பாடு பரிதாபம் காரணம் அரசு அதிகாரிகளின் தேவையற்ற கெடிபிடிதான் இதே நிலைமை நீடித்தால் இனி இறுமண் தண்ணீர் பாக்கெட்டு போல் போட்டு ஏதோ போதை பொருள் விற்பதுபோல் திருட்டுத்தனமாக விற்பனையை ஆரம்பித்து விடுவார்கள். ஊரில் ஏரி குளங்கள் தூர்-வாறாது கால்பந்து திடலகவும் கிரிக்கெட் மைதானமாகவும் மாறி போய் விட்டது. இறுமண் தேவைபடுபவர்களை மண் எடுக்க அனுமதித்தால் ஏரி குளங்களில் உள்ள இரு மண்களை அள்ளினால் ஏறி  குளங்கள் ஆழமாகும் மலைக் காலங்களில் விரயமாக கடலில் கலக்கும் நீரை இந்த ஏரி குளங்களில் தேக்கி விவசாய நிலங்களுக்கு பயன்படுத்தலாம் மேலும் நீரை அதிக அளவில் தேக்கி வைத்தால் நிலத்தடி நீர் மட்டம் உயரும் ஆள் துளை கிணறுகளின் நீர் வரத்து அதிக அளவில் இருக்கும்.

உழவுக்கும் தொழில்லுக்கும் வந்தனம் செய்வோம் என்று கூறும் அரசு அதிகாரிகள் ஏரி குளங்களை தூர்வாறவும் விட மாட்டோம் இறுமண் தேவைபடுபவர்களை தூர்வாறவும் விடமாட்டோம் என்று அடாவடி செய்யும் அரசு அதிகாரிகளை என்னவென்று சொல்வது !?

நாயை வைக்கோல் போருக்கு காவல் போட்டால் மாட்டையும் திங்க விடாது நாயும் திங்காது.

--------------------------------------------------------------------------------------

பார்வை – 2

இவைகளை விடுத்து அடுத்த கட்டமாக மண் ஏற்றிச் செல்ல அனுமதிக்கப்பட்ட டிராக்டர்களின் அடாவடியையும் சொல்லாமல் இருக்க முடியவில்லை. ஊரில் ஆற்று மணலை அள்ளிக்கொண்டு போகும் டிராக்டர்களின் வேகம் படு அமர்க்களமாக ஃபார்முலா ஒன் டிராக்கில் ஓட்டுவது போன்ற நெனப்புபோல. டிப்பரில் மணலை நிரப்பிக்கொண்டு ரோட்டில் போகும்போதும் வரும்போதும் நடுரோட்டில் சொல்லும் அனைவருக்கும் மணலால் குளியல்தான். நம் கண்களை மணலால் நிரப்பி கண் டாக்டர்களுக்கு நல்ல வருமானத்தை உண்டாக்கி கொடுக்கின்றார்கள் என்னதான் கண்ணுக்கு கண்ணாடி போட்டுக்கொண்டு பைக்கில் போனாலும் நம் கண்ணில் மண்ணை தூவிவிட்டு மணல் நம் கண்களுக்குள் மண் புகுந்து வீடுகட்டி விடுகின்றது.

பைக்கில் பட்டுக்கோட்டைக்கு ஒரு எட்டு போய்வந்தால் கண்களில் கால்படி மண் கரை ஒதுங்கியிருக்கும். இவ்வாறான சுற்றுபுறச் சூழலை பலரும் அரசு அதிகாரிகளுக்கு எடுத்து சொல்லிய பிறகு மணல் அள்ளிக்கொண்டு போகும் டிப்பரில் பிளாஸ்டிக் படுதா கட்டவேண்டும் என்று அரசு அதிகாரிகள் கட்டளை இட்டனர் இந்த கட்டளை செவிடன் காதில் ஊதிய சங்குதான்.

ஒரு சில நேரங்களில் டிப்பரில் மணல் நிரப்பி கைக்குட்டை அளவு தார்ப்பாய் கட்டிக்கொண்டு மணல் டிராக்டர்கள் பறந்த வண்ணம் உள்ளன. இதை தடுக்க வேண்டிய அரசு அதிகாரிகளின் கண்களை பணம் மறைத்துவிடுகின்றன சாதாரண மக்களின் கண்களை இந்த மணல்கள் மறைத்துவிடுகின்றன.

நாய் விற்ற காசு குறைக்கவாபோவுது என்ற எண்ணம் அரசு அதிகாரிகளுக்கும் மாறவேண்டும் 

Sஹமீது

அதிரையிலிருந்து...

ரமளான் காணொளி: 5 வரும் முன் 5ஐ பேணிக் கொள்ளுங்கள் 1

அல்லாஹ்வின் திருப்பெயரால்....

அல்லாஹ்வின் பேருதவியால் இந்த வருடம் ரமளான் மிகச் சிறப்பாக அனைவருக்கும் அமைந்திருக்கலாம் இன்ஷா அல்லாஹ்...

இன்றைய மார்க்க சொற்பொழிவு:

தலைப்பு: 5 வரும் முன் 5ஐ பேணிக் கொள்ளுங்கள்

உரை: சகோதரர் கோவை S அய்யூப்

அதிரைநிருபர் குழு

விசாலம் ! 41

ஒற்றையாய் விடப்படுகையில்
விசாலப்பட்டுப் போகிறது வீடு

பள்ளிக்கூட விடுமுறையைவிட
பணியிடை விடுமுறையை நாட்கள்
குறைந்து கிடைப்பது
சாபம்

உந்தித் தள்ளி
உட்புறம் திறந்த
கதவுக்குப் பின்னே
காயப்பட்டுக் கிடக்கிறது காற்று

பாத்திரங்களாலும் வளையோசைகளாலும்
பேசிக்கொண்டிருந்த சமையலறை
சலனமின்றியும் சப்தமின்றியும்
குளிர்ப்பதனப் பெட்டியைக் கொண்டு
முனகிக் கொண்டிருக்கிறது

நெடுந்தொடர்களின் கதாபாத்திரங்கள்
தொலைக்காட்சிப் பெட்டிக்கு முன்னால்
மனைவியைத் தேடுகின்றனர்

சயன அறைக்குச் செல்ல
வீட்டுக்குள்ளேயே
வெகு தூரம் நடக்க வேண்டியிருக்கிறது

மகள்...
ஊட்டி வளர்த்த பொம்மைகள்
இறந்து கிடக்கின்றன.
மகன்...
ஓட்டி யுடைத்த வாகனங்கள்
இரைந்து கிடக்கின்றன.
மனைவி...
மடித்து வைத்த உடுப்புகள்
கலைந்து கிடக்கின்றன

எல்லாம் இட்டு
கலந்தெடுத்தாலும்
காஃபியின் ருசியில்
கைப்பதம் குறையிருக்கிறது

வீட்டுப் பாடம் சொல்லித்தரும்
நேரங்களில்
செய்வதறியாது ஸ்தம்பித்துப் போகின்றன
என் இயக்கங்கள்.

நோட்டுப் புத்தகத்தில்
பிழையான கணக்குகள்
தண்டனை நிமித்தம்
பலமுறை எழுதப்பட்டு
பையனின் “கை வலிக்குதுப்பா”
நினைவுக்க்கு வர...
பாடங்களைப்
புரிய வைக்காமல்
படிய வைக்க முனைந்த
பகுத்தறிவு
என்னைப் பரிகசிக்கிறது.

இந்த அமைதியை
ஏதாவ தொரு
நொறுங்கும் கண்ணாடிக் குவளையோ
கார்ட்டூன் ச்சேனலோ
ஊரிலிருந்தொரு அலைபேசிச் சிணுங்களோ
கதவின் அழைப்பு மணியோசையோ
கலைத்துப் போட்டுவிடாதா
என
ஏக்கம் வதைக்கிறது

நீள அகல அளவைகளாலோ
நிலக் குறியீடுகளாலோ
வீட்டின்
அளவை தீர்மானிக்க முடிவதில்லை

நிஜங்களின் இருப்பில்
குறுகளாய்த் தெரியும் வீடு
நினைவுகளோடு
ஒற்றையாய் விடப்படுகையில்
விசாலப்பட்டுப் போகிறது!

Sabeer abuShahruk

அதிரையில் மழைக்கு பயந்து மின்சாரம் ஓடி ஒளிந்தது !? 3

நேற்றைய தினம் சில்லென்ற காற்றோடு அழகிய சிறு மழையொன்று அல்லாஹ்வின் ரஹ்மத்தாக அதிரையில் தூவியது, இதனைக் கண்ட அதிரை மின்சாரம் எங்கோ ஓடி ஒளிந்து கொண்டது. 

சிறுவர் முதல் பெரியவர்கள் வரைவேற்ற இந்த மழைக்கு பயந்து ஒளிந்து கொண்ட மின்சாரத்தை தேடித் தேடி அலைந்தனர் மக்கள் விளைவு வழக்கம்போல் மக்களின் ஓய்வுக்கு பின்னர்தான் மின்சாரமும் வெளியில் வந்தது !!!?

இது ஒரு சாரல் மழையே அதுவும் அரைமணி நேரமே பெய்தது இதனைக் காரணம் காட்டி, மின்சாரத்தை துண்டித்தனர் அதுவும் நள்ளிரவு 01:30மணி வரை...

இந்த சாரல் மழைக்குபின்னர் தான் மின்சாரம் துண்டிக்கப்பட்டது...!!!?????

இதற்கிடையில் சகோதர வலைத்தளங்களில் வெளியான செய்தியில் பொய்யான காரணம் சொல்லிக் கொண்டிருந்த அதிரை மின்சார வாரியத்தினை கண்டித்து அதிரை இளைஞர்கள் சாலை மரியலில் ஈடுபட்ட தகவல்கள் மற்றும் புகைப்படங்கள் வெளியாகியிருக்கின்றன.

செய்திச் சுட்டி : http://adiraipost.blogspot.com/2012/08/blog-post_6719.html

இத்தகைய பொடுபோக்கான அரசு துறை ஊழியர்களால் அரசு அலுவலங்கள் மீதும் அதன் பனியாளர்கள் மீதும் கோபம் கலந்த அவநம்பிக்கையே எழுகிறது.

இவர்கள் திருந்துவார்கள் என்று காத்திருப்பதா ? அல்லது திருத்தப்பட வேண்டியவர்கள் என்று செயலில் இறங்குவதா ?

அதிரை மக்களாகிய நாம் தான் சீக்கிரமே முடிவு செய்ய வேண்டும் !

அதிரைநிருபர் குழு

புகைப்பட பொழுதுகள்.... 13

தமிழ் இலக்கணங்கள் படிக்கும் காலங்களில் தலைக்கனமாக இருந்தபோது இல்லாத ஆர்வம், இன்றைய இணைய வலைவீச்சில் சிக்கிய நம்மவர்களில் பெரும்பாலோருக்கு எழுதத் தூண்டும் வேட்கை எழுந்தது வியப்பே.

இதற்கு தடையற்ற இணையம் மட்டுமல்ல, தட்டுத் தடுமாறி தட்டினாலும் அழகு தமிழை தட்டச்சுக் கோர்வையாக காண எழுத்துருக்களை கண்டெடுத்து கொடுத்த கொடையாளிகளின் பெருந்தன்மையும் அவர்களின் தன்னலமற்ற சேவையுமே இப்படி நம்மை எழுதவும் வாசிக்கவும் வைத்திருக்கிறது.

ஏனிந்த பீடிகை என்று யோசனையில் ஆழ்ந்திட வேண்டாம்...

கவிதையானாலும், கட்டுரையானாலும், வாழ்வியல் நெறியானாலும் அதனை எழுத்தில் கொண்டுவருவதில் அதிரையர்களின் ஆர்வமும் அவர்களின் பங்கும் அதிகமே. அப்படியென்றால் அவ்வாறான திறன் கொண்ட சகோதரார்களிடையே இரண்டு புகப்படங்களை கொடுத்து அதனைக் கண்டதும் அல்லது ரசித்ததும் என்ன தோன்றியது என்ன சொல்ல எத்தனிக்கிறீர்கள் என்று கேட்டு வைக்கலாமே என்ற தைரியத்தில்தான் இங்கே அதனை பதிந்திருக்கிறோம்.

இனி உங்கள் பாடு, கவிதையானாலும், கலக்கல் வரிக் கோர்வையானாலும், நகைச்சுவையின் நெடி தூக்கலாக இருந்தாலும், சாரலின் வருடலாக இருப்பினும் எதுவாக இருந்தாலும் வரம்புக்குள் வேலியடைத்து உங்களின் எழுத்தாற்றலை பின்னூட்டங்களாக பின்னியெடுங்களேன்... 

வண்டுக்கு சொல்லித்தான் கொடுக்கனுமா தேன் எங்கிருக்கிறது என்று !?

நெறியாளர்
புகைப்பட கலைஞர் : Sஹமீது