நன்றி... நவிலுதல் நன்று! 8

அஸ்ஸலாமு அலைக்கும் வரஹ்,

அதிரைநிருபர் தொடங்கிய நாள் தொட்டு பள்ளி கல்லூரி என்று அதிரைச் சூழலைச் சுற்றியே நமது மாணவமணிகளின் எதிர்காலம், அவர்களின் அன்றாட நடைமுறைகள் என்ற சிந்தனை ஆட்படுத்திக் கொண்டே இருந்தது, வாய்ப்புகள் வசப்படும்போதெல்லாம் வழமையான நிகழ்வுகளையும் நடத்தத் தயங்கியதும் இல்லை.

நீண்ட நாள் ஆவலாக அதுவும் நாங்கள் பள்ளிக்காலங்களில் படிக்கும்போது இருந்த நிகழ்வுகள் போன்று இன்றையச் சூழலில் ஏன் நடைபெறுவதில்லை என்ற ஆதங்கமும் தொடர்ந்து இருந்து வந்ததன் காரணமாக, சட்டென்று மூத்த சகோதரர் இபுராஹீம் அன்சாரி காக்காவிடம் இந்த யோசனையச் சொன்னோம் அவர்களும் பழம் நழுவி பாலில் விழுந்த எதார்த்த நிகழ்வுக்கு காத்திருந்தவர்கள்போல் இதைத்தானே எதிர்பார்த்து இருக்கிறேன் என்று வரவேற்றார்கள்.

அப்புறமென்ன ! ஆம் சொன்ன பேராசிரியர் M.A.அப்துல் காதர் அவர்கள் "எஸ்" என்று சொன்ன முன்னால் தலைமை ஆசிரியர் SKM ஹாஜா முகைதீன்  அவர்கள், களம் தயார் என்று இருகரம் ஏந்தி வரவேற்ற இமாம் ஷாஃபி ரஹ் மெட்டிரிக் பள்ளி இவர்களோடு கைகோர்க்க நாங்களும் முன்னிருக்க தயார் என்ற நன்னோக்கு கொண்ட கொடையாளர்கள் !

நாட்களும் குறித்தோம், அழைப்பும் விடுத்தோம், அனுமதியும் பெற்றோம், அனைவரும் கூடினோம், அழகுற வெற்றியும் கண்டோம் - அல்ஹம்துலில்லாஹ் !

நிகழ்வுக்கு ஆரம்பம் முதல் நிறைவுவரை முழு ஒத்துழைப்பு தந்த, நன்கொடையாளர்கள், பரிசுகள் வழங்கிய பெருந்தகைகள், பேராசிரியைகள், ஆசிரியப் பெருமக்கள், மாணவமணிகள், நண்பர்கள், சகோதர சகோதரிகள், சான்றிதழ் வடிவமைத்த வரைகலை, மற்றும் வாகன வசதிகளை ஏற்படுத்தி கொடுத்த உறவுகள், வினாடி வினா பதிவை பகிர்ந்து கொண்ட அதிரை வலைத்தளங்கள், இமாம் ஷாஃபி மெட்ரிக் பள்ளி பணியாளர்கள் என்ற பட்டியல் நீண்டாலும் சொல்ல மறந்த அனைவருக்கும் நன்றிடன் கூடிய எங்களின் தொடர் துஆவும் என்றும் நிலைத்திருக்கும் இன்ஷா அல்லாஹ்...

நிறைவாக அதிரைநிருபர் குழு சகோதரர்கள் தொடர்ந்து ஆதரவு அளித்த வாசகர்கள் அனைவருக்கும் நன்றி !

அன்புடன்,

நெறியாளர்

www.adirainirubar.in
editor@adirainirubar.in