அதிரையில் பெருநாள் குதூகலமும் - 1977 பொற்காலமும்! 21

நோம்பு  முடிந்து சங்கை மிகு ஈகைப் பெருநாள் துவங்கும் விளிம்பில் (அதிரையில்) இருக்கும் நாம், இந்த நோம்பு காலங்களில் இரவு தொழுகைகளிலும் பகல் நேரங்களில் குர்ஆன் ஓதியும் சிறப்புடன் கழித்த அத்தனை அனபர்களுக்கும் அல்லாஹ் வின் அருள் உண்டாவதாக!

இது ஒரு ஃப்ளாஸ்பேக்...: (இரண்டு கண்ணுக்கு நடுவில் வட்டம் வட்டமாக சுழல்வது போன்று கற்பனைகள் வந்தால் அது விளம்பரதாரர் இன்னும் வரவில்லை என்று நினைத்துக் கொள்ளுங்கள்)

35 வருடங்களுக்கு முன் பெருநாட்களில் ஒரு பெருநாளை சுற்றியே எமது நினைவலைகள் பின்னோக்கி செல்கிறது.... ! (ஈஸ்மண்ட் கலரில் தெரியவில்லை என்றால் கலர் பேப்பர் ஒட்டிய பிளாஸ்டிக் கண்ணாடி பெருநாள் அன்று மாலைக் கடைகளில் வாங்கி போட்டுக் கொண்டால் நல்லது).

பெரியவர்களெல்லாம் "பிறையை கண்டாச்சா இல்லையா, அது கண்ட இடம் எந்த இடம்" என்ற கேள்வியோடு மரைக்காப் பள்ளியில் ஒன்று கூடுவர். எங்களைப் போல் உள்ள சிறுவர்களுக்கு ஏக்கமெல்லாம் நாளை வைக்கப் போகும் பெருநாள் ஸ்டால் மற்றும் சர்பத் கடை பற்றிய சிந்தனையே!

வீடு வீடாய்ப்போய் சர்பத் பாட்டிலை கண்டெடுத்து செக்கடிக் குளத்திலே கழுவியெடுத்து நானும் சித்தீக்கும் ஆளுக்கு ஒன்றரை ரூபா முதலில் ஆயத்தப் பணிகளில் ஈடுபடுவோம். சீனியோடு வியாபார யுக்திக்காக சாக்ரீனும் ஜப்ஜா விதையும் பிசின் மற்றும் கலர் பவ்டர் இதுதான் கச்சாப் பொருளாகும். அடுத்து  அணிகுண்டு தயார் செய்ய சக்கரையும் பொட்டுக் கடலையும் வாங்கி சக்கரையை பாகாக்கி பொட்டுக் கடலையை அதனுள் இட்டு கிண்டினால் அணிகுண்டு தயார். தினத்தந்தி பேப்பரை சதுரமாய்க் கிழித்து அதை சிறு சிறு அணிகுண்டாக்கி உருட்டி விற்பனைக்கு தயார்படுத்திடுவோம்.

அடுத்து அரை லிட்டர் பால் வாங்கி காய்ச்சி 4- 5 வீடேறி ஒரமோரு வாங்கி வந்து அதை தயிராக்கி எங்க வீட்டு நீச்சோற்றை பிசைந்து வடிகட்டி அத்தோடு நீர் சேர்த்து விட்டால் எங்கள் ஐஸ் மோர் ரெடி. (மோர் தயாரித்த தந்திரத்தை வெளியில் சொல்லக் கூடாதுன்னு சொன்ன சித்தீக் இங்கே மன்னிக்கனும்) 

அல்லாஹு அக்பர்

அல்லாஹு அக்பர் 

அல்லாஹு அக்பர்....

தக்பீர் முழக்கம் ஒலிபெருக்கியில் தொடரும் அழகிய ஓசை….

விடிந்தது பொழுது...

பெருநாள் வந்தது…

மரக்கட்டிலை துடைத்தெடுத்து கடை பரத்த தயாராவோம். பாட்டிலில் கலர் கலராய் தண்ணீர் ஊற்றி வரிசையாய் அடுக்கி வைத்து அனிகுண்டும் ஐஸ் மோரும் அத்தோடு கொத்து மாங்காய், கடலை மிட்டாய் வரிசையாய் அடுக்கி வைத்து வியாபாரத்தை ஆரம்பிப்போம் .

அப்போதெல்லாம் பணக்கார வீட்டுப் பையன் (!!?) வந்துதான் முதல் போணியை ஆரம்பிப்பான். 

“காக்கா ஒரு சர்பத் ரெண்டு கடலை மிட்டாய்.”

புத்தம் புது ரென்டு ரூபா நோட்டை நீட்ட “சில்லரை இல்லையடா!!” என்று சொல்லி பணத்தை வாங்கிக் கொண்டு.

“அப்புறம் வா” என்று அனுப்பி வைப்போம்.

அடுத்த கஸ்டமர் எல்லாமே சிறுசுங்க தானே வந்து நின்று அனிகுண்டு ரெண்டு பேட்பான். 3 பத்து பைசா என்று 3 கொடுத்திடவே !!! வியாராபரம் சூடு பிடிக்கும். வாங்கிய அனிகுண்டை பிரிப்பதற்குள் எங்க கஸ்டமருங்க படும் திண்டாட்டம் தான் (ஹைலெட்டே !). தினத்தந்தி பேப்பரோடு அனிக்குண்டும் ஐக்கியமாகிவிட பாதி பேப்பர் பிரித்தெடுக்க, மீதி அதோடு ஒட்டியிருக்க கொடுத்த காசு வீணாப் போகுதுன்னு அப்படியே சாப்பிடுவர் எங்கள் வாடிக்கையாளர்கள்.?!?! (அப்போவெல்லாம் கன்ஸூமர் கோர்ட் எல்லாம் இல்லேய்ய்ய்ங்கோ)

முதல் போனி கஸ்டமரான பனக்கார வீட்டுப் பையன் வந்துவிட...

“காக்கா மீதி காசு???” என்று கேட்டு நிப்பான். 

“தம்பி சில்லரை இன்னும் சேரவில்லை” என்று சொல்லி மீண்டும் ரெண்டு க்ளாஸ் சர்பத் கொடுக்கப்படும்!!!

மணி 10 வெயிலும் சூடு பிடிக்க ஐஸ் மோர் விற்பனையும் சூடு பிடிக்கும் 12 மணிக்கெல்லாம் விற்று தீரும். மறுபடியும் தயார் செய்ய  வீடு தேடி ஓடிடுவோம் நீச்சோரு பானையை நோக்கி!!! "இப்பத்தான் கொறத்தி வந்து வாங்கிப் போனாள்" என்று உம்மா சொல்ல உடனே உதயமாகும் அடுத்த யோசனை. நடுத்தெரு வெலக்காரியிடம் மோர் வாங்கி தண்ணீர் விட்டு இரட்டிப்பாய் மாற்றிவிட்டு விற்று பெருமிதம் கொள்வோம்.

அட ! வந்து விட்டான் நம்ம முதல் கஸ்டமர் பையன் மீதி காசு கேட்பதற்காகவே…

“நீ இன்னும் மோரே குடிக்கலையே இந்தா மோர்” என்று ரெண்டு க்ளாஸ் ஊற்றி அதீத சந்தோஷத்தோடு எங்களால் அவனுக்கு கொடுக்கப்பட முறைத்து விட்டு குடித்திடுவான். 

மறுபடியும் மீதி கேட்கையிலே...

"அப்புறம் வா"யென்று சொன்னால்..

"உம்மா திட்டுது" என்பான். 

"கவலைப்படாதே உம்மாவுக்கு ரெண்டு க்ளாஸ் சர்பத் பார்சல்" என்று (பார்சல்….) போடப்படும். 

“போங்கடா (….........)களா” என்று சொல்லி திட்டிவிட்டு ஓடியே போய் விடுவான்.

கம்பெனிக்கு(!!!) மிச்ச காசு உபரி(யாக) லாபம் !.

எங்களுக்கு போட்டியாளர்களே டாட்டாவும் பிர்லாவும் தான். அம்பானியெல்லாம் அதற்கு அப்புறம் தான்.

மு.செ.மு. சபீர் அகமது (திருப்பூர்)

பெருநாள் சாப்பாடு எப்படி !? 2

அஸ்ஸலாமு அலைக்கும் வரஹ்...

குல்லுஆம் வஅன்த்தும் பின் கைர் !

அல்ஹம்துலில்லாஹ் ! இந்த வருடம் ஹிஜ்ரி 1435 ரமளான் மாதம் மிகச் சிறப்பாக நம்மிடையே ஒன்றி உலாவி நம் அமல்களை வலுப்படுத்தி உள்ளத்தாலும் உணர்வுகளாலும் தூய்மையை நம்மிடையே நிலைத்திருக்கச் செய்துவிட்டு நம்மை விட்டு விடைபெற்றுக் கொண்டது !

இன்று வளைகுடாவில் பெருநாள், ஃபஜ்ரு தொழுகைக்கு முன்னர் ஒருமணி நேரத்திற்கு முன்னர் எழுந்து தூய்மையான குளியல் பின்னர் தொழுகை, தொடர்ந்து நபிவழி பெருநாள் தினத் துவக்கம் அதிகாலைப் பொழுது புலரும் அற்புதமான தினம் துபாயில் விடிந்தது !

பெருநாள் தொழுகைக்கும் கூடினோம், தொழுதோம், இறைஞ்சினோம் வல்ல இறைவன் அல்லாஹ்விடமே !

வழியெங்கும் சவால் விடும் போஸ்டர்கள் இல்லை! எங்களோடு இணைந்து தொழும் தொழுகைக்கு சலுகைகள் என்ற தம்பட்டம் இல்லை ! மெளலவிகளைத் தேடும் தேடல் இல்லை!

அடுத்து என்ன !?

அதிரையின் வாசம் அமீரகத்தில் வீசாமல் ஒரு பெருநாளா ?

அதிரைப் பெருநாள் என்றாலே நம்மில் பெரும்பாலோர் மூக்கிலும் நாக்கிலும் வேர்க்கும் ! அதுதான் மண்வாசனை தூக்கலுடன் இருக்கும் காலை பசியாறவும் அதனைத் தொடரும் பகல் சாப்பாடும் கலைகட்டும் !

இடியப்பம் இல்லாத இல்லமா ? வீட்டில் செய்யா விடினும் (அன்னபூர்னாவுக்கு) தேடிச் சென்று எங்கே கிடைக்குமோ அங்கே காத்திருந்து விழித்திருந்து வாங்கி வந்து சாப்பிடும் வேகம் நம்மவர்களிடையே அதிகம்.

இன்று பெருநாள் (காலைச்) சாப்பாட்டில் கலந்து சிறப்பித்தவைகள் !

மலேசியா பரோட்டா

அண்ணபூர்னா இடியப்பம்

இந்தியா ஆட்டுக்கறி
ராஸல்கைமா பண்ணைக் கோழி

கேரளா சேமியா

சைனா கடப்பாசி

சவுதி வட்டிலப்பம்

பன்னாட்டு இனிப்பு புளிப்பு துணையுடன்...

அதிரையர்களாகிய எங்களை சுவைக்க வைத்தது இன்றைய சிறப்பம்சம். !

அடுத்தென்ன பகல் சாப்பாடு(தான்)...!

பின்னூட்டத்தில் பகல் சாப்பாட்டின் முன்னோட்டம் இன்ஷா அல்லாஹ் தொடரும்... !

அது சரி உங்கள் பெருநாள் எப்படி !? [அதிரையில் நாளைக்காமே !?]

அதிரைநிருபர் பதிப்பகம்

பெருநாள் சாப்பாடு எப்படி !? - கருத்துக்களம் ! 25

அஸ்ஸலாமு அலைக்கும் வரஹ்...

குல்லுஆம் வஅன்த்தும் பின் கைர் !

அல்ஹம்துலில்லாஹ் ! இந்த வருடம் ஹிஜ்ரி 1434 ரமளான் மாதம் மிகச் சிறப்பாக நம்மிடையே ஒன்றி உலாவி நம் அமல்களை வலுப்படுத்தி உள்ளத்தாலும் உணர்வுகளாலும் தூய்மையை நம்மிடையே நிலைத்திருக்கச் செய்துவிட்டு நம்மை விட்டு விடைபெற்றுக் கொண்டது !

இன்று வளைகுடாவில் பெருநாள், ஃபஜ்ரு தொழுகைக்கு முன்னர் ஒருமணி நேரத்திற்கு முன்னர் எழுந்து தூய்மையான குளியல் பின்னர் தொழுகை, தொடர்ந்து நபிவழி பெருநாள் தினத் துவக்கம் அதிகாலைப் பொழுது புலரும் அற்புதமான தினம் அஜ்மானில் விடிந்தது !

பெருநாள் தொழுகைக்கும் கூடினோம், தொழுதோம், இறைஞ்சினோம் வல்ல இறைவன் அல்லாஹ்விடமே !

அடுத்து என்ன !?

அதிரையின் வாசம் அமீரகத்தில் வீசாமல் ஒரு பெருநாளா ?

அதிரைப் பெருநாள் என்றாலே நம்மில் பெரும்பாலோர் மூக்கிலும் நாக்கிலும் வேர்க்கும் ! அதுதான் மண்வாசனை தூக்கலுடன் இருக்கும் காலை பசியாறவும் அதனைத் தொடரும் பகல் சாப்பாடும் கலைகட்டும் !

இடியப்பம் இல்லாத இல்லமா ? வீட்டில் செய்யா விடினும் (அன்னபூர்னாவுக்கு) தேடிச் சென்று எங்கே கிடைக்குமோ அங்கே காத்திருந்து விழித்திருந்து வாங்கி வந்து சாப்பிடும் வேகம் நம்மவர்களிடையே அதிகம்.

இன்று பெருநாள் (காலைச்) சாப்பாட்டில் கலந்து சிறப்பித்தவைகள் !

மலேசியா பரோட்டா

சிங்கப்பூர் இடியப்பம்

இந்தியா ஆட்டுக்கறி

துபாய் ரவ்வா

சைனா கடப்பாசி

சவுதி வட்டிலப்பம்

பன்னாட்டு இனிப்பு புளிப்பு துணையுடன்...

அதிரையர்களாகிய எங்களை சுவைக்க வைத்தது இன்றைய சிறப்பம்சம். !

அடுத்தென்ன பகல் சாப்பாடு(தான்)...!

பின்னூட்டத்தில் பகல் சாப்பாட்டின் முன்னோட்டம் இன்ஷா அல்லாஹ் தொடரும்... !

அது சரி உங்கள் பெருநாள் எப்படி !? [அதிரையில் நாளைக்காமே !?]

அதிரைநிருபர் பதிப்பகம்

ஈத் பெருநாள் - ஓர் இஸ்லாமியப் பார்வை 7

பண்டிகை, கொண்டாட்டம் என்பது மனித வாழ்வில் இயற்கையாகவே பதியப்பட்ட ஒன்றாய் இருக்கிறது.. எல்லா மனிதர்களுமே  ஒரு தினத்தினை சிறப்பானதாக்கி  கொண்டாடிவருவதும்  வாடிக்கையாய் உள்ளது.

பொதுவாக இன்று உலகத்தில் பண்டிகை, கொண்ட்டாட்டம் என்பது உலக சம்பந்தப்பட்ட  விஷயங்களுக்காகவே  நடைபெறுகிறது. உதாரணமாக  வருடப்பிறப்பு, அறுவடைத்திருநாள், பருவநிலை மாற்றத்திற்கு  விழா, ஆசிரியர் தினம், சுதந்திரதினம்  என அடுக்கிக்கொண்டே  போகலாம். பெரும்பாலும்  அதுபோன்ற விழாக்களில்  மதம் சார்ந்த பண்டிகைகள் இருப்பதையும்  காணமுடிகிறது . இவற்றில் இஸ்லாமியர்களின்  பண்டிகை முற்றிலுமாக வேறுபடுகிறது.

இன்று முஸ்லிம்கள் மத்தியில் மற்ற கலாச்சாரங்களின்  பாதிப்பால்  ஏராளமான  பண்டிகைகளும் , சடங்குகளும் மலிந்துள்ளன.  ”ஒவ்வொரு நாட்டிற்கும் ஒரு பண்டிகை உள்ளது, இது உங்களுடைய (முஸ்லிம்களுடைய) பண்டிகை என்று நபி (ஸல்) அவர்கள், இரண்டு ஈத் பெருநாட்களை சுட்டிக் காட்டியுள்ளதை  கவனத்தில் கொள்ள கடமைப்பட்டுள்ளோம்.

முஸ்லீம்களுக்கு ஈதுல் ஃபித்ர் எனும் நோன்புப் பெருநாளும்   ஈதுல் அழ்ஹா எனும் ஹஜ் பெருநாளையும்   தவிர வேறேதும் கொண்டாடும் வகையில் பண்டிகைகளோ அல்லது தினங்களோ கிடையாது என்பதை பின் வரும் ஹதீஸ் வலுவாக எடுத்துரைக்கிறது .

நபி (ஸல்) அவர்கள் மதீனா சென்றிருந்தபோது  அங்குள்ள மக்கள் ஒரு குறிப்பிட்ட இரு தினங்கள் விளையாட்டிலும், கொண்டாட்டங்களிலும்  கழித்தனர். அப்போது  நபி (ஸல்) அவர்கள் அந்த நாட்களைப்  பற்றிக் கேட்டார்கள். அதற்கவர்கள், “நாங்கள் ஜாஹிலிய்யா காலத்திலிருந்தே  இதுபோன்ற விழாக்களில்  ஈடுபடுவது வழக்கம்"  என பதிலுரைத்தனர். நபியவர்கள்  சொன்னார்கள்  "அல்லாஹ் உங்களுக்கு இவைகளை விட மிக சிறப்பான ( ஃபித்ர் மற்றும் அழ்ஹா ) தினங்களை கொடுத்திருக்கிறான்  என்று.     (அறிவிப்பாளர்   அனஸ் (ரலி) நூல்  - அபுதாவூத் )

இவ்வாறு நமக்கு வழங்கப்பட்டுள்ள  ஈத் பெருநாள்களின்  போது நாம் பின்பற்ற  வேண்டிய பண்புகள் பற்றி நாம் அறிந்து கொள்ளுதல் அவசியமாகிறது. நபி (ஸல்) அவர்கள் சொல்லித்தந்த  வழிமுறையினை  பின்பற்றுவது முஸ்லிமாகிய நம் அனைவர் மீதும் தலையாய கடமையுமாகிறது .

குளிப்பு:  பெருநாளன்று  தொழுகைக்கு செல்வதற்கு முன் குளிப்பது சிறப்பானதாக கருதப்படுகிறது . சயீத் இப்ன் ஜுபைர் அவர்கள் ," பெருநாளன்று  மூன்று விசயங்கள் ஸுன்னத்துகளாக கருதப்படும் அவையானது, 

1) (தொழுகைக்காக ) நடந்துசெல்வது .

2) குளிப்பது 

3) தொழுகைக்கு செல்லும் முன் சிற்றுண்டி அருந்துவது.” என அறிவிக்கிறார்கள் .

தொழுககைக்கு முன் உணவு:  ஈது பெருநாளன்று யாரும் நோன்பு நோற்கக்கூடாது , நோன்பு காலம் முடிந்துவிட்டது என்பதை அறிவிக்கும்  பொருட்டும் ,  அந்நாளில் அனைவரும் உண்டு மகிழ்ச்சியாக இருக்கவேண்டும் என்பதற்கான அடையாளமாகவும் பெருநாளன்று காலை தொழுகைக்கு முன்பாக சிற்றுண்டி அருந்தவேண்டுமென்பது  அவசியமாகிறது .

அனஸ் பின் மாலிக் (ரலி) அவர்கள் அறிவிப்பதாக  புஹாரியில் இடம் பெற்றுள்ள ஹதீஸ்,

"நபி (ஸல்) அவர்கள் ஈதுல் ஃபித்ர் தினத்தன்று காலையில் சில பேரீத்தம் பழங்களையாவது சாப்பிடாமல்  வெளியே செல்லமாட்டார்கள், மேலும் அவர்கள் பேரீத்தம்பழங்களை  ஒற்றைப்படையில் சாப்பிடுவார்கள்" என நமக்கு சொல்கிறது . (ஹஜ் பெருநாள் தினத்தன்று தொழுகைக்கு பின் உணவருந்துவது  நபிவழி )

தக்பிர் முழக்கம் : தக்பீர் முழங்குவது என்பது பின்பற்ற வேண்டிய சுன்னத்களில் மிகவும் அவசியமானதாயிருக்கிறது  ஏனெனில் அல்லாஹ் தன் திருமறையிலே கூறுகிறான் ,

”..............................(நோன்பின் ) எண்ணிக்கையை நீங்கள் நிறைவு செய்வதற்காகவும் , அல்லாஹ் உங்களை நேரிய வழியில் செலுத்தியதற்காகவும்  நீங்கள் அவனுடைய மேன்மையைப்  போற்றி அவனுக்கு நன்றி பாராட்டுவதற்காகவுமே (இவ்வழி உங்களுக்கு காண்பிக்கப்படுகிறது  !) 2:185

எனவே பெருநாளன்று  தக்பீர் முழங்குவது அவசியமாகிறது. பிறை பார்த்ததிலிருந்து  இமாம் தொழுகையை முன்னிருத்தும் நேரம் வரையிலும் தக்பீர் சொல்வதற்குரிய  நேரமாக கருதப்படுகிறது. . 

அல்லாஹு அக்பர் , அல்லாஹு அக்பர் , லாயிலாஹ இல்லல்லாஹ் வல்லாஹு அக்பர் அல்லாஹு அக்பர் வலில்லாஹில் ஹம்து ( அல்லாஹ் மிகப் பெரியவன் , அல்லாஹ் மிகப் பெரியவன் , அல்லாஹ்வைத்தவிர  வேறெந்தக் கடவுளுமில்லை ,அல்லாஹ் மிகப் பெரியவன் , அல்லாஹ் மிகப் பெரியவன் மேலும் அவனுக்கே புகழனைத்தும் ).

ஆடை அலங்காரம்: 

”ஒருமுறை உமர் (ரலி) அவர்கள் கடைத்தெருவில்  செல்லும் போது ஓர் உயர் ரக ஆடை (மேலங்கி) ஒன்று விற்பனைக்காக இருந்தது. ,அது பட்டுத்துணியால் ஆனது. இதனை அல்லாஹ்வின் தூதர் முஹம்மது (ஸல்) அவர்களிடம் வாங்குமாறும், அந்த ஆடையை ஈத் தினத்தன்றும் மற்றும் அயல்நாட்டு தூதர்களை சந்திக்கும் போதும் உபயோகிக்கலாம் எனவும் ஆலோசனை வழங்கிய போது , நபியவர்கள்  " இது மறுமையில்  எந்த பங்கும் கிடைக்காத மனிதர் உடுப்பது " என மறுத்துவிட்டார்கள்  .  

( அறிவிப்பாளர் : அப்துல்லாஹ் இப்னு உமர் (ரலி) நூல்: புஹாரி)

உமர் (ரலி) அவர்களின் , ஒருவரின் தோற்றத்தினை  செம்மைப்படுத்தும்  யோசனையினை   அங்கீகரித்த நபியவர்கள்  பட்டுத்துணிக்குத் தடைவிதித்தார்கள். .

நபி (ஸல்) அவர்கள் தம்மிடமிருந்த  சிறந்த ஆடையையே ஈத் தினத்தன்றும் ஜும்ஆ தினங்களிலும் அணிந்ததாக  ஜாபிர் (ரலி) அவர்கள் அறிவிக்கிறார்கள்  .

ஆக நம்முடைய உடைத்தேர்வுகளில்  மிகுந்த கவனமாயிருத்தல்  வேண்டும்.

பெண்களைப் பொறுத்தவரையில்  தொழுகைக்காக வெளியே செல்ல நேருமாயின் அலங்காரங்களைத் தவிர்த்தல் வேண்டும். . நாம் வெளியே செல்வது இறைவனைத் தொழவே ஆகையினால் மிகக் கவனமாயிருத்தல்  உகந்தது.  

ஒருவழி சென்று மறுவழி வருதல் :

நபி(ஸல்) அவர்கள் பெருநாள் தொழுகைக்காக நடந்து செல்வதும், பாங்கு , இகாமத் ஏதுமின்றி தொழுவதும் , பிறகு தொழுகை முடிந்து வேறு வழியில் வீடு திரும்புவதையும்  வழக்கமாய் கொண்டிருந்தார்கள்.

ஜாபிர் பின் அப்துல்லாஹ் (ரலி) அவர்கள் அறிவிக்கும்  ஹதீஸில், “ அல்லாஹ்வின் தூதர் (ஸல்) அவர்கள் ஈத் தொழுகைக்காக சென்றுவர இருவேறு பாதைகளை உபயோகிப்பார்கள் ” என்று குறிப்பிடுகிறார்  . இந்த முறையையும் நாம் பின்பற்றுதல் வேண்டும்;

வல்ல இறைவன் நமக்களித்த இந்த ஈத் திருநாளில் அவனது தூதர் (ஸல்) அவர்கள் கற்றுத்தந்த வழிமுறைகளைப்  பின்ற்றி , ஈகைத் திருநாளின் நோக்கத்தையும்  பொருளையும்  உணர்ந்து சிறப்பாக கொண்டாடி ஏக இறைவனின் உவப்பை பெறுவோம் !

ரஃபீக் சுலைமான்

புதுசுரபி