மனு நீதி மனித குலத்துக்கு நீதியா? அலசல் தொடர் நிறைவுப்பகுதி. 17

அலசல் தொடர் பனிரெண்டு. 

நிறைவுப்பகுதி

இந்த தொடரின் நிறைவுப்பகுதி இதுவாகும். ஒரு சமயம் ஏதாவது குழல் ஊதும்  பாலாஜிகள் பின்னூட்டத்தில் கேள்விகள் எழுப்பினால் மேலும் விளக்கமளிப்பதற்காக தொடரக்கூடும். 

இந்த தொடர் வெளியிடப்பட்டுக் கொண்டு இருந்த போது இதை  எழுதுவதற்கு ஒரு குறிக்கோள் உண்டு என குறிப்பிட்டிருந்தேன். அவைகளை நிறைவில் சொல்வேன் எனவும் குறிப்பிட்டிருந்தேன். ஒரு குறிக்கோள் மட்டும் அல்ல அந்த குறிக்கோளை சார்ந்த மற்றொரு குறிக்கோளும்தான். அந்த குறிக்கோள்கள் -

ஒன்று தங்களை பிறப்பாலும் , சமுதாய , சமூக பழக்கவழக்கங்களாலும் தாழ்வுபடுத்தி வைத்திருக்கும் சாஸ்திர சம்பிரதாய சட்டங்களை தாழ்த்தப்பட்ட சகோதரர்களுக்கு தோலுரித்துக்காட்டி நீங்கள் சார்ந்திருக்கும் அல்லது நம்பிக்கொண்டிருக்கும் உங்களின் சமயம் உங்களை வைத்திருக்கும் இழிநிலை இதுதான் என்று அவர்களுக்கு சான்றுகளுடன் சொல்வது. 

இரண்டு இப்படி தாழ்வுற்று, வறுமை மிஞ்சி கிடக்கும் இந்த தாழ்த்தப்பட்ட சமுதாயத்தோரை நல்வழி காட்டி நல்ல மார்க்கத்துக்கு அவர்களைக்கொண்டுவர தூண்டுகோலாய் நிற்பது. இந்தப் பணிக்காக தீனை நிலைநாட்ட தீன் குலத்தோரை திரட்டுவதற்கு அடிக்கல் நாட்டுவது. 

இந்த தொடரைப்பொறுத்தவரை போதும் போதும்  என்கிற அளவுக்கு பிறவிப்பாகுபாடு, தீண்டாமை, பெண்ணடிமை உட்பட பல கருத்துக்களில் சமூக  பாகுபாட்டின் ஊற்றுக்கண் ஆன மனுநீதியை வரிவரியாக அலசி வெளிச்சம் போட்டுக்காட்டி இருக்கிறேன். இனி தொடர்ந்தும்  சில இதிகாசங்களை தொட எண்ணி இருக்கிறேன். அதன் தொடர்ச்சியாக மகாபாரதமா? மகாபாதகமா ? என்ற தொடர் இன்ஷா அல்லாஹ் அடுத்து வர இருக்கிறது. ( சும்மா அதிருதில்லே.)

இனி இந்த அத்தியாயத்தில் எழுதி நிறைவு செய்ய இருப்பது துயருறும் மக்களுக்கு நல்வழி காட்டி நல்ல மார்க்கத்துக்கு அவர்களை அழைத்துவர நாம் செய்ய வேண்டியது என்ன என்பது பற்றித்தான்.

வீணாக நமக்குள் பழங்கதைகள் பேசி திரியவேண்டாம். இன்றைய இஸ்லாம் இந்தியாவில் மட்டுமல்ல உலக அரங்கில் பரவி வருகிறது என்பது ஒருபுறமிருக்க காயத்த மரம்தான் கல்லடிபடும் என்கிற கருத்துக்கும் தப்பவில்லை. திட்டமிட்டு வரலாறுகள் மறைக்கப்படுவது, தீவிரவாதமுத்திரை குத்தப்படுவது, ஊடகங்களில் செய்திகள் மறைக்கப்படுவது, அஸ்ஸாம், மியான்மர் போன்ற நாடுகளில் இன அழித்தொழிப்பு, இஸ்ரேலின் தொடர்ந்த அடக்குமுறை, வல்லரசுகளின் பாகுபாடான நடவடிக்கைகள் போன்றவற்றால் அல்லாஹ்வின் இந்த மார்க்கம் பெரும் சவால்களை எதிர் நோக்கித்தான் உள்ளது. ஆனாலும் அல்லாஹ் பலவகையிலும் நமது பொருளாதார வலிமையை உயர்த்தி பாதுகாத்தே வருகிறான். இருந்தாலும் நம்மிடையே ஒற்றுமைக்குறைவு என்பது பெரும் சமுதாய  ஊனமாக  இருக்கிறது.

வெறும் வார்த்தைகளால் இதை இப்படி எழுதினாலும் இந்த ஊனத்தின் தாக்கம் பல ஊர்களில் சமுதாயத்தை சமுதாய வளர்ச்சியை – வாழ்வை- இடுப்பொடித்துப் போட்டு இருக்கிறது.    நமக்கு நாமே ஒட்டிக்கொள்ளும் சுவரொட்டிகள்- போட்டுக்கொள்ளும் பொய் வழக்குகள் ஆகியவற்றின் எண்ணிக்கை கூடிக்கொண்டே போகிறது. சகோதரர்களுக்குள் முஷ்டி மடக்கி நடத்திக் கொள்ளும் வன்முறைகளால் பல ஊர்களில் சமுதாயம் சின்னா பின்னப்பட்டுக் கிடக்கிறது. ஆண்டான்  அடிமைத் தனத்தை அடக்கி  வரலாற்றில் இடம் பெற்ற மார்க்கத்தை சேர்ந்தவர்கள் தங்களுக்குள் உயர்வு தாழ்வு கற்பித்து நீயா நானா  என்று பூவா தலையா போட்டுப் பார்த்துக்கொண்டு இருக்கிறோம். 

இந்த லட்சணத்தில் நம்மை நோக்கி தழுவும் எண்ணத்தோடு தாழ்த்தப்பட்டவர்களை அழைப்புக்கொடுத்து எப்படி ஈர்க்க முடியும் என்பதை நாம்தான் சிந்திக்க வேண்டும். 

ஆனாலும் இந்த அழைப்பிடுதல் அல்லாஹ்வின் கட்டளை. இந்தப் பணியை தொடர்ந்து செய்தே ஆகவேண்டும்.; இதை நிறைவேற்றியே ஆகவேண்டும்.

இறைவன் தனது திருமறையில் கூறுகிறான். 

முஸ்லிம்களாகிய உங்களை நாம் – உம்மத்தன் வாஸத்தன்- சமநிலையுடைய சமுதாயமாக ஆக்கினோம். நீங்கள் மக்களுக்கு சான்று வழங்குபவர்களாகவும், இறைத்தூதர் உங்களுக்கு சான்று வழங்குபவர்களா கவும்   திகழ்ந்திடவேண்டுமென்பதற்காக ( 2: 142-143)

அது மட்டுமா? நாம் நடுநிலயுள்ள சமுதாயம்- நீதியை நிலை நாட்டிய வரலாறு படைத்த சமுதாயம். இந்த நமது சமுதாயத்துக்கு இறைவனே சான்று தருகிறான். இப்படி 

“இனி மனித இனத்தை சீர்படுத்துவதற்காக தோற்றுவிக்கப்பட்டிருக்கும் மிகச்சிறந்த சமூகத்தவராக  நீங்கள் இருக்கிறீர்கள். நீங்கள் நன்மை புரியும்படி ஏவுகின்றீர்கள்; தீமையிலிருந்து தடுக்கிறீர்கள். மேலும் அல்லாஹ்வின் மீது  நம்பிக்கை கொள்கின்றீர்கள். வேதம் அருளப்பட்ட இவர்களும் நம்பிக்கை கொண்டிருந்தால் அது அவர்களுக்குத்தான் நன்மையாக இருந்து இருக்கும். ஆனால் அவர்களில் சிலரே நம்பிக்கையாளராய் இருக்கின்றனர்; அவர்களில் பெரும்பாலோர் வரம்பு மீறுபவர்களாக இருக்கின்றார்கள்.”   ( அத்தியாயம் ஆலு இம்ரான் 110)    

மேலே காணும் இறைவசனம் முஸ்லிம் சமுதாயத்தின் மீது இறைவன் சுமத்திய பொறுப்பாகும். நாம் மிகச்சிறந்த சமுதாயம் என்ற இறைவனின் வசனத்தை நமது ஒழுக்கத்தின் மூலமும், ஒற்றுமையின் மூலமும் நிரூபிக்கவேண்டிய பொறுப்பும், நன்மையை ஏவி மனுநீதி போன்ற தீமையை தடுக்கும் பொறுப்பும் “உம்மத்தன் வாஹிதா”   என்கிற  அல்லாஹ்வை மட்டுமே ரப்பாக ஏற்றுக்கொண்டுள்ள முஸ்லிம்களுக்கு நிறையவே  இருக்கிறது. ஆண்டாண்டு காலமாக அடிமைப்பட்டுக்கிடக்கும் ஒரு சமுதாயத்தை கைதூக்கிவிட்டு நல்வழிகாட்டி நம்மோடு இணைத்துக்கொள்ளும் வாய்ப்பும் கடமையும்  நமக்கு இருக்கிறது. 

தாம் பெற்ற இன்பம் பெருக இவ்வையகம் என்கிற கருத்தின் அடிப்படையில் உலகில் உயர்ந்த சமுதாயமாக – ஹைரா உம்மத்-    ஆக இருக்கும் நாம் நாம் பெற்ற இன்பத்தை நோக்கி மற்றவர்களையும் அழைத்து வரவேண்டும். தீர்வைப்பற்றிப் பேசாமல் பிரச்னைகளைப்பற்றி  மட்டுமே பேசிக்கொண்டு இருக்கும் நாம் இந்த கீழ்க்கண்ட இறைவசனத்தை நோக்கி நமது சக்திகளை செலவழிக்க வேண்டும். 

“ எந்த தீனை – வாழ்க்கை நெறியை நூஹூக்கு  அவன் வகுத்தளித்திருந்தானோ, 

மேலும் முஹம்மதே எந்த வாழ்க்கை முறையை உமக்கு நாம் வஹியின் அறிவித்திருக்கின்றோமோ , 

மேலும் எந்த வழிகாட்டலை இப்ராஹீம், மூஸா, ஈசா, ஆகியோருக்கு நாம் வழங்கி இருக்கின்றோமோ

அதே தீனை வாழ்க்கை முறையைத்தான் உங்களுக்காக அவன் நிர்ணயித்துள்ளான் ; இந்த தீனை நிலை நாட்டுங்கள் ; இதில்  பிரிந்து  போய்விடாதீர்கள்  “  ( 42: 13).

ஆகவே தீனை நிலைநாட்டுவோம். இறைவனின் மார்க்கத்தை எல்லோருக்கும் எடுத்துச் செல்லுவோம்; சொல்லுவோம். வழிகெட்டவர்களையும் , மனுநீதிபோன்ற  அநீதியால் அடக்கிவைக்கப்பட்ட அனைவரையும்   அன்பால் அரவணைத்து அன்பும், அமைதியும், சாந்தமும், சமாதானமும், சமத்துவமும்  அனைவரின் வாழ்விலும் பொங்கிப் பெருக உழைக்க கரம்  இணைத்து  சபதமேற்போம். 

இன்ஷா அல்லாஹ் இன்னொரு பகிர்வில் மீண்டும் இணைவோம்.

இபுராஹீம் அன்சாரி

மனுநீதி மனித குலத்துக்கு நீதியா- அலசல் தொடர் - 11 35

அலசல் தொடர் பதினொன்று

கடந்த சில வாரங்களாக தோலுரித்துக்காட்டப்ப்பட்ட இந்த மனு நீதியின் அலசல் தொடர் அல்ல அவலத்தின் தொடர் முடிவுறும் நிலைக்கு வந்துவிட்டது. பலமுறை கடலில் மூழ்கி முத்தெடுக்கும் மனநிலையில் இருக்கும் எங்களைப்போல எழுதுபவர்களுக்கு - இப்படிப் பட்ட இடர்தரும் தொடர்களை எழுதும்போது சாக்கடையில் இறங்கிய அவல அனுவபம்தான் இருக்கும். அந்த மனநிலைதான் எனக்கும் இருக்கிறது. ஆனாலும் ஒரு தீயை தீ என்று சுட்டிக்காட்டிய – பாம்பை பாம்பு என்று கவனப்படுத்திய மனதிருப்தியும் இருக்கிறது. 

இதுவரை எழுதப்பட்ட பத்து அத்தியாயங்களின் தொகுப்புரையை தரும் முன்பு,   தொடர்பான சில செய்திகளை இன்னும் இங்கு பகிர விரும்புகிறேன். 

கிருத்துவம் , இஸ்லாம், புத்தம் என எல்லா மதங்களும் மதவெறி பிடித்தவை. அதனால் தான் அந்த மதத்தினர் மத மாற்றத்தில் ஈடுபடுகின்றனர் என்று ஆரிய சமாஜத்தை சேர்ந்த இருவர் அண்ணல்.அம்பேத்கரிடம் வாதம் புரிந்தனர்.

சிரித்துக் கொண்டே அம்பேத்கர் சொன்னார், நண்பர்களே, உங்கள் ஹிந்து மதத்திற்கு மதம் மாறி வருபவனை எந்த ஜாதியில் சேர்ப்பது என்ற பிரச்சனையால் தான் உங்களால் மதமாற்றத்தில் ஈடுபட முடிவது இல்லை என்று கூறினாராம். இதுவே உண்மை. 

வரலாற்றுப் பின்னணியில் பார்ப்போமானால் இந்தியா முதலிய இதர நாடுகளில் அந்த மண்ணில் ஆதிக்கம் செலுத்திக்கொண்டிருந்த மதங்கள் – அத்தகைய மதங்களின் சொந்த குறைபாடுகளால் –அவற்றைப் பின்பற்றிய மக்களுக்கே மனமாற்றம் ஏற்பட்டு – தூக்கி எறிந்துவிட்டு – நல் வழி காட்டும் என்று அவர்கள் நம்பிய பிற மதங்களை தழுவினர். இப்படி வெறுக்கப்பட்ட மதங்களில் தலையாய மதம் இந்து மதம்- தழுவப்பட்ட மதங்களில் தலையாய மதம் இஸ்லாம் மதம். இது வரலாறு. இப்படி மதமாற்றங்கள் ஏற்பட பெரும்பணி ஆற்றியுள்ள காரணங்களில் – கருத்துக்களில் – கொள்கைகளில் மனு நீதி தன் மதத்துக்கு  தானே மண்ணை அள்ளிப்போட்டவை  மிகப்பல. அத்துடன் அந்த மனுநீதி மற்றும் சாஸ்திர, சம்பிரதாயங்கள் இந்து மதத்துக்கு வைத்த கொள்ளியும் அதிகம். விட்டால் போதுமடா சாமி என்று விலகி ஓடியவர்கள் ஏராளம். 

• 160 மில்லியன் மக்கள் தீண்டத்தகாதவர்களாக ஒதுக்கிவைக்கபட்டார்கள். 
• தலித் என்ற முத்திரையும் – அரிஜன் என்ற அடையாளமும் வழங்கப்பட்டவர்கள்   கொடுமைப்படுத்தப்பட்டார்கள். 
• கல்வி, கருத்து சுதந்திரம் தடை செய்யப்பட்டது
• ஊரை விட்டு ஊருக்கு வெளியே ஒதுக்கிவைக்கப்பட்டர்கள்
• கோயிலுக்குள்ளே நுழைவது தடுக்கப்பட்டது
• செய்திதாள்களில் வெளிவந்த செய்திகளின் தலைப்புச் செய்திகளின் தலைப்புகளை ஒரு மேலோட்டமான ஆய்வு செய்தாலே என்ன நடந்தது நாட்டில் என்பது தெரியவரும்.
• பூப்பறித்த காரணத்தால் ஒரு தலித் சிறுவன் சுட்டுக் கொலைசெய்யப்பட்டான்
• மூன்று நாட்களாக விசாரணை என்ற பெயரில் தலித் இளைஞர்கள் காவல்துறையால் சித்திரவதை. 
• பீகாரில் தலித்துகள் நிர்வாணப்படுத்தப்பட்டு ஊர்வலம்
• கர்நூலில் காவல்துறை லாக்-அப்பில் தலித் மரணம்
• அரியானாவில் ஏழு தலித்துகள் உயிருடன் கொளுத்தப்பட்டனர்
• தலித் பெண்கள் கூட்டாக கற்பழிக்கப்பட்டனர்,
• திண்ணியம் என்ற ஊரில் தலித்துகளின் வாயில் மலம் திணிக்கப்பட்டது 

என்றெல்லாம் செய்திகள் வந்த வண்ணம் இருந்தன - இருக்கின்றன. அது மட்டுமல்லாமல் கனடாவின் வான்கோவர் நகரத்திலே நடைபெற்ற உலக தலித்துகள் மாநாட்டில் ( INTERNATIONAL CONFERENCE FOR DALITS) படிக்கப்பட்ட ஆய்வறிக்கையின் பிரகாரம் இந்தியாவின் 90 சதவீதம் இருக்கும் தலித்துகளில்  95 சதவீதம் படிப்பறிவு அற்றவர்கள்; அத்துடன்  இந்திய தேசிய குற்றப் பதிவுகள் துறையின் ( INDIA’S NATIONAL CRIME RECORDS BUREAU ) புள்ளி விபரக் கணக்குப்படி கடந்த வருடம் 25,455  குற்றங்கள் தலித்துகளுக்கு எதிராக இழைக்கப்பட்டன. ஒரு மணிக்கு இரண்டு தலித்துகள் கை கால ஓடிக்கப்படுகின்றனர்; ஒரு நாளைக்கு மூன்று  தலித் பெண்கள் வீதம் உயர் சாதியினரால் கற்பழிக்கப்படுகின்றனர்; இரண்டு தலித்துகள் கொல்லப்படுகின்றனர், இரண்டு தலித்துகளின் வீடுகள் நொறுக்கப்படுகின்றன; அல்லது எரிக்கப்படுகின்றன. இந்த புள்ளி விபரங்கள் பாதி கதையைத்தான் சொல்கின்றன. சொல்ல மறந்த கதைகள்  ஏராளம். காரணம் உயர்சாதிக்கு பயந்துகொண்டு குற்றங்களை பதிவு செய்ய விரும்பாத மக்கள், மிரட்டும் காவல்துறை, கிராம பஞ்சாயத்து அமைப்புகள் பாதி கதையை விழுங்கி விடுகின்றன. 

காவல் துறையின் மீது அநியாயமாக அடித்ததாகவும், கொடுமைப்படுத்தியதாகவும், உயர்சாதியினரின் பக்கம் நின்று பாரபட்சம் காட்டியதாகவும், அவர்களுக்கு எதிராக வழக்கு பதிவு செய்ய மறுத்ததாகவும்  பதிவு செய்யப்பட மொத்த வழக்குகள் 68,160 ஆகும். இவற்றுள் அறுபது சதவீத வழக்குகள் ஆதாரமில்லை என்று தள்ளப்பட்டன. இருபத்தாறு காவல்துறை உயர் அதிகாரிகள் மீது நீதிமன்றத்தில் வழக்குகள் தொடுக்கப்பட்டன. 

இந்த அளவுக்கு   தலித்துகளின்  நிலை மோசமாகப்போக காரணம் என்ன என்பதை தலித்துகள்தான் சிந்திக்க வேண்டும். இந்த நாட்டுக்கே சொந்தமான பூர்வகுடிகள் அவர்களே. எங்கிருந்தோ ஆடுமாடு மேய்த்துவந்த ஆரியர்களுக்கு கொடுத்த இடம் இன்று தலித்துகளின் மடம் பிடுங்கப்பட்டு அடிமை வாழ்வு வாழும் கட்டாயம் ஏற்பட்டு இருக்கிறது. நாமெல்லாம் இந்துக்கள் என்று தலித்துக்களை வாக்காளர் பட்டியலில் சேர்க்கும் உயர்சாதியினர் அவர்களை ஏன் பந்தியிலே சேர்ப்பதில்லை என்பதை தலித்துகள் சிந்திக்கவேண்டும். மீனாட்சி புறத்தில் தலித்துகள் கூட்டமாக இஸ்லாத்தை தழுவியபோது ஓடிவந்து பல்லக்கு ஊர்வலம் நடத்தி பாலிஷ் போட்ட  மடாதிபதிகள் அதே மீனாட்சி புறத்தில் தீண்டாமை கொடுமை நடந்தபோது- தனிக்குவளை வைக்கப்பட்டபோது  ஏன்  கண்டிக்கவில்லை என்று  தலித்துகள் சிந்திக்க வேண்டும். தாங்கள் கல்லெடுத்து மண்ணெடுத்து கட்டிய கோயிலுக்குள் தங்களின் கால் படக்கூடாது அப்படிப் பட்டால் பரிகார பூஜை செய்யவேண்டும் என்கிற நிலையை தங்களுக்கு தந்தவர் யார் என்பதை எல்லாம்  அவர்கள்தான்  சிந்திக்க வேண்டும். 

• பிறக்கும்போதே தங்களை கடவுள் சூத்திரனாக காலில் இருந்து படைத்தார் என்பதாகவும் – உலகம் புகழும் வள்ளுவர் போன்ற அறிஞர்களைக்கூட சாதியில் இழிவுபடுத்தியது என்றும் ,   
• தங்கள் குலப்பெண்கள் தேவதாசிகளாகவும் பின்னர் தாசிகளாகவும்  ஆக்கப்பட்டனர் என்பதாகவும் 
• பெயர் சூட்டுவதில் கூட இழிந்தபெயர் சூடப்பட்டன என்பதாகவும் 
• அரசுப்பதவிகளில் அமர அருகதையற்றவர்களாக சித்தரிக்கப்பட்டார்கள் என்பதாகவும் சொல்லியது மனு நீதி என்றும் அத்துடன் 
• பெண்ணுரிமைகள் மறுக்கப்பட்டன என்பதையும்,
• அரசாலும் உரிமைகள் மறுக்கப்பட்டன என்பதையும்,
• அரசவைகளில், நீதிமன்றங்களில் தலித்துகளுக்கு இடம் தரக் கூடாது என்று தடுக்கப்பட்டதையும் 
• தலித்களின் இனத்தாருக்கு தனிப்பட்ட கொடுமையான  பாரபட்சமான நீதி வழங்கப்பட்டதையும்  
• ஒரே குற்றத்துக்கு இனம் பார்த்து நீதிவழங்கப் பட்டதையும் , 
• மனு நீதியின் நோக்கமே நீ தாழ்ந்தவன் நான் உயர்ந்தவன் என்று பாரபட்சம் கற்பிக்கவும், நான் கட்டளை இடுவதை சொல்வதை நீ கேட்கவேண்டுமென்ற அடிமைத்தனம் கற்பிப்பதுமே ஆகுமெனவும், 
• அசிங்கத்தை தொட்டால் சோப்பு போட்டால் போதும் ஆனால் ஆட்கள் தொட்டால் குளிக்கவேண்டும் என்று கற்பிக்கிறது என்பதையும், 
• மனுநீதி மனுஷனைப்பற்றி கவலைப்படவில்லை மாட்டைப்பற்றி கவலைப்படுகிறது என்பதையும்.

கடந்த பல அத்தியாயங்களில் ஆதாரங்களுடன் எடுத்துவைத்தோம். இவ்வளவையும் படித்த பிறகு தலித்துகளின் நிலை என்ன? மதியாதார் வாசல் மிதியாதே என்பதற்கொப்ப தங்களை- தங்கள் இனத்தை மதிக்காத சாஸ்திரங்கள் அடங்கிய சாக்கடையில் இன்னும் மூழ்கி இருந்து அவமானப்படப்போகிறார்களா அல்லது சமத்துவமும்-  சகோரத்துவமும் - மனிதாபிமானமும் தழைத்து வளர்ந்துள்ள மற்றொரு வாழ்வு முறையை தேடி தங்களின் மேல் சந்தனத்தை தடவப்போகிறார்களா?

• புனை சுருட்டு குப்பை அன்றோ –பழம்
• புராண வழக்கங்கள் யாவும் ? 
• இனிமேலும் விட்டுவைக்காதே
• எடு துடைப்பத்தை இப்போதே
• தனி உலகை ஆண்டனை முன்னாள் 
• தன் மானம் இழந்திடாதே இந்நாள .- என்றார் பாரதிதாசன் . அப்படி பழங்குப்பை  களைந்து புதுவாழ்வை நோக்கி தலித்துகள் வரவேண்டிய காலம் இனியாவது வரவேண்டும். 

நேரம் இருந்தால் நெஞ்சை உருக்கும் இந்த இணைப்புகளை பாருங்கள். 

http://www.youtube.com/watch?v=JC3C2voZjrA&feature=related

http://www.youtube.com/watch?v=lgDGmYdhZvU&feature=player_detailpage

http://www.youtube.com/watch?v=2dUptoJfxOM&feature=related

http://www.youtube.com/watch?v=p9Zb0s7TT5E&feature=player_detailpage

http://www.youtube.com/watch?v=Q7_zmUghLmw&feature=related

http://www.youtube.com/watch?v=KXybxzLL3Xs&feature=related

http://www.youtube.com/watch?v=jTMVZ2e_UKQ&feature=related

அப்படி கோடையிலே இளைப்பாறிக்கொள்ளும்வகை கிடைத்த குளிர்தருவாக- நிழலாக இஸலாம் அவர்களை அரவணைக்கக் காத்திருக்கிறது. இதை சரித்திரம் மெய்ப்பித்து இருக்கிறது. இந்தியாவில் பல மாநிலங்களில் மட்டுமல்ல உலகம் முழுவதும் இன்று இஸ்லாத்தை நோக்கித்த் திரும்பி வருகிறது என்பது அண்மைக்கால சரித்திரமும் , புள்ளி விபரங்களும் தரும் சான்றுகளாகும். 

அண்மையில் அமெரிக்காவிலிருந்து ஒரு ஆராய்ச்சிக்குழு ஆப்ரிக்க நாடுகளுக்கு அனுப்பப்பட்டது. குழு அனுப்பப்பட்டதன் நோக்கம் ஆப்ரிக்க மக்களுக்கிடையே கம்யூனிச கருத்துகள் பரவுகிறதா அல்லது முதலாளித்துவ கருத்துக்கள் பரவுகிறதா என்பதை ஆராய்ந்து அறிக்கை தருவதே. குழுவும் அறிக்கை தந்தது. அதில் சொல்லப்பட்டிருந்தது- ஆப்ரிக்க நாடுகளில் கம்யூனிசமும் பரவவில்லை; முதலாளித்துவமும் பரவவில்லை. மாறாக மிக வேகமாக  இஸ்லாம்தான்  பரவி வருகிறது என்பதே. அது உண்மையே. 

கடந்த ஜூலை நான் ஆப்ரிக்க நாடுகளில் ஒன்றான அங்கோலாவுக்கு அலுவலக வேலையாக சென்று இருந்தபோது கண்ணால் கண்டது அந்த ஜும்மா தினத்தன்று இருபத்தியோர் ஆண்கள் இஸ்லாத்தை தழுவினார்கள். அங்கு ஜமாஅத்துடைய வேலைகள் – கூட்டமாகவோ – தனிப்பட்ட முறையிலோ சந்திப்பு ஆகிய பணிகள் நிறைவாக வும் நிறையவும்  நடைபெற்று வருகின்றன. வெள்ளிக்கிழமை தொழுகை முடிந்ததும் அந்த பள்ளியின் இமாமுடன் நாங்கள் பேசிக்கொண்டிருந்தபோது அடுத்தட வாரம் இஸ்லாத்தில் இணைய இருக்கும் இன்னும் இருபது பேர்களின் பட்டியலையும் காட்டினார். அந்தப் பட்டியலில் இணைய இருக்கும் சகோதரர்களின் பழைய பெயர்- சூட்டப்பட்டுள்ள புதிய பெயர் எல்லாம் இடம் பெற்று இருந்தன. அங்கு –அன்று இணைந்தவர்களுடன் நான் நடத்திய உரையாடல் – அவர்களின்  கதைகள் இன்னொரு ஆக்கத்தில் தனியாக தர இருக்கிறேன். இன்ஷா அல்லாஹ். அங்கோலா தலை நகரம் லுவான்டாவில் இருக்கும் ஒரே பள்ளி வசதிகள் குறைவாகவும்- பழைய பள்ளியாகவும் இருக்கிறது என்பதால் அரபு நாடுகளின் உதவியுடன் ஒரு நவீன வசதிகள் கொண்ட பள்ளி தலதொனா என்ற இடத்தில் பெரும் பொருட்செலவில் பிரம்மாண்டமாக உருவாக்கப்பட்டு வருகிறது. 

பிரான்சு நாட்டின் தலை நகரமாம் பாரிஸ் நகரம் கேளிக்கைகளுக்கு உலகப்புகழ்பெற்றது . இன்று அங்கே தாவா பணிகள் சிறப்புற நடைபெற்று பலர் குறிப்பாக பெண்கள் இஸ்லாம் மார்க்கம் தழுவி வருகின்றனர். பள்ளிகளில் இடப்பற்றாக்குறை காரணமாக சாலைகளில் மக்கள் தொழுகை நடத்துவதைக்கண்ட பிரான்சு அரசு புதிய பள்ளிகளை நிர்மாணிக்க உத்தரவிட்டு இருக்கிறது. 

அரபு நாடுகளின் அனைத்துப் பகுதிகளிலும் வேலை செய்யும் பல்வேறு வெளிநாட்தைச் சேர்ந்தவர்கள் தொடர்ந்து இஸ்லாத்தை தழுவுவது அன்றாட செய்தியாக இருக்கிறது. அவற்றுள் ஒன்று இதோ பிலிப்பைன்ஸ் நாட்டைச்சேர்ந்த இருநூறு பெண்கள் இஸ்லாத்தை தழுவிய செய்தி. 

http://gulfnews.com/about-gulf-news/al-nisr-portfolio/xpress/200-filipinos-embrace-islam-in-dubai-1.1059949

அமெரிக்காவில் புதிய பள்ளிகள் நிர்மாணிக்கப்படுகின்றன. அங்கிருக்கும் சர்சுகள் பள்ளிவாசல்களாக பரிணாமம் பெற்று வருகின்றன என்ற செய்தியும் நமக்கு கிடைக்கிறது. இதேபோல் உலகம் எங்கும் நடைபெறும் மாற்றங்களை தெரிந்துகொள்ள 

http://www.religion-online.org/show article.asp?title=2877

http://www.Islamfortoday.com/webmaster.htm.   

ஆகிய  வலைதளங்களில் சென்று பார்த்தால் பல வரலாறுகள் தெரியவருகின்றன. மேலும் RELIGIOUS TOLERANCE ORGANIZATION .COM என்கிற ஒரு பொதுவான அமைப்பு வெளியிட்டுள்ள அறிக்கையில் இப்படி கூறுகிறது. 

Estimates of the total number of Muslims range from 0.7 to 1.8 billion worldwide and 1.1 to 7 million in the U.S.  3 We accept the best estimate as 1.57 billion, concluded by the Pew Forums. About 23% of all people on Earth follow Islam. The religion is currently in a period of rapid growth.

Christianity is currently the largest religion in the world. It is followed by about 33% of all people -- a percentage that has remained stable for decades. If current trends continue, Islam will become the most popular world religion sometime in the mid-21st century. 

இதன் சாராம்சம்  இருபத்தொன்றாம் நூற்றாண்டின் மத்தியில் இஸ்லாம்தான் உலகின் பெரிய மதமாக புகழோச்சும்- கோலோச்சும் என்பதுதான். 

இவ்வளவையும் குறிப்பிடக்காரணம் மனுநீதியால் வதைக்கப்பட்ட தலித்துகள் தங்களின் நிலை உணர்ந்து சமத்துவம் தரும் இஸ்லாத்தின் பக்கம் திரளாக வரவேண்டுமேன்பதற்காகவே. ஏதோ நாங்கள் சார்ந்துள்ள மார்க்கத்தை உயர்த்திப் பிடிப்பதற்காக அல்ல. உலகம் திரளும் திசை நோக்கி  அனைவரும் திரள           வேண்டுமென்றே. இந்தியாவைத் தவிர உலகின் வேறு எந்த நாட்டிலும் பிராமணீயம் போன்ற ஈயங்கள் காய்ச்சி ஊற்றப்படுவதில்லை. நாகரிகமும் , பொருளாதாரமும் வளர்ந்த நாடுகளில் உள்ளவர்களே மனம் மாறி இஸ்லாத்தை தழுவ வரும்போது ஆண்டாண்டு காலமாக அடிமைப்பட்டு, ஒடுக்கப்பட்டு, நசுக்கப்பட்டுக் கிடக்கும் தலித் சமுதாயம் இஸ்லாத்துடன் கை கோர்ப்பதில் என்ன தடை இருக்க முடியும்? குறைந்த பட்சம் பிராமணர்கள் மற்றும் உயர்ந்த சாதியினரின் எடுப்பார் கைப்பிள்ளையாக , அவர்கள் எறியும் அம்பாக இல்லாமல் இஸ்லாமியர்களுடன் சரிநிகர் சமத்துவ வாழ்வில் கைகோர்த்து வாழ தலித்துகளை அழைக்கிறோம். 

எந்த இஸ்லாமியர், தலித்துகளுடைய உரிமைகளை சுட்டிக்காட்டி சமஉரிமை உணர்வை தலித்துகளுக்கு ஊட்டி வருகிறார்களோ அவர்களை நோக்கி கல் ஏறிய உயர் சாதியினரால் ஏவிவிடப்பட்ட கைகள் தலித்துகள் உடைய கைகள் என்பதை குஜராத் முதலிய கலவரங்களின் வரலாறு எடுத்துக் காட்டிக் கொண்டுதான் இருக்கிறது. ஆனாலும் இஸ்லாமிய மார்க்கம் இறைவனுடைய மார்க்கம். நன்மையை ஏவி தீமையை விலக்கச் சொல்லி தூண்டிக் கொண்டே இருக்கும் மார்க்கம். அந்த அடிப்படையில் இஸ்லாமியர்களை நோக்கி கல் எறியும் கைகளைக் கொண்ட தலித்துகளையும் – அரிவாள் எடுத்த அவர்களையும் தங்களின் மார்க்கத்தில் சகோதரர்களாக  இணைத்துக் கொள்ளும் முயற்சியில்  - இஸ்லாத்தை எத்தி வைக்கும் முயற்சியில் தொடர்ந்து பணியாற்றுவோம்.  இறைவன் படைத்த மனிதனை மனிதனாகப் பார்க்கும் மாண்பு இஸ்லாத்துக்குத் தவிர வேறு எவர்க்கும் இல்லை.

இந்தியாவில் மற்றும் தமிழகத்தில் இஸ்லாம் பரவிய வரலாறு படித்தோமானால் காரணங்களாக புலப்படுபவை  

• பல மகான்கள் செய்த தாவாப்பணி , 
• அன்றைய சமுதாயத்தில் நிலவிய ஏற்றத்தாழ்வுகள்  மற்றும் 
• இஸ்லாமியர்களாக வாழ்ந்தவர்களின் நெறிமுறை தவறாத உதாரண வாழ்வு.

ஆகியவைகள்தான் பெரும் காரணங்களாக இருந்து இருக்கின்றன. இவற்றால் ஈர்க்கப்பட்ட ஏனையோர் கூட்டம் கூட்டமாக – ஊர் ஊராக திரண்டு இஸ்லாத்தில் இணைந்தார்கள். முஸ்லிம்கள்  பெருமளவில் வாழும் அதிரையோ, காயலோ, கீழக்கரையோ, கூத்தா நல்லூரோ , நாகூரோ, பாண்டி, காரைக்காலோ, பரங்கிப்பேட்டையோ, கடைய நல்லூரோ  அரபு தேசத்திலிருந்து வந்தவர்களால் நிரப்பபட்டதல்ல. அன்றைய நாட்களில் திரளாக இஸ்லாத்தில் இணைந்தவர்களின்  வம்சா வழிகளே. இதில் என் தொய்வு ஏற்பட்டது? ஏன் அந்த போக்கு தொடரவில்லை? காரணம் மேலே நான் குறிப்பிட்டுள்ள மூன்று காரணங்களில் இன்றைக்கு   சமுதாயத்தில் நிகழும் ஏற்றத்தாழ்வுகள் என்கிற காரணம் மட்டுமே அப்படியே இருக்கிறது. தாவாப்பணி செய்த மகான்கள் மறைந்துவிட்டனர். பின்பற்றத்தக்க  உதாரண புருஷர்களை வலைபோட்டு தேடவேண்டி இருக்கிறது. அவர்கள் இயக்க சேற்றில் சிக்கி நம்மையும் சீரழித்துக்கொண்டு இருககிறார்கள். 

மாற்று மதத்தினர் நம்முடைய சகோதரத்துவம் சார்ந்த சமூக வாழ்வையும் நமது அன்பு, அறம், நாணயம், நம்பிக்கை, ஈகை மற்றும் ஒருவருக்கொருவர் உதவிக்கொள்ளும் பண்புகளையும்  கண்டு வியந்து நம்மை நோக்கி வந்து நம்மவரில் ஒருவராகி நமது மார்க்கம்  தழுவினார்கள். இன்று இயக்கங்களின் தோற்றத்தால்  நமக்குள்ளேயே பிளவுகள் வந்துவிட்டன. முதலில் இந்த பிளவுகளை களைய வேண்டும். அதன்பின் ஒரு உத்வேகத்துடன் தத்தளித்துக்கொண்டிருக்கும் தலித்துகளின் கிராம குடிசைகளை நோக்கி நாம் இணைந்து சென்று அழைப்புப்பணியில் ஈடுபடவேண்டும். அதற்குமுன் அவர்களை அழைப்பதற்கு தகுதி உடையவர்களாக நம்மை ஒற்றுமைப் படுத்தி, நமக்குள்ளே சகோதரத்துவம் தழைத்துக் கொள்ளச்செய்யவேண்டும். இதுவே இன்றைக்கு இஸ்லாத்தில் இருக்கிறோம் என்று சொல்லிக்கொள்பவர்களின் தலையாய கடமையாக இருக்கும்; இருக்க வேண்டும். இது இல்லாவிட்டால் இறைவன் நமக்கு சூட்டிய நன்மையான சமுதாயம் என்கிற பெயருக்கு அர்த்தம் இல்லாமல் போய்விடும். 

இதுபற்றி இன்னும் கொஞ்சம் இன்ஷா அல்லாஹ்.  அடுத்த அத்தியாயத்தோடு  நிறைவுறலாம். 

அடுத்து வர இருப்பது மகாபாரதமா? மகாபாதகமா?

இபுராஹீம் அன்சாரி

மனு நீதி மனித குலத்துக்கு நீதியா? அலசல் தொடர் : 9 8

அலசல் தொடர் : ஒன்பது.

கடந்த அத்தியாயத்தில் , 

//அடுத்த  அத்தியாயத்தில் உலக ஆசைகளை துறக்க நினைக்கும் துறவிகளுக்கு  மனு நீதி தனது ஆறாம் அத்தியாயத்தில் என்ன சொல்கிறது என்று பார்க்கலாம். // என்று             முடித்திருந்தேன். எனவே இந்த வாரம் “சாமியார்கள் வாரம்”.

சாமியார்களைப் பற்றி பார்க்கும் முன்பு கொஞ்சம் சண்டாளர்களைப் பற்றிப் பார்க்கலாம். சாமியார்களும் சண்டாளர்கள் போல்தானே நடந்து கொள்கிறார்கள் என்று உங்களில் சிலர் புருவம் சுருக்குவது தெரிகிறது. ஆனால் சாதாரண மொழியில் சண்டாளன் என்பதும்,  சண்டாளப் பயல் என்பதும் மனு நீதியின் பார்வையில் சண்டாளன் என்பதும் வேறு வேறு. ஒரு துரோகம் இழைத்தவனை சாதாரணமாக சண்டாளன் என்போம். ஆனால் மனுநீதி, சண்டாளனுக்கு ஒரு தனிப்பட்ட  குவாளிபிகேஷனை கொடுத்து இருக்கிறது. அதாவது ஒரு தாழ்த்தப்பட்ட சூத்திரன், உயர்வகுப்பு பிராமணப் பெண்ணுடன் உடல் ரீதியில் கள்ளத்தொடர்பு வைத்து இருந்தால் அவனுக்குப் பெயர் சண்டாளன். அதே தொடர்பை , ஒரு உயர்சாதி பிராமணன், தாழ்த்தப்பட்ட சூத்திரப் பெண்ணுடன் வைத்து இருந்தால் அவனுக்குப் பெயர் நிஷாத்.

இந்த நிஷாத் என்பவனும், சண்டாளன் என்பவனும் அடிப்படையில் பிறன்மனை நோக்குவது என்கிற ஒரே ரீதியான தவறை செய்திருந்தாலும் நிஷாத் என்பவன் பிராமணனாகப் பிறந்ததால் மச்சமுள்ள கொடுத்துவைத்தவன். தண்டனைகளில் இருந்து விடுபடுகிறான். ஆனால் உயர்சாதியைத் தொட்ட சண்டாளன் என்கிற பாவி மகன் படும் பாட்டைப் பாருங்கள்.

1. உயர்சாதி பெண்ணுடன் உடல்ரீதியான தொடர்புவைத்தவன் ஊருக்கு நடுவே வாழக்கூடாது. ஊருக்கு வெளியே ஒதுக்குபுறமாகவோ , சுடுகாட்டிலோ, மலைஅடிவாரங்களிலோ, வனங்களிலோதான் வாழவேண்டும்.

2.  சண்டாளர்கள் தங்களுடன் குதிரை, பசு ஆகிய மிருகங்களை வைத்துக்கொள்ளக் கூடாது. வேண்டுமானால் நாய்களையோ, கழுதைகளையோ வைத்துக்கொள்ளலாம் என்ற சலுகை இருக்கிறது.

3. உடம்பை ஒரு போர்வையால்தான் போர்த்திக்கொள்ளவேண்டும் . மற்ற ஆடைகள் அணியக்கூடாது.

4. உடைந்த சட்டிகளில்தான் உணவு உண்ணவேண்டும். உடையாத பாத்திரங்களை பயன்படுத்தக்கூடாது.

5. ஆபரணமாக அணிந்து கொள்ள இரும்பு, தகரம் ஆகியவைகளைத்தான் உபயோகிக்கவேண்டும். தங்க ஆபரணம் அணியக்கூடாது.

6. ஒரே இடத்தில் நிரந்தரமாக வசிக்கக்கூடாது. இடம்விட்டு இடம் பெயர்ந்துகொண்டே இருக்கவேண்டும்.

7. இரவு நேரத்தில் நகரங்களுக்குள் நுழையக்கூடாது. தன்னை சண்டாளன் என்று அடையாளப்படுத்தும் அடையாளம்  (ஐ. டி.)  அணிந்து , அரசரின் அனுமதியுடன் ஊருக்குள் நுழைந்து செத்த பிணங்களை தூக்கிச்செல்லலாம்.

8. உயர்சாதி வகுப்பினரிடம் பேசக்கூடாது. திருமணம் போன்றவற்றில் பங்க்கெடுக்ககூடாது. பசிக்கு உணவுகேட்டு பிச்சை எடுத்தாலும் உயர்சாதி வகுப்பினர் வீட்டில் வேலை செய்யும் சூத்திரர்களிடம்தான் கேட்டு   வாங்க வேண்டும்.

இப்படி சூத்திரகளை பாகுபாடு படுத்திய மனு தர்மத்தின் ஆசிரியன்தான் மாபெரும் சண்டாளன்; சண்டாளனுக்கெல்லாம் சண்டாளன். இழைக்கும் குற்றங்களுக்கு வழங்கப்படும் தண்டனையில் கூட இனப் பாகுபாடு வைத்தவன் சண்டாளப்பாவி அல்லாமல் வேறென்ன?

மனுநீதி தர்மத்தின்படி உயர்சாதிவகுப்பினன் தனது வாழ்வின் மூன்றாம்  படியில் காடு நோக்கிப் போய் தவம் இருந்து அதன்பின் நாலாம் படியாக துறவறம் மேற்கொள்ளவேண்டும். இப்படி தவ வாழ்வு வாழ்பவர்களுக்கும் , துறவறம் கொள்பவர்களுக்கும் சில ஒழுக்க முறைகளை மனு நீதி விதித்து இருக்கிறது. 

கீழே காணலாம்.  CHAPTER: 6.

33. But having thus passed the third part of a man's natural term of life in the forest, he may live as an ascetic during the fourth part of his existence, after abandoning all attachments to worldly objects.

38. Having performed the Ishti, sacred to the Lord of creatures (Prajapati), where he gives all his property as the sacrificial fee, having reposted the sacred fires in himself, a Brahmin may depart from his house as an ascetic.

41. Departing from his house fully provided with the means of purification (Pavitra), let him wander about absolutely silent, caring nothing for enjoyments that may be offered to him.

42. Let him always wander alone, without any companion, in order to attain final liberation, fully understanding that the solitary man, who neither forsakes nor is forsaken, gains his end.

44. A piece of broken pottery instead of an alms-bowl, the roots of trees for a dwelling, coarse worn-out garment, life in solitude, and indifference towards everything – these are the marks of one who has attained liberation.

45. Let him not desire to die; let him not desire to live; let him wait for his appointed time as a servant waits for the payment of his wages.

47. Let him patiently bear hard words; let him not insult anybody; and let him not become anybody's enemy for the sake of this perishable body

48. Against an angry man let him not in return show anger; let him bless when he is cursed; and let him not utter speech devoid of truth . . . .

50. Let him seek to obtain alms without explaining prodigies and omens, without using his skill in astrology and palmistry, without giving advice, and without offering exposition of the Shastras.

52. His hair, nails, and beard being clipped, carrying a broken pot, a staff, and a water-pot, let him continually wander about, controlling himself and not hurting any creature.

55. Let him go to beg once a day; let him not be eager to obtain a large quantity of alms. An ascetic who eagerly seeks alms attaches himself also to sensual enjoyments.

இந்த விதிகளின் சுருக்கமான கருத்துக்களின்படி   காடு நோக்கி தவமிருக்க சென்று , பின் துறவறம் மேற்கொண்டு சாமியாராக, முனிவராக, யோகியாகப் போகிறவர்கள் ஒரு நாளைக்கு ஒரு தடவை உடைந்த சட்டி கொண்டு பிச்சைதான்  எடுக்கவேண்டும்; கோபமாக பேசக்கூடாது; பழிவாங்க எண்ணக்கூடாது; அகழ்வாரைத்தாங்கும் நிலம்போல தன்னை இகழ்வாரைப் பொறுத்தல் வேண்டும்; குறி சொல்லக்கூடாது ; தனது தேவைகளுக்காக கைரேகை, ஜோசியம் ஆகியன பார்க்கக்கூடாது; வாழ்வையும் சாவையும் ஒன்றாக கருதி இறப்புக்குக் காத்து இருக்க வேண்டும்; துணைக்கு யாருமின்றி தனிமையில் வாழவேண்டும்; வீட்டை விட்டு சன்யாசம் பூண்டு வரும்போது தன்னுடன் தனக்காக ஒரு உடைத்த சட்டி, ஒரு தண்ணீர் குடுவை ஆகியன தவிர வேறு எதையும் கொண்டு செல்லக்கூடாது; மண்ணாசை, பொன்னாசை, பெண்ணாசைகளை துறந்துவிட்டு செல்லவேண்டும்.  தனது புலன்களை புலன் ஆசைகளை விட்டும் அடக்கிக்கொள்ளவேண்டும்; தினமும் காலையில் பச்சைத் தண்ணீரில் அல்லது நதிகளில் குளித்துக்கொள்ளவேண்டும்.

மனுநீதியின் இந்த வரைமுறையை போலவே தமிழ்த்துறவியான பட்டினத்தார் இப்படி வரையறுக்கிறார்.

பேய்போல் திரிந்து  ,

பிணம்போல் கிடந்தது

இட்ட பிச்சை எல்லாம்

நாய்போல் அருந்தி ,

நரிபோல் உழன்று

நன் மங்கையரை

தாய்போல் கருதி

தமர்போல் அனைவருக்கும்

தாழ்மை சொல்லி

சேய்போல் இருப்பார் கண்டீர்

உண்மை ஞனம்தெரிந்தவரே ! – என்பதுதான் துறவிகளுக்கான பட்டினத்தார் பாடல். 

இந்த மனு நீதியின் வரைமுறைகளையும், பட்டினத்தார் பாடலையும் ‘  பற்றுக பற்றற்றான் பற்றினை” என்கிற திருக்குறள் அறிவுரையையும்  நடை முறையில் நாம் கண்ணால் காண்பனவற்றையும் ஒப்பிட்டு நோக்கும்போது மனசாட்சி உள்ளவர்கள்  நாம் கண்ட அல்லது காணும் சாமியார்கள், துறவிகள் இந்த வரைமுறைகளை பின்பற்றுகிறார்களா என்பதற்கு பதில் சொல்லட்டும்.

முதலாவதாக உடைந்த மண்சட்டியில் சாப்பிடும் சாமியார்களை காட்டுங்கள். அடுத்ததாக விதவைகளான ‘ராதா’க்களையாவது துணைக்கு வைத்துக்கொள்ளாத சாமியார்களை தேடிப்பிடியுங்கள். குறி சொல்லாத, ஜோசியம் சொல்லாத, வாக்கு சொல்லாத சாமியார்களை தேடி சல்லடை போட்டு சலித்துப் பாருங்கள். தினமும் குளிக்கிற- நாற்றம் இல்லாத ஒரு சாமியாரை அடையாளம் காட்டுங்கள். புலன் ஆசைகளை உண்மையிலேயே துறந்த சாமியார்களை புலனறிந்து காட்டுங்கள்.

பல ஆண்டுகளாகவே இந்தியா அரசியலில் பவர் புரோக்கர்களாக செயல்படும் சாமியார்களைக் கண்டு வருகிறோம். அவர்களில் அக்கிராசனரும், ஆபத்தானவருமான சந்திரா சாமி என்பவர் ஒரு பன்னாட்டு அரசியல் புரோக்கராக செயல்பட்டு வந்தது நாம் அறிவோம். சாமியார் சதி அரசியலில், வன்முறை அதிகாரத்தில் ஈடுபட சாஸ்திரங்கள் அனுமதிக்கிறதா?

திருச்சியிலே ஒரு சாமி ஆஸ்ரமம் நடத்தி அர்த்தசாம பூஜையில் கன்னிப்பெண்களை கற்பழித்த குற்றத்துக்காகவும், கொன்று புதைத்த கொடும் செயலுக்காகவும் இரட்டை ஆயுள் தண்டனை பெற்று அண்மையில்தான் மண்டையைப் போட்டார். இவர் லிங்கம் எடுத்த (அ) சிங்கம்.

மாலேகான் என்ற ஊரில் வெடிகுண்டு வைத்த குற்ற சதிக்காக ஒரு சாமியார் சிறையில் உள்ளார்.

காஞ்சியிலே பெரிய, சிறிய சாமிகள் இருவரும் கொலைக் குற்றத்துக்காக தண்டனையை எதிர் நோக்கி இருககிறார்கள். அத்துடன் ஜெகத்குரு என்று போற்றப்படும் பெரிய சாமியார் சில ஆண்டுகளுக்கு முன்பு அதாவது சங்கர ராமன் கொலை வழக்குக்கு முன்பாக திடீரென்று தலைமறைவு ஆகிவிட்டார். நேப்பாளத்தில் பெண்களுடன் இருந்ததாகவும், மைசூரில் காட்டு பங்களாவில் உல்லாசமாக இருந்ததாகவும் செய்திகள் வந்தன. குடியரசுத்தலைவராக இருந்த இராஜாமடம் வெங்கடராமன்வரை தலையிட்டு அவரைக் கண்டுபிடித்துக் கொண்டுவந்தது காவல்துறை. திருவையாறு காவிரியில் கால் அலம்பிவிட்டு அவர் காஞ்சிக்குப் போனார் . அங்கே அவர் காலில் விழ கூட்டம் கால்கடுக்க கியூவில் நின்றது. 

நடிகையுடனும், நம்பியவளுடனும் படுக்கையை பகிர்ந்த (நி)நெத்தியடி சாமியார் தொலைக்காட்சிகளில் ரஞ்சிதமாய் சிரிப்பாய் சிரிக்கிறார். பல மாநிலங்களிலும் அமெரிக்காவிலும் அவர்மேல் வழக்குகள்.

மேல் மருவத்தூரில் இனி கட்டிடம் கட்ட இடம் இல்லை எனும் அளவு ஒரு சாமியார்  உலக கோடீஸ்வரனாக வாழ்கிறார்.

அண்மையில் மறைந்த புட்டபர்த்தி சாய்பாபா  வைத்திருந்த பணக்கட்டுகளை அவர் இறந்த நாள் முதல் எண்ணி வருகிறார்கள். இன்னும் முடியவில்லை. இவர் வைத்திருந்த தங்கத்தட்டுகளை எடை போட்ட தராசு அறுந்து விழுந்துவிட்டதாம். சாய்பாபா ஆசிரமத்திலிருந்து திருடப்பட்ட பணம் மட்டுமே முப்பத்துநான்கு கோடி என்று பிடிபட்டு இருக்கிறது என்றால் மொத்தப்பணம் எவ்வளவு இருக்குமென்று கணக்குப்போட்டு பாருங்கள். கால்குலேட்டர் கதறாமல்  இருந்தால் உங்கள் அதிஷ்டம்.

கேரளத்தில் இடுக்கி மாவட்டத்தில் சுவாமி அமிர்தானந்தா  சைதன்யா என்று கூறப்பட்ட சந்தோஷ் மாதவன் என்கிற சாமியார் பலகோடி ரூபாய் மோசடி, பல பெண்களை கற்பழித்தது மற்றும் ஏமாற்றிய வழக்கில் ஸி. பி. ஐ. யால் கைது செய்யப்பட்டு கம்பி எண்ணிக்கொண்டு இருக்கிறார். ( http://cbi-nic.in/rnotice/A-177-2-2003 htm).

புதுச்சேரி அருகில் மொரடாண்டி கோயில் சாமியார் இரவில் பூஜை செய்வதாக கூறி பெண்களை வரவழைத்து சிமிஷம் செய்த செய்திகள் வெளிவந்தன. பல உண்மைகள் இன்னும் வரவேண்டி இருக்கின்றன.

திருவாவடுதுறை ஆதீனத்தில் பெரிய மடாதிபதியை, இளைய மடாதிபதி  சின்னதாக ஊசி போட்டு கொலை செய்ய முயன்றதாக வழக்கு மயிலாடுதுறை நீதிமன்றத்தில். கைது செய்யப்பட்டு காவல் நிலையம் கொண்டுவரப்பட்ட இளைய மடாதிபதி முகத்தை புகைப்படத்தில் பார்த்த அதிர்ச்சியில் மயிலும் குயிலும் மண்ணை அள்ளிப் போட்டுக்கொண்டன.

சமீபத்தில் காஞ்சிபுரம் மாசீச பெருமாள் கோயிலின்  தேவநாதன் என்கிற பூசாரி  கோயிலின் கருவறையிலேயே ஒரு பெண்ணுடன் தகாத உறவு கொண்டவைகள் இணைய தளங்களில் வெளியிடப்பட்டன.

கடவுளின் கடைசி அவதாரம் என்று கதைவிட்டு ஒரு கல்கி சாமியார் பெங்களூரில் திரண்ட சொத்துக்கு அதிபதியாகி ஆட்சியும் ஆசிரமும் நடத்துகிறார்.

ஆண் சாமியார்கள் மட்டுமல்ல பெண் சாமியார்களும் ஆணுக்குப் பெண் சமம் என்று ஏமாற்றிய பட்டியலும் உண்டு. அதில் முதலிடம் கள்ளக்குறிச்சியில் பத்மினி என்ற பெண் சாமியார் பாமர மக்களை பல லட்சம் ஏமாற்றிய குற்றத்துக்காக கைதுசெய்யப்பட்டார்.

இதுபோக பீர் சாமியார், பாம்பு  சாமியார், சாராய சாமியார் , அபின் சாமியார், கஞ்சா சாமியார், கருவாடு சாமியார், கத்தரிக்காய் சாமியார், புடலங்காய் சாமியார் , புல் தின்னும்  சாமியார்  என்று பட்டம்பெற்ற சாமியார்களின் பட்டியல் நீள்கிறது. காசி போன்ற புனித நகரங்களில் சாமியார்கள் ஒருவகை போதை வஸ்தை  உருண்டையாக உருட்டி பக்தர்களுக்கு கொடுப்பதாக கடந்த வருடம் சன் டி வி தனது நிஜம் நிகழ்ச்சியில் ஒளிபரப்பியது. மதுரையில் ஆதீனத்தில் ஒருவகையான தண்ணீர் அருந்தக் கொடுப்பதாகவும் அதை அருந்தினால் ஆனந்த உலகத்தில் பறப்பதுபோல தோன்றுவதாகவும் சமீபத்தில் செய்தி வெளியானது.   வெளிநாடுகளில் – ஹரே ராமா ஹரே கிருஷ்ணா இயக்கம் என்கிற கஞ்சாவின் உலக மொத்த வியாபார இயக்கம் உள்பட இந்த சாமியார்களின் மோசடிவித்தைகள் அரங்கேறி இருப்பவைகளையும் குறிப்பிட்டால் இந்த தளம் ஆதாரங்களைப் பார்த்து  அஜீரணம் கொள்ளும் ஆபத்து இருக்கிறது. “ சிந்தையிலே கள் விரும்பி சிவா சிவா  என்போர்” என்று உள்ளொன்று வைத்து புறமொன்று செய்யும் போலிச்சாமியார்களை வர்ணிக்கலாம்.

இப்படி சாமியார் வேஷம் போட்டால் மிக சுலபமாக ஏமாற்றலாம் என்பது இன்று நேற்று வந்த மோசடிவித்தை அல்ல. இராமயணத்தில் சீதையை தூக்கிச்செல்ல இராவணன் வரும்போது சாமியார் வேடம் இட்டுத்தான் வந்து தூக்கிச்சென்றதாகவும், மகாபாரதத்தில் கர்ணனின் உயிரை வாங்கும்போது கடவுள் அவதாரம் என்று நம்பப்படும் கண்ணனே பிச்சைக்கார சாமியார் வேடம் போட்டு வந்தே ஏமாற்றியதாகவும் சொல்லப்படுகிறது. ஆகவே சாமியார்கள் என்றால் சுலபமாக ஏமாற்றலாம் என்கிற விஷ விருட்சம் விதைக்கப்பட்டு நெடுங்காலம் ஆகிவிட்டது.  

மனு நீதி தொடர்பான தொடர் என்பதால் ஒரு வித்தியாசத்தை இங்கு சுட்டிக்காட்ட விரும்புகிறேன். அதாவது மனுநீதியில் குறிப்பிடப்பட்டுள்ள வர்ண, பெண்ணடிமை, தொழில் பாகுபாடு, உயர் பிராமணன் , ஆகிய சட்டங்களையும் சாஸ்திரம் அடிபிறழாமல் பின்பற்றுபவர்கள் துறவிகளாகப் போகிறவர்களுக்கு மனுநீதி வரையறுத்துள்ள சட்டங்களை மட்டும் பின்பற்றாமல் “ மாதவி என்றால் மடியில் வா! கண்ணகி என்றால் காட்டுக்குப் போ “ என்கிற அளவுகோலைப் பயன்படுத்துகிறார்கள்.  

இறை பயம் எனும் சாதாரண மக்களின் பயத்தை பயன்படுத்தும் சாமியார்களை நாமல்ல பட்டினத்தாரே இப்படிச் சாடுகிறார்

மூடரெல்லாம் கட்டிச் சுருக்கி

கக்கத்தில் வைப்பார்

கருத்தில் வையார்

பட்டப்பகலை இரவென்று சொல்லும்

பாதகர்.  – என்று சாடுகிறார்.

இத்தகைய போலிச்சாமியார்களால் அரசியல் மட்டுமல்ல ஆன்மீகமும் சாக்கடையாகிவிட்டது. நாம் கேட்க நினைப்பது – முகநூலில் ஒரு நண்பர் கேட்டது

மனைவியோட  வாழ்ந்தா இல்லறம்
மத்தவங்களோட புரண்டா துறவறமா ?
படுக்கையறையில் சிற்றின்பம்?  சின்னசாதி?
பகவான் பக்கத்துல பேரின்பமா?  பெரியசாதியா?
சாமானியர்களின் தப்பு விபச்சாரம் ?
சாமியார்களின் தப்பு ஆன்மீகமா ?
நல்ல நியாயம்யா இது ! நல்லா வெளங்கும்டா நாடு !

இப்போது விடுவதாக இல்லை.

பி.கு: இஸ்லாம் துறவறம் பற்றி என்ன சொல்கிறது என்பதை பின்னூட்டத்தில்  யாராவது குறிப்பிட அன்புடன்  வேண்டுகிறேன்.

சாட்டைக்கு இன்னும் வேலை இருக்கிறது.

இபுராஹீம் அன்சாரி

மனு நீதி மனித குலத்துக்கு நீதியா? அலசல் தொடர் - 8 23

அலசல் தொடர் எட்டு

இந்த தொடரை தொடர்ந்து படிப்பவர்களுக்கு ஒன்றை சொல்ல விரும்புகிறேன். இது நேற்று இரவு கருவுற்று இன்று பிரசவிக்கும் கருத்துக்கள் அல்ல. பல ஆண்டுகளாக நெஞ்சில் சுமந்தவைகள். நல்ல அறிவுஜீவிகள் விரவிக்கிடக்கும் தளம் கிடைத்ததால் இவற்றை  எழுதுகிறேன்.

அதுமட்டுமல்லாமல் இவ்வுலகில் என்னைப் படைத்த இறைவனுக்கு நன்றி செலுத்தும் ஒரு குறிக்கோளுக்காகவும் எழுதுகிறேன். குறிக்கோள் என்ன என்பதை இறைவன் நாடினால் முடிவில் சொல்வேன். 

கடந்த வாரம் ஒரு தொலைபேசி அழைப்பு வந்தது. துபையில் இருந்துதான். எனது அலைபேசியின் எண் கிடைத்த நதிமூலம் தெரியவில்லை. நானும் கேட்கவில்லை. (அ.நி. நெறியாளர் சொல்லலாம்) பேசியவர் ஒரு வேதம் மிகவும் படித்த பிராமண சமுதாயத்தைச் சேர்ந்த சகோதரர். அவர் பெயர் ஒன்றும் முக்கியமில்லை. அவர் சொன்ன கருத்தே முக்கியம். எழுத்தைப் பாராட்டிவிட்டுக் கேட்டார். நீங்கள் எழுதுவது நன்றாக இருக்கிறது. ஆனால் இவ்வளவு காலம் கடந்து – மனுநீதி காலாவதியாகிவிட்டது- யாரும் பயன்படுத்துவது இல்லை- இதை இப்போது தூசு தட்டி நீங்கள் எழுதவேண்டிய அவசியம் என்ன என்று கேட்டார். நான் சொன்னேன். இந்த கேள்வியை நீங்கள் தளத்தில் பின்னூட்டம் இட்டு ஒரு கேள்வியாக கேளுங்கள் நான் விளக்கமாக- பதில் தருகிறேன் என்றேன். அவர் அதற்கு சம்மதிக்கவில்லை. எனவே நான் சொன்னேன் உங்களின் கேள்விக்கு பதிலை நான் அடுத்த அத்தியாயத்தில் தருகிறேன் என்று சொன்னேன். கண்ணியமான முறையிலான  உரையாடல் முற்றுப்பெற்றது. அவர் கேட்ட கேள்விகள் நம்மிலும் மேலும் சிலருக்கும் எழக்கூடும். ஆகவே பதில் தந்துவிட இந்த அத்தியாயத்தில் நினைக்கிறேன்.. இந்த பதிலுக்காக இந்த அத்தியாயம் கூடுதலாகிவிட்டது.  

முதலாவதாக மனு நீதியை இப்போது ஆராய வேண்டிய அவசியம் என்ன? 

மனித வளம் நிறைந்த நமது  நாட்டின் பொருளாதார வளர்ச்சி குன்றிப்போனதற்கு காரணங்களை நாம் சிந்தித்தால் எண்ணிக்கையில்தான் நாம் மனிதர்களைப் பெற்றிருக்கிறோம் என்பதும் , தரத்தில் அல்ல என்பதும் விளங்கும்.  இருக்கும் மனிதர்கள் அறிவிலும், ஆற்றலிலும், கல்வியிலும் தரமானவர்களாக இல்லை என்பது மறுக்க முடியாத உண்மை. சின்னஞ்சிறு நாடுகள் தரமான மனித வளத்தை வைத்து சாதிப்பதை பெரிய நாடான நாம் சாதிக்க முடியவில்லை.  இதற்கு முக்கியக் காரணம் ஆண்டாண்டுகாலமாக நமது நாட்டின்  மனித வளம் சாதி, சமயம், உயர்வு , தாழ்வு,  பெண்ணடிமை, தீண்டாமை, கல்வி மறுப்பு போன்ற கொடிய நோய்களால் பீடிக்கப்பட்டு வந்திருக்கிறது. இன்று அந்த நோய்களின் தீவிரம் குறைந்திருக்கலாம். ஆனால் முற்றிலும் மறைந்து விடவில்லை. இந்த நோய்கள் பரவுவதற்கு முக்கிய காரணிகளாக இருந்தவை வேதங்கள், புராணங்கள், மனுநீதி போன்ற சட்டங்கள் ஆகியவையாகும். ஆகவேதான் தாழ்வுக்குக் காரணம் யாவை என்பதை வரலாற்று ரீதியாக சுட்டிக்காட்டவே மனு நீதியைப் பற்றி  பேச வேண்டி இருக்கிறது. நோயைத் தீர்க்க வேண்டுமானால் நோயின் மூல காரணம் காணப்படவேண்டுமல்லவா? 

இரண்டாவதாக மனு நீதி காலாவதியாகிவிட்டது என்று யார் ஒப்புக்கொள்ள முடியும்? அது இன்றளவும் தன் கொடியபலத்தோடு இந்திய சமூகத்தை அலைக்கழித்துக் கொண்டிருக்கிறது என்பதை நிரூபிக்க நடைமுறையில் நூறுநூறு உதாரணங்களைக் காட்ட முடியும். 

பொருளாதார மேன்மைக்காகப் போடப்பட்ட சேது சமுத்திரத்திட்டம் சாஸ்திர புராணங்களின் பெயரால் இன்று முடங்கிப்போய் கிடக்கும் ஒரு உதாரணமே போதும் இவர்களின் வாயை அடைக்க.

அரசியல் சட்ட மேதை டாக்டர் அம்பேத்காரின் சிலைகளை அசிங்கம் கொண்டு அபிஷேகம் செய்கிறார்கள். ஆனால் மனு நீதி தந்த மனுவுக்கு  ராஜஸ்தான் உயர்நீதிமன்ற வளாகத்தில் சிலைவைத்தவர்களைப் பார்த்தோ, மநுஸ்மிருதியை தன் உயிரினும் மேலாய் மதிப்பதாகச் சொன்ன காஞ்சி சங்கரர்களைப் பார்த்தோ ‘ஏனிப்படி தூசு தட்டி எடுக்கிறீர்கள்’ என்று கேட்காதவர்கள் நம்மைப் பார்த்து இப்படி குற்றம்சாட்ட என்ன நியாயமிருக்கிறது?  

ஹரிஜன்களும் அர்ச்சகர் ஆகும் சட்டத்தை கலைஞர் கருணாநிதி கொண்டுவந்தார். ஆனால் உச்ச நீதிமன்றம்  சொன்ன தீர்ப்பு என்ன ? 

பாரம்பரியமாக இருக்கும் இந்துக்களின் ஆச்சார அனுஷ்டானங்க்களை மனு நீதி வகுத்த சட்டத்தின் முறையில்தான் கடைப்பிடிக்கவேண்டும் என்று தீர்ப்பளிக்கவில்லையா?  

தாழ்த்தப்பட்ட பிறபடுத்தப்பட்ட மக்களுக்கு கல்வி மற்றும் இட ஒதுக்கீடு கொடுக்கக்கூடாது என்று மனுநீதியை பின்பற்றும் உயர்சாதியினர் கங்கணம் கட்டி அலையவில்லையா? அதற்காக வழிவகுத்து மண்டல் கமிஷன் அறிக்கையை செயல் படுத்திய வி. பி.. சிங் அரசை உயர்சாதியினர் ஒன்று கூடி கலைக்கவில்லையா? 

இன்றளவும் திருவண்ணாமலையில் உயர் சாதியினர் படிக்கும் பள்ளியில் தாழ்ந்த சாதியினரை சேர்க்கக்கூடாது என்று தனிப்பள்ளிக் கூடம் நடத்தவில்லையா? 

பொள்ளாச்சியை அடுத்த பூவலப்பருத்தி கிராமத்தில் தாழ்த்தப்பட்ட சமுதாயத்தை சார்ந்த குழந்தைகள் உயர்சாதியினரின் குடியிருப்பைக்கடந்து பள்ளிக்கு செல்லும்போது தங்கள் காலணிகளை கழற்றி கையில் எடுத்துச்செல்லவேண்டிய அடக்குமுறை கொடுமை இன்னமும் இருக்கிறது.அந்த சமுதாயத்தில் எவரேனும் இறந்து போனால் அவர்கள் சவ ஊர்வலம் இந்த பகுதியை கடந்து செல்ல அனுமதி கிடையாது.

அண்மையில் வந்த செய்தி. தலித்துகளின் தலைவியான மாயாவதி ஆட்சி செய்தபோது – உத்திரப்பிரதேசத்தில் ஒரு 42  வயதான ஒரு தாய் ஒரு உயர்சாதி வகுப்பினரால் கூட்டாக கற்பழிகப்பட்டாள். கற்பழிக்கப்படும் முன் அவளும் அவளது கணவரும், இரண்டு மகன்களும் கண்காணாத இடத்துக்குக் கடத்தப்பட்டு சித்திரவதை செய்யப்பட்டனர். புரிந்த குற்றம் அந்தத் தாயின் இன்னொரு மகன் உயர் சாதிப் பெண் ஒருவளுடன் ஊரை விட்டு ஓடியதுதான். காவல்துறை இதில் ஒன்றும் செய்யவில்லை காரணம் குற்றம் புரிந்தவர்கள் சாதியிலும் ,செல்வத்திலும் ,செல்வாக்கிலும் பலம் படைத்தவர்கள்.  

AMNESTY INTERNATIONAL என்கிற அமைப்பு வெளியிட்டுள்ள ஒரு ஆய்வு அறிக்கையில் தலித் பெண்கள் மீது பாலியல் ரீதியான வன்கொடுமைகள்  EXTREMELY HIGH என்று கூறியிருக்கிறது. இவற்றை நிகழ்த்துபவர்கள் உயர் சாதியினர் மற்றும் , காவல்துறையின் அதிகாரிகள் என்று அந்த அமைப்பு கூறி இருக்கிறது கொடுக்கப்படும் புகார்கள் மீது 5%  வழக்குகள் மட்டுமே பதியப்படுவதாகவும் கூறி இருக்கிறது.    

கடந்த ஜூன் 30 1997 - சாதி வெறியர்களின் வெறியாட்டம் உச்சத்திற்கு சென்ற நாள் ,சாதி ஒழிந்துவிட்டது சமத்துவம் மலர்ந்து விட்டது மனுநீதி செத்துவிட்டது- காலாவதியாகிவிட்டது என்று சொல்லித்திரியும் அன்பர்களே  மேலவளவு என்ற கிராமத்தில், பஞ்சாயத்துத் தலைவர் பதவிக்கு நின்று வெ.ற்றி பெற்றார் என்கிற ஒரே காரணத்திற்காக, ஓடுகிற பஸ்சில் ஆதிக்க ஜாதி வெறியர்களால் வித விதமாக வெட்டி கொலை செய்யப்பட்டார் ஒருபாவமும் அறியாத முருகேசன்.

அந்தக் கொலை வழக்கில் உயர்நீதி மன்றம் வழங்கிய தீர்ப்புரையின் சிறிய பகுதி இங்கே :

“ஈனப்பயலான உனக்கு எதற்கு தலைவர் பதவி, எதற்கு நஷ்ட ஈடு?” என்றபடி, தான் பதுக்கி வைத்திருந்த (அருவாள்) ஆயுதத்தால் அழகர்சாமி முருகேசனின் வலது தோளில் வெட்டினார். பேருந்திலிருந்த பயணிகள் அலறி அடித்து இறங்கி ஓடினார்கள். அழகர்சாமி முருகேசனின் தலையைத் துண்டித்து, துண்டித்த தலையோடு மேற்கு நோக்கி ஓடினார்” . நான் கேட்கிறேன் மனு நீதி மறைந்துவிட்டதா அல்லது மனிதத் தன்மை மறைந்து வருகிறதா?

ஒட்டன்சத்திரத்தை சுற்றியுள்ள 246 கிராமங்களில் இருக்கின்ற டீக்கடைகளில் தாழ்த்தப்பட்ட மக்களிடம் இருந்து ரூபாய் நோட்டுக்களை வாங்குவதில்லையாம்.காரணம் அது தீண்டத்தகாத பணமாம்,தலித்துகள் தேனீர் அருந்த வேண்டுமானால் அதற்குண்டான பணத்தை நாணயமாக அந்தக்கடையில் இருக்கும் தண்ணீர் நிரம்பிய பாத்திரத்தில் போடவேண்டும்,அதை கடைக்காரர் தண்ணீரில் அலசி எடுத்துக்கொண்டு அவர்களுக்கென இருக்கும் தனிக்குவளையில் டீ ஊற்றுவார். இது போன்ற நிலமை தமிழகத்தின் பல பகுதிகளிலும் காணப்படுகிறது. ஒரே நாடு!ஒரே மக்கள்! ஒரே சட்டம்! என்போரே, நாமெல்லாம் இந்து, நமக்குள் வேறுபாடுகள் இல்லை என்று மயக்கும் வித்தைகளை காட்டும் சங்பரிவாரங்களே!தமிழ் தேசியம் பேசிடும் ஆன்றோர்களே!சான்றோர்களே இந்த கொடுமைகள் குறித்து உங்கள் கருத்து என்ன?உங்கள் நிலைப்பாடு என்ன?இந்த நிலையை மாற்றிட நீங்கள் செய்யப்போகும் களப்பணி என்ன? பரிகாரம் என்ன? மாற்று மருந்து என்ன?

மனு நீதிக்கு வக்காலத்து வாங்கும் ஆர் எஸ் எஸ் , சங்க பரிவார் போன்ற அமைப்புகளால்  இந்தியாவில் 28,861 கல்வி நிலையங்கள் நடத்தப்படுகின்றன. இதில் 32,33,337 மாணவர்கள் பயிலுகிறார்கள். 1,57,741 ஆசிரியர்கள் பணிபுரிந்து வருகின்றனர். இந்த ஆசிரியர்களுக்குத் தனியாக பாரதிய சிக்ஷா மண்டல் என்ற அமைப்பும் உண்டு.

இவையன்றி ஆசிரியர் பயிற்சிப் பள்ளிகளும் நடத்தப்பட்டு வருகின்றன. இவை எல்லா வற்றிலும் மனு மற்றும் ஆர்.எஸ்.எஸ். சித்தாந்தங்கள் சொல்லிக் கொடுக்கப்படுகின்றன..

முழுக்க முழுக்க இந்துத்துவா வெறி என்னும் நஞ்சு ஊட்டப்படுவதோடு, சிறுபான்மை மதங்கள் மீது குரூரமான முறையில் வெறுப்பு விதைகளும் தூவப்படும் அபாயமும் உண்டு.

இவ்வாறு பயிற்சி பெறும் மாணவர்கள் வெளியே வருவார்களேயானால், நாட்டில் அமளி துமளிகளும், வன்முறைகளும், அமைதியற்ற தன்மையும்தானே தலை விரித்தாடும்? இதற்கான பயிற்சிதானே அவர்களுக்குத் தரப்படுகிறது? 

ஆசிரியர் தினம் என்று அரசு அறிவித்துள்ள டாக்டர் ராதாகிருஷ்ணன் பிறந்த நாளை அவர்கள் ஏற்றுக் கொள்வதில்லை. மாறாக வியாச முனிவர் பிறந்த நாள் என்று ஜூன் 25 ஆம் தேதி கடைப் பிடிக்கப்படுகிறது.

குழந்தைகள் தினம் என்று அரசு அறிவித் துள்ள நேருவின் பிறந்த நாளை இவர்கள் ஒப்புவதில்லை. மாறாக இந்துக் கடவுள் கிருஷ்ணன் பிறந்த நாள் என்று கோகுலாஷ்டமியைத்தான் கொண்டாடச் செய்கிறார்கள்.

பாடத்திட்டங்கள் எப்படி இருக்கும்? எடுத்துக் காட்டாக ஒன்று. உத்தரப் பிரதேசத்தில் ஆர்.எஸ்.எஸ். நடத்தும் சரஸ்வதி சிசு மந்திர் பள்ளியில் ஏழாம் வகுப்புப் பாடத்தில் இடம் பெற்றிருப்பதாவது : முலாயம் சிங் இக்கால இராவணன் என்று ஏன் அழைக்கப்படுகிறார்? பாபர் மசூதியை இடிக்கும் முயற்சி நடந்தபோது முலாயம் சிங் யாதவைச் சேர்ந்த ஆட்களின் துப்பாக்கிக் குண்டுகளால் எத்தனை இந்துக்கள் கொல்லப்பட்டனர்? (அவுட் லுக் 10.5.1999)

இந்திய வரலாற்றுக் குழுவை மாற்றி அமைத்து ஆர்.எஸ்.எஸ்.காரர்களை அதில் திணித்தது பி.ஜே.பி. ஆட்சி.

இந்திய வரலாறு தலைமுறைகளை அழிக்கும் குண்டுகளைத் தயாரிக்கும் ஆலைகளாக (Bom Mahib Factories) மாற்றப்பட்டுவிட்டது பா.ஜ.க. ஆட்சியில்என்று ஃப்ரன்ட் லைன் ஏட்டில் கட்டுரையாளர்கள் பார்வதி மேனன், டி.கே.ராஜ லட்சுமி ஆகியோர் குறிப்பிட்டுள்ளனர்.

ஆர்.எஸ்.எஸ். நடத்தும் பள்ளிகள் கண்காணிக்கப்பட வேண்டும். சிறுபான்மையினரின் மார்க்கக் கல்வி பயிற்சி தரும் மதரசாக்களை தீவிரவாத குழுக்களுடன் இணைத்துப் பேசும் மனநிலை பாதிக்கப்பட்டோர் இத்தகைய ஆர் எஸ் எஸ் பள்ளிகளைப்பற்றி வாய்மூடி இருப்பது என்?  

எனது ஆண்குறியை வெட்டிக் கொண்டாலும் வெட்டிக் கொள்வேனே தவிர எனது பூணூலை அறுத்துக் கொள்ளமாட்டேன் என்று ஒரு பிராமண சாமியாரால்  பகிரங்கமாக தனது சாதியகங்காரத்தை வெளிப்படுத்த முடியுமென்றால், உயிர்நிலையான ஆண்குறியை விடவும் பெரிதென கொண்டாடுகிற அந்த பூணூலை அவருக்கு வழங்கிய மனு நீதியை  எதிர்ப்பதைத் தவிர பார்ப்பனரல்லாத பிறசாதியாருக்கு வேறு என்னதான் மார்க்கமிருக்கிறது? ( படிப்பவர்கள் ஐயம கொள்ளும் முன்பு - இப்படி அறிவித்தவர் நித்யானந்தா சாமிகள் அல்ல).

மகாத்மா என்ற அடைமொழிப்பெயர் வரலாற்றில் தேசத்தந்தை காந்தி அவர்களை மட்டுமே குறிக்கும்படி வரலாற்றில் எழுதிவைத்து இருககிறார்கள். காரணம் காந்தி உயர்சாதியைச் சேர்ந்தவர். ஆனால் இதே மகாத்மா என்ற பட்டத்துக்குரிய மற்றொருவர் வாழ்ந்தது இந்த தேச வரலாற்றில் மறைக்கப்பட்டு இருக்கிறது. அவர் உயர் சாதியினரின் தீண்டாமையை எதிர்த்து  காலமெல்லாம் போராடியவர். இவரது வாழ்வின் வரலாறு தனி பதிவாகவே வரவேண்டும். அவர் பெயர் மகாத்மா ஜோதிராவ் பூலே (Mahathma Jyotirao Phule) என்பதாகும். இவருடன்  இவரது மனைவியும் சேர்ந்து தாழ்த்தப்பட்ட ஒடுக்கப்பட்ட மக்களுக்காகவும் , பெண்களுக்காகவும் உருவாக்கிய பள்ளிக்கூடம் உயர் சாதியினரால் அன்று இரவே தீவைத்துக் கொளுத்தப்பட்டது. அஹமத் நகர தலித்துகள் ஒன்று கூடி நிதி திரட்டி தனி இடம் வாங்கிக் கொடுத்து அமைக்கப்பட்ட பள்ளிக்கூடத்துக்கு  மனுநீதியின் சட்டங்களுக்கு ஒவ்வாது என்று உயர்சாதிக்காரர்களின் நிர்ப்பந்தத்தால் அனுமதி தர மறுத்தது அரசு. ஆகவே தலித்துகளை  படிக்க முடியாமல் வைத்தது மனு நீதி. அதையும் மீறி படிக்க வந்த அம்பேத்கார் போன்றவர்கள் படிக்கும் காலத்தில் பள்ளிகளை பட்ட பாடுகளை அவரது வாழ்க்கை வரலாற்றை படித்துப் பார்த்தால் புரியும். 

வர்ணாசிரமத்தின் வாரிசுகளால் பீமாசுரன் என்றும் மனுவிரோதன் என்றும் வசைபாடப்பட்ட சட்டமேதை அம்பேத்கார் 1927- ல் மனு நீதியை தீ வைத்து எரித்தார். மனு நீதிக்கு எதிரான அத்தகைய  தீயை அணைத்து விட்டதாக உயர்சாதியினர் நினைக்கலாம். ஆனால் அந்த தீ ஒரு நீறு பூத்த நெருப்பு . காற்று வீசும்போதேல்லாம் அந்த தீ உயிரெடுக்கும். மனு நீதி காலாவதியாக வேண்டுமென்றால் அந்த நெருப்பு முழுதும் அணைந்து மனு நீதி சட்டங்கள் அதில் சாம்பலாகி காற்றோடு பறக்கவேண்டும். மனு நீதி அப்படி சாம்பலாகும் வரை அது காலவதியானதாக ஏற்க முடியாது. அவ்வப்போது இப்படி விமர்சனங்கள் வந்து கொண்டே இருக்கும். இப்படி அடிக்கடி தலையில் தட்டியே இந்த ஆட்டம் போடுகிறீர்கள். அதையும் விட்டால் ? 

மீண்டும் சொல்கிறேன். மனு நீதி உண்டாகிய பிறப்புப் பாகுபாடுகள் வேரோடு அழியும் வரை அல்லது இந்தப் பாகுபாடுகள் இல்லாத சமத்துவ சமுதாயம் அமைய வழி காட்டும் மற்றொரு சமத்துவத்தை அடிப்படையாக வைத்துள்ள  மார்க்கத்தை மக்கள் அனைவரும் ஏற்கும்வரை மனு நீதி காலாவதியான ஒன்று என்று ஏற்கவே முடியாது. அப்படி ஏற்க வேண்டுமானால்  பூநூல்கள் அணிவது சட்டப்படி தடை செய்யப்படவேண்டும். கல்வியில், வேலைவாய்ப்பில்  உயர் வகுப்பினரின் ஆதிக்கம் ஒழிக்கப்படவேண்டும். பிராமணர்களும் சேரிகளை மேம்படுத்தி கலந்து சமமாக வசிக்கவேண்டும். அக்கிரஹாரங்கள் அகற்றப்படவேண்டும்.  அரசு வேலைகளில் அனைவருக்கும் இட ஒதுக்கீடு உள்ளபடி உயர்சாதியினருக்கும் கடைத்தெருவில் கடைகளில் எல்லா  வியாபாரமும் செய்ய  இட ஒதுக்கீடு வேண்டும்; தோட்டி வேலையானாலும், துப்புரவுப்பணியானாலும் எல்லோரும் இணைந்து வேலை செய்யவேண்டும். பிராமணர்கள் வயலில் ஏர் பூட்டி உழ வேண்டும் ( குறைந்த பட்சம் டிராக்டராவது ஒட்டுங்களேண்டா)  மொத்தத்தில் எல்லோரும் எல்லா வேலைகளையும் சமமாக செய்ய மனமாற்றம்  வேண்டும். இந்த நிலை ஏற்படும் வரை மனு நீதியும், அதன் தாக்கமும் காலாவதி ஆகிவிட்டது என்ற் அன்பர்கள் கூற்றை ஒருகாலமும் ஏற்க முடியாது. 

அடுத்த  அத்தியாயத்தில் உலக ஆசைகளை துறக்க நினைக்கும் துறவிகளுக்கு  மனு நீதி தனது ஆறாம் அத்தியாயத்தில் என்ன சொல்கிறது என்று பார்க்கலாம். 

சாட்டைக்கு இன்னும் வேலை இருக்கிறது.

இபுராஹீம் அன்சாரி

மனு நீதி மனித குலத்துக்கு நீதியா? அலசல் தொடர் - 6 21

அலசல் தொடர்: ஆறு

வேதங்கள், சாஸ்திர சம்பிரதாயங்கள், புராணங்கள் பெண்களின் மீது கட்டவிழ்த்துவிட்ட சில அவலங்களை இந்த அத்தியாயத்தில் அலசலாம் என்று நினைக்கிறேன். அதைத் தொடர்ந்து மனு நீதி சொல்லும் பெண்களுக்கான சிறப்பு சட்டங்களை குறிப்பிடலாம்.   

பிராமண சாஸ்திரங்கள் கிட்டத்தட்ட பெண்களை ஒரு போகப்பொருளாக மட்டுமே வைத்து இருந்தன. மொத்த மனித குலத்தை தரம் பிரித்த  சாஸ்திரங்கள், பெண்களை அதுவும் தாழ்த்தப்பட்ட குலத்தில் பிறந்த பெண்களை சற்று அதிகமாகவே “கவனித்தன” . ஆண்கள் என்றால் அரவணைப்பு போதும் – பெண்கள் என்றால் போர்த்திக்கொள்ளப் போர்வையும் கொடுக்கவேண்டும் என்பது இஸ்லாம் போன்ற நாகரிகம் படைத்த மாந்தரின்  மார்க்கங்கள் கற்றுத் தந்தவை.   ஆனால் பெண்களுக்கு எதிராக மட்டுமல்ல உலக நாகரிகத்துக்கு எதிராக கணவன் இறந்தால் அவனை எரிப்பதற்காக மூட்டப்படும் தீயில் உயிருடன் இருக்கும் மனைவியும் விழுந்து சாகவேண்டும் என்ற நியதியை வைத்திருந்தது இந்த சாஸ்திரங்கள். கணவன் மனைவியை சதி - பதி என்று சொல்வார்கள் . கணவன் இறந்தால் தீயில் விழுந்து மனைவி சாகும் சடங்குக்குப் பெயரும் சதிதான். இது பெண்களுக்கு எதிரான சதியுமாகும். அதுமட்டுமல்ல தேவதாசிகள் என்று ஒரு இனத்தை உருவாக்கி உயர்சாதியினர் நுகர்வதர்காகவே “வைத்து”க்கொள்ளச் சொன்னவை இந்த சாஸ்திரங்கள். 

தேவதாசிகள் என்றால் என்ன? – கடவுளின் பெண் ஊழியர்கள் என்று பொருள். தாழ்த்தப்பட்ட குலத்தில் பிறந்த பெண்கள், கடவுளுக்காக அர்ப்பணிக்கப்பட்டு அவர்கள் கோயில்களை கூட்டிபெருக்க, சுத்தம் செய்யும் பணிகளில் ஈடுபடுத்தப்படுவார்கள். அதுமட்டுமல்ல இந்த பெண்கள், உயர்சாதி எடுப்பாருக்கு கைப்பிள்ளைகள். உயர்வகுப்பாரின் உடல்  இச்சைகளை தேவைப்படும்போது தீர்த்துவைப்பதும் இவர்களுக்கு முக்கிய வேலை. தலை முறைகளாக – வாழையடி வாழையாக இவர்கள் இந்தப் பணிகளில் ஈடுபடவேண்டும். DEVADASI SYSTEM IS AN  OFFERING OF GIRLS TO THE DEITIES IN BRAHMANIC TEMPLES என்பது வெட்கக்கேடான விளக்கம்.  

10-11-1987 TIMES OF INDIA  வில் வெளிவந்துள்ள ரிப்போர்டின் பிரகாரம் “ The Devadasi system was set up, as a result of a conspiracy between the feudal class and the priests (Brahmins). The latter, with their ideological and religious hold over the peasants and craftsmen, devised a means that gave prostitution their religious sanction. Poor, low-caste girls, initially sold at private auctions, were later dedicated to the temples. They were then initiated into prostitution.

இதன்படி தேவதாசி அமைப்பு முறை என்பது உயர்சாதியினரும், பிராமண குருக்கள் அல்லது சாமியார்களும் சேர்ந்து செய்த சதியின் விளைவாகும். பிராமணர்கள் தங்களுடைய மத சம்பந்தமான கோட்பாடு அல்லது சாஸ்திரம் மற்றும் ஐதீகம் என்ற போர்வையில் உழைக்கும் வர்க்க மக்களின் மேல் ஒரு மத சம்பந்தமான கட்டாயத்தை திணித்து - ஒரு பச்சை விபச்சாரத்துக்கு மத சம்பிரதாயங்களே சாட்சியாகவும் புரவலராகவும் இருந்து  உலவ விட்டதாகும். இதன்படி  ஏழை, தாழ்த்தப்பட்ட இனத்தைச் சேர்ந்த இளம் பெண்கள் சந்தையிலே கீரைக்கட்டுகள் விற்கப்படுவதுபோல் ஏலம் கூறப்பட்டு  உயர் சாதியினரால் நுகரப்பட்டு-பின்னர் கோயில்களுக்கு மாடுகளை நேர்ந்துவிடுவதுபோல் “பொட்டுக்கட்டி” நேர்ந்துவிடப்பட்டர்கள். மலர்கள் மலரும் முன்பே கசக்கப்பட்டுக் காயப்படுத்தப்பட்டன. மணவாழ்வு மறுக்கப்பட்டது. அவர்களின் இந்த இறைப்பணி என்ற அரிச்சுவடி  விபச்சாரி என்ற முதுகலைப் பட்டதாரிகளாக அவர்களை ஆக்கி முடித்தது. . இது சமூக அவலத்துக்கு கடைக்கால் ஊன்றப்பட்ட மனம் கொதிக்கும்  வரலாறாகும்.  இந்த அகில உலக அட்டூழியத்துக்கு  ஒட்டுமொத்த ஸ்பான்சர்ஸ் : M/S. BRAHMANISM & COMPANY  . 

வரலாற்று ஆசிரியர்கள்  இந்தியாவில் தோன்றி மறைந்த புத்த மதத்தின் அழிவு, தேவதாசி முறையை வளர்த்து உரமிட்டதாக கூறுகின்றனர். புத்த மதம் தழைத்து இருந்தபோது பெண் புத்த துறவிகள் புத்த மடங்களில் வாழ்ந்துவந்தார்கள். புத்த மதம் அழியத்தொடங்கியதும், புத்த மடங்கள்  பிராமணர்களால் கோயில்களாக்கப்பட்டதுடன் அங்கிருந்த பெண் புத்த துறவிகள் தாழ்ந்த சாதிக்கு மாற்றம் செய்யப்பட்டு தேவதாசிகள் என்று முத்திரை இடப்பட்டு  உபயோகப்படுத்தபபட்டனர். இதோ அந்த வரலாற்றுக் குறிப்பு:  It is viewed that the "devadasis" are the Buddhist nuns who were degraded to the level of prostitutes after the temples were taken over by the Brahmins during the times of their resurgence after the fall of Buddhism.

இப்படிப்பட்ட சமூக இழிவைத்தான் பெரியாரும் பிறரும் சாடினார்கள். இவர்களில் மிக முக்கியமானவர் டாக்டர் . முத்து லஷ்மி ரெட்டி ஆவார். இவரைப் பற்றி தனி நூலே எழுதலாம். புதுக்கோட்டை சமஸ்தானத்தில் பிறந்தவர். ஒரு பிராமணரால்  வளர்க்கப்பட்டவர். ஆனாலும் பிராமண கொள்கைகளை இவர் மணம் ஏற்கவில்லை. பல சிறப்புகளுக்கு சொந்தக்காரர்.  ஆண்களின் கல்லூரியில் அனுமதிக்கப்பட்ட முதல் பெண் மாணவி ; மருத்துவக் கல்லூரியின் முதல் ஹவுஸ் சர்ஜன்; ஆங்கிலேயர் ஆட்சியில் சட்டமன்றத்தில் நுழைந்த முதல் பெண்மணி; சென்னை மாகாணத்தின் சமூக நலனுக்கான ஆலோசனைக்கமிட்டியின் முதல் பெண் தலைவர்; சட்டமன்றத்தின் முதல் பெண் துணைத்தலைவர்; சென்னை மாநகராட்சியின் முதல் பெண் தலைவர். இப்படி பல சிறப்புகளுக்கும் முதல்களுக்கும் சொந்தக்காரர். அத்துடன் சென்னை அடையாறு புற்றுநோய் மருத்துவமனையை தொடங்க தூணாக நின்றவர். 

டாக்டர் முத்துலஷ்மி ரெட்டி அவர்கள்தான் தமிழக சட்டமன்றத்தில் தேவதாசி ஒழிப்பு மசோதாவை முன் மொழிந்தவர். 1927  ஆம் வருடம் ஆங்கில அரசால் சென்னை சட்டமன்ற மேலவைக்கு நியமிக்கப்பட்ட முத்து லஷ்மி ரெட்டி அவர்கள் 1929 ஆம் ஆண்டு தேவதாசி ஒழிப்பு மசோதாவைக் கொண்டு வந்தார்.

இதை அன்றைய காங்கிரஸ் எதிர்த்தது. அன்றைய காங்கிரசின் சட்டமன்ற தலைவர் சொல்லின் செல்வர்- சத்திய மூர்த்தி ( இவர்  பெயரால்தான் தமிழக காங்கிரசின் தலைமை இடம் சத்திய மூர்த்தி பவன் என்று  பெயரிடப்பட்டுள்ளது ). ஒரு பிராமணர். நாட்டில் பெண்களுக்கு ஆதரவாக ஒரு மறுமலர்ச்சி மசோதா  கொண்டுவருவதை தான் சார்ந்த பிராமண  குல பண்புக்கு களங்கம் வராமல் தேவதாசி ஒழிப்பு முறை மசோதாவை தீவிரமாக எதிர்த்துப் பேசினார். இந்த மசோதா நிறைவேறினால் ஐதீகம் கெட்டுவிடும் என்றார். கோயிலில் கூட்டும்  வேலை, பெருக்கும் வேலைகள் எல்லாம் செய்யப்படாமல்  கோயில்கள் நாறிப்போய்விடுமே என்று ரெம்பவும் கவலைப்பட்டார். இதற்கு முத்து லஷ்மி ரெட்டி மிக கூலாக பதில் சொன்னார் “ இவ்வளவு காலம் தாழ்த்தப்பட்ட இனப் பெண்கள்தான் இந்தக் காரியங்களை செய்து கோயில்களை சுத்தமாக வைத்திருந்து இருக்கிறார்கள். இந்த மசோதா நிறைவேறி தேவதாசி முறை ஒழிக்கப்பட்டால் கோயில்களில்  கூளம், குப்பை  நிறைந்துவிடும் என்ற கவலை சத்திய மூர்த்தி அவர்களுக்கு இருந்தால் இவ்வளவு நாள் தாழ்த்தப்பட்டவர்கள் தேவதாசிகளாக இருந்து பார்த்துவந்த வேலைகளை கொஞ்சம் பிராமணப் பெண்களை பொட்டுக்கட்டிவிட்டு  செய்து புண்ணியம் தேடிக் கொள்ளலாமே “ என்று சத்திய மூர்த்தி ஐயரின் மூக்கை  உடைத்தார்  என்பது My Experience as a Legislature  என்ற பெயரில் டாக்டர் முத்து லஷ்மி ரெட்டி தானே சுயமாக எழுதிய சென்னை சட்டமன்ற விவாத நூல்களில் காணக்கிடைக்கின்றது. 

இப்படிப்பட்ட பேறு பெற்ற சீர்திருத்தவாதிகள் போராடித்தான் தேவதாசி முறை தமிழ்நாட்டில் ஒழிக்கப்பட்டது. ஆனாலும் நாட்டின் பொருளாதாரத் தலைநகரை தன்னகத்தே கொண்டுள்ள மராட்டியத்திலும், நாகரிகம் வளர்ந்த மாநிலம் என்று கூறப்படுகிற கர்நாடகத்திலும் இந்த முறை இன்னும் உயிர் வாழ்ந்துகொண்டுதான்  இருக்கிறது. சொல்லப்படும் காரணம் ஐதீகம்- ஆன்மிகம்- சாஸ்திரம் -சம்பிரதாயம். கடவுளின் பெயரைச் சொல்லி நடக்கும் காமக்கூத்துகள். இதனால்தான் மும்பையில் சிவப்பு விளக்குப் பகுதிகளும் கர்நாடகத்தில் பிடரி, பத்மாலயா, நித்யானந்தா, சாய்பாபா, கல்கி, ராம் நகரம்  போன்ற ஆசிரமங்களும் நிறைந்து இருக்கின்றனவோ என்ற ஐயப்பாடும் மேலோங்குகின்றது.

இது மட்டுமா? பால்ய விவாகம் என்ற பெயரில் சிறு வயது பெண் மொட்டுகளை மணவாழ்வுக்கு மலரும் முன்பே பலியிடுவதை இந்த நீதி நூல்களும், சாஸ்திர தர்மங்களும் தடுக்கவில்லை; திருத்தவில்லை; கண்டிக்கவில்லை; கடிந்துரைக்கவில்லை. மாறாக, இறைவனின் பெயரால் இவை தப்பில்லை என்று தம்பட்டம் அடிக்கின்றன.

இளம் வயதில் கணவனை இழந்த கைம்பெண்கள் – பறக்கும்போது  அறுந்துபோன பட்டங்கள் – ஆகாயம் இல்லாமலே தரை மீது தள்ளாடும் நிலவுகள்- விதவைகள். இவர்களின் மறுமணவாழ்வை தடைசெய்தன இந்த நீதி நூல்களும், சாஸ்திரங்களும்- ஐதீகங்களும். எந்த வயதில் கணவனை இழந்து இருந்தாலும் அவள் வாழ்வு ஒரு கருகிய மொட்டாகத்தான் தொடர்ந்து இருக்கவேண்டும் என்று வாதாடினார்கள் மேல்சாதி பண்டிதர்கள். மீறி மறுமணம் செய்தவர்களை சாதியை விட்டும் ஊரை விட்டும் ஒதுக்கி வைத்தார்கள். கல்லால் அடித்து விரட்டினார்கள்- கடும் தண்டனை கொடுத்தார்கள். இஸ்லாம் போன்ற மார்க்கங்களில் விதவைமணம் அனுமதிக்கப்பட்டது  . இறைவனுக்கு விருப்பமான செயலாக கருதப்பட்டது. அண்ணல நபி (ஸ்ல) அவர்கள் , தாங்களே தன்னைவிட வயதில் மூத்த விதவையை மணமுடித்து மறுவாழ்வு கொடுத்தார்கள். தங்களின் தோழர்களை அவ்விதம்  செய்யத் தூண்டினார்கள். 

ஆனால் வேத சாஸ்திரங்களின் பெயரில் விதவை மறுமணக் கருத்து சிதைக்கப்பட்டது மட்டுமல்லாமல், விதவைகள் உடலளவிலும் மனதளவிலும் சிதைக்கப்பட்டார்கள். ( நிறைய திரைப்படங்களில் ரீ ரிகார்டிங்க் இசையுடன் பொட்டழிப்பதையும் , பூவைப்பிடுங்குவதையும் , வலையல்களை உடைப்பதுமாக கதறக்கதறக் காட்டுவார்களே!) கணவனை இழந்தவர்களின் தலைகள் மொட்டை அடிக்கப்படவேண்டும் என்றார்கள்;  நல்ல ஆடை அணிய தடை விதிக்கப்பட்டது. நகைகள் அணியக்கூடாது.  வீட்டின் முன்பகுதிகளில் அவர்கள் வசிக்கத்தடை விதிக்கப்பட்டது. திருமணம் போன்ற காரியங்களில், மற்றும் பொது நிகழ்ச்சிகளில் அவர்கள் வெளியில் தலைகாட்டுவதற்குத் தடை விதிக்கப்பட்டது. மீறி வந்தால் ஏளனப்படுத்தப்பட்டார்கள். வெளியில் போகும்போது விதவை எதிரில் வந்தால் போகிற காரியம் விளங்காது என்றார்கள். மீறும் விதவைகளுக்கு குடும்ப சொத்துரிமை மறுக்கப்பட்டது. திருமணம் முடிந்து இல்வாழ்வில் ஈடுபட்டு, குழந்தைகள் பெற்ற விதவைகள் ஆனாலும், பால்ய விவாஹம் புரிந்து திருமண வாழ்வு என்றால் என்னவென்றே தெரியாத சிறுமிகள் கூட கணவனை இழந்துவிட்டாலும் இதே கொடுமைதான்.   இவ்வளவு கொடுமைகளும் விதவைகளை நோக்கி ஏவப்பட்டது ஐதீகம், ஆன்மீகம், சாஸ்திரம், சம்பிரதாயம் ஆகியவற்றின் பெயரால். 

ஆனாலும் 1856  ஆம் ஆண்டு வங்காளத்தைச் சேர்ந்த பண்டித  ஈஸ்வர சந்திர வித்யாசாகர் என்ற பெருமகனின் முயற்சியால் ஆங்கில ஆட்சியாளர்கள் இந்து விதவை மறுமண சட்டத்தை நிறைவேற்றினார்கள். ஆயினும் சட்டம் சட்டம் போட்ட சட்டமாகவே இருந்தது. நடைமுறையில் சாஸ்திரங்களே சட்டமாக இருந்தன. பெரும் குடும்பங்களில் கைம்பெண்களின் மறுமணம் பற்றி நினைப்பது குடும்பத்துக்கு அவப்பெயராக கருதப்பட்டது. 

பெண்களுக்கு எதிரான இரு பெரும் கொடுமைகள் ஆங்கில ஆட்சி நடைபெற்ற காலங்களில் சட்டப்படி தடுத்து நிறுத்தப்பட்டுவிட்டது. அதுதான் சட்டப்படி நிறுத்தப்பட்டுவிட்டதே அது பற்றி ஏன் எழுதி பக்கங்களை வீணடிக்கிறேன்? ஏதோ ஆங்கில ஆட்சி இருந்ததால் இந்தக்கொடுமைகள் சட்டப்படி அகற்றப்பட்டன. இந்திய அரசர்கள்- அவர்களது ராஜ ரிஷிகள் – பிராமண பட்டாளம் சூழ  இருந்திருந்தால் இவை நிறைவேறி இருக்காது. அதுமட்டுமல்ல ஆங்கில அரசாலும், சீர்திருத்தவாதிகளாலும் இந்த சட்டங்களை இலகுவாக நிறைவேற்றிட முடியவில்லை. மதவாதிகளின் தீவிர எதிர்ப்புகளைத்தாண்டித்தான் நிறைவேற்றப்பட்டன  என்கின்றன வரலாற்றின் பக்கங்கள். 

அடுத்து, நாட்டின் சட்டத்தில் தடுக்கப்பட்டவை  மனுநீதியில் மற்றும் சாஸ்திரங்களில் இருந்துகொண்டு இருக்க இன்னும் ஏன் அனுமதிக்க வேண்டும் என்பதே என் கேள்வி. இவைகளை ஏன் ஒட்டுமொத்த  தடை செய்து ஒழிக்கக்கூடாது? சட்டத்தின் ஆட்சி என்றால் சாஸ்திரத்தின் ஆட்சி ஏன்? நாட்டில் இன்னும் பலபகுதிகளில் தேவதாசி முறை இருப்பது ஏன்?  -  சட்டத்தால் ஒழிக்கப்பட்ட சாஸ்திரத்தின் வசனங்கள்  கோயில்களில் ஆறு  கால பூஜைகளில் ஆர்ப்பரிக்கப்படுவது ஏன்? நாட்டை ஆளவேண்டியது  சட்டங்களா? சாஸ்திரங்களா? சாராயக்கடைகளை ஒழிக்க வேண்டும் என்று சட்டம் போட்டால் அவை ஒழிக்கப்பட்டுதானே ஆகவேண்டும்? அதேபோல் விதவைமணம் சட்டத்தால் அங்கீகரிக்கப் பட்ட பின்பு சாஸ்திரம் ஏன் அதைத்  தடுக்கவேண்டும்?  பால்ய விவாகம், தேவதாசிமுறை ஆகியவை சட்டத்தால் ஒழிக்கப்பட்ட பின்பும் சாஸ்திரத்தில் ஏன் இருக்கவேண்டும்? இந்த சாஸ்திரங்கள் சாராயக்கடைகளைப் போல் ஒழிக்கப்பட வேண்டியவை அல்லவா?

கொஞ்சம் இருங்கள் இந்த சாட்டைக்கு மாஞ்சா போடவேண்டும்.

இன்னும் சுழலும் இந்த சாட்டை ...

இபுராஹீம் அன்சாரி

மனு நீதி மனித குலத்துக்கு நீதியா? அலசல் தொடர் - 5 25

அலசல் தொடர்: ஐந்து. 

மனித குலத்தை பிறப்பிலேயே பாகுபடுத்திப்பார்க்கும் மனுநீதி, “சனாதனதர்மம்” என்பதன் அடிப்படையில் தொகுக்கப்பட்டதாகும். இந்த சனாதன தர்மம் என்பதன் அடிப்படை ETERNAL என்கிற என்றும் அழியாத தன்மையாம். எது என்றும் அழியாது என்றால் பிறப்பும் அழியாது இறப்பும் அழியாது. இதற்கு ஆரம்பமும் கிடையாது முடிவும் கிடையாது. (தலை சுத்துது) இது பற்றி நிறைய வாதப்பிரதிவாதங்கள் உள்ளன. அதற்குள் செல்ல விரும்பவில்லை. ஆனாலும் சனாதன தர்மம் என்பது பரப்பி வைத்திருக்கிற - நியாயப்படுத்தி வைத்திருக்கிற பாகுபாடுகளை மட்டுமே நாம் சுட்டிக்காட்ட விரும்புகிறோம். இத்தகைய மனிதகுலப் பாகுபாடுகளை பரப்பும் வேதங்களை நம்பும் மனிதர்களுக்கு இடையே விழிப்புணர்வைக் கொண்டுவரவே முயற்சிக்கிறோம். 

ஏற்கனவே கூறியபடி இந்த சனாதன தர்மம் என்பதற்கு அழிவு கிடையாது. ஒருபிறப்பில் செய்யும் காரியங்களின் வினைக்கேற்ப மறு பிறவி ஏற்படும் என்பதால் ஆத்மாவுக்கு அழிவு கிடையாது. இது ஒரு நான்-ஸ்டாப் நிகழ்ச்சி. காரியங்கள் என்பதை இந்த வேதங்கள் “கர்மா” என்று குறிப்பிடுகின்றன. அவரவர் செய்யும் கர்மாவுக்குத் தகுந்தபடி அவர்களுக்கு அடுத்த பிறவி ஏற்படும். தண்டனையும் கிடைக்கும் இதுவே சனாதன தர்மம். இதை நான் புரிந்து கொண்டது ஒரு வேடிக்கை நிறைந்த வினோதமான காலகட்டத்தில். 

காஞ்சிபுரத்திலே இருக்கின்ற சங்கர மடத்தின் தலைவர் ஜெயேந்திர சரஸ்வதி சாமி அவர்கள் ஒரு கொலை வழக்கில் குற்றம் சாட்டப்பட்டு நீதிமன்றத்தில் அந்த வழக்கு நடைபெற்று வருகிறது. அந்த வழக்கின் நடைமுறை சமயத்தில் ஜெயேந்திர சரஸ்வதி அவர்கள் காவல் துறையால் கைது செய்யப்பட்டு வேலூர் சிறையில் அடைக்கப்பட்டார். அந்த நேரம் அவர் பத்திரிக்கைகளில் கூறியது. “ என் கர்மாவின் பயனை அனுபவித்து வருகிறேன்” என்பதாகும்.  அதாவது முற்பிறவியில் அவர் செய்த கர்மத்தின் வினைப் பயனாக சிறையில் அடைக்கப்பட்டு இருக்கிறார் என்று அவர் கருத்து வெளியிட்டு ஒப்புக்கொண்டார். 

நாம் சுட்டிக்காட்ட விரும்புவது என்னவென்றால் இந்தப் பிறவியில் அவர் செய்ததாக கூறப்படும் ஒரு கொலைக்காகத்தான் அவர் சிறையில் அடைக்கப்பட்டார். காவல்துறையின் முதல் தகவல் அறிக்கை அப்படித்தான் கூறுகிறது. சென்ற பிறவியில் அவர் இன்ன பாவம் செய்தார் அதனால்தான் அவரை கைது செய்து சிறையில் அடைத்து இருக்கிறோம் என்று குற்றப்பத்திரிகை தாக்கல் செய்யப்படவில்லை. அப்படித் தாக்கல் செய்திருந்தால் அந்த வழக்கு இந்தப் பிறவியில் அல்ல எந்தப்பிறவியிலும் செல்லாது. ஆகவே கர்மா என்பதும், அது பிறவி பிறவியாக தொடரும் என்பதும் ஒரு கவைக்குதவாத ஏமாற்றுக் கருத்து. 

இது தொடர்பாக நான் கேட்கவிரும்பும் இன்னொரு கேள்வி. அப்படி ஒருவேளை இந்த கொலைக்குற்றம் கர்மாவின் பயன் என்று ஒரு பெரிய மடத்தின் அதிபதி உறுதியாக நம்பும் பட்சத்தில் அந்த வழக்கையும் தண்டனையையும் வாய்மூடி ஏற்றுக் கொள்ளவேண்டியதுதானே. ஏன் எதிர் வழக்காடவேண்டும்? ஏன் ஜாமீனில் வெளிவர முயலவேண்டும்? ஏன் வழக்கை நடத்தும் புதுவை நீதிமன்ற நீதிபதிக்கு கையூட்டு தந்து வழக்கில் இருந்து தப்பிக்க முயலவேண்டும்? அப்படியானால் இந்த சனாதன தர்மம் என்பதும் –கர்மா வினைப்பயன் என்பதும் ச்சும்மா .... ஒரு டூப்பு என்று ஒரு மடாதிபதியே ஒப்புக் கொள்வதாகத்தானே அர்த்தம்?

இதேபோல் ஒரு வழக்குத்தான் நித்யானந்தா சாமி என்கிற இன்னொரு புகழ்பெற்ற மடத்தின் தலைவர் மீது நடைபெற்று வரும் பாலியல் உறவு சம்பந்தமான வழக்கு. இவரும் கர்மாவின் வினைப்பயனைப்பற்றி உலகம் முழுதும் பேசி வருபவர். இந்த வழக்கின் உண்மை பொய் பற்றி பேச நான் வரவில்லை. வழக்கில் சாமியார் வசமாக மாட்டிக்கொண்டார். சிறையில் அடைக்கப்பட்டார். ஜாமீனில் வெளியே வந்து இருக்கிறார். விதியே என்றும் கர்மவினை – பிரம்மன் எழுத்து என்றும் தாங்கிக் கொண்டு  இருக்க வேண்டியதுதானே. ஏன் கோடி கோடியாய் செலவழித்து வழக்கில் இருந்து தப்பிக்க மதுரைவரை சென்று ஆதீன மாஜிக் செய்கிறார்? 

ஆகவே இவற்றை போதிக்கும் குருமார்களிடையே கூட தாங்கள் போதிக்கும் மனு நீதியின் அடிப்படையில் அமைந்த சனாதன தர்ம கருத்துக்களின் மீது விசுவாசம் இல்லை. சும்மா ஹம்பக் வேலைகள் செய்து ஏமாந்தவர்களையும், ஏழை தாழ்த்தப்பட்டவர்களையும் பின்னணியில் தம்பூராவை டொய்ங் டொய்ங் என்று ஒலித்து இன்னும் ஏமாற்றுகிறார்கள். 

இப்போது இந்த பார்ப்பன முகாமிலிருந்து புதிதாக ஒரு புருடா வந்து இருக்கிறது. அதாவது தற்போதைய இந்திய பொருளாதார வீழ்ச்சிக்கும், இந்தியா ரூபாயின் மதிப்பின் வீழ்ச்சிக்கும் காரணம் அரசு மேற்கொண்ட தவறான பொருளாதார அணுகுமுறை/ நடவடிக்கை இல்லையாம்; உலகப் பொருளாதார வீழ்ச்சி இல்லையாம்; பங்கு வர்த்தக சரிவு இல்லையாம். இந்திய ரூபாயில் புதிதாக புகுத்தப்பட்ட அடையாளக்குறியின் “வாஸ்து " சரியில்லையாம். அந்த அடையாளத்தின் குறியில் தொண்டையில் ஒரு வெட்டுப்பட்டதைப்போல குறி இருப்பதால் பொருளாதாரம் வீழ்ந்து விட்டதாம். இதைகூறி இருப்பவர் ராஜ குமார் ஜான்ஜாரி என்கிற பச்சை பிராமணர். இனி நாட்டில் திட்ட கமிஷன் வேண்டாம்- திட்டக்குழு வேண்டாம்- நிதி அமைச்சர் வேண்டாம்- நிதிநிலை அறிக்கை வேண்டாம். இரண்டு பூணூல் போட்டவர்களைக் கூட்டி வந்து பூஜை, புனஸ்காரம் செய்தால் போதுமானது.பொருளாதாரம் கிடுகிடு வென்று வளர்ந்துவிடும்.

இந்தப் போக்கற்றவர்கள் இப்படி குற்றம் சாட்டக் காரணம் இந்த புதிய ரூபாயின் அடையாளக் குறியை உருவாக்கித் தந்ததவர் உதய குமார் என்கிற ஒரு தாழ்த்தப்பட்டவர். ஒரு சூத்திரன் கண்டு பிடித்தது சபை ஏறினால் இருக்கும் அனைத்து பிராமணத் தலைகளும் வெடித்து சிதறி விடுமல்லவா? அதுதான் காரணம். வேண்டுமானால் ஒரு சவாலாக இந்த புதிய ரூபாயின் அடையாளக்குறியின் தொண்டையில் இடது வலதாக போடப்பட்டிருக்கும் குறியை மாற்றிவிட்டு ஸ்ரீரங்கத்து நாமம் போல மூன்று பட்டைகளை  போட்டால் இந்தியப்பொருளாதாரம் எகிறிவிடுமா? அல்லது ரிசர்வ் வங்கியில் சென்று இந்தியா ரூபாய்க்கு தீட்டு கழிக்கலாமா? ஹோமம்/யாகம்  நடத்தலாமா? 

மனு நீதியின் அத்தியாயம் நான்கு CHAPTER IV  2,3,61,80, 81. கூறுகின்றன. 

2. A Brahmin must seek a means of subsistence which either causes no, or at least little pain to others, and live by that except in times of distress.

3. For the purpose of gaining bare subsistence, let him accumulate property by following those irreproachable occupations which are prescribed for his caste, without unduly fatiguing his body

61. Let him not dwell in a country where the rulers are Shudras, nor in one which is surrounded by unrighteous men, nor in one which has become subject to heretics, nor in one swarming with men of the lowest castes. 

80-81. Let him not give to a Shudra advice, nor the remnants of his meal, nor food offered to the gods; nor let him explain the sacred law to such a man, nor impose upon him a penance. For he who explains the sacred law to a Shudra or dictates to him a penance, will sink together with that man into the [dreadful] hell called Asamvrita. 

ஒரு பிராமணன் தனது அடிப்படைத் தேவைகளைப் பெறுவதற்காக தேவைப்பட்டாலே தவிர யாரையும் துன்புறுத்தக்கூடாது. அதாவது தனக்கு கஷ்டம் வந்தால்தான் அடுத்தவரை துன்புறுத்தி தனது கஷ்டத்தை நீக்கிக் கொள்ளலாம். “ஈன்றாள் பசி காண்பானாயினும் செய்யற்க சான்றோர் பழிக்கும் வினை” என்பதெல்லாம் பிராமணர் முன் ஜுஜுபி.  

தனது வாழ்வின் அத்தியாவசியங்களைத் தேடிக்கொள்ளவும் , சொத்துக்களை சேர்த்துக் கொள்ளவும் ஒரு பிராமணன் தனது உடம்புக்கு கஷ்டமும், அயர்வும் தராத தொழில்களைத்தான் தேடிக்கொள்ளவேண்டும். ( unduly fatiguing his body) .

எங்கேயாவது யாராவது ஒரு மூட்டை தூக்கும், வயலில் உழுது பயிரிடும், தெருக்கூட்டும், ரிக்க்ஷா இழுக்கும், கொத்தனார் வேலை பார்க்கும், சித்தாள் வேலைபார்க்கும் பிராமணரை பார்த்து இருக்கிறீர்களா? கடைத் தெருக்களில் காய்கறிகடை, பழக்கடை நடத்தும் பிராமணர்களைப் பார்த்து இருக்கிறீர்களா? கரிக்கோலமாக மெக்கானிக், வெல்டர், பெட்ரோல் பங்குகளில் வெயிலில் நின்று சேவகம் புரிவோரைப் பார்த்து இருக்கிறீர்களா? படைக்கப்பட்ட அனைத்து பிராமணர்களும் அறிவுக் கொழுந்துகளாக இருப்பதில்லை. அவர்களிலும் ஐந்தாம் வகுப்பில் கூட தேறாதவர்கள் உண்டு. அவர்களெல்லாம் கோயில்களில் மணி அடித்துக்கொண்டோ, சமையலறை வேலை செய்து கொண்டோதான் இருப்பார்கள். அவர்கள் சொகுசான வேலைகளில்தான் அமர்கிறார்கள் அல்லது அமர வைக்கப்படுகிறார்கள். உடல் உழைப்பு மூலம் பொருள் ஈட்டுவது அவர்களின் சாத்திரத்திலேயே தடுக்கப்பட்டு இருக்கிறது. “தின்றவன் திங்க திருப்பாலக்குடியான் தெண்டம் கொடுத்தான்” என்று ஒரு சொல்லடை உண்டு. அதுபோல் சமூகத்தில் தாழ்த்தப்பட்டவன் உழைக்க வேண்டும். பிராமணர்கள் சப்புக்கொட்டி சாப்பிடவேண்டும் என்பது மனுநீதி. காரணம் நெய்யிலே பிறந்து நெய்யிலே வளரும் நேசர்கள் இவர்கள். பஞ்சணைகளுக்கு இவர்கள் பெயரில்தான் பட்டா இருக்கிறது. 

சூத்திரர்கள் ஆளும் நாட்டிலும் , தாழ்த்தப்பட்டவர்கள் அரசியல் செல்வாக்கும், படைபலமும் பெற்றவர்களாக இருக்கும் நாடுகளிலும் பிராமணர்கள் வசிக்கவே கூடாது என்கிறது மனுநீதி. (மனு நீதியை நம்பும் கொள்கை உடையவர்களின் செல்வாக்கிலே இருக்கும் தேசிய அரசியல் கட்சியினர் தாழ்த்தப்பட்டோர் கட்சியின் தலைவி மாயாவதியுடன் மட்டும் தேர்தல் கூட்டு வைக்கலாமா?)

ஒரு பிராமணன் ஒரு சூத்திரனுக்கு அறிவுரை, ஆலோசனை, கல்வி தரக்கூடாது. சூத்திரன் கையால் சாப்பிடக்கூடாது; சூத்திரக் கடவுள்களுக்குப் படைக்கப்பட்டவைகளை புசிக்கக்கூடாது, ஒரு சூத்திரனுக்கு பாவ பரிகாரங்கள் செய்யக்கூடாது. சாஸ்திரங்களை போதிக்ககூடாது; அப்படி மீறி போதித்தால் – பரிகாரம் செய்தால் அப்படி பாவம் செய்தவனோடு அந்த பரிகாரம் செய்யும் பிராமணனும் “அசம்விருதா” என்கிற கொடிய நரகத்தில் ஒன்றாக மூழ்கடிக்கப்படுவான் என்கிறது மனு நீதி. 

ஆனால் மடாதிபதி கொலை செய்யலாமா? திரைப்பட நடிகைகளோடு கொட்டமடிக்கலாமா? ஆசிரமம் வைத்து நடத்தி கன்னிகளை கற்பழிக்கலாமா? குழந்தைவரம் தருவதாக அர்த்தசாம பூசைக்கு ஏற்பாடு செய்யலாமா? யோகா சொல்லித்தருவதாக கூறி அகா சுகா –அகடம் பகடம் செய்யலாமா?  நீதிபதிகளை விலைக்கு வாங்கலாமா? தங்கபஸ்பம் செய்து தருவதாக கூறி கொள்ளை அடிக்கலாமா? மாட்டுக்கறி சமைத்து மது விருந்தும் நடத்தலாமா? தங்க நகைகளை வைத்து தங்கடம் நீக்கும் பூஜை செய்கிறேன் என்று தட்டிப்பறிக்கலாமா? ஒரு கர்ம வினைப்பயனும் ஒன்றும் செய்யாதா?. ஊருக்குத்தாண்டி உபதேசம் உனக்கும் எனக்கும் உல்லாசமா? எல்லாம் கப்சா – கட்டுக்கதை.

இன்னும் சுழலும் இந்த சாட்டை ...

-இபுராஹீம் அன்சாரி