ஒரு புத்தகம் பிறக்கிறது - தொடர் - 10 [நிறைவுப் பகுதி] 12

தொடர் நிறைவுக்கு எட்டியிருப்பதால் ஒரு சில [Bit news] துண்டு துண்டான செய்திகளையும்  கூறி நிறைவு செய்யலாம் என்று நினைக்கிறேன்.

.# கி.மு. 1500-ம் ஆண்டு காலகட்டத்தில் வாழ்ந்த எகிப்தியர்கள் ‘இறந்த பின் ‘ஓசிஸ்’ என்ற கடவுள் தாங்களை விசாரிப்பார்’ என்றும் செய்த பாவங்களுக்கு தண்டனை கொடுப்பார்’ என்றும் நம்பினார்கள். ஒருவர் இறந்து விட்டால் அவர் பாவங்களை’ மன்னித்து நல்லிடம் கொடுக்க வேண்டிக் கொள்ளும் ‘கருணை மனு’ ஒன்றையும் சேர்த்து அவரோடு புதைத்து விடுவார்களாம். பைப்ராஸ் இலையில் இந்த மனுவை எழுதுவார்களாம். இதற்கு ‘செத்தவரின் புத்தகம்’’ [The Book of the Dead] என்று பெயராம்.

# Rig-Veda ரிக்வேதம் இதுவும் கி.மு.1500 ஆண்டுகளுக்கு முந்திய நூல் 1028-சமஸ்கிருத மொழிப் பாடல்களை கொண்ட இந்துக்களின் வேதநூல். கி.மு1500-ஆண்டுகளுக்கு முன் வாழ்ந்த மக்களின் வாழ்க்கை முறையே இது கூறுகிறது.

# கி.மு. 850-ஆண்டுகளில் ஊருக்கு ஊர் பாட்டு பாடித் திரிந்த ஒரு நாடோடி குருடன் யாரென்று தெரியுமா? அவர்தான் ஹோமர் [Homer] அவர் ஊர் ஊராக அலைந்து திரிந்து பாடிய பாடல்களையெல்லாம் ஒன்று திரட்டி இரண்டு தொகுதியாக  தொகுத்தார்கள். ஒன்று ‘இலியாட்  [Illiad] என்றும், இன்னொன்று ஓடிஸி [Odyssey- அல்லது Ulysses] என்ற பெயரிலும் வெளியானது. கிரேக்க நாட்டில் நடந்த திரோஜான் போர் முடிந்து ஹோமர் ஊர் திரும்பும் வழியில் பாடிக் கொண்டே வந்த பாடல்களின் தொகுப்பே இந்த இரண்டு புத்தகங்களும்.

.# நோபல் பரிசு பட்டியலில் புத்தகத்திற்கு பரிசு கொடுப்பது அதற்கு கிடைத்த பெருமை, உலகளாவிய அங்கிகாரம். 

# லண்டன் மாநகரில் சட்டக் கல்லூரியில் படித்த இரண்டு சகோதரர்கள் இறுதி தேர்வில் தோல்வி அடைந்தார்கள். விரக்தி அடைந்த இருவருக்கும் மேலும் படிப்பை தொடர மனமில்லை - பணமில்லை. வேறு ஏதேனும் வேலை பார்க்கலாம் என்ற எண்ணம் வந்தது. அவர்கள் படித்த சட்ட  புத்தகங்களும் இதர பொழுது போக்கு நாவல் மற்றும் பல புத்தகங்களும் வேலை தேட தடையாக நின்றது. இந்த புத்தகங்களை  என்ன செய்வது? கேள்வி முளைத்து இங்கே பதில் கிடைப்பது எங்கே? இரு சகோதரர்களும் விடை தேடி  மூளையை கசக்கினார்கள். கொஞ்ச நேரத்தில் உதித்தது ஒரு பதில். வந்த பதிலும் கேள்வி வடிவிலேயே வந்தது. ’’நாமே இந்த புத்தகங்களை லண்டன் நடை பாதையில் போட்டு விற்று முடித்தபின் வேறு வேலை தேடினால் என்ன?” இதை கேட்ட மற்றவருக்கும் அது சரி என்றே பட்டது. 

அடுத்த நாள் லண்டனில் ஜன நடமாட்டம் நிறைந்த வீதியோரம் கடை விரித்தார்கள். அவர்கள் எதிர்பார்த்த  அளவுக்கு மேல் வியாபாரம் சூடுபிடித்து ஓடியது. புத்தகம் வாங்க வந்தவர்களில் பலர் ‘’எங்களிடம் பழைய புத்தகங்கள் நிறைய இருக்கிறது, வாங்கிக் கொள்கிறீர்களா?’’ என்றார்கள். அதையும் வாங்கி போட்டார்கள். வியாபாரம் எக்ஸ்பிரஸ் வேகத்தை நெருங்கியது.

இரு சகோதரர்களும் வேறு வேலை தேடும் எண்ணத்தை ‘கை’ கழுவினார்கள். ‘கையில் வெண்ணையை வைத்துக் கொண்டு நெய்க்கு அலைவானேன்?’ [Opportunity Knocks Only Once – இது [ஆங்கில பழமொழி] கிடைத்த நல்வாய்ப்பை ’கப்’பென்று பற்றிப் பிடித்துக் கொண்டார்கள். வியாபாரம் பிய்த்துக் கொண்டு ஓடியது. இடநெருக்கடி வந்தது. அருகிலுள்ள கட்டிடத்துக்கு வியாபாரத்தை இடம் மாற்றினார்கள்.

1903ஆம் ஆண்டு லண்டன் மாநகர் நடைபாதையில் தொடங்கிய பழைய புத்தகக் கடை தன் 110-ம் ஆண்டுபிறந்த நாளை கொண்டாடிவிட்டு 111-ம்ஆண்டில் கம்பீரமாக நிமிர்ந்து நடைபோடுகிறது.

1903-ஆண்டு William Foyles-Gill Bert Foyles என்ற இரு சகோதரர்கள் லண்டன் மாநகர் நடை பாதையில் ஆரம்பித்த பழைய புத்தகக் வியாபாரம் இன்று no: 111-119 Charing Cross Road, London. WC.24 முகவரியில் மூன்று அடுக்குமாடி கட்டிடத்தில் வானுயுற ஓங்கி வளம் பெற்று வளர்ந்து நிற்கிறது. அதோடு இன்னும் பல இடங்களிலும் இதன் கிளைகள் வேர் விட்டு வளர்ந்து நிற்கிறது.

இதுவரை எந்த புத்தகக் கடைக்கும் இல்லாத சரித்திர சிறப்பு இந்த கடைக்கு உண்டு. அது என்ன சிறப்பு? இரண்டாம் உலகப்போரில் ஹிட்லரின் போர் விமானங்கள் லண்டன் மாநகர் மீது குண்டுகளை கொட்டிய போது இங்கிலாந்தின் பிரதமர் வின்ஸ்டன் சர்ச்சில் தன் சுருட்டுப் புகையை வெளியே ஊதிக் கொண்டு அமைதியாக சொன்ன வார்த்தை ’’London can take it’’ இந்த வாசகம் என்றும் சாகவரம் பெற்ற ஒரு திருவாசகம்.

தன்னை எதிர் கொள்ளும் பிரச்சனை எதுவானாலும் எதையும் தாங்கும் இரும்பு நெஞ்சம் கொண்டவர்கள்l வின்ஸ்டன் சர்ச்சிலின் ’’London can take it” என்கிறார்கள். 

அதே சமயம் Foyel சகோதரர்கள் தங்கள் புத்தக கடை கட்டிடத்தின் மேல்தளத்தில் ஹிட்லர் எழுதிய Mein Camp. [எனது போராட்டம்] என்ற புத்தகங்களை பரப்பி ["Drop your Bombs Here"] உன் குண்டுகளை இங்கே போடு’ என்று எழுதி வைத்தார்கள்.

Foyles புத்தகக் கடையில் ‘’மனசாட்சி மணி ஆர்டர்’ என்று ஒரு பகுதி திறந்தார்கள். இது ஏன்? சில நேரங்களில் சில மனிதர்கள், சபலங்களுக்கு அடிமையாகும் நிலை ஏற்படலாம். அந்த நிலை வரும்போது சில நல்லவர்களும் தீய வழிகளில் செல்லக் கூடும். இந்த சபலம் சிலரைத் திருடவும் தூண்டும். சபலத்திற்கு அடிமையாகி புத்தகங்களை திருடிய சிலருடைய மனசாட்சி சில நேரங்களில் மனதை குத்தலாம். அதை நிவர்த்திக்க திருடிய புத்தகத்தின் விலையை மணி ஆர்டரில் அனுப்பி ‘பாவமன்னிப்பு’ பெறவே ’மனசாட்சி’ மணி ஆர்டர்’ திட்டம். இது நல்ல பலனைக் கொடுத்தது. நிறைய’ மணி’ஆர்டர்கள் வந்து குவிந்தது லண்டானில் Foyels மூன்று மாடிகள் கொண்ட புத்தகக் கடையே முழதும் சுற்றிப் பார்க்க ஆசையா கண்ணா? பனிரெண்டு கிலோ மீட்டர் நடக்க முடியுமா கண்ணா? முடிந்தால் பாத்துட்டு வா கண்ணா!’  கட்டுரை நிறைவு பெறும் தறுவாயில் புரட்சிக் கவிஞர் பாரதிதாசனின் கவிதையோடு கட்டுரை நிறைவு பெறுகிறது.

‘அறிஞர் தம் இதய ஓடை 

ஆழநீர் தன்னை மொண்டு

செறி தரும் மக்கள் எண்ணம்

செழித்திட ஊற்றி ஊற்றி

குறுகிய செயல்கள் போக்கி 

குவளையம் ஓங்கச் செய்யும்

நறுமண இதழ் பெண்ணே

உன் நலம் காணார் 

ஞாலம் காணார்’ 

என் சிற்றறிவுக்கு எட்டிய வரை எட்டி எட்டி எழுதி இருக்கிறேன். என் முயற்சிக்கு ஊட்டசத்து ஊட்டிய மைத்துனர் இப்ராஹீம் அன்சாரி, அ.நி.நெறியாளர் தம்பி அபூஇப்ராஹீம், தம்பி தாஜுதீன் ஆகியோருக்கும் என் நன்றியையும் சலாத்தையும் தெரிவிக்க கடமைபட்டுள்ளேன்.

அதற்கெல்லாம் மேலாக என் நாட்டத்தை தடை இன்றி நிறைவு செய்து தந்த எல்லாம் வல்ல அல்லாஹ்வுக்கு நன்றியையும் அவனிடமே என் பிரார்த்தனையையும் சமர்ப்பிக்கிறேன் இன்ஷா அல்லாஹ்!

மீண்டும் சந்திப்போம் மற்றுமொரு சூழலில்....!

S.முஹம்மது ஃபாருக்

ஒரு புத்தகம் பிறக்கிறது - தொடர் - 9 15

Leo Tolstoy [1828-1910] லியோ  டால்ஸ்டாய் எழுத்தாளர், நாடக ஆசிரியர், தத்துவவாதி. உயிரோட்டம் கொண்ட எழுத்துக்களுக்கு சொந்தக்காரர். மத்திய ரஷ்யாவில் எஸ்நயா போநியனா எனும் ஊரில் 1828-ஆம் ஆண்டில் பிறந்தார் படிப்பில் மக்கு ஆசாமி" படிப்புக்கும் நமக்கும் அமாவாசைக்கும் அப்துல்லாவுக்கும் உள்ள சொந்தம். அதனால் 'இரும்பு அடிக்கும் இடத்தில் 'ஈ’க்கு என்ன வேலை’ என்று பல்கலைக்கழக படிப்புக்கு பாதியிலே "டாட்டா" காட்டி விட்டு நடையை கட்டினார். அவருக்கென்ன? படித்து சம்பாதித்துதான் குடும்பத்தை ஒட்ட வேண்டும் என்ற அவசியம் இல்லை. எற்கனவே பாட்டன் பூட்டான் தேடிபோட்ட நிலபுலன்களும் சொத்து சுகங்களும் குவிஞ்சு கிடக்கு. அது பல தலைமுறைக்கு சும்மா வெளிய சுதித்திட்டு வந்து சோறு உண்ணலாம். அப்புடி கொட்டி கெடக்கு பாட்டன் பூட்டான் சொத்து.

படிப்பில் "டல்" பேர்வழியான டால்ஸ்டாய் எழுத்துலகில் கொடிகட்டி பறந்தார். 1869ல்அவர் 'எழுதிய ¬'War and Peace'- [போரும் அமைதியும்] என்ற நாவல் எடுத்த எடுப்பிலேயே அவரை எழுத்துலகின் உச்சத்துக்கு கொண்டு சென்றது. ‘போரும்-அமைதியும்’ சாகாவரம் பெற்ற நாவல்களின் VIP முதல் வரிசையில் இடம் பெற்ற நாவல். தமிழ் உள்பட பல மொழிகளில் மொழி பெயர்ப்பு கண்ட கில்லாடி நாவல்.

'அன்னா கரீனா’ இதுவும் டால்ஸ்ட்டாயின் சிறப்பான படைப்பு. நாவல் வட்டத்தில் வரவேற்பு வளையம் கட்டி ’’வா! வா’’என்று அழைக்கப்பட்ட இதுவும் பலமொழிகளில் அவதாரம் எடுத்தது. ஆங்கில திரைப்படத்திற்கு கதை கொடுத்து ஹாலிவுட்டுக்கு ‘கை கொடுத்த’ நாவல்.

# ஆங்கிலஇலக்கியச்  சிற்பிகளின் வரலாற்றில் Charles Dickens [1812-1870]. சார்லஸ்டிக்கன்ஸ் என்ற பெயர் என்றும்‘கல்மேல் எழுத்து போல் காணும்’. இவரின் ஆலிவர்டு விஸ்ட் [Oliver Twist - 1838] இரு நகரங்களின் கதை [Tale of Two Cities-1859] The Great Expectations - 1861] ஆங்கில இலக்கிய பீடத்தை அலங்கரிக்கும் பொன் நகைகள். டிக்கன்ஸ்  கைவண்ண கண்ட Tale of Two Cities ‘இரு நகரங்களின் கதை’ பிரான்ஸ் நாட்டில் புரட்சி எழுந்த காலத்தை பின்புலமாக கொண்டு எழுதிய கதை. இதை  பன்மொழிப் புலவர் பேராசிரியர் கா.அப்பாத்துரை அவர்கள் 1950ம் ஆண்டு வாக்கில் தமிழில் மொழியாக்கம் செய்து ’’இரு நகரங்களின் கதை’’யென வெளியானது. Mystery  of Edwin Drood என்னும் கதையை பாதி எழுதும் போதே 1870–ம் ஆண்டு டிக்கன்சனின் ஆவி பிரிந்தது.

பன்மொழிப் புலவர் கா.அப்பாதுரை அவர்களை இன்றைய இளந்தலைமுறை அறிந்திருக்க வாய்ப்பு இல்லை. இவர்எழுதிய இன்னொரு புத்தகம் ‘’தென்னாட்டு போர்க்களங்கள்’’. இவர்பதினாறு மொழிகளில் புலமை பெற்று விளங்கினார்.

# சுமார் ஏழு தலைமுறைக்கு முன், வெள்ளையர்களும் அவர்களின் கைக்கூலிகளும் மிருங்களை வேட்டையாடுவது போல்தென் ஆப்பிரிக்க மக்களை வேட்டையாடி அவர்களின் சொந்த மண்ணை விட்டு புதிய கண்டமான அமெரிக்கா நாட்டுக்கு ஆடுமாடுகளை போல் கப்பலில் கடத்தி சென்றார்கள். 

மாதக்காணக்கானஇந்த கப்பல் பயணத்தில் அப்பாவி ஆப்பிரிக்கா மக்கள் பட்ட சொல்லெனா துயரத்தை சொல்லில்சொல்ல சொல்இல்லை. பசி பட்டினி வதை நரக வேதனையை கப்பல் பயணத்தில் அனுபவிக்க இவர்கள் என்னபாவம் செய்தார்களோ? கப்பல்பயணம் பூலோக நரகமானது. வெள்ளையர்களின்அடங்காத பணப்பசிக்கு ஏதும் அறியா ஆப்பிரிக்க கறுப்பர்கள் இரையாகிப் போனார்கள்.

பிறந்து வளர்ந்தசொந்த மண்ணிலே காட்டிலும் மேட்டிலும் காலெடுத்து ஓடியும் ஆடியும் பாடியும், வில்லெடுத்து வேட்டையாடியும், அம்மா அப்பா அண்ணன் தம்பி அக்கா தங்கை என்ற ரத்த பாசமும் நேசமும் ஒன்று கலந்து வாழ்ந்த கறுப்பர்கள் அந்நிய மாண்ணில் அடிமைப் பிடியில் சிக்கிச் சீரழிந்து தவித்தார்கள்.

ஆப்பிரிக்காவிலிருந்துகடத்தப்பட்ட கருப்பின மக்களை அடிமைச் சந்தையில் ஆடு மாடுகளைவிடகேவலமாக ஏலம்கூறி விற்றார்கள். விலைபோட்டு வாங்கிய வெள்ளை முதலாளிகள் தங்கள் விருப்பம் போல் இரவென்றும் பகல் என்றும் பாராமல் ஓய்வு இன்றி இவர்களின் ரத்தத்தை உறிஞ்சி உறிஞ்சி குடித்தார்கள்.

இது சுமார் 250 ஆண்டுகளுக்கு முன் நடந்த சோகமும் உண்மைஒன்று கலந்த கருப்பு வரலாறு. கருப்பு அடிமைகள் 250ஆண்டுகளாக அமெரிக்காவில் பட்ட அவஸ்த்தைகளை புத்தகங்களில் படிக்கும்போது அதை ஒரு பொழுது போக்காகவே பெரும்பாலோர் படிக்கிறார்கள். என்னால் அப்படி அதை பார்க்க முடியவில்லை. காரணம் ஐம்பது ஆண்டுகளுக்கு முன் மலாயா-விலும் [அப்பொழுது இந்த பெயரில்தான் அழைக்கப்பட்டது] பிரிக்கப்பாடாத தஞ்சாவூர் மாவட்டத்தின் முஸ்லிம் முதலாளிகள் அமெரிக்க அடிமை முறையை தழுவியே தங்ககள் கடைகளில் வேலை செய்யும் ஆட்களையும் அடிமைகளாகவே நடத்தினார்கள். அதில்என் போன்றோர் அடிமை செக்குமாடுகள் ஆனோம். அந்தவலியின் தாக்கமே அமெரிக்க கருப்பு அடிமைகளின் வலியை என் வலியாக உணரச் செய்கிறது. [இன்ஷா அல்லாஹ் இந்த மலேசிய அடிமைகளின் கதையை பின்னொரு சந்தர்பத்தில் தொடரலாம்.]

எழுத்தாளர் அலெக்ஸ் ஹேலி [Alex Haley] அமெரிக்க கருப்பினத் தலைவர் [Malcomx] மால்கம்க்ஸ் என்பவரின் வாழ்க்கை வரலாற்றை எழுத பல நூலகங்களில் ஆதாரங்கள் தேடியபோது, ஹேலியின் மூதாதையர்களிலில் ஒருவரும் கடத்தப்பட்டு அடிமைச் சந்தையில் விலை பொருளாய் போன தடமும் அவர் கையில் சிக்கியது. இந்தச் ’சிக்கல்’ அவர் மனதில் ஒரு ’கிக்’கை உண்டாக்கியது. தன் மூதாதையாரின் வரலாற்றையும் அவர்களின் ‘நிறம்’ அவர்களைஅந்நிய மண்ணில் விலை பொருளாய் மாற்றியதையும் கண்டறியும் ஆர்வத்தையும் வேட்கையையும் தூண்டியது. ஆப்பிரிக்கா சென்று இன்று அமெரிக்காவில் வாழும் ‘’கறுப்பு அமெரிக்கர்களின்’’ வரலாற்றுச் சுவடுகளைத் தோண்டி எடுத்து உலகின் கண்களுக்கு காட்ட வேண்டும்’’ என்ற -ஆசை, வேகம், வெறி., என்ற ‘தீ’ நெஞ்சுக்குள் பற்றி எரிந்தது. வேகம், வெறி இவைகள் நல்ல நோக்கங்களை மையமாய் கொண்டுஎழுந்தால் நல்ல விளைவுகளை அறுவடை செய்யலாம். எண்ணமும் திசையும்வேறுவழியில் மாறுமேயானால் ’’.As you sow so will you reap’’ எதை விதைக்கிறாயோ அதையே அறுவாடை செய்வாய்.’

எழுத்தாளர் அலெக்ஸ் ஹேலி தன் பூர்வீகம் பூத்த மண்வாசனை நுகரவும் புதைந்து போன வரலாற்றுப் புதையலை தோண்டி எடுக்கவும் ‘இருண்ட கண்டம் ’என அழைக்கபட்ட தென் ஆப்பிரிக்கா நோக்கி அடியெடுத்து வைத்தார். அங்கே ஐந்து ஆண்டுகள் காடு-மேடு பள்ளம் படுகுழி பகல் இரவு மழை வெயில் என்ற எந்த இடரையும் பொருட்படுத்தாமல் 'தூண்டில்காரனுக்கு மிதப்பு மேல் கண்’ என்பது போல் காரியத்தில் ‘கண்’ணாக இருந்தார். ’முயற்சி உடையார் இகழ்ச்சி அடையார்’ என்ற சொல் மெய்யாகிப்போனது.தேடிதேடி அலைந்து களைத்துப் போன அலெக்ஸ் ஹேலிதேடியதை கண்டுபிடித்து விட்டார்.

சுமார் இருநூறு ஆண்டுகளுக்கு முன் தென் ஆப்பிரிக்காவிலிருந்து அமெரிக்க கண்டத்திற்கு கடத்தப்பட்ட ஆயிரம் ஆயிரம் அப்பாவி ஆப்பிரிக்க பூர்வகுடி மக்களில் kunta kinti ‘குந்தா கிந்தி’ என்ற பெயருடைய பாதினாறு வயது சிறுவனும் ஒருவன்.

அலெக்ஸ் ஹேலி தேடிவந்த தன்னுடைய அமெரிக்க மூதாதையர்களின் முதல் விதைதான் இந்த குந்தாகிந்தி. அமெரிக்க மண்ணில் விலைபொருளாகி அடிமைகளாகஇருந்தவர்கள் அடிமை ஒடிந்தபின், விவசாயிகளாக. கொல்லர்களாக, சட்ட நிபுணர்களாக கட்டிடக்கலை வல்லுனார்களாக வாழ்வோர்களின் மூலபிதா. இருநூறு ஆண்டுகளுக்கு முன் பதினாறாம் வயது பாலகன் பருவத்தில் கடத்தப்பட்ட குந்தா கிந்தி என்பவர். இந்த குந்தா கிந்தி அலெக்ஸ் ஹெலியின் பாட்டனுக்குபட்டனுக்கு பாட்டனுக்கு பாட்டனுக்கு பாட்டனுக்கு பாட்டன். இருநூறு  வருசத்துக்கு முந்திய பாட்டனை தேடி அலெக்ஸ் ஹேலி அமெரிக்காவிலிருந்து தென் அப்பிரிக்கா வந்தார். பாட்டனைத்தேடிவர் பாட்டனையே கண்டார்.

இதை எழுதும்போது எனக்கு ஒரு சந்தேகம். இந்தியாவை தேடிப் போன கொலம்பஸ் குறுக்கே வந்து தடுத்து ‘’எங்கூருக்குவா’’ என்று சிவப்பு கம்பளம் விரித்த அமெரிக்கா தென் ஆப்பிரிக்க மக்களை கூட்டி போய் ஏன் அடிமை ஆக்கியது?

கடத்தப்பட்ட தென் ஆப்பிரிக்க மக்கள் அடிமைகளாகி காலங்காலமாக தலைமுறை தலைமுறையாக அனுபவித்த தொல்லை துயரங்களை எல்லாம் ஒன்று திரட்டி அமெரிக்கா கருப்பினத்தின் புதிய தலைமுறையை சார்ந்த அலெக்ஸ் ஹேலி [குந்தா கிந்தியின் ஏழாவது தலைமுறை] ஒரு புத்தகம் எழுதினார். புத்தகத்தின்  தலைப்பு - ROOTS - [One man’s epic search for his orgins] - ‘வேர்கள்’ - [தன் முன்னோர்களின் நாற்றாங் கால்களை தேடும் ஒரு தனி மனிதனின்வேட்கை.] என்ற புத்தகம் எழுதி வெளியிட்டார். அடிமை விலங்குபூட்டிய தென் ஆப்பிரிக்க மக்கள்  ஏழு தலை முறையாக அமெரிக்காவில் அவர்கள் அனுவித்த தொல்லைகள், துயரங்கள், வேதனைகள் ‘வதைகள், கொடுமைகள் எல்லாவற்றையும் விரிவாக அதில் எழுதினார். புயல் காற்றில் சிக்கிய பஞ்சு போல் புத்தக விற்ப்பனை பறந்தது. அதை படித்த அமெரிக்கர்கள் கசிந்து மனமுருகி கண்ணீர் வடித்தார்கள். மனசாட்சி அவர்களை உறுத்தியது. அமெரிக்கர்களின் உறங்கிய மனசாட்சியை உசுப்பியது ROOTS.

ROOTS அமெரிக்க தொலைக்  காட்சியில் தொடராக வந்தபோது, வீதிகளில் கார்களின் ஓட்டமோ மக்கள் நடமாட்டமோ ஏதுமில்லை. அது நாதையாக வெறிச்சோடி கிடந்தது. மக்கள் TV முன் தஞ்சமடைந்து குவிந்து  கிடந்தார்கள்.

தங்கள் முன்னோர்கள் ஆப்பிரிக்காவின் கறுப்பு மனிதனுக்கு செய்த கொடுமைகளையும் அநீதிகளையும் கொடுரங்களையும் TV தொடரில் கண்டு நெஞ்சம் கொதித்தார்கள். ரத்தக் கண்ணீர் வடித்தார்கள். மனசாட்சி அவர்களை கொஞ்சம்கொஞ்சமாக கொத்திக்கொத்தி தின்றது.மனசாட்சியின் உறுத்தலுக்கு மருந்து தேடினார்கள்.  அதுமருந்துக் கடைகளில் கிடைக்க வில்லை இருந்தால்தானே கிடைக்கும் தேடினார்கள்.

அதற்க்குமருந்து இறைவனிடம் இருந்தது. ‘’மன்னிப்பு’’ இது மருந்துகளுக்கு எல்லாம்மருந்து. ஒரு நாள் எல்லோரும் ஓரிடத்தில் ஒன்று கூடி ’’ஒ.......இறைவா! எங்களை படைத்தது ரட்சித்து காப்பவனே! எங்கள் மூதாதையர்கள் அறிந்தோ அறிமலோ செய்த பாவங்களை மன்னித்து அருள்வாயாக!" என்று மன்றாடினார்கள். மனிதஇனத்துக்கும் மிருகங்களுக்கும் இடையே உள்ள வேறுபாடு இதுதான். ஆனால்இந்த பண்பாடு ‘எல்லா மனிதனிடமும் உண்டா?’ என்பதே இன்றைய கேள்வி.

தொடரும்

S.முஹம்மது பாஃரூக்

ஒரு புத்தகம் பிறக்கிறது - தொடர் - 8 15

D.H.Lawrence: டி.ஹெச்.லாரன்ஸ் இங்லாந்தில் நோட்டிங் ஹாம் ஷயர் என்ற ஊருக்கு அருகேயுள்ள ஒரு சிறு கிராமத்தில் 1885-ஆம் ஆண்டு பிறந்தார். ஆங்கில இலக்கிய உலகில் பரபரப்பாகப் பேசப்பட்ட பெயர்களில் இவர் பெயரும்அடங்கும்.

ஏழ்மையின் கோரப்பிடியில் சிக்கிய குடும்பத்தில் பிறந்தவர். வறுமைதான் பாட்டன் பூட்டான் தேடிவச்ச பரம்பரைச் சொத்து. பள்ளி ஆசிரியை பணி செய்த அவருடைய தயார், குடும்பத்தை பீடித்த வறுமைப் பிசாசை விரட்ட அல்லும் பகலும் அயராது உழைத்தார். லாரன்சின் தாய் தந்தையரின் தாம்பத்திய வாழ்க்கையில் அன்பும் மகிழ்ச்சியும் சொல்லாமல் கொள்ளாமல் மாயமாய் மறைந்தது. கையில் காசு இல்லாதவன் வீட்டில் சுற்றமும் நட்பும் சூழவருமோ? குடும்பத்தில் சண்டையும் வம்பும் புகுந்து ஆட்சி செய்ய ஆரம்பித்தது. வறுமைபுகுந்த இடத்தில் இவையெல்லாம்ஒன்று கூடி மாநாடு நடத்தி தீர்மானம் நிறைவேற்றும்.

தாய்-தந்தையரின் சண்டை சச்சரவுகளை கருத்தூன்றி கவனித்த  லாரன்சின் இளமனதில் சோகம் பசுமரத்து ஆணிபோல் ஆழாமாக பதிந்தது. அதன் தாக்கம் பிற்காலத்தில் அவரை ஒரு சிறந்த எழுத்தாளராக மாற்றியது. 

Sons and Lovers என்ற ஒரு நாவல் எழுதினார். இந்த  நாவலின் பின்புலமே அவர் தாய்-தந்தையர்களின் தாம்பத்திய உறவின் பிரதிபலிப்பே. இது அவர் 1913-ஆண்டு எழுதிய முதல் நாவல்.

அடுத்து  1920-இல் The Rainbow என்ற நாவல். 

ஆண்-பெண் பாலுறவு விஷயங்களை Women in Love என்ற நாவலில் வெளிப்படையாகவே எழுதினார். அதை அடுத்து Aarons Road, Kangaroo, The Plumed Serpent, நாவல்களையும் எழுதி எழுத்துலகில் பெயர் பதித்தார்.

1928-ம் ஆண்டில் அவர் ஒரு கதை எழுதினார். அதை வெளியிட முயற்சி தொடங்கும் போதே ஆரம்பித்தது தலைவலி. ஆரம்பத்திலேயே தலைவலி தந்த புத்தகம் எந்த புத்தகம்? அது தான் "லேடி சாட்டர்லியின் காதலன்". Lady Chatterley’s lover. கதையின் கையெழுத்து பிரதியை தன் உதவியாளரிடம் டைப் செய்யகொடுத்தார்.

டைப் செய்வதை பாதியில் நிறுத்திவிட்டு “இது ரெம்ப ஆபாசம். நான் இதை டைப் செய்ய மாட்டேன்னு” என்று  உதவியாளர் திருப்பி கொடுத்து விட்டாளாம்.

எப்படியோ சமாளித்து பல அச்சு கூடங்களில் முட்டி மோதிய பின் ஒரு பதிப்பகம் மட்டும் அதை வெளிட முன் வந்தது. முதலில் ஆயிரம் பிரதிகள் அச்சிட்டு வெளி வந்தது. அவை எல்லாம் சீக்கிரமே விற்று முடிந்து இரண்டாம் பதிப்பும் வெளியானது. 

ஆசிரியரின் அனுமதி பெறாமல் திருட்டுத்தனமாக அச்சிட்டு வெளியாகும் புத்தகங்கள் [pirate] மார்க்கெட்டில் பெருக்கெடுத்து ஓடியதுடன் கதை விவகாரம் [பாலுறவு] வெளியில் கசிந்து போலீசின் எலி காதுகளுக்கு எட்டியது. கடை கடையாக புகுந்து ஒரு புத்தகக் கடை கூட பாக்கி விடாமல் "சாட்டர்லீயின் காதலனை" போலீஸ் வேட்டையாடியது. லாரன்சு மனம் ஒடிந்து போனார். pirate கொள்ளையர்கள் ஒருபுறம், போலீஸ் அட்டகாசம் மறுபுறம். ‘உரலுக்கு ஒருபக்கம் இடி மத்தளதிற்கு இருபக்கம் இடி’ என்பதுபோல லாரென்ஸு இருபுறமும் மாறி மாறி அடி வாங்கினார். இதை ஒரு ஏழை எழுத்தாளனால் தாங்க முடியுமா?

இதற்கிடையில் பிரிட்டிஷ் நாடாளுமன்றத்தில் விவகாரம் அம்பலத்துக்கு வந்தது. ஆளும்கட்சியும் எதிர்கட்சியும் ஒன்றோடு ஒன்று ‘’மோதிக்” கொண்டன [ஒன்றோடு ஒன்று மோதிக் கொண்டன’ என்ற இந்த வரி ’ஜஸ்ட் உங்கள் வாசிப்புக்காக சும்மா போட்டது தானே தவிர நீங்கள் ஒன்றும் நம்நாட்டு சட்டமன்ற, நாடாளுமன்ற ‘குழாயடி’ சண்டை என்று எண்ணிக் கொள்ள வேண்டாம்].

கடைசியாக 1958-ம்-ஆண்டு பிரிட்டிஷ் அரசு lady Chatterley’s lover-ருக்கு விதித்த தடையே நீக்கியது, அதோடு மட்டுமல்ல, அது பெற்ற தண்டனைக்கு ‘கழுவாய்’ யாக  இலக்கிய அந்தஸ்தையும் கொடுத்தது. பாவம் இந்த நல்ல செய்தியை கேட்டு மகிழ அதை எழுதிய லாரென்சுதான் இல்லையே!. ஏவனோ ஒருவன் நெத்தி வியர்வை நிலத்தில் சிந்தி இரவும் பகலும் பாடுபட்டு உழைத்து உருவாக்குகிறான். வேறு எவனோ ஒருவன் உண்டுகளிக்கிறான். இதுகாலம் போடும் ‘ராங்கால்’ [wrongcall] இதை மாற்ற எவன் வருவான்?

ladyChatterley”s Lover தடை மேலை நாடுகளில் அகற்றப்பட்டாலும் கீழை நாடுகள் பலவற்றில் இன்னும் தடை நீக்கப்பட வில்லை. 

Lady Chatterley’s Lover தமிழ்நாட்டு திராவிட கட்சிகளின் அரசியலிலும் ஒரு மாற்றத்தை கொண்டு வந்தது. 1961 ஆண்டில் வேலூரில் நடந்த தி.மு.க பொதுக் குழுகூட்டத்தில் E.V.K.சம்பத் மாற்றங்களை கொண்டுவர முயற்சித்த போது ராசா-பாச நிகழ்வுகள் நடந்தேறியது. சம்பத் கொண்டு மாற்றங்களில் ஒன்று தி.மு.க. தலைவர்கள் மேடைகளில் ஆபாச வார்த்தைகளை பேசக்கூடாது என்பதும் ஒன்று. இதை ஏற்று கொள்வது போல் ஏற்றுக் கொண்ட அண்ணா சிலநாட்கள் கழித்து மாயவரம் பொது கூட்டதில் Lady Chatterle’s Lover கதையை விவரித்து பேசினார். இதனால் சம்பத் தி.மு.க.வை விட்டு விலக இதுவும் ஒரு காரணமானது.

Sir.Arthur Conan Doyle எழுதிய கதைகளில் வரும் துப்பறியும் சிங்கம் ‘ஷெர்லோக் ஹோல்ம்ஸ்’க்கு ஐரோப்பா, அமெரிக்கா முழுதும் பல லட்சம் ரசிகர்கள் உள்ளனர். ஷெர்லோக் ஹோல்ம்ஸ் வில்லனுடன் சண்டைசெய்த போது ஆற்றில் விழுந்து இறந்து விடுவதாக 1893ல் கோனாண்டோயல் ஒரு கதைஎழுதினார். அந்த கதையோடு புகழ்பெற்ற ஹோல்ம்ஸு கதாபாத்திரத்துக்கு ஒரு முற்றுப் புள்ளி போட்டதோடு துப்பறியும் கதை எழுதுவதையும் நிறுத்திவிட்டார். தங்கள் "இதய தெய்வம்" துப்பறியும் சிங்கம் ‘ஹோல்ம்ஸ்’ கதைகள் ‘இந்தா‘ வரும்’ அந்தா வரும்’ என்று ஐந்து ஆண்டுகள் காத்திருந்து எதிர்பார்த்த ரசிக பக்தர்களுக்கு ஏமாற்றமே பதிலாக கிடைத்தது. காத்திருந்த ரசிகர்கள் பொறுமையிழந்து கொதித்துப் போனார்கள். "பொறுத்தது போதும் தோழா! பொங்கி எழு" என்று போர் முரசு கொட்டி முழக்கமிட்டு போராட்டத்தில் குதித்தார்கள். மறியல் செய்தார்கள்! பத்திரிகைகளில் அறிக்கை விட்டார்கள். ஒன்றும் ஒப்பேறவில்லை. இவர்களின் போராட்டம் போர்முரசு ஒன்றும் எழுத்தாளர் கேநோண்டோயில் காதில் ஏறவில்லை. காவிரியில் தண்ணீர் விடக்கோரி தமிழ்நாட்டில் கூட இப்படி ஒரு ஆர்ப்பாட்டம் நடந்ததில்லை.

கடைசியாக எழுத்தாளர் ஆர்தர் கோனண்டோயல் வீட்டுமுன் மறியல் செய்தார்கள். உண்ணாவிரதம் இருந்தார்கள். ‘ஹோல்ம்சை’ மீண்டும் உயிருடன்” கொண்டு வரவேண்டும். துப்பறியும் கதை எழுத வேண்டும்’’ என்று ஆர்தர் கோனண்டோய்ல் இடம்’ கருணை மனு’’ சமர்பித்தார்கள். ’இது என்னடா பெரிய பேஜ்ஜாரா போச்சுன்னு’ புலம்பியபடியே ஆர்தர் கொனண்டோயல் மனுவை வாங்கி ஆர்பாட்டகாரர்களின் வேண்டுகோளை நிறைவேற்றுவதாக வாக்குறுதி கொடுத்தார்., ஆர்பாட்டகாரர்களும் ‘கொனோண்டோயல் வாழ்க! ஆர்தர் கொனண்டோயல் வாழ்க!! எழுத்துலகச் சிற்பி வாழ்க’ என்ற கோஷத்துடன்  அமைதியாக களைந்து போனார்கள். இந்த அமளி துமளி எல்லாமே தன் இமேஜை வளர்த்து கொள்ள கேநோண்டோயலே முன்கூட்டியே போட்ட திட்டம் என்று நினைக்காதீர்கள். அந்த அரசியல் தந்திரம்யெல்லாம் அங்கே கிடையாது. வேறே எங்கேன்டு கேக்குரியாள? உ...ஸ்....ஸ்....ஸ் ரகசியம்.

ஆர்தர்கோனண்டோயல் “வெள்ளை”க் காரர் அல்லவா! கொடுத்த வாக்கு மாறாமல் செத்துப்போன ஹோல்ம்சை எமனிடம் மன்றாடிக் கேட்டு வாங்கி மீண்டும் கதாநாயகனாக போட்டு துப்பறியும் கதைகள் எழுதினார். இதுவே நம்ம  நாட்டு எம்.பி, எம்.எல்.ஏ.வாக இருந்தா கொடுத்த வாக்கை காப்பாத்துவானுங்களா?" ‘ஆகட்டும் பார்க்கலாம்’னு சொன்னதோடு சரி. சொன்னதையல்லாம் காத்துலே உட்டுட்டு அவங்க ஜோலியே பார்த்துகினு போயே போயீடு வானுங்க. இனிமே அவங்க மூஞ்சியெ அடுத்த எலக்சன் டயத்துலேதான் பாக்க முடியும், ஆனா வெள்ளக்காரன் வெள்ளக்கரந்தான் சொன்னத செய்வானுங்க செய்வதை சொல்வானுங்க. அதனாலேதான் அவன் நாடு முன்னுக்கு வந்துச்சு. இல்லேன்னா நம்ம மாதிரி குந்திகின்னு ஈக்க வேண்டியதுதான்

தொடரும்...

S.முஹம்மது ஃபாரூக்

ஒரு புத்தகம் பிறக்கிறது - தொடர் - 7 26

H.G.wells ஆங்கில எழுத்துலகில் விஞ்ஞானக் கற்பனைக் கதைககள் எழுதியவர்களில் இவரும் ஒருவர். இவரின் Time Machine, wars of the World, Food of the Gods, Invisible Man ஆகியவை ஆங்கில இலக்கிய பீடத்தை அலங்கரித்த ஆபரணங்களில் அடங்கும். Outline of History என்னும் வரலாற்று நூல் ஒன்றும் இவருடைய கை வண்ணம் பட்டு பிறந்தது. இவர்எழுதிய பலபுத்தகங்கள் பள்ளி பாடநூல் வரிசையில் இடம் பிடித்தன.H.G.wellsஎழுதிய Outline of History யில் பலநூறு ஆண்டுகளுக்கு முன் அதிராம்பட்டினத்து இஸ்லாமீயர்கள் பாய்மரக் கப்பலில் எகிப்து நாட்டுக்கு சென்று அங்கு பல ஆண்டுகள் வாழ்ந்த வந்ததாகவும் பின் அந்நாட்டை ஆண்ட மன்னனின் கொடிய ஆட்சிக்கு பயந்து மீண்டும் பாய்மரக் கப்பலிலேயே அதிராம்பட்டினம் திரும்பிய வரலாறு குறிப்பு இருப்பதாக http://adiraihistory.blogspot.ae/2010/09/blog-post_29.html என்ற வலைப்பூவில் சகோதரர் ஏ.ஆர்.ஹிதாயத்துல்லாஹ் எழுதிய 'ஒரு பட்டினத்தின் கதை' புத்தகத்திலிருந்து பதிந்திருந்தார்கள்.

Allex Halley என்பவர் எழுதிய The Roots என்ற ஆங்கில மொழி புத்தகத்தை "வேர்கள்" என்ற பெயரில் இவர் மொழியாக்கம் செய்து வெளியிட்டு இருப்பதாகவும் படித்த நினைவு. அந்த வலைத்தளமும் அதிராம்பட்டினம் சார்ந்ததாகவே இருந்தது. 

Carl Jung [1875-1911] சுவீடன் நாட்டுக்காரர். இவர் ஒரு மனோவியல் ஆய்வாளர் Sigmand Freud “குரங்கிலிருந்து மனிதன் பிறந்தான்” என்று சொன்ன ஆசாமி இவர்தான். இவரோடு கூட்டாக கொஞ்ச நாள் ஆய்வு நடத்திய பின் Freud-டின் கருத்துக்களில் உடண்பாடு கொள்ளாமல் விலகி தனியாக மனோவியல் ஆய்வை தொடங்கினார். அதன் விளைவு Psychology of Unconscious‘’ சுய உணர்வு இழந்த மனோநிலை’’ என்ற ஒரு புத்தகம் எழுதினார். அதில் தன் ஆய்வு முடிவுகளை வெளியிட்டார். இது மனோவியல் துறையில் ஒரு வேத நூலாக கருதப்படுகிறது.

George Bernard Shaw [1856-1950] இவர் ஒரு பழுத்த சோஷலிச வாதி. Fabian Party ஆதரவாளர். 'அறிஞர் பெர்னாட்ஷா’ என்றே எல்லோராலும் அன்புடன் அழைக்கப்படும் பிரிட்டனில் பிறந்த இவர் ஒரு சித்தாந்தவாதி, எழுத்தாளர். 'Arms and the Man', 'The Devil’s Disciple', 'Candida, Caesar and Cleopatra', 'The Apple cart' நாடகங்களை எழுதி புகழ் பெற்றவர். இலக்கியத்துக்கான நோபல் பரிசு 1925லும் ஆஸ்கார் விருது 1938லும் பெற்றார். இந்த இரண்டு விருதுகளையும் பெற்ற ஒரே ஒரு நபர் அறிஞர் பெர்னாட்ஷா மட்டுமே! இவருடைய நாடகங்கள் கதைகள், கட்டுரைகளில் சமுதாய சீர்திருத்த கருத்துகள் மேலோங்கி நிற்கும், இவர் சமூக சீர்திருத்த  சிந்தனை கொண்டவர்.

1950-ஆம் ஆண்டு இவர் உலக வாழ்விலிருந்து விடை பெற்றுச் சென்றார். "அவர் கைபட்டு மை தொட்டு எழுதிய "பேனா" என்னை கைவிட்டு  போனானே என் காதலன்!’’ என்று கண்ணீர் விட்டு கதறி அழுதது. உலகில்  மனிதன் பிறந்த நாள் முதல் மறைந்த நாள் வரையிலான நாட்களை விரல் விட்டு எண்ணி சரித்திரம் அவனுக்கு இடம் கொடுப்பதில்லை. உலகில்அவன் ’செய்த சாதனை என்ன?’’ என்ற கேள்விக்கு கிடைக்கும் விடையை ஆரஅமர எடை போட்டு பார்த்த பின்தான், சரித்திரக் கோட்டை கதவுகள் திறக்கும். சாதனையாளர்களை தவிர வேறு யாரையும் அது அனுமதிப்பதில்லை. அந்தக் கோட்டையின் கதவுகள் பெர்னாட்ஷாவுக்கு திறந்தே இருந்தது.

பிரபல திரைப்பட நடிகை எலிசபெத் டைலர் பெர்னாட்ஷாவை ஒரு பார்ட்டியில் சந்தித்தபோது. 

"மிஸ்டர் பெர்னாட்ஷா! நீங்கள் ஒரு அறிவாளி! நான் ஒரு பேரழகி. நீங்களும் நானும் கல்யாணம் செய்து கொண்டால் நமக்கு பிறக்கும் பிள்ளை உங்களைப் போல் அறிவும் என்னைப் போல் அழகும் உடையதாய்இருக்கும்அல்லவா? ஆதலால் நாம் ஏன் திருமணம்செய்து கொள்ளகூடாது ?"  என்றாள்.

"ஆமாம்! நீ சொல்வதும் சரிதான். ஆனால், என்னைப் போல அழகும் உன்னை போல அறிவும் கொண்ட பிள்ளை பிறந்து விட்டால் என்ன செய்வது?" என்றார்.

அங்கிருந்த எல்லோரும் "கொள்" என்று சிரித்தார்கள். இப்படி  நகைச்சுவைபட பேசுவதில் பெர்னாட்ஷா வல்லவர்.

Dr. Zhivago இது ஒரு எழுத்தாளர் பெயர் என்று நினைத்து விடாதீர்கள். 1957களில் உலகம் முழுதும் பரபரப்பு காட்டிய நோபல் பரிசு பெற்ற புத்தகம். போரிஸ் பாஸ்டர்னாக் Boris Pasternak ரஷ்ய எழுத்தாளர். இவர் எழுதிய ‘டாக்டர் சிவாகோ’ என்ற புத்தகத்திற்கு நோபல் பரிசு அறிவிக்கப்பட்டது. ஆனால் 'பரிசை' வாங்க கூடாது’ என்று ரஷ்யா கம்யூனிச அரசு ஆசிரியருக்கு தடைபோட்டது.

1905-லிருந்து இரண்டாம் உலகப் போர் வரையிலான ரஷ்யாவின் பின்புலத்தை கதை மையமாக கொண்டு உருவான  ‘டாக்டர் சிவாக்கோவை’ வெளியிட ரஷ்யஅரசு தடை போட்டது. 

பின்னர் கதையின் கையெழுத்துப் பிரதிஒன்று இத்தாலி மிலான் நகருக்கு கடத்தப்பட்டு 1957ஆண்டு "டாக்டர் சிவாகோ" வெளி  உலகம் வந்தார்.இந்த புத்தகம் வாசகர் வட்டத்தில்பெரும் வரவேற்ப்பை பெற்று விற்பனையில் சக்கை போடு போட்டது.

ரஷ்ய அரசு புத்தக ஆசிரியருக்கு தொல்லை கொடுக்க ஆரம்பித்தது. ‘இம்சை’ தாங்க முடியாத ஆசிரியர் போரிஸ் பாஸ்ட்டர் நாக்கை 1960–ம் ஆண்டில் சுவாசப்பை புற்று நோய் மண்ணகம் விட்டு வின்னகம் கொண்டு  சென்றது.

19-ம் நூற்றாண்டின் ரஷ்யாவின் சிறந்த இலக்கிய படைப்பாளர்களில்  Foydor Dostoevisky என்பவரும் ஒருவர். Crime and Punishment  -‘குற்றமும்-தண்டனயும்’ என்ற நாவல் அவர் படைப்புகளில் மிகச் சிறந்த ஒன்றாகும்.

19-ம் நூற்றாண்டின் ரஷ்ய இலக்கியங்களில் "குற்றமும் தண்டனையும்" தவிர வேறு சிறந்த படைப்புகள் ஏதும் இல்லை. 1846-ல் டெஸ்ட்டோ விஸ்கியின் முதல் படைப்பான Poor Folk, வெளியானது. அவர் அரசுக்கு எதிராக செயல்பட்டார் என்ற குற்றச்சாட்டில் 1848-ஆண்டு கைதாகி, கடும் தண்டனை பெற்று சைபீரிய சிறையில் அடைக்கப்பட்டார். 1858ஆம் ஆண்டு விடுதலை பெற்று ரஷ்யா திரும்பினார். Crime and Punishment, குற்றமும் தண்டனையும் சைபீரியா சிறை விடுதலைக்குப் பின் அவர் எழுதிய முதல் நாவல். இதைத் தொடர்ந்து The Gambler, The Idiot, The Brothers of Karamazov ஆகிய நாவல்களையும் எழுதினார். 

19ம் நூற்றாண்டில் அவர் படைப்புகளுக்கு தகுந்த பரிசு கிடைக்கவில்லை. ஆனால், இருபதாம் நூற்றாண்டு அவரை கை விடவில்லை. புகழும் பாராட்டும் அவரை தேடித் தேடி அலைந்தது. எங்கெங்கு தேடினும் புகழின் கையிலும் பாராட்டின் கையிலும் அவர் அகப்படவே இல்லை! ‘இன்று வரும் நாளை வரும்’என்று வருகின்ற வழி மீது கண்வைத்து கதவோரம் காத்திருந்தபோது வராத புகழும் பாராட்டும், அவரை தேடித் தேடி அலைந்த போது அவர் எங்கே போனார்!? தேடிய போதும் வயிற்றுப் பசியால் வாடிய போதும் வராத செல்வமும் புகழும் தேடாத போது வருவதெல்லாம் கலைஞனிடமும் தேசத் தொண்டனிடமும் காலம் விளையாடும் வாடிக்கையான கண்ணா மூச்சி விளையாட்டுகளே!

புகழும் பாராட்டும் தேடி  வரும் வரை காலம் காத்திருப்பதில்லை. காலம் தன் கடமையில் கண்ணும் கருத்துமாய் இருக்கும். டேஸ்டோ விஸ்கி தன் மண்ணுலக பயணத்தை முடித்து வின்னுலகம் போய் ரெம்ப நாளாச்சுங்க! பரிசு பிந்தியதா? அல்லது டெஸ்ட்டோ விஸ்கி முந்தினாரா? விடை கிடைக்காத கேள்வி. Inbox சில் இதை போட்டு வைப்போம். ஒரு நாள் பதில் கிடைக்கலாம்!

டெஸ்ட்டோ விஸ்கியின் படைப்புகளில்  பல உலக மொழிகளில் வெளிவந்த போது இலக்கியக் காதலர்கள் ஆச்சரியத்துடன் கேட்ட கேள்வி "யார் இவர்?". இலை மறை காயாக இருந்த ஒரு இலக்கியச் சிற்பி குன்றின் மேல் தீபமாக உலகெங்கும் ஒளிவீசி புகழ் பெற்றார். அதுமட்டுமே அவர் ஆன்மாவின் சாந்திக்கு உலகம் கொடுத்த சன்மானம்.

தொடரும்...

S.முஹம்மது ஃபரூக்

ஒரு புத்தகம் பிறக்கிறது - தொடர் - 6 23

உமர்கயாம் என்றால் ‘’ரூபியாத்’’ நினைவு வரும். ருபியாத் என்றால் உமர்கயாம் வந்து நிற்பார்.

[11] உமர்கயாம் 11ஆம் நுற்றாண்டில் வாழ்ந்த பாரசீக கவிஞர், காதல் ரசமும் வாழ்கை தத்துவங்களும் நிறம்பிய ‘’ரூபியாத்’’ என்னும் இவருடைய கவிதைகள் உலகப் புகழ் பெற்றவை. இவர் கணக்கு, வானசாஸ்திரம் இரண்டிலும் கைதேர்ந்த மேதை. அல்ஜிப்ரா பற்றி இவர் எழுதிய ஆய்வு கட்டுரை அறிஞர்களின் பாராட்டை பெற்றது. இஸ்லாமிய காலண்டரை மாற்றி அமைத்தவரும் இவரே.

உமர்கயாமின் ரூபியாட் கவிதைகளை Edward Fitzgerald என்பவர் 1859 ஆண்டில் ஆங்கிலத்தில் மொழியாக்கம் செய்து மேலை நாடுகளில் அறிமுகம் செய்தார். அதுவரை உமர்கயாம் "யாரோ! எவரோ!" என்று பாராமுகமாகயிருந்த மேலை நாட்டினர் இப்போது பாரசீகத்தின் திசை நோக்கி திரும்பி பார்த்தார்கள். உமர்கயாம்க விதை வீச்சு அவர்களை திகைக்க வைத்தது. மேலைநாட்டு கவிதை பாணி "மதம்"மாறி உமர்காயம் கவிதை காட்டிய  வழியில் பயணம் தொடங்கியது.  உமர்காயம் கைப்பட எழுதிய ரூபியாட் கையெழுத்துப் பிரதி ஆக்ஸ்போர்ட் Bodelean நூலகத்தில் பொதுமக்கள் பார்வைக்கு வைக்கப்பட்டு இருக்கிறது.  இதை இன்றும் அங்கே காணலாம்.

[12] 1469-1527 ஆண்டில் இத்தாலியில் பிறந்த மாக்கியவெல்லி [Machiavelli] பிரின்ஸ் [prince] என்ற புத்தகம் எழுதினார். அரசன் நாட்டை ஆட்சி செய்வதற்கு வேண்டிய தகுதிகள் தந்திரங்கள் எவை எவை என்று இந்த புத்தகத்தில் விளக்கிச் சொன்னார் இந்த புத்தகம் மாக்கிய வெல்லிக்கு பெரும் புகழ் தேடி தந்தது.

கி.மு  2400 ஆண்டுகளுக்கு முன் மாக்கிய வெல்லிக்கு பாட்டனுக்கு பாட்டனாக இந்தியாவில் ஒருவன் பிறந்து விட்டான். அவர்தான் "'அர்த்தசாஸ்திரா" என்ற ஆட்சியியல் நூலை சமஸ்கிருதத்தில் எழுதிய கௌடில்யா என்ற பெயர் கொண்ட ஆசாமி. இவருக்கு இன்னொரு பெயரும் உண்டு. ‘சாணக்கியன்’ என்பது தான் அந்தப் பெயர். பெயரைக் கேட்டாலே பயமா இருக்கா?

[13] உலகில் அச்சிடப்பட்ட முதல் புத்தகம் கிரேக்க மொழி பைபிள். ஹுட்டன்பெர்க் என்பவர் [1454-1455] ஜெர்மனியில் கண்டுபிடித்த அச்சு இயந்திரத்தில்  அச்சிட்ட முதல் புத்தகமும் இதுவே.

[14] உலகில் அதிகம் விற்பனையாகும்(!!) புத்தகங்களில் பைபிள் முதல் இடம் பெறுகிறது.

[15] உலகில் அதிக மொழிகளில் வெளிவரும் புத்தகமமும் பைபிளே.

[16] உலகில் மொத்த புத்தக உற்பத்தியில் ஐரோப்பிய நாடுகள் 65% புத்தகங்களை தயாரிக்கிறது

[17] ஆர்தார் கோனண்டோய்ல் [Sir-Arthur conandoyle] என்பவர் 125ஆண்டுகளுக்கு முன் எழுதிய துப்பறியும் கதைகளில் ’ஷெர்லோக் ஹோல்ம்ஸ் [Sherlock holms]’ என்ற பெயரில் ஒரு கற்பனை கதாநாயகனை உருவாக்கினார். அவர் எழுதிய கதைகளில் இந்த கதாநாயகன் சாகசம் புரிந்து பலகோடி வாசகர்கள் நெஞ்சங்களில் அழியா இடம் பெற்றார். இந்த புத்தகங்கள் வெளியாகி ஒரு நூற்றாண்டுக்கு மேலாகியும் கதாநாயகன் ‘செர்லோக் ஹோல்ம்ஸ்’ பல லட்சம் வாசகர் நெஞ்சங்களில் இன்னும் வாழ்ந்து கொண்டிருக்கிறார்!

[18] 1934-ஆம் ஆண்டில்நியூயார்க் நகரில் கிரிஸ்டோபர் மார்லே என்பவர் "செர்லாக் ஹோல்ம்ஸ் வாசகர் மன்றம்“ஆரம்பித்தார். அந்த பிரதிபலிப்பே நம் செந்தமிழ் நாட்டில் நடிகர் மன்றங்களாக பரிணாம வளர்ச்சி கண்டது போலும். 

[19] 1951-ஆம் ஆண்டில் பிரிட்டனில் அருங்காட்சியகம் ஒன்று நிறுவப்பட்டது. செர்லாக் ஹோல்ம்ஸ் கதைகளில் உபயோகித்த பொருள்கள் Smoking pipe உள்பட எல்லாமே காட்சிக்கு வைக்க பட்டிருந்தது. இது பொதுமக்கள் பார்வைக்கு இன்றும் திறந்து இருக்கிறது. நீங்களும் ஒரு தடவை போய் பார்த்துட்டு வாங்களேன்!? அது மட்டுமல்ல, ஐரோப்பா முழுதும் ஹோல்ம்ஸ்சுக்கு சிலைகளும் எழுப்பி இருக்கிறார்களாம் ‘கோயில் கட்டி கும்பாவிஷேகம்’ செய்தார்களா? என்ற தகவல் கிடைக்கவில்லை.யோசனைசெஞ்சுபாத்தா நம் ஊர் ரசிகர் மன்றங்கள் தேவலாம் போலே. ‘ரசிகர் மன்ற’ சாதனையில் ‘தமிழனை மிஞ்சிய ஆள் எவனும் இல்லை’! என்று மார் தட்டி நின்றோம். இதற்கும் வெள்ளைக்காரன் நமக்கு முந்திகிட்டு நமக்கே ஆப்பு வச்சுட்டானே? இது நமக்கு ஒரு பெரிய அடிதான். இதில்கூட நாம் முந்திக் கொள்ள மேலை நாட்டார் நமக்கு சான்ஸ் கொடுக்கவில்லை.

ஆர்தர் கொநோண்டோயல் Sherlock Holmes துப்பறியும் கதை புத்தகங்கள் வெளிவந்து 125 ஆண்டுகள் ஆகிவிட்டது, பல தலைமுறை கடந்தும்கூட அது சாகவரம் பெற்று இன்றும் எல்லோராலும் விரும்பி படிக்கும் புத்தகமாக இருப்பதில் என்னதான் மாயம் உள்ளதோ? அவர் ’’மை’’யில் கலந்து எழுதிய மந்திரம்தான் என்ன? அதிக மொழிகளில் மொழியாக்கம் செய்யப்பட்ட புத்தகங்களில் இவருடையதும் அடங்கும். 

அடுத்து..

# ஐரோப்பா கண்டத்திலும் அமெரிக்காவிலும். ஆண்டுக்கு 10 கோடி புத்தகங்களுக்கு மேல் விற்பனையாகிறது.

# அமெரிக்கன் காங்கிரஸ் நூலகத்தில் மூனுகோடியே முப்பது லட்சம் புத்தகங்களுக்கு மேல் இருக்கிறது.

# சர் ஆர்தர் கோனோண்டோயல் எழுதிய துப்பறியம் கதைகள் ஆண்டுக்கு 50 இலட்சம் பிரதிகள் விற்பனையாகிறது.!

# கற்பனைக் கதைகள் தொடர்ந்து படிக்கும் ஒருவருக்கு 70வயதுக்கு மேல் ஆன போதிலும் மனநோய் பாதிப்பு [Dementation] உண்டாவது மிக குறைவே என்று ஆய்வுகள் சொல்கிறது.

# புத்தகம் படிக்கும் பழக்கம் உடையவர்கள் கதைகளில் வரும் கதாநாயகன் போல தங்களையும் கருதுகிறார்கள்.

# கற்பனைக் கதைகள் படிப்பவர்கள் மற்றவர்களின் கண்களை பார்த்தே அவர்கள் நினைப்பதை சொல்ல முடியுமாம்!? (தம்பி மன்சூர் நோட் தெ பாயிண்ட்)

# 1977லிருந்து 2007வரை வெளியான Harry potter என்ற ஐந்து தொகுதிகள் கொண்ட மாயஜால சிறுவர் கதை புத்தகங்கள் மொத்தம் நாற்பத்து ஐந்து கோடி பிரதிகள் விற்றது. கதை எழுதிய G.K.Rowling என்ற பெண் உலக பணக்காரர்கள் வரிசையில் மூன்றாம் இடத்துக்கு வந்தார். 

எழுத்தாளர் ஒருவர் உலக பணக்காரர் வரிசையில் இடம் பிடித்தது மூக்கில் விரல் வைத்து ஆச்சரியப்பட வேண்டிய செய்தி அல்லவா? இது ஒரு உலக சாதனையாகக் கூட இருக்கலாம்.

# தமஸ்மூர் [Thamas Moor] என்பவர் 1516-ம் ஆண்டில் Utopia என்ற பெயரில் ஒரு புத்தகம் எழுதினார். Utopia என்ற கிரேக்க மொழி சொல்லுக்கு கற்பனை தேசம் அல்லது கனவு தேசம் என்று பொருள். அகடம், பகடம் களவு கொலை காமம் திருட்டு லஞ்சம் ஊழல் இல்லாத ஒரு தூய்மையான நாட்டை கற்பனை செய்து தன் புத்தகத்தில் எழுதினார். அது நல்ல வரவேற்பையும் பாராட்டையும் பெற்றது. காணாததைக் கண்டால் பாராட்டாமல் இருப்பார்களா?

# 1564ஆம் ஆண்டில் இங்கிலாந்தில் Avon என்னும் நகரில் பிறந்த சேக்ஸ்பியர் பல ஆங்கில நாடகங்கள் எழுதி ஆங்கில இலக்கிய வரலாற்றில் அழியா இடமும் உலகப் புகழும் பெற்றார்.

# ஆங்கில நாடக சிற்ப்பிகளில் ஷேக்ஸ்பியரை அடுத்து மற்றொரு நாடக எழுத்தாளரான மில்டன் [Milton 1663] Paradise lost- இழந்த சுவர்க்கம் Paradise Regained மீண்ட சுவர்க்கம் ஆகிய இரண்டு புகழ்பெற்ற நாடகங்கள் எழுதி ஷேக்ஸ்பியருக்கு அடுத்த இடத்தை பிடித்தார்.

# 1710-ம் ஆண்டில் Daniel Defoe டேனியல் டேபோ என்பவர் எழுதிய Robinson Crusoe ‘ராபின்சன் குருசோ’ என்ற புகழ்பெற்ற புத்தகம் வெளியானது!

# 1726-ம் ஆண்டில் Jonathan Swift என்பவர் GULLIVER’S TRAVELL’S என்ற சிறுவர்களுக்கான கற்பனைக் கதை எழுதினார். இந்த கதையை பெரியவர்களும் படித்தால் இலைமறை காய் போல ஒரு தத்துவம் மறைந்து நிற்பதை உணரலாம். [‘’தத்துவம்’’ என்றதும் இந்துக்களின் வேதம் என்று நினைத்து வீடாதீர்கள் ’தத்’ என்ற சமஸ்கிருத சொல்லுக்கு ’’உண்மை அல்லது Existence-உளதாய் இருத்தல்" என்பதே. [சிலர் மொழிகளை ‘மத கண்’கொண்டு பார்க்கிறார்கள்] எல்லா மொழிகளையும் அல்லாஹ்வே படைத்தான்.

# 1728-டில் Chambers Encyclopedia. ஆங்கில மொழியில் வெளியான கலைக் களஞ்சியம்.

# 1750ஆம் ஆண்டு Leencyclopedia என்ற கலைக் களஞ்சியம் பிரெஞ்சு மொழியில் வெளியானது. பிரெஞ்சு மொழியில் வெளியான முதல் கலைக் களஞ்சியம் இதுவே. 

# 1789ஆம் ஆண்டு கலை க்களஞ்சியங்களில் பல அறிஞர்கள் எழுதிய எழுச்சியூட்டும் எழுத்துக்களும் பிரெஞ்சு புரட்சி உருவாக ஒரு காரணமாக அமைந்தது. அரசு தடை செய்ததும்புரட்சியாளர்கள் பொங்கி எழுந்தார்கள். ஆட்சியாளர்கள் தங்கள் உயிரைகாக்க கால் பிடரியில் அடிபட’ ஓட்டமோ ஓட்டம்’ என்று ஓடினார்கள்

# 1755ஆம் ஆண்டு  சாமுவேல் ஜோன்சன் [Samuel Johnson] தொகுத்த ஆங்கில மொழி அகராதி Dictionary of the English language வெளியானது. இதுவே ஆங்கில மொழியில் தொகுக்கப்பட்ட முதல் அகராதி.

# 1805ஆம் ஆண்டு [Hans Christian Andersen] ஹான்ஸ் கிறிஸ்டியன் அண்டர்சென் என்பவர் டென்மார்க் ஓடேன்சே நகரில் பிறந்தார். இவருடைய தந்தை செருப்பு தைத்து வயிறு வளர்க்கும் ஏழைத் தொழிலாளி. அண்டர்சென் சிறுவர்களுக்கான [fairy Tales] வானதேவதை கதைகள் எழுதினார்.  இவருடைய கதைகள் நூற்று நாற்பதுக்கும் அதிகமானஉலகமொழிகளில் வெளியானது. சிறார்கதைகள் எழுதிப் புகழ்பெற்ற அண்டர்சென் 1875-ம் ஆண்டு தனது 75–ம் வயதில் காலமானார். அவரின் மரண ஊர்வலத்தில் கோபென் ஹேகன் நகர மக்களும் சிறுவர் சிறுமியர்களும் ஒன்று திரண்டு கண்ணீர் அஞ்சலி செலுத்தினர்கள்.

# 1812ஆம் ஆண்டில் Grimm’s Fairy Tales என்னும் சிறு பிள்ளைகளுக்கான கதைகளை Grimm என்னும் பெயருடைய இரு சகோதரர்கள் எழுதினார்கள், மேலை நாட்டில் இந்த கதைகள் படிக்காத பிள்ளைகளே இல்லை என்றே கூறலாம். இக் கதைகளின் வயது இறுநூறு ஆண்டுகள். இன்னும் அவையெல்லாம் "சாகாவரம் பெற்று என்றும் பதினாறாய்" வாழ்கிறது. இன்னும் இந்த கதைகள் சிறுவர் சிறுமீயர்களால் படிக்கபடுகிறது கால வெள்ளம் இந்த கதைகளின் மேல் கைவைக்க நடுங்குகிறாதோ? 

சிறுசுகளின் வயதுக்கு ஏற்ப எளிய மொழியில் பக்கத்துக்கு பக்கம் கண் கவரும் வண்ண வண்ண ஓவியங்களுடன் சிறுவர் சிறுமியர்களுக்கான புத்தகம் வெளியிடும் நிறுவனங்கள் அமெரிக்கா ஐரோப்பா கண்டங்களில் அதிகம்.

அடுத்து வரும் அத்தியாயத்தில் அதிரையை தொட்டுச் செல்லலாம்...

தொடரும்...

S.முஹம்மது ஃபாரூக்

ஒரு புத்தகம் பிறக்கிறது - தொடர் - 5 20

ஒரு நாட்டின் மீது போர் தொடுத்துப் புகுந்த அந்நியப் படைகள் எதிரி நாட்டின் நூலகங்களை தீவைத்து சாம்பலாக்கினார்கள் என்பதை சரித்திரத்தில் படித்திருக்கிறோம். ஆனால், சொந்த நாட்டு நூலகத்தை...?

அமெரிக்காவின் பெரிய புத்தக கடைகளில் ஒன்றான BORDER மலேசியாவில் கிளை திறந்து வியாபாரம் செய்கிறது. அதுபோல் ஜப்பானிய புத்தக நிறுவனம் ஒன்றும் கிளை திறந்திருக்கிறது. மலேசியாவின் மூன்று பெரிய புத்தக நிறுவனங்கள் நாடெங்கும் பல தொடர் கடைகளைத் திறந்து வாசகர்களுக்குச் சேவை செய்கின்றன.

இப்போது புத்தகம் பற்றிய சில கொத்துக் கொத்து தகவல்களைப் பார்ப்போமா?

# பாபிலோனியர்கள், ஆசியர்கள், மேசொபோடோமீயர்கள் இம்மூவரும் நிறுவிய புரதான நூலகம் போல எகிப்து   தலைநகர் அலெக்சாண்டரியாவில் [இன்றைய கெய்ரோ] போட்டோளோமி சோட்டர் என்ற மன்னனும் ஒரு நூலகத்தை நிறுவினான்.

# ஐரோப்பா கண்டத்தில் கி.பி.  பதினான்காம் நூற்றாண்டுகளில் மறுமலர்ச்சி தொடங்கியது. இந்தஇரண்டு நூற்றாண்டுகள் கலை இலக்கியங்களின் வசந்த காலங்கள். அவை வளம் பெற்று நலம் பெற்று பலம் பெற்று செழித்தோங்கி வளர்ந்தன.

# ரோமாபுரி வாட்டிகன் நகரில் 1447-ஆம் ஆண்டு ஒரு நூலகம் தொடங்கப்பட்டது. .ஐரோப்பா கண்டத்தில் இது மிக சிறந்த நூலகமாக விளங்கியது.                                                                  

# சீனர்களின் காகிதமும் ஜெர்மானியரியன் அச்சு இயந்திரமும் கூட்டணி போட்ட  பின் புத்தக வளர்ச்சி கிடுகிடுவென வளர்ந்தது. அதன் விளைவாக இங்கிலாந்து ஆக்ஸ்போர்டில் 1602-ம் ஆண்டிலிருந்து நூலகம் பெரும் வளர்ச்சி அடைந்தது.

# 18-ம் நூற்றாண்டின் துவக்கம்: ஐரோப்பா கண்டத்தில் புதுப் புது நூலகங்கள் தோன்ற ஆரம்பித்தன. அதன் விபரங்களை கீழே காண்போம்:-

[1] 1447ஆம் ஆண்டில் வாட்டிகன் நகரில் பழமை வாய்ந்த ஒரு நூலகம் நிறுவப்பட்டது.

[2] 1750ஆம் ஆண்டில் பிரிட்டிஷ் தொல் பொருள் காட்சி கூடத்தில் ஒரு நூலகம் தொடங்கப்பட்டது

[3] 1741ஆம் ஆண்டில் இத்தாலியில் தேசிய நூலகம் நிறுவப்பட்டது.

[4] 1741ஆம் ஆண்டில் ரஷியாவில் லெனின் கிராட் நூலகம் அமைக்கப்பட்டது.

[5] 1638ஆம் ஆண்டில் ஜான் ஹார்வார்ட் என்பவர் கொடுத்த 320 புத்தகங்களை மட்டுமே ‘ஆரம்ப முதலாக’ கொண்டு ஹார்வார்ட் பல்கலைக்கழக நூலகம் நிறுவப்பட்டது.

[6] 1815ஆம் ஆண்டு தாமஸ் ஜெபெர்சனின் சொந்த நூலகத்தை விலைக்கு வாங்கி "அமெரிக்கன் காங்கிரஸ் நூலகம்" ஆரம்பிக்கபட்டது. 

[7] 1883-ல் அமெரிக்காவில் நியூஹாம்ஸ் பயர் என்ற ஊரில் ஒரு நூலகம் பிறந்தது.

[8] 1313-75 இத்தாலி நாட்டுக்கார Giovanni Boccaccio என்பவர் எழுதிய Decameron என்னும் நூல் ஐரோப்பிய இலக்கியங்களில் சிறந்த ஒன்றாகும். நூறு சிறுகதைகளைக் கொண்ட இந்த புத்தகம் இத்தாலி புளோரன்ஸ் நகரில் பரவிய பிளேக்கு நோய்க்கு அந்த ஊர் மக்கள் அஞ்சி அருகிலுள்ள மலை மேல் தஞ்சம் புகுந்தார்கள். அங்கே அவர்கள் ஆடிய களியாட்டங்களையும் ஆபாச கூத்துக்களையும் இந்த நூல் சொல்கிறது.

[9] ஆங்கில கவிஞர் சாசரின் [Chaucer 1340-1400] Canterbury Tales] மிக நீண்டதும் புகழ்பெற்ற புத்தகமும் ஆகும். இது சாசரின் கடைசி புத்தகம், லண்டனிலிருந்து கண்டார் புரி நகருக்கு பயணம் செய்த போது முப்பது பயணிகள் சொல்லிய கதைகள் கொண்ட இந்த புத்தகம் படிக்க வேண்டிய சிறந்த புத்தகங்களில் ஒன்றாகும்.

[10] அச்சு வாகனம் ஏறிய முதல்புத்தகம் எது தெரியுமா? புத்தர் போதனைகள் கொண்ட ‘’வைர சூத்ரா’’ என்னும் புத்தகமே. எழுத்துகளை பலகைகளில் செதுக்கி மை தடவி அச்சிட்டார்கள். இதுதான் உலகில் அச்சிடப்பட்ட  முதல் புத்தகம். இதை  வெளியிட்ட முதல் ஆசாமி Wang cheih என்ற சீனர். ஆறு பக்கங்கள்  கொண்ட இந்த புத்தகம்எதற்காக வெளியானது என்று தெரியுமா? காலஞ்சென்ற தன் உறவினரின் ஆத்ம சாந்திக்காக wang cheih என்றசீனர் கி.மு 868ல் இதை வெளியிட்டார். உலகில்  அச்சு வாகனம் ஏறிய முதல் புத்தகமே ஆத்ம சாந்தி புத்தகமாய் போனது துரதிர்ஷ்டம்தான்.  எழுத்துகள் செதுக்கிய ஆறு மரப் பலகைகளையும் புத்தகத்தில் சிலவற்றையும் 1900-மாவது ஆண்டில் தர்கிஸ்தான் குகையில் கண்டு எடுத்தார்கள். ஆன்மாவின் சாந்திக்கு வெளியான முதல் ‘’புத்தகம்’ ஆறு பக்கங்களைக் கொண்டிருந்தது [இதனால் தான் இறப்பு வீட்டுக்கு சென்று இறந்தவரின் உறவினர்களுக்கு ’ஆறு’தல் சொல்கிறார்களோ!?]

ஆறு பக்கங்களை மட்டுமே கொண்ட ஒரு புத்தகம் வலது காலை எடுத்து வைத்து தன் கன்னிப் பயணத்தை அன்று தொடங்கியது. அந்த இடை நில்லா நீண்ட பயணம் இன்று கங்கை போல் காவிரி போல் பொங்கிப் பெருகி மனிதனின் அறிவு தாகத்துக்கு நீரும் பசிக்கு சோறும் போடுகிறது. அறிவுப் பசியாளர்களுக்கு ஆறுகறியுஞ் சோறும் போடும் “ஆனந்த பவன் என்றும் சொல்லலாம்.

அடுத்து மிகப் பிரபலமான பாரசீகக் கவிஞர் எழுதிய ஒரு புத்தகத்தின் துவக்கத்தோடு அடுத்த அத்தியாயத்தில் சந்திக்கலாம்.

தொடரும்...

S.முஹம்மது ஃபாருக்

ஒரு புத்தகம் பிறக்கிறது - தொடர் - 4 13

பதினான்காம் நுற்றாண்டுகளில் ஜெர்மனியில் ஜான்கூட்டன் பெர்க் என்பவர் அச்சு இயந்திரம் கண்டுபிடித்தார். இது சீனாவின் காகிதத்துக்கு கிடைத்த பொருத்தமான ஜோடியாக அமைந்தது.  சீனாவின் காகிதமும் ஜெர்மனின் ‘அச்சு-வீட்டு’ இயந்திரமும் பெரியவங்களை  கொஞ்சம் கூட கலந்துக்காமே கலப்பு திருமணம் செய்துக்கிட்டாங்கன்னா பார்த்துக்கிடுங்களேன்! காலம் அப்போவே தலை கீழே மாறிப்போச்சு!!.

இதன் விளைவு நாளொன்றுக்கு பல்லாயிரக்கணக்கான புத்தகங்கள்  வெளிவர ஆரம்பித்தன. ஐரோப்பிய நாடுகளிலும் அமெரிக்காவிலும் வாழும் மக்கள் புத்தகத்தின் மீது நீங்கா மோகம் கொண்டனர். மோகம் தணிக்க மேலும் மேலும் புதிய புதிய புத்தகங்கள் வந்து விழுந்து கொண்டே இருந்தன.  அறியாமை எனும் அஜீரணக் கோளாறால் அவதிப்பட்ட மக்களுக்கு நோய் தீர்க்கும் மருந்தாக புத்தகம் வந்தது. மனிதனுக்கு தேவையான அனைத்து துறைகளிலும் புத்தகங்கள் வெளிவந்தது.  புத்தகம் மனிதனின் ஞானப் பசிக்கு பால் கொடுக்க வந்த ஞானப்பசு. பசித்தவர்கள் மட்டும் புசித்துப் பலன் பெற்றனர்.

பல ஆயிரம் ஆண்டுகளுக்கு முன் வாழ்ந்த மனிதன் தன் எண்ணங்களை ஈரக்களிமண் ஓடுகளில் எழுதியபோது தொடங்கிய தேடல் ‘பசி’ இன்று உலகெங்கும் அறிவு ஜோதியாய் பிரகாசிக்கிறது.  அவன் கண்ட ஊமைக் கனவுகள் இன்று ஒளிமயமான காலத்தை நமக்குத் தந்தன. மனிதன் அன்றைய ஓடுகளில் மண் போட்ட கீறல் ஒரு கிறுக்கன் போட்ட வெறும் கீறல் அல்ல; அது  தனக்குப் பின்  வரும் மனித சமுதாயத்திற்கு அவன் போட்ட பொற்பாதை. கல்லிலும் முள்ளிலும் மலையிலும் மடுவிலும் அவன் நடந்து நடந்து போட்ட படிக்கட்டுக்கள் எல்லாம் நமக்காகவே போட்ட பாதைகள். அவன் சிந்திய ரத்த வியர்வைத் துளிகளுக்கும் கண்ணீர் சொட்டுகளுக்கும் ஈடாக நாம் கோடிகோடி வைரமணிகளை கூடை கூடையாக கொட்டிக் கொடுத்தாலும்  அவன் செய்த தியாகத்துக்கும் சிந்திய வியர்வைக்கும் ஈடாகுமோ? அன்று மனிதன் களிமண் ஓட்டில் கீறிய கீறல்கள் இன்று பல கோடி மக்கள் படித்துப் பயனடையும் புத்தகங்களை தந்தது.

ஒரு நாட்டின் முன்னேற்றதுக்கு இயற்கை வளங்கள் மட்டும் போதாது. அறிவுசார் மனித வளமும் வேண்டும் அவைகள் உருவாக மக்கள் கொண்ட விரிவான அறிவு வளர்ச்சி நான்கு சுவர்களுக்குள் மட்டும் அடங்கிய பள்ளிக் கல்வி மட்டும் அல்ல, அதற்கு அப்பாலும் ஒன்று உண்டு அதுதான் புத்தகம். புத்தகம் அறிவையும்  அனுபவத்தையும் வளர்க்கும் . புத்தகம் ஒரு இடைத் தரகர் அதைநாம் சரியாக பயன்படுத்திக் கொள்ள வேண்டும். காலத்தை வீணே கழித்து விடாமல் நல்ல நல்ல புத்தகங்களைப்  படித்து பயனடையலாம். மேலை நாடுகள் கீழை நாடுகளைவிட முன்னேறியதற்கு கல்வி ஒரு முக்கிய காரணம். 

சுதந்திரத்துக்கு முன் தமிழ் முஸ்லிம்கள் கல்விக்கு முக்கியத்துவம் கொடுக்கவில்லை. நம் முன்னோர்கள் ஆங்கில மொழியுடன் நம் மார்க்கத்தையும் போட்டு குழப்பினார்கள்’. உயர்கல்வி (இங்கிலீஷ்) தன் மகன் படித்தால் கிறிஸ்துவ மதத்துக்கு மாறிவிடுவான்,” என்ற கற்பனை பயம் தன் பிள்ளைகளை உயர்கல்வி கற்க பள்ளிக்கு அனுப்ப தடை போட்டது. எப்படி அமாவசைக்கும் அப்துல்லாவுக்கும் சம்பந்தம் இல்லையோ அப்படியே இங்கிலீஷ்சுக்கும் ‘ஈசா-நபி’க்கும் எந்த சம்பந்தமும் இல்லை. 

ஈசா நபிக்கு இங்கிலீஷ்  தெரியாது, அவர்களின் தாய்மொழி ஹிப்ரு மொழி. ஆங்கில மொழி கிருஸ்தவ மொழி என்னும் பிரமையில் அதை கற்பதை வெறுத்தோம். மறுத்தோம், பகைத்தோம், வீழ்ந்தோம், ஆனாலும் முற்றிலுமாக வீழ்ந்தே விடவில்லை. நம்மை எழுப்பிவிட “கொக்கொ றோக்கோ.......” என்று ஒரு சேவல் கூவியது.

கூவியது சேவல் அல்ல; காதிர் முகைதீன் உயர் நிலைப் பள்ளி!, சில ஆண்டுகளுக்கு பின் அதற்கு மேலே படிக்க ஒரு அண்ணன் பிறந்தான். அவன் பெயர் காதிர் முகைதீன் கல்லூரி. “பொழுது விடிந்தது, தூங்கியது போதும் எழுந்திரு" என்றது காலம். விழித்து எழுந்தவர்கள் எல்லாம் 'விழித்துக்’கொண்டார்கள். “நல்ல பொழுதை எல்லாம் தூங்கி கழித்தோமே”யென அலுத்தும் கொண்டார்கள், என்றாலும் ஒளி மயமான எதிர் காலம் தங்கள் வருங்கால சந்ததிகளுக்கு காத்துக் கிடக்கிறது என்ற நம்பிக்கையின் கயிற்றைப்  பற்றிப் பிடித்து கொண்டார்கள்.

மேலை நாடுகளின் முன்னேற்றதுக்கு அவர்கள் கல்விக்கு முக்கியத்துவம் கொடுப்பதும் ஒரு காரணம்.மேலை நாடுகளை எடுத்துக் கட்டாக சொல்வதை விட நம் அடுத்த வீடு சிங்கப்பூரை கொஞ்சம் எட்டிப் பாருங்களேன் காரணம் தெரியும்.

பள்ளி படிப்போடு படிப்பதை நிறுத்தாமல் தொடர்ந்து படிப்பது மலேசியா, சிங்கப்பூரில் அன்றாடம் கடமைகளில் ஒன்றாக செய்கிறார்கள். பஸ், விமானம், ரயில் பயணங்களிலும் கூட படிப்பதை நிறுத்துவதில்லை. புத்தக கண்காட்சிகள் நடத்தி படிக்கும் ஆர்வத்தைத் தூண்டுகிறார்கள். படிக்கும் பழகத்தை வளர்க்க அரசு சலுகை செய்கிறது. புத்தகங்கள் பற்றிய கலந்துரையாடல் பத்திரிகைகளில் நூல் அறிமுகம் ஆகியவை பொது அறிவை வளர்க்கும் தூண்டுகோள்கள். 

ஆனால் இங்கோ நடிகைகளின் காதல் கிசுகிசுக்களை (goosip) தவறாமல் போடுவதால் வளரும் இளைய தலை முறையின் எதிர் காலம் இருள் மயமாகிறது.

நடிகர் நடிகைகளுக்கு ரசிகர் மன்றம் அமைத்ததோடு நில்லாமல் ஒரு நடிகைக்கு கோயிலே கட்டி கும்பாபிசேகமும் செய்து அம்பிகையின் {நடிகையின்}’ அருளையும் ஆசியையும்’ பெற்றார்கள் என்றால் பார்த்து கொள்ளுங்களேன்!,..

புத்தகம் வாங்குபவர்களுக்கு மலேசிய அரசு வருமான வரிவிலக்கு அளிக்கிறது. ஏறத்தாழ அறுபது சதவிகிதத்தினர் பத்திரிகை அல்லது புத்தகம் படிக்கும் பழக்கம் உடையவர்களாக இருக்கிறார்கள். இந்தியர்களை இந்தக் கணக்கில் சேர்த்துக் கொள்ளாமல் இருப்பது நலம். குறிப்பாக தமிழ் முஸ்லிம்களில் ஒரு சிலரைத் தவிர மற்றவர்களுக்கு புத்தகம் எட்டிக் காயாக கசக்கும். சுட்டாலும் புத்தகத்தில் கை வைக்கவே மாட்டார்கள். அவர்களின் “தீண்டாமை” கொள்கை வட்டத்தில் புத்தகம் முதலிடம் பெறுகிறது.

மலேசியாவில் பெரிய புத்தகக் கடை ஒன்றில் தனி இடம் ஒதுக்கி வேலையில் ஓய்வு பெற்ற முதியோர்களுக்கு இலவசமாக புத்தகம் படிக்கும் வாய்ப்பை அளித்திருக்கிறார்கள். ஓய்வு  பெற்றவர்களுக்கு விலைகொடுத்து புத்தகம் வாங்கி படிக்கும் அளவுக்கு பொருளாதார நிலை இல்லாமல் போகலாம். பொருளாதார குறைபாடு படிக்கும் பழக்கத்திற்க்கு ‘தடையாக’ இருக்கக்கூடாது என்ற நல்ல மனதோடு இதை செய்துள்ளார்கள்.

சில்லறை வியாபாரம் செய்யும் புத்தகக்கடைகளுக்கு மலேசியா அரசு சலுகை கொடுத்து ஊக்கப்படுத்துகிறது. ஆண்டு ஒன்றுக்கு பல இலட்சம் மலேசியா ரிங்கிட் [ரிங்கிட் என்பது மலேசிய நாணயம்] மதிப்பிலான புத்தகங்களை நூலகங்களுக்கு விநியோகம் செய்கிறது. 

ஆனால் நம்ம தமிழ் நாட்டுலே ஏதாச்சும் புத்தகம் படிக்கலாம்ன்னு நூலகத்துக்கு போனால்,  ’’இன்னா நாய்னா சொல்லு! தளவல்கிதா?  வஊறு வல்கித? சொல்லு. வூசிகுத்றேன்’’ன்னு சொல்றான். ‘எந்த எடத்துக்கு வந்தோம்’னு விசாரிச்சுப் பாத்தா நூலகம் இருந்த இடம் ஒரே இரவுல ஆஸ்பத்ரியா போச்சு. அலிபாபா கைலே அற்புத விளக்கே புடிச்சுகிட்டு நம்ம ஊருக்கு வந்துட்டான் போலே.

தொடரும்...

S.முஹம்மது ஃபாரூக்

ஒரு புத்தகம் பிறக்கிறது - அத்தியாயம் - 3 10

கி.மு.3500 ஆண்டுகளுக்கு முன்வாழ்ந்த மேசொபோடோமியர்கள் களிமண் ஓடுகளில் உருவங்களையும் குறிகளையும் எழுதி சூளையில் சுட்டு உறுதியான மண்வட்டுகளை செய்தார்கள். எழுத்துகளும் உருவங்களும் பதித்து சுட்ட அந்த மண்வட்டுகளே உலகின் முதல் புத்தகம். அவற்றை எல்லாம் ஒன்று சேர்த்து பாதுகாப்பாக ஓரிடத்தில் வைத்தார்கள். அது மேசொபோடோமீயர்களின் நூலகம் மட்டும் அல்ல உலகின் முதல் நூலகமும் ஆகும்.

அடுத்து தென் பாபிலோனியாவில் வாழ்ந்த சுமேரியர்கள் மேசொபோடோமியர்களை விட ஒருபடி மேலே போய் ஒரு மாற்றம் செய்தார்கள். குறிகளுக்கு  பதிலாக எழுத்து வடிவத்தையும் வாசகங்களையும் அமைத்து அவைகளில் நல்ல மாற்றம் செய்தார்கள். தென் பாபிலோனியர்களுக்கு அடுத்து புத்தகத்தின் மூன்றாவது அன்னையும் தந்தையுமாக அசிரீரியர்கள் வந்தார்கள்.  இவர்களின் கடைசி மன்னனான அசுருர்பநிபால் என்பவன் ஆங்காங்கே சிதறி கிடந்த மண்வட்டு புத்தகங்களை ஒன்று திரட்டி ஒரு நூலகம் உருவாக்கினார். இந்த நூலகத்தில் 2500 மண்வட்டு புத்தகங்களுக்கும் மேல் இருந்ததாம். லண்டனில் இருக்கும் தொல்பொருள் கண்காட்சி கூடத்தில் இன்றும் கூட இந்த நூலகத்தைக் காணலாம். நேரம் கிடைத்தால் நீங்களும் ஒரு ’தபா’ அங்கிட்டு போய் பாத்துட்டு வந்து விவரமா சொல்லுங்களேன். அசுரூர்நிபால் ஒரு மன்னன் மட்டும்மல்ல நம் சங்க கால தமிழ்மன்னர்கள் போல கலா ரசனையும் இலக்கிய மோகமும் கொண்ட ஜாலிபேர் வழி. ஆக, மேசொபோடோமியர் பாபிலோனியர் அசிரியர்கள் ஆகிய இம் மூவரும் அகர முதல எழுத்துக்கு தாயுமாகி தந்தையுமாகி உண்டாக்கி விட்ட மூனு பேரு. மனித இனத்துக்கு எழுத்துருக்களை அறிவித்த இந்த மூவருக்கும் நாம் நன்றி சொல்வோம். 

இந்த மண்வட்டு புத்தகங்கள் சிம்மாசனம் வீற்று சிலகாலம் செங்கோலோச்சி தெருவெல்லாம் தேரில் பவனி வந்தது. இதன் கொடி ஓங்கி வளர்ந்ததோர் கம்பத்தின் உச்சியில் பட்டொளி வீசிப் பறந்தது. மண்தட்டு எழுத்துகள் பொன்தட்டில் வாழ்ந்த போது யார் கண் பட்டதோ! வந்தது அதன் வாழ்க்கைக்கு ஒருசரிவு காலம். எங்கிருந்து வந்தது அந்த சரிவு காலம்? கொஞ்சம் மேலே போய் ஒரு அலசு அலசிப்  பார்ப்போமா!? 

களிமண் ஓடுகளுக்கு பதிலாக எகிப்தியர்கள் ஒரு புது வழி கண்டார்கள். நைல் நதி கரையில் வளரும் pyprus-தண்டு, களிமண் ஓடுகளுக்குப் போட்டியாக வந்தது. களிமண் ஓடுகளில்  எழுதுவதை விட பேப்ரஸ்-தண்டுகளில் எழுதுவது இலகுவாக இருந்தது. மேலும் இதை எங்கு வேண்டுமனாலும் சிரமம் இல்லாமல் எடுத்து செல்லலாம். எனவே களிமண் ஓடுகளை தீண்டுவார் யாரும் இல்லை. தன்னை ‘ஜாதி-பிரஷ்டம்’ செய்ததை உணர்ந்த களிமண் ஓடுகள் யாரிடமும் சொல்லிக் கொள்ளாமல் மூட்டை முடிச்சுகளை கட்டிக் கொண்டு இரவோடு இரவாக ஊரைவிட்டே ஓடியது.

களிமண் ஓடுகளுக்கு வேட்டுவச்ச ‘பைப்ரஸ்’க்கு அடிச்சது ராஜயோகம். களிமண் ஓடு வீற்றிருந்த சிம்மாசனத்தில் இப்போ பைப்ரஸ் கால் மேல் கால் போட்டு ஆட்சி  செய்தது. பைப்ரஸ் ஆட்சி பல ஆண்டுகள் நீடித்த போதிலும் அதற்கும் ஒரு சோதனை காலம் வந்ததது. விதி யாரைத்தான் சும்மா விட்டது! ஒரு ஆட்டு ஆட்டிட்டுத்தானே போகும். பைப்ரஸ் தண்டுகளில் செய்த புத்தகங்கள் தட்ப-வெப்ப கால மாற்றங்களுக்கு தாக்குப் பிடிக்க முடியவில்லை. மேலும் செல் கறையான் போன்ற பூச்சிகள் [இலக்கிய ரசிகர்கள்] தின்று நாசப்படுத்தி விடுவதால் ‘பைப்ரஸ்’சுக்கு பதில் வேறு ஒன்றை தேடும் கட்டாயத்துக்கு மனிதன் தள்ளப்பட்டான். பைப்ரசின் சிம்மாசனம் ஆட்டம் காணத் தொடங்கியது.

கால ஓட்டத்தின் மாற்றத்துக்கு ஈடுகொடுக்க மனிதன் மாற்று வழிகளை தேடிப் புறப்பட்டான். நல்வழியில் நல்லதைத் தேடுபவனை வானமும் பூமியும் “வா! வா!” என்று வாசலில் “நிறை குடம்” வைத்து வாழ்த்து கூறி வரவேற்கும். ஆம்! தேடியதை பெறுவான் தேடியவன். தேடாதவன் என்ன பெறுவான்? ஆதலினால் தேடுங்கள் கிடைக்கும்.

‘பைப்ராஸ்’ இலை மனிதனை கை விட்டதும் அவன் ‘’கை’’யைப் பிசைந்து கொண்டு சும்மா நிற்காமல் மாற்று வழி ஒன்றை தேடினான். மிருகத்தோல் அவன் கண்ணில் பட்டது. கண்ணில் பட்டதைக் கையில் பற்றிப் பிடித்துக் கொண்டான். மிருகத்தோலில் புத்தகம் தயாரிக்க மனிதன் கற்றான். ‘வல்லவன் கையில் புல்லும் ஓர் ஆயுதம்’ என்று முன்னோர் சொன்ன தெல்லாம் பொய்யாகிப் போனதில்லை. மிருகத்தோல் புத்தகத்தின் முன் ‘பய்ப்ரஸ்’ புத்தகம் நிற்க முடியாமல் கொஞ்சம் கொஞ்சமாக பின் வாங்கி கடைசியில் காணாமல் போனது. காலத்தின் தேவைக்கு தன்னை தயார் செய்து கொள்ள முடியாத எதுவும் காணாமல் போவது காலத்தின் கட்டாயம்.

மிருகத்தோல் புத்தகங்கள் கொடி கட்டி முரசு தட்டி கோலோச்சியது. நீர், பனி, கறையான், போன்ற இலக்கிய எதிரிகள் இதன் அருகில் நெருங்க முடியவில்லை. இதன் ‘ஆயுள்’ ரெம்பக் கெட்டியாக இருந்தது. மிருகத்தோல் புத்தகக் காட்டில் மழையோ மழை என்று பேய்-மழை கொட்டியது. அதிர்ஷ்டப் பார்வையில் இருந்த மிருகத்தோல் புத்தகம் தனக்கு முந்தியவர்களை நீண்ட ஆயுளுடன் மஞ்சள் குளிச்சு வாழ்ந்தது. யார் கண்பட்டதோ? இதற்கும் திடீரென வந்தது ஒருவீழ்ச்சி. அது என்ன என்று பார்ப்போமா?

கி.பி.இரண்டாம் நூற்றாண்டில் சீனர்கள் காகிதம் செய்ய கற்றுக் கொண்டார்கள். ‘காகித வருகை’ உலகின் முகத்தை ஒரு மாற்று மாற்றிப் போடும் என்று யாரும் நினைக்கவோ கனவு காணவோ இல்லை. அதன் வருகை உலக உருண்டை மீது புதுப்புது தடத்தையும் அடையாளங்களையும் பதிக்கும் அறிகுறியாக நாம் எடுத்துக் கொள்ள வேண்டும்.

சூரியனின் நீண்ட கரங்கள் பூமிப்பந்தை ஆரத்தழுவிச் சொன்னது ’’மகளே! உன்னை அலங்காரம் செய்து அரியாசனத்தில் அமர்த்தும் நேரம் நெருங்கிவிட்டது. மாற்றத்துக்கு தயாராகு’’. ஒரே ஒரு உதையில் உலக உருண்டையின் முகத்தை மாற்றிய சாதனைகளில் சீனர்களின் காகித கண்டுபிடிப்பு சிறப்பிடம் பெற்றது. கி.பி. இரண்டாம் நூற்றாண்டில் சீனர்கள் கண்டு பிடித்த காகிதம் கி.பி. பணிரெண்டாம் நுற்றாண்டில்தான் ஐரோப்பா கண்டத்தில் காலெடுத்து வைத்தது. சீனாவில்சும்மா அப்புடி இப்புடின்னு காலத்தைக் ஓட்டிய காகிதத்துக்கு அடிச்சிது ஐயா ஒரு ராஜயோகம்.

தொடரும்...

S.முஹம்மது ஃபரூக்

ஒரு புத்தகம் பிறக்கிறது - தொடர் - 2 19

"ஆசைதான் எல்லாத் துன்பங்களூக்கும் காரணம்’’ என்பது புத்தரின் கோட்பாடு. மனிதன் மனதில் ஆசைகள் தோன்றவில்லை எனில் இன்று நாம் காணும் புதிய உலகை காணவோ விந்தை அறிவின் விளைவுகளின் பலனை அனுபவித்திருக்கவோ முடியாது. ஏன் அதிகதூரம் போகணும்? அதிரை நிருபர் தளத்தை பார்க்கவோ அரேபியாவிலிருந்து வெள்ளிக்கிழமை வெள்ளிக்கிழமை பொண்டாட்டியின் முகத்தை பாத்து பார்த்து குஷியா–குசியா பேச முடியுமா? கல்லூரி இளசுகள் தாவணிப் பூக்களோடு செல் ஃபோனில் புதுஸா-புதுஸா ஒரு காதல் பாட்டு பாடவும் சீர்கெட்டுப் போக்கவும் தான் முடியுமா? விந்தை செய்ய ஆசைபட்டவனின் அறிவும் முயற்சியும் இதுக்கு காரணமாய் அமைகிறது. மனித மனத்தில் எழும் ஆசைக்குத் தடைபோட அல்லாஹ்வைத் தவிர வேறு யாராலும் முடியாது. என் ஆசையும் அதிரைநிருபர் தளத்தின் வழி நிறைவு பெற்றால் அதுவே என் மகிழ்ச்சி. ஆசைப்படுங்கள்!.ஆசைப்படுங்கள்!ஆசைகள் நிறைவு பெறும் வரை ஆசைப்படுங்கள்!.

மனித இனத்துக்கு புத்தகம் செய்த தொண்டுக்கு கூலி கொடுக்க எந்த மனிதனும் இன்னும் பிறக்கவில்லை; பிறக்கப்போவதும் இல்லை.

காலங்களையும் எல்லைகளையும் கடந்து பல்லாயிரம் மைல்களுக்கு அப்பால் வாழும் மனித சமுத்திரத்தின் அலைவரிசை திக்கை ஒரு புரட்டுபுரட்டிப் போட்டது புத்தகமே.  இன்று நாம் காணும் உலகின் மாபெரும் மாற்றத்தின் கணிசமான பங்கை அது கைப்பற்றிக் கொண்டது என்றால் மிகையாகாது.

"கல்வி கற்பதன் அவசியத்தை” நமது ரசூல் சல்லலாஹூ அலைஹிவஸல்லம் அவர்கள் சொன்னதை நினைவூட்ட வேண்டியதில்லை. அந்த அறிவுரை நாமெல்லாம் அறிந்து உணர்ந்த ஒன்று.  ஒரு நல்ல புத்தகம் ஒரு நல்ல நண்பன் என்பார்கள். இப்போதெல்லாம் சல்லடை போட்டு சலித்தாலும் நல்ல நண்பர்கள் கிடைப்பது குதிரைக்  கொம்பாகி விட்டது. புத்தகம் நம்மை நேரம் பார்த்து காலை வாரி விடுவதில்லை. ஆனால் சில நண்பர்களோ துரோகம் செய்யத் தயங்குவதில்லை. (இது சொந்த அனுபவம்) புத்தகத்தின் சக்தி ஒரு எல்லைக்கு உட்பட்டது அல்ல. அது அளவிடா ஆற்றலும் வலிமையும் கொண்டது. ஒருநாட்டின் சரித்திர ஓட்டத்தின் திக்கை மாற்றும் வல்லமை அதற்கு உண்டு.

இப்பொழுது நாம் புத்தகம் பிறந்த பிரசவ வார்டுக்கு வருவோமா? ’உண்டாக்கி விட்டவர்கள் ரெண்டு பேரு! இங்கே கொண்டு வந்து போட்டவர்கள் நாலு பேரு!’’ ஞாபகம் உண்டா?. ஒருமனிதனை உண்டாக்கி விட்டவர்கள் ரெண்டு பேருதான். ஆனால், நம் கதாநாயகன் புத்தகத்தை உண்டாக்கி விட்டவர்கள் ரெண்டு பேரு அல்ல; உண்டாக்கி விட்டவர்கள் மூனுபேரு, யாருஅந்த மூனு பேரு? மனிதனை அறிஞனாக, கலைஞனாக, ஆட்சியளனாக, சர்வாதிகாரியாக கண்டு பிடிப்பாளனாக ஆக்குவதில் முக்கிய பங்கு வகிக்கும் புத்தககத்தை தந்த அன்னையும் பிதாவுமான அந்த மூவரும் யார்?அவர்கள் எங்கு பிறந்தனர்? எங்கு வளர்ந்தனர்? என்ற கேள்விகளுக்கு பதில் தேடி புறப்படுவோமா?

ஆற்று படுகை வற்றி வறண்ட போதும் அதை தோண்டும்போது பொங்கி வரும் ஊற்று போல கேள்வி ஒன்று பிறந்தால் அதற்கு பதில் ஒன்றும் பிறக்கும். மனிதனின் அறிவு வளர்ச்சிக்கு தூவிய முதல் விதை கேள்வி[?] இந்தக் குறி இல்லையென்றால் நாமும் ஒரு தற்குறியே! நல்ல கேள்வி நல்ல விதை. அது நல்ல நிலத்தில் விழுந்தால் அங்கே ஒரு நல்ல மரம் தழைக்கும். நல்ல மரம் தழைத்தால் கோடைக்கு நிழலும் நாவுக்கு சுவையான கனியும் தரும்.  ஆதலால் கேளுங்கள் பதில் வரும். விதையுங்கள் முளைக்கும்.

‘’மரத்திலிருந்து ஆப்பிள் பழம் ஏன் கீழே விழுகிறது? அது வானத்தில் போய் விழுந்தால் என்ன?’’ என்ற  கேள்வி நியூட்டன் என்பவரின் மூளையில் முளைத்தது. இந்த கேள்விக்கு கிடைத்த பதில் விஞ்ஞான உலகத்துக்கு திசைகாட்டும் ‘ஒளிவிளக்கு’ என போற்றி புகழாரம் சூடப்படுகிறது. நியூட்ட ன்னுக்கு கிடைத்த பதில் ‘பூமிக்கு பிறபொருளை தன்வசம் ஈர்க்கும் சக்தி உண்டு’ [GRAVITY]’. இது விஞ்ஞான வளர்ச்சிக்கு கிடைத்த வைட்டமின் மாத்திரை. 

“”தென்னை மரத்திலிருந்து தேங்காய் ஏன் கீழே விழுகிறது?” என்று யாரவது நம் ஊரில் கேட்டு பாருங்களேன்! உங்களுக்கு பைத்தியகார பட்டம் கட்டி’ பைத்தியத்துக்கு வைத்தியம் பார்க்க ஏர்வாடி இப்ராகிம் சாஹிப் ஒலியுல்லா பள்ளி வாசலுக்கு அனுப்பி விட்டுத்தான் மறு வேலை பார்ப்பார்கள். அதோடு உங்க கதை முடுஞ்சுதுனு நினைக்கிறியளா? அதுதான் இல்லே! இனிமே தான் அத்தியாயமே ஆரம்பிக்க போவுது."மாட்டுனாண்டா அதிராம்பட்டனத்து மரைக்கா!” என்று! ஏர்வாடிகாரன்  என்ன கேப்பான் தெரியுமா? ‘’யாண்டா ” ‘மரத்துலே தேங்கா வெட்டுனா அது ஆகாயத்து மேலே போகாம பூமியிலே விழுதே ஏன்னு கேட்டியாமே! அது கீலே விழுந்தா தானேடா அதை வித்து வாளேமீனு காளே மீனுன்னு மார்கட்டுலே  வாங்கி வாய்க்கு ருசியா சோறு உங்கலாம். இல்லேனா என்னத்தை திம்பே”? ஆமா தெரியாமேத்தான் கேக்குறேன். தென்னை மரத்தை பூமில நட்டுனியா இல்லே ஆகாயத்துலே நட்டுனியா”? அப்புடிண்டு கேட்டுக் கேட்டு அடிப்பான்.

அத்துடன் நாலு பேரு முன்னாடி அவமானப் படுத்துவான் அடிப்பான்-உதைப்பான். நாம அதிராம்பட்டினத்துலே ஆட்டை கழுதை ஆக்குன அந்த பாச்சா எல்லாம் ஏறுவாடீ காரங்கிட்டே பலிக்காது. அதனாலே வெள்ளக்காரன் கேட்ட புத்திசாலித்தனமான கேள்வியெல்லாம் கேக்காமே ஊருக்கு நல்லபிள்ளையா பதுவுசா நடந்துக்கோ சொல்லுறது வெளங்குதா?

தொடரும்

S.முஹம்மது ஃபாரூக்

ஒரு புத்தகம் பிறக்கிறது - தொடர் - 1 24

அன்புள்ளம் கொண்ட அதிரைநிருபர் அபிமான நெஞ்சங்களே! 

அஸ்ஸலாமுஅலைக்கும் [வரஹ்]...

புத்தகம் தொடர்பான கட்டுரை எழுத ஆசை வந்தது. இது ஒரு பேராசைதான் ‘கடலைக் கலக்க கட்டெறும்பு கச்சை கட்டியது’ போன்றதே என் ஆசையும். என்றாலும் முயற்சித்துத்தான் பார்ப்போமே என்ற நம்பிக்கையில் என் பயணத்தை “பிஸ்மில்லாஹ்” என்று ஆரம்பிக்கிறேன். “ஆயிரங்காத பயணத்தின் ஆரம்பமே நாம் எடுத்து வைக்கும் ஒரு முதல் அடியில் தான் துவங்குகிறது’’.என்று ஒருமேதை சொன்னதாக  நினைவு.

மடிமீது எனை வைத்து தன் முந்தானையில்  மூடி பாலூட்டிய என் தாய்க்கு அடுத்து சுமார் ஐம்பது ஆண்டுகாலத்துக்கும் மேல் பாலும் சோறும் ஊட்டி என்னை ஆளாக்கிய செவிலித்தாய் புத்தகமே. கதை சொல்லி அறிவூட்டி ஊக்கமும் ஆக்கமும் தந்த அந்த புத்தகத்தின் கதை கூற மகன் வந்தேன். இது ஒரு நன்றிக்கடன். (பெரும்பாலான இந்தியர்கள் உச்சரிக்க மறப்பது அல்லது மறுப்பது இரண்டு வார்த்தைகள். ஒன்று; நன்றி. மற்றது; ஸாரி. இதைச் சொன்னது அதிரைநிருபர் தளத்துக்கு மிகநெருக்கமான ஒருவர்தான். அவர் சொன்னதை நான் வழி மொழிகிறேன்.)

சுமார்ஐம்பது ஆண்டுகளுக்கு முன் வயிறு வளர்க்க கப்பல் ஏறி மலேயா நாட்டுக்கு போய் பினாங்கு மாநகரில் வேலைதேடி கடை கடையா  அலைந்து அலைந்து வேலை கேட்டபோது எல்லாக் கடையும் கை விரித்து “இல்லை இல்லை” என்ற ஒரே பல்லவி பாட ஒரே ஒரு கடை முதலாளி மட்டும் எந்த ஊர் என்றுகேட்டார். ஊரைச் சொன்னேன்.” ஆட்டைக் கழுதை ஆக்கிய....” என்று இழுத்தவர் மனமிறங்கி “கடைல சேத்துகிறேன் ‘’என்று, கருணையோடு சொன்னார்.  அப்போதெல்லாம் நம்ம ஊர்க்காரங்க யாரும் கடைகளில் சம்பளகாரர்களாகவோ அல்லது கடைகண்ணி வச்சு பெருசாவோ சிறுசாவோ யாவாரம் செஞ்ச முதலாளி யாருமே  இல்லவே இல்லேன்னு எவர் முன்னால் வந்து நின்றும் நேர்படச் சொல்வேன்... 

ஒரு வியாபாரி இன்னொரு வியாபாரியிடம்‘ இவன் ஒழுங்கான பையன் கை சுத்தமான ஆளு சொல்ற பேச்சுக்கு மறு பேச்சு பேசாம வாயே மூடிகிட்டு வேலை பார்ப்பான். காசு பண விஷயத்தில் கை நீளாது” என்று ஒரு பரிந்துரையை ஒரு முதலாளி இன்னொரு முதலாளி காதுலே போட்டாத்தான் அந்த முதலாளியும் நம்மளை நம்பி வேலை போட்டுக் கொடுப்பார். 

இல்லேன்னா அம்போதான்! அந்த மாதிரியான பரிந்துரை செய்ய  நம்ம ஊரு ஆளுங்கதான் அந்த வெயிட்டுலே அங்கே யாரும் இல்லையே! “சோறு போடுறேன் வந்து வேலையே ஒழுங்கா பாரு. வேலை எப்புடினு பாத்துத்தான் சம்பளம் சொல்ல முடியும். இரண்டு வேளைச் சோறு; ஒரு வேளை பசியாற அம்பது காசு  இந்த அம்பது காசுக்கு இன்னொரு பேரு செலவுக் காசு [‘போனஸ் கீனஸ்’ என்றெல்லாம் பேச்சு வரப்படாது] நாங்களா பாத்து கொடுத்தாதான் வாங்கிகிடனும் .காலையில வெள்ளன (ஆறு மணிக்கு கடைக்கு வந்துடனும்” (இது முதல் எச்சரிக்கை) கடை மூடும் நேரம்? முதலாளி மூடு எப்படி இருக்கோ அப்படியே அமையும். இரவு மணி 9 லிருந்து 10 மணிக்கு மேல் போகாது [கொசுறு தகவல் : ”மூடும்’’ என்றசொல்’ அபசகுனம்’ என்பதால் எடுத்து வைப்பது” என்ற சொல் உபயோகத்தில் இருக்கும்].

"'நல்லா வேலை செஞ்சா பின்னாடி பார்த்து செய்வோம்” என்ற வாய்மொழி ஒப்பந்தம் போட்டு ஒரு புத்தககடை முதலாளி எனக்கு ’அபயக்கரம் நீட்டினார். நீட்டிய கரத்தை சிக்கெனப் பிடித்து நீண்டது என் பிழிப்பு. பிழைப்பில் பிழை ஏதும் செய்யாமல் ‘கை’ பதனம் வாய் பதனம் என்று கருமமே கண்ணா இருந்ததால் வயிற்றுக்கு கிடைக்க வேண்டிய சோறு கிடைத்தது. சில நேரங்களில் அறுபது நிமிசம் அல்லது கூடக்கூடப் போனால் நூற்று இருபது நிமிசம் தாமதம் ஆகும். அதையெல்லாம் பெரிதாக எடுத்துக் கொள்ளாமல் அவர்கள் போட்டதையே சாப்பிட்டுவிட்டு அறுசுவை சங்கதியெல்லாம் நாக்குக்கு காட்டாம கர்மமே கண்ணா இருந்து  வேலையே மட்டும் வெரசு வெரசா செஞ்சு முடிக்கனும். 

அதுதான் முதலாளிகளின் கோட்பாடு, ‘பசி வந்திட பத்தும் பறந்து போகும். ’இதை நன்றாகத் தெரிந்து கொண்ட புத்திசாலிகள் முதலாளிகளானார்கள். இந்த சூத்திரம் அறியாத அப்பாவிகள் நல்லபொழுதை எல்லாம் தூங்கிக்  கழித்தார்கள். உழைப்பாளிகளின் பசியும் மூடத்தனமும் முதலாளிகளின் மூலதனம் ஆனது. உழைப்பவனைப் பிழிந்து பிழிந்து சாற்றைக் குடித்து சக்கையைத் துப்பி முதலாளிகள் கொழுத்தார்கள். இவர்கள் ஒன்று கூடி தங்களுக்கு ஒரு  வர்க்கத்தை  நிறுவிக் கொண்டார்கள். இதை முதலாளி வர்க்கம் என்றும் சொல்லாம்.

"பசிநோக்கார் கண் துஞ்சார் செவ்வி அருமையும் பாரார் கருமமே கண்ணாயினார்" என்று சொன்னபடி நான் பணியாற்றிய போது இவர்களைக் கற்றேன். கற்றது பல; பெற்றது பல; விட்டது பல; விற்றது பல. . 

விட்டதை மட்டும் விட்டுவிட்டு மற்றதை தந்த “புத்தகத்திற்கு’’ நன்றிக் கடன் ஆற்றும் வண்ணம்’’ ஒரு புத்தகம் பிறக்கிறது” என்ற தலைப்பில் சிறு தொகுப்புக் கட்டுரை வரைய எனக்கு ஒரு ஆசை அந்த ஆசையில் பிறந்ததுதான் இந்த  சின்னஞ்சிறு தொடர் கட்டுரை.

தொடரும் இன்ஷா அல்லாஹ் !

S.முஹம்மது ஃபாரூக்

அறிவிப்பு : இந்த தொடர் வாரந்தோறும் பிரதி ஞாயிற்று கிழமை தோறும் பதிக்கப்படும் இன்ஷா அல்லாஹ் !

"ஒரு புத்தகம் பிறக்கிறது" - புத்தம் புது தொடருக்கான அறிவிப்பு! 15

அஸ்ஸலாமு அலைக்கும் வரஹ்...

அதிரைநிருபரில் ஜனரஞ்சகமான "ஒரு புத்தகம் பிறக்கிறது" அதுவும் ஹிஜ்ரி வருடத்தின் பத்தாவது மாதத்தில் சுகப்பிரசவமாக இறைவன் நாடினால் (இன்ஷா அல்லாஹ்) !

அதிரைநிருபர் வலைத்தளம் மூன்று தலைமுறைகள் கொண்ட பங்களிப்பாளர்களையும், வாசகர்ளையும் பால் பேதமின்று தன்னகத்தே கொண்டிருப்பதை நன்கறிவீர்கள்.

காசு கொடுத்து தினசரிகள், வாரப்பத்திரிகைகள் வாங்கிப் படிக்கும் பழக்கங்கள் கொண்ட சிலரை தவிர்த்து, நூலகம் தேடிச் சென்று பல்வேறு தினசரி பத்திரிகைகள், வார மாத பத்திரிகைகள் வாசித்து வருவோரும் உண்டு என்று சொல்லுமளவுக்கு அவைகள் குறைந்து கொண்டே வருகிறது.

இறைவனின் அருட்கொடைகளில் ஒன்றுதான் இணையமும், இத்தகைய இணையப் புரட்சியில் தமிழ் எழுத்துருக்களைக் கொடையாக அளித்த நல்லுங்களின் அளப்பரிய சேவையை நினைவு கூர்ந்தவர்களாக நம்மக்களும், இணைய வழியில் அன்றாட தகவல்கள், பதிவுகள், சேவைகள், பிரச்சாரங்கள், விவாதங்கள் என்று கலக்கிக் கொண்டிருக்கின்றனர்.

ஐம்பது வருடங்களுக்கு மேல் புத்தங்களோடு புரண்டு எழுந்து, அதன் அட்டைப்படம் முதல் கடைசிப் பக்கம் வரை கரை கண்ட நமதூர் மூத்த சகோதரர் மரியாதைக்குரிய எஸ்.முஹம்மது ஃபாரூக் (காக்கா) அவர்களின் அனுபவங்கள் எண்ணிடங்காத விஷயங்களைத் தாங்கி கொண்டு தொடராக வெளிவர இருக்கிறது இன்ஷா அல்லாஹ் !

நூலகங்களின் பெருமையையும், புத்தகங்களின் அருமையையும் அடுக்கி கொண்டே செல்லும் ஜனரஞ்சகமான தொடர் ! இன்றைய இளையவர்களின் புருவம் உயர்த்தும் உணர்வுபூர்வமான அனுபவங்களை அதிரைநிருபர் வாசகர்களோடு பகிர்ந்து கொள்ள இருக்கிறார்கள் விரைவில் !

இந்த அலசலில் ஆங்காங்கே இருக்கும் கரும்புள்ளிகளும் தெரியும், கருவில் இருக்கும் குழந்தையும் தெரியும், கயவர்களின் களியாட்டங்களும், காவியங்களின் கலைச் சோலையும் தெரியவரும்.

வரலாற்று ஏடுகளை புரட்டிப் பார்க்கத் துடிக்கும் வாசகர்களுக்கு நல்லதொரு தேடலுக்கும் கிடைத்த அருவியாக இருக்கும் அதுவே அற்புதமான எழுத்தோடையாக அதிரைநிருபரில் தொடராக ஓட இருக்கிறது இன்ஷா அல்லாஹ் !

ரமளானுக்கு பின்னர் "ஒரு புத்தகம் பிறக்கிறது" புத்தம் புது குழந்தை பிறக்கிறது அதன் வளர்ச்சியை ஏறிட்டுப் பார்க்க காத்திருங்கள் !

அதிரைநிருபர் பதிப்பகம்