AAMF அமீரக சந்திப்பு - அதிரையில் சாத்தியமில்லையா? 4

அல்லாஹ்வின் திருப்பெயரால்…

அஸ்ஸலாமு அலைக்கும்...

அல்லாஹ்வின் மாபெரும் கிருபையால் சென்ற வருடம் 30 ஆகஸ்ட் 2011 நோன்பு பெருநாள் தினத்தில் ஐக்கிய அரபு அமீரகத்திலுள்ள துபாய் தேரா ஈத்கா மைதானத்தில் அதிரை நல்லுள்ளங்களின் அற்புதமான முயற்சியால் அமீரக வாழ் அதிரை சகோதரர்களின் சகோதரத்துவ சங்கமம் நடைபெற்றது. 

இந்நிகழ்வு அமீரக அதிரைவாசிகளுக்கு மட்டுமான சந்தோசமாக அல்லாமல் உலகெங்கும் வாழும் அதிரை சொந்தங்களுக்கும் சந்தோஷத்தை கொடுத்தது. இதனைத் தொடர்ந்து உலகின் பிறபகுதிகளில் உள்ள அதிரை சகோதரர்களின் பெருநாள் சந்திப்பு நிகழ்ந்தது. தொடர்ச்சியாக அதிரை அனைத்து முஹல்லா கூட்டமைப்பு அமீரகத்தில் உருவாகி, பிறகு அதிரையிலும் அனைத்து முஹல்லா கூட்டமைப்பு உருவானது. சென்ற வருடம் ஹஜ்ஜுப்பெருநாள் சந்திப்பும் வெளிநாடு வாழ் சொந்தங்களை மேலும் ஒன்றிணைக்க மிகப்பெரும் உதவி செய்தது. அல்ஹம்துலில்லாஹ்.

முக்கியத்துவம் வாய்ந்த சென்ற வருட ஈத் பெருநாள் சந்திப்பின் காணொளியை மீண்டும் நினைவலைகளாக உங்கள் பார்வைக்கு தருகிறோம்.

அமீரக அதிரை சொந்தங்களின் முதல் கூட்டுச் சந்திப்பில் அவர்கள் பரிமாற்றி கொண்ட எல்லையற்ற மகிழ்ச்சியை மேற்கண்ட காணொளியே கண் கண்களால் காணும் சாட்சி அல்ஹம்துலில்லாஹ்!

அதிரை சொந்தங்களின் சந்திப்பினால் நட்பு பாராட்டி ஒற்றுமையை வழியுறுத்தி உருவானதுதான் அதிரை அனைத்து முஹல்லா கூட்டமைப்பு. இது போன்று அதிரைவாசிகளின் பெருநாள் சத்திப்புகள் அமீரகம் மற்றும் உலகின் பிற நாடுகளில் சாத்தியப்படுகிறது! ஆனால் அதிரையில் மட்டும் ஏன் இன்னும் சாத்தியமில்லை? என்ற கவலையுடனான கேள்வி நம் எல்லோரின் மனத்தில் ஏற்படுவதை தவிர்க்க முடியவில்லை. அனைத்து அதிரை சொந்தங்களின் பெருநாள் சந்திப்பு சாத்தியப்படுமா? ஏன் முடியாது இதனை ஊரில் உள்ள அதிரை அனைத்து முஹல்லா கூட்டமைப்பு உளத்தூய்மையுடன் நினைத்தால் நிச்சயம் இந்த அற்புதம் சாத்தியப்பட வாய்ப்புகள் உள்ளன.

அதெப்படி !?

நிற்க…

திறந்தவெளி திடலில் பெருநாள் தொழுகை பற்றி நபி வழியில் என்ன சொல்லப்பட்டுள்ளது என்பதை பற்றி பின் அவரும் ஹதீஸ்களின் மூலம் அறியலாம். ஆனால் இந்த நபிவழியை அதிரையில் இதுநாள் வரை பின்பற்றாமல் போனதே நம்மூர்வாசிகளின் பெருநாள் சந்திப்புகளுக்கு சாத்தியமில்லாமல் போகிறது.

திறந்தவெளி திடலில் பெருநாள் தொழுகை:

பெரும்பாலும் நபி(ஸல்)அவர்கள் பெருநாள் தொழுகைகளை திறந்த பொது மைதானத்தில் தொழுதுள்ளார்கள். மழை காலத்தில் பெருநாள் தொழுகையை பள்ளியில் நடத்தினார்கள். அறிவிப்பாளர்: அபூஹுரைரா(ரலி) அபூதாவூத், இப்னுமாஜா

நபி(ஸல்)அவர்கள் நோன்புப் பெருநாளிலும் ஹஜ்ஜுப் பெருநாளிலும் (பள்ளியில் தொழாமல்) திடலுக்குச் செல்பவர்களாக இருந்தனர். அவர்கள் முதன் முதலில் தொழுகையையே துவக்குவார்கள். தொழுது முடித்து எழுந்து மக்களை முன்னோக்குவார்கள். மக்களெல்லாம் தங்கள் வரிசைகளில் அப்படியே அமர்ந்திருப்பார்கள். அவர்களுக்குப் போதனைகள் செய்வார்கள். (வலியுறுத்த வேண்டியதை) வலியுறுத்துவார்கள்; (கட்டளையிட வேண்டியதை) கட்டளையிடுவார்கள். ஏதேனும் ஒரு பகுதிக்குப் படைகளை அனுப்ப வேண்டியிருந்தால் அனுப்புவார்கள். எதைப் பற்றியேனும் உத்தரவிட வேண்டியருந்தால் உத்தரவிடுவார்கள். பின்னர் (இல்லம்) திரும்புவார்கள். அபூ ஸயீத்(ரலி), புகாரி

பரஸ்பரம் அதிரை சொந்தங்கள் மனம் திறந்த சந்தோசத்துடனான ஓரிட்த்தில் சந்திப்பது மட்டுமே ஊர் ஒற்றுமையை நிலைநாட்ட ஏதுவாக அமையும். இதற்கு சாத்தியமான பொருநாள் சந்திப்புகள் அவசியம் தேவை. நம்முடைய ஊர் பெரிய ஊர் இது உடனே சாத்தியப்படுமா என்பது சந்தேகமே, இருப்பினும் குறைந்த பட்சம் ஊரில் முன்று நல்லது நான்கு இடங்களிலாவது தனி ஈத்கா மைதானமோ அல்லது ஈத் முஸல்லா அவசியம் உருவாக்கப்பட வேண்டும்.

ஒவ்வொரு அனைத்து முஹல்லா கூட்டமைப்பு கூட்டம் எப்படி அதிரையின் ஓவ்வொரு முஹல்லா சங்கங்களின் வைத்து நடத்துகிறார்களோ அது போன்று, குறிப்பிட்ட முஹல்லாக்களுக்கு உட்பட்ட அந்த ஈத் முஸல்லா பகுதியில் ஒவ்வொரு பெருநாளையும் சுழற்சி முறையில் வாகன வசதிகள் ஏற்பாடு செய்து மிகச் சிறப்பாக நடத்தலாம். இதற்கு நல்ல முடிவு எடுக்க தகுதியான ஒரே அமைப்பு ஊரில் உள்ள அனைத்து சங்கங்களை கொண்டுள்ள அதிரை அனைத்து முஹல்லா கூட்டமைப்பு, வரும் காலங்களில் முன் வருமா? ஈத் பெருநாளில் இயலாவிட்டாலும் ஹஜ் பெருநாளில் செய்யலாமே. இதற்கு அமீரகம் மற்றும் பிற நாடுகளில் உள்ள அதிரை அனைத்து முஹல்லா சகோதரர்கள் அதிரையில் உள்ள அனைத்து முஹல்லா கூட்டமைப்பை வழியுறுத்தி கேட்டுக்கொள்ளவார்களா?

தெரு, குலம், முஹல்லா, பணக்காரன், ஏழை, படித்தவன், உள்ளூர்காரன், வெளியூர்காரன், இயக்கம், கட்சி போன்றவைகளால் உருவாகும் பாகுபாடுகள் இன்றி, நாம் அனைவரும் அல்லாஹ்வின் அடியார்கள், முஸ்லீம் என்ற எண்ணம் மட்டுமே தலைத்தோங்கி, நபி (ஸல்) அவர்கள் காட்டி தந்த வழியில் நடந்தால் மட்டுமே அனைத்து அதிரை மக்களின் பெருநாள் சந்திப்பு சாத்தியம். இன்ஷா அல்லாஹ்.

கடந்த சில வருடங்களாக அதிரை ஈத்-கமிட்டி சார்பில் பெருநாள் தொழுகைகள் வெற்றிகரமாக நடத்தி வருகிறார்கள். இஹ்லாஸுடன் ஊர் ஒற்றுமை, சமுதாய ஒற்றுமையை விரும்பும் அதிரை சகோதரர்களே இந்த வருடம் உங்கள் அனைவரின் பெருநாள் தொழுகையை திறந்தவெளி திடலில் அதாவது மேலத்தெரு சானவயல் மைதானத்தில் ஈத்-கமிட்டியால் நடத்த இருக்கும் பெருநாள் தொழுகையில் ஒற்றுமையுடன் கலந்து கொண்டு பெருநாள் தொழுகையை நபி (ஸல்) அவர்கள் காட்டி தந்த சுன்னத்தை ஹயாத்தாக்க முயற்சி செய்யலாமே இன்ஷா அல்லாஹ்!

அதிரைநிருபர் குழு

AAMF - துபாய் கிளை - நிர்வாகிகளின் காணொளி பேட்டி 3

அஸ்ஸலாமு அலைக்கும் வரஹ்...

அதிரையில் வியாழன் மாலை அதாவது 10-11-2011 அன்று அனைத்து அதிரை முஹல்லா நிர்வாகிகள் தேர்வு மிகச் சிறப்புடன் நடந்தது அல்ஹம்துலில்லாஹ். கடந்த நோன்புப் பெருநாள் தொழுக்குப்பின்னர் துபாய் ஈத்கா மைதானத்தில் நிகழ்ந்த சந்திப்பின் விதை இன்று அதிரையில் செடியா ஊன்றப்பட்டிருக்கிறது.

இந்த கூட்டு முயற்சியின் வெற்றியை எளிதாக்கி வைத்த எல்லாம் வல்ல அல்லாஹ்வுக்கே புகழ் அனைத்தும் நிலைக்கட்டுமாக !

அனைத்து முஹல்லா கூட்டமைப்பின் துபாய் கிளையின் செயலாளர் V.T.அஜ்மல் அவர்களும், தாஜுல் இஸ்லாம் சங்கம், துபாய் கிளையின் தலைவர் B.ஜமாலுதீன் அவர்களும் அதிரைநிருபருக்கு அளித்த சிறப்பு பேட்டியின் காணொளியினை இங்கே பதிகிறோம்.

ஒருங்கினைப்பு என்பதன் அர்த்தம் மெய்பிப்போம், அதனை நிலைத்திட நிமிர்ந்த நடை போடுவோம் இன்ஷா அல்லாஹ் !

- அதிரைநிருபர் குழு

அமீரக வரலாற்றில் AAMF ஒரு மைல் கல்! 3

வேடந்தாங்கலை நோக்கி வண்ணப் பறவைகள் பல திசைகளிலிருந்து வந்து சேர்வதைப் போல், 30.09.2011 வெள்ளிக் கிழமை மாலை 6.00 மணியளவில் அமீரகத்தின் 7 மாநிலங்களில் வாழும் அதிரையின் 7 முஹல்லாவாசிகளும் துபை-கிஸைஸில் உள்ள கிரஸண்ட் ஆங்கிலப் பள்ளியை நோக்கி புறப்பட்டார்கள். அதிரை அனைத்து முஹல்லா கூட்டமைப்பின் “ADIRAI ALL MUHALLAH FORUM” (AAMF)-ன் முதல் பொதுக்குழு நடக்கும் அரங்கம் முழுவதும் சரியாக 6.30 மணிக்கெல்லாம் அதிரை மக்களால் நிரப்பப்ட்டது. AAMF தலைவர் A. தமீம் அவர்கள் மேடையின் முன் தோன்றி இக்கூட்டத்தின் சிறப்பு விருந்தினர்களையும், AAMF-ன் நிர்வாகிகளையும் விழா மேடையில் அமரச் செய்தார்கள். சகோதரர் முகமது மாலிக் அவர்கள் சகோதரர் ஜமீல் முஹம்மது சாலிஹ் அவர்களை இப்பொதுக்குழு அமர்வை தலைமை ஏற்று நடத்தி தர முன்மொழிந்தார். அதனை சகோதரர் பஷீர் அஹமது அவர்கள் வழி மொழிய, சகோதரர் ஹாஃபில் முகமது முகைதீன் அவர்களின் இனிய கிராஅத்துடன் கூட்டம் துவங்கியது. சகோதரர் தாவூத் கனி அவர்களின் வரவேற்புரைக்கு பின், கூட்ட தலைவர் சகோதரர் ஜமீல் முஹம்மது சாலிஹ் அவர்கள் “மனத்தூய்மையின் அவசியத்தையும்” நமதூர் மக்கள் ஒன்றிணைந்து ஒரு தலைமையின் கீழ் செயல்படும்போது தற்போது நாம் சந்திக்கின்ற பிரச்சனைகள் எல்லாம் படிப்படியாக களைய முடியும் என்பதை வலியுருத்தியும், சகோதரர் சபீர் அவர்கள் AAMF குறித்து எழுதிய கவிதையை வாசித்து தனது தலைமை உரையை முடித்தார்கள்.

அதன்பின் அதிரை அனைத்து முஹல்லா கூட்டமைப்பின் முதல் பொதுக்குழு கூட்டத்திற்கு சிறப்புப் பேச்சாளராக அதிரையிலிருந்து அழைக்கப்பட்டிருந்த அதிராம்பட்டினம் காதீர் முகைதீன் கல்லூரியின் முன்னாள் முதல்வரும், தற்போதைய அதிரை இமாம் ஷாஃபி (ரஹ்) மெட்ரிக் மேல்நிலைப் பள்ளியின் இயக்குனருமான போராசிரியர் MA அப்துல் காதர் அவர்கள் சிறப்புரை நிகழ்த்தினார்கள். பேராசிரியர் MA அப்துல் காதர் அவர்கள், நான் துபைக்கு மூன்றாவது முறையாக வந்து உங்கள் முன் உரை நிகழ்த்த நிற்கிறேன். இந்த AAMF-ன் முதல் கூட்டம் சுமார் 1000 அதிரை வாசிகளை ஒரே இடத்தில் பார்க்கிறது, எனக்கு உள்ளபடியே ஒரு பிரமிப்பை ஏற்படுத்தி என்னை திக்குமுக்காட வைத்துள்ளது என குறிப்பிட்டார். இக்கூட்டமைப்புக்கான முயற்சி மிகவும் காலதமதமாக மேற்கொள்ளப்பட்ட போதும் மிகக் குறுகிய காலத்தில் மாபெரும் வெற்றியைத் தந்திருப்பதாகக் குறிப்பிட்டார். தங்கம் சாதிக்க முடியாத காரியங்களை சங்கம் சாதித்து விடக்கூடிய ஆற்றல் பெற்றது என்பதை நாம் அனைவரும் உணர்ந்து ஒன்றுபட்டுச் செயல்பட வேண்டும் எனக் வலியுருத்தினார். கூட்டமைப்புக்காக வடிவமைக்கப்பட்ட 'லோகோ' மற்றும் 'ஒன்று கூடி வளம் பெறுவோம்' என்ற வாசகமும் மிகப் பொருத்தமாக அமைக்கப்பட்டள்ளது எனப் பாராட்டினார்.

துபையில் 30 ஆண்டுகளுக்கு மேலாக இயங்கி வரும் இந்கியன் முஸ்லிம் அசோஸியேஷன் IMAN அமைப்பைப் போல இந்த கூட்டமைப்பும் சிறந்த சமுதாயப் பணிகளை ஆற்ற வேண்டும். கல்வி, மருத்துவம், அதிரை மக்களின் ஒற்றுமை ஆகியவற்றுக்கு மிகுந்த முக்கியத்துவம் தரப்பட வேண்டும் என கூறினார். விஞ்ஞான உலகின் வளர்ச்சி ஓட்டத்திற்கு ஏற்ற வகையில், நமதூர் இளைஞர்களுக்கு உயர் கல்வி கிடைப்பதற்கான வாயப்பை ஏற்படுத்தித் தர வேண்டும் என குறிப்பிட்டார். துபையில் மிகவும் உழைப்புச் செய்து ஹலாலான முறையில் பொருளீட்டும் நமது மக்கள் ஈட்டிய பொருளை நம் சமுதாயத்தின் மேம்பாட்டுக்கு உதவும் வகையில் செலவு செய்யத் தயங்கக் கூடாது என கேட்டுக் கொண்டார்.

பேராசிரியர் M.A. அப்துல் காதர் அவர்கள், விழாத் தலைவர் ஜமீல் முஹம்மது சாலிஹ் வாசித்தளித்த சகோதரர் சஃபீர் அவர்களின் கவிதையில் மிகவும் ஈர்க்கப்பட்டு மீண்டும் அக்கவிதையை தனக்கே உரிய பாணியில் ஒவ்வொரு வரிகளையும் சபையோருக்கு விளக்கி, அக்கவிதைக்கும், அக்கவிதை எழுதிய சகோதரர் சஃபீர் அவர்களை அறிமுகம் செய்து, அனைவருடைய பாராட்டையும் பெற வைத்து, தனது நீண்ட நேர உரையை முடித்தார்.

பின்னர் சகோதரர். B. ஜமாலுத்தீன் அவர்கள் இக்கூட்டமைப்பு உருவாக உழைத்த சகோதரர்களான - ஏர்லிங்க் தமீம், இப்ராஹீம், VT அஜ்மல் கான், தாவூத் கணி, சபீக், இன்சுரன்ஸ் தமீம், கலாம், ஹக், உமர், அப்துல் வஹ்ஹாப், அப்துல் ஹமீது, தாஜுதீன், ரியாஸ், ஃபிர்தவ்ஸ், சிராஜூதின், ஆகியோரை நன்றியுடன் சபையோருக்கு நினைவு கூறினார்கள். மேலும் இக்கூட்டமைப்பின் துவக்கமும், நோக்கமும் குறித்து விளக்கினார். இக்கூட்டமைப்புக்காக வடிவமைக்கப்பட்ட 'லோகோ' வில் உள்ள ஒன்றின் மேல் ஒன்றாக அடுக்கப்பட்டுள்ள 7 கைகளும் நமதூரின் ஏழு முஹல்லாக்கள் என்றும், கைகளைச்சுற்றி வரையப்பட்டுள்ள 21 நட்சத்திரங்கள் 7 முஹல்லாக்களின் 21 வார்டுகளை குறிக்கும் வகையில் அமைக்கப் பட்டுள்ளதை விளக்கி இப்பொதுக் குழுவின் 5 தீர்மானங்களை வாசித்து தனதுரையை முடித்தார்.

மேலும் சகோதரர் SMA ஷhகுல் ஹமீது அவர்கள் 'சமுக சேவையின் அவசியம்' வலியுருத்தி பேசினார். சகோதரர் A. சாகுல் ஹமீது 'இக்கூட்டமைப்பு கட்டமைப்பதும், மேன்மைபடுத்துவது' குறித்து கருத்துரை வழங்கினார். சகோதரர் S. அபுல் காலம் அவர்கள் 'உளத்தூய்மை உருவாக்கும் ஒற்றுமை' என்பது பற்றியும், சகோதரர் A. அஹமது அஸ்லம் 'இக்கூட்டமைப்பின் அவசியம்' பற்றியும் மற்றும் சகோதரர் மீரா முகைதீன் 'நமது ஒற்றுமை' குறித்து கருத்துரைகள் வழங்கினர்கள். நேரமின்மை காரணமாக, மக்களின் கருத்து கேட்கும் நிகழ்வு நடத்த முடியாமல் போனது குறித்து நிகழ்ச்சி ஏற்பாட்டாளர்களுக்கு ஏமாற்றமாக இருந்தது.

இப்பொதுக்குழுவின் ஹைலைட் நிகழ்வாக, அமீரகத்தில் செயல்படுகிற அதிரை அனைத்து முஹல்லா சங்க நிர்வாகிகளையும், அதிரை அனைத்து முஹல்லா கூட்டமைப்பின் நிர்வாகிகளையும் சகோதரர் சஃபிக் அஹமது அவர்களால் சபையோருக்கு அறிமுக செய்து வைத்தார்கள்.

இந்நிகழ்ச்சியை சிறப்பாக புகைப்படம் எடுத்த Global Advertising நிறுவனத்தின் இரட்டை சகோதரர்கள் Asif & Adil இருவருக்கும், ஒளிப்பதிவு செய்த சகோதரர் தாஜுதீன் மற்றும் இப்பொதுக்குழு நிகழ்வை கானொலியாக காண நேரடி ஒளிப்பரப்புக்கு உதவிய அதிரை பிபிசி மற்றும் அதிரை நிருபர் வலைப்பூ இயக்குநர்களுக்கும் பேராசிரியர் M.A அப்துல் காதர் அவர்கள், நன்றி கூற, இப்பொதுக்குழு கூட்டம் துஆ வுடன் இனிமையாக முடிந்தது. அல்ஹம்துலில்லாஹ்!

இப்பொதுக்குழுவில் நிறைவேற்றப்பட்ட தீர்மானங்கள் வருமாறு:

தீர்மானம 1:

அமீரகம் வாழ் அதிரை அனைத்து முஹல்லா சகோதர்களும் ஒன்றிணைந்து, “அதிரை அனைத்து முஹல்லா கூட்டமைப்பு” ஏற்படுத்தியுள்ளது போன்று தாயகத்திலும் நமதூர் அனைத்து முஹல்லா சங்க நிர்வாகிகளும் ஒன்றுகூடி 'அதிரை அனைத்து முஹல்லா கூட்டமைப்பு' என்ற பெயரிலேயே உருவாக்க வேண்டும் என்று இப்பொதுக்குழு சார்பாக வேண்டுகோல் வைக்கிறோம்.

தீர்மானம் 2:

தற்போது நமதூரில் இரவு நேரங்களில் நோய் ஏற்படுகிறவர்களுக்கு முதல் உதவி வழங்குவதற்கு எவ்வித ஏற்பாடுமின்றி மக்கள் சிரமங்களை சந்திக்கிறார்கள். நமதூரில் உருவாகிற அ.அ.மு.கூ-ன் மூலம் நமதூரில் மருத்துவம் பணி செய்துவரும் டாக்டர்கள் அனைவரையும் ஒருகிணைத்து, மக்கள் படும் சிரமங்களுக்கு தீர்வு ஏற்படுத்த வேண்டும் என இப்பொதுக்குழு சார்பாக கேட்டுக் கொள்கிறோம்.

குறிப்பு: சூழற்சி முறையில் டாக்டர்களில் ஒருவருடைய மருத்துவமனை மற்றும் ஒரு மெடிக்கலும் 24 மணி நேர சேவை செய்ய வலியுத்த வேண்டுமென ஆலோசனையாக தெரிவத்துக் கொள்கிறோம்.

தீர்மானம் 3:

ஷிஃபா மருத்துவமணை நமதூர் பொது மக்கள்களிடமும், வெளிநாடு வாழ் அதிரை சகோதரர்களிடமும், பொது வசூல் செய்து துவங்கப்பட்டது. அதற்கு அமீரகம் வாழ் நமதூர் சகோதரர்களில் பலர் தங்களுடைய ஒரு மாத சம்பளத்தை நன்கொடையாக அளித்தார்கள். ஆனால் ஷிஃபா மருத்துவமணையின் தற்போதைய செயல்பாடுகளும், அங்கு நிலவுகிற சூழ்நிலைகளும் எங்களுக்கு மிகுந்த கவலையளிக்கிறது. நமதூர் மக்களுக்கு அனைத்து வகை மருத்துவத்திற்கும் பயன்படும் வகையில் அம்மருத்துவமணையை மேன்மைப்படுத்த அ.அ.மு.கூ-பின் அதிரை நிர்வாகம் முழு கவனம் செலுத்த இப்பொதுக்குழு கேட்டுக் கொள்கிறோம்.

தீர்மானம் 4:

நமதூதில் தக்வா பள்ளி அருகிலுள்ள மார்கெட்டில் உள்ள கடைகளிலிருந்து மிக குறைந்த வாடகை வசூலிக்கப்படுவதாகவும், ஆனால் மீன் மார்கெட்டில் விற்கப்படுகிற மீன் விலையோ தமிழகத்தில் எங்கும் இல்லாத விலை விற்கிறார்கள் என்றும் அமீரகம் வாழ் நமதூர் மக்கள் புகார் தெரிவிக்கிறார்கள். அதுபோன்று ஆட்டுக்கறி மற்றும் கோழிக் கறி விற்பனை செய்யும் கடைகளில் அறுக்கப்படும் ஆடுகளும், கோழிகளும் மார்க்கம் வலியுருத்துகிற முறை பின்பற்றப்படுகிறதா என்ற சந்தேகம் ஏற்படுகிற சூழ்நிலை அங்கு நிலவுவதாக பலர் தெரிவிக்கிறார்கள். மீன் மார்கெட்டில் உள்ள கடைகளின் வாடகையை உயர்த்துவதற்கும், மீன், ஆட்டுக் கறி, கோழி கறி ஆகிவைகளின் விலையை குறைப்பதற்கும், ஆடு,மாடு,கோழி அறுப்பதற்கும் ஒரு சீரான முறையை ஏற்படுத்த முயற்சிகள் மேற்கொள்ள அ.அ.மு.கூ-பின் அதிரை நிர்வாகத்தை இப்பொதுக்குழு கேட்டுக் கொள்கிறது.

தீர்மானம் 5:

அமீரகத்தில் வாழ்கிற நமதூர் சகோதரர்களில் பலர், 15 வருடங்களுக்கு மேல் இங்கு பணிகள் செய்து அவர்களோடு கூட பிறந்த சகோதரரிகளின் திருமணத் தேவையை பூர்த்தி செய்வதற்கே எங்களுடைய முழு வாழ்க்கையை களித்துவிட்டோம். ஆனால் நாங்கள் திருமண செய்து சந்தோசமாக வாழ வழியில்லாத சூழ்னிலை நமதூரில் நிலவுவதை பலர் எண்ணி கண்ணீர் சிந்துகிறார்கள். அதுமட்டுமின்றி இதனால்தான் நமதூரில் விற்கப்படுகிற மனைகட்டுகளின் விலை தமிழ்நாட்டில் எங்குமில்லாத விகையில் தாருமாராக உயர்வதற்கு காரணங்களாக உள்ளது. தயவு செய்து இஸ்லாம் வலியுருத்துகிற துளிகூட பெண் வீட்டாரிடத்திலிருந்து வெளிப்படையாகவோ அல்லது மறைமுகமாகவோ வரதட்சணை இல்லாத, மஹர் கொடுத்து திருமணம் செய்யும் முறையை, நமதூர் அனைத்தது முஹல்லா சங்க நிர்வாகிகளும் போர்கால அடிப்படையில் ஒவ்வொரு முஹல்லாவிலும் நடைமுறைப்படுத்த வேண்டும் என இப்பொதுக் குழு சார்பாக வலியுறுத்திக் கேட்டுக் கொள்கிறோம்.

குறிப்பு: நமதூரில் வீட்டு மனைகள் விற்பனை செய்யும் முகவர்களிடம் அ.அ.மு.கூ-ன் சார்பாக மனைகளின் விற்பனை விலையை கட்டுக்குள் வைக்க கேட்டுக் கொள்ள வேண்டுகோள் விடுக்கவும்.

நிர்வாகம்

அதிரை அனைத்து முஹல்லா கூட்டமைப்பு சார்பாக

அமீரகம்

+971 50 748 0023 / +971 55 4011 344

www.adiraiallmuhallah.blogspot.com

www.adiraiamf.org