என் இதயத்தில் இறைத்தூதர் - 17 - ஆங்கிலமும் ஆங்கிலேயனும் ! 7

பொதுவாக நமது உலமாக்கள் பலர், மேடைப் பேச்சாளர்களாக, தலைவர்களாக, எழுத்தாளர்களாக என்ற ஒரு வட்டத்தில் - ஆங்கிலேயர் ஆட்சிக் காலத்தில் வாழ்ந்த அவர்கள் (உலமாக்கள்) எடுத்த முக்கிய முடிவு பற்றி தவறான அபிப்பிராயங்கள், கருத்து வேறுபாடுகள் இருந்து வருகின்றன. அதாவது, "அந்த ஆங்கிலேயர் ஆட்சிக் காலத்தில் இருந்த உலமாக்கள் பலர் 'ஆங்கிலம் படிப்பது ஹராம்' என்று சொல்லி, நம் மக்களை ஆங்கிலக் கல்வி படிப்பதை தடுத்தனால், படித்து பெற்று உயர் நிலைக்கு வரவேண்டிய மக்கள் கல்வியை இழந்து அதனால் பல நல்ல வாய்ப்புக்களை இழந்து இன்னும் பின்தங்கி இருக்க வேண்டிய அவல நிலைக்குத் தள்ளப்பட்டு விட்டோம் என்று முழங்கி வருவதையும், எழுதி வருவதையும் நாம் அறிவோம்.

உலமாக்கள் அவ்வாறு சொன்னது உண்மைதான் அதுவே என் பார்வையுமாகும், அதனால் நம்முடைய பல நல்ல வாய்ப்புக்களை இழந்து சுமாராக 50 வருடங்களுக்கு மேல், பின் நிலைக்கு தள்ளப்பட்டோம் என்பதும் உண்மைதான். நாம் பின்தங்கிய நிலைக்குத் தள்ளப்பட்டு, கிறிஸ்தவர்கள், பிராமணர்கள், சாதி இந்துக்கள் இன்னும் பிற சாதியினர் ஆங்கிலக் கல்வி பயின்று, அதன் மூலம் ஆங்கியேலே ஆட்சியில் உயர் பதவிகள் பெற்றும், பிறகு சுதந்திரம் கிடைத்த பின் பெரிய பெரிய பதவிகளில் அமர்ந்ததும், வட இந்திய முஸ்லிம்களில் பெரும்பான்மையோர் தினக் கூலிகளாக மாறிப் போனதும், தென்னிந்திய முஸ்லிம்கள் பலர் வியாபாரிகளாக இருந்தாலும் மொத்த சதவிகிதத்தில் பெரும்பான்மையோர் கூலித் தொழிலாளர்கள் என்பதும், நாம் ஆங்கிலம் / ஆங்கில வழிக் கல்வியை இழந்ததன் ஒரு பகுதி மூலம் கிடைத்த பரிசுதான் அது என்பதும் உண்மையே! ஆனால், அதன் மறுபுறம் நமக்கு கிடைத்த இன்னொரு பெரிய பரிசும் ஒளிந்திருக்கிறது. அதனைப் பலர் சொல்வதுமில்லை எழுதுவதுமில்லை.

நம் உலமாக்கள் மேலோட்டமாக ஆங்கிலேயர்களின் வெறுப்பால் மட்டும் ஆங்கிலம் கற்பது ஹராம் என்ரு பத்வா கொடுக்கவில்லை, ஆங்கிலேயர்கள் ஆங்கிலத்தை "மதமாற்றம்" செய்யும் ஒரு முயற்சியாக - பரீட்சித்துப் பார்த்து அதில் ஓரளவு வெற்றியும் கண்டார்கள்.

உதாரணமாக, கிறிஸ்தவ மிஷனரிகளை ஊக்குவித்து பள்ளி, கல்லூரிகள் திறந்து பயிற்று மொழியாக ஆங்கிலத்தை உருவாக்கி, அதனூடே மதப்பிரச்சாரமும், பைபிள் மூலம் உள்ள கதைகளை கட்டுரைகளை ஆங்கிலத்தில் பயிற்றுவித்து கொஞ்சம் கொஞ்சமாக கிறிஸ்தவ தாக்கத்தை ஏற்படுத்தினார்கள். மறுபுறம் காசு, பணம் கொடுத்தும், வசதியான வாழ்க்கை முறைக்கு ஆசை காட்ட்யும் கிறிஸ்தவத்தை வளார்க்கத் துடித்தார்கள். இதற்கு சில பலன்கள் அவர்களுக்கு கிட்டின.

கன்னியாகுமரி, திருநெல்வேலி, தூத்துக்குடி போன்ற ஊர்களில் இதற்கு உதாரணமாகக் கொள்ளலாம். தமிழகத்தில் பிற மாவட்டங்களிலும் இது எதிரொலித்தது. சாதி இந்துக்கள் மற்றும் தலித் இன மக்கள் என்று பலர் சிறிது சிறிதாக கிறிஸ்தவம் நோக்கி செல்ல ஆரம்பித்தனர். இன்றும் கூட, இந்து மதத்தில் என்ன சாதியில் இருந்தார்களோ அதே சாதியின் பெயராலேயே கிறிஸிதவத்துக்கு மாறிய பின்பும் அழைக்கப்படுகிறார்கள். வட இந்தியாவிலும் ஏன் இலங்கையிலும் கூட பல சிங்கள புத்த மதக்காரர்கள் கிறிஸ்தவம் நோக்கிப் போனார்கள். யாழ்பானம் போன்ற பகுதிகளில் வாழும் தமிழர்கள் என்ற இந்துக்கள் கிறிஸ்தவம் நோக்கிச் சென்றார்கள் இன்னும் இந்து மத சாதிகளின் மூலமாகவே கிறிஸ்தவத்திலும் அவர்கள் அடையாளம் காணப்படுகின்றார்கள். சிங்களவர்களில் முன்பு யாருமே கிறிந்தவர்கள் கிடையாது. அவர்கள் அனைவரும் புத்த மதத்தைச் சேர்ந்தவர்களே ! ஆங்கிலக் கல்வியின் தாக்கம், அவர்களை தடுமாற வைத்தது எனவே, புத்த மதம் துறந்து கிறிஸ்தவம் தேடிப் போனார்கள்.

இந்நிலையில்தான், நபிமார்களின் வாரிசுகளான நம் உலமாக்களைக் கொண்டு அல்லாஹ் நம் மூதாதையர்களைக் பாதுகாத்தான். ஆம் ! அவர்கள் அன்று ஆங்கிலம் கற்பது திறிஸ்தவர்களின் சூழ்ச்சி வலையில் விழுந்து விடாமல் அல்லாஹ் நம்மையும் நம் ஈமானையும் காற்றினான். இது அல்லாஹ் நமக்குச் செய்த பேரருள் என்றால் மிகையல்ல. ஆங்கிலம் கற்காமல் விட்டதனால், நம் இவ்வுலக முன்னேற்றம் தடை செய்யப்பட்டிருக்கலாம். ஆனால், மிக உயர்ந்த செல்வமாகிய "ஈமான்" காப்பற்றப்பட்டிருக்கிறது. அந்த நம் முன்னோர்களாகிய உலமாக்களின் பாவங்களை மன்னித்து கபுரை வெளிச்சமாக்கி ஜன்னத்துல் ஃபிர்தெளஸ் என்ற உயரிய சுவர்க்கத்தைக் கொடுப்பானாக.

இப்போது அதே ஆங்கிலம் மூலமாக இஸ்லாம் மேலோங்கி வருகிறது, காஃபிர்கள் சூழ்ச்சி செய்தார்கள். அல்லாஹ், சூழ்ச்சிக் காரனைவிட மிகப் பெரும் சூழ்ச்சிக்காரன் அல்லவா ! ஐரோப்பாவும், அமெரிக்காவும் ஏனைய நாடுகளும் திருக்குர்ஆன் ஆங்கில மொழி பெயர்ப்பை படித்து இஸ்லாம் நோக்கி முன்னேறுகிறது. இன்றைய சூழ்நிலைக்கு நமக்கு ஆங்கில அறிவு மிக முக்கியம். ஆரபி மொழியையும் ஆங்கிலத்தையும் கற்று நம் இனைமி இஸ்லாமை உலகெலாம் பரப்ப சூளுரை செய்வோம் ! இன்ஷா அல்லாஹ் !

குறிப்பு : நாம் எந்த நாட்டில் எந்த மொழி பேசும் மக்களிடையே வாழ்கிறோமோ அங்குள்ள இஸ்லாமிய சேவை நிலையங்களை (Islamic Cetner) தொடர்பு கொண்டு, திருக்குர்ஆன் மற்றும் ஹதீஸ் புத்தகங்களை அம்மக்களுக்கு கிடைக்குமாறு செய்ய நாமும் ஒத்துழைப்பதோடு பொருளாதார உதவியும் செய்து, தாவா பணீக்கு முன்னுரிமை கொடுப்பது நம் கடமை.

இன்ஷா அல்லாஹ் தொடரும்

இப்னு அப்துல் ரஜாக்

எந்த மொழி உங்கள் வழி !? - விவாதக்களம் !‏ 172

இனத்தாலோ மொழியாலோ பிரித்தாலுபவன் என்னைச் சார்ந்தவனல்ல! - நபிமொழி.

பல சந்தர்ப்பங்களில் இதனை ஞாபகப்படுத்துவது, இனம் பிரித்து, மொழி சேர்த்து, விழி தெறிக்க பேசும் கொள்கையுடைய கட்சிகளையும் அமைப்புகளையும் கண்டு வருகிறோம் ஏன் ஒரு காலத்தில் அதில் அங்கம் வகித்தும் இருந்திருக்கிறோம்.

தாய் நாட்டில் புழக்கத்தில் இருக்கும் ஒரு மொழி ஆதிக்கம் செலுத்திவிடுமோ என்ற அச்சத்தில் ஒட்டுமொத்த தமிழ்பேசும் மக்களையும் அந்த மொழியைப் படிக்க பேச விடாமல் செய்துவிட்டு தன் மக்களை மட்டும் பேசவைத்த பெருமையும் திராவிட கட்சிகளுக்கு உண்டு.

சுதந்திரப் போராட்டத்தில் தீவிரம் காட்டிய முஸ்லீம்கள் (எதனை எதிர்த்தாலும் அவர்களிடம் தீவிரம் இயற்கையாகவே இருக்கும்) ஆங்கில அந்நிய மொழி படிப்பது விலக்கப்பட்டது என்று தங்களின் மார்க்க வரம்பை வகுத்து ஒதுக்க நேர்ந்தது இதனை நாம மட்டும்தான் சொல்லிக் கொண்டு இருக்கிறோம்.

இந்த கால கட்டங்களையெல்லாம் கடந்து மொழி ஒரு பாதை விரும்பினால் அந்தப் பாதையை தேர்ந்தெடுக்கலாம், அந்தப் பாதையில் பயணம் இலகுவாக்கிக் கொள்வதும் இடர்களாக்கிக் கொள்வதும் பயணிப்பவர்களைப் பொறுத்தே அமையும்.

கூரையில்லாத வீட்டில் அமர்ந்து கொண்டு இரகசியமும் பேச முடியாது. தெரிந்த மொழியில் அல்லது தெரிவிக்க வேண்டிய மொழியில் உரையாடவும் கருத்தாடல் செய்வதும் அதில் கலந்து கொள்பவர்களின் விருப்பமாகத்தான் இருக்க முடியும்.

இணையத்தில் தமிழ் மொழி நடத்தியிருக்கும் எழுச்சி எண்ணிடலங்காதவை,நல்லதைச் சொல்லவும் இல்லாததைச் சொல்லவும், என்று விரிந்து இருக்கிறது. சமீபத்தில் வலைப்பூக்களில் இணையதளங்களில் தமிழில் வெளியாகும் கட்டுரைகள், கவிதைகள், அவசியமான விவாதங்கள் இவைகளுக்கு தமிழிலே கருத்தாடல்கள் இருக்க வேண்டும் என்ற வாதமும் வலுவாக எழுப்பப்படுகிறது.

அங்கே ஆங்கிலத்தில் கருத்துகள் பதிந்தால் அதன் கருத்தாடலின் பொருளை புரிந்து கொள்ள எத்தனை பேருக்கும் இயலும் என்பது அதன் வாதமாக இருக்கிறது. ஆனால், ஆங்கிலத்தில் பதிவதால் என்னதான் எழுதியிருக்கிறது என்று தேடல் கொண்டு அதற்கான பொருளை அறிந்து கொள்ளத் தூண்டுவதும், அதேபோல் ஆங்கிலம் ஆதிக்கம் செலுத்தும் இணையதளங்களுக்கு நமது கருத்துக்களை எடுத்து வைக்க இது உதவும் என்பதும் மற்றொரு வாதம்.

அதிரைநிருபரில் பல்வேறு பதிவுகளில் இந்த விவாதம் எழும்போதெல்லாம், வாசகர்கள் இரண்டு பக்க நியாயங்களை எடுத்து வைத்துக் கொண்டுதான் இருந்தார்கள்.

இங்கே விவாதியுங்கள், ஆங்கிலம் மட்டும் தான் எதிர்க்கப்படுகிறதா ? ஆங்கிலம் அதிசயமா / அவசியமா ?

உங்களனைவரின் கருத்தாடல்கள் தனிமனித சாடல்கள் இன்றி கருத்துகளோடு மோதலிருப்பின் நீங்கள் காதலிக்கும் மொழியின் தாக்கமே என்று புரிந்து கொள்ளப்படும்.

அவசியமேற்படும்போது கருத்தாடல்கள் அனைத்தும் நெறிப்படுத்தலுக்குட் படுத்தப்படும்.

அதிரைநிருபர் பதிப்பகம்

அதிராம்பட்டினமும் ஆங்கிலக் கல்வியும் 11

உயர் வகுப்பாரும் வசதி படைத்தவர்களும் படிக்கவேண்டும் என்பதற் காக கொண்டு வரப்பட்ட கல்வித் திட்டம்தான் மெட்ரிகுலேஷன், C.B.S.E. இதில் பெற்றோர் பிள்ளைகளைச் சேர்ப்பதன் முக்கிய நோக்கம் தங்கள் பிள்ளைகள் ஆங்கிலம் பேசவேண்டும் என்பதற்காக. அப்படிப் பேசுகிறார்களா என்றால் அதுதான் இல்லை. அப்படிப்பட்ட பயிற்சி தரப்படும் அறிகுறியுமில்லை.

நம்முடைய ஆங்கிலப் பள்ளிகளில் L.K.G., U.K.G. நடத்தும் ஆசிரியைகள், வேறு வேலை கிடைக்கும் வரை அல்லது திருமணம் ஆகும் வரை இந்த வேலையில் இருக்கலாம் என்ற அடிப்படையில் தான் பணி புரிகிறார்கள். அவர்கள் ஆங்கில வழிக்கல்வி கற்றவர்களுமல்லர், பயிற்சி பெற்றவர்களும் அல்லர்.

நம்மூரில் ஆங்கிலப்பள்ளி தோன்றி முப்பத் தைந்து ஆண்டுகளுக்கு மேலாகிவிட்டன, அதன் பின் பல பள்ளிகள் தோன்றின. இங்கு ஆங்கிலத்தைக் காண முடியவில்லை. இப்படிப்பட்ட பள்ளிகளில் படிக்கும் மாணவர்களுக்கு நகரங்களிலும் வெளிநாடுகளிலும் பள்ளிகளில் இடம் கிடைப்பதில்லை. துவக்கத்திலிருந்தே மாணவர் ஆசிரியர் தரத்திற்கேற்ப எளிய புத்தகங்களை வைத்து தரத்தை படிப்படியாக உயர்த்தி இருக்கவேண்டும்.

நம்மூர் ஆங்கிலப் பள்ளி மாணவர்களிடம் ஆங்கிலத்தில் பேசினால் நம்மைப் பார்ப்பதைத் தவிர்க்கிறார்கள். அந்த அளவுக்கு ஆங்கிலம் இங்கிலாந்து தூரம். பெற்றோர் கனவு நனவாவது எப்போது? போதாததற்குத் தமிழையுமல்லவா தொலைத்துவிடுகிறார்கள்.

பெற்றோர் என்ன நோக்கத்திற்காக அப்பள்ளிகளில் சேர்த்தார்களோ, அந்த நோக்கம், அதாவது சரளமாக ஆங்கிலம் பேசுவது வந்துவிட்டால் அப்பள்ளியின் வேறு குறைபாடுகளை மறந்துவிட வாய்ப்பு உண்டு.

சமச்சீர் கல்விப் புத்தகங்கள் வந்தபின் மற்ற சாதாரண பள்ளிககளோடு ஒப்பிடும்போது மெட்ரிக் பள்ளிகளின் தரம் தாழ்ந்து காணப்படுமோ எனத்தோன்றுகிறது. அதனால்தானோ என்னவோ மெட்ரிக் பள்ளிகள் சமச்சீர் கல்வியை எதிர்க்கின்றன.

எது எப்படியோ வாங்கும் பணத்திற்கு ஆங்கிலம் தந்தால் சரி!

- உமர்தம்பிஅண்ணன்

நன்றி : (உமர்)தென்றல்

ஆங்கில அறிவாற்றல் காலத்தின் கட்டாயம் 1

கல்வி சம்பந்தமான செய்திகள், வழிகாட்டல்கள், நல்ல கட்டுரைகளை எழுத வேண்டுகோள் விடுத்த அதிரை எக்ஸ்பிரஸ் சகோதரர்களுக்கு முதலில் மிக்க நன்றி. இத்தருனத்தில் எனக்கு LKG முதல் முதுகலை பட்டப்படிப்பு வரை கல்வியை கற்றுத்தந்த அனைத்து ஆசான்களுக்கும் நன்றி.

பல எதிர்பார்பார்ப்புகளுடன் இருக்கும் நம்முடைய இளையோருக்கு சரியான கல்வி மற்றும் வேலை சம்பந்தமான ஆலோசனைகள் மிக மிக அவசியம். இது குறிகிய நேரத்தில் என்னால் முடிந்த சில ஆலோசனைகளை எழுதி இருக்கிறேன். ஏற்கனவே எல்லோரும் அறிந்தது தான் என்றாலும், கொஞ்சம் ஞாபகப்படுத்தலாம் என்ற நோக்கத்தில் அறியத்தருகிறேன்.

10ம் வகுப்பு ரிசல்ட் தான் ஒவ்வொரு மாணவர்களின் எதிர்காலத்தை நிர்னயிக்கிறது என்றால் மிகையில்லை. எடுக்கும் மதிப்பெண்களை வைத்து தான் +1 வகுப்பில் என்ன பாடம் எடுக்க முடியும் என்ற நிலை தான் அனைத்து பள்ளிகளிலும் உள்ளது. நாம் +1 வகுப்பில் எடுக்கும் பாடத்தை பொருத்தே கல்லூரிகளில் இளங்கலை பட்ட பாடங்களும், முதுகலை பட்ட பாடங்களும், அதன் பிறகு வேலை வாய்புகளும் அமைகிறது. ஆகவே +1 வகுப்பில் எடுக்கும் பாடத்தை தேர்வு செய்வதில் மிக கவனமாக இருப்பது அவசியம்.

நம் பள்ளிகளில் உள்ள 1) அறிவியல், 2) கணிதம் 3) கலை 4) மற்றவைகள், இந்த அனைத்து பிரிவுகளும் ஒவ்வொரு வகையில் பல துறைகளில் சிறந்தது. எது எடுத்தால் நல்லது, எது சிறந்தது என்பதெல்லாம் அவரவர் தாங்கள் என்ன துறையில் செல்ல வேண்டும் என்ற குறிக்கோளை பொருத்தது. சாதிக்க வேண்டிய துறைகள் நிறைய இருக்கிறது. இன்ஷாஅல்லாஹ் வரும் நாட்களில் என்னன்ன துறைகள் மிகச் சிறந்தது என்பதை அறியத்தருகிறேன். மற்ற சகோதரர்களும் விளக்கமாக அறியத்தந்தால் மிக நன்றாக இருக்கும். ஊரிலும் வெளிநாடுகளிலும் இருக்கும் நம்மூரைச் சேர்ந்த நிறைய அறிவாற்றலுடைய பட்டதாரி சகோதரர்கள் அறியத்தருவார்கள் என்று நம்புகிறேன்.

12 வகுப்பு முடித்தவர்கள், கல்லூரிக்கு செல்வதற்கு முன்னர் தங்களின் ஆங்கில அறிவை (குறிப்பாக ஆங்கில பேச்சுத்திறமை) சற்று வளத்துக் கொள்வதில் அக்கறை செலுத்துவது மிக மிக மிக மிக அவசியம். இன்றும் அதிரை போன்ற ஊர் பள்ளிகூடங்களில் நம்மால் ஆங்கில பேச்சுத்திறமை வளர்த்துகொள்வதில் சிரமங்கள் இருக்கத்தான் செய்கிறது. (இதற்கு பள்ளிகூடங்களில் நிறைய மாற்றங்கள் செய்யவேண்டும், இதை பிறகு எழுதலாம்). தற்போது English Coaching வகுப்புகள் அதிரையில் இருக்கிறதா என்று தெரியவில்லை. பட்டுக்கோட்டையில் நிறைய இருக்கிறது. சென்னை போன்ற நகரங்களுக்கு சென்று கற்றுக் கொள்ளலாம். மீண்டும் சொல்கிறேன் ஆங்கில அறிவு மிக மிக மிக மிக அவசியம். ஆங்கில அறிவு இல்லாமல் கல்லூரிகளில் படித்து படங்கள் வாங்கிவிடலாம் ஒரு பெரிய விசையமில்லை. படிப்பு முடித்து, வேலை என்று வரும் போது தான் தெரியும் ஆங்கில அறிவின் அருமையை. ஆங்கில அறிவில் கவணம் செலுத்தாத காரணத்தால் நாமும், நம் மற்ற சகோதரர்களும் வேலைகளில் ஆரம்ப நாட்களில் நிறைய கஷ்டங்களை எதிக்கொள்வதை யாரும் மறுக்க முடியாது. இது சிலருடைய உத்யோக முன்னேற்றத்திற்கு தடையாகவும் அமைந்து விடுகிறது.

மாணவர்கள் English Coaching வகுப்புக்கு பந்தாவாக எனோதனோ என்று போகாமல் ஆங்கில பேச கற்றுக் கொள்ளவேண்டும் என்ற ஒரு வெறியுடன் செல்ல வேண்டும். தயவு செய்து இதில் மாணவர்கள் குறிப்பாக +2 எழுதியவர்கள் மிக அக்கரையுடன் கவணம் செலுத்த வேண்டுகிறேன். தன் பிள்ளைகள் கல்வியிலும், தொழில்துறையிலும் நிறைய சாதிக்க வேண்டும் என்று கனவுகானும் பெற்றோர்களும் இதற்கு முக்கியதுவம் கொடுக்குமாறு வேண்டுகிறேன். இதில் அக்கரை செலுத்தினால் இன்ஷா அல்லாஹ் கல்வி மற்றும் வேலை வாய்ப்பு துறைகளில் நல்ல வெற்றி கிடைக்கும் என்பது என்னை போன்றவர்களின் ஆணித்தரமான நம்பிக்கை.

இவை அனைத்திற்கும் மேல், வாழ்க்கையில் நிறைய சாதிக்க வேண்டும், நம் பெற்றோருக்கு நல்ல பெயர் வாங்கித்தரவேண்டும், சமுதாயத்திற்கு பல நன்மைகள் செய்யவேண்டும் என்ற ஆரோக்கியமான நீண்ட கால குறிக்கோள் (வெறி) ஒவ்வொரு மாணவர்களிடம் இருக்க வேண்டும், இதற்கு அனைத்து தாய் தந்தையர்கள் ஒத்துழைக்க வேண்டும். எல்லாவற்றிக்கு நம்மை படைத்த அல்லாஹ் அருள் புரிவானாக. பரீச்சைகள் எழுதிய, எழுதிக்கொண்டிருக்கும் நம்மூர் மாணவ, மாணவிகள் அனைவருக்கும் வெற்றியடைய என்னுடைய மனமார்ந்த வாழ்த்துகளும், துஆக்களும். அல்லாஹ் உங்களுடைய நல்ல எண்ணங்களை நிறைவேற்றி வெற்றியைத் தருவானாக.

இறைவன் நாடினால் இன்னும் கல்வி சம்பந்தப்பட்ட செய்திகளை அறியத் தருகிறேன்.

அஸ்ஸலாமு அலைக்கும்.

தாஜூதீன்