ஒரு சாராருக்கு (உண்மையச் சொல்வதென்றால்) சிறுபிராய காலங்களில் கந்தூரி என்று ஊரில் நடந்தால் அங்கே சென்று விட்டு திரும்பி வீட்டுக்குள் நுழைய குடல் நடுங்கும், அதிலும் தெருக்காரர்கள், பெரியவர்கள் யாரும் பார்த்து விட்டால் என்ன நடக்குமோ என்று கூனிக் குறுகிய காலம் அது.
மற்றொரு சாராருக்கு அந்தச் சிறுபிராயத்திலும் அவர்களின் குழந்தைகளின் குதூகலமும் அந்தக் கந்தூரியைச் சுற்றியே இருக்கும் அதில் வயது பேதமின்றி ஒரு சம்பிரதாயமாகவே சிரத்தை எடுத்து சென்று வருவர் அங்கே நடந்தேறும் அனைத்திலும் உற்சாகத்துடன் கலந்து கொள்வர்.
இருசாராருக்கும் நிரம்ப வித்தியாசம் இருப்பினும், முதல் ரகம் மார்க்கம் தடுத்திருக்கிறது என்று அறிந்திருந்தும் ஆவல் மிகுதியாலும் அங்கே காணக் கிடைக்கும் களியாட்டத்திற்காகவும் / விரிக்கப்பட்டிருக்கும் வலையில் பட்டும்படாமல் சிக்கிவிட்டு வருகிறார்கள். இரண்டாம் ரகம் மார்க்க தடுத்திருக்கிறது என்று முறையாக அறிந்திராதவர்களாகவும் தீமையென்று முறையாக எடுத்துச் சொல்லப்படாமல் அல்லது சொல்லியும் எடுத்துக் கொள்ளாமல் இருப்பவர்கள்.
இந்தக் கட்டங்களையும் தாண்டி, எதிர்ப்பாளர்கள் ஆதரவாளர்கள் என்று இருசாராராகி இருக்கிற இன்றைய காலகட்டத்தில், ஏவியவன் இருக்க அம்பை நோவும் காலமும் மலையேறி விட்டது என்று சொல்லும் அளவுக்கு கந்தூரிக் காதலர்களும், அதிலும் கள்ளக் காதலர்களும் தங்களது உலக ஆசைகளைத் திருப்தி படுத்தவும். அரசியல் ஆதாயம் தேடியும், பழிவாங்கும் களமாகவும் மாற்றி வருகின்றனர்.
இதில் உள்ளூர் வெளிநாடு என்ற பேதம் பார்க்கும் அளவுக்கு கந்தூரிக் காதலர்கள் மலிந்து விட்டார்கள் !
இப்போ சொல்லுங்க கந்தூரிக் காதலர்கள் உள்ளூரிலா / வெளிநாட்டிலா ?
விவாதிக்கலாம் வாருங்கள் !
அதிரைநிருபர் பதிப்பகம்
