ஜெட் ! ஜெட்லி! பட்! பட்ஜெட்! பட்டும் படாத பட்ஜெட். 27

அண்மையில் நடைபெற்று முடிந்த பொதுத் தேர்தலும் – அந்தத் தேர்தலில் பாரதீய ஜனதா அள்ளி விட்ட வாணவேடிக்கை வாக்குறுதிகளும் – அவற்றை நம்பி மக்கள் அந்தக் கட்சிக்கு அளித்துள்ள மகத்தான வெற்றியும் – அதைத் தொடர்ந்து ஏற்பட்ட புதிய ஆட்சி தன்னை நம்பி வாக்களித்த மக்களுக்கு வாரி வழங்கிக் கொண்டு இருக்கும் பட்டை நாமப் பரிசுகளின் பட்டாளத்தில் இப்போது பட்ஜெட்டும் சேர்ந்து இருக்கிறது.

கடந்த ஓரிரண்டு ஆண்டுகளுக்கு முன்னால் இதே போன்ற ஒரு பட்ஜெட்டின் விமர்சனக் கட்டுரையில் நான் குறிப்பிட்டதை மீண்டும் குறிப்பிடுகிறேன். பட்ஜெட் என்பது அறிஞர் அண்ணா சொன்னது போல் BUD GET என்ற இரண்டு சொற்களால் ஆனது. BUD என்றால் ஒரு மலரின் மொட்டு என்று பொருள். இதைத்தான் தொடர்பு படுத்தி தனது முதல் பட்ஜெட்டை சமர்ப்பித்த போது அண்ணா சொன்னார். இந்த மலரின் மொட்டு இப்போதுதான் கட்டவிழ்கிறது. இது மணம் வீசுமா என்பதைக் காலம்தான் சொல்ல வேண்டும் என்றார். அதே போல் பாரதீய ஜனதா ஆட்சிப் பொறுப் பெற்று அவைக்கு அளிக்கும் முதல் பட்ஜெட் இது . இந்த முதல் மலர் இன்று தனது மொட்டுக்களை விரித்திருக்கிறது. இது மணம் வீசுமா - குணம் தருமா அல்லது குழிபறிக்குமா என்பதைச் சொல்ல வேண்டுமானால் “ போகப் போகத் தெரியும் இந்தப் பூவின் வாசம் புரியும் “ என்று சொல்லி இந்த விமர்சனத்தைத் தொடங்கலாம். 

எடுத்த எடுப்பிலேயே சொல்வதானால் இந்த பூ பட்ஜெட் – தாமரைப் பூவின் பட்ஜெட் . பொதுவாக தாமரைப் பூ அழகாக இருக்கும் ஆனால் மணக்காது . எட்டாத உயரத்தில் இருக்கும் சூரியனைப் பார்த்து பல்லிளிக்கும்; இழுக்க முயற்சிக்கும் ஆனால் அருகில் இருக்கும் வண்டுகளை அவ்வளவாகக் கவராது. பூக்களின் புகுந்த வீட்டு சீதனமான தேன் துளிகள் தாமரைப் பூவில் வலைவீசிப் பார்த்தாலும் வாய்க்காது. நீர் நிறைய இருந்தால் மட்டுமே நிலைத்து நிற்கும் தாமரைப் பூ, நிலத்தில் பூத்துப் படரும் மல்லிகைக் கொடிக்கு இணையாகாது. இப்போது அருண்ஜெட்லி சமர்ப்பித்து இருக்கும் இந்த அருணோதய பட்ஜெட்டும் அப்படித்தான் இருக்கிறது. தாமரைப் பூவின் மருத்துவ குணங்களைப் பற்றி சொல்லும் சித்த வைத்தியர்கள் தாமரைப் பூ மூளை வளர்ச்சிக்கு நல்லது என்று கூறுகிறார்கள். இந்தப் பூவோடு அடிக்கடி புழங்குகிறவர்கள் கவனத்தில் கொள்ள வேண்டிய விஷயம் இதுவாகும் என்ற தொடக்கத்தை அடக்கத்தோடு சொல்லி அதன் அம்சங்களை அலசுவோம். 

ராஜாதி ராஜ ராஜ கம்பீர புலிப்பால் குடித்த பராக்கிரம நரேந்திர மோடி மகராஜ் பராக்! பராக்! பராக்! என்று பறையரிவித்து அவர் வந்தால் மண்ணைப் பொன்னாக்குவார் – பூனையை யானையாக்குவார் – கிளியை புளியாக்குவார் என்றெல்லாம் கூறினார்கள். பதவியேற்ற உடனே விலைவாசி குறைந்துவிடும் – இந்திய ரூபாயின் மதிப்பை உயர்த்தும் மந்திரக் கோல் அவர் கைகளில் இருக்கிறது- அவர் ஆண்ட குஜராத் மாடலில் ஆட்சி நடக்கும்- நிதிப் பற்றாக்குறை நீங்கி கஜானா நிரம்பி வழியும்- வேலை வாய்ப்புகள் வீடுதேடி வந்து கதவுதட்டும்- அரசு நிர்வாகம் முன் எப்போது இல்லாத அளவில் விரைவான வேகத்தில் செயல்படும் – அதிகாரிகள் அலறுவர்- வரி ஏய்ப்போர் கதறுவர்- கருப்புப்பணம் காலடியில் வந்து மண்டியிடும்- என்றெல்லாம் மக்களால் எதிர்பார்க்கப்பட்ட ஒரு போர்காலகனவுலகப் பின்னணியில் நிதியமைச்சர் திரு. அருண் ஜெட்லி தனது முதல் நிதிநிலை அறிக்கையைத் தாக்கல் செய்து இருக்கிறார்.

ஆட்சி மாறியதும் எரிவாயு சிலண்டர் விலை அண்மையில் ஏற்றம் கண்டது. அதற்குக் காரணம் முன்பு ஆண்ட காங்கிரஸ் ஆட்சிதான் என்று சொல்லப்பட்டது. டீசல் விலை ஏற்றம் கண்டது. அதற்கும் காரணம் காங்கிரஸ் ஆட்சிதான் என்று கூறப்பட்டது . இரயில் கட்டணங்கள் வரலாறு காணாத வகையில் உயர்த்தப்பட்டன; இதற்கும் காரணம் காங்கிரஸ் ஆட்சி தயாரித்து வைத்திருந்த விலைஉயர்வுத் திட்டங்கள் தான் என்று கூறப்பட்டன . ஆனால் ஆட்சிக்கு வந்து சமர்ப்பித்துள்ள பட்ஜெட் மட்டும் அருண் ஜெட்லி தயாரித்ததாக ஆளுக்கு ஆள் புகழ்ந்து தள்ளிக் கொண்டிருப்பதைத்தான் நம்மால் புரிந்து கொள்ள இயலவில்லை. இப்படிப் புகழ்வோர் வரிசையில் இராமதாசரும், விசயகாந்தனும், வைகோவும் நிற்பது பற்றி நமக்கு ஆச்சரியமில்லை. ஆனால் ஒருவரை ஒருவர் இடித்துத் தள்ளிக் கொண்டு நீ முந்தியா! நான் முந்தியா! என்று தமிழக முதல்வர் செல்வி ஜெயலலிதாவும் தானைத்தலைவர் கருணாநிதியும் கூட நிற்பதுதான் வேடிக்கையாகவும் விந்தையாகவும் இருக்கிறது. 

உண்மையில் , ஒரு அரசுமாற்றம் நிகழும்போது முந்தைய அரசு தாக்கல் செய்த இடைக்கால நிதிநிலை அறிக்கையின் தொடர் அடிப்படையில்தான் தனது முதலாவது நிதிநிலை அறிக்கையை அருண் ஜெட்லி தயாரித்தாக வேண்டிய நிலைப்பாடு கட்டாயமாக இருந்ததை எந்த அரசியல் அறிவியலாரும் மறுப்பதற்கு இடமில்லை. முன்னாள் நிதியமைச்சர் திரு. ப. சிதம்பரம் அவர்கள் தயாரித்த நிதிநிலை அறிக்கைக்கு பார்டர் கட்டி, பெயின்ட் அடித்து, சீரியல் செட் கட்டி, ஜிகினா காகிதங்களால் ஜோடித்துத் தந்திருப்பதுதான் அருண்ஜெட்லியின் இந்த பட்ஜெட் என்பது அரசியல் நோக்கர்களுக்கு அரை சதவீத சந்தேகம் கூட இல்லாமல் புரியும். அதுதான் நடைமுறையும் கூட.

ஒரு புதிய அரசு ஆட்சிப் பொறுப்புக்கு வந்ததும் அது சமர்ப்பிக்கும் முதலாவது நிதிநிலை அறிக்கையை பல்வேறு தரப்பினரும் ஆர்வமுடன் ஆய்ந்து பார்த்து விமர்சிப்பது தவிர்க்க இயலாதது. இதற்குக் காரணம் ஆட்சிக்கு வர முன்பு அவர்கள் அளித்த தேர்தல் அறிக்கையின் வாக்குறுதிகள் நிறைவேற்றப்படுவதற்கான சாத்தியக் கூறுகளின் வாடை வீசுகிறதா என்று பார்ப்பது இயல்பான ஒன்று.. அதே நேரம் முதல் நிதிநிலை அறிக்கையிலேயே தேர்தல் அறிக்கையில் சொல்லப்பட்டவைகள் நிழலாடுகிறதா என்று பார்க்க நினைப்பதும் பொருளாதார ரீதியில் நடைமுறையில் சாத்தியப்படாத ஒன்றுதான். ஆனால் மக்கள் அவற்றை எதிர்பார்ப்பதை தவறு என்று சொல்ல இயலாது.

பொதுவாக பொருளியல் வல்லுனர்கள் நிதிநிலை அறிக்கையில் நான்கு அம்சங்கள் இருக்கின்றனவா என்று பார்ப்பார்கள். அவை:- 

1. இருக்கும் பொருளாதார மூலவளங்களை கட்டுக்குள் வைத்தல், 
2. இருக்கும் மூலவளங்களையும் இனி வளர்ந்து வருமென்று உத்தேசிப்பதையும் வைத்து வளர்ச்சிக்கான தொடர்ந்த தொலை நோக்குத் திட்டங்கள், 
3. வேலைவாய்ப்பை அதிகரிக்கச் செய்வது, 
4. தொழில் மற்றும் விவசாயத்தின் மீது முதலீடு செய்பவர்களின் நம்பிக்கையைக் காப்பாற்றச் செய்வது மற்றும் வளர்ப்பது. 

ஆகியவைதான் அந்த நான்கு அம்சங்கள். அருண் ஜெட்லி சமர்ப்பித்துள்ள இந்த நிதிநிலை அறிக்கையில் இந்தக் கொள்கைகள் மேலோட்டமாகத் தென்படுகிறதே அன்றி உருப்படியான திட்டங்கள எதுவும் ஊடுருவவில்லை என்று வல்லுனர்கள் கூறுகிறார்கள்.

வருமான வரியின் தனிநபர்களின் உச்சவரம்பு இரண்டரை இலட்சமாக உயர்த்தப் பட்டு இருக்கிறது. இதைப் பற்றி பெருமைப்பட ஒன்றுமில்லை. காரணம் கடந்த வாரம் தக்காளி ஒரு கிலோ பதினைந்து ரூபாய் இந்த வாரம் முப்பது ரூபாய். விலைவாசிகள் ஏறிக் கொண்டல்ல எகிறிக் கொண்டு இருக்கும்போது அரை இலட்சம் உயர்வு ஒன்றும் அதிகமல்ல என்றுதான் சொல்ல வேண்டும். இந்த உச்சவரம்பை இன்னும் அரை லட்சம் கூட்டி அறிவித்து இருந்தால் அரசு ஊழியர்களுக்கும் மென்பொருள் மற்றும் தகவல் தொழில் நுட்பப்பிரிவில் பணியாற்றுவோருக்கும் சிறு இளைப்பாறுதல் கிடைத்திருக்கும். 

கங்கை நதியை தூய்மைப்படுத்த ரூ.2,047 கோடி ஒதுக்கீடு செய்யப்பட்டுள்ளது. “மங்கை சூதகமானால் கங்கையில் மூழ்கலாம் ஆனால் கங்கையே சூதகமானால் எங்கு போய் முழுகுவது” என்பதுதான் புரியவில்லை. பிணங்களை கங்கையில் விடுவது இறந்தவர்களை மோட்சத்துக்கு கொண்டு சேர்க்கும் என்கிற நம்பிக்கை உள்ள இந்து சகோதரர்கள் நிரம்ப வாழும் நாட்டில் – காசியில் எரிறியும் பிணங்களைத் தின்னும் சாமியார்கள் சுற்றித் திரியும் சூழ்நிலையில் அவர்களை ஒரு பகுத்தறிவுப் பாதைக்கு மாற்ற அரசு முயற்சி எடுப்பதுதான் கங்கையை உண்மையிலேயே தூய்மைபடுத்துவதற்கு அச்சாரமாக இருக்க முடியும். பிணங்கள் கங்கையில் விடப்படும்போது அவற்றுடன் சேர்த்து பூமாலைகளும் இறந்தவர்கள் பயன்படுத்திய அல்லது அவர்களுக்கு விருப்பமான ஆடைகள் மற்றும் மெத்தை தலையணை வரை கங்கை நீரில் விடப்படும் நிலை உள்ள வரை கங்கை எப்படி தூய்மையாகுமென்று புரியவில்லை. இதற்கான நடவடிக்கைகளை எடுப்பதைவிட்டுவிட்டு கங்கையையே தூய்மைப் படுத்த என்று ஒரு பெரும் தொகையை எடுத்த எடுப்பிலேயே ஒதுக்கி இருப்பது வியப்பும் வேடிக்கையும் நிறைந்த செயலாகவே தோன்றுகிறது. அருளாதாரம் என்று நம்பும் விசயத்துக்கு பொருளாதாரத்தை பலியிடும் நிகழ்வு இது.

காலமெல்லாம் முழங்கி வந்த நதி நீர் இணைப்பைத் தொடங்குவதற்கு நூறு கோடி மட்டும் ஒதுக்கப்பட்டுள்ளது. இதை ஒரு தொடக்கமாகக் கருதி வரவேற்கலாம். மாநிலங்களுக்கிடையே நிலவும் நதிநீர் வழக்குகள் நீர்த்துப் போகவேண்டுமானால் நாட்டின் நீர்வளம் நாடு முழுதும் பகிர்ந்தளிக்கப்படவேண்டும். வாஜ்பாய் அவர்களின் காலத்திலேயே எடுத்துவைக்கபட்ட இதற்கான முதல் முயற்சியின் அடிகள், “வளர்ச்சியின் நாயகன் ” காலத்தில் தடைகளைக் கடந்து நிறைவேற்றப்பட்டால் வரலாறு அதனை வாழ்த்தும். வருங்கால பட்ஜெட்டில் இதற்கான முன்னெடுப்பு தீவிரமாக இருக்குமென்று நமது நம்பிக்கையை இப்போது பதிவு செய்வோம்.

நெடுஞ்சாலைகள் வளர்ச்சியை கனிவுடன் பார்ப்பது, நேரடி வரிகளை அதிகம் போட்டுத் தாக்காதது ஆகியவை இந்த நிதிநிலை அறிக்கையில் உண்மையிலேயே வரவேற்க வேண்டிய அம்சங்கள்தான். எல் இ டி டிவிக்களின் பிக்சர் ட்யூப் போன்ற சில உபரிப் பொருட்களுக்கான இறக்குமதி வரிகளைக் குறைத்திருப்பதும் பாராட்டத் தக்கதுதான். இதனால் உள்நாட்டு உற்பத்திகள் உயர வாய்ப்புண்டு. 

சேமிப்புகளுக்கு ஊக்கம் தரும் விதத்தில் சில அறிவிப்புகள் வந்துள்ளன. உதாரணமாக, முதலீட்டாளர்களின் நம்பிக்கையை அதிகரிக்கும் வகையில், முன்தேதியிட்டு வரிகள் விதிப்பதில்லை என்கிற முடிவை குறிப்பிடலாம். அத்துடன் அத்தகைய ஊக்கங்களின் நோக்கம் சேமிப்புகளை பங்குச் சந்தைகளை நோக்கி திருப்பி விடுவதாக இருக்கலாம் என்கிற தோற்றம் கிழக்கே சூரியன் உதிப்பது போல் உதித்திருப்பதாகத் தோன்றுகிறது. இதுவும் ஒரு நல்ல அம்சம்தான். இதனால் அடுக்குப் பானைகளில் தஞ்சம் புகுந்துள்ள சேமிப்புகள் கூட பங்குச் சந்தைகளுக்கு வர வாய்ப்பும் சேமிப்புகளுக்கு ஒரு புதிய பரிணாம வளர்ச்சியும் ஏற்பட வாய்ப்புண்டு. 

எல்லா நகர கிராமங்களில் உள்ள வீடுகளுக்கும் தடையில்லாத மின்சாரம் தரப்படும் என்றும் இதற்கான கால அளவையும் 2019 ஆம் ஆண்டுக்குள் என்றும் சொல்லபட்டிருப்பது- இதை நாங்கள் செய்யபோகிறோம் ஆனால் இப்போதுள்ள சூழ்நிலையில் இதைக் கேட்காதீர்கள் ஐந்தாண்டுகாலம் அவகாசம் தாருங்கள் என்று கேட்டிருப்பது அடுத்த தேர்தலையும் மனதில் வைத்தே என்று எண்ணத் தோன்றினாலும் நோக்கம் நல்ல நோக்கம் என்று பாராட்டலாம். அத போல் வீட்டுக்கு வீடு கழிப்பறை வசதிகள் விசயத்திலும் அரசு மேற்கொண்டுள்ள நிலையையும் வரவேற்கலாம். ஆனால் இதற்கான செயல் திட்டங்கள் எதையும் குறிப்பிடாமல் விட்டிருப்பது நாம் ஏற்கனவே கூறியிருப்பதுபோல் ஜிகினா வேலையோ என்று சந்தேகிக்கவும் வைக்கிறது.

காங்கிரஸ் ஆட்சியில் அவர்கள் என்ன சாதனைகளைச் செய்தார்கள் என்று ஒரு கேள்வி எழுப்பபட்டால் அவர்கள் தரும் சாதனைப் பட்டியலில் முதலில் இருப்பது நூறுநாள் வேலை வாய்ப்பு என்பதுதான். ஆனால் நடை முறையில் இந்தத் திட்டம் அரசின் நிதிவளத்தை ஆக்கபூர்வமான விஷயத்துக்கு அல்லாமல் சும்மா அள்ளிவிட்ட கதையாகவே இருந்தது. செய்யப்பட்ட செலவுக்கும் அதனால் விளைந்த பயனுக்கும் நிறைய வித்தியாசம் இருந்தது. ஆனால் இப்போது திரு அருண் ஜெட்லி ஒரு உருப்படியான திட்டத்தை முன் வைத்து இருக்கிறார் . இதற்காக அவரைப் பாராட்டலாம். 

காரணம் இந்த வலை தளத்தில் விளை நிலங்களைப் பற்றிய ஒரு பதிவை நாம் எழுதிய போது நூறு நாள் வேலைத் திட்டத்தை விவசாய நிலங்களின் மேம்பாட்டுக்கு பயன்படுத்த வேண்டுமென்று கேட்டிருந்தோம். இப்போது அருண் ஜெட்லி இப்போது நூறுநாள் வேலைத்திட்டத்தை விவசாயத்துடன் இணைத்து இருக்கிறார். இது செயல்பாட்டுக்கு வந்தால் மிகுந்த பயனளிப்பதாக இருக்கும். இவ்வளவு நாள் நூறுநாள் வேலை என்று வருகிற கூலித் தொழிலாளர்கள் கூடையைக் கவிழ்த்துப் போட்டுவிட்டு காட்டுக் கருவைச் செடிகளின் நிழலில் அமர்ந்து வெற்றிலை பாக்கு போட்டுவிட்டுப் போய்க் கொண்டு இருந்தார்கள். இந்த மனித உழைப்பை விவசாயத்துடன் இணைத்திருப்பதற்கு மிகப் பெரிய பாராட்டை வழங்கலாம். 

காப்பீட்டுத்துறை, நாட்டின் பாதுகாப்புத்துறை ஆகியவற்றில் நேரடி அந்நிய முதலீடுகளை வரவேற்று அனுமதி அளித்திருப்பது அடிப்படையில் அரசியல்வாதிகளின் கருப்பை வெள்ளையாக்கும் நடவடிக்கையைச் சார்ந்திருக்கும் என்கிற சந்தேகத்தை கிளப்புகிறது. அவ்வாறு வரும் முதலீடுகளை அரசு எவ்வாறு கையாளப் போகிறது, கட்டுப்பாட்டில் வைத்திருக்கப் போகிறது முதலீடு செய்பவர்களின் வாரிச்சுருட்டும் இலாப நோக்கை எப்படி வகைப் படுத்தப் போகிறது ஆகிய அம்சங்களைப் பொறுத்தே இந்த சோதனை ஓட்டத்தின் வெற்றி தோல்வி நிர்ணயிக்கப்படும். 

நேரடி அந்நிய முதலீடுகளுக்கு அளிக்கப்பட்ட முக்கியத்துவம் பொதுத்துறை நிறுவனங்களில் – நவரத்னா எனப்படும் வெற்றிப் பாதையில் இயங்கும் பொதுத்துறை நிறுவனங்களில் உள்நாட்டின் தனியார் முதலீடுகளைப் பற்றி இந்த நிதிநிலை அறிக்கையில் ஒன்றுமே குறிப்பிடப்படவில்லை. அதே போல பெரிதும் எதிர்பார்க்கப்பட்ட விலைவாசிக் குறைப்பு , டாலருக்கு எதிரான இந்திய ரூபாயின் மதிப்பைக் கூட்டுவதற்கான திட்டங்கள், உற்பத்தி ஊக்குவிப்பு, ஏற்றுமதிகள் ஊக்குவிப்பு, இறக்குமதிக் குறைப்பு ஆகியவை பற்றியும் நிதியமைச்சர் தொட்டுச் சொல்கிறாரே தவிர எதிலும் பட்டுக் கொள்ளவில்லை. 

அதே போல், கறுப்புப் பணப் பிரச்னை எவ்வாறு நாட்டி உலுக்குகிறதோ அதே போல் பெரிய நிறுவனங்கள் பொதுத்துறை வங்கிகளிடமிருந்து கடனாக வாங்கிவிட்டு திருப்பிச் செலுத்தாத வாராக்கடன் , வரிகளின் நிலுவைகள், ஆகியவைகளை வசூலிக்க இந்த அரசு என்ன செய்யபபோகிறது என்ற கேள்விக்கு இந்த பட்ஜெட்டிலும் விடையில்லை. இதற்கு முன்பு காங்கிரஸ் அரசு போட்ட பட்ஜெட்டுகளிலும் விடை இல்லை. கார்பரேட் கம்பெனிகளுக்கு வரிச் சலுகைகள், அவர்களின் வரிஎப்புகளைக் கண்டு கொள்ளாமல் இருப்பது போன்ற காரியங்களில் இவ்விரு கட்சிகளுக்கும் இடையே “ உள்ளடி வேலை” – எழுதப் படாத ஒப்பந்தம் இருப்பதை இந்த பட்ஜெட் இன்னும் உறுதி செய்கிறது. ஆட்சிகள் மாறினாலும் இது போன்ற காரியங்களை எந்த அரசையும் செய்ய விடாமல் தடுக்கும் சக்திகள் எவை என்பதை சாமான்ய மக்கள் புரிந்து கொள்ள வேண்டும். 

நமது முக்கியக் கவலை விவசாய உற்பத்தி- பொய்த்துப் போன பருவ மழை- ஆகிய பிரச்னைகளைக் கையாள இந்த அரசின் செய்லதிட்டம் எதுவும் அறிக்கையில் இல்லை. விவசாய மான்யங்களைக் குறைப்போம் என்கிற பேச்சு விவசாயிகளை அதிர்வடையச் செய்து இருக்கிறது. உரம் மற்றும் விவசாயம் சார்ந்த இடுபொருள்களுக்கான மானியங்களை உயர்த்திவழங்கி இருக்க வேண்டும். காரணம் பருவமழை காலை வாரிவிட்ட நிலையில் ஊக்கத்துடன் ஒரு விவசாயி தனது பணிகளை மேற்கொள்ள அரசாங்கம் அவனுக்கு ஆதரவளிக்க வேண்டும். இதற்கான அடையாளங்கள் பட்ஜெட்டில் இல்லை. ஆனால் எட்டு இலட்சம் கோடி விவசாயக் கடன் வழங்கவும் , கடன்களை ஒழுங்கான தவணையில் திருப்பிச் செலுத்துவோருக்கு மூன்று சதவீதம் ஊக்கத்தொகை தருவதும் நல்ல ஆரம்பம் என்றே சொல்ல வேண்டும்.

தமிழ்நாடு உள்பட அனைத்து மாநிலங்களிலும் எய்ம்ஸ்-க்கு (All India Institute of Medical Science) இணையான மருத்துவமனை அமைக்கப்படும், 15 இடங்களில் ஊரக சுகாதார ஆராய்ச்சி மையங்கள் அமைக்கப்படும் உள்ளிட்ட அறிவிப்புகள் வரவேற்கத்தக்கவை. தூத்துக்குடி துறைமுகத்தில் அவுட்டர் துறைமுகம் அமைக்க வந்துள்ள அறிவிப்பை தமிழராக நாம் வரவேற்கவே வேண்டும். சூரிய மின்சக்தி உற்பத்திக்கு, தமிழகத்துக்கும் சேர்த்து ரூ.500 கோடி ஒதுக்கீடு செய்துள்ளதும் நம்மைப் புன்முறுவல் பூக்க வைக்கும். . 

அரசின் வருவாயை அதிகரிக்க மாற்று வழிகள் ஆராயப்படும் என்பதும், 2015-16-ஆம் நிதியாண்டில், நிதிப் பற்றாக்குறையை 3.6 சதவிகிதமாக குறைக்க இலக்கு நிர்ணயிக்கப்படும் என்ற அறிவிப்புகளும் வரவேற்கத்தக்கது. 

கிராமங்களில் அகன்ற வலை வரிசை இன்டர்நெட் அமைப்புகள், விவசாயிகளுக்காக தனியாக கிசான் டிவி ஆகியவையும் வரவேற்புக்குரியவை. டிவி அலைவரிசையை, ஆளும் கட்சி தனது அரசியல் நோக்கத்துக்காகப் பயன்படுத்தாமல் நவீன விவசாய யுக்திகளை விவசாயிகளுக்கு பயிற்றுவிற்பதற்காகப் பயன்படுத்தினால் உண்மையில் வெற்றியே. இதில் பயிற்று மொழி சர்ச்சை வரவும் வாய்ப்புண்டு. தமிழக விவசாயிகளிடம் சாவல் சாவல் என்றால் அவர்களுக்கு அது அரிசி என்று தெரியாது. கூவும் சேவலைத்தான் அவர்களுக்குத் தெரியும். 

மொத்தத்தில், ப.சிதம்பரம் பெற்றுப் போட்ட குறைப் பிரசவக் குழந்தைக்கு டெக்ஸ்ட்ரோஸ் ( DEXTROSE) டிரிப் ஏற்றி, பொட்டும் பூவும் வைத்து , பவுடர் பூசி பெற்றவளின் பெயர் மாற்றி பிறந்திருக்கிறது இந்த பட்ஜெட் குழந்தை. ஆகவே, இது ஒரு கலப்பு சித்தாந்தங்களின் பட்ஜெட். ஆனால் முதலாளிகளை மட்டும் காப்பாற்றும் விதத்தில் கவனமாக தயாரிக்கப்பட்டிருக்கிறது. இந்தக் குழந்தையைப் பெறுவதில் மன்மோகன் சிங் மற்று ப. சிதம்பரத்தின் ஆகியோரின் பங்களிப்பே அதிகம். இனி பிறக்கபோகும் குழந்தைகள்தான் நரேந்திரமோடிக்கும் அருண் ஜெட்லிக்கும் உண்மையாகப் பிறக்க இருக்கும் குழந்தைகள். அந்தக் குழந்தைகள் பிறந்து வளர்ந்து நடை போடுவதைப் பார்த்த பின்னர் வெளிவரும் விமர்சனங்களே வக்கனையாகவும் பொருத்தமாகவும் இருக்கும். 

இபுராஹீம் அன்சாரி

அதிரை வர்த்தக - கலாச்சார பொருட்காட்சி மற்றும் திருவிழா முதல் நாள் - ஓர் அலசல் 59

அஸ்ஸலாமு அலைக்கும் (வரஹ்)

அதிரையில் வர்த்தக & கலாச்சார பொருட்காட்சி மற்றும் திருவிழா சீறும் சிறப்புமாக(!!!) நடைபெற்று வருகிறது அனைவரும் அறிந்ததே.

பொருட்காட்சிகள், மற்றும் குழந்தைகளுக்கான பொழுதுபோக்கு விளையாட்டுகள் வரவேற்கத்தக்கவை. மேலும் ஷிர்க்கை ஏற்படுத்தக்கூடிய கந்தூரியையும் அதனை தொடர்ந்த அனாச்சாரங்களையும் ஒழிப்பதற்காக இஸ்லாமிய வரம்பிற்குட்பட்ட ஓர் மாற்று ஏற்பாடு என்ற நோக்கமாக இருந்தால் வரவேற்கத்தக்கது, பாராட்டுதற்குரியது. 

அதே சமயம், கந்தூரி ஷிர்க் அதனை தொடர்ந்த அனாச்சாரங்கள் போன்றவற்றை ஒழிப்பதற்கு இன்னொரு சமூக சமுதாய சீர்கேடுகளான இன்னிசை கலை நிகழ்ச்சி, இசை, ஆட்டம் பாட்டம், இரட்டை அர்த்தமுள்ள உரையாடல்கள் & பாடல்கள், அதிலும் ஆண் பெண் ஒருசேர கலந்த பார்வையாளர்கள் கூட்டம் மேலும் இதன் மூலம் ஏற்படக்கூடிய தேவையற்ற அசாதாரண சூழ்நிலை இவை அனைத்தையும் எண்ணி பார்த்தால் கந்தூரியில் நடக்கும் அனாச்சாரங்களுக்கும் இங்கு நடக்கும் செயல்களுக்கும் வித்தியாசம் ஒன்றுமில்லை. மேலும், வெடி வெடிக்கப்பட்டு பணத்தை வீண் விரையம் செய்யாமல், அதை மற்ற நல்வழிகளான இஸ்லாமிய அழைப்பு பணி, ஷிர்க் மற்றும் பித்'அத் ஒழிப்பு பிரசுரங்கள் வெளியிட்டால் இதை காண வரும் அனைவரும் பயனடைவார்கள்.

மிக முக்கியமாக, இந்நிசை நிகழ்ச்சியின் மேடையில் (நேற்று முன் தினம்) 28.04.2013 முதல் நாள் இரவு அரங்கேற்றிய நிகழ்ச்சியொன்றில் அருவருக்கத்தக்க வார்த்தைகளால் கூட வெளிப்படுத்த முடியாத இரட்டை அர்த்தமுள்ள கலந்துரையாடல்களும் நிகழ்த்தப்பட்டது. ஆண் பெண் ஒருசேர கலந்துகொண்டு இந்நிகழ்ச்சியை காணும்போது ஏற்படும் வீண் விபரீதங்களுக்கு நாளை மறுமையில் அல்லாஹ்விடம் பதில் சொல்லியாக வேண்டும்.

இத்திருவிழாவிற்காக, ஊரில் தினமும் ஆட்டோ விளம்பரம் செய்யப்படுகிறது, அதில் அன்றைய தினம் எந்த திரையுலக பாடகர் மற்றும் பாடகி கலந்துகொண்டு பாட இருக்கிறார் என்றும் மேலும் அந்த நிகழ்ச்சியில் பார்வையாளர்களும் சேர்ந்து பாடலாம் என்றும் விளம்பரம் செய்யப்பட்டு அழைக்கப்படுகிறார்கள்.

இந்த அதிரை வர்த்தக & கலாச்சார திருவிழா ஏற்பாட்டளர்களின் நோக்கம் சேவை மனப்பான்மையாக தெரியவில்லை, இலாப நோக்கத்திற்காக எற்பாடு செய்யப்படுகின்ற இதுபோன்ற நிகழ்ச்சிகள் இஸ்லாமியர்களால் அதிலும் கந்தூரிகளுக்கு மாற்றமாக என்று மக்களிடம் பரப்பி கந்துரி நிகழ்ச்சிகளையே விஞ்சும் அளவிற்கு அனாச்சாரங்களை அரங்கேற்றுவது எவ்வகையில் நியாயம்.

மேலும், அவசிய தேவைகளை தவிர பெண்களை இதுபோன்ற காரியங்களுக்கு வெளியில் அழைப்பது திருமறையின் வரிகளுக்கு மாற்றமாகும். அல்லாஹ் திருமறையில் கூறுகிறான்;

(நபியின் மனைவிகளே!) நீங்கள் உங்கள் வீடுகளிலேயே தங்கியிருங்கள்; முன்னர் அஞ்ஞான காலத்தில் (பெண்கள்) திரிந்து கொண்டிருந்ததைப் போல் நீங்கள் திரியாதீர்கள்; தொழுகையை முறைப்படி உறுதியுடன் கடைப்பிடித்து தொழுங்கள்; ஜகாத்தும் கொடுத்து வாருங்கள். அல்லாஹ்வுக்கும், அவனுடைய தூதருக்கும் கீழ்படியுங்கள்; (நபியின்) வீட்டையுடையவர்களே! உங்களை விட்டும் அசுத்தங்களை நீக்கி, உங்களை முற்றிலும் பரிசுத்தமாக்கிவிடவே அல்லாஹ் நாடுகிறான். (அல் குர்ஆன்: 33:33)

பணத்திற்காக நம் பண்பாடு கலாச்சாரம் அனைத்தையும் அடகு வைத்துவிட்டு பொருட்காட்சி என்ற பெயரில் அதனோடு சேர்த்து மேலே குறிப்பிட்ட இஸ்லாத்திற்கு விரோதமான காரியங்களை அரங்கேற்றும் இந்நிகழ்சியின் ஏற்பாட்டாளர்கள் அல்லாஹ்விற்கு அஞ்சிக் கொள்ளவேண்டும்.

குற்றம் பிடிப்பது நமது நோக்கமல்ல. அதே சமயம் தவறுகளை சுட்டிக்காட்டி அதை சரிகாண வேண்டும் என்ற நல்ல நோக்கத்தில் இடப்படுகின்ற இந்த ஆக்கம் நல்லதை ஏவி தீமையை தடுக்கவேண்டும் என்ற இறை மறையின் கூற்றிற்கு இணங்க எழுதப்பட்டது.

இதில் ஏற்பாட்டாளர்கள் கவனிக்கவேண்டியது என்னவெனில், இசை மற்றும் அனாச்சாரக் கலை நிகழ்ச்சிகள் இல்லாமல் நடத்தினாலும் இந்த பொருட்காட்சி நிச்சயம் வெற்றிபெறும் என்பதுதான்.  ஆதாரமாக, குர் ஆன் மாநாடுகளுக்கு வரும் கூட்டத்தையும் வர்த்தக மையங்களுக்குச் செல்லும் மக்களின் எண்ணிக்கையையும் சொல்லலாம்.  அநாச்சாரங்களுக்குச் செலவு செய்யும் பணமும் மிஞ்சும், வருபவர்கள் கவனம் சிதறாமல் வாங்குவதில் மும்முரமாவதால் வியாபார நோக்கமும் விருத்தியாகும்.

குறிப்பு: அதிரையிலிருந்து சகோதரர்கள் பகிர்ந்து கொண்ட காணொளி காட்சிகள் உங்களின் பார்வைக்காக.

மேலும் விபரங்கள் (இன்ஷா அல்லாஹ்) விரைவில்...

அதிரைநிருபர் பதிப்பகம்

விதை ! 13

"என்னங்க இது சின்னபுள்ளத்தனமா இருக்கு?"

நண்பர் ஒருவர் என்னைப்பார்த்து கேட்ட கேள்விதாங்க இது. எதற்கு தெரியுமா?

என்னுடைய மொபைல் போனை வாங்கியவர், அதிலுள்ள வீடியோக்களைப் பார்த்துவிட்டு ஆச்சரியமோ அல்லது அதிர்ச்சியிலோ(!) சொன்ன வார்த்தைதான் அது.

என்ன புதிராயிருக்கா? அவர் சொன்னதை கேளுங்களேன், 

"என்னதான் புள்ளைங்க மேல பாசமாயிருந்தாலும் ....அதுக்குன்னு இப்படியா சின்னப்பிள்ளைங்க மாதிரி....."

விஷயத்திற்கு வருகிறேன், நண்பர் என் மொபைல் போனை வாங்கியதும் அதில் ஏதும் திரைப்பாடல்களையோ அல்லது படங்களையோ தேடிஇருக்கக்கூடும் என்று நினைக்கிறேன். இன்றைக்கு இது ஒரு சாதாரண விஷயமாகத்தானிருக்கிறது ஆனால் நண்பருக்கு என் மொபைல் போனில் காணக்கிடைத்ததோ சிறுவர்களுக்கான நல்லொழுக்கம் பற்றிய  'அனிமேஷன்' படம் மற்றும் பாடல்கள். இது மேலோட்டமாக பார்க்கும்போது நண்பர் சொன்னது போலவே 'சிறுபிள்ளைத்தனமாக'த்தான் தோன்றும்.

ஆனால், 

நண்பர்களை விட அதிக உரிமையுடன் நம் மொபைல் போனை ஆராய்பவர்கள் இல்லை இல்லை ஆள்பவர்கள் நமது பிள்ளைகள்தானே? 

'சட்டியில் இருப்பதுதானே அகப்பையில் வரும்' என்பார்கள். அதுபோல நம்மிடம் என்ன உள்ளீடு இருக்கிறதோ அவைதானே நம்மை பார்த்து வளரும் நமது பிள்ளைகளின் முன்பருவ காலத்தில் எதிரொலிக்கும். அவைதானே விதையாய் விழுந்து விருட்சமாய் மாறும்.

முன்னொரு காலத்தில் (இன்று அப்படி சொல்ல வேண்டிய நிலை) சினிமா என்பது பொழுதுபோக்கிற்காகவும், திரைப்பாடல்களின் வார்த்தைகள் மனசாட்சி கொண்ட கவிஞர்களால் அதிகம் எழுதப்பட்டும், வசனங்களில் விஞ்சிநிற்கும் மொழிஆளுமை கையாளப்பட்டும், காட்சிகளில் பண்பாட்டின் அக்கறை போர்த்தப்பட்டும் வெளிவந்தது . இன்று நிலை எப்படியுள்ளது என்பதை விபரமாக எழுதவேண்டியதில்லை; நானறிவேன், நீங்களறிவீர்கள், நாடறியும் ஏன் நாளிதழ்களும் சாட்சி சொல்கின்றன.

எவையெல்லாம் நன்னெறிகள் என்று போதிக்கப்படுகிறதோ அவைகளுக்கு வேட்டு வைப்பவைகளாகத்தான் இன்றைய படங்கள்,   பாடல்கள் உள்ளது. காசுதான் கடவுளென்றும், ஓடிப்போய் கல்யாணம் செய்வது தவறில்லை மதுதான் சோகத்திற்கு மருந்து  என்றும் திட்டமிட்டு  புதுவிதிகள் புகுத்தப்படுகின்றன. இந்த முரண்பாடுகளைப் சிறுபிள்ளைகள் அறியாமலேயே  பாடல்களாக மனப்பாடம் செய்கிறார்கள் பின்னாளில் பொருளறியும் போது நன்னெறிகளுக்கு முரண்பட்டு வாழ்கையில் பிறழ்ந்திருப்பார்கள். இல்லை  பிறழச்செய்கிறார்கள். அநேக பெற்றோர்கள் தன் குழந்தை பாடும்  இதுபோன்ற விஷமூட்டும் பாடல்களை ரசிப்பதோடு மட்டுமல்லாமல் நண்பர்கள் உறவினர்கள் முன்னிலையில் பாடச்செய்து மகிழ்கின்றனர். பகிரங்கமாக அங்கீகரிக்கின்றனர்.

பாடபுத்தகத்தின் நடுவே பாட்டு புத்தகத்தை மறைத்து வைத்திருந்து ஆசிரியரிடமோ அல்லது அப்பாவிடமோ மாட்டிக்கொண்டால் பெருங்குற்றம் புரிந்தவன் போல தடுமாறுவதும், அவர்களின் வசைப்பாட்டை வாங்கிக்கொள்வதுமான காலம் காலமாகிவிட்டது.

இன்று வன்முறை, ஆபாசம், தரக்குறைவான நகைச்சுவை, மது, புகை  இவையெல்லாமே தவறில்லை என்றும் ஒப்புக்கொள்ளப்பட்ட குற்றங்கள் என்றும் சமூகத்தில் விதைக்கப்படுகிறது. 

சமீபத்திய ஆய்வு ஒன்றில் 90 சதவீத திரைப்படங்களில் 68 சதவீத வீடியோ விளையாட்டில் 60 சதவீத தொலைக்காட்சி நிகழ்ச்சிகளில் மற்றும் 15 சதவீத இசை ஆல்பங்களிலும் வன்முறை மற்றும் ஆபாசங்கள் தலைவிரித்து ஆடுகிறது என கணிக்கப்பட்டுள்ளது. மேலும்  இதுபோன்ற உள்ளீடுகனின் விளைவு எதிகால சந்ததியினரை சமூக அக்கறையற்றவர்களாகவும் சமூகத்திற்கெதிராக குற்றம் புரிவோராகவும்  மாற்றிவிடுகிறது என்றும் கண்டித்துள்ளனர் 

மேலைநாடுகளில் காலத்திற்கேற்ப திரைப்படங்கள், தொலைக்காட்சி நிகழ்ச்சிகள் போன்றவைகளுக்கு மதிப்பீடு போடப்படுகிறது. இது எந்த வயதினருக்கு பொருத்தமானது? சிறுவர்கள் மட்டும் காணக்கூடியதா? பெற்றோரின் வழிகாட்டுதலுடன் காணக்கூடியதா? என்று தரம் பிரித்து மதிப்பிடப்படுகிறது. உதாரணத்திற்கு ஒரு தொலைக்காட்சி நிகழ்ச்சி என்று வைத்துக்கொள்வோம்.

அதில் இடம்பெறும் காட்சிகளில் ஆபாசம், வன்முறை, கொலை, மது, புகை மற்றும் போதை போன்றவைகள் இடம்பெறாதிருக்குமாயின் அந்த நிகழ்ச்சிக்கு அல்லது படத்திற்கு "G" அதாவது General Audiences - குழந்தைகள் உட்பட அனைத்து தரப்பு  பார்வையாளருக்கும் உகந்தது என்று மதிப்பிடப்படுகிறது.இதுபோல "PG" Parental Guidance Suggested பெற்றோர் அணுசரனையுடன் காண உகந்தது அல்லது பெற்றோர் பார்த்துவிட்டு இது பிள்ளைகளுக்கு பரவாயில்லை என்று  பரிந்துரைக்கக்கூடியது. 

அடுத்து  "PG-13" - Parents Strongly Cautioned இப்படி ஒரு தரம். இது 13 வயது பூர்த்தியடையாதவர்கள் பார்க்க  கண்டிப்பாக அனுமதியில்லை. இந்த தரமுத்திரை இடப்பட்ட படங்களில் ஆபாசம் ,வன்முறை,மது,புகை,போதை மற்றும் அருவருப்பான சொல்லாடல்கள் இருக்கும். (கிட்டத்தட்ட நம்மூர் 'குடும்ப' படமென்று சொல்லி வெளிவரும் படங்கள் போல - நமது தணிக்கைத்துறை தாராளமாய் அனுமதிக்கும் படங்கள்). இன்னும் R - Restricted என்றொரு மதிப்பீடு. இது 17 வயதுக்குட்பட்டவர்கள் கண்டிப்பாக பெற்றோர் அல்லது பெரியோர்களுடன் பார்க்க அனுமதிக்கப்படுவார்கள்  மேலும் இந்த மதிப்பீடிட்ட படங்களை குழந்தைகள் மற்றும் சிறுவர்களுக்கு காண்பிக்க வேண்டாம் என்று அறிவுறுத்தவும் செய்கிறார்கள்.

எல்லா அக்கிரமங்களும் அநியாயங்களும், தடித்த வார்த்தைப் பிரயோகங்களும் நிரந்த படங்களுக்கு NC -17 No one 17 and under Admitted. அதாவது 18 வயதிற்கு கீழுள்ளோரை ஒருபோதும் அனுமதிக்கவே வேண்டாம் என்ற மதிப்பீடு.

நம்நாட்டில் சினிமா காலடி எடுத்துவைத்தது 1896ம் ஆண்டு. ஆனால் திரைப்படங்களுக்கான மதிப்பீட்டினை நிர்ணயிக்க சென்சார் போர்டு எனும் தணிக்கைத்துறை நிறுவப்பட்டது எப்போது தெரியுமா? நாடு சுதந்திரமடைந்து ஏழு ஆண்டுகளுக்குப் பிறகு 1952ம் ஆண்டு தான். அன்று நிர்ணயிக்கப்பட்ட மதிப்பீடு இவ்வாறு உள்ளது:-

U - Unrestricted - 4 வயது குழந்தை முதல் அனைவரும் எந்த தடையுமின்றி பார்க்கலாம்;

A - Adults only - 18 வயது மற்றும் மேற்பட்டோர் பார்க்கலாம் (இது மேலைநாடுகளில் உள்ள R க்கு நிகரானதாம்!) அதன்பின் 30 ஆண்டுகள் கழித்து 1983ம் ஆண்டு,

UA - Under Adult Guidance - 12 வயதிற்குட்பட்ட குழந்தைகள் பெற்றோர் அல்லது பெரியோர்களின் துணையுடன் பார்க்கலாம்; (இது மேலைநாடுகளில் உள்ள PG -13க்கு நிகரானதாம்!)

S -Specialised Audience - சில சிறப்பு பார்வையாளர்கள் அதாவது மருத்துவர்கள் போன்ற நிபுணர்களுக்கான பிரத்யேகமான படங்கள் என சில சட்டதிருத்தங்கள் செய்யப்பட்டதோடு நின்றுவிட்டது. சரி, இவையெல்லாம் மேற்சொன்ன அக்கறையுடன் தயாரிக்கப்பட்ட அந்தக்காலத் திரைப்படங்களுக்கு வேண்டுமானால் பொருந்தியிருக்கலாம். ஆனால் அதற்கு பிறகு எந்த சமூக அக்கறையுமின்றி இலாப நோக்கில்  தயாரிக்கப்படும்  இன்றைய திரைப்படங்களுக்கு முப்பது ஆண்டுகளுக்கு முன் நிர்ணயித்த அதே மதிப்பீட்டு அளவுகோல்களும், திரைக்கு வந்து சில மாதங்களே ஆன பின் சின்னத்திரை வழியாக வீட்டிற்குள் நுழைந்து அனைத்து வயதினரின் முன்பாக வரும்போது எந்த மதிப்பீடு கண்காணிக்கிறது என்பதும் இன்றளவும் கேள்விக்குறியே.

மிகவேகமாக மக்களைச் சென்றடையும் ஊடகத்தினை சரியான நெறிமுறைகளுக்கு உட்படுத்தத் தவறியாதால் பெருகும் குற்றங்கள்தான் இமயம் தொட்டிருக்கிறது.

”அனைத்து சமூக குற்றங்களுக்கும் காரணம் சினிமா”, என மதுரை ஐகோர்ட் கிளையில் நடந்த வழக்கு விசாரணையின் போது நீதிபதி வேதனை தெரிவித்தார். - இது 2010ம் ஆண்டு செய்தி.

இந்திய உள்துறை அமைச்சகத்தின் தேசிய குற்ற ஆவணக் காப்பக மையம்,1953ம் ஆண்டில் நாட்டில் பதிவான குற்றங்கள் எண்ணிக்கையையும் அதேபோல் 2011ம் ஆண்டில் பதிவான குற்றங்களின் எண்ணிக்கையையும் ஒப்பிட்டு  வளர்ச்சியினை(!) பட்டியலிட்டுத் தரும் விகிதாச்சாரமோ கதிகலங்க வைக்கிறது.

கொலைக்குற்றம் - 250%, கற்பழிப்பு - 873%, ஆட்கடத்தல் - 749%, வழிப்பறி - 194% மற்றும் சமூக வன்முறை - 234% ஆக மொத்த குற்றங்களின் வளர்ச்சி 286% வளர்ந்திருப்பதாக புள்ளிவிபரம் அலறுகிறது.

விழித்துகொண்டு வழிசொல்ல வேண்டிய தணிக்கைத்துறை உறங்கிக்கொண்டிருக்கிறதே.....

விதியென்று சொல்லிக் கொண்டிராமல் நாம் இனி செய்ய வேண்டியதென்ன?

விபரீதங்களை விளையாட்டாய் பார்க்கிறோமே..... விளங்கி அவற்றிற்கு விலங்கிடுவது எப்போது??

விருட்சங்களுக்கான விதை இங்கே; விதைப்பவர் எங்கே???

புதுசுரபி

சில்லறை வணிகத்தில் நேரடி அந்நிய முதலீடு :: அலசல் 20

இந்தியப் பொருளாதாரத்துக்கு விலங்கா? சிறகா ?- ஒர் அலசல் !

பல பொருளாதார மேதைகளை தன்னகத்தே கொண்டுள்ள இந்தியாவின் மத்திய அமைச்சரவை அண்மையில் சில்லறை வர்த்தகம், விமானப் போக்குவரத்து, தொலைதொடர்பு , மின்சாரம் ஆகிய துறைகளில் அந்நிய நாடுகளிலிருந்து  நேரடி (FDI) முதலீடுகளை அனுமதித்து இருக்கிறது. விமானப் போக்குவரத்து, தொலை தொடர்பு, மின்சாரம் ஆகிய துறைகளில் இந்த நடவடிக்கை எடுக்கப்பட்டிருப்பதற்கு நாட்டில் பெரும் எதிர்ப்பு அலை எழவில்லை. ஆனால் சில்லறை வணிகத்திலும் அந்நிய நேரடிமுதலீட்டை அனுமதிப்பதற்கு பெரும் எதிர்ப்பலை உருவாக்கி இருக்கிறது.   சில்லறை வர்த்தகம் என்பது சிறு சிறு வணிகர்கள், தங்களின் சிறு தொகை முதலீடுகளைக்கொண்டு சக்திக்கு ஏற்றப்படி நாட்டின் சிறு கிராமங்களில் கூட  நடத்தி வருகிற வர்த்தக அமைப்புகள்- கடைகள்- ஏஜென்சிகள்  என்கிற  காரப்பொடிகளையும் கத்தாளம் பொடிகளையும் பெரும்  முதலீடு மற்றும் நிர்வாக அமைப்புகளுடன் படை எடுத்து வரும் கார்பரேட் திமிங்கலங்கள் விழுங்கி ஏப்பம் விட்டுவிடும் என்பதே பொதுவான அச்சம். இந்த அச்சத்துக்கு  முக்கியக் காரணம்- அடிப்படைக் காரணம் குறி வைக்கப்பட்டிருப்பது மக்களோடு ஒன்றிப்போயிருக்கும்  சிறு வணிகம் ஆகும்.  அதை குறி வைத்து விழுங்க வருவது பெரும் பன்னாட்டு நிறுவனங்கள். எறும்பை குறிவைப்பது யானை. இதை முதலில் புரிந்து கொண்டால் இந்த தலைப்பை விளக்குவதில் அல்லது விளங்குவதில் சிரமம் இருக்காது.   

முதலில் இப்படி சில்லறை வர்த்தகத்தில் நேரடி முதலீட்டை அனுமதிக்க தாங்கள் எடுத்த முடிவுக்கு சாதகமாக நமது நாட்டின் பிரதமர் கூறுகிற சில வாதங்கள் அத்துடன் மத்திய அரசு பத்திரிகைகளில் தனது முடிவுக்கு ஆதரவாக பக்கம் பக்கமாக விளம்பரங்கள் கொடுத்து தனது முடிவுக்கு ஆதரவு தேடுகிறது.  அரசு கூறும் சாதகங்களையும் அது குறித்து பொருளாதார வல்லுனர்களின் எதிர் வாதங்களையும் இங்கே குறிப்பிடுகிறேன். 

அதற்கு முன் அதிரை நிருபர் தளத்தில் கடந்த சில மாதங்களுக்கு முன்பாக நான் எழுதி இருந்த “அந்நிய முதலீடும் அன்னியர் முதலீடும்” ( 24/02/2012)  என்ற தலைப்பிட்ட ஆக்கத்தை கொஞ்சம் ஊறுகாய் போல் தொட்டுக்கொண்டால் இந்த சுடு கஞ்சி தொண்டையில் இறங்க உதவியாய் இருக்கலாம். 

ஆரம்பமாக,   சில்லறை வணிகத்தில் செய்யப்படும் நேரடி அந்நிய முதலீடுகளில் ஐம்பது சதவீதம் கிராமங்களின் கட்டமைப்பு மற்றும்  பொருளாதார வளர்ச்சிக்கு பயன்படுத்தப்படும் என்று பிரதமர் கூறுகிறார். விவசாய முறைகளின் மேம்பாடு, செய்முறைகள், குளிர்பதன சாதன வசதிகள், உற்பத்திப்பகுதிகளில் இருந்து நேரடியாக இடைத்தரகர்கள் இல்லாமல் விற்பனை செய்யும்  சூப்பர் மார்கெட்டுகளுக்கு செல்லும் வசதிகள், விவசாயிகளுக்கு நல்ல விலை , ஆண்டிற்கு ஒரு     கோடி பேருக்கு வேலைவாய்ப்பு, சிறு, குறு தொழில்கள் வளர்ச்சி, சீனாவைப்போல் நுகர்வோருக்கு குறைந்த விலையில் பொருள்கள் கிடைக்கும் வாய்ப்பு என்றெல்லாம் ஆசை காட்டும் பட்டியல் அரசியல் கட்சிகளின் தேர்தல் அறிக்கைகள் போல்  நீள்கிறது.     

அத்தைக்கு மீசை முளைத்தால் சித்தப்பா என்று கூப்பிடலாம்தான். அரசு தந்திருக்கும் நம்பிக்கை பட்டியல் அத்தைக்கு மீசை முளைப்பது போல்தான்.

முதலாவதாக பண்ணை விவசாயம் என்பது இந்தியாவில் இன்றைக்கு இருக்கும் அமைப்பில் சாத்தியப்படாத ஒன்று. வால்மார்ட், டெக்ஸ்கோ, கேரிபோர் ஆகிய மிகப்பெரும் உலக திமிங்கலங்கள் வெளிநாடுகளில் விவசாய பண்ணைகளில் நேரடியாக மொத்தவிலைக்கு கொள்முதல் செய்கின்றன என்பது உண்மைதான். புலியைப் பார்த்து பூனை சூடு போட்டுக்கொள்வது போல்தான் இந்தக்கதை. வெளிநாடுகளில் அப்படி சூழ்நிலை இருப்பதால் நடைமுறைப்படுத்த முடிகிறது. காரணம் மேல்நாடுகளில் ஒவ்வொரு விவசாயியும் ஆயிரக்கணக்கான ஏக்கர்  நிலங்களுக்கு உரிமையாளராக இருக்கிறார்.  சராசரியாக பிரான்சில் 274 ஏக்கரும், பிரிட்டனில் 432ஏக்கரும் ,கனடாவில் 798 ஏக்கரும் , அமெரிக்காவில் 1089 ஏக்கரும் , ஆஸ்திரேலியாவில் 17975 ஏக்கரும் விவசாயிகள் நிலம் வைத்து இருக்கிறார்கள். இதனால் மொத்த உற்பத்தியும் மொத்த கொள்முதலும் சாத்தியமாகிறது.  

ஆனால் இந்தியாவில் ஒவ்வொரு விவசாயியும் சராசரியாக வைத்திருக்கும் நிலத்தின் அளவு ஐந்து ஏக்கருக்கும் குறைவே. (அதிலும் நெல் விளையும் பூமிகளில் கல் விளைந்து இருக்கிறது.) சராசரி என்றுதான் குறிப்பிட்டேன். நடைமுறையில் ஏழை விவசாயி  வைத்து இருக்கும் நிலத்தில் அளவு ஒன்று அல்லது இரண்டு ஏக்கர்களே. இந்த சிறு துண்டு நிலங்களில்  பண்ணை விவசாயமும், மொத்தக் கொள்முதலும் சாத்தியமே இல்லை. ஆனாலும் முதலீடு செய்யும் அந்நிய நிறுவனங்கள் அதற்காக கை கட்டி இருக்காது. இதற்காக சிறு விவசாயிகளிடம் அவர்கள் வைத்திருக்கும் ஒன்று  இரண்டு ஏக்கர்  நிலங்களையும் ஆசை வார்த்தை கூறி விலைக்கோ அல்லது குத்தகைக்கோ எடுப்பதாக அபகரித்து பெருமபண்ணை விவசாயங்களை தொடங்கும். இயந்திரங்கள் வேலை செய்யும் இதனால் விவ்சாயக் கூலித்தொழிலாளர்கள்  பெருமளவில் வேலை இழக்க வாய்ப்புண்டாகும். விவசாயிகள் தங்களின் சொந்த நிலங்களில் இருந்து வெளியேற்றப்படுவார்கள். பிரதமர் கூறுகிற 50% , அந்நிய முதலீடு கிராமத்தின் வளர்ச்சிக்கு பயன்படுத்தப்படும் என்பதன் உண்மையான பொருள் விவசாயிகளின் வாழ்வாதார நிலங்களை அபகரிக்க இந்த முதலீட்டுப்பணம் உதவும் என்பதே இலைமறை காய்.    

அடுத்ததாக, விவசாய உற்பத்திப் பொருள்கள் குளிரூட்டப்படும் என்று ஒரு ஐஸ் வைக்கப்படுகிறது. குளிரூட்ட மூலதனம் மட்டுமல்ல  மின்சாரமும் தேவை. இப்போதைய கணக்கின்படி  இந்தியாவில் இன்னும் ஐந்தாறு ஆண்டுகளுக்கு பத்து சதவீதத்துக்கு மேலாகவே மின்சார பற்றாக்குறை இருக்கும். எதிர்கால தொழில் திட்டங்கள், மக்கள் தொகை வளர்ச்சி, நகர்ப்புற வளர்ச்சி ஆகியவைகளை கருத்தில் கொண்டு மின்சார உற்பத்தித் திட்டங்கள் அமைப்புறவில்லை. இதில், மின்சாரப் பற்றாக்குறையால் படிக்கும் மாணவர்களுக்கும், குடிக்கும் தண்ணீருக்குமே பஞ்சம் என்கிறபோது குளிரூட்ட மின்சாரம் குதிரைக்கொம்புதானே. அப்படியே சொந்தமாக மின்சார உற்பத்தி செய்தால் அந்த செலவுத்தொகை பொருட்களின் விலையின் மேலே ஏறி சவாரி செய்யும்.    

மேலும், தற்போது கிராமங்களில் உற்பத்தி செய்யப்படும் விளபொருள்களில் 60 சதவீதம் வரை விளையும் இடத்தில் வாழும் மக்கள், விவசாயிகள், சிறு வியாபாரிகள் ஆகியோருடைய பயனுக்கோ கட்டுப்பாட்டுக்கோ போய்விடுகிறது. மீதி உள்ள   40 சதவீதத்தில்  35 சதவீதம் அருகில் உள்ள சந்தை, சிறு கடைகள், சிற்றூர்கள் ஆகிய மூலங்களில் செலவாகிறது. எஞ்சி உள்ள  5 சதவீதம் மட்டுமே அரசின் நியாயவிலைக்கடைகள் மூலம் விநியோகிக்கப்படுகின்றன. இப்போது அரசு அறிவித்திருக்கும் திட்டத்தின்படி அமுல் படுத்தினால் இந்த சங்கிலித்தொடர்பு அறுந்துபோகும். நிலத்திலிருந்து நேரடியாக ஒட்டு மொத்த விளைச்சல்கள் சூப்பர் மார்கெட்டுகளுக்கு கொண்டு செல்லப்பட்டால்  உற்பத்தி செய்யப்பட இடத்திலேயே ஒன்றும் கிடைக்காமல் போகும். நிலத்துக்கு சொந்தக்கார விவசாயி கூட தன் நிலத்தில் விளைந்த பொருளை வாங்க சூப்பர் மார்கெட்டுக்கு  செல்லும் நிலை ஏற்படும்.  நகரங்களில் விற்கும் பெரும் விலைக்கே கிராமத்து மக்களும் வாங்கவேண்டிய நிலை ஏற்படும். பலாப்பழம்  விலை  சவுகரியமாக வாங்கலாமென்று  துவரங்குறிச்சி முக்கூட்டு சாலைக்குப்  போனால் அங்கு வெறும் ஐந்தாறு பேர் உட்கார்ந்து இருக்கும் ஆற்றுப்பாலம்தான் இருக்கும். பலாப்பழங்கள் பக்கத்து பெரு நகரத்துக்கு உருண்டு போயிருக்கும்.  பலாமுசு வாங்கவேண்டுமானாலும் பட்டுக்கோட்டைக்குத்தான் போகவேண்டும். கிராமத்து சந்தைகள், உழவர் சந்தைகள், கூடைகளில் வரும் அன்று காலையிலே   பறித்த காய்கறிகள் யாவும்  அடையாளம் இன்றிப்போகும். அவைகளை நம்பி பிழைத்துக்கொண்டிருப்போர் வேலை இன்றி ஆடு புலி ஆட்டம் ஆடிக்கொண்டிருப்பார்கள்.  மொத்தத்தில் ஒரே கணக்காக கிராமங்களிலும் நகர்ப்புறங்களிலும் விலைவாசி ஏறவும் வேலைவாய்ப்புகள் பறிபோகவுமே இது காரணமாகும். 

நேரடி அந்நிய முதலீட்டை அனுமதிப்பதால் வரும் நன்மை என்று அடுத்து பிரதமர் பட்டியலிடுவது புதிய வேலை வாய்ப்புகளாகும். உலகப்பொருளாதரத்தில் ஏற்பட்ட   தேக்கநிலைக்குப் பிறகு , வேலை வாய்ப்புகள் அருகிப்போய்விட்டன. அதுமட்டுமல்லாமல் பலரின் வேலைகள் பறி போய்விட்டன.  இப்போது சில்லறை வணிகத்தில் நேரடி அந்நிய முதலீட்டை அனுமதிப்பதால் நவீனமான புதிய வேலை வாய்ப்புகள் உருவாகும் என்று அரசு அனுமானிக்கிறது.

பன்னாட்டு நிறுவனங்கள் பெரிய கடைகளை அமைக்கும்போது சிலருக்கு வேலை  கிடைக்குமென்பது உண்மைதான் என்றாலும் ஏற்கனவே வேலையில் அல்லது சொந்த தொழில் செய்து பிழைக்கும் பலரின் வேலைவாய்ப்பின் மீது கணை தொடுத்து அவைகளை மாய்த்து அந்த  கல்லறைகளின்  மீது எழுப்பப்படும் சுவர்களே இந்த எண்ணிக்கை குறைவான புதிய  வேலைவாய்ப்புக்கள். கிராமங்களில் உள்ள எண்ணற்ற அண்ணாச்சி கடைகளும், அம்மாபட்டினத்தார் கடைகளும் என்ன ஆச்சு என்று கேட்கப்படும் நிலைமைக்கு ஆளாகிவிடும். அங்கெல்லாம் வலுவான திண்டுக்கல் பூட்டுக்கள் தொங்கும்.    இதன் படிப்பினை தாய்லாந்திலும், மெக்சிகோவிலும் இன்னும் இந்த ஆமை புகுந்த பல நாடுகளிலும் படிப்பினை தந்து இருக்கிறது. 

தாய்லாந்தில் இந்த ஆமைக்கு அனுமதி தந்த  பத்து ஆண்டுகளில் 39 லட்சம்  சிறு வணிக நிலையங்கள் மூடப்பட்டிருக்கின்றன.  3 கோடியே  75 லட்சம் மக்கள் வேலை இழந்தனர். இந்த திட்டம் அமுலுக்கு வந்த பிறகு அந்நாட்டில் செக்ஸ் தொழிலாளர்களின் எண்ணிக்கை முன்னை விட கூடி விட்டதாம். இதற்கு மேல் இதை  விளக்க வேண்டியதில்லை. பசி வந்திட பத்தும் பறந்து போகும். 

மெக்சிகோவில் ஐம்பது சதவீத உள்ளூர் சில்லறை வர்த்தக நிலையங்கள் இழுத்து மூடப்பட்டு இருக்கின்றன. மக்கள் போதை மருந்தை பயிரிடவும், கடத்தவும் ஆரம்பித்துவிட்ட சமூக அவலத்துக்கு தள்ளப்பட்டனர். “சாலை  ஓரத்தில் வேலையற்றவர்கள் – வேலையற்றவர்கள் நெஞ்சங்களில் விபரீத எண்ணங்கள் அரசே இது ஆபத்தின் அறிகுறி” என்றார் அண்ணா. இதுதான் மெக்சிகோவின் நிலைமை.   

அடுத்து அரசு சொல்வது, சிறு தொழில்கள் பிரம்மாண்ட வளர்ச்சி அடையும் என்பதாகும். அதாவது முப்பது சதவீதம் உள்ளூரில் உள்ள சிறு தொழிற்சாலைகளை இருந்தே பொருட்கள் கொள்முதல் செய்யப்படும் என்று திட்டம் வகுக்கப்பட்டுள்ளது. இது அரசே எங்க அப்பன் குதிருக்குள் இல்லை என்று கூறுவது போலாகும். 

முப்பது சதவீதம் உள்ளூரில் கொள்முதல் செய்யப்படும் என்றால் மீதம் எழுபது சதவீதம் அந்நிய நாட்டிலிருந்து கொள்முதல் செய்யப்படும் என்று பொருள். அப்போது, நம்நாட்டில் சிறு, குறு தொழில்களில் உற்பத்தி செய்யப்படும் பொருட்கள் பின்னுக்கு தள்ளப்பட்டு தொழில் நெருக்கடிக்கு உள்ளாகும்        என்பது சொல்லாமலேயே விளங்கும். வால்மார்ட் போன்ற நிறுவனங்கள் இப்போது சீனாவில் இருந்து மிகக் குறைந்த விலைக்கு ஒட்டுமொத்தமாக பொருள்களை  ஏற்றுமதி /இறக்குமதி செய்து தங்களின் கடைகளில் விற்பனை செய்து வருகின்றன. அதே நேரம் இந்தியாவில் சிறு. குறு தொழிற்சாலைகளில் உற்பத்தியாகும் பொருள்களுக்கு தொடர்ந்த தேவை மற்றும் ஏற்கனவே அமைப்பு ரீதியிலான தொடர்புகள் இருந்து வருகின்றன. இதனால் நியாயமான வேலைவாய்ப்புடன் பலர் பிழைத்து வருகிறார்கள். கோவை, ஈரோடு, லூதியானா ,  ஆகிய பகுதிகள் சிறு குறு தொழில்களின் மையங்களாக இருந்து வருகின்றன. பெரிய நிறுவனங்கள் சீனாவில் இருந்து குறைந்த விலைக்கு பொருள்களை தருவிக்கும்போது போதுமான தேவை இன்றி நமது சிறு/ குறுந்தொழில்களும் நாளடைவில் அழிந்துவிடும். இந்த அழிவுக்கு நேரடி அந்நிய மூலதனம் அடிக்கல் நாட்டிவிடும். 

பொருளாதார கோட்பாடுகளில் PROTECTION என்ற கோட்பாடு உள் நாட்டுத்தொழில்களை பாதுகாப்பதற்காக நாடுகள் கடைப்பிடிக்கும் இன்றியமையா  கோட்பாடாகும். அளவற்ற- கட்டுப்பாடற்ற அந்நிய  நிறுவனங்களின் முதலீட்டை அனுமதிப்பது  உள்ளூர் தொழில்களை வளரவிடாது என்பது,   பொருளாதாரத்தின் அரிச்சுவடி  படித்த அனைவருக்கும் தெரியும்., இந்த நிலை, ஹார்வார்டு பலகலைக்கழகத்தில்  படித்தவர்களுக்கு       தெரியாதது ஆச்சரியம் ஆனால் உண்மை. அதற்கும் காரணம் இருக்கும். என்ன காரணமாக இருக்கலாம்? இறுதியில் காணலாம். 

இதற்கு அடுத்ததாக அரசு எடுத்துவைக்கும் வாதம் நுகர்வோருக்கு விலை குறையும் என்பதாகும். உற்பத்திப் பகுதிகளிலிருந்து மொத்தக்கொள்முதல்- நேரடியாக விற்பனை மையங்களுக்குப் போய்விடும் – இடைத்தரகர்கள் இல்லாததால் , சில்லறை நுகர்வோர்க்கும், மொத்த விலைக்கே சாதனங்கள் மற்றும் பொருள்கள் கிடைக்கும் எனவே விலைவாசி  வீழ்ச்சி ஏற்படும் என்று அரசு நம்பிக்கை ஊட்டுகிறது.  இது நடைமுறையில் இருக்குமா என்றால் இருக்காது என்றே வல்லுனர்கள் கருதுகிறார்கள். 

உற்பத்தி பகுதிகளில் இருந்து விற்பனை இடத்துக்கு நேரடியாக் கொண்டு சென்றாலும், தொடர்புடைய செலவினங்கள் பொருள்களின் மீது ஏற்றியே விலை நிர்ணயம் செய்யப்படும். எடுத்துக்காட்டாக, போக்குவரத்து செலவு, ஏற்றுக்கூலி, இறக்குக்கூலி, கடைகளில் உள்ள குளிர்பதன செலவு, கடைக்குரிய பெரும் வாடகை, விளம்பரம், விற்பனையாளர்களின் ஊதியம், அவர்கள் கட்டி இருக்கும் டை யின் சலவை செலவு, வாங்குவோருக்கான பொழுதுபோக்கு அம்சங்கள்வரை பொருள்களின் மீது ஏற்றப்பட்டு விற்கப்படும். தற்போது நடைமுறையில் உள்ள  ஒரு வியாபாரி சந்தையிலோ, மொத்த வியாபாரியிடமோ, ஏலம் மூலமோ கொள்முதல் செய்து போக்குவரத்து செலவை மட்டும் கணக்கிடும் அடக்கவிலை பழக்கம் அடிபட்டுப்போகும்.  ,  

அமெரிக்காவில் கூட வால்மார்ட் நிறுவனம் பால் பண்ணைகளில் ஒரு லிட்டர் பாலை ரூ.77.38  பைசாவுக்கு கொள்முதல் செய்து, அதன் பிரம்மாண்ட கடையில் வைத்து ரூ.176.12 பைசாவுக்கு விற்பனை செய்கிறது.

அதேபோல்தமிழ்நாட்டில் பால் பண்ணைகளில் லிட்டர் ரூ 22க்கு கொள்முதல் செய்யப்படும் பால் லிட்டர் ரூ   32க்கு ஆவின்  விற்பனை நிலையங்களில் விற்கப்படுகிறது. இது ஒரு உதாரணம் போதும் வால்மார்ட் வந்தால் என்ன விலைக்கு விற்கப்பட்டுக்கொண்டிருக்கும் பால் என்ன     விலைக்கு விற்கப்படும்  என்று நாமே கணக்குப் போட்டுப் பார்த்துக்கொள்ளலாம்.  

சீனாவில் இந்த திட்டம் வெற்றிகரமாக செயல்படுவதாக ஒரு வாதத்தை  அரசும் பிரதமரும் எடுத்து வைக்கிறார்கள். சீனாவுடன் எல்ல விஷயங்களிலும் இந்தியாவை ஒப்பிட பிரதமர் தயாரா? அப்படியானால் ஒலிம்பிக்கில் சீனா வென்ற தங்கப்பதக்கம் எத்தனை? இந்தியா வென்றது எத்தனை? சீனாவில் அடிப்படைத்தேவையான தண்ணீர், மின்சாரத்துக்கு மனிதர்கள் ஆலாய்ப் பறக்கவில்லை. ஆனால் இந்தியாவில்????? சொல்லவேண்டுமா?  அன்றாடம் அனுபவிக்கிறோமே. ஒப்பிடுவதானால் எல்லாவற்றையும் ஒப்பிடவேண்டும். 

சீன நாடு, அந்நிய நேரடி முதலீட்டை  அனுமதித்து இருப்பதற்குக் காரணம் சீனாவின் சிறு/குறு/ குடிசைத்தொழில்களில் உற்பத்திப் பெருக்கம். அவற்றிற்கு முதலீடுகள் தேவை. சீனப்பொருட்களுக்கு உலகளாவிய சந்தை இருக்கிறது. தான் முதலீடாகப் பெரும் அன்னியப் பணத்துக்கு, சீனா பொருள்களை ஏற்றுமதி செய்து கழித்துவிடும். ஆனால் இந்தியாவில் நிலை அப்படியா  இருக்கிறது? இதனால் அவர்களுக்கு உபரி அந்நிய செலாவணி கிடைக்கிறது. இதனால் சீனா அனுமதிக்கலாம். இந்தியா போன்ற தண்ணீரில் தள்ளாடும் தாமரைப்பூவுக்கு-  அயிரை  மீனுக்கு  ஏன் விலாங்கு மீன் சேட்டை? கீழ்க்கண்ட புள்ளி விபரம் நமக்கு இதை தெளிவாக்கும். 

சீனா அமெரிக்காவுக்கு ஏற்றுமதி செய்வது ஆண்டுக்கு 36, 500 கோடி டாலர்கள். 

சீனா அமெரிக்காவிலிருந்து இறக்குமதி செய்வது ஆண்டுக்கு 10,000 கோடி டாலர்கள். 

ஆக, சீனாவுக்கு உபரியாக ஏற்றுமதி மூலம் வருவது 26, 500 கோடி டாலர்கள் . 

அதுமட்டுமல்ல, சீன உற்பத்தித் துறையில் வேலைவாய்ப்புகள் அதிகம். இன்னும் குறிப்பாக சொல்லப்போனால், அதிக அளவில் வால்மார்ட் போன்ற நிறுவனங்கள் சீனாவில் இருந்து தான் பொருட்களை குறைந்த விலையில் இறக்குமதி செய்து தங்களது கடைகளில் கூடுதல் விலை வைத்து விற்பனை செய்து வருகின்றன. சீனப்பொருள்கள் சீனாவில் அனுமதிக்கப்பட்டிருக்கும் வால் மார்ட் நிறுவனத்தால் பெருமளவில் சந்தைப்படுத்தப்படுகின்றன. ஆகையால் வால் மார்டை சீனாவிற்குள் அனுமதிப்பது சீனாவிற்கு நஷ்டமல்ல.

ஆனால் இந்தியாவின் நிலை என்னவாக இருக்கிறது. ஏற்றுமதிக்கும், இறக்கு மதிக்கும் இடையில் 10 ஆயிரம் கோடி அமெரிக்க டாலர் பற்றாக்குறை இருந்து வருகிறது. இன்னும் சமநிலைக்கு வந்த பாடில்லை. அதுமட்டுமல்ல, இந்தியாவில் வறுமைக்கோட்டிற்கு கீழ் 40 கோடி மக்கள் இருக்கிறார்கள். இவர்களுக்கான வாழ்வாதாரத்தை பாதுகாக்க வேண்டிய கடமை இன்னும் பெரும் சவாலாக இருந்து வருகிறது. இன்னும் பல துறை களில் தன்னிறைவு காணப்படவில்லை. குடிதண்ணீர் குடங்கள் தவமிருக்கின்றன. மருத்துவமனைகளில் மின்சாரம் இல்லாமல் மக்கள் செத்துக்கொண்டு இருககிறார்கள். அடிப்படை சுகாதார நிலையங்களில் உயிர் காக்கும் மருந்துகள் இல்லை. இந்த அவலங்கள் எல்லாம் அரசு கைகாட்டும் சீனாவிலோ, பெல்ஜியத்திலோ, மெக்சிகொவிலோ, இந்தோநேசியாவிலோ, ஹாங்காங்கிலோ  இருக்கிறதா?. சீனா அந்நாட்டு மக்களின் வாழ்வாதாரத்தையும் வாழ்க்கைத்தரத்தையும்  அந்நிய முதலீட்டிற்கு காவு கொடுக்கவில்லை. கண்மூடித்தனமாக சில்லரை வர்த்தகத்தில் சீனாவுடன் அல்லது மற்ற நாடுகளுடன்  இந்தியாவை ஒப்பிடுவது சில்லரைத்தனமானது. இந்திய மக்களின் நலனை பாது காக்கும் வகையில் திட்டமிடுவதே புத்தி சாலித்தனமாக இருக்கும். ஐந்து பிள்ளைகள் அமெரிக்காவில் இருந்து சம்பாதித்து பணம் அனுப்பும் வீட்டில் தினமும் ஆடு அறுத்து சமைக்கலாம். அன்றாடம்  ஆட்டோ ஓட்டிப் பிழைப்பவன் அதைப்பார்த்து நானும் ஆடு அறுப்பேன் என்று மல்லுக்கு நிற்க முடியுமா? அடுத்த வீட்டுக்காரி ஆண்பிள்ளைப் பிள்ளை பெற்றால் எதிர்த்தவீட்டுக்காரி அம்மிக்குழவியைத்தான்  அடிமடியில் கட்டவேண்டும். 

அதுமட்டுமல்ல இன்று உலக அளவில் அந்நிய நேரடி முதலீட்டால் ஏற்படப்போகும் அபாயங்களை முன் கூட்டியே உத்தேசித்து ஜப்பான், ஜெர்மனி போன்ற நாடுகள் பல முன்னேற்பாடான சட்ட திட்டங்களை வகுத்து அமுல படுத்தி இருக்கின்றனர். இவை இந்த நேரடி முதலீட்டால் ஏற்படும் தீய விளைவுகளில்  இருந்து அந்த மக்களை காப்பாற்றும்.இப்படி எவ்வித முன்னேற்பாடான சட்டங்களும், பொருளாதார திட்டங்களும் இந்தியாவில் இன்னும் உருவாக்கப்படவில்லை. ஆனால் கிடப்பதெல்லாம் கிடக்கட்டுமென்று கிழவியைத்தூக்கி மணவறையில் வைத்த கதையாக இருக்கிறது. 

“அடிப்படை இன்றி கட்டிய மாளிகை காற்றுக்கு நிற்காது- அழகாய் இருக்கும் காஞ்சீபுரம் புடவை சந்தையில் விற்காது” என்று கண்ணதாசன் பாடியதுதான் நினைவுக்கு வருகிறது.  இந்தியாவை போன்று சொந்த நாட்டு மக்களின் நலனை நரபலி  கொடுத்து எந்த ஒரு நாட்டிலும் அந்நிய முதலீட்டை அனுமதிக்கும் விதிகள்                உருவாக்கப்படவில்லை. 

இந்த திட்டத்தை அறிவித்த இந்திய  அரசின் திட்டக்கமிஷன் 8.2% வளர்ச்சியைக் கருத்தில் கொண்டு இதை அறிவிப்பதாக சொல்லி இருக்கிறது. இந்த வளர்ச்சி கணக்கிடப்பட்டிருப்பது யாருக்கு என்றுதான் தெரியவில்லை. இதன் பின்னணியில் பெரும் சதி இருப்பதாக சொல்லப்படுகிறது. இந்த நாட்டை சுரண்டும் மேல்மட்ட கும்பல்களின் அந்நிய  செலாவணி முதலீடுகளின் மறு சுழற்சி முறைக்கு இந்த திட்டம் பெருமளவில் உதவப்போகிறது. 

அதாவது  அந்நிய முதலீடு இப்போ மத்திய அரசு அவசரம் அவசரமாக கொண்டு வர என்ன காரணம் ? 

அமெரிக்க டாலருக்கு எதிரான இந்திய ரூபாயின் மதிப்பு சில வருடங்களுக்கு  முன்  39 ரூபாய் என்கிற   அளவில் இருந்தது இப்போது ஒரு டாலரின்  இந்திய மதிப்பு 56 ரூபாய். அரசியல் வியாதிகள் இந்திய வளங்களை சுரண்டி இந்திய ரூபாய் 39 மதிப்பு இருந்த போது கருப்புபபணமாக அந்நியநாடுகளில் பதுக்கினார்கள்.  இப்போது இந்திய ரூபாய் மதிப்பு அதள பாதாளத்தில் உள்ளது. அதாவது நாம் ஒரு அமெரிக்கா டாலர் வாங்க ரூபாய் 56 கொடுக்க வேண்டும். சுருக்கமாக சொன்னால் சில வருடங்களுக்கு முன் நூறு டாலர் வாங்க இந்திய பணம் 3900 ரூபாய் செலவழித்தவன் ,இப்போது அதை மீண்டும் உள்ளே கொண்டு வந்தால் 5600 ரூபாய் கிடைக்கும்.

இப்போது அந்நிய நிறுவன முதலீடு அனுமதி என்பது  அரசியல்வியாதிகள் அந்நிய நாடுகளில் பதுக்கி வைத்து இருக்கும் கறுப்புபணத்தை வெள்ளையாக்கி இந்தியாவிற்குள் கொண்டு வர மத்திய அரசை நடத்துபவர்கள், அவர்களின் கைப்பாவைகள் மூலம்   நடத்தும் நாடகமே என்று வல்லுனர்கள் சந்தேகம் தெரிவிக்கிறார்கள். இந்த சந்தேகத்தில் உண்மை இருக்கலாமென்று அச்சமாக இருக்கிறது. அந்நிய முதலீடு அனுமதியால் வால்மார்ட் மட்டுமா வரபோகுது? மொரீஷியஸ், பிலிப்பைன்ஸ், தாய்லாந்து, ஆகிய நாடுகளில் இருந்தெல்லாம் அரசியல்வியாதிகளின் ஒரு லெட்டர் பேடில் உருவாக்கப்பட்டுள்ள போலி நிறுவனங்கள்    இந்தியாவில் முதலீடு என்ற பெயரில் ஏற்கனவே நம்மிடம் இருந்து கொள்ளை அடித்த பணத்தை மீண்டும் உள்ளே கொண்டு வரும். இதுவே நமது அரசியல்வியாதிகளின் அந்நிய  முதலீட்டின் மறு சுழற்சி.   

இந்த திட்டத்தில் உள்ள இன்னொரு கேலிக்க்கூத்து இந்த திட்டத்தை  நாடு முழுதும் செயல் படுத்த முடியாது என்பதாகும். பி. ஜெ. பி. ஆளும் மாநிலங்கள், தமிழ்நாடு, ஒரிசா போன்ற மாநிலங்கள் இந்த திட்டத்தை துடைப்பக்கட்டையால் அடிக்காத குறையாக   விரட்டிவிட்டன.  காங்கிரஸ் ஆளும் கேரளாவும் கதவை “சாரி”  சொல்லி சாத்திவிட்டது.  நாடு முழுதும் ஒரேமாதிரியாக செயல்படுத்தமுடியாத ஒரு  திட்டம் நாட்டுமக்களுக்கு நன்மையை அள்ளித்தரும் என்று எப்படி நம்ப முடியும்?

இறுதியாக இந்த நாட்டின் பிரதமர் கூறுவது என்னவென்றால் புதிய புதிய பொருளாதார திட்டங்கள்  இல்லாமல் வளர்ச்சிக்குத் தேவையான பணத்தை உண்டாக்க  முடியாதாம். பணம் மரத்தில் காய்க்காதாம். நாட்டின் வளர்ச்சிக்கு தேவைப்படும் பணத்துக்கு எங்கே போவது என்று கேட்கிறார். இதற்கு பதில் சொல்வதற்கு ஒரு பொருளாதர நிபுணர் வேண்டாம்.  கோடி கோடியாய் உலகநாடுகளில் பதுக்கப்பட்ட கறுப்புப் பணத்தை பறிமுதல் செய்து நாட்டுக்குக் கொண்டுவந்தால் என்ன? அலைவரிசை ஊழல, நிலக்கரி சுரங்க ஊழல, காமன்வெல்த் விளையாட்டு ஊழல் என்றல்லாம் சுரண்டப்பட்ட மக்கள் பணத்தை அந்த சுரண்டல்வாதிகளை தயவுதாட்சண்யமின்றி  தூக்கில் போட்டாவது இந்த நாட்டுக்குக் கொண்டுவந்தால் என்ன என்று ஒரு பாமரன் கேட்கிறான். ஆனால் இதை யாரிடம் கேட்பது? ஆப்பத்தை பங்குவைத்த குரங்கிடமா? மங்கை களங்கப்பட்டால் கங்கையில் குளிக்கலாம் என்பார்கள் ஆனால் கங்கையே களங்கப்பட்டால்? 

இத்தனை பக்கங்களில் விவரித்த இந்த கதையை ஒரு புதுக்கவிதை நச்சென்று இப்படி சொல்கிறது. 

ஆடு மாடு மேய்த்துக் கிடைபோட்ட மேய்ச்சல் 

நிலங்கள். 

அடுப்பெறிக்க விறகு ஒடித்த கருவேலங்காட்டு 

புறம்போக்கு நிலங்கள் 

ஆங்கிலேயன் அடிமை வர்க்கத்திற்குத் 

தந்துவிட்டுப் போன 

பஞ்சமி நிலங்கள் 

உழுது பயிரிட்டு உண்டு வாழ்ந்த 

நன்செய் நிலங்கள் 

அனைத்தையும் அபகரித்துக் கொண்டு 

அந்நிய முதலாளித்துவம் 

விளக்கம் சொன்னது 

இது 

கிராமத்தானை நகரத்தானாக மாற்றும் 

திட்டம் என்று.

உண்மைதான் 

கிராமத்தான் நகரத்தான் ஆனான்

மாநகரத்து நடைபாதையில் 

உள்நாட்டு அகதியாக.

ஆகவே சில்லறை வணிகத்தில் நேரடி அந்நிய  முதலீட்டை அனுமதிப்பது இந்திய பொருளாதாரப் பறவை மேலும்  உயரப் பறக்க உதவும் சிறகாக இருக்காது .  மாறாக பறக்க நினைக்கும் பறவையை முடக்கிப்போடும் விலங்காகவே அமையும்.  மக்களிடம் புரட்சி எண்ணம் வேண்டாம் எழுச்சி எண்ணம் வந்தால் போதும். 

இப்ராஹீம் அன்சாரி

Reference: 

• U.S.A FOREIGN AGRICULTURAL SERVICES, OSEC BUSINESS NETWORK, ECONOMIST INTELLIGENCE UNIT, TIMES OF INDIA, ECONOMIC TIMES. 
• அதிரை நிருபர்  வலைதளத்தில் 24/02/2012   அன்று வெளியான எனது அந்நிய முதலீடும் அன்னியர் முதலீடும் கட்டுரை. 

மனு நீதி மனித குலத்துக்கு நீதியா? அலசல் தொடர் - 7 14

அலசல் தொடர் : ஏழு. 

மனு நீதியின் (CHAPTER : 5 : 147 TO 169 ) அத்தியாயம் ஐந்து வசனங்கள் 147  லிருந்து 169 வரை பெண்களுக்கான சட்டங்களை வரையறுக்கின்றன.   

பெண்கள் ஆண்களுக்கு பிறப்பிலும், சமூக வாழ்விலும் சமமானவர்கள் அல்ல.

பெண்களுக்கு வேதம் ஓத உரிமை இல்லை. கல்வி கற்க உரிமை இல்லை. கணவனுக்கு மனைவி வீட்டினுள்  இருந்து செய்யும் பணிவிடையே குருகுலக்கல்விக்கு சமமாகும்.  அத்தகைய பண்புள்ள பெண்ணுக்கு  மட்டுமே சொர்க்கத்தில் கணவனுடன் கைகோர்த்துப்போக “ போர்டிங் பாஸ் “ கிடைக்கும். 

எந்த வர்ணத்தை சேர்ந்த பெண்களானாலும்  கணவனே குருவுக்கு சமம். உபநயனம் என்பது திருமணமே. கணவனை கடவுளின் நிலையில் வைத்துக் கொண்டாடவேண்டும். அந்தக் கணவன் ஒரு பெண்ணின் கண்ணெதிரே வேறொரு பெண்ணுடன் தகாத உறவு வைத்திருந்தாலும் கணவனின் கடவுள் ஸ்தானத்துக்கு குறை வரக்கூடாது. பெண்கள் இவற்றை சகிக்கவும் ஏற்கவும் வேண்டும். கல்லானாலும் கணவன் FULL  ஆனாலும் புருஷன். ஆகாத கணவனை , ஒத்துவராத கணவனை , கொடுமை செய்யும் கணவனை விவாகரத்து செய்யும் உரிமை பெண்களுக்கு இல்லை. 

கணவனை விட்டு வேறொரு ஆணுடன் கள்ளத்தொடர்பு வைத்திருக்கும் பெண் பலர் காணும் நிலையில் நிறுத்தப்பட்டு  கடித்துக் குதறும் வெறி  நாய்களுக்கு இரையாக்கப்படவேண்டும். ஆண்களுக்கு வெறும் சாதி கீழிறக்கம் மட்டுமே. 

கணவர்களை தேர்ந்தெடுக்கும் உரிமை பெண்களுக்கு இல்லை. தான் பிறந்த வர்ணத்தில் தந்தை கை காட்டும் - ஜாதகம் பொருந்தும்     சக்கரைக்கோ சப்பாணிக்கோ  கழுத்தை நீட்டவேண்டும். (சுயம்வரம் என்பது அரசகுமாரிகளுக்கு). CHOICES ARE LIMITED. 

மனைவியை  இழந்த கணவன் மறுமணம் செய்யலாம். ஆனால் கணவனை இழந்த மனைவி, பால்ய விவாகம் செய்யப்பட மனைவி  – அவள் கன்னி கழியாதவளாக இருந்தாலும் மறுமணம் செய்யக்கூடாது. கன்னி கழியாதவளாக இருந்தால் மட்டும் இறந்து போன கணவனின் சகோதரனுக்கு மட்டும் மணம் முடிக்கலாம். அப்படி யாரும் இல்லாவிட்டால் ஜென்மத்துக்கும் கிடந்தது சாகவேண்டியதுதான்.  

கணவனின் நினைவுகளில் ஏக்கப் பெருமூச்சை இதயத்திலே தேக்கி எடுத்துரைக்க முடியாத நிலையினிலே தான் மீதிக் காலத்தை கடத்தவேண்டும். கணவன் உயிருடன் இருந்த காலத்தில் அவனுக்கு பிடிக்காத எதையும் அவன் இறந்த பின்னும் செய்யக்கூடாது. கணவன் மறைந்த பின் தன்னடக்கம் உள்ளவளாகவும், அந்தரங்க ஆசைகளை திரையும் சிறையும் இட்டு மறைத்துக்கொள்பவளாகவும், கற்புக்கரசியாகவும் விளங்கி, விக்கி விக்கி சாகவேண்டும். தப்பித் தவறி எங்கேயாவது மனத்தளவில் சலனப்பட்டாலும் அவளுக்கு சொர்க்கத்தில் இட ஒதுக்கீடு இல்லை. 

பெண்களுக்கு குடும்பச் சொத்தில் பங்கு மற்றும்  உரிமை கிடையாது. கணவன் இறந்துவிட்டால்- சொத்துரிமையும் இல்லாததால்  கோயிலில் “உண்டக்கட்டி”யும் அன்னதானமும்  வாங்கித்தான் சாப்பிடவேண்டும். 

பெண்கள் தனிப்பட்ட சுதந்திரம் படைத்தவர்கள் அல்ல. இளமையில் தந்தைக்கும், மணமானபின் கணவருக்கும், முதுமையின் மகனுக்கும் கட்டுப்பட்டவர்கள். சுதந்திரமாக தனியே நடமாட பெண்ணுக்கு உரிமை இல்லை. தந்தை, கணவன், மகன் ஆகிய மூவரின் உத்தரவும் இல்லாமல் வீட்டின் உள்ளேயோ, வெளியேயோ நடமாடக்கூடாது. 

பெண் குடும்ப பந்தத்தால் கட்டப்பட்டவள்; கட்டுப்பட்டவள். அதை மீறக்கூடாது. பெண்கள் பாத்திரம் பண்டங்கள் கழுவுவது உட்பட்ட வீடுவேலைகளை கவனமாகப் பார்த்துக்கொள்ளவேண்டும் மற்ற விஷயங்களில் தலையிடக்கூடாது. அடுப்படியில் கிடந்து உப்புமாதான் கிளறவேண்டும் . குடும்ப விஷயமாக எதையும் கிளறக்கூடாது. சிந்திக்கக்கூடாது.

ஒரு தாழ்ந்த சாதி ஆணுக்கு மணமுடிக்கப்பட்டவள் , எந்த உயார்சாதி ஆணுடனும் கள்ளத்தொடர்பு வைத்திருந்தால் அவள் இந்த உலகத்தில் சபிக்கப்பட்ட பெண் ஆவாள். அத்துடன் அவள் உயர்சாதிக்கு பரபுர்வா (parapurva) என்ற இரண்டாம் திருமணம் ஆனவளாகவும் கருதப்படுவாள். 

இப்போது வருகிறது பாருங்கள் ஒரு இடி. 

ஒரு உயர்சாதிப் பெண் அதே சாதியில் உள்ள ஆண்மகனை மணந்தவள் தன் கணவனின் சாவுக்கு முன்பாகவே புனித நெருப்பு சீதை மூட்டி, சடங்குகள் செய்து தனது உயிரை கணவனின் சாவுக்கு முன்பாகவே அந்த அக்னிஹோத்ரா சிதையில் விழுந்து உயிர் விடலாம். அப்படி அவள் உயிர் விடும் பட்சத்தில் எல்லாப் பிறவிகளிலும் அதே கணவனுக்கு அவள் மீண்டும் மீண்டும்  மணம் முடிக்கப்படுவாள். 

மேலே கண்டுள்ள கருத்துக்களின் சாராம்சம் மனு நீதியின் வார்த்தைகளில் இதோ! 

 147. By a girl, by a young woman, or even by an aged one, nothing must be done independently, even in her own house. 

148. In childhood a female must be subject to her father, in youth to her husband, when her lord is dead to her sons; a woman must never be independent. 

149. She must not seek to separate herself from her father, husband, or sons; by leaving them she would make both her own and her husband's families contemptible. 

150. She must always be cheerful, clever in the management of her household affairs, careful in cleaning her utensils, and economical in expenditure. 

151. Him to whom her father may give her, or her brother with the father's permission, she shall obey as long as he lives, and when he is dead, she must not insult his memory. 

154. Though destitute of virtue, or seeking pleasure elsewhere, or devoid of good qualities, yet a husband must be constantly worshipped as a god by a faithful wife. 

156. A faithful wife, who desires to dwell after death with her husband, must never do anything that might displease him who took her hand, whether he be alive or dead. 

158. Until death let her be patient of hardships, self-controlled, and chaste, and strive to fulfill that most excellent duty which is prescribed for wives who have one husband only. 

159-160. Many thousands of Brahmins who were chaste from their youth have gone to heaven without continuing their race. A virtuous wife who after the death of her husband constantly remains chaste reaches heaven, though she have no son, just like those chaste men. 

161. But a woman who from a desire to have offspring violates her duty towards her deceased husband brings on herself disgrace in this world and loses her place with her husband in heaven. 

162. Offspring begotten by another man is here not considered lawful, nor does offspring begotten on another man's wife belong to the begetter, nor is a second husband anywhere prescribed for virtuous women. 

163. She who cohabits with a man of higher caste, forsaking her own husband who belongs to a lower one, will become contemptible in this world and is called a remarried woman (parapurva). 

 167-168. A twice-born man, versed in the sacred law, shall burn a wife of equal caste who conducts herself thus and dies before him with the sacred fires used for the Agnihotra and with the sacrificial implements. Having thus, at the funeral, given the sacred fires to his wife who dies before him, he may marry again and again kindle the fires. 

169. Living according to the preceding rules, he must never neglect the five great sacrifices and, having taken a wife, he must dwell in his own house during the second period of his life. 

மேல்கண்ட மனுவின் சட்டங்களைப் பார்க்கும்போது நம்மை அறியாமலேயே இஸ்லாம் தரும் திருக்குர் - ஆனின்  கீழ்கண்ட வசனங்களை ஒப்பிடாமல் இருக்க முடியவில்லை. நமது பெண்மணிகள் எவ்வளவு பேறு பெற்றவர்கள்  என்று இறைவனுக்கு நன்றி செலுத்தாமல் இருக்க முடியவில்லை.  

• ஆணாயினும் சரி , பெண்ணாயினும்  சரி, நீங்கள் ஒருவர்  மற்றவரிலிருந்து தோன்றிய ஒரே இனத்தவரே.    3:195

• ஆண்களுக்கு பெண்கள் மீது இருப்பது போன்றே பெண்களுக்கும் ஆண்கள் மீது உரிமை உண்டு 2:228.

• பெண்களுக்கு தொல்லை கொடுப்பதற்காக திருமண பந்தத்தில் வைக்காதீர்கள். 2: 231

• விவாகரத்து ஏற்பட்டபின் பெண்கள் மறுமணம் செய்துகொள்வதை நீங்கள் தடை செய்யாதீர்கள். 2:232

• உங்களுடைய துணையை உங்களின் அமைதிக்கான காரணமாக ஆக்கினான். 7:189

என்கிற அத்தாட்சிகள் – இறைவனின் வாக்குகள் இஸ்லாத்தின் சட்டங்கள். 

-ஒரு முஸ்லிம் பெண், ஒரு ஆணுக்கு இருக்கும் விவாகரத்து செய்யும் உரிமை உட்பட எல்லா உரிமைகளும் பெற்றவள். 

- ஒரு முஸ்லிம் பெண், வாரிசு உரிமை, குடும்ப சொத்தில் பங்கு ஆகியவை பெற தகுதிடையவள் ஆவாள். தனியாக வியாபார நிறுவனங்களை  உருவாக்கவும், நிர்வாகிக்கவும் , வேலைகளுக்குச் செல்லவும் உரிமை பெற்றவள். 

- ஒரு முஸ்லிம் பெண் ,தனது கணவனாக வரப்போகிறவனை சாட்சிகளின் முன்னாள் ஏற்றுக்கொண்டு சம்மதித்தால் மட்டுமே மணம் செய்து வைக்கப்படுகிறாள். 

-  ஒரு முஸ்லிம் பெண், வரதட்சணை பணம் கணவனுக்குக் கொடுத்து மணமுடிப்பது தடுக்கப்பட்டு இருக்கிறது. மாறாக கணவனாக வருகிறவன் பெண்ணுக்குத்தான் செல்வங்களை கொடுக்கவேண்டும் .

- ஒரு விதவையான முஸ்லிம் பெண், மறுமணம் செய்துகொள்ள ஊக்குவிக்கப்படுகிறாள். கணவனோடு அவளையும் அவளது அந்தரங்க ஆசைகளையும் கொன்றுவிட்டு செத்துவிடு என்று சொல்லவில்லை. 

- ஒரு முஸ்லிம் பெண் சமுதாயத்தில்  மேலான மரியாதைகளோடு நடத்தப்படுகிறாள். எந்த முஸ்லிம் பெண்ணும் உயிரோடு தீயில் எரிக்கப்படுவதில்லை. கணவனை இழந்த பெண்கள் நற் காரியங்களில் இருந்து ஒதுக்கிவைக்கப்படுவதில்லை. 

இத்தகைய காரணங்களை படித்து, அறிந்து உணர்ந்த அமெரிக்க, ஐரோப்பிய , ஆப்ரிக்க கண்டங்களைச் சேர்ந்த அளப்பறிய பெண்கள், ஆண்களைவிட பெரும் கூட்டங்களாக இஸ்லாத்தை தழுவி இணைந்து வருகிறார்கள் என்பதே இன்றைய வரலாறு கூறும் நற்செய்தியாகும். நாகரிகத்தின் உச்சத்தில் இருக்கும் நாடுகளில் கல்வி மூலம் இஸ்லாம் பற்றிய இந்த விழிப்புணர்வு பெருகி இருக்கிறது. இந்தியா போன்ற கல்வியில் பின் தங்கியுள்ள நாடுகளில் உள்ள மக்களிடம் இந்த உணர்வுகளைக் கொண்டு செல்ல மிகவும் உழைக்க வேண்டி இருக்கிறது. அவைகளை அவசரமாகத் தொடங்க வேண்டும். 

சாட்டையை இன்னும் வைத்துவிடவில்லை

இன்னும் சுழலும் இந்த சாட்டை ...

இபுராஹீம் அன்சாரி

மனு நீதி மனித குலத்துக்கு நீதியா? அலசல் தொடர் - 4 29

அலசல் தொடர் : நான்கு. 

உலகம் தோன்றிய பின் – பல்வேறு நாகரீகங்கள் –பல நாடுகளில் வளர்ந்த விதங்கள் பற்றி படித்து இருக்கிறோம். அவற்றுக்கான ஆதாரங்களையும் வரலாற்று அறிஞர்கள்  சுட்டிக்காட்டி இருக்கிறார்கள். உலகின் பல பாகங்களில் வரலாற்றின் பக்கங்களில் அநீதியும், அடக்குமுறையும், ஆட்சி செய்தே வந்திருக்கின்றன.  வலியோரால் எளியோர் தாழ்த்தப் பட்டிருக்கிறார்கள்; அவர்கள் மீது அடக்கு முறை ஏவப்பட்டிருக்கிறது; தட்டிக்கேட்டவர்கள் சுட்டுக் கொல்லப்பட்டிருக்கிறார்கள். சிறையில் அடைக்கப்பட்டிருக்கிறார்கள். தூக்கிலடப்பட்டிருக்கிறார்கள். நாடு கடத்தப்பட்டிருக்கிறார்கள். 

ஒரு காலகட்டத்தில் பொறுமை மீறி எளியோர் திரண்டு வலியோரை எதிர்த்திருக்கிறார்கள். புரட்சிகள் வெடித்திருக்கின்றன. இத்தகைய அடக்குமுறைக்கும் அத்துமீறல்களுக்கும் இடையே  அரசுகள் அல்லது ஆளுவோர் பின்பற்றிய DOCTRINE என்று சொல்லப்பட்ட கோட்பாடுகளே பெரும்பாலும் காரணமாக இருந்து இருக்கின்றன.  

இந்தியா மற்ற ஏனைய நாடுகளின் வரலாறுகளை ஒப்பிட்டு நோக்கும்போது ஒரு வித்தியாசம் தென்படுகிறது. மற்ற நாடுகளில் இருந்த மக்களுக்குள் ஏற்றத்தாழ்வு போன்ற பிரச்னைகள் மக்களின் எழுச்சியால் அழிந்தொழிந்தன. அல்லது மனிதர் குல மாணிக்கங்கள் தலைவர்களாய் கிடைத்ததால் அழிந்தொழிந்தன. இந்தியாவில் இருக்கும் சாதிப் பிரச்னைகள் காலகாலமாக இருந்துகொண்டுதான் இருக்கின்றன. உடன்கட்டை ஏறும் பழக்கம் மட்டுமே ஒரு புண்ணியவான் உடைய கடாட்சத்தால் நின்று போனது. 

பிரஞ்சு நாட்டிலே சர்வாதிகாரமும், அடக்குமுறையும் தாண்டவமாடியபோது பிரஞ்சுப்புரட்சி    1789- ல் ஏற்பட்டது. நூற்றாண்டுகள் காலமாக ஆதிக்கம் செலுத்திவந்த அடக்குமுறைகள், ஆட்சிமுறைகள் யாவும் மூன்றே ஆண்டுகளில் மக்கள் சக்தியால் தவிடுபொடியாக்கப்பட்டு சமத்துவமும் , சகோதரத்துவமும் அரியணை ஏறின. இன்றுவரை அந்த புரட்சி ஏற்றிய தீபம்தான் பிரான்சு நாட்டில் சமத்துவ ஒளி வீசி வருகிறது. 

பிரான்சு நாட்டில் ஏற்பட்ட புரட்சியின் தாக்கம் ஏனைய ஐரோப்பிய நாடுகளில் எதிரொலித்து, புரட்சி இல்லாமலேயே அங்கு சமத்துவமும், சகோதரத்துவமும் ஆட்சியின் ஆணிவேராக நிலை பெற்றன.

ரஷ்யாவிலும் இதேபோல் நிலைமை ஏற்பட்டபோது மக்கள் ஒன்று திரண்டு போராடி ஆட்சியில் எற்கனவே நிலவிய பாகுபாடுகள் அகற்றப்பட்டன. சைனாவிலும் கூட இப்படி வரலாற்றின் உதாரணங்கள் நம்மால் சுட்டிக்காட்டப்படும். 

அராபிய தேசங்களில் தோன்றிய அருமை நபி முமது ரசூல் ( ஸ்ல) அவர்கள் தனது சொல்லாலும், செயலாலும் காலம் காலமாக அந்த மண்ணில் நிலவி வந்த எண்ணற்ற அறிவுக்கொவ்வாத மூட மடமைகளை தலைகீழாக மாற்றி அறிவின்பாதையைக் காட்டினார்கள். அகோல்கைகள் மண்ணில் நிலைபெர்ரதுடன் இன்றளவும் இலட்சோப இலட்சம் பேர்கள அந்தக் கொள்கைகளை நோக்கி இணைந்து வருகிறார்கள்.  

ஆனால்- இந்தியாவில் ?? பெரும் கேள்விக்குறி. ஆண்டாண்டுகாலமாக இருந்துவரும் சாதிக்கொடுமைகள் இன்னும் தீரவில்லை. எத்தனையோ மேதைகள், அறிஞர்கள் அறிவுப்புரட்சியை ஏற்படுத்தினார்கள். உயர்சாதி வகுப்பில் பிறந்தவ ஒரு சிலர்  கூட இந்த தீண்டாமையையும், ஆலயப்பிரவேச மறுப்பையும் எதிர்த்து அணிதிரண்டார்கள். 

“பார்ப்பானை ஐயரென்ற காலமும் போச்சே- வெள்ளைப் 

பரங்கியை துரை என்ற காலமும் போச்சே’ – என்று பாரதியார் பாடினார். 

கலைஞர் கருணாநிதி தாழ்த்தப்பட்டவர்களும் அர்ச்சகராகும் சட்டமும் கொண்டுவந்தார். காந்தி , விதவை மணத்தை ஆதரித்து எழுதினார். ஆனாலும் பயனில்லை. உயர்சாதியின் ஆதிக்கம் அழியவில்லை. அந்த அளவு “அவாளின்” செல்வாக்கு வேரூன்றி இருக்கிறது. சாதியாலும் , சம்பிரதாயத்தாலும், ஏற்ற தாழ்வாலும் உளுத்துப்போய் இருக்கும் இந்திய சமுதாய சுவற்றில் அங்கங்கு பூச்சுவேளை, பட்டி பார்த்து வர்ணம் பூசும் வேலைதான்  நடந்து இருக்கிறது. ஆனால் அந்த பழைய சுவற்றை அடியோடு இடித்துவிட்டு இனியொரு புதிய  சமுதாயச்சுவர்  எடுத்தால்தான் விடிவு. இப்படிப்பட்ட புதிய சுவரைத்தான் பிரஞ்சு ,ரஷ்யா, ஐரோப்பிய , அரபு தேசங்கள் எடுத்தன. பழமைச்சுவர் இடித்துத் தள்ளப்பட்டது.  

இனியொரு விதி செய்வோம் அதை எந்நாளும் காப்போம் என்பதை மறந்ததால் இன்றுவரை இந்த நாட்டில் உயர்சாதியினரின் ஆட்சிதான் நடந்துவருகிறது. பெரும் பதவிகளில் எல்லாம் மிகக்குறைந்த சதவீத மக்கள்தொகை கொண்ட ஆரியரின் ஆட்சிதான் நடைபெற்று வருகிறது. (மத்திய மாநில தலைமைச் செயலகங்களின் உணவு விடுதிகளில்  தயிர் சாதமும் மாவடுவும்தான் அதிகம் விற்பனையாகிறதாம்.)  இதனால் தாழ்த்தப்பட்டோர் , சிறுபான்மையினர் மேலே வரமுடியாமல்தான் இருக்கிறது. சட்டத்தின் முன் அனைவரும் சமம் என்று வார்த்தையளவில்தான்  சொல்லப்படுகிறது. நடைமுறையில்,  பரமக்குடியில் தாழ்த்தப்பட்டவனின் மேல் துப்பாக்கிக் குண்டு பாய்கிறது. அதற்காக பிரான்சு போல், ரஷ்யா போல் புரட்சி வரவேண்டுமென்று சொல்லவில்லை. தங்களின் சக்தியை இன்னும் மக்கள் உணராமல் “ஐயா சாமி” என்று வாய்பொத்தி ஆமாம் சாமி போடும் கண்மூடிப்பழக்கமெல்லாம் மண்மூடிப் போகவேண்டுமென்றே சொல்கிறோம். உயர் சாதிக்குப் பல்லக்குத் தூக்கும் மனப்பான்மை மடியவேண்டுமென்றுதான் சொல்கிறோம். இவர்கள் இப்படி உயர்சாதிக்கு ஜால்ராப் போடுவதற்கு  கல்வி யறிவு இல்லாமையும், கடவுளின் பெயரால் காலம் காலமாக பயமுறுத்தப்படுதலும் அடிப்படைக் காரணங்களாகும். 

கடவுளுக்கு காணிக்கை செலுத்தாவிட்டால் கண் போய்விடும், ரத்தம் கக்கி சாவாய், அம்மனுக்கு கோபம வந்தால் மழை பெய்யாது என்றெல்லாம் கல்வி அறிவில் பலகீனமாக்கப்பட்டவர்கள் பயமுறுத்தப்பட்டு உயர்சாதியினர் ஏழைமக்களின் உதிரத்தை உறிஞ்சிக் கொழிக்கின்றனர்.  இத்தகைய அப்பாவிகளை மிரட்டி வைத்து இருப்பதில் மனு நீதியின் பங்கு பெரும் பங்கு ஆகும். தாழ்த்தப்பட்டவர்கள் நேரடியாக சொர்க்கம் செல்ல இயலாது என்றும், ஒரு பிராமணருடைய உயிரைக்காப்பாற்ற இலவசமாக தன் உயிரைக்கொடுத்தால் மட்டுமே சொர்க்கம் செல்ல முடியும் என்றும் அத்தியாயம் பத்து 62- வது சுலோகத்தில் சொல்லப்பட்டு இருக்கிறது. அதுபற்றி பின்னர் பார்க்கலாம்.

இப்போது தொடராக, மனு நீதியின்  CHAPTER III. 3. சொல்கிறது. 

12. For the first marriage of twice-born men, wives of equal caste are recommended; but for those who through desire proceed to marry again the following females, chosen according to the direct order of the castes, are most approved. 

13. It is declared that a Shudra woman alone can be the wife of a Shudra, she and one of his own caste the wives of a Vaisya, those two and one of his own caste the wives of a Kshatriya, those three and one of his own caste the wives of a Brahmin. 

14. A Shudra woman is not mentioned even in any ancient story as the first wife of a Brahmin or of a Kshatriya, though they lived in the greatest distress. 

15. Twice-born men who, in their folly, wed wives of the low (Shudra) caste, soon degrade their families and their children to the state of Shudras. 

17. A Brahmin who takes a Shudra wife to his bed, will after death sink into hell; if he begets a child by her, he will lose the rank of a Brahmin. 

இருபிறவி பிறந்த உயர்சாதி ஆண்மகன் தனக்கு சமமான சாதியைச் சேர்ந்த பெண்ணைத்தான் திருமணம் முடிக்கவேண்டும். ( இரு பிறவி என்பதற்கு முன் அத்தியாயத்தில் விளக்கம் இருக்கிறது- பிறப்பது ஒரு பிறவி- பூணூல் அணிவது இரண்டாம் பிறவி). அவர்களுக்கு ஒரு மனைவி போதாது என்று நினைக்கும் பட்சத்தில் இரண்டாவதாக மணமுடிப்பதாக இருந்தாலும் தனது சாதியைச் சேர்ந்த பெண்ணையே மணமுடிக்க வேண்டும். தாழ்த்தப்பட்ட சாதியான சூத்திர சாதிப்பெண் ஒரு சூத்திரனையே மணமுடிக்க வேண்டும். நெடுங்காலங்களுக்கு முந்திய புராணங்களில் கூட ஒரு பிராமணன் சூத்திரப்பெண்ணை மணமுடித்த வரலாறு கிடையாதாம்.  

ஏதோ ஒரு உடலின் இச்சையில் அல்லது முட்டாள்தனத்தில் ஒரு “அபிஷ்டு”  உயர்சாதி பிராமணன் தாழ்ந்த சாதியைச் சேர்ந்த பெண்ணை மணமுடிப்பானாகில் அவனும் அவனது குடும்பமும் உயர்சாதி அந்தஸ்தை இழந்துவிடுவார்கள். அவர்களுக்குப் பிறக்கும் குழந்தைகளும் உடனே பதவியிறக்கம் செய்யப்பட்டு சூத்திரர்களாகிவிடுவார்கள். ஒரு சூத்திரப்பெண்ணோடு தனது படுக்கையைப் பங்கிட்டுக்கொள்ளும் ஒரு பிராமணன்  நரகத்துக்குப் போகக்கடவன். அத்துடன் அதன்மூலம் ஒரு குழந்தையும் பெற்றால் அந்த பிராமணன் தனது உலக மகா அந்தஸ்தாகிய பிராமண அந்தஸ்தை இழந்து “அசடாகி” விடக்கடவன். சுப மஸ்”தூ.”

இன்னும் சுழலும் இந்த சாட்டை ...

-இபுராஹீம் அன்சாரி

மனு நீதி மனித குலத்துக்கு நீதியா? அலசல் தொடர் - 3 19

அலசல் தொடர் : மூன்று.

இந்த தொடரில் மனு நீதியை அத்தியாயத்துக்கு அத்தியாயம் – வரிக்கு வரி – வசனத்துக்கு வசனம் அலசும் அதே வேளையில் தலைப்புக்கு தொடர்புடைய சில அசைக்க முடியாத வரலாற்று சம்பவங்களில் தாழ்த்தப்பட்டோருக்கு இழைக்கப்பட்ட கொடுமைகளையும் சுட்டிக்காட்டிக்கொண்டே வருவேன். (சுக்கு, மல்லி கலந்த  காபிதானே சுவையாக இருக்கும்?)

அவற்றுள் ஒன்று ஆடைகள் பற்றியதும் நடமாட்டம் பற்றியதுமாகும். 

ஒரு காலத்தில் சூத்திரர் என்று ஒடுக்கப்பட்டவர்களுக்கு மேலாடை அணிய உரிமை இல்லை. காலில் செருப்பு அணிய உரிமை இல்லை. சில குறிப்பிட்ட அக்கிரகாரத் தெருக்களில் அவர்கள் நடக்கக் கூடாது. ஆண்கள் தங்களின் உடல் மீது துண்டு போர்த்தினால் எவ்வளவு குளிர் அடித்தாலும் வெயில் அடித்தாலும் “ அவாளைக்” கண்டால் அந்தத் துண்டை எடுத்து இடுப்பில் கட்டிக்கொள்ளவேண்டும்.  இல்லாவிட்டால் தண்டனை. தாழ்த்தப்பட்டோர் மேலே சட்டை போடுவது அரசியல் சட்ட அத்துமீறல் என்பது சில சமஸ்தானங்களில் சட்டமாக்கப்பட்டிருந்ததுதான் வேதனை தரும் தகவல். காலில் செருப்பணிவது கள்ளநோட்டு அடித்த குற்றத்துக்கும் பொதுக்குளத்தில்  குளிப்பது அபின், கஞ்சா போன்ற போதைப்பொருள்கள் கடத்தும் குற்றத்துக்கும்  இணையானவையாக கருதப்பட்டடன.  

இந்த மேலாடைத்தடை சட்டம் – கட்டுப்பாடு தாழ்த்தப்பட்ட இனத்தைச் சேர்ந்த ஆண்களுக்கு மட்டும்தானா? பெண்களுக்கும்தான். பெண்கள் இப்படி மேலாடை அணியாமல் இருப்பது இன்றும் கூட ஆப்ரிக்காவில் சில நாடுகளில் உள்ளது. இதேநிலையில்தான் தாழ்த்தப்பட்ட பெண்கள் இங்கும் நடத்தப்பட்டிருக்கிறார்கள். இதைக்கண்டு வருந்திய ஒரு ஆங்கிலேய ஆட்சியாளரின் மனைவிதான் இன்று பெண்கள் அணியும் ஜாக்கெட்டை வடிவமைத்ததாக கூறுகிறார்கள். இப்படி பெண்கள் மேலாடை இல்லாமல் அலைந்த அருவருப்பான  காட்சி கண்டு வருந்திய மாவீரன் திப்பு சுல்தான் தனது ஆட்சிக்கு உட்பட்ட பிரதேசங்களில் சாதிப்பாகுபாடு இல்லாமல் அனைத்துப் பெண்களும் மேலாடை அணியவேண்டுமென்று ஆணை பிறப்பித்தார். Thank you Thippu. 

அதேபோல் உயர்சாதியினர் வசிக்கும் சில தெருக்களில் தாழ்த்தப்பட்டோர் நடக்க நேரிட்டால் தண்டனை. இந்த சம்பவம்தான் திருவிதாங்கூர் சமஸ்தானத்தில் இருந்த வைக்கம் என்ற ஊரில் ஒரு போராட்டத்துக்கு வித்திட்டது. இந்த போராட்டத்தை நடத்தி, தடுக்கப்பட்டிருந்த அக்கிரகாரத்தெருக்களில் தாழ்த்தப்பட்டோரையும் இஸ்லாமியரையும் உடன் அழைத்துச்சென்ற இராமசாமிப் பெரியார் கைது செய்யப்பட்டு - சிறையில் அடைக்கப்பட்டு – ஆங்கில அரசு தலையிட்டு - அந்த தடை நீக்கப்பட்டு விடுதலையுடன் வெற்றி கண்ட காரணத்தால்தான் பெரியார் “ வைக்கம் வீரர் “ என்று அழைக்கப்பட்டார். 

அதேபோல் ஆலயங்களில் பிரவேசிக்கவும் தாழ்த்தப்பட்டோருக்குத் தடை இருந்ததை எதிர்த்து எண்ணற்ற போராட்டங்களை பல அரசியல் தலைவர்கள்- காந்தி  உட்பட - நடத்தியே இருககிறார்கள். இவையெல்லாம் ஏன்? பிறப்பிலேயே ஏற்றதாழ்வைக் கற்பித்த மனு நீதியால் அல்லவா?

இந்த நிலைமைகள் இன்றும் கூட முழுக்க முழுக்க மாறிவிட்டனவா என்றால் இல்லை. கிராமங்களில் உணவு விடுதிகளில் இரட்டைக்குவளை முறையும்- தாழ்த்தப்பட்டோருக்கான தடுப்புச்சுவர்களும்- கோயில் திருவிழாக்களில் தேர் இழுக்க உரிமை மறுத்தலும்  இன்றும் இருந்து கொண்டுதான் இருக்கின்றன.  முகப்பருவை விரைவில் நீக்கிவிடலாம். மனு நீதி ஏற்படுத்தியது இரத்தப் புற்று நோய்; பிறவிப் போலியோ. இந்த உயர்சாதி வன்கொடுமையின் ஒரு வெளிப்பாடுதான் அண்மையில் அம்பேத்கார் படம் கேலிச்சித்திரமாக பள்ளிப் பாட நூல்களில் இடம் பெற்றதாகும். இந்த பட்டியலில், வாசாத்தியில் தாழ்த்தப்பட்ட பெண்கள் கற்பழிக்கப்பட்டதும், திருக்கோயிலூரில் இருளர் பெண்கள் கற்பழிக்கப்பட்டதும் அடங்கும். இத்தகைய சீண்டல்களும் சேட்டைகளும்  ஆரியர்களின் இரத்தத்தில் ஊறியவை.

இந்த அத்தியாயத்தில் நான் கூறப்போவது மனித குலத்தில் பிறந்த- நாகரிகம் படைத்த – பகுத்தறிவு படைத்த எவரும் – எந்நாளும் ஏற்றுக்கொள்ள முடியாத விஷயம் இந்த மனு நீதியில் சட்டமாக குறிப்பிடப்பட்டுள்ளதைப பற்றியதாகும்.  இது மனு நீதியின் இரண்டாம் அத்தியாயத்தில் குறிப்பிடப்படுகிறது . CHAPER : TWO  29 TO 32. . இது குலவாரியாக பிறந்த குழந்தைகளுக்கு பெயர் சூட்டுவதில் கூட பாகுபாடு கற்பித்த பகுதிகளாகும்.. 

இதன்படி பூணூல் அணிவிக்கப்படும் முன்பாக ஒரு உயர்சாதியில் பிறந்த ஆண் குழந்தைக்கு Gatakarman என்று அழைக்கப்படுகிற பிறப்புரிமை சடங்கு நடத்தப்பட வேண்டும். இதில்தான் குழந்தைக்கு அதன் தந்தையால் ஒரு சுப நாளில், சுப முகூர்த்ததில், சுப நட்சத்திரத்தில் Namadheya  என்று அழைக்கப்படும் பெயர் சூட்டும் விழாவும் நடத்தப்படவேண்டும். இதில் நமக்கு ஒன்றும் பிரச்னை இல்லை. பிறந்த குழந்தைக்கு பெயர் சூட்டட்டும் வாழ்க! வளர்க! 

ஆனால் குழந்தைக்கு சூட்டப்படும் பெயர்கள் எப்படி இருக்கவேண்டுமென்று அதிலும் சாதிவாரியாக சில வரையறைகளை மனு நீதி சொல்கிறது. இதில்தான் நமக்கு பிரச்னை. 

அதாவது, பிராமணக் குழந்தையின் பெயரின் முதல் பகுதி நல்ல அதிருஷ்டத்தை சுட்டிக்காட்டுவதாக இருக்கவேண்டுமாம்; ஷ்த்ரிய குலத்தில் பிறந்த குழந்தையின் பெயரின் முதல் பகுதி சக்தியையும் வீரத்தையும் குறிப்பிடுவதாக இருக்க வேண்டுமாம்; வைசிய குலத்தில் பிறந்த குழந்தையின் முதல்பகுதி செல்வத்தை காட்டுவதாக இருக்கவேண்டுமாம். ஆனால் சூத்திர குலத்தில் பிறந்த குழந்தையின் முதல் பெயர் express something contemptible அதாவது இழிவானதும், வெட்கப்படத்தகுந்ததுமாக இருக்கவேண்டுமாம். முதல் மூன்று சாதிக்கும் முக்கனி கொடுப்பார்களாம். நாலாம் சாதிக்கு நாறிப்போன நரகலை அள்ளித்  தரவேண்டுமாம்.  

அதுமட்டுமல்ல  பெயரின் இரண்டாவது பகுதியிலும்  கூட பிராமணக் குழந்தையின் பெயரில் சந்தோஷமும், ஷத்ரியக் குழந்தையின் பெயரில் பாதுகாப்பு அம்சமும், வைசியக் குழந்தையின் பெயரில் செழிப்பும் இடம்பெற்று இருக்க வேண்டுமாம். ஆனால் சூத்திரக்குழந்தையின் பெயரில் இட்டபணிகளை நிறைவேற்றும் எடுபிடி என்ற அம்சம் இடம் பெற வேண்டுமாம். ஒரு பெரும்பான்மை மக்கள் பின்பற்றும் மதத்தின் சட்டங்கள் இப்படி இருந்தால் எப்படி வரும் சமத்துவம் என்பதை சம்பந்தப்பட்டோர் சிந்திக்க வேண்டும். 

மேலே நான் சாராம்சமாக சுட்டிக்காட்டிய கருத்துக்களைப் பொழியும் மனுவின் வரிகள் இதோ:

29. Before the navel-string is cut, the Gatakarman (birth-rite) must be performed for a male child; and while sacred formulas are being recited, he must be fed with gold, honey, and butter. 

30. But let the father perform or cause to be performed the Namadheya (the rite of naming the child) on the tenth or twelfth day after birth, or on a lucky lunar day, in a lucky muhurta (under an auspicious constellation). 

31. Let the first part of a Brahmin's name denote something auspicious, a Kshatriya's be connected with power, and a Vaisya's with wealth, but a Shudra's express something contemptible. 

32. The second part of a Brahmin's name shall be a word implying happiness, of a Kshatriya's a word implying protection, of a Vaisya's a term expressive of thriving, and of a Shudra's an expression denoting service. 

இதனால்தான் இன்றும் கூட உயர்குலத்தில் பிறந்தவர்கள் சூரிய புத்திரன் , சந்திர குமாரன் என்றெல்லாம்  பெயர் சூட்டிக்கொள்ளும் வேளையில் தாழ்த்தப்பட்ட குலத்தில் பிறந்தவர்கள் மண்ணாங்கட்டி, ஓணான் குட்டி, மாக்கான்  என்றெல்லாம் பெயரிட்டுக்கொள்கிறார்களோ என்கிற சந்தேகம் எனக்கு. 

வாணியம்பாடியில் என்னுடன் திண்டிவனம் என்ற பெயருடைய தாழ்த்தப்பட்ட இனத்தை சேர்ந்த ஒரு நண்பர் பயின்றார். ஏன் இப்படி ஊர் பெயரை வைத்து இருக்கிறாய் என்று கேட்டேன். அவர்கள் குடும்பம் சாலைப்பணியாளர்கள் குடும்பம். ஊர் ஊராகப் போய் சாலைகள் போடுவது அவர்கள் வேலை. எந்த ஊரில் குழந்தை பிறக்கிறதோ அந்த ஊரின் பெயரை பிறக்கும் குழந்தைக்கு வைத்து விடுவார்களாம். இதே போல் எனது வகுப்புத்தோழர் திண்டிவனத்துக்கு மலைக்கோட்டை , பண்ருட்டி , மருங்காபுரி  , பனைமரத்துப்பட்டி என்றெல்லாம்  சித்தப்பா, பெரியப்பா மக்கள் உண்டாம். (இன்று திரு. திண்டிவனம் கூட்டுறவுத்துறையில் சார் பதிவாளர் பதவி வரை  சேவை செய்து ஒய்வு பெற்று விழுப்புரத்தில் வசிக்கிறார். அவர் பெயரில் இருந்த இடக்கு மடக்கு காரணமாக படிக்கும் காலத்தில் அவரை நாங்கள் திவான் என்று நல்ல பெயரிட்டு அழைத்தோம் )

இன்னும் சுழலும் இந்த சாட்டை ...

-இபுராஹீம் அன்சாரி

மனு நீதி மனித குலத்துக்கு நீதியா? - அலசல் தொடர் 2 20

அலசல் தொடர் : இரண்டு.

திருவள்ளுவர் தொட்டு உலகப்புகழ்பெற்ற அறிஞர்களாக இருந்தாலும் சரி பிறப்பால் அவர்கள் பிராமணர்களாக இல்லாவிட்டால் அவர்கள் தொடக்கூடத்தகாதவர்கள் என்கிற கருத்தை பறைசாற்றும் மனுநீதியின் மண்ணாய்ப்போன நீதியை முன் அத்தியாயத்தில் கண்டோம்.

அறிஞர்கள் மட்டுமல்ல அரசர்களாக இருந்தாலும் கூட அவர்களும் தீண்டத்தகாதவர்களே. இததகைய அரசர்களுக்கு சூத்திர அரசர்கள் என்று பெயர் – அவர்கள் ஆண்ட நாடுகளுக்கு சூத்திர நாடுகள் என்று பெயர் சூட்டப்பட்டது . இவர்கள் சூத்திரர்கள் என்று அறியப்படவேண்டி இவர்கள் பூணூல் அணிவது தடுக்கப்பட்டது. நாலுவகை சாதியில் சூத்திரருக்கு மட்டும் பூணூல் அணிய உரிமை இல்லை.

மனு நூல் தர்மத்தின்படி மனிதர்கள் ஒரே பிறவியில் இரு பிறவி பிறந்தாக வேண்டும் . முதல் பிறவி தாய்வயிற்றில் இருந்து பிறக்கும்பொழுது ஆகும். இரண்டாம் பிறவி அறிவு நூல்களை ( அதாவது வேதப்பொய்களை) கற்று பூணூல் அணியும்போது ஆகும். அரசர்கள் சூத்திரர்கள். ஆகையால் அவர்கள் இரண்டாம் பிறப்புக்கு தகுதி படைத்தவர்கள் அல்ல. காரணம் அவர்கள் பூணூல் அணியக்கூடாது. அரசர்கள் வேதம் படித்து பூணூல் அணியத் தகுதி இல்லாததால் அவர்களுக்கு அரசியல் ஆலோசனை சொல்லி வழி நடத்த ( அதாவது வழிகெடுக்க)  ஒரு ராஜரிஷி – பிறப்பால் பிராமணர்- கூடவே இருப்பார். கட்டுச் சோற்றுக்குள் பெருச்சாளியை வைத்துக்கட்டியதுபோல்தான் இதுவும்.

அத்துடன் இந்த வர்ணங்களுக்குள்ளேயே கோத்திரங்கள் உண்டு. அந்த கோத்திரங்களின் பெயர்கள் பெரும்பாலும் வட இந்திய ஆரிய முனிவர்களின் பெயர்களை ஒட்டியே இருக்கும். உதாரணமாக விஸ்வமித்திரர் கோத்திரம், கவுஷ்ய கோத்திரம், வசிஷ்ட கோத்திரம், காஸ்யப கோத்திரம் இப்படிப்பல. இதை ஏன் குறிப்பிடுகிறேன் என்றால் வடநாட்டில் கி. பி ஏழாம் நூற்றாண்டில் வந்து புகுந்த ஆரியக்கூட்டம் ( இது பற்றி விரிவான வரலாற்று சம்பவங்கள் பின்னர்) அங்கு ஆண்டாண்டுகளாக வாழ்ந்துவந்த மக்களை – ஆதி திராவிடர்களாக்கி  இடத்தை பிடுங்கிக்கொண்டு விரட்டிவிட்டு ஆரிய சிலந்திவலையை அகலமாகப்  பின்னிவிட்டது.

ஆதாரம்: It was in 7th c.A.D. after the demise of Harsha, the last great Dravidian Emperor, the invading groups joined together at Mount Abu in Rajasthan and formed a United Front against Indian Dravidians under the leadership of Persians, the fire worshippers, who later on claimed that they are the Brahmins. Because of their united efforts, they were able to capture political power from the Dravidians in North India and they formed 'Aryavardha', the Kingdom of the Aryans.(  HISTORY OF INDIA PROF. G. K. MISRA)

அதன்விளைவுதான் இப்படிப்பட்ட கோத்திரங்களின் பெயர்களில் வட இந்திய வாடை அடிக்கிறது. இந்த கோத்திரங்கள் ஒன்றில் கூட தமிழ் முனிவர்களின் பெயர்கள் காணப்படுவது இல்லை. ஏனென்றால் இவைகள் இறக்குமதி சரக்குகள். இந்த மண்ணில் மலர்ந்த தொல்காப்பியத்தில் இந்த கோத்திரங்கள் குறிப்பிடப்படவில்லை.

அப்படி நாடும் வீடும் பறிகொடுத்து ஓடிவந்த இந்த மண்ணின் சொந்த மக்களே “தலித்” என நாடு முழுதும் அழைக்கப்படுகின்றனர். தலித் என்கிற சமஸ்கிருத வார்த்தைக்கு அடிமட்ட, ஒடுக்கப்பட்ட , நசுக்கப்பட்ட, துண்டுகளாக நொறுக்கப்பட்ட என்று பொருள் கொள்ளலாம். ஆங்கிலத்தில் இவற்றை "ground", "suppressed", "crushed", or "broken to pieces" என்றும் கூறி விளக்கலாம். இப்படி மக்களை அடிமட்டமாக்கி, ஒடுக்கி, நசுக்கி, துண்டு துண்டுகளாக நொறுக்கிய பெருமை மனு நீதிக்கே சென்று சேரும். இதை தனது ஆராய்ச்சி  நூலில் குறிப்பிடும் அரசியல் சட்ட மேதை டாக்டர் அம்பேத்கார் “பொதுக் குள‌ங்களில் நாய், ஆடு மாடுகள் கூட தாகத்திற்காக தண்ணீர் குடிக்கலாம், ஆனால் ஒரு தலித் தண்ணீர் குடிக்கக் கூடாது என்று சொல்லும் இந்தப் பார்ப்பனர்கள் வாழும் நாட்டில் நான் ஒரு மிருகமாக பிறந்திருக்கக் கூடாதா? “ என புலம்பி அழுகிறார்.

இந்த தாழ்த்தப்பட்டோருக்கு – தலித்துகளுக்கு ஒரு சிறப்பு பெயர் கொடுக்க நினைத்த காந்தி அடிகள் அவர்களை ஹரிஜன் அதாவது கடவுளின் குழந்தைகள் என்று அழைக்கச் சொன்னார். அவர் கூற்றுப்படி ஏற்றுக்கொண்டாலும் ஹரி என்பவர் மட்டும் கடவுள் அல்லவே . இன்னும் பல பெயர் கொண்ட கடவுள்கள் இருக்கிறார்களே. அப்படியானால் இந்த தலித்துக்கள் எந்தக் கடவுளின் குழந்தைகள்? ஹரியின் குழந்தைகள் என்றால் சிவனின் குழந்தைகள் என்று இல்லாமல் ஆகிவிடுமா? அப்படியானால் கடவுளின் பெயர் என்ன ஹரியா? சிவனா? ஹரியும் சிவனும் ஒண்ணு  அதை அறியாதவன் வாயில் மண்ணு என்று புருடாவெல்லாம் விடக்கூடாது. இரண்டும் ஒன்றென்றால் ஏன் தனிப்பெயர்கள்? பெயர்கள் மட்டுமா தனி? ஸ்தல விருட்சங்கள் என்கிற மரங்களில் இருந்து- வழிபடும் முறைகளில் இருந்து – ஊற்றும் எண்ணெயில் இருந்து- நெற்றியில் போடும் நாமத்தில் இருந்து – படைக்கும் நைவேத்தியத்தில் இருந்து கடவுளின் முன் பாகுபாடுகள் ஏன்?

மனுதர்மத்தின் அத்தியாயம் ஒன்றில் வசனங்கள் ( CHAPTER: 1)

93. As the Brahmana sprang from (Brahman's) mouth, as he was the first-born, and as he possesses the Veda, he is by right the lord of this whole creation.

96. Of created beings the most excellent are said to be those which are animated; of the animated, those which subsist by intelligence; of the intelligent, mankind; and of men, the Brahmanas;

99. A Brahmana, coming into existence, is born as the highest on earth, the lord of all created beings, for the protection of the treasury of the law.

100. Whatever exists in the world is, the property of the Brahmana; on account of the excellence of his origin The Brahmana is, indeed, entitled to all.

ஆகியவைகள் வியப்பின், வினாக்களின், விந்தைகளின் உச்சகட்டமாகும்.

இந்த 93,96,99, 100  ஆகிய சுலோகங்களின்  கருத்துப்படி வேதங்களை உச்சரிக்க தகுதி படைத்தவனும், பdaiடைக்கப்பட்ட உயிர் இனங்களில் எல்லாம் மிக மிக  உயர்ந்தவனும், அறிவுச்செழுமை நிறையப்பெற்றவனும், ஆட்சியில் அமர்ந்து அதிகாரம் செலுத்துவதற்கென்றே ஸ்பெஷலாக  ஆண்டவனால் படைக்கப்பட்டவனும், நாட்டின் சொத்து சுகங்களை பாதுகாக்கவும் ,பராமரிக்கவும், தகுதி படைத்தவனும் மொத்தமாக சொல்லப்போனால் படைப்பின் அர்த்தமும், படைக்கப்பட்ட அனைத்து சுகபோகங்களுக்கும் சொந்தக்காரனும் “அவாளைத்” தவிர வேறு “எவாளும்” இல்லை. “இவாளைத்”தவிர மற்ற அனைவரும் உப்புக்கு சப்பாணிதான். ஆகவே இப்படி ஸ்பெஷல் சலுகைகளோடு படைக்கப்பட்ட பிராமணர்கள் அனைவரும் கை கோர்த்து “  ஆண்டவன் படைச்சான்- என்கிட்டே கொடுத்தான்- அனுபவி ராஜான்னு அனுப்பி வச்சான் “ என்றும், “ உலகம் பிறந்தது எனக்காக- ஓடும நதிகளும் எனக்காக – மலர்கள் மலர்வது எனக்காக “ என்றும் கும்மாளமிட்டுப் பாடலாம்.  இப்படிப்பட்ட போதனைகளை நிலை பெறச்செய்து  ஒரு பெரும்பான்மை மக்கள் கூட்டத்தின் சமூக அந்தஸ்தை இடுப்பொடித்துப்போடும் மனு நீதி மனித குலத்துக்கு நீதியா? கடவுளின் பெயர் சொல்லி இப்படி ஒரு கர்மாந்திரக் கருத்தைப் பரப்பி ஒரு சிறு கூட்டம் நாட்டை சுரண்டுவது முறையா? சிந்திக்கவேண்டியவர்கள் சிந்திக்கவேண்டியவை இவை. சிந்திக்க வைப்போம்.

இனியும் இருக்கின்றன ஏராளம்.

இன்னும் சுழலும் இந்த சாட்டை ...

-இபுராஹீம் அன்சாரி