பத்ரு களம் - நினைவு கூறுவோம் ! 8

அல்லாஹ்வின் திருப்பெயரால்...

அஸ்ஸலாமு அலைக்கும், அன்பிற்கினிய சகோதரர்களுக்கு ! பத்ரு களம் என்ற இந்த பதிவு கடந்த வருடங்களின் ரமளான் மாதத்தில் நம் அதிரைநிருபரில் வெளியாகி நல்ல வரவேற்பை பெற்றது. இந்த பதிவை இன்று மீள்பதிவு செய்கிறோம்.


-நெறியாளர்

ரமளான் மாதம் பிறை 17ல் இஸ்லாமிய முதல்போர் பத்ரு யுத்தம்.

                                                                                                                                       

பத்ரு யுத்தம் பற்றி நாம் அனைவரும் தெரிந்திருந்தாலும் ஒவ்வொரு முஸ்லீமும் அந்த நிகழ்வை ஞாபகப்படுத்துவதன் மூலம் நம்முடைய தக்வாவை அதிகரிக்கலாம்.

எம்பெருமானார் முஹம்மது முஸ்தபா ஸல்லள்ளாஹு அலைஹிவஸல்லாம் அவர்கள் காலத்தில் தாமே சென்று செய்த யுத்தங்களில் மிக முக்கியமானது பதுர் யுத்தமாகும். இதுவே இஸ்லாத்தின் வெற்றிக்கும் ,இஸ்லாம் அழிக்கப்படாமல் பரவுவதற்கும், முன்னேற்றத்திற்கும் மக்களின் ஊக்கத்திற்கும் வீரத்திற்கும் வித்திட்டது என்பது குறிப்பிடத்தக்கது.

முஸ்லிம்களும் முஸ்லிம்களின் எதிரிகளும் கி.பி. 623 ம்  ஆண்டு ஹிஜ்ரி 2 ம் வருடம் யுத்த களத்திற்குச் சென்று யுத்த ஆயத்தங்கள் செய்து கொண்டனர். இவ்யுத்தத்தில் கலந்துக் கொண்ட முஸ்லிம்கள்  எண்ணிக்கை 313 பேர் என்றும் எதிரிகளின் தொகை ஏறக்குறைய 1000 என்றும் ஹதீஸ்களில் காணப்படுகிறது.

எம்பெருமானார் (ஸல்) அவர்கள் தாமே அணியை ஒழுங்கு செய்தனர். இதில் முஸ்லிம்கள் வெற்றி பெறுவர் என்ற நற்செய்தி பேரிறையிடத்திருந்து வந்ததை எம்பெருமானார் (ஸல்) முஸ்லிம் வீரர்களுக்கு எடுத்துரைத்தார்கள்...

மக்காவின் இறை நிராகரிப்பாளர்களுடனான பத்ரு போர் நடைபெறுவதற்கு முன்னர் நபி (ஸல்) அவர்கள் மக்காவின் இறை நிராகரிப்பாளர்கள் ஒவ்வொருவரின் பெயரைக் கூறி அவர்கள் கொல்லப்படும் இடத்தைச் சுட்டிக் காட்டினார்கள். பின்னர் பத்ரு போர் நடைபெற்று முடிந்தவுடன் நபி (ஸல்) அவர்கள் கூறியவாறே அப்போரில் எதிரிகள் கொல்லப்பட்டனர் என்பதை அப்போரில் கலந்துக் கொண்ட நபித்தோழர்கள் அறிந்து நபி (ஸல்) அவர்களின் முன்னறிவிப்பு மெய்பிக்கப்பட்டதை உணர்ந்தார்கள்.

பத்ரு களம் கண்ட வீரத் தியாகிகள் (ஷுஹதாக்கள்)

01. உமைர் இப்னு அபீ வக்காஸ் (ரலி)

02. ஸஃப்வான் இப்னு வஹப்(ரலி)

03. துஷ்ஷம்மாஃ இப்னு அப்து அம்ர்(ரலி)

04 .முஸஜ்ஜஃ இப்ன ஸாலிஹ்(ரலி)

05.ஆகில் இப்னுல் பக்ரு(ரலி)

06.உபைதா இப்னுல் ஹாரித் இப்னு அப்துல் முத்தலிப்(ரலி)

07.உமைர் இப்னுல் ஹம்மாம்(ரலி)

08 .யஸீது இப்னுல் ஹாரித் இப்னு கைஸ்(ரலி)

09 .அவ்ஃப் இப்னு ஹாரித் இப்னு ரிஃபாஆ (ரலி)

10 .மஸ்வூது இப்னு ஹாரித் இப்னு ரிஃபாஆ(ரலி)

11 .மஸ்அத் இப்னு ஹத்மா(ரலி)

12 .முபஷ்ஷிர் இப்னு அப்துல் முன்திர்(ரலி)

13 .ஹாரிதா இப்னு ஸுராக்கா (ரலி)

14 .ராஃபிஃ இப்னுல் முஅல்லா (ரலி)

பத்ருப் போர் பற்றிய இந்த சொற்ப்பொழிவை கேட்டுப் பாருங்கள், கண்ணிர் வராதவருக்கும் வந்துவிடும்.

பகுதி 1 http://www.islamkalvi.com/media/iyub41/audio1.mp3

பகுதி 2 http://www.islamkalvi.com/media/iyub41/audio2.mp3



நன்றி-இஸ்லாம் கல்வி

போர் நடந்த அந்த இடங்களின் படங்களை கீழே பாருங்கள்

On 17th Ramadan Year 2nd of Hejra, Prophet Mohammad (PBUH) came to BADER from MADINA With around 300 of his Followers from the way shows in picture (Red Arrow).

Prophet Mohammed (PBUH) Camp with his Army in this Area and The Hill in the Picture is Called (Odoat Al Dunea)

Right Arrow Shows (Al Odoat Al Dunea) and on versant of it Muslims Camp, Middle Arrow Shows the way which ABO SOFEAN Convoy pass all the way through and Left Arrow Shows Malaeka mountain  (where JEBREAL and MEKAEAL sent By ALLAH with 1000 Of Malaeka to help Muslims Army against Unbelievers.)

This is where Muslims Army moved to where BADER WELL was at the back of them

A different picture angle of (Al Odoat Al Dunea) and Malaeka Mountain and the new camp area where Muslims moved to.

The Arrow shows the place of the Followers Graves

BADER THE OLD TOWN

இஸ்லாமிய வரலாற்றில் மிக முக்கிய நிகழ்வான பத்ரு தற்காப்பு யுத்ததையும், பத்ரு யுத்தப் போராளிகளை நாம் நினைவு கூர்ந்து நம்முடைய தக்வாவை அதிகரிக்க முயற்சி செய்யலாமே.... அல்லாஹ் போதுமானவன்.

தொகுப்பு: அதிரைநிருபர் குழு

நன்றி: சுவனத்தென்றல், சகோ.இஸ்மத் வலைப்பூ

நோன்பாளிகளே! - 3 - மீள்பதிவு தொடர்கிறது... 0

அளவற்ற அருளாளனும் நிகரற்ற அன்புடையோனுமாகிய அல்லாஹ்வின் பெயரால்...

அன்பார்ந்த சகோதர சகோதரிகளே! (அஸ்ஸலாமு அலைக்கும்(வரஹ்) இறைவனின் சாந்தியும், சமாதானமும் தங்கள் மீது என்றென்றும் நிலவட்டுமாக!)  இந்த தொடரில் உணர்ந்தும், உணராமலும் ஆண் பெண் என்ற வித்தியாசம் இல்லாமல் செய்து வரும் தீமையைப் பற்றி பார்ப்போம் 

பெரியத்திரை சின்னத்திரை:

ஒரு காலத்தில் பெரியத்திரையில் வந்த படங்கள் பிறகு வீடியோ கடையில் கணக்கு வைத்து வாரம் ஒன்று எடுத்து பார்த்த நேரம் போய் பிறகு சீடியாக படங்கள் வெளிவந்தது. பிறகு சின்னத்திரையில் உலகத் தொலைக்காட்சிகளில் முதல்முறையாக என்பதும் போய் இப்பொழுது உங்கள் அபிமான சின்னத்திரையில் மூன்று படங்கள் தொடர்ந்து பார்த்து சந்தோஷமாக இருங்கள் என்ற விளம்பரம். பணம் ஒன்றுதான் குறிக்கோள், மக்களை சிந்திக்க விடாமல் வைத்திருப்பதற்கு போட்டி போட்டுக்கொண்டு இந்த சின்னத்திரை (தொலைக்காட்சி)கள் முன்னனியில் இருக்கிறது.

இணையதளம்:

இணையதளம் ஒரு கடல் இதில் நல்லதை தேடலாம் என்றால் இதிலும் திரும்பிய பக்கமெல்லாம் ஆயிரக்கணக்கில் ஷைத்தான்கள் தலைவிரித்தாடுகின்றன. இப்பொழுது எதற்கும் கஷ்டப்பட வேண்டியதில்லை திருட்டு சீடி என்று அலற வேண்டியதில்லை. என்ன படம் வேண்டும் உடனே டவுன்லோட் செய்து பார்த்துக்கொள்ளலாம்.

நாம்  எல்லோரும் ஒரு காலத்தில் சினிமாவை பார்த்தவர்கள்தான். சினிமாவை பார்க்காத யாரும் இருக்க முடியாது. ஆனால் எப்பொழுது நமக்கு இது ஹராம் என்று தெரியவருகிறதோ இதிலிருந்து விலகி விடுவதுதான் நமக்கு நன்மையை பெற்றுத்தரும்.

ஒரு சகோதரர் சொன்னது என் உறவினர் வீட்டுக்கு செல்வது என்றால் எனக்கு கஷ்டமாக இருக்கும். என்னால் அமல் செய்ய முடியாது. அவர்களின் வீட்டில் வெள்ளிக்கிழமை இரவாகிவிட்டால் அமல் பெரிதாக இருக்கும், என்ன பெரிய அமல் படத்தை டவுன்லோட் செய்து பார்ப்பதுதான் அவர்களின் வேலையாம். நான் எவ்வளவோ சொன்னபிறகும் தொடர்ந்து செய்து கொண்டுதான் இருக்கிறார்கள் என்று சொன்னார். வல்ல அல்லாஹ் ஹிதாயத் வழங்கட்டும்.

சின்னத்திரை:

குறுந்தொடர், மெகா தொடர் ஓடிக்கொண்டே இருக்கும். தொடர் 10 நிமிடம், விளம்பரம் 20 நிமிடம். சினிமா 2 மணிநேரத்தில் முடிந்து விடும். இந்த தொடர்கள் மாதக்கணக்கில் எடுப்பவர்களுக்கே முடிவு தெரியாமல் ஓடிக்கொண்டு இருக்கும். அப்படி என்ன நாட்டுபற்றையும் அறிவு வளர்ச்சியையும் இந்த தொடர்கள் சொல்லிக்கொடுக்கிறது. பட்டியல் போடலாம் மூட நம்பிக்கைகள், எப்படி கொலை செய்வது, கொள்ளையடிப்பது, மாமியார் மருமகளையும், மருமகள் மாமியாரையும் கொடுமை படுத்துவது. அடுத்தவன் மனைவியை கடத்திச்செல்வது இன்னும் இதுபோன்ற கேடுகெட்ட கலாச்சார சீரழிவை கற்றுத்தருபவகைள்தான் இந்த தொடர்கள்.

விளம்பரத்தை பார்த்து தேவையில்லாத பொருள்களை பெண்களை வாங்க வைக்கும் தந்திரமும் இதில் இருக்கிறது ஸ்பான்சர் வியாபாரிகள்தானே. தொடர்களில் மூழ்கி இருக்கும் சகோதரிகள் இதிலிருந்து விலகி தவ்பா செய்து விட்டு உண்மையான மூமின்களாக மாற முயற்சி செய்யுங்கள்.

லாப்டாப் (மடிக்கணிணி):

ஒரு ரூமில் ஐந்து நபர்கள் இருந்தால் ஐந்து பேரிடமும் மடிக்கணிணி. லாப்டாப் நல்லதுக்குத்தான் கண்டுபிடித்தார்கள். ஆனால் இளைஞர்களுக்கு அதிகம் பயன்படுவது சினிமா பார்க்கத்தான். மணிக்கணக்கில் பேசுவதற்கும்தான். சில ரூம்களில் தொடர்ந்து படம் பார்த்துக்கொண்டு இருந்து பிறகு ஸஹர் வைத்து தொழாமல் தூங்குபவர்களும் இருக்கிறார்கள்.

கண்ணால் ஏற்படும் பாவங்கள்:

கண் செய்யும் பாவங்களில் பார்க்கக்கூடாத காட்சிகளும் அடங்கும். நேரடியாக எதையெல்லாம் பார்க்க அனுமதி இல்லையோ அதை நிழற்படங்களாக பார்க்கவும் அனுமதி இல்லை. (உதராணத்திற்கு: அரை குறை ஆடையுடன் வரும் பெண்களை).

முதல் பார்வை சாதாரண பார்வை, இரண்டாவது பார்வை ஷைத்தானின் பார்வை ஆகவே மீண்டும் பார்ப்பதை தவிர்த்துக்கொள்ளுங்கள் என்பது நபிமொழி.

பெரியத்திரைக்கு அதிகம் யாரும் போவதில்லை. சின்னத்திரை, மடித்திரை(மடிக்கணிணி) இவைகளில் படங்கள், மெகா தொடர்கள் பார்த்துக்கொண்டு இருப்பவர்கள் மார்க்கம் அனுமதிக்காத காரியங்களில் மூழ்கி இருக்கிறோம், மேலும் நமது காரியங்கள் அனைத்தையும் இரண்டு மலக்குகள் பதிவு செய்து கொண்டு இருக்கிறார்கள், நாளை மறுமையில் நமது அமல்கள் அனைத்தும் புத்தக வடிவில் நமது கையில் வல்ல அல்லாஹ் கொடுப்பான் என்பதை மனதில் பதிய வைத்துக்கொள்ளுங்கள்.

நாம் இருக்கும் ரூமில் கேமரா வைத்து கண்காணித்தால் ஒன்று மட்டும்தான் கண்காணிக்கும். வல்ல அல்லாஹ்வோ அவன் நேரடியாக பார்த்துக்கொண்டு இருக்கிறான். வலுவான சாட்சிகளாக மலக்குமார்கள் இருக்கிறார்கள். இதற்கு மேலும் நமது உறுப்புகளும் சாட்சி கூறும். நாம் செய்யும் காரியங்கள் அனைத்தும் பதிவு செய்யப்படுவதால், நாளை மறுமையில் நாம் எதையும் மறைக்க முடியாது.

எனதருமை சகோதர, சகோதரிகளே! நமது தலைவர் நபி(ஸல்) அவர்கள் காட்டித்தந்த வாழ்க்கை நெறியை அழகிய முறையில் கற்று, அழகிய முறையில் கடைபிடித்து அனைத்துவிதமான ஹராமான காரியங்களில் இருந்து விலகி முடிந்தவரை ஹலாலை பேணி உறுதியான ஈமானுடன் வாழ்வதற்கு நாம் அனைவரும் முயற்சி செய்வோம் இன்ஷாஅல்லாஹ்!.

இன்ஷாஅல்லாஹ் வளரும். . .

S.அலாவுதீன்

வலைச்சுவடிகள்...



sabeer.abushahruk சொன்னது…


உண்ணாமலும் பருகாமலும் இருப்பது மட்டுமே நோன்பு போன்றதொரு மாயையில் கிடந்த நம் மக்களை இதுபோன்ற வழிகாட்டுதல்களே மீட்டெடுக்கும்.


ஜஸாக்கல்லாஹு க்ஹைரா, அலாவுதீன்
-------------------------------------------------------


அபுஇபுறாஹீம் சொன்னது…


அன்றாடம் அசாதரனமாக நடந்தேறும் நிகழ்வுகளில் குடியிருக்கும் தவறுகளை எளிமையாக எடுத்துச் சொல்லியிருக்கிறீர்கள் ! இவைகள் இன்னும் தொடர்ந்து கொண்டுதான் இருக்கின்றன இப்படியான செயல்களிலிருந்து அல்லாஹ் பாதுகாப்பானாக !


தொடருங்கள் காக்கா...
-------------------------------------------------------


M.H. ஜஹபர் சாதிக் சொன்னது…


ஆக்கபூர்வமான பதிவு!
ஊருக்கு ஓரிரு சினிமாத்திரை காலம் கடந்து, 
வீட்டுக்கொரு சின்னத்திரை சீரழிவும் ஒழிந்து,
ஆளுக்கோர் மடிக்கணிணி தவழும் காலம் இது.
இந்தக் கணிணிக்கடலில் அறிவும் உண்டு அழிவும் உண்டு.
ஆவதும் தாழ்வதும் அவரவர் கையிலே!
-------------------------------------------------------

VANJOOR சொன்னது…


அருட்கொடையாம் தொழுகை.


தொழுகை உங்களுக்கே. தொழுகை உங்களுக்கே. தொழுகை உங்களுக்கே.


ஒவ்வொரு தொழுகைக்கும் சுத்தி (ஒழு) செய்யும் பொழுதும் உட‌ற்சுகாதார‌ம் எவ்வாறு பேணி க‌டைப் பிடிக்கப்ப‌டுகின்ற‌து என்ப‌தை சிந்தித்தீர்க‌ளா?


கைகள், பற்கள், வாய் , நாசித்துவாரங்கள், கண்கள், முகம், தலை, பிடரி, கால்கள் சுத்தம்.


ஐங்கால தொழுகைகளின் நேர அட்டவணையை நோக்கினால்.


அந்தந்த இடத்திற்குண்டான சூரியனின் உதயநிலை உச்சி நிலை, அஸ்தமன நிலையைக் கொண்ட தொழுகை நேரங்கள். 


இதன் மூலம் அகில உலகத்திலும் 24 மணி நேரமும் சதா ஒரு விநாடி விடாது தொழுகைகள் நடந்து கொண்டே இருக்கிறது.


ஆச்சரியமான விந்தை புலப்படவில்லையா?


தொழுகை சுத்தம், கடமை, கட்டுப்பாடு, கண்ணியம், சகோதரத்துவம், ஒற்றுமை , உடல் நலம், இறைதொடர்பு, சமுதாய தொடர்பு, வேற்றுமை பாராட்டாமை மேலும் பல சிறப்புகளை தன்னகத்தில் கொண்டது.


ஐவேளை தொழுகையின் மூல‌ம் உலக கடமைகளை புறந்தள்ளிவிடாமலும் உலகாத‌ய‌ சூழ்நிலைக‌ளிலேயே மூழ்கி கிட‌ந்திடாம‌லும் இறைவ‌னிட‌ம் தொட‌ர்பை ச‌ற்றும் தொய்வில்லாம‌ல் பற்றி பிடித்துக் கொண்டு இணைந்திருப்ப‌த‌ற்கு துணை புரியும் அமைப்பை கண்டீர்களா ?


உலகின் அத்தனை முஸ்லீகளும் எந்த மூலை முக்கிலிருந்தாலும் மையப்புள்ளியாக ஒரே இலக்கான மக்காவிலிருக்கும் ஆதி இறை பள்ளி நோக்கியே தொழுகை. 


இதன் சூட்சுமம் அளவிலடங்காதது. 


உலக முஸ்லீகள் அனைவரையும் தொழுகையின் மூலம் நாடு, இனம், மொழி, நிற பேதமின்றி மறைபொருளாய் பிணைத்து ஒன்றினைக்கிறது என்றால் மிகையாகாது என்ற உண்மை உணர்ந்தீரா? 


தொழுகைகளில் சிறிதேநேரமே ஆனாலும் தொழுகிறவர் ஆத்மார்த்த ஆன்மீக ரீதியாக ஒருவர் அடையும் பெரும்பலன்களுடன், 


நெற்றி, மூக்குமுனை, உள்ளங்கைகள், முழங்கால் முட்டுக்கள்,கால் பெருவிரல்கள் ஆகியவைகள் பூமியில் படிய‌ சஜ்தா செய்யும்பொழுது நம் உடலுக்கு பூமியின் மூலமாக பல நன்மைகளையும் அடைகிறோம் என்றால் வியப்பாக உள்ளதா?


உடல் ரீதியாக எல்லா உடற்ப்பயிற்ச்சிகளுக்கும் மேலான உள்ளத்துக்கும் உடலின் சகலத்துக்கும் பயன் தரும் உடற்பயிற்ச்சியை அவர் அறியாமலே செய்து பலன் பெற்று விடுகிறார்.


பிரசித்தி பெற்ற யோகாசனஆசிரியர் எழுதியுள்ள நூலில் அனைத்து யோகாசனங்களிலேயே இதுதான் சிறப்பானது என்று ஒரு ஆசனத்தை பரிந்துரைத்து 


"இந்த ஆசனத்தை முஸ்லீம்கள் இலகுவாக செய்திடுவார்கள். ஏனென்றால் அவர்கள் தொழுகைகளில் இது அமைந்திருக்கிறது ' என கூறுகிறார்.


இதை நான் பதினான்கு வயதில் 1953ல் படித்தது. ஆசனத்தின் பெயரை மறந்துவிட்டேன்.


தொழுகைகளில் அமைந்த அந்த யோகாசனம் "பிஸ்மீ கால் மடிப்புடன் முழந்தாளிட்டு அத்தஹிய்யாத் தொடங்கி சலாம் கொடுத்து துவாவுடன் தொழுகையை முடிக்கும் வரையிலான இருப்பு நிலை தான்."


இதையெல்லாம் படித்துவிட்டு தொழுகை வெறுமனே ஒரு உடற்பயிற்ச்சி தான் என்று கூறும் முய‌ற்ச்சி அல்ல இது.


தொழுகையினால் கண்காணா, உணர முடியா, அடையாள படுத்தமுடியா, எண்ணிக்கையிலடங்கா பலன்கள் நமக்குள்ளன. அதில் ஒரு துளிதான் இந்த உடற்பயிற்ச்சி விஷயம்.


நமது தொழுகையினால் இறைவனுக்கோ இறைதூதருக்கோ அல்லது வேறு யாருக்குமோ எந்த பலனுமில்லை. 


தொழும்போது இறைவ‌னிட‌ம் பேசுகிறீர்க‌ள். திருக்குரான் ஓதும்பொழுது இறைவ‌ன் உங்க‌ளிட‌ம் பேசுகிறான். 


தொழுகையினால் பலன்கள் அனைத்தும் உங்களுக்கே. உங்களுக்கே. உங்களுக்கே.


CLICK AND READ.


>>> முஸ்லீம்களே!! தொழுகைக்கு நேரம் வகுப்பது சரிதானா? <<<


>>> முஸ்லீம்களே!! வெள்ளிக்கிழமை மட்டும் தொழுகைக்கு முக்கிய‌த்துவம் ஏன்? <<<


>>> 
முஸ்லீம்களே அரபு மொழியில் மட்டும் வழிபாடு ஏன் ? <<<


>>> 
க‌ட‌வுளின் உருவங்க‌ள‌ற்ற‌ பள்ளிவாச‌ல்க‌ள் எப்ப‌டி புனித‌மாக‌ இருக்க‌முடியும்? <<<




வாஞ்சையுடன் வாஞ்சூர்.
-------------------------------------------------------


VANJOOR சொன்னது…


சற்று பொறுமையுடன் காணொளியை செவியுற்று அறிந்திராத உண்மைகளை கேட்டு சிந்தியுங்கள்.


CLICK >>> தீவிரவாதம் முஸ்லீம்களின் தனிஉடைமையா? பகுதி 1. VIDEO 1&2 of 14. <<< CLICK




CLICK >>> தீவிரவாதம் முஸ்லீம்களின் தனிஉடைமையா? அனைவரையும் கவரும். பகுதி 2. VIDEO 3 & 4 of 14. <<<< CLICK
-------------------------------------------------------


 Ameena A. சொன்னது…


அஸ்ஸலாமு அலைக்கும் வரஹ்,


-------
நாம் இருக்கும் ரூமில் கேமரா வைத்து கண்காணித்தால் ஒன்று மட்டும்தான் கண்காணிக்கும். வல்ல அல்லாஹ்வோ அவன் நேரடியாக பார்த்துக்கொண்டு இருக்கிறான். வலுவான சாட்சிகளாக மலக்குமார்கள் இருக்கிறார்கள். இதற்கு மேலும் நமது உறுப்புகளும் சாட்சி கூறும். நாம் செய்யும் காரியங்கள் அனைத்தும் பதிவு செய்யப்படுவதால், நாளை மறுமையில் நாம் எதையும் மறைக்க முடியாது.
--------


மிகச் சரியே, அல்லாஹ்வின் பார்வையிலிருந்து எவரும் தப்ப முடியாது.


தொடருங்கள் சகோதரரே...
-------------------------------------------------------

அப்துல்மாலிக் சொன்னது…


நல்ல பகிர்வு, அதன் வழிநடப்போம் இன்ஷா அல்லாஹ்
-------------------------------------------------------

Shameed சொன்னது…


அலாவுதீன் காக்காவின் கட்டுரை அழகிய அறிவுரை, 


டிவி பார்ப்பதால் கண் கெட்டுப்போகும் என்பதை கூட யாரும் பொருள்படுத்துவது கிடையாது நாளை மறுமை நாளில் அந்த கண் நமக்கு எதிராக சாட்சி சொல்லும்,
-------------------------------------------------------


லெ.மு.செ.அபுபக்கர் சொன்னது…


அஸ்ஸலாமு அலைக்கும்.


பெரியதிரை,சின்னதிரையினால் ஏற்ப்படும்.சீரழிவுகளை தன் மனத்திரைலிருந்து படம் பிடித்து காட்டிய அலாவுதீன் காக்காவுக்கு.வாழ்த்துக்கள்.


ஜப்பான் நாட்டிலும் எத்தனையோ சேனல்கள் இருக்கின்றன.அவர்களுடைய சிந்தனையேல்லாம் தன் நாட்டு மக்களை அறிவாளியாக விஞ்சாநியாக வேண்டும் என்ற நோக்கோடு ஒவ்வொரு சேனலும் போட்டிபோட்டு செயல் படுகிறார்கள்.


இங்கு உள்ள கூத்தாடிகள் அயோக்கியர்கள் மக்களை மனித தன்மையிலிருந்து.மிருகத்தன்மையை அடைவதற்கு.போட்டி போடுகிறார்கள்.இதை உணராத என் அருமை முஃமீனான சகோதர சகோதரிகளும்.தூய்மை படுத்தமுடியாத சாக்கடையில் போய் விழுகிறார்கள் என்பதுதான் வேதனைக்குரிய விசயம்.


இப்படிப்பட்ட முஃமீன்களை அல்லாஹ் காப்பாத்த போதுமானவன்.
-------------------------------------------------------


crown சொன்னது…


அஸ்ஸலாமு அலைக்கும். கருத்து கருவூலம். மெய்ஞானபெட்டகம். தொடரட்டும் உங்கள் ஆக்கம். அல்ஹம்துலில்லாஹ்.
------------------------------------------------------- 


அபுஇபுறாஹீம் சொன்னது…


இன்று காலை தொலைதூரத்திலிருந்து (நானிருக்கும் நாடால்ல) நண்பன் ஒருவன் தொல்லைபேசி(க்) கொண்டிருந்தான் என்னுடன், அப்போது அதிரைநிருபரில் வெளியாகிருந்த இந்தக் கட்டுரையைப் வாசித்து விட்டு வாக்குவாதம் செய்தான்... 


வேற ஒன்னுமில்லை(ங்க) ! அறிவுரைன்னு சொல்ல வந்தா எங்கிருந்துதான் அயர்ச்சி வருகிறதோ தெரியலை அதான் அப்புடி பேசினான், நானும் சொன்னேன் "நீ இப்படியெல்லாம் இல்லை என்றால் உனக்கில்லை என்று நினைத்துக் கொள் - இல்லை நான் அப்படித்தான் இருக்கேன் பழகிவிட்டதுன்னு சொன்னால் இது உனக்கும் உன்னைப் போன்றோர்க்கும் என்று வைத்துக் கொள் என்றேன்"


பேச்சோடு பேச்சாக (சும்மா உடாண்ஸ்) மற்றொன்றையும் சொன்னேன் "நான் எழுதிய கவிதை ஜெயா டிவியில் 'அந்த' பிரபலமான அறிவிப்பாளர் பெயரைச் சொல்லி வாசிக்கிறார் என்றேன்" உடனே நிமிர்ந்து உட்கார்ந்து பேசியிருப்பான் போலும் சுரு சுருப்பாயிட்டான், எப்போ, எத்தனை மணிக்கு அடாடா எனக்கு ரொம்ப லேட்டுலடா தயவு செய்து ரெக்கார்ட் செய்து அனுப்புறியா"ன்னு கேட்டான் !?


இது தாங்க வித்தியாசம் ! அறிவுரைக்கும் அழு(க்)குரல் உரைக்கும் ! - இதனையும் அவன் வாசிப்பான்னு தெரியும் இருப்பினும் இதனிச் சூடு என்று நினைத்தால் ஏசி போட்டுகிடட்டும், ரொம்பதா கூல் என்று நினைத்தாலும் அறிவுரைகள் தொடரும்டா நண்பா !!
-------------------------------------------------------


அலாவுதீன்.S. சொன்னது…


கருத்திட்ட சகோதரர்கள்: சபீர், அபுஇபுறாஹிம், 


M.H.ஜஹபர் சாதிக், அப்துல் மாலிக், ஹமீது, தஸ்தகீர்,


லெ.மு.செ.அபுபக்கர். அனைவருக்கும் நன்றி!


கருத்திட்ட சகோதரி ஆமினா A. அவர்களுக்கும் நன்றி! 


ஜஸாக்கல்லாஹ் ஹைர்!


/// வேற ஒன்னுமில்லை(ங்க) ! அறிவுரைன்னு சொல்ல வந்தா எங்கிருந்துதான் அயர்ச்சி வருகிறதோ தெரியலை அதான் அப்புடி பேசினான், நானும் சொன்னேன் "நீ இப்படியெல்லாம் இல்லை என்றால் உனக்கில்லை என்று நினைத்துக் கொள் - இல்லை நான் அப்படித்தான் இருக்கேன் பழகிவிட்டதுன்னு சொன்னால் இது உனக்கும் உன்னைப் போன்றோர்க்கும் என்று வைத்துக் கொள் என்றேன்"///


அன்புச் சகோதரர் அபுஇபுறாஹிம் தாங்களும் அழகிய அறிவுரையைத்தான் கூறியிருக்கிறீர்கள். நன்றி!
-------------------------------------------------------


தாஜுதீன் சொன்னது…


அஸ்ஸலாமு அலைக்கும்,


அன்பினிய அலாவுதீன் காக்கா,


நவீன வடிவில் ஒவ்வொரு வீட்டிலும் நுழையும் சைத்தான் பற்றிய எச்சரிக்கைகளை விவரித்து சொல்லியமைக்கு மிக்க நன்றி.


பயனுல்ல நல்ல ஆக்கங்களை தந்துவரும் தங்களுக்காக இந்த புனித ரமழானில் து ஆ செய்கிறேன்.
-------------------------------------------------------

பர்மியர்க்கு அருள்வாய்ப் படைத்தோனே ! 9

பர்மிய முஸ்லிம் படுகின்ற வேதனை
தர்மம் நியாயம் தலைகீழாய்ப் போனதை
புத்தன் பெயரில் புரியும் படுகொலை
நித்தம் அழுதேன் நினைத்து

பச்சிளம் பாலகர்ப் பற்றிய நோன்பினை
மெச்சியும் பார்த்து மெழுகாய் உருகினன்
நாதி யிலாநிலை நாட்டில் அகதியாய்;
நீதி வழங்குவாய் நீ

தாயை இழந்து தவிக்கும் குழந்தையை
நாயாய்க் கருதி நடுவீதி(யில்) சுட்டுப்
பொசுக்கும் மிருகமாய்ப் போனர்; இனத்தை
நசுக்கு மிவர்கள் நடப்பு

நோன்பின் தருணத்தில் நோவினைச் சேர்ந்ததைக் 
காண்போர் களின்கண்கள் கண்ணீர் சொரியுமே 
துன்பத்தை யெல்லாம் துடைக்கும் இறைவனே 
இன்பத்தை அங்கே இறக்கு!

--

அபுல்கலாம் பின் ஷைக் அப்துல்காதிர்

“கவியன்பன்” கலாம், அதிராம்பட்டினம்( பாடசாலை), அபுதபி (தொழிற்சாலை) 
அலை பேசி: 00971-50-8351499 / 056 7822844 
வலைப்பூந் தோட்டம்: http://www.kalaamkathir.blogspot.com/ (கவிதைச்சோலை) 
மின்னஞ்சல்: kalaamkathir7@gmail.com

விழிகளின் மெழியாடல் - விஸுவல் டேஸ்ட் ! 27

இறைவன் படைப்பில் ஏராளம் நம் கண்களுக்கும் புலன்களுக்கும் எட்டாதவை உள்ளன ஆனால் வல்லநாயன் நம் கண்ணெதிரே அற்புதங்களை காட்டிக் கொண்டிருக்கும்போது நாமோ வல்லமை பொருந்திய அல்லாஹ்வின் மகிமையை ஆராயாது உலகவாழ்வில் லயித்து இருக்கிறோம்.

மொழியால் பினைப்பு தேடும் நாம்மால், அது மொழியென்றும் உணரமுடியாமல், உச்சரிப்பின் உயிரோட்டத்தையும் அறியாமல் சையகையாலே சாதனைகளும், சாகசமும் செய்யும் சகோதரர் மு.செ.மு.முஹம்மது ஹனீஃபா அவர்களை அறியாதவர்கள் குறைவே என்று சொல்வதைவிட அவரோடு நன்கு பழகியவர்களும் அவரை  அறிந்தவர்களுமே அதிகமதிகம்.

இனிய ரமளான் பொழுதில் புன்னகையே பொருத்தமான இடத்தில்தான் இருக்கிறது என்று ஏங்க வைக்கும் அழகிய பொன்சிரிப்புக்கு சொந்தக்காரர் இவர்கள், தினமும் அவர்களை கண்டு வந்தாலும் இன்று அவரோடு மொழியாடும்போது விழியும் விரலும் பேசியது அங்கே அவர்களிடம் ரமளான் பாலிசி என்றொரு விடயத்தை விவரித்தார்கள் அதோடு அவர்கள் கையில் இருந்த நீண்டதொரு பட்டியலை நம்மிடம் காட்டியதும் ஆச்சர்யத்தில் அசந்தே விட்டோம் !

இன்றல்ல, இது நீண்ட நாட்களாக தொடர்ந்து வரும் வழக்கமென்பது அவர்களோடு பழகியவர்களுக்கு நன்றாகத் தெரியும் (பின்னுட்டங்களில் தெரியவரும் அவைகள் யாவென). 

கையில் சுருட்டி வைத்திருக்கும் 29 பள்ளிவாயில்களின் பெயர்கள் அடங்கிய பெயர் பட்டியல். அதில் நாள் ஒன்றுக்கு ஒரு பள்ளிவாயில் என்று ரமளானில் இரவுத் தொழுகையை நிறைவு செய்வது வழக்கம் என்பதே அந்த பாலிசி. இதுவரை பத்து ரமளானை கடந்து விட்டதால் பத்து பள்ளிவாயில்கள் பெயர்கள் டிக் அடிக்கப்பட்டு விட்டது, இனி மீதமிருக்கும் பத்தொன்பது பள்ளிவாயில்கள் இன்ஷா அல்லாஹ்.

நம் சகோதரர்களிடையே இதனை பகிர்ந்து கொள்ள தூண்டியது இவர்களின் அன்றாட செயல்கள் மட்டுமல்ல இவர்களின் சுறுசுறுப்பும், வேக நடையும் இன்னும் கண்முன்னால் அடிக்கடி வந்து செல்லுவதனாலே….

எல்லாம் வல்ல அல்லாஹ் இவர்களுடைய மற்றும் இவர்களைப் போன்று வல்லமை மிக்க அல்லாஹ்விடம் இறைஞ்சும் அனைவரின் பிரார்த்தனைகளையும் இந்த புனித ரமளான் மாதத்தில் அங்கீகரித்து அருள்புரிவானாக.

அதிரைநிருபர் குழு

அதிரை த.மு.மு.க நன்றி அறிவிப்பு ! 7

அல்லாஹ்வின் திருப்பெயரால்…

அஸ்ஸலாமு அலைக்கும்,

அன்பான அதிரை சொந்தங்களே..

அதிரை தமுமுக கிளை சார்பாக இந்த வருடம் (2012) சஹர் உணவு பல நல்ல உள்ளங்களின் உதவியுடன் நோன்பு பிறை ஒன்று முதல் மிக சிறப்பாக அதிரை ஜாவியாவில் தொடர்ந்து நடைபெற்று வருகிறது. இதில் பெரும்பாலான வெளியூர் நோன்பாளிகள் பயனடைந்து வருகிறார்கள். சஹர் உணவு ஏற்பாடு தொடர்பாக அதிரை தமுமுக நகர தலைவர் சகோதரர் சாதிக் பாட்சா அவர்கள் வெளியிட்டுள்ள காணொளி செய்தி உங்கள் பார்வைக்காக.

எங்கள் இடைவிடாத சமுதாய சேவைகளுக்கு உதவிகள்  செய்துவரும் அனைத்து நல்லுள்ளங்களுக்கும் வல்ல ரஹ்மான் நல்லருள் புரிவானாக. எங்கள் சமுதாய சேவை தொடர நம் சகோதரர்கள் அனைவரும் வல்ல ரஹ்மானிடம் துஆ செய்யுங்கள் இன்ஷா அல்லாஹ்.

மேலும் தொடர்புக்கு: 

த.மு.மு.க. நகர கிளை - அதிரை

தொலைபேசி : 9003127748, 9942033233 

இப்படிக்கு

அதிரை தமுமுக நகர கிளை

கவிதை, ஓர் இஸ்லாமியப் பார்வை – 25 :: தொடர்கிறது... 12

அண்மையில், ‘இலக்கியம், ஓர் இஸ்லாமியப் பார்வை’ எனும் தலைப்பில் இலங்கை அறிஞர் மன்ஸூர் நலீமி அவர்கள் நிகழ்த்திய சொற்பொழிவுக் காணொளியைக் கேட்டேன்.  தேர்ந்த மார்க்க அறிஞரானதால், அவர் அரபு இலக்கியத்திலிருந்து மிகச் சிறந்த எடுத்துக்காட்டுகளை விவரித்திருந்தார்.  இலக்கியம் என்பது கட்டுரை, கதை, கவிதை போன்ற பல இயல்களை உள்ளடக்கியதாகும்.  ஆனால், இவ்வறிஞர் கவிதையை மட்டும் இலக்கியமாகக் கருதித் தம் சொற்பொழிவைத் தொகுத்து வழங்கியிருந்தார்.  http://adiraipost.blogspot.in/2012/07/blog-post_23.html 

அவர் ஓரிடத்தில் ஆதங்கத்துடன், “தமிழில், குறிப்பாக இஸ்லாமியத் தமிழில் சிறந்த இலக்கியங்கள் இருப்பதாக எமக்குத் தெரியவில்லை” என்று குறிப்பிட்டார்.  அவர் அரபு மொழியை மட்டும் சிறப்புறக் கற்றதால் – தமிழிலக்கிய ஈடுபாடு கொள்ளாதவராக இருப்பதால் - அதிலும், நம் சமகால இலக்கியச் செழுமை பற்றிய தகவல்கள் கிடைக்கப் பெறாதவராக இருப்பதால், அவ்வாறு கூறினார் போலும்.  அவருடைய கண்ணுக்கும் கருத்துக்கும் படாமல், இன்று இஸ்லாமியத் தமிழில் இலக்கியப் பரப்பு விரிந்திருக்கின்றது என்பதுவே உண்மை.

பொதுவான தமிழிலக்கியங்களாகப் பேசப்படும் கம்பராமாயணம், மணிமேகலை, சிலப்பதிகாரம் முதலானவற்றின் இலக்கியத் தரத்திற்கு எவ்விதத்திலும் குறையாத விதத்தில் ‘இஸ்லாமிய’ இலக்கியங்களைப் படைத்துள்ளனர் நம் இஸ்லாமியப் புலவர்கள்.  இத்தகைய இலக்கிய முன்னேற்றம், பொதுவான இலக்கிய வளர்ச்சி தடை பட்டிருந்த பதினாறாம் நூற்றாண்டில் நம் தமிழ் முஸ்லிம் புலவர்கள் தமிழ் இலக்கியத்தை வளப்படுத்தி, தமிழிலக்கியத் தொண்டாற்றியுள்ளனர் என்பதுவே உண்மையாகும்.  இத்தகைய இலக்கியங்களுள் சிலவற்றை நான் இஸ்லாமியக் கண்ணோட்டத்தில் ஆய்வு செய்து, சென்ற 1970களில் ‘இஸ்லாமியத் தமிழ் இலக்கியச் சிந்தனை’ எனும் பெயரில் தொகுப்புக் கட்டுரைகள் வரைந்து, பின்னர் அது நூலுருப் பெற்று, இரண்டு பதிப்புகளையும் கண்டுள்ளது. 

ஒரு வேளை, அறிஞர் மன்ஸூர்  கருதியது, குர்ஆன் – சுன்னா அடிப்படையில் இல்லை என்பதாக இருக்கலாம்.  இவ்வாறு இருந்தாலும், நாம் அவர் கூற்றை ஏற்க முடியாது.  மாறாக, கடல் போல் பரந்துள்ள கவிதை இலக்கியங்கள் நம் கண் முன்னே காணக் கிடைக்கின்றன.  அப்பெருங்கடலில் மூழ்கிச் சில முத்துகளையாவது எடுத்து வாசகர்களுக்குத் தரலாம் என்பதுவே எனது அவா.
  

சென்ற இருபதாம் நூற்றாண்டில் இஸ்லாமிய அறிவுப் பின்னணியில், தமிழில் ‘கவிதைப் புரட்சி’ செய்தவர்களுள் குறிப்பிடத் தக்க பேரறிஞர், என் தமிழ்ப் பேராசிரியர், ‘இறையருட்கவிமணி’ கா. அப்துல் கபூர் அவர்களாவார்.  அரபி மொழியறிவும் ஆங்கிலப் புலமையும் தமிழ்ப் பெரும்புலமையும் கொண்டு அன்னார் யாத்தளித்த கவிதை நூல்கள், கவியரங்கக் கவிதைகள் ஏராளம்.  அவை பற்றிய சிறியதோர் அறிமுகத்தை இப்பதிவில் காணலாம் வாருங்கள்!

‘நபியின் கவிஞர்’ என்ற பெயரைப் பெற்ற ஹஸ்ஸான் இப்னு தாபித் (ரலி) அவர்கள் நபி (ஸல்) அவர்கள் இறப்பெய்திய பின்னர் யாத்த ‘மர்திய்யா’ எனும் இரங்கற்பா ‘ஷபீஹுக்க பத்ரின்’ என்று தொடங்குகின்றது.  அதனை ‘முழுமதி’ எனும் பெயரில் அழகுதமிழ்க் கவியாக்கி அளிக்கின்றார் என் ஆசான்:

 “நும்தோற்றம் முழுமதியாம்; நுவல்வேனதிற் பேரொளியாம்

நும்முகமோ நறுமணத்தின் நுவலழகே சொட்டுவதாம்

சீருலகின் பேரழகே! சிந்தனையின் எல்லையதே!

ஈருலகில் பொறுப்பார்யார் எழில்பொழியும் முகங்கண்டு?

ஆதநபி வழிமுறையில் ஹவ்வாக்கள் ஈன்றதில்லை

வேதநபி போன்றொருவர் வெகுசொர்க்கத் திலுமில்லை!”

இந்த நெடிய கவிதையடிகளை மொழியாக்கம் செய்துவந்த ‘இறையருட்கவிமணி’, இறுதியாக,

“பரிந்திடுவார் ரசூலுல்லாஹ்; பாரல்லாஹ் பிழைபொறுப்பான்

உரியநெறி அனைத்திலுமே உயர்வுபெறும் காலமெல்லாம்

இறைமறையே எம்தலைமை; இறையவனே எம்’கிப்லா’

இறையன்றிக் காப்பில்லை; இறையவனே மாபெரியோன்”

என்று தம் கவியாக்கத்தை நிறைவு செய்கின்றார்.  

பேராசிரியரின் படைப்பிலக்கியங்களுள் ஒன்று, ‘இறையருள் மாலை’ எனும் அருள் வேட்டல் ஆகும்.  இப்பனுவலின் கண்ணிகள் அனைத்தும் கசிந்துருகி இறையருளைக் கோரும் பாமாலையாகும்.  கசிந்துருகும் கவிமணியின் எண்ணப் பிரதிபளிப்பின் ஓர் எடுத்துக்காட்டு:

“உன்னிடத் திருந்தே உலகுக்கு வந்தோம் 

உன்னிடத் தன்றோ மீட்சியும் அல்லாஹ்!

மண்ணுறை வாழ்வை மகிழ்வாக்கித் தந்து 

விண்ணுறை வாழ்வை விரிவுசெய் அல்லாஹ்!”

இப்பாமாலை முழுவதுமே ‘துஆ’ எனும் இறைவேட்டலாக இருப்பதால், படித்துப் பரவசம் கொண்டு, கசிந்து கண்ணீர் சொரியும் நிலைக்கு நம்மை ஆக்குகின்றது. 

பேராசிரியரின் புகழ்பெற்ற பாமாலைகளுள் குறிப்பிடத் தக்கது, ‘நாயகமே!’ எனும் படைப்பாகும்.

“அருளாளன் அன்புடையோன் அல்லாஹு வின்கருணைப்

பெருங்கொடையாய் வந்துதித்த பெருமானே நாயகமே!”

என்று தொடங்கி, நபியவர்களின் நல்வாழ்வு, நற்போதனைகள், முன்மாதிரி ஆகியவற்றை அழகுறக் கோர்த்து, அரும்புகள்கூடப் பாடி அகம்  மகிழும் விதத்தில் அமைத்தளித்துள்ளார் என் பேராசான்.

“பாலைகளில் காடுகளில் பனிபடர்ந்த நாடுகளில் 

சோலைகளில் தீவுகளில் சொல்நாட்டும் நாயகமே!”    

என்றெல்லாம் பாடித் தமது ‘ஹுப்புன்நபி’ எனப்படும் நபிநேசத்தைப் பதிவு செய்கின்றார்கள்.

இளம் சிறார்கள் மீது எல்லையற்ற பாசத்தைப் பொழிந்த ‘இறையருட்கவிமணி’யவர்கள், அந்த அரும்புகள் பாடி மகிழ்வதற்காகக் கோர்த்த பாமாலைதான் ‘அரும்பூ’ எனும் தொகுப்பு.  இந்நூலைப் பற்றிக் கவிதையால் தமது கருத்தைப் பதிக்கின்றார் நம் ‘அதிரை அறிஞர்’ புலவர் அஹ்மது பஷீர் அவர்கள்:

“கரும்புக் காட்டைக் கவியாக்கிக் காதிற் குள்ளே ஊற்றியவர்

  சுருங்கிப் போன மானிடரைச் சொற்பொழி வாலே நிமிர்த்தியவர் 

விருந்து படைத்து வெகுநாட்கள் விலகிச் சென்றன எனும்போதில் 

அரும்பு மலரைக் கண்டேனே அதிக இன்பங் கொண்டேனே!

படிக்க எடுத்தேன்; வெடுக்கென்று பற்றிக் கொண்டார் வீட்டிலுளோர்

முடித்தார் ஒருவர் பின்னாக முடிக்கப் பொறுக்க மாட்டாமல் 

படிக்க முனைந்தார் அனைவருமே பழுத்த குலையில் ஈக்கள்போல்

தொடுத்த ‘அரும்பூ’ அத்தனையும் சுவைத்’தேன்’ ‘சுவைத்தேன்’ என்றாரே!” 

என் ஆசான் ‘இறையருட்கவிமணி’ அவர்களின் கவியரங்கத் தலைமைக் கவிதைகளின் தாக்கத்தைப் பற்றிய தகவல்களை, இன்ஷா அல்லாஹ், அடுத்த பதிவில் பார்ப்போம்.

அதிரை அஹ்மது
adiraiahmad@gmail.com

<<பார்வை-24

"வாடா" இங்கே ! - பேசும் படம்... 21

"வாடா" இங்கே, நோன்பு கஞ்சி(யும்) கீழே ! -  பேசும் படம்...

அதிரையில் ரமளான், அது என்றுமே பொற்காலம் ! என ஏங்க வைக்கும் வெளிநாடுவாழ் அதிரை சகோதரர்களுக்கு கண்ணுக்குள் எட்டும் வலைப்பூக்களெல்லாம் தங்களின் படைப்புகளாக நோன்பு கஞ்சியையும் பதிவுகளாக பதிந்தும் வருகின்றனர்...

அட ! நாமும் "வாடா" இங்கே நோன்பு கஞ்சி ! என்று ஒரு போர்டு போட்டுடலாமான்னு யோசனையில் இருக்கும்போது... நம் அதிரைநிருபரின் மூன்றாம் கண் அதிரை வாடாவோடும் நோன்பு கஞ்சியோடும் கொஞ்சியதையும் கண்டு கொள்ளாமல் இருக்க முடியவில்லை...

"வாடா" என்றதும் உடனே அங்கே ஆஜரானதையும் கிளிக்கிக் கொண்டு வந்து உங்களின் பார்வைக்கு(ம்) பரவசத்திற்கும்...

குறிப்பு : நோன்பு வைத்திருப்பவர்கள் தயை கூர்ந்து நோன்பு துறந்த பின்னர் சாப்பிடவும் (!!!!!!! இதென்ன எங்களுக்கு தெரியாதான்னு கேட்டுறாதீங்க ப்ளீஸ்)

புதையுண்ட இறால்களை தேட ஒரு படையே கிளம்புகிறது !

இன்னொரு புளிய மரமா !?

S.ஹமீது

(அதிரையிலிருந்து)

ரமளான் காணொளி: மரணம் வரை வரும் உறவு 0

lஅல்லாஹ்வின் திருப்பெயரால்....

அல்லாஹ்வின் பேருதவியால் இந்த வருடம் ரமளான் மிகச் சிறப்பாக அனைவருக்கும் அமைந்திருக்கலாம் இன்ஷா அல்லாஹ்...

இன்றைய மார்க்க சொற்பொழிவு:

தலைப்பு: மரணம் வரை வரும் உறவு

உரை: மவ்லவி முஜாஹித் பின் ரஜின் அவர்கள்

அதிரைநிருபர் குழு

செய்திகள் வதைபடுகின்றன ! 32

செய்திகளால் வதைப்பது - சபீர் அபுஷாருக்

முக்கிய செய்திகள்:

-அமெரிக்க முன்னால் கவர்ச்சி நடிகை மர்லின் மான்றோ மருத்துவமனையில் அனுமதி

-லட்சத்தீவுகளில் ஒன்றான டகால்ட்டியில் திருவிழா

விரிவான செய்திகள்:

குடியரசுத்  தலைவர் தேர்தலில் எல்லா அஸ்திரங்களையும் பிரயோகித்தும்கூட சொர்ப்ப வாக்குகளே பெற்றாலும் சோர்வுறாத சங்மா இறுதிவரைப் போராடிவிடுவது என்று தீர்மானித்து பிரணாப் பதவி ஏற்கச்செல்லும்போதுகூட கடைசி முயற்சியாக அவர் ஜிப்பாவைப் பிடித்து இழுத்த காட்சி பார்க்கப் பரிதாபமாக இருந்தது. இழுத்த இழுப்பில் பிரனாபின் ஜிப்பா கிழிந்ததால் முகர்ஜியின் முகம் அலர்ஜியால் வெளிறியது.

இந்தச் சம்பவம் பற்றி சங்மாவிடம் கேள்வி எழுப்பியபோது நைட்மேரிலிருந்து விழித்ததுபோல் மலங்க மலங்க விழித்த அவர் கூறினார், "தமிழ்நாட்டு ஓட்டுகள் எனக்கு மட்டுமே.  அம்மாவுக்கு நான் உடன்கட்டை பட்டிருக்கேன்" என்று உடன்படுவதையும் கடமைப்பட்டிருப்பதையும் கலந்து உளறிக்கொட்டினார்.

அமெரிக்க முன்னால் கவர்ச்சி நடிகை தனது 86வது வயதில் கணுக்கால் வலியால் அவதிப்பட்டு வந்தது அறிந்ததே. தற்போது அவர் ஐ சி யுவில் அனுமதிக்கப்பட்டு சிகிச்சை பெற்று வருகிறார். அவர் பூரண குணமடைய அமெரிக்க பெருசுகள் பெருமூச்சுடன் பிரார்த்தனை செய்து வருகின்றனர்.

தமிழகத்தின் நிரந்தர முதல்வர் புரட்சித் தலைவி அம்மா இன்று வெளியிட்டுள்ள இரங்கல் அறிக்கையில், "மைனாரிட்டி கருனாநிதியின் கடந்தகால அரசை வீட்டுக்கு அனுப்புவதற்காக உழைத்த கழக கண்மணிகளுள் ஒருவரான தூக்கனாம்பட்டி ஒன்றிய தலைவர் மொக்கச்சாமியின் மறைவு தமக்கு வருத்தத்தைத் தந்ததாகவும், பிறப்பிலேயே அநாதையான மொக்கச்சாமியை இழந்து வாடும் குடும்பத்திற்கு தமது ஆழ்ந்த அனுதாபங்களைக் கூறிக்கொள்வதோடு  கட்சி நிதியிலிருந்து பத்து லட்சம் உதவித்தொகையும் வழங்க தாம் உத்தரவிட்டிருப்பதாகவும்" அறிவித்தார். அந்த உதவித்தொகையை மொக்கச்சாமியே நேரில் வந்து அம்மா கால்களில் விழுந்து பெற்றுக்கொண்டார்.

காட்டான்பட்டியைச் சேர்ந்த காத்தமுத்து தம் மனைவி கருப்பாயியை கழுத்தை நெரித்துக் கொன்ற சம்பவம் அப்பகுதியில் பெரும் பப்பரப்பாவை... மன்னிக்கவும்... பரபரப்பை ஏற்படுத்தியுள்ளது.

கருப்பாயிக்கும் வெளித்தெரு வெள்ளைச்சாமிக்கும் கள்ளத்தொடர்பு இருந்ததாகவும் இதனால் ஆத்திரமுற்ற காத்தமுத்து பக்கத்துத் தெரு பச்சையம்மாளுடன் தானும் கள்ளத்தொடர்பு வைத்து மனைவியை பழிக்கு பழிக்கு வாங்கியதாகவும் கூறப்படுகிறது. குற்றத்தை ஒப்புக்கொண்டு போலீஸில் சரணடைந்த காத்தமுத்து, "தன் மனைவி கருப்பாயி தன்னிடமும் கள்ளத்தொடர்பு வைத்துக்கொள்ளாததால்தான் ஆத்திரமுற்று கொன்றதாக" கூறினார்.

அவரைக் கைது செய்து வழக்குப் பதிவு செய்த காட்டான்பட்டி காவல்துறை உதவி ஆய்வாளர் கேனய்யன் இந்த கேஸில் ஏதோ மர்மம் இருப்பதாக உணர்ந்து கேசை சி பி ஐக்கு மாற்றும்படி கோரிக்கை விடுத்தார்.

தமிழகத்தின் தரித்திரம்...சாரி... தலையெழுத்து சூப்பர்ஸ்ட்டார் அவர்கள் கலந்துகொண்ட காவடி தூக்கும் விழா ஒன்றில் அவரின் அடுத்த திட்டம்பற்றி கேட்கப்பட்டபோது, ஒற்றை ரூபாய் காசை லாவகமாகச் சுண்டி வீசிவிட்டு எந்திரத்தனமான குரலில், "கதம் கதம்" என்று கூறினார்.  அதன் அர்த்தத்தை முழுதும் விளங்கிக்கொண்ட ரசிகர் மந்தை " தலீவா கொண்ணுட்டே" என்று கோஷங்களை எழுப்பினர்.

அடுத்த ப்ராஜெக்ட் பற்றிய செய்தியாளாரின் கேள்விக்கு பதிலளித்த பாப்பர்...ஐ மீன்... சூப்பர் ஸ்டார், "ஷங்கர் டைரக்ட் செய்து மணிரத்னம் இயக்கும் படத்தில் நடிப்பதற்கு முன் இமையமலை போகாமல் இருந்தால் கே எஸ் ரவிக்குமாருக்காக ஒரு படம் பண்ணப்போவதில்லை என்று ஆண்டவன் சொல்றான் (முஷ்டியை மடக்கி தன்னை நோக்கி விரலை நீட்டி) முடிக்கிறான்" என்றார். கேள்வி கேட்ட செய்தியாளரை உடனடியாக மருத்துவமனையில் அனுமதித்தும் சிகிச்சை பலனின்றி அவர் அரக்கபறக்கக் கிளம்பி ஓடினார்.

விளம்பர இடைவேளைக்குப் பிறகு செய்திகள் இடறும்.

ச்சப்பாத்தி மெதுவாக வரவேண்டுமா? கவலைப்படாமல்   நெஹன் லன்க்காவில் ஏற்றி விடுங்கள். அது எப்பவுமே மெதுவாகத்தான் வரும். சமயத்தில் வரூம்...ஆனா வராது.

***

"வாங்கய்யா.  உங்க மகன்  குமார் நல்லாருக்கானா?"

"அடப்பாவி. நான்தான்டா குமார். நீ கொடுத்த ஆண்களுக்கான ஃபேர்நெஸ் க்ரீம் பயன்படுத்தினேன். சட்டுனு மூஞ்சிக்கு மட்டும் வயசாயிடுச்சிடா பாவி"

***

சொதப்பகல்கள் தொடர்கின்றன...

பத்தாம் வகுப்பு தமிழ் பாடப் புத்தகத்தில் இரண்டு, மூன்று மற்றும் நான்காவது பாடங்களை மாற்றக்கோரி நாமக்கல் மாவட்ட அரசினர் பள்ளி மாணவர்கள் சாலை மறியலில் ஈடுபட்டனர்.

உடனே சம்பவ இடத்துக்கு விரைந்த மாவட்ட ஆட்சியாளர் மனீந்த்தர் சிங் பிரச்னையை விசாரித்தபோது மாணவர்கள் காட்டிய சர்ச்சைக்குரிய மூன்று பாடங்களும் மலையாளத்தில் இருப்பது கண்டு "படத்தில்தன் மலையாள பிட்டுகள் போட்டு படுத்தறாங்க...பாடத்திலேயுமா?"என்று அதிர்ச்சி தெரிவித்தார். கேள்விகளும் மலையாளத்திலேயே கேட்கப்பட்டுள்ளதைக் கண்டு கொதித்துப்போன மாணவர்கள் சுமுகமான தீர்வு ஏற்படும்வரை சாலையிலேயே சமைத்துச்சாப்பிடும் போராட்டத்தை அறிவித்ததால் போக்கு வரத்து புளகாங்கிதம் அடைந்தது. இந்த சாலை மறியல்  எதிர்கட்சிகளின் சதி என்றும் இதனால் மக்களுக்கு எந்தப் பாதிப்பும் ஏற்படப்போவதில்லை என்றும் அரசு அறிவித்தது கண்டு குழம்பிய செய்தியாளர்கள், ஏற்கனவே அந்தச் சாலை குண்டும் குழியுமாக இருந்ததால் பாதிக்கப்பட்டிருந்த போக்குவரத்து இந்த மறியலால் மேற்கொண்டு பாதிக்கப்படப்போவதில்லை என்பதை உணர்ந்து சூசகமாக அறிக்கை விட்ட அரசாங்கத்தின் அரசியல் சாணக்கியத்தனம் கண்டு வியந்து போயினர்.

இதுகுறித்து மத்திய கல்வி அமைச்சர் அப்புக்குட்டன் நாயர், கப்பையும் கட்டன் காப்பியுமாய்ட்டு பறைகுகையில், " பத்து பதினைந்நு பாடஙளு தமில்ல இருக்கும்போல் மூநு பாடம் மலையாளத்ல ஷேத்திரத்தில் வாயிக்கட்டெ, ஒந்நு புத்திமட்டில்லா அன்னாச்சி." எந்நு பரைஞிட்டு ஓஃபீஸ்லைக்குப் போய் வாதில் அடைச்சு.

விளையாட்டாய் சில செய்திகள்:

இலங்கைக்கு எதிரான இந்திய அணி இரண்டாவது போட்டியில் 130க்கு சுருண்டதைப்பற்றி கேப்ட்டன் தோனி கூறுகையில், " விக்கட்டுகள் மலமலவெனச் சரிந்ததும் இலங்கை சிறப்பாகப் பந்து வீசியதும்தான் காரணம்" என்று புதிரை அவிழ்த்தார். “கோப்பையைக் கைப்பற்றுமா இந்தியா?” என்ற கேள்விக்கு, "மற்ற அணிகளின் தோல்வியாலேயே இந்தியா எப்போதும் ஃபைனலுக்குத் தள்ளப்பட்டு வருவது ரசிகர்கள் அறிந்ததே. ஆனால், இம்முறை இலங்கை இந்தியா இரண்டு அணிகளே களத்தில் இருப்பதால், அந்த வாய்ப்பு இல்லாததால், கடினமாகப் போராடி ஃபைனலுக்கு வருவோம்" என்று நம்பிக்கைத் தெரிவித்ததோடு, "வி வில் ப்ளே அவர் நேட்ச்சுரல் கேம். கோப்பையைக் கைப்பற்றுவது நோக்கமல்ல. பட் தி ட்ரோஃபி இஸ் அவர்ஸ்" என்று கட்டை விரல் உயர்த்தியதின் மர்மம் யாருக்கும் பிடிபடாத ஒரு ஃபிக்ஸிங் ஆகவே இருக்கிறது.

லண்டன் ஒலிம்ப்பிக்கில் தங்கம் வெல்லும் என்று மிகவும் எதிர்பார்க்கப்பட்ட பேட்மின்ட்டன் மற்றும் ஈட்டி எறிதல் போட்டிகளில் தங்கம் வெல்லும் கனவுகளை இந்தோனேஷியா மற்றும் ஜப்பான் ஆகிய நாடுகள் முறியடித்தன. "தங்க விலை எக்குத்தப்பாக ஏறிப்போயிருப்பதே தங்கப்பதக்கம் வாங்கமுடியாத தோல்விக்கு காரணம்” என்று விளையாட்டு வீராங்கனைகள் சொன்னபோது மெய்சிலிர்த்து மயிர் கூச்செறிந்தது.  “அட்ஷய கிருதிகளில் மட்டும் தங்கம் வாங்கும் பழக்கத்திலிருந்து இந்தியா மீளவேண்டும்” என்று விளையாட்டுத்துரை அமைச்சர் சோம்பேரி சுந்தரம் கருத்துத் தெரிவித்தார்..``

இனி தங்கம் வெள்ளி பற்றிய விலை நிலவரம்:

தங்கம் கிராமுக்கு 120 ரூபாய் அதிகரித்து ஆபரணத்தங்கம் சவரனுக்கு 22,500 க்கு விற்கப்படுகிறது. . இது நேற்றைய விலையைவிட 120 ரூபாய் கூடுதலாகும். நாளைய விலையைவிட 120 ரூபாய் குறைவாகும். வெள்ளியின் விலையில் இந்த பிறப்பில் மாற்றமில்லை.

டாலருக்கு நிகரான ரூபாயின் மதிப்பு மேலும் கீழிறங்கி குறிப்பிடமுடியாத அளவுக்கான நிலையில்லாத மதிப்பைத் தொட்டது. இனி வரும் காலங்களில் ரூபாய் அச்சிடப்படுவதற்கான காகிதத்தின் எடையைக் கூட்டுவதன் மூலமே நாம் டாலரைவிட வெயிட்டான கரன்ஸியை உருவாக்க முடியும் என்று கருத்து தெரிவித்த நிதி அமைச்சரின் அறிவைக் கண்டு ஐ நா சபையே அதிர்ச்சிகுள்ளாகியுள்ளது.

வா(வரண்ட)நிலை அறிக்கை:

"ஷார்ஜாவில் வாணம் மேகமூட்டமாக இருந்து ஓரிரு துளிகளைத் தூவியதாக" கனவுகண்டு பீதியில் விழித்த கந்தசாமி கூறினார். அந்தத் துளிகளைக் காட்டி "ஏஷ் ஆதா" என்று கேட்ட அமீரக அராபியக் குழந்தைகளுக்கு "இதுதான் மழை என்பது" என்று விளக்கினர் அரபாபுகள்.

இதற்கிடையில் மழையில்லாமலேயே குளித்த தோரணையில் இருந்த வலைகுடா வாசிகள் ஆங்காங்கே டிஹைட்ரேஷனில்(DEHYDRATION) மயங்கி விழுந்தனர். வெப்ப நிலவரம்: துபை உண்மையில் 50 டிகிரி ; அறிவிக்கப்பட்டது 45 டிகிரி.

வெளிநாட்டுச் செய்திகளை வெளிநாட்டில் வசித்து வரும் அசத்தல் காக்கா என்கிற மருத்துவக் காக்கா பாடிகாட்…சாரி படிக்கட்டுகள் புகழ் ஜாகிர் அவரகள் தொகுத்து அடிப்பார் என்று கூறிக்கொண்டு உங்களிடமிருந்து விடை பெறுகிறேன்.

செய்திகளை உடனுக்குடன் தெரிந்துகொள்ள ஆறு மாதத்திற்கு ஒருமுறை வெளிவரும் பத்திரிகைகளை தவறாமல் வாசியுங்கள்… மேலும் விபரங்களுக்கு editor@adirainirubar.in கேளுங்கள் (அதனை பதிவுகளாக வெளியிட்டால் நான் பொறுப்பல்ல)...

சபீர் அபுஷாருக்