அலைகடல் அரிமா குஞ்ஞாலி மரைக்காயர்... 34

தொடர் – 7

பொதுவான வார்த்தை பிரயோகங்களில் ஒரு நண்பர் கூட  இன்னொருவர் எதிர்பாராமல் வந்தால், "என்னப்பா குஞ்ஞாலி மரைக்காரும் கூடக் கூடவா?" என்று கேலி தொனிக்க கேட்பது வழக்கம். இந்த குஞ்ஞாலி மரைக்காயர் என்பவர் யார் என்று நாம் தெரிந்து கொண்டால் இப்படி ஒரு கேலியான வார்த்தைப் பிரயோகத்துக்கு இந்தப் பெயரை பயன்படுத்த மாட்டோம். அந்த அளவு வீரமிக்க ஒரு வரலாற்றின் வேந்தர் அவர். ‘அலைகடல் அரிமா’  என்று சரித்திரங்களின் பக்கங்கள் சான்று பகரும் ஒரு பெயராகும் அது. இன்றும் கூட கேரளத்தின் பல மாவட்டங்களில் பிறக்கும் குழந்தைகளுக்குப் பெருமையுடன் சூட்டப்படும் பெயர் அது. குஞ்ஞாலி மரைக்காயர் என்கிற பெயர் சூட்டப்பட்ட  ஆண்மக்கள் நெஞ்சை நிமிர்த்தி நடக்க வைக்கும் மந்திரப் பெயர் அது. ஆனாலும் துரதிஷ்டவசமாக , இந்திய வரலாற்றில் பூனைகளை புலி  என்று கூறி சித்தரித்து உயர்த்துபவர்கள் உண்மையான இந்த ஆண் சிங்கத்தை அவ்வளவாகக்  கண்டு கொள்ளவில்லை. வாருங்கள் தோழர்களே இந்திய சுதந்திரப் போராட்டத்தின் முதல் வீரன் ஒரு முஸ்லிம் என்கிற பெருமையுடன் இந்த  உண்மையான மாவீரன் மற்றும் அவரது வம்சங்களின் வரலாற்றை நாம் கண்டு வரலாம். 

ஆரம்பமாக, இந்த வரலாற்று நாயகனின் பெயரில் ஒட்டிக்  கொண்டு இருக்கும் மரைக்காயர் என்கிற பெயர் பற்றி நாம் விளக்கம் பெற வேண்டிய கடமை இருக்கிறது. காரணம், நாம் பிறந்த மண்ணின் வாசம் இந்தப் பெயரின் பிற்பகுதியில் ஒளி  வீசுகிறது. இதைப் பற்றிய விளக்கம் ஓரளவுக்கு உலகறிந்ததே. கடல் வணிகத்தில் கொடிகட்டிப் பறந்த முஸ்லிம்களின் ஒரு பிரிவினருக்கான அடையாளப்  பெயர் இது. மரத்தைக் கொண்டு கப்பல்கள் செய்து அதை உலகெங்கும் ஓட்டிச்சென்று திரைகடலோடி திரவியம் தேடிய ஒரு உழைப்பாளர் கூட்டத்துக்கான பெயரே மரைக்காயர் என்பதாகும். இந்தப் பெயருடைய வர்த்தகப் பிரிவினர் இந்தியாவின் தென் பகுதி கடற்கரை ஓரங்களிலும் இலங்கையின் அனைத்துப் பாகங்களிலும் விரவி வாழ்ந்து வருகின்றனர்.  இதே கடல் வணிகம் செய்து வந்த ஒரு சிறப்பான கேரளக் குடும்பத்தில் பிறந்த தனால்தான் முஹம்மத் குஞ்ஞாலி என்கிற பெயரோடு மரைக்காயர் என்கிற பெயரும் ஒட்டிக்  கொண்டது. அத்துடன் அன்றைய அரசனால் கடற்படைத்தளபதியாக நியமிக்கப் படும்போது வழங்கப் பட்ட பெயர் அது.  

குஞ்ஞாலி மரைக்காயர் அவர்களுடைய வரலாற்றை அறியும் முன்பு நமது கவனத்தை சற்று வரலாற்றின் இரத்தக் கரை படிந்த பக்கங்களை நோக்கி சற்று திருப்ப வேண்டி உள்ளது. வாஸ்கோடகாமா  என்கிற போர்த்துகீசிய வஞ்சகன்,  நடுக்கடலில் வைத்து ஹாஜிகளை குடும்பத்தோடு கொலை செய்து அவர்கள் வந்த கப்பலைக் கொள்ளையடித்த சம்பவம் தான் அது. இதை ஏற்கனவே ஒரு அத்தியாயத்தில் விவரித்து இருக்கிறோம். குஞ்ஞாலி மரைக்காயருடைய சரித்திரம் வாஸ்கோடகாமா என்கிற இந்த வஞ்சகனோடும் அவனுடைய போர்ச்சுகீசிய கொள்ளைக்காரக் கூட்டத்துடனும்  தொடர்புடையது. 

வாஸ்கோடகாமா  கி பி 1498 மே மாதம்  17- ஆம் நாள் இரத்தக் கரை படிந்த கரங்களுடன்  கள்ளிக் கோட்டை என்கிற கோழிக்கோட்டின் கடற்கரையில் வந்து கால்பதித்தான். இந்திய மண்ணில் பதிக்கப் பட்ட முதல் அந்நியனின் காலடித்தடம் அவனுடையது. அந்த நேரம் இந்தியாவில் விஜய நகர சாம்ராஜ்யம் வலுப்பெற்று இருந்தது. விஜய நகரப் பெரிசு வாஸ்கொடகாமாவின் வெள்ளைத் தோல் கண்டு மயங்கி    கொச்சி மற்றும் கண்ணனூர் ஆகிய அரசுகளுடன் சேர்ந்து வாஸ்கோடகாமாவுக்கு வரவேற்பு  வளைவுகள் வைத்து வாசனைத்திரவியங்களுக்கு நல்ல விலைதர வந்த  வணிகன் என்று அவனை அங்கீகரித்து தங்களது வணிக வாசல்களை அவனுக்காக திறந்து வைத்தன. ஆனால் அந்தக் காலக் கட்டத்தில் கள்ளிக் கோட்டை என்கிற கோழிக் கோட்டை ஆண்டு வந்த மன்னரின் பெயர் சாமுத்திரிமான  விக்ரமன் என்பதாகும். இவர்   மட்டுமே ஒற்றை ஆளாக  போர்த்துகீசியரை எதிர்த்து வந்தார். அவர்களை தந்து ஆளுமைக்கு உட்பட்ட பகுதிகளில் உள்ளே நுழைய அனுமதிக்கவில்லை.   

இந்த சாமுத்திரி  மன்னருக்கு உற்ற  துணையாக அதாவது பின்னாளில் கட்டபொம்மனுக்கு வலதுகரமாகத் திகழ்ந்த வெள்ளையத்தேவன் போல் துணை நின்றவர்தான் இந்த அத்தியாயத்தின் நாயகர்  குஞ்ஞாலி மரைக்காயர். இந்த சாமுத்திரி மன்னுடைய மருமகன் அந்தோணி என்பவனும் கோழிக் கோட்டில் வாசனைத்திரவியங்களை வெளிநாட்டினருக்கு விற்று வந்த வணிகர்களும் வாஸ்கோடாகாமாவின் பொன் பொருளைக் கண்டவுடன் , அவன் வந்த வழி மறந்து விட்டு கண்மூடிப் போகிறவர் போல் போனார்கள்.   சரித்திரம் இப்படிக் குறிப்பிடுகிறது. 

The Portuguese dominated trade in the Malabar after Vasco da Gama set foot in Kozhikode. The Samoodiri of Kozhikode (Premji) opposed the Portuguese. But the foreigners were supported by the local merchants and the Samoodiri's wicked nephew (P. J. Antony). Mohammed (Kottarakkara), a brave warrior and merchant supported the Samoodiri in his fight against the Portuguese. The Samoodiri honoured Mohammed by making him his naval chief and renaming him ‘Kunjali Marakkar'.

கோழிக்கோடு ராஜ்ஜியத்தின் சாமுத்திரி மன்னனின் கடற்படை தலைவர்களுக்கு வழங்கப் பட்ட பெயர் குஞ்ஞாலி மரைக்காயர்  ஆகும். குட்டி முகமது அலி – இவரே முதலாம் குஞ்ஞாலி மரைக்காயர்      ( 1520- 1531) இரண்டாம் குஞ்ஞாலி மரைக்காயர்  ( 1531- 1571) பட்டு குஞ்ஞாலி மரைக்காயர் – மூன்றாம் குஞ்ஞாலி மரைக்காயர்  ( 1571-1595) முகமது அலி – நான்காம் குஞ்ஞாலி மரைக்காயர் (1595- 1600) ஆகிய மாவீரகளைப் பற்றிய சுருக்கமான ஆனால் இறுக்கமான அறிமுக வரலாற்று நிகழ்வுகளையும் அவர்களின் இந்தியா மண்ணில் அன்னியருக்கெதிரான ஆரம்பகாலப் போராட்டத்தையும் கண்டும் காணாதோர் காணவே இந்தப் பதிவு.  

சாமுத்திரி மன்னனின் கடற்படைத் தளபதியாக முதலாம் குஞ்ஞாலி மரைக்காயர் பதவி ஏற்றுக் கொண்டபோது இப்படி முழங்கினார். "அந்நியரை நமது மண்ணில்  காலூன்ற அனுமதிக்க முடியாது. அதற்காக தரையிலும் கடலிலும் மனித இரத்தம் சிந்தப் பட வேண்டுமென்றாலும் பெருக்கெடுத்து ஓடினாலும் நாம் அதற்குத் தயார்" என்று அந்நியருக்கெதிராக முதன்முதலில் சூளுரைத்தவர் குஞ்ஞாலி மரைக்காயர்.

சொன்னது மட்டுமின்றி செயலிலும் காட்டும் முகமாக அந்நியருக்கெதிரான போரில் கடற்படைக்குத் தலைமை தாங்கினார்.  இக்காலகட்டத்தில்,  கடற்படையைக் குறித்து எவ்வித போர் தொடர்பான அறிவோ திட்டங்களோ சாமுத்திரி மன்னர்  உட்பட பெரும்பாலான இந்திய அரசர்களுக்கு இல்லாமல் இருந்தது குறிப்பிடத்தக்கது.

வாஸ்கோட காமா, வலது காலை எடுத்து வைத்து நுழைந்தது முதல் சாமுத்திரி மண்ணுக்கும்    போர்த்துகீசியருக்கும் தொடர்ந்து போர்கள்  நடை பெற்றன. அத்துடன் சனியனுடன் ஒரு “பாரச்சனியன்”   சேர்ந்து கொண்டது. அந்த பாரச்சனியனின் பெயர் அல்புகர்க்கின்  என்பதாகும். இவனே போர்த்துகீசிய கடற்படையின் தளபதியாவான். கிரிக்கெட் விளையாட்டில் ஒபனிங்க்  பேட்ஸ்மேன்கள் முதல் ஓவரில் சிக்சர் அடிப்பதைப் போல் இந்த அல்புகர்க்கின்,   தனது முதல் கொடூரச் செயலாக கோழிக் கோட்டில் இருந்த ஒரு முஸ்லிம்களின் இறை இல்லத்தை இடித்துத் தரைமட்டமாக்கினான். இந்தக்  கொடூரச்செயலைக் கண்டு கொதித்தெழுந்த பொது மக்களை ஈவு இரக்கமின்றி துப்பாக்கியால் சுட்டுப் பொசுக்கினர். இப்படி அந்நியருக்கு எதிராகத் திரண்டு, அவர்களால் வரிசையாக வாங்கப் பட்ட முதல் உயிர்ப் பலிகள்   முஸ்லிம்களுடையது என்பதை குறித்துவைத்துக் கொள்ளுங்கள்.

இந்தக்  கொடுமையான நிலையில்தான் இதை தட்டிக் கேட்க குஞ்ஞாலி மரைக்காயர் உடைய அணி களத்தில் இறங்கியது. கொரில்லாத் தாக்குதல் என்கிற மறைந்திருந்து தாக்குதல் எனும் முறையைப் பயன் படுத்தி அல்புகர்க்கின் என்கிற அரக்கனின் படையை கோழிக்கோட்டின் பகுதிகளில் இருந்து கோவாவுக்கு விரட்டி அடித்தது. குஞ்ஞாலி மரைக்காயரின்  வீரமிக்க இந்த வியூகத்தால் ஐநூறு போர்ச்சுகீசிய வீரர்கள் கொன்று சாய்க்கப் பட்டனர். அல்புகர்க்கின் தனது காலில் குண்டு பாய்ந்து செயல் பட இயலாத சேர்மன் ஆனான். 

குஞ்ஞாலி மரைக்காயாரின் கொரில்லாப் படையால் கோவாவுக்கு விரட்டப் பட்ட போர்ச்சுகீசியர்கள் மரைக்காயருக்கு ஆதரவாக இருந்து ஆக்கமமும் ஊக்கமும்  தந்துகொண்டிருந்த மன்னர் மானவ விக்கிரம சாமுத்ரியைக் கொல்லத் திட்டம் போட்டனர். அதற்காக அவர்களுக்கும் ஒரு எட்டப்பன் கிடைத்தான். அவன் ஒரு நம்பூதிரி பிராமணன். உலக வரலாறுகளின் பக்கங்களில் அரண்மனைகளில் நடந்த சதிகளுக்குப் பஞ்சமில்லை. அப்படி ஒரு சதியில் சாமுத்ரி மன்னன்    அடுத்துக் கெடுத்த நம்பூதிரிப் பிராமணனால் உணவில் விஷம் வைக்கப் பட்டுக் கொல்லப்பட்டார்.  

மன்னரின் மரணத்துக்குப் பிறகு அரசாள  வந்த அடுத்த சாமுத்திரி மன்னனுக்கு போர்த்துகீசியரை எதிர்த்து நிற்க “ தில் “ இல்லை. தான் குடிக்கும் சோமபானத்துக்கும் சுறா பானத்துக்கும் ஆபத்து வந்துவிடக் கூடாதே என்ற கவலையே அரசனுக்கு.   இதனால் போர்ச்சுகீசியருடன் 1513 – ல் ஒரு ஒப்பந்தத்தைப் போட்டு சமாதானமாகிவிட்டான். இதனால் குஞ்ஞாலி மரைக்காயர் அரசின் ஆதவின்றி தனித்து விடப்பட்டார். ஆனால் அவருடைய நெஞ்சில் போர்ச்சுகீசியருக்கு எதிரான நெருப்பு அணையாமல் எரிந்து கொண்டே இருந்தது.  

இப்படி அணையாத அந்த சுதந்திரத் தீ தந்த உத்வேகத்தில்   1523 ஆம் ஆண்டு 200க்கும் மேற்பட்ட கப்பல்களை  போர்ச்சுக்கீசியரை எதிர்க்க தயார் செய்தார்.  போர்ச்சுக்கீசியர்கள் கள்ளிக்கோட்டையில் கிட்டங்கிகளை நிறுவினார்கள். தேவாலயங்களை நிறுவினார்கள். மூன்றாம் முறையாக இந்திய மண்ணில் அடி எடுத்து வைத்த வாஸ்கோடகாமா அவர்களை பாதுகாக்கவும் குஞ்ஞாலி மரைக்காயரை அடக்கிவைக்கவும்  டிசோசா என்ற இன்னொரு பாரச்சநியனை படைத்தளபதியாக  நியமித்தான். 

அவனுக்கு தக்க பதிலடி கொடுக்க எண்ணி குஞ்ஞாலி மரைக்காயர், குட்டி அலியின் தலைமையில் படையை நியமித்தார். குட்டி அலியின் படைக்கும் டிசோசாவின் படைக்கும் அவ்வப்போது தகராறு ஏற்பட்டது. இருபுறமும் ஏராளமான தலைகள் உருண்டன. குட்டி அலியின் படையை தாக்குபிடிக்கமுடியாமல் போர்ச்சுக்கீசியர் கவர்னர் மெனிசிஸ் பெரிய கப்பற்படையை குஞ்ஞாலியின் கப்பற்படை முகாமான பொன்னானி துறைமுகத்தை தாக்க 1525 ஆம் ஆண்டு 26ந்தேதி நாள் குறிக்கப்பட்டு பொன்னானி துறைமுகத்தை தாக்குதல் நடத்தினார்கள். இதற்கு பதிலடி கொடுக்க குஞ்ஞாலியின் படை கள்ளிக்கோட்டையில் இருந்த போர்த்துகீசியரின் பொருட்கள் குவித்து வைக்கப்பட்ட கிட்டங்கி மீது தாக்குதல் நடத்தினார்கள். தங்களின் மதிப்புமிக்க விற்பனைப்  பொருள்களின் கிட்டங்கி அழிவை சந்தித்துக் கொண்டு இருப்பதைக்  கண்ட போர்ச்சுக்கீசிய தளபதி மெசினிஸ் மேலும் படைத்தளபதிகளை அனுப்பி, இன்னும்  ஏழு மாதங்கள் கடுமையாக போராடி இறுதியில் 1525 ஆம் ஆண்டு அக்டோபர் மாதம் 15ம் நாள் குஞ்ஞாலி  படையை தோற்கடித்தனர். அன்னியருக்கெதிரான குஞ்ஞாலி மரைக்காயரின் படை  முதல் தோல்வியைக் கண்டது. 

கோழிக் கோட்டுக்கு அருகில் அமைக்கப்பட்டு இருக்கும் குஞ்ஞாலி மரைக்காயர் பயன்படுத்திய போர் கருவிகளின் அருங்காட்சியகம்.

தோல்வியடைந்த குஞ்ஞாலி மரைக்காயர் கேரளத்தின் ஏதோ பாக்குத் தோப்புக்குள் தலைமறைவானார். ஆனால் அவரின் நெஞ்சில் மூண்ட சுதந்திரக் கனல் தலைமறைவாகவில்லை. எனவே, மீண்டும் மூன்று ஆண்டுகள் கழித்து படைகளைத் திரட்டி, 1528 ஆம் ஆண்டு பர்கூர் என்ற இடத்தில் வந்த போர்ச்சுக்கீசிய கப்பல்களை அழித்தார். எதிர்த்து வந்த போர்ச்சுகீசியர்களையும் கண்ட துண்டமாக வெட்டினார்.   இதில் பல போர்ச்சுக்கீசிய மாலுமிகள், படைவீரர்கள் அனைவரும் சமாதி ஆனார்கள். அன்றொருநாள் நடுக்கடலில் வைத்து வெட்டப் பட்டு துடிதுடித்து செத்த ஹாஜிகளின் சாவுக்கு இவ்விதம் பழி வாங்கப் பட்டது. இவ்வெற்றிதான் மரைக்காயரின் மாபெரும் வெற்றி என்று சரித்திர ஆய்வாளர்கள் குறிப்பிடுகிறார்கள்.

இந்தப் பழிவாங்கும் கொலை விழா வெற்றி அடைந்த பின்னர் இந்த எதிரிகள் ஆக்கிரமித்துள்ள இதர இடங்களையும் தன்னுடைய கடல் தொடர்பான அறிவால் கண்டு அறிந்து, இவர்களின் வாசம் இலங்கையில் வீசுகிறது என்கிற செய்தி அறிந்து தனது கடற்படையை இலங்கையை நோக்கி செலுத்தினார் ‘அலைகடல் அரிமா’ வான குஞ்ஞாலி மரைக்காயர். 

1537 ஆம் ஆண்டு எஞ்சியுள்ள கப்பல் படைகளுடன் இலங்கையை நோக்கிச் சென்று போர்ச்சுக்கீசியர்களை கண்ட இடத்தில் கொன்று குவித்தார். இலங்கையில் வாங்கிய உதையில் தப்பித்த பலர் தூத்துக்குடியை நோக்கி ஓடினர் . அப்படிப் போகும்போது குஞ்ஞாலி மரைக்காயர்  மீது இருந்த கோபத்தில் தூத்துக் குடியில் முத்துக் குளித்துக் கொண்டு இருந்த 800 க்கும் மேற்பட்ட எண்ணிக்கை உடைய முஸ்லிம்களை  28.1.1538 அன்று தங்களது கட்டாரிகளுக்கு இரையாக்கி இனப் படுகொலை  செய்தனர். இதனை அறிந்த குஞ்ஞாலி மரைக்காயர் தூத்துக்குடி சென்று போர்ச்சுகீசியரை தேடித்தேடி கொன்று குவித்தார்.  (Studies in Missionary History – S. Manickam.).  

துரோகிகளை வெட்டிச் சாய்த்த திருப்தியில் ஓய்வு எடுப்பதற்காக இலங்கையில் உள்ள வேதாளையில் தங்கினார். ஒற்றர்கள் மூலம் இதை அறிந்த பரங்கித் தலையர்கள்  1538 ஆம் ஆண்டு ஜனவரி 30-ந்தேதி, டிசோசா தலைமையில் குஞ்ஞாலியின் படையை திடீரென்று தாக்கினார்கள்.  இதை சற்றும் எதிர்பார்க்காத மரைக்காயர் படை பெரும் பின்னடைவை சந்தித்தது. இறுதியில் மீண்டும் மரைக்காயர் தலைமறைவானார். தலைமறைவான இந்த சிங்கம் உறங்கி ஒய்வு எடுக்கவில்லை. அதன்பின் கொழும்பு சென்று அங்கு போரைத் துவக்கினார். இறைவனின் நாட்டம் வேறுவிதமாக இருந்தது. பரங்கியரின் குண்டு ஒன்று குஞ்ஞாலி மரைக்காயரின் வீர நெஞ்சில் தனக்கும்  ஒரு இடம் வேண்டுமென்று தேடிச் சென்று சேர்ந்தது. கடலின் மூலம் வந்த அந்நியனை விரட்ட கடற்படை அமைத்து தீரமாகப் போராடிய மாவீரர்,  தனது இறுதி மூச்சை இறைவனின் பெயரை சொல்லியவண்ணம் உலக வாழ்வை நீத்தார். 

இந்திய நாட்டின் மீது அந்நியரின் ஆதிக்கத்தை எதிர்த்து போராடிய முதல் போராளியே குஞ்ஞாலி மரைக்காயர். அவரே அந்நிய சக்திகளிடமிருந்து நமது மண்ணைக் காக்க நடந்த வீர இயக்கத்தின் முன்னோடியும் முதல் நபரும் ஆன முஸ்லிம் ஆவார். வேறு எவராக இருந்தாலும் எல்லோரும் இவருக்குப் பின்னால்தான் இந்த சுதந்திர உணர்வைத் தூண்டியவர்கள் ஆவர். இந்தியக் கடல் எல்லையில் ஏறத்தாழ   35 ஆண்டுகள் அந்நியரான  போர்ச்சுக்கீசியரின் கண்களில் தனது வீர விரலை விட்டு ஆட்டிய  முதலாம் குஞ்ஞாலி மரைக்காயரின் வீர சகாப்தம் முடிவுக்கு வந்தது. இன்னாலில்லாஹி வ இன்னா இலைஹி ராஜி ஊன். 

முதலாம் குஞ்ஞாலி மரைக்காயர் புதைக்கப் பட்டார் இனி நிம்மதி என்று என்று போர்ச்சுக்கீசியர் நினைத்தனர். ஆனால் அவர் புதைக்கப் படவில்லை ; மாறாக, அவர் விதைக்கப் பட்ட விபரம் இரண்டாம், மூன்றாம், நான்காம் குஞ்ஞாலி மரைக்காயர்கள் விஸ்வரூபம் எடுத்தபோதுதான் அவர்களுக்கு விளங்கியது. 

அவைகளைப் பற்றி இன்ஷா அல்லாஹ் காணலாம்.

இப்ராஹீம் அன்சாரி

கடற்கரைத் தெரு தர்கா ட்ரஸ்டிகளுக்கும் கந்தூரிக் கமிட்டியினருக்கும் ADTயின் கடிதம் 14

அளவற்ற அருளாளன், நிகரற்ற அன்பாளன், அல்லாஹ்வின் பெயரால்!

அஸ்ஸலாமு அலைக்கும்.

கடற்கரைத் தெரு ஜமாஅத், கடற்கரைத் தெரு தர்கா ட்ரஸ்டிகள் மற்றும் கந்தூரிக் கமிட்டியினரைச் சந்தித்து, கந்தூரியின் தீமைகளை விளக்கிக் கடிதங்கள் கொடுப்பது எனும் அதிரை தாருத் தவ்ஹீத் ஆலோசனை அமர்வுத் தீர்மானத்தின்படி, முதலாவதாக கடற்கரைத் தெரு ஜமாஅத்தார்களுக்கு 3.11.2013இல் ஒரு கடிதம் கொடுத்தோம்.

கடற்கரைத் தெரு தர்கா ட்ரஸ்ட்டின் முன்னாள் தலைவராக இருந்தவரான சகோ. அலாவுத்தீன் சென்ற ஆண்டு கபுருக்கு சந்தனம் பூசுவதற்குப் போய் உயிர் நீத்துவிட்டதால் அன்னாரின் சின்னவாப்பா சகோ. அஹ்மது ஹாஜா அவர்கள் தர்கா ட்ரஸ்டுக்குத் தலைவராக நியமிக்கப்பட்டுள்ளார். ஆனால், அவரது உடல்நலக் குறைவால் தர்கா சம்பந்தப்பட்ட எதிலும் தலையிடாமல் இருந்து வருகிறார்.

எனவே, தர்கா ட்ரஸ்ட்டின் செயலாளரான சகோ. அபுல் ஹஸன் அவர்களை, அவருடைய 'ஹஸன் ஹார்ட்வேர்' கடையில் கடந்த 17.11.2013 ஞாயிற்றுக்கிழமை மாலை ஐந்து மணியளவில் நான், தாருத் தவ்ஹீதின் அமீர் அஹ்மது காக்கா, பொருளாளர் நிஜாமுத்தீன் ஆகிய மூவரும் சென்று சந்தித்து இணைப்பில் உள்ள கடிதத்தைக் கொடுத்தோம்.

சகோ. அபுல் ஹஸன் அவர்கள் ஏறத்தாழ இருபது நிமிடங்கள் பேசினார். அதில் நமக்கு அறிவுரைகளும் ஆலோசனைகளும் அடங்கியிருந்தன. அதிர்ச்சி அளிக்கும் தகவல்களும் இடம்பெற்றன. அவற்றின் சுருக்கம்:

* "நாகூரிலும் முத்துப்பேட்டையிலும் இன்னும் பல பெரிய ஊர்களிலும் கந்தூரிகள் நடக்கின்றன. இந்தச் சின்னக் கிராமத்தில் நடைபெறும் கந்தூரியை எடுக்கக்கூடாது என்று ஏன் சொல்கின்றீர்கள்? அங்கே போய் சொல்வதுதானே?" என்ற கேள்வியை முன்வைத்தபோது நான் குறுக்கிட்டு, "எல்லா ஊர்களிலும், நாகூரிலும் பிரச்சாரம் நடைபெற்றுக் கொண்டுதானிருக்கிறது. நாகூர் பிரச்சாரத்திற்கு நானும் போயிருக்கிறேன்" என்று சொன்னேன்.

* "எனக்கு ஒன்றும் தெரியாது; உங்களுக்கும் ஒன்றும் தெரியாது. முன்னோர்கள் 570 வருசத்துக்கு முந்தி கந்தூரி எடுத்திருக்கிறார்கள். அது, அப்படியே தொடர்ந்து வருகிறது" என்று முன்னோர்களை உயர்த்திப் பேசிவிட்டு, "தர்கா என்பது இறைவனை வணங்கும் இடம்" என்ற அதிர்ச்சியான தகவலைச் சொன்னார். "அல்லாஹ்வை தர்காவில் தொழ முடியாதே. எப்படிச் சொல்கிறீர்கள் காக்கா?" என்று நான் கேட்டதற்கு, "அப்படித்தான் நான் படித்திருக்கிறேன். எனக்குப் படித்துத் தந்தவர் அப்படித்தான் சொல்லித் தந்தார்" என்று விளக்கினார். முன்னோர்களின் வழிவந்த உஸ்தாதின் மார்க்க அறிவே இப்படி என்றால் அந்தக் காலத்து முன்னோர்கள் மார்க்கத்தை எப்படி விளங்கி இருப்பார்கள் என்று எண்ணிப்பார்க்கவே முடியவில்லை. அல்லாஹ்வின் (2:170) வார்த்தைகள் எத்துணை சத்தியமானவை என்று வியக்காமலும் இருக்க முடியவில்லை.

* தர்காவுக்குச் சம்பந்தமில்லாத ஒரு பெண்ணின் வீட்டில் ஐந்து பவுன் நெக்லஸ் காணாமல் போய்விட்டதாம். "இன்னார் வீட்டு தர்வாஜாவில் அது தொங்கிக் கொண்டிருக்கிறது. போய் எடுத்துக்கொள்" என்று கனவில் வந்து சொன்னாராம் ஜொகராம்மா. "கனவு கண்ட பெண், ஐந்து பவுன் நகையையும் விற்று, கபுர் கட்டினார். சாப்பாட்டுக்கே கஷ்டப்படும் குடும்பம். இந்தக் காலத்தில் ஐந்து பவுன் என்ன விலை? அதை விற்று அவர் கபுர் கட்டினால் உங்களுக்கென்ன?" என்ற கேள்வியை வைத்தார். உண்மைதான். அவருடைய கேள்வியில், "ஆலிம்கள் பெருத்த ஊர்; ஆறு குத்பா நடக்கும் ஊர். யாருமே வாய் திறந்து பேசாமல் இருக்கும்போது நீங்கள் மட்டும் குதிப்பது ஏன்?" எனும் உப கேள்விகள் பொதிந்திருந்தன. "கழிப்பிடத்தில் முளைக்கும் திடீர் கப்ரு என்று நோட்டீஸ் போட்டீர்களே என்ன நடந்தது? நோட்டீஸைப் படித்துவிட்டு, நீங்கள் கொடுத்த விளம்பரத்தால் நிறைய பேர் வர ஆரம்பித்துவிட்டார்கள்" என்று மகிழ்ச்சி தெரிவித்தார்.

* கந்தூரியில் நடைபெறும் குத்துப்பாட்டு, கச்சேரிகளில் தமக்கு எந்த சம்பந்தமும் இல்லை என்றும் அவை கந்தூரி கமிட்டியாரால் செய்யப்படுபவை என்றும் தெளிவாக்கினார். "கந்தூரி கமிட்டியார் யார் காக்கா?" என்று நான் கேட்டதற்கு, "இதுவரைக்கும் யாரெனத் தெரியவில்லை. என்னிடம் வந்து பர்மிஷன் கேட்பார்கள். நான் சரி என்பேன். அவ்வளவுதான்" என்று கூறினார்.

* "ஏழைச் சிறுவர்களுக்கு கத்னா செய்து வைக்க முன்வாருங்கள். ஏழைக் குமருகளுக்குக் கல்யாணம் செய்து வையுங்கள். அதை விட்டுவிட்டு கந்தூரியை நிறுத்து என்றால் நின்றுவிடுமா?" என்று ஆலோசனை வழங்கினார்.

* பேச்சு வாக்கில், "நாங்கள் ஹாஷிமிகள்" என்பதாக எனக்குப் புதுத் தகவல் ஒன்றையும் தெரிவித்தார். அந்த நேரத்தில் ஹாஷிமிகளான அபூஜஹ்லும் அபூதாலிபும் என் நினைவில் வந்தனர். இந்த ஹாஷிமி விபரத்தை 'ஸில்ஸிலா'வைப் படித்துப் பார்த்து உறுதி செய்துகொள்ள வேண்டும், இன்ஷா அல்லாஹ். ஏனென்றால், ஹாஷிமிகளுக்கு தானமோ தர்மமோ கொடுப்பது முஸ்லிம்கள் மீது ஹராமாக்கப்பட்டது. வாங்குவதும் ஹாஷிமிகளுக்கு ஹராமாக்கப்பட்டதாகும்.

மக்ரிபுக்கு நேரமாகிவிட்டதால் விடைபெற்றோம்.

எல்லாம் வல்ல அல்லாஹ் அனைவருக்கும் நேர்வழி காட்டவேண்டும்.

தொடர்புடைய சுட்டிகள் : -

மடமையிலிருந்து விடுதலை பெறுவோம்

கழிப்பிடத்தில் முளைக்கும் திடீர் கப்ரு

ஜமீல் M.ஸாலிஹ் - SEC-ADT

கணவன் மனைவிக்கிடையே - கடமைகளும் உரிமைகளும் ! 0

TAMS பகிர்ந்தளிக்கும் இந்த காணொளியில்...

கணவன் மனைவிக்கு செய்யவேண்டிய கடமைகள்  

1. (கணவன் / கணவன்வீட்டார்) மனைவிக்கு செய்யக் கூடிய அநியாயங்கள் 

2. கணவனின் அனுமதி இல்லாமல் மனைவி பணம் எடுக்கலாமா, ஏன்?

3. மனைவியின் மாதபோக்கின் நாட்களில் நடந்து கொள்ள வேண்டியவை 

4.கணவனும் மனைவியும் ஒன்றாக குளிக்கலாமா?

5.மனைவியின் / கணவனின் பெற்றோர்களை கவனிக்க வேண்டியவை 

6.மனைவியின் விசயத்தில் சட்டத்தை கையில் எடுக்கலாமா?

மனைவி கணவனுக்கு செய்யவேண்டிய பொறுப்புகள் 

1. கணவனின் பேச்சை கேட்கவேண்டிய இஸ்லாமிய பண்பாடுகள்.

2. கணவன் மனைவியோடு சேர தேவைப்படும்பொது எந்த நேரமாக இருந்தாலும் ஒத்துழைக்கலாம? 

3. கணவன் இல்லாத நேரத்தில் மகரம் இல்லாத ஆண்களை வீட்டில் அனுமதிப்பதையும் துணை இல்லாமல் வெளியில் செல்வதும் கூடாது.

4. பெண்கள் அதிகமாக சதக்கா செய்தல் போன்ற நல்லறங்கள்.

நன்றி : TAMS - ஆஸ்திரேலியா

காது கொடுத்து கேளுங்கள் - ப்ளீஸ் ! 2

இறைவனின் அருட்கொடையாக மனிதகுலம் அனைத்திற்கும் வழங்கப்பட அருள்மறைத் திருக்குர்ஆனிலிருந்து இறை வசனங்களை ஓதக் கேட்டாலும் அதன் பொருள் அறியாவிட்டாலும் அப்படியே நம் மனதை ஈர்க்கும். அன்றாடம் தொழுகையில் ஓதப்படும் இறைவசனங்களை முழுவதுமாக அர்த்தங்கள் பொதிந்த அவ்வசனங்களை கேட்கும்போது உள்ளத்தில் ஏற்படும் மாற்றத்தை ஒவ்வொருவராலும் அப்பட்டமாக உணரப்படும்.

இந்த வாரம் நாம் அன்றாடம் தொழுகையில் ஓதும் ஸூரத்துள் ளுஹா (முற்பகல்) என்ற அத்தியாயத்தின் வசனங்களை அழகிய உச்சரிப்புடன் ஓதுவதை காது கொடுத்து கேட்போம் இன்ஷா அல்லாஹ் !

ஸூரத்துள் ளுஹா(முற்பகல்)

மக்கீ, வசனங்கள்: 11

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் திருப்பெயரால்(துவங்குகிறேன்)

93:1. முற்பகல் மீது சத்தியமாக-

93:2. ஒடுங்கிக் கொள்ளும் இரவின் மீது சத்தியமாக-

93:3. உம்முடைய இறைவன் உம்மைக் கை விடவுமில்லை; அவன் (உம்மை) வெறுக்கவுமில்லை.

93:4. மேலும் பிந்தியது (மறுமை) முந்தியதை (இம்மையை) விட உமக்கு மேலானதாகும்.

93:5. இன்னும், உம்முடைய இறைவன் வெகு சீக்கிரம் உமக்கு (உயர் பதவிகளைக்) கொடுப்பான்; அப்பொழுது நீர் திருப்தியடைவீர்.

93:6. (நபியே!) அவன் உம்மை அநாதையாகக் கண்டு, அப்பால் (உமக்குப்) புகலிடமளிக்கவில்லையா?

93:7. இன்னும், உம்மை வழியற்றவராகக் கண்டு அவன், (உம்மை) நேர்வழியில் செலுத்தினான்.

93:8. மேலும், அவன் உம்மைத் தேவையுடையவராகக்கண்டு, (உம்மைச் செல்வத்தால்) தேவையில்லாதவராக்கினான்.

93:9. எனவே, நீர் அநாதையைக் கடிந்து கொள்ளாதீர்.

93:10. யாசிப்போரை விரட்டாதீர்.

93:11. மேலும், உம்முடைய இறைவனின் அருட்கொடையைப் பற்றி (பிறருக்கு) அறிவித்துக் கொண்டிருப்பீராக.

அதிரைநிருபர் பதிப்பகம்

நேற்று ! இன்று ! நாளை ! - தொடர் - 19 19

பெரிய ஜமீன்தாருடைய உயிர்,  நீதிமன்றப் படிக்கட்டுகளில் பிரிந்து சென்ற செய்தியை கண்ணீர் மல்கக் கைத்தடி சொன்னதும் அந்தத் துன்பத்தில் படிக்கட்டும் பங்கு கொண்டது. ஆனாலும் தொடர்ந்து ஆறுதலாக சொன்னது, “சரி கைத்தடி கண்களை துடைத்துக் கொள் ! மனிதராகப் பிறந்தவர் மறையத்தானே வேண்டும்.  பெரியவர் இப்படி இறந்ததும் அந்தக் கேசும் முடிந்து போயிருக்குமே!" என்று கேள்வி எழுப்பியது. 

“அதுதான் இல்லை, பெரிய ஜமீன்தாரின் மூத்த மகன் செல்வம் பொறுப்பை எடுத்துக் கொண்டார். என் அப்பா உடைய ஆத்மா சாந்தி அடைய வேண்டுமானால் அந்த வரப்பையும் வழக்கையும் எங்களுக்கு சாதகமாக வாங்கியே தீருவேன் என்று அவரது சாம்பல் மீது சத்தியம் செய்து நெற்றியில் தீட்டிக் கொண்டு வழக்கைத் தொடர்ந்தார்." என்றது, பெரிய ஐயா மறைத்தாலும் காரை விட்டு கழற்றி விடப்படாத கைத்தடி 

“அப்போ வழக்கில் ஜெயிச்சுட்டாரா? “ என்று ஆவலுடன் கேட்டது படிக்கட்டு. 

“அடப்பாவி! அவ்வளவு எளிதாக நம்ம கோர்ட் தீர்ப்பு சொல்லி விடுமா? இளைய ஜமீன்தார் செல்வமும் தனது சகாக்களுடன் கோர்ட்டுக்கு வந்தார். அங்கே இதற்கு முன் இருந்த நீதிபதி பதவி உயர்வு பெற்று வேறு ஊருக்குப் போய் விட்டார். இப்போ ஒரு புது நீதிபதி,  வக்கீலாக இருந்து ஆளும் கட்சிக்கு ஆதரவான குடும்பத்தைச்  சேர்ந்தவர் என்பதால் பதவி உயர்வு பெற்று வந்து உட்கார்ந்து இருந்தார். இதைப் பார்த்த செல்வம் தவறான கோர்ட்டுக்கு வந்து விட்டோமா என்று சுற்றிப் பார்த்துக் கொண்டார். அந்த நீதிமன்றத்தின் ஆயுத பூஜைக்குக் கூட அடிக்கப் படாத ஒட்டடையையும்  நின்று கொண்டிருந்த ஓட்டை வாய் டவாளிப்  பியூனையும் வாசலில் கிடந்த ராபர்ட் கிளைவ் காலத்து வருடக் கணக்கான பாதாம் மரத்து உதிர்ந்த இலைகளையும் பார்த்து விட்டு நாம் வரவேண்டிய கோர்ட்டு இதுதான் என்று முடிவுக்கு வந்தார். 

மேலும் எங்கள் ஜமீனுடைய வக்கீலும் ஒரு பீத்தல் கோட்டைப் போட்டுக் கொண்டு மேற்கூரையைப் பார்த்துக் கொண்டு உட்கார்ந்து இருந்தார். அன்று காலை வீட்டில் உப்புமா சாப்பிட்டு இருப்பார் போல எனக்குத் தோன்றியது. காரணம் கோர்டில் அங்கங்கு வெந்து போன ரவாவின் துகள்கள் பொட்டுப் பொட்டாகத் தெரிந்தன.  தன் வீட்டில் ஒழுங்காக சாப்பிடக் கூடத்  தெரியாத வக்கீல் வழக்கை எப்படி நடத்துவாரோ என்று எனக்கு சந்தேகமும் ஏற்பட்டது. சின்ன எஜமான் பேசட்டும் என்று பல்லைக்  கடித்துக் கொண்டு இருந்து விட்டேன்.

நீதிபதி ஏதேதோ பேப்பர்களைப் பார்த்து விட்டு எதிர்க் கட்சி வக்கீல் இடமும் பேசிவிட்டு வழக்கை வரும் பிப்ரவரி 29  ஆம் தேதிக்கு தள்ளி வைக்கிறேன் என்று சொன்னார். களைத்துப் போன எல்லோரும் கலைந்து போனார்கள். எல்லோரும் போன பின்பும் அந்தக் கோர்டில் இருந்த ஆங்கிலேயர் காலத்துக் காற்றாடி மட்டும் ஓடிக்  கொண்டே  இருந்தது. அதை நிறுத்த வேண்டிய பியூன் தலையின் பிடரியில் பேன்  இருக்கும் போலத் தெரிந்தது. அதனால்   இன்னொரு வாதியின் முன் நின்று பிடரியை சொரிந்து கொண்டிருந்தார். 

கோர்ட்டில் இருந்து வந்துவிட்டோம். அடுத்த வாய்தாவுக்கு நாள் இருந்தது. இடையில் சின்ன எஜமானுக்கு உடம்பு சரியில்லாமல் போனது. இருமலில் ஆரம்பித்து நாளுக்கு நாள் உடலும் இளைத்து வந்தது. நடக்க சிரமப் பட்டார். அதுவரைக்கும் சற்று ஓய்வாக இருந்த அவர், காரிலேயே இருந்த என்னைக் கையில் எடுக்க ஆரம்பித்தார். பெரிய ஐயா மாதிரியே நாளடைவில் என் துணை இல்லாமல் நடக்க முடியாத நிலை  இவருக்கும் ஏற்பட்டது. மருத்துவரிடம் தினமும் போனார். மருத்துவர் மாற்றி மாற்றி எழுதித்தந்த மருந்துகளாலும் சாயத் தண்ணீர்களாலும் மருந்துக் கடைகள் செழித்தன; மருத்துவமனைகள் கொழித்தன ; என் எஜமானோ இளைத்தார்.  

ஆனாலும் ஒரு நம்பிக்கை அவருக்குள் ஓடிக்  கொண்டி இருந்தது.  இதோ விரைவில் பிப்ரவரி வருகிறது வழக்கு முடிவுக்கு வந்துவிடும் வரப்பும் கைவசமாகி விடுமென்று நம்பி நாட்களை நகர்த்திக் கொண்டு இருந்தார்.  

இதோ அன்று பிப்ரவரி இருபத்தி எட்டு. டிரைவரை முன்னெச்சரிக்கையாக அழைத்தார். இன்று தேதி இருபத்தி எட்டு நாளை கோர்ட்டுக்குப் போக வேண்டும். வண்டியை தயார் செய்து வைத்துக் கொள் கடைசி நேரத்தில் வீலில் காத்து இல்லை  அது இல்லை இது இல்லை என்று சொல்லாதே என்றார். டிரைவர்  எஜமானை ஒரு மாதிரியாகப் பார்த்து சிரித்தார். ஆனாலும் சரியென்று சொல்லி விட்டு சென்றார். எஜமான் என் துணையுடன் மாடிப் படியேறி நாளை சீக்கிரம் எழுந்து விட வேண்டுமென்று மெதுவாக சொல்லிக் கொண்டே   கொண்டே படுத்து உறங்கிப் போனார். படுக்கையின் பக்கத்திலேயே  நான்  நின்று  கொண்டே தூங்கினேன்.  

அடுத்த நாள் சொன்னபடி கார் கோர்ட் வாசலைத் தொட்டது. காரை அங்கு நிறுத்தி விட்டு சின்ன எஜமான் டிரைவரையும் அழைத்துக் கொண்டு வா பக்கத்து ஓட்டலில் ஏதாவது சாப்பிட்டு விட்டு வரலாமென்று போனார். போகும் போதே தனது பாக்கெட்டைத் தொட்டுப் பார்த்துக் கொண்டார். இப்படி பாக்கெட்டைத் தொட்டுப் பார்த்தது  ஒரு புதுப்  பழக்கமாக எனக்குத் தோன்றியது. காரணம் எங்கள் எஜமான்களின் பாக்கெட்டுகள் எப்போதும் சலவை நோட்டுகளால் பிதுங்கும்.  இப்போதோ தொட்டுப் பார்த்துக் கொள்ளும் நிலை எனக்கு நிலமையை உணர வைத்தது. 

அது மட்டுமல்லாமல்,  எந்த ஓட்டலுக்குப் போனாலும்,  எப்போதும் ஏசி ரூமில் உட்காரும் சின்ன எஜமான், சாதாரண  மக்களோடு தானும்  ஒருவராக ஒரு ஓரமான நாற்காலி தேடி பொது ஹாலில்  அமர்ந்தது எனக்கு இதயத்தைப் பிசைந்தது. அப்போது பழைய நினைவில்  நான் எப்போதும் எஜமான்களுடன் போகும் ஏசி ரூமை எட்டிப் பார்த்தேன். எட்டிப் பார்த்த எனக்கு ஒரு அதிர்ச்சி காத்திருந்தது. அந்த ஏசி ரூமில்,  எங்களுக்காக வாதாடும் வக்கீலும் எங்களுக்கு எதிராக வாதாடும் வக்கீலும் அடுத்து அடுத்து உட்கார்ந்து ரவா கேசரியும் ஸ்பெஷல் பேப்பர் ரோஸ்டும் சாப்பிட்டுக் கொண்டு இருந்தார்கள். இருவரும் குசு குசுவென்று பேசிக் கொண்டதுடன் பேச்சுக்கு இடையில் கிரிக்கெட்டில் விக்கெட் விழுந்தால்  அந்த வீரர்கள் தங்கள் கைகளை உயர உயர்த்தி ஒருவருக் கொருவர் தட்டிக் கொள்வார்களே அதே போல சந்தோஷமாக தட்டிக் கொண்டு சிரித்துக் கொண்டதையும் நான் பார்த்தேன். என்னமோ நடக்குது மர்மமா இருக்குது என்று நினைத்துக் கொண்டேன். 

சின்ன ஜமீன்தார் சாப்பிட்டதும்,  என்னையும்  எடுத்துக் கொண்டு ஒரு தட்டுத் தட்டிக் கொண்டு கோர்ட்டின் படிக்  கட்டுகளில் என்னை ஊன்றிக் கொண்டே  ஏற    ஆரம்பித்தார்.

கதையை கேட்டுக் கொண்டிருந்த படிக்கட்டு சொன்னது “இப்படி ஊன்றி ஊன்றித் தானே  என்னை  உடைத்துப் போட்டு விட்டார்கள். சரி நீ தொடர்ந்து சொல் !“ என்று இரண்டாவது முறையாக தன் உடம்பை தடவி விட்டுக் கொண்டது. . 

கைத்தடி கதையைத்  தொடர்ந்தது. “தடுமாறிய சின்ன ஜாமீனை ஒருவர் கைத்தாங்கலாகப் பிடித்துக் கொண்டு போய் அங்கு இருந்த பெஞ்சில் உட்கார வைத்தார். அப்போது நம்முடைய வக்கீலும் ஏப்பம் விட்டபடியே அங்கு வந்தார். வக்கீல் சொன்ன வணக்கத்துக்கு கை தூக்கி பதில் வணக்கம் சொல்லக் கூட சின்ன எஜமானுக்கு தெம்பு இல்லாமல் இருந்தது.“  

அப்போது , ஆற்றங்கரையில் உளுத்துப் போய் உடைந்து கிடந்த கோர்ட்டின் முன்னாள் மேஜையும் நாற்காலியும் ஒரு காட்டு சிரிப்பு சிரித்தன. 

“ஏன் இப்படி கேவலமாக சிரிக்கிறீர்கள்?“ என்று கோபமாகக் கேட்டது கைத்தடி. 

“பின்னே சிரிக்காமல் என்ன செய்ய? நாங்கள்தான் அந்த வேடிக்கையைப் பார்த்தோமே! பிப்ரவரி 29 க்கு வழக்கை தள்ளி வைத்த நீதிபதி சாமர்த்தியமாக நாலு வருசம் கேசை தள்ளி வைத்து விட்டதைக் கூட  தெரியாமல் – இன்னும் நாலு வருஷம் கழித்துத்தான் அந்த தேதி வரும் என்று தெரியாமல் இப்படி கோர்ட்டுக்கு வந்தால் நாங்கள் சிரிக்காமல் என்ன செய்வோம்? உங்க எஜமானும் வக்கீலும் லீப் வருஷ விபரம் கூடத் தெரியாதவர்களாக இருந்தார்களே என்று  அதைப் பார்த்து சிரிக்காமல் என்ன செய்வோம்?” என்றன உதிர்ந்து ,  தளர்ந்துபோன மேஜையும் நாற்காலியும். 

கைத்தடி தொடர்ந்தது.  “ ஆமாம்! நீங்கள் சொல்வது சரிதான். அப்படித்தான் ஆகிவிட்டது. சின்ன எஜமான் கஷ்டப்பட்டு கோர்ட்டுக்கு வந்த வேதனை அவருக்குத்தான் தெரியும். வாய்தா தேதி தவறாக வந்து விட்டதும் அதுவும் நாலு வருஷம் தாண்டி என்றதும்  அவருக்கு அதிர்ச்சியைக் கொடுத்தது“ என்றது.    உடனே படிக்கட்டு , “ அப்படிக் கஷ்டப்பட்டு நடந்து தடுமாறி என் மீதுதானே விழுந்தார் அப்போது என் உடம்பு என்ன வலி வலித்தது தெரியுமா? “ என்று கேட்டது. 

“ஹூம் அந்த சோகக்கதையை என் கேக்கிரீர்கள். அவர் கீழே விழும்போது அவர் கையில் இருந்த நானும் ஒரு பக்கமாகப் போய் விழுந்தேன். சமாளித்துக் கொண்டு பார்க்கும்போது  சின்ன எஜமானை சுற்றி ஒரே கூட்டம். எனக்குப் பெரிய எஜமான் இதே போல் விழுந்து கிடந்த வேதனையான நிகழ்ச்சி நினைவுக்கு  வந்தது. யாரோ ஒருவர் என்னை எடுத்து சின்ன எஜமான் கையில் திணித்தார். சின்ன எஜமான் என்னைப் பிடிக்கக் கூட திராணியற்றவராய் சோர்ந்து கிடந்தார். அவரது கைகளுக்குள் நான் . ஆனால் அவரது கைகளோ சில்லென்று இருந்தன. கீழே விழுந்த சின்ன எஜமானுடைய உயிரும் கூட்டை விட்டுப் பறந்து போய் விட்டது என்று நான் உணர்ந்து மவுனக் கண்ணீர் வடித்தேன். “ என்று கைத்தடி சொல்லி அழுதது. 

ஆக,  வரப்பு வழக்கு முடியும் முன்பே இரு தலைமுறையின்  உயிர்கள் இவ்வுலகில் இருந்து  முடிந்துவிட்டன. 

இன்ஷா அல்லாஹ் தொடரும்.. 

ஆக்கம்: P. முத்துப் பேட்டை  பகுருதீன் B.Sc;

உருவாக்கம் : இப்ராஹீம் அன்சாரி.

படம் சொல்லும் பாடம் ! 19

இணையத்தில் எதனையும் தேடி எடுக்கலாம் என்று சமீபத்தில் நம்மூர் கார ஒரு தம்பி எனக்கு யுடியூப் காணொளியை அனுப்பியிருந்தார், அங்கே கூகிள் நிறுவனம், பிரிந்த நட்பை கூகிள் குப்பையில் கிளறினால் மாணிக்கமாக கிடைக்கும்னு ஒரு டச்சிங் டச்சிங்... நல்லாத்தான் இருந்தது !

சரி, அதுக்கும் இந்த படத்திற்கும் என்ன சம்பந்தம் என்று கேட்காமல், என்னதான் சம்பந்தம் என்று நீங்கள் ஒரு முடிவுக்கு வாங்க. முடிந்தால் கவிதையோ கலக்கல் கருத்துகளோ கைவசம் இருப்பின் அல்லது மனதில் உதிக்குமாயின் அப்படியே புடம் போட்டு வைக்காமல் இங்கிட்டு கொஞ்சம் தட்டிவிட்டுப் போங்க !

எல்லோரும் தேர்தல் பிரச்சார போதையில் 'மோடி' பின்னாடி சுத்திகிட்டிருக்காம கவனத்தை திருப்புங்க !

வித்தியாசமா சொல்றேன்னு பொரிச்ச கோழியை போட்டா என்னன்னு கேட்டுடாதீங்க !

அபூஇப்ராஹீம்

அவர்கள் வாழ்வும் நம் வாழ்வும் ! - தொடர் - 18 7

அல்லாஹ்வின் திருப்பெயரால்...

முந்தைய பதிவில் ஸாத் இப்னு முஆத் (ரலி) அவர்களின் வாழ்வின் மூலம் நாம் பெற்ற படிப்பினைகள் பார்த்தோம், இந்த வாரம் அம்மார் பின் யாசிர் (ரலி) அவர்கள் பற்றி அறிந்து அதனைக் கொண்டு நாம்ம எவ்வாறான படிப்பினை பெறலாம் என்பதைப் பார்ப்போம். இன்ஷா அல்லாஹ்.

இஸ்லாத்திற்காக வீரமரணம் (ஷஹீத்) அடைந்தவர்களில் சுமைய்யா (ரலி) அவர்களும் யாசிர்(ரலி) அவர்களும் முதன்மையானவர்கள் என்ற வரலாற்று உண்மைகளை நாம் எல்லோரும் நன்கு அறிந்ததே. இந்த தம்பதிகளில் அருந்தவப் புதல்வன்தான் அம்மார்(ரலி) அவர்கள். ஒரு வருத்தம் என்னவென்றால், அம்மார்(ரலி) அவர்களின் குடும்பமே செய்த தியாயங்கள் பற்றிய வரலாற்று சம்பவங்களை அவ்வப்போது மார்க்க சொற்பொழிவுகளில் நினைவு கூறப்படுகிறதே தவிர. நம் ஒவ்வொரு வீடுகளிலும் அந்த ஷஹீத் குடும்பங்களின் தியாகங்களை நினைவுப் படுத்தவோ, அவர்களின் வாழ்க்கை வரலாற்றை அறிவதற்கோ, அவர்கள் போல் நாமும் தியாக சிந்தனையோடு அல்லாஹ்வுக்காக அனைத்தையும் செய்ய வேண்டும் என்ற எண்ணம் ஏற்படுவதற்கோ, நாம் எந்த ஒரு முயற்சியையும் எடுக்கவில்லை. இத்தகைய நிலை கைச்சேதம் என்று சொன்னால் மிகையில்லை. சத்திய சஹாபாக்களும் தீனுல் இஸ்லாத்தை எண்ணற்ற தியாகங்கள் செய்து நம்மிடம் கொண்டு வந்துள்ளார்கள். இதனை நாம் அறிந்து நம்முடைய ஈமான் வலுப்பெற செய்வது நம்முடைய அவசியத் தேவை என்பதை நாம் நினைவில் வைத்துக் கொள்வோம்.

அண்ணல் நபி(ஸல்) அவர்களின் சத்திய சஹாபாக்களின் தியாக வரலாறுகள் அனைத்தும் போற்றுதலுக்குறியது, இருப்பினும் அம்மார்(ரலி) அவர்களும் அவர்களின் குடும்பமும் செய்த தியாகம் மிக உயர்ந்த தியாகம். காரணம் அம்மார்(ரலி) அவர்களும், தாய் சுமைய்யா(ரலி), தந்தை யாஸிர்(ரலி) அவர்களும், இஸ்லாத்திற்காக உயிர் தியாகம் செய்தவர்கள்.

நபி(ஸல்) அவர்கள் இஸ்லாமிய பிரச்சாரம் செய்து வந்த அந்த காலகட்டத்தில் அம்மார்(ரலி) அவர்களின் தந்தை யாஸிர்(ரலி) அவர்கள் காணாமல் போன தன்னுடைய சகோதரனைத் தேடி சிரியா, ரோம் போன்ற பிரதேசங்களில் தேடி பிறகு மக்கா வந்தடைந்தார்கள். மக்காவில் ஹுதைபா என்பவரிடம் ஒப்பந்தம் செய்து வேலைக்கு சேர்ந்தார். ஹுதைபா அவர்களிடம் நிறைய பணிப்பெண்கள் வேலைப் பார்த்து வந்தார்கள். அதில் ஒருவர் தான் அந்த தியாகத் திருமகள் சுமைய்யா(ரலி) அவர்கள். யாசிர்(ரலி) அவர்களின் நன்னடத்தையைப் பார்த்த ஹுதைபா அவர்கள் சுமைய்யா(ரலி) அவர்களுக்கு திருமணம் செய்து வைத்தார்கள்.

மக்காவில் நபி(ஸல்) அவர்கள் இஸ்லாத்தை எத்தி வைத்த அந்த ஆரம்ப காலகட்டத்தில் நபி(ஸல்) அவர்களின் குடும்பம் தவிர்த்து இஸ்லாத்தை ஏற்றுக் கொண்டதாக பகிரங்கமாக அறிவித்தவர்கள் சிலர் அதில் மிக முக்கியமானவர்கள் அம்மார்(ரலி), யாசிர்(ரலி), சுமைய்யா(ரலி), சுஹைப்(ரலி), மிக்தாத்(ரலி), கப்பாப்(ரலி), பிலால்(ரலி),  அபூபக்கர்(ரலி) ஆகியோர். அன்றைய காலத்தில் கொடூரன் என்று வர்ணிக்கப்பட்ட அபூஜகல் என்ற கொடுங்கோலன், புதிதாக இஸ்லாத்தை ஏற்கும் எந்த ஒரு உயர்ந்த குலத்தவர்களையும் அழைத்து அவர்களின் பொருளாதாரத்தை நாசமாக்குவேன் என்றும், அவசியம் ஏற்பட்டால் அவர்களை கொலையும் செய்வேன் என்றும் மிகக்கடும் எச்சரிக்கை செய்பவனாக இருந்துள்ளான்.

அப்படிப்பட்டவன் பொருளாதார ரீதியாகவும், குலம் ரீதியாகவும் அன்றைய காலகட்டத்தில் அவன் பார்வையில் தாழ்த்தப்பட்ட நிலையில் இருந்த அடிமைகளான அம்மார்(ரலி) அவர்களின் குடும்பத்தை எப்படி எல்லாம் சித்திரவதை செய்திருப்பான் (சுப்ஹானல்லாஹ்), அந்த கொடுமையை பெயரளவில் தட்டிக்கேட்க நாதியற்ற காலகட்டம். இன்று இருப்பது போன்ற இஸ்லாமிய இயக்கங்கள் ஒன்றுகூட இல்லை. நபி(ஸல்) அவர்களோ அந்த கொடுமைகளைப் பார்த்து கண்ணீர் சிந்தி அல்லாஹ்விடம் பிரார்த்தனைச் செய்வதைத் தவிர வேறு எதுவும் அவர்களால் அன்றையச் சூழலில் செய்ய முடியவில்லை பாவப்பட்ட அம்மார் (ரலி) அவர்களின் குடும்பத்திற்காக.

இன்னும், அல்லாஹ்வின் பாதையில் நீங்கள் கொல்லப்பட்டாலும் அல்லது இறந்து விட்டாலும், அல்லாஹ்விடமிருந்து கிடைக்கும் மன்னிப்பும், ரஹ்மத்தும் அவர்கள் சேர்த்து வைப்பதைவிட மிக்க மேன்மையுடையதாக இருக்கும். குர்ஆன் (3:157).

இந்த குர்ஆன் வசனத்திற்கு பொருத்தமானவர்களாக வாழ்ந்துள்ளார்கள் சுமைய்யா (ரலி) அவர்களும், யாசிர்(ரலி) அவர்களும்.

அந்த குரைஷிக் குலத்துக் கொடுங்கோலன் அபூஜஹல் ஹுதைபா விடமிருந்து சுமைய்யா(ரலி) அவர்களை அழைத்துச் சென்று, ஒரு பெண் என்றுகூட பார்க்காமல், இரும்பு கவசத்தை அந்த அம்மையாரின் மேனியில் அணியச் செய்து, அவர்களை வீதிகளில் தரதரவென்று இழுத்து வரச் செய்பவனாக இருந்தான். இந்த கொடுமையான சூழலிலும் இறை நிராகரிப்பு வாசகத்தை சொல்லச் சொல்லி துன்புறுத்துவனாக இருந்தான் கொடூரன் அபூஜகல், ஆனால் அந்த அம்மார்(ரலி) அவர்களின் தாயார் சுமைய்யா (ரலி) அவர்கள் ‘அஹத் அஹத்’ என்று அல்லாஹ் ஒருவனே என்ற வார்த்தயை தவிர வேறு எந்த ஒரு இறை நிராகரிப்பு வார்த்தையும் பயன்படுத்தாமல் தன்னுடைய ஈமானைப் பாதுகாத்தார்கள். அடித்தாலோ கொன்றாலோ தட்டிக்கேட்க ஆளில்லாத அடிமைக்கா இவ்வளவு திமிர் என்று சினம் கொண்ட அபூஜகல், ஆத்திரத்தில் சுமைய்யா(ரலி) அவர்களை மீண்டும் அந்த பாலைவனப் பெருவீதியில் இழுத்து வந்து, ஈட்டியினால் அந்த அம்மையாரின் வயிற்றை கிழித்து அவர்களை கொலைச் செய்தான். இன்னா லில்லாஹி வயின்னா இலைஹி ராஜியூன்.

அம்மார்(ரலி) அவர்களின் தந்தை யாசிர்(ரலி) அவர்களையும் அந்த குரைஷிக் கொடூரர்கள் விட்டு வைக்கவில்லை. முஹம்மதுடைய(ஸல்) மார்க்கத்தை விட்டு விடு இல்லாவிட்டால் உன்னுடையை உயிரை எடுப்போம் என்று மிரட்டினார். யாசிர்(ரலி) அவர்களோ அல்லாஹ் ஒருவனே என்ற சொல்லைத்தவிர வேறு எந்த ஒரு இறை நிராகரிப்புச் சொல்லையும் உச்சரிக்கவில்லை. இஸ்லாத்தை ஏற்ற ஒரே காரணத்திற்காக, பல இன்னல்களைக் கொண்டு கொடுமை படுத்தப்பட்டார்கள். 

இறுதியாக யாசிர்(ரலி) அவர்களின் ஒரு கால் ஒரு ஒட்டகத்திலும், மற்ற கால் ஒரு ஒட்டத்திலும் கட்டப்பட்டு இரு எதிர் திசைகளிலும் அந்த ஒட்டகங்கள் விரட்டப்பட்டு, இரண்டு பகுதியாக உடல் கிழிக்கப்பட்டு வீரமரணம் அடைந்தார்கள் யாசிர் (ரலி) அவர்கள். இன்னா லில்லாஹி வயின்னா இலைஹி ராஜியூன். 

அத்தகையச் சூழலிலும் குப்ரான எந்த ஒரு வார்த்தையும் அந்த வீரத் திருமகனார் யாசிர்(ரலி) அவர்கள் உச்சரிக்கவில்லை. இவ்விரு கொடுரங்களை கண்ட அம்மார்(ரலி) அவர்கள் கொஞ்சம்கூட அச்சமில்லாமல் தன்னுடைய ஈமானில் மட்டும் மிக உறுதியாக இருந்தார்கள் என்பது தான் இங்கு நாம் கவனிக்கப்பட வேண்டியவை.

நாம் ஒவ்வொரு தலைவர்களின் வாழ்க்கை வரலாறுகளை படிக்கிறோம், நம் நாட்டிற்கு பெருமை தேடித் தந்த விளையாட்டு வீரர்களின் வாழ்க்கை வரலாறுகளை படிக்கிறோம். ஏன் கேடுகெட்ட சினிமாவின் மூலம் பிரபலமானவர்களின் வாழ்க்கை வரலாறுகளை வாசிக்கின்றோம். அதற்காக பல மணி நேரங்களையும் செலவழிக்கிறோம். என்றைக்காவது தியாகச் சுடர் அம்மார் (ரலி) அவர்களின் குடும்பம் செய்த தியாகம் பற்றி உளப்பூர்வமாக வாசித்திருக்கிறோமா?

நமக்கு ஒரு குழந்தை பிறந்தால் நாம் வைக்கும் பெயர் புதிதாக இருக்க வேண்டும், வித்யாசமான அர்த்தம் இருக்க வேண்டும் என்றும் நாம் பார்க்கிறோமே தவிர. இஸ்லாத்திற்காக தியாகம் செய்த அம்மார்(ரலி) அவர்களின் பெற்றோர் சுமைய்யா(ரலி), யாசிர்(ரலி) இவர்களின் பெயர்களை வைத்து அந்த தியாகிகளை நினைவு படுத்தி வருபவர்கள் நம்மில் எத்தனை பேர். தியாகத் செம்மலின் பெயர் வைத்தவர்கள் எத்தனைப் பேர் அவர்களைப் போன்ற தியாக உணர்வு உள்ளவர்களாக வாழ்ந்து வருகிறோம்!?. இஸ்லாத்திற்காக தியாகம் செய்தவர்களின் பெயர் வைத்துள்ளவர்கள் தாம் அன்றாடம் அறிந்தோ அறியாமலோ செய்யும் சிறிய மற்றும் பெரிய பாவங்களை அல்லாஹ்வுக்கு அஞ்சியவர்களாக அதனை விட்டும் விலகியவர்களாக தியாகம் செய்தவர்கள் எத்தனை பேர்?

தியாகம் என்ற சொல்லுக்கு பெண்களுக்கு முன்னுதரணமாகவும் அதற்கான அத்தாட்சியாகவும் வழ்ந்து ஷஹீத் ஆன சஹாபிப் பெண்மனி சுமைய்யா (ரலி) அவர்கள். அவர்களைப் போன்று ஒரு இறை நிராகரிப்பு சொல் சொல்லாத பெண்கள் நம்மில் எத்தனை பேர் உள்ளோம் என்று சிந்திக்க வேண்டும்.

இதுவரை நாம் பார்த்தது, தாய், தந்தை இஸ்லாத்திற்காக பட்ட கஷ்டங்கள், பின்னர் உயிர் தியாகம் செய்தது. அந்த வீரத்தியாகிகளின் மகன் அம்மார்(ரலி) அவர்கள் பட்ட கஷ்டங்கள் அதிலிருந்து நாம் பெறும் படிப்பினைகள். இன்ஷா அல்லாஹ் வரும் வாரங்களில் விரிவாக தொடர்ந்து பார்க்கலாம். 

யா அல்லாஹ் எங்கள் அனைவரையும், சத்திய சஹாபாக்கள் எவ்வாறு நபி(ஸல்) அவர்களின் சொல் செயல் ஆகியவற்றின் அங்கீகாரத்தின் அடிப்படையில் வாழ்ந்தார்களோ அதுபோல் நம் அனைவரையும் வாழ அருள் புரிவாயாக.

தொடரும்....

M தாஜுதீன் 

கந்தூரி மாயை...! 20

இது ஒரு மீள்பதிவு

என்னிட முள்ளதொரு கேள்வி – என்

இனத் தவரிடம் கேட்க

முன்பென்று மில்லாத குரோதம் – உன்

உடன் பிறந்தோரிடம் எதற்கு?

அடங்கிய வருக்கேன் ஆராதனை – குழி

முடங்கியவருக்கா முழு அர்ச்சனை

கையில் நெய்யெனக் காப்பவனிருக்க –பொய்

கபுர்தனை வணங்குத லறிவா?

ஈடு இணையற்ற இறையை – எது

ஈருலக வாழ்விலும் விஞ்சும்

ஈனச் செயலாம் கந்தூரி – ஒரு

ஈமான் முறிக்கும் இழிவே

ஊர்வலம் என்றொரு ரனகளம் – நம்

ஊர்ச் சனங்களுக்கே கேவலம்

கொடியேற்றி மகிழும் யார்க்கும் – தம்

குடிகெட்டுப் போவது உறுதி

தோளோடு தோளாகத் தொழுது – நல்

விணையாம் நோன்பினை நோற்று

கணக்காக ஸகாத்தும் கொடுத்து – பின்

கபுர்தனில் கவிழ்தல் சரியா

கலைக் கூத்தாடி கணக்காய் – உன்

களியாட்டம் குமட்டும் குடலை

கண்டெந்தன் கண்கள் கலங்கும் – இக்

கவலையில் நெஞ்சமும் வலிக்கும்

போனது போகட்டும் தோழா – புது

பாதையைப் படைப்போம் நாமே

கந்தூரி கனவினி வேண்டாம் – நம்

சொந்தவூர் ரெண்டுபட வேண்டாம்

அவுலியாவிடம் உன் வேண்டுதல் – அது

முகவரி தவறிய கடிதமே

தீர்வுகள் வேண்டிய இறைஞ்சலை- நீ

தீர்ப்பவன் இடமே கேட்கவும்

இறுதிச் சடங்கென நேற்று – நாம்

உறுதியாய் முடிந்ததெனக் கொள்வோம்

கந்தூரி மாயையை வீழ்த்தி – புது

கலாச்சார மாற்றம் கொணர்வோம்

அல்லாஹ்வை மட்டுமே தொழுவோம் – அவன்

வல்லமை கொண்டே எழுவோம்

தர்கா கலாச்சாரம் ஒழிப்போம் – புது

தலைமுறை செழிக்க உழைப்போம்.

சபீர் அஹ்மது அபுஷாஹ்ருக்

ஔரங்கசீப் நான்மணி மாலை - பகுதி - 2 [வரலாறு பதிக்கப்படுகிறது] 17

உயிரைக் குடிக்கும் உயர்சாதிப் பொய்யைப்
பயிராய் விளையப் படிக்கின்ற பாடம்
திரித்து வழங்கும் திருட்டைத்தான் இங்கே
உரித்து விளக்கும் உரை

எல்லையைத் தாண்டிக் கணவாய் வழியில் இடம்பிடித்தோர்த்
தொல்லையைத் தந்துப் பழங்குடி மக்கட் தொலையவேண்டி
சொல்லொணாச் சாத்திரச் சட்டம்  கொடுத்த துயரினால்தான்
இல்லையே சாதிகள் என்பதால் இஸ்லாம் இனித்ததுவே!

ஆரியர் வருகை என்று
....ஆணவம் மிக்கோர்க் கூற்று
நேரிய வழியைக் காட்டி
....நெஞ்சினில் நீதி சொல்ல
வாரியே அணைத்து மார்க்கம்
...வழங்கிய நன்மை ஏற்றால்
போரினால் வென்று மாற்றிப்
...போட்டனர் என்ற பொய்யே!

பிஞ்சு நெஞ்சில் நஞ்சினை விதைத்துக்
கொஞ்சிப் பேசும் வாஞ்சை நட்பினில்
பிளவைக் கூட்டிப் பிள்ளைகள் கொலைசெயும்
களத்தை நாடக் கண்ட வித்தை
பாரினில் பலருமே படையால் வந்தவர்
ஊரினில் இளைத்தவன் உண்மை சொல்லும்
முஸ்லிம் என்பதால் முடிவில்
இஸ்லாம் என்றதும் இழிவாய்ப் போனதே!

”கவியன்பன்” கலாம்

கண்கள் இரண்டும் - தொடர் - 12 7

கண்களில் ஏற்படும் வறட்சியைத் தடுக்க.

இன்றைய காலத்தில் கம்ப்யூட்டர் முன் வேலை செய்பவர்களின் எண்ணிக்கை அதிகமாக உள்ளது. இதிலும் இந்த வேலையில் தொடர்ச்சியாக கம்ப்யூட்டர் முன் நீண்ட நேரம் உட்கார்ந்து வேலை செய்வதாக உள்ளது. இதனால் கண்கள் களைப்படைந்து, வறட்சி ஏற்பட்டு, சிவப்பு நிறமடைவது, எரிச்சல், அரிப்பு போன்றவை ஏற்படுகிறது. 

ஆகவே பலர் கண்களுக்கு மருந்துகளை விட்டுக் கொள்கின்றனர். இவ்வாறு மருந்துகளை விட்டுக் கொண்டால்,  சிலருக்கு கண்களில் ஏற்படும் அரிப்பு, எரிச்சல் போன்றவை நீங்காமல் இருப்பதோடு, அவை கண்களில் வறட்சியை இன்னும் அதிகரித்துவிடும். எனவே இத்தகைய பிரச்சனை இருந்தால், அப்போது கண்களுக்கு மருந்துகளைவிடாமல், ஒருசில இயற்கை முறைகளையும் பின்பற்றலாம். 

• கண்களில் ஏற்படும் வறட்சி மற்றும் எரிச்சலை தடுக்க சிறந்த வழியென்றால் அது குளிர்ந்த நீரால் கண்களை கழுவுவது தான். அதிலும் கம்ப்யூட்டர் மற்றும் டிவியை அதிக நேரம் பார்த்தால், கண்கள் சோர்வடைந்து விடுவதோடு, அதிலிருந்து வரும் கதிர்கள் கண்களில் வறட்சி மற்றும் அரிப்பை ஏற்படுத்தும். எனவே அவ்வப்போது கண்களை குளிர்ந்த நீரால் கழுவ வேண்டும்.  

• நீண்ட நேரம் கம்ப்யூட்டர் அல்லது லேப்டாப் முன்பு உட்கார்ந்திருந்தால், அவ்வப்போது கண்களுக்கு சிறிது இடைவேளை கொடுக்க வேண்டும். முக்கியமாக அந்த இடைவேளையின் போது கண்களுக்கான உடற்பயிற்சியை செய்வதால், கண்களில் வறட்சி ஏற்படுவதை தடுக்கலாம். அதிலும் கண்களை அங்கும் இங்கும் சுழற்றுவது மிகவும் சிறந்தது. வேண்டுமெனில் சிறிது நேரம் கண்களை சிமிட்டுவது, மூடிக் கொள்வது என்று செய்யலாம்.

• கண்களில் ஏதேனும் சோர்வு, எரிச்சல், வறட்சி போன்றவை ஏற்பட்டால், கண்ளை ரிலாக்ஸ் செய்வதற்கு சிறிது கண்களுக்கு குளிர்ச்சியானது தேவைப்படுகிறது. எனவே கண்களுக்கு குளிர்ச்சியைத் தரும் வகையில் வெள்ளரிக்காய் அல்லது உருளைக்கிழங்கை வட்டமாக நறுக்கி கண்களின் மேல் சிறிது நேரம் வைத்தால் கண்களில் வறட்சி நீங்கி, புத்துணர்ச்சியடையும்.  

• கண்களின் வறட்சி மற்றும் அரிப்பை சரிசெய்ய ரோஸ் வாட்டரும் ஒரு சிறந்த பொருள். அதற்கு ரோஸ் வாட்டரை சிறிது கண்களில் விட வேண்டும். இதனால் கண்களில் உள்ள அழுக்குகள் வெளியேறுவதோடு, கண்கள் எப்போதும் வறட்சியின்றி இருக்கும்.

தலைவலி

இன்று சாதாரணமாக ஒரு பிரச்சனை என்றால் கூட பெரிய தலைவலியாய் இருக்கின்றது என்று சொல்வதைக் கேள்விப்படுகிறோம், ஆக தலைவலி என்றாலே பிரச்சனை என்பது தெளிவாகிறது. சாதாரண மக்கள் கூட அடிக்கடி தலைவலி வருகிறது என்றால் கண் டாக்டரிடம் சென்று பரிசோதனை செய்து பாருங்கள் என்று சொல்லும் அளவுக்கு தலைவலி கண்ணோடு தொடர்புபடுத்தி பார்க்கும் அளவிற்கு பொதுமக்களின் அறிவுத்திறன் கூடியுள்ளது என்றால் , அது முற்றிலும் உண்மையே.

உடல் உறுப்புக்களை இயங்க செய்யும் மூளையின் இருப்பிடம் தலை, அதிலும் கண், காது மூக்கு, வாய் , பல் ஆகியன மூளையின் அருகில் இருப்பதாலும் இவற்றுள் கண் நுட்பமான உறுப்பாக இருப்பதால் அதில் நோய் ஏற்பட்டாலும் கண் நரம்புகளுக்கு கண் தசைகளுக்கும் சோர்வு ஏற்பட்டாலும் தலைவலி ஏற்படும். சிலருக்கு, படிக்கும் பொழுதும், எழுதும் பொழுதும் தலைவலிப்பதாகக் கூறுவர், இதற்குண்டான காரணம் அறியாமலேயே தானாக மருந்து கடைகளில் ‘வலி நிவாரணி’ மாத்திரைகளை வாங்கி சாப்பிட்டு பின்னாளில் பல்வேறு எதிர் விளைவுகளுக்கு ஆட்பட்டு துயரப்படுவோரும் உண்டு. 

கண் மருத்துவரிடம் சென்றால் கண்களை முழுமையாக பரிசோதித்து உகந்த கண்ணாடி போட்டுக் கொள்ள அறிவுறுத்துவார், உரிய கண்ணாடி அணிய ஆரம்பத்தில் சில நாட்களிலேயே ‘தலைவலி’க்கு விடை கிடைத்து விடும். அடிக்கடி தலைவலி வருவோரின் பார்வை நரம்பு, மூளை, நோயினால் தாக்கப்பட்டிருகின்றதா என்பதைக் கண்ணின் உட்பகுதியில் பரிசோதிக்கும் கருவியின் மூலம் அறிந்து கொள்ளலாம்.

கண்ணைத் தொடர்பு படுத்தும் மூளை நரம்பில் வீக்கம் ஏற்பட்டிருந்தால் அவர்களை கண் மருத்துவர்கள் நரம்பு மருத்துவத்திற்கு அனுப்புவார்கள் இங்கு எடுக்கப்படும் X-RAY, MRI SCAN, CT SCAN ,ஆகிய பரிசோதனைகள் மூலம் வியாதியை கண்டறிய முடியும் , இதனை அறுவை மருத்துவம் மூலம் மூளையிலுள்ள கட்டி, இரத்த கறை போன்றவற்றை அகற்றி விடுவார்கள். அதனால் கண் பார்வையை இழக்காமல் கண்களைப் பாதுகாக்கலாம், தலைவலியும் நீங்கிவிடும். 

ஒற்றைத்தலைவலி என்பது சிலருக்கு அடிக்கடி வரும் , அவ்வாறு வரும்போதெல்லாம் அவர்கள் மரணவேதனையுடன் அவஸ்தைப்படுவதை பார்க்கலாம். இதற்கு காரணம் கண் நரம்பில் ஏற்படும் கோளாறே காரணம் அளவுக்கு மீறி வேலை (பாரப்பது, எழுதுவது, படிப்பது) இவைகளை இதுபோன்ற தலைவலி வருபவர்கள் கண்மருத்துவரின் ஆலோசனைப்படி சிகிச்சை எடுத்துக் கொள்வது நல்ல பலனளிக்கும் 

அச்சம் , அருவருப்பு ஆகிய காட்சிகளைப் பார்ப்பதும் ஒயாத அலைச்சல், மனக்கவலை (TENSION), ஆகியவைகளிலும் சிலருக்கு தலைவலி, கண் சிவப்பாக மாறுதல், பார்வை மங்கலாதல், ஆகியவைகள் ஏற்படலாம் , இது போன்ற சமயங்களில் கண் மருத்துவரின் ஆலோசனைப்படி சிகிச்சை எடுத்துக் கொள்ள வேண்டும். 

ஒரு சிலருக்கு உணவு மாற்றம் , ஒவ்வாமை போன்றவைகளாலும் தலைவலி ஏற்படும், சிலருக்கு மலச்சிக்கல் காரணமாகவும் தலைவலி ஏற்படும், பல்வலி, இரத்த கொதிப்பு உள்ளவர்கட்கும் சில வேளைகளில் தலைவலி ஏற்படும். தலைவலி என்பது எந்தச் சூழலில் ஏற்பட்டாலும் அதனால் கண்பார்வை நரம்புகள் பாதிக்ககூடும். எனவே அடிக்கடி தலைவலியால் பாதிக்கப் படுபவர்கள் உடனடியாக கண் மருத்துவரை சந்தித்து உரிய ஆலோசனையும், கண்ணாடி அணிய வேண்டியதிருப்பின் கண்ணாடியும் அணிவதன் மூலம் தலைவலியில் இருந்து பூர்ண விடுதலை பெறுவதுடன் கண்பார்வை பாதிப்பிலிருந்து விடுதலை கிடைக்கும்.

கண்கட்டி

குழந்தைகளுக்கு கண் இமைகளின் உட்புறத்தில் கொப்புளம், சிறுகட்டிகள் போன்ற கோளாறுகள் ஏற்படக்கூடும்.சாதாரனமாக இந்த மாதிரிப் பிரச்சனைகள் சத்துக் குறைவு காரணமாக ஏற்பட வாய்ப்புள்ளது. அதே சமயம் இதுபோன்ற குறைபாடுகள் காச நோய்க்கான அறிகுறிகளாகக் கூட இருக்கலாம். ஆகையால் இம்மாதிரிப் பிரச்சனைகள் ஏற்படும் பொழுது சாதாரண கட்டிதானே என்று இருந்து விடாமல் கண் மருத்துவரிடம் பரிசோதித்து காரணத்தை அறிந்து கொள்ள வேண்டும்.அடிக்கடி கண்கட்டி (அ) கண் இமைகளில் கொப்புளம் ஏற்படும் குந்தைகள் இனிப்பு வகைகளை எடுத்துக் கொள்ளக்கூடாது. இவர்கள் பழரசம் , மீன் எண்ணெய் போன்றவைகளை முடிந்த வரை பயன்படுத்த வேண்டும்.சில குழந்தைகளுக்கு “பூச்சி வெட்டு” கண்களில் ஏற்படும் இதனை மக்கள் புழுவெட்டு என்றழைப்பர். இக்குறைபாடுள்ளவர்களின் கண்களில் முடி உதிர்வுகளும், உதிர்ந்த இடத்தில் புழுக்களும் தோன்றக்கூடும்.அதிகமாக காணப்படுகினற இவர்களுக்கு இமைகளின் ரோமங்கள் உதிர்ந்தார் போல் காட்சியளிக்கும்.

இன்ஷா அல்லாஹ் அடுத்து வரும் தொடரில் கண்நீர் அழுத்த நோய் பற்றியும் கண் பார்வையைப் பாதிக்கும் சர்க்கரை நோய் பற்றியும் பார்க்க பின் தொடரலாம்

(தொடரும்)

அதிரைமன்சூர்

பேரன்புப் பேரனே! 55

பேரா...

பேரானந்தத்தை - உன்
பிறப்பிலே தந்த என்
பேரா...

நூறாயிர விண்மீன்களின்
தோராயப் பிரகாசம்
வாயாரப் பூத்த
உன் புன்னகையில்

தாயாராக என் மகள்
தயாரானதும்
தாத்தாக் கனவுகள்
ஏராளம் என்னுள்

யாராலும்
சகிக்க முடியாதது அழுகை
அதையே
ரசிக்க வைத்து
நீ பிறந்தாய்

இனி சிலகாலம்
முகங்களை
உற்று நோக்குவாய் -உன்
முஷ்டி நக்குவாய்
காற்றோடு குஸ்த்தியிடுவாய்
எல்லாவற்றிற்கும் சிரிப்பாய் - யாரும்
இல்லாவிட்டாலும் சிரிப்பாய்

உள்ளங்கால் உதைத்து
உள்ளங்களில்
பூ விதைப்பாய்

பூமிக்கு வந்து
பலகாலம் ஆனதால்
புண்பட்ட மனிதர்களுக்குப்
பொக்கை வாய்ப்
புன்னகை மருந்திடுவாய்

தவழ்ந்து எழுந்து
நிமிர்ந்து நடந்து
உருண்டை பூமிக்கும்
உயர்த்தப்பட்ட வானுக்குமிடையே
வாழத்தலைப்படும் வேளை
வாழ்க்கைச் சுவைப்பட
வழிவகை உண்டு பேரா

வா
உன்னை வைத்துத்தான்
நெளிந்தும் நலிந்தும்போய்
தறிகெட்டுச் சீர்குழையும்
உன்
தலைமுறை மக்களை
நிலை நிறுத்த வேண்டும்
தலை நிமிர்த்த வேண்டும்

உன்னை முன்னிறுத்தத்
தன்னைத் தயார் செய்

தொல்லை தராத
பிள்ளைப் பிராயம்
இல்லை பெயரா...
என்னோடு விளையாடு
விளையாட்டினூடே
விதைக்கக் கற்றவன் நான்

நான்
தடுக்கும் செயலையும்
அருவருக்கும் சொல்லையும்
வெறுத்திடு
போதிக்கும் சொற்களும்
சாதிக்கும் செயல்களும்
விரும்பிடு

ஓரிறைக் கொள்கையால்
அஸ்திவாரம் இடு
உலகக் கல்வியின்
உச்சங்கள் தொடு

நல்லெண்ணக் காற்று
உள்ளே வர
இதயச் சாளரங்களை
விரியத் திறந்து வை

நற்செயல்கள் வந்து
கதவைத் தட்டினால்
மனவாசல் திற
நடுக்கூடத்தில் அமர்த்தி
நன்றாய்க் கற்றுக்கொள்

வியர்க்க வியர்க்க விளையாடு
வெற்றி தோல்வியில்
பக்குவப் படு

வெற்றி வசப்பட
வாழ்க்கைச் செயல்களில்
நேரம் தாழ்த்தாதே,
நெற்றி நிலம்படும்
வணக்கச் செயல்களில்
நேரம் தவறாதே

அன்பையும் பாசத்தையும்
அன்னை தந்தையிடமும்
அடிப்படைக் கல்வியை
ஆசான்களிடமும் அடை

நண்பர்கள் உன்னை
நாடி வருகையில்
குணம்குற்றம் கணி
குணம் மிகைத்தால் கொள்

விழித்துக் கொண்டே
கனவு காண் - அதில்
சமூகத்தை எழுப்பி விடு

நாகரிகம் எனும் பெயரில்
நரிக்குணமும்
பண்பாட்டுப் போர்வையில்
பகல் வேஷமும்

போட்டிபோட்டுப் பார்க்காமல்
பொறாமையும்
உடலுழைப்பில் நாட்டமில்லா
ஒட்டுண்ணியாயும்

ஒடுங்கிக் கிடக்கின்ற
உன் தலைமுறை மக்களின்
தறுதலை குணம் சுட்டு
மாற்று வழிகளைக் காட்டு

ஆயிரத்தில் ஒருவனாக
அற்புத மனிதனாகு
சொற்பக் கால வாழ்க்கையைச்
சொர்க்கத்தின் சாயலாக்கு

நல்லவற்றை நிறைவாக வாழ்
அல்லாதவற்றில் வீழாதே
விட்டுச் செல்வதற்கு - நல்
வினைகளை விதை!

விடைத்து நில்
நேராகச் செல்
உன்னைத் தொடர - ஓர்

உலகம் உருவாக்கு!

- எல்லா இளமை ததும்பும் அப்பாக்கள் சார்பாகவும் என் பேரன் Shahbaz Mohamedக்காக சபீர் 'அப்பா'!

Sabeer Ahmed abuShahruk

இதுதான் சுதந்திரப் போராட்டமா? 17

தொடர் – 6

இதுதான் சுதந்திரப் போராட்டமா?   

தொலைக் காட்சி நிகழ்ச்சிகளைப் பார்ப்பவர்கள் அண்மையில் வந்து கொண்டிருக்கும் ஒரு விளம்பரப் படத்தைக் காண நேரிட்டு இருக்கலாம். அந்த விளம்பரத்தில் பள்ளி ஆசிரியை மாணவர்களைப் பார்த்து இந்திய சுதந்திரப் போராட்டத்தில் பங்கெடுத்த ஐந்து பேர்களின் பெயர்களைச் சொல்லும்படி கேள்வி கேட்பார். அதற்கு பதில் அளிக்கும் மாணவர் ஐந்து பேர்களைச் சொல்லுவார். அந்த ஐந்து பேரில் ஒருவர் கூட முஸ்லிம் அல்ல. அது மட்டுமல்லாமல் அந்த ஐந்து பேருமே பிராமணர்கள். அப்படியானால் இந்திய சுதந்திரப் போராட்டத்தில் முஸ்லிம்கள் எந்தப் பங்குமே வகிக்கவில்லையா? தியாகங்கள் செய்யவில்லையா?  இன்றைக்கு , பாரதீய ஜனதாக் கட்சியின் பிரதமர் பதவிக்குரிய வேட்பாளர் நரேந்திர மோடியை பிரதமராக்கிப் பார்க்கும் நிறைவேற முடியாத நீர்க்குமிழி ஆசையில்  பிரச்சாரத்தில் கட்டவிழ்த்துப் படும் வரலாற்றுப் பொய்களுள், இந்திய சுதந்திரத்துக்கு முஸ்லிம்கள் எதிராக இருந்தார்கள் என்பதும் ஒன்று. ஆதாரங்களை அடுக்கினால் இவர்களின் மதச்சாயம் பூசி மறைக்கப் படும் வரலாறுகள்  வெளிவரும். இத்தகைய திட்டமிட்ட உடல் வணிகம் செய்யும் ஊடகங்களின் மற்றும் அவதூறு செய்யும் அரசியல் அநாதைகளின் முகமூடிகள் கிழிந்து விடும். 

இன்று எதிர்கால இந்தியப் பிரதமர் வேட்பாளராக அறிவிக்கப் பட்டிருப்பவரைத் தேர்ந்தெடுக்கும் அமைப்பு மற்றும் அந்த அமைப்பை சார்ந்த பல அமைப்புகள் இந்திய சுதந்திரப் போராட்ட நேரத்தில் - இரத்தமும் வியர்வையும் சிந்தப் பட்ட நேரத்தில் – மாடுகளுக்கு பதில் மனிதர்கள் செக்கிழுத்த நேரத்தில் – என்ன செய்து கொண்டு இருந்தார்கள்? என்ன செய்தார்கள் என்பது வரலாற்றில் மறைக்கப்பட முடியாத உண்மைகள். உதாரணத்துக்கு ஒருவரின் வரலாற்றை சொன்னாலே இவர்கள் ஓட்டமெடுக்க வேண்டும்.  

வீர சவார்க்கர் என்று அழைக்கப் படும் ஒருவர் இருந்தார். அவரது எழுத்துக்களைப் படித்தாலே அவரது சுயரூபம் வெளிப்படும். வன்மமும் துவேஷமும் கொண்டவர். ஆர் எஸ் எஸ் அமைப்பின் அங்கமாகத் திகழ்ந்தவர்.  இந்து மகா சபையை நிறுவியவர்.  இந்த வீர சவர்க்காருடைய உண்மைப் பெயர்  விநாயக் தாமோதர் சவார்க்கர் என்பதாகும் . இவருடைய பெயருக்கு முன் “வீர “ என்கிற அடைமொழி அல்லது பட்டம் ஏன் வந்தது என்று வரலாற்றை உற்று நோக்கும் பலருக்கு புரியாத விந்தை. மாவீரன் நெப்போலியன் என்றும் மாவீரன் அலெக்சாண்டர் என்றும் வரலாறு பல உண்மை வீரகளுக்கு பட்டம் வழங்கி கவுரவித்து இருக்கிறது. ஆனால் தமிழ்நாட்டில் கூட ஒரு முக்கிய அரசியல் தலைவரின் அடிதடி மகனுக்கு அஞ்சா  நெஞ்சன் என்றும் , மாவீரன் என்றும் பட்டம் வழங்கி அழைத்து வருகிறார்கள். பொன்னியின் செல்வியும் இந்தப் பட்டியலில் அடங்கும். இவைபோல காரணம் இல்லாமல் பட்டங்கள் வழங்குவது ஒரு நகைச்சுவையாக மாறிவிட்டது. இப்படி ஒரு வகை நகைச் சுவைதான் சவர்க்காருடைய பெயருக்கு முன் “வீர” என்கிற பட்டத்தை வைத்து அழைப்பதும். அவருடைய வரலாற்றைப் படித்தால் நமக்கு சிரிப்புத்தான் வருகிறது. 

இந்திய சுதந்திர வேள்வியில் தியாகத்தில் புடம் போடப்பட்ட பல முஸ்லிம்களின் பெயர்கள் மறைக்கப் பட்டு அகா சுகா பேர்வழிகளின் பெயர்கள் முன்னிறுத்தப் பட்டது ஏன்?  ஒரு பிளாஷ் பேக்குக்குப் போகலாம். சுதந்திரப் போராட்ட வீரர் என்று அந்தமான் சிறையில் அடைக்கப் பட்ட ஒருவர் நவம்பர் 1913ல் பிரிட்டிஷ் அரசுக்கு இப்படி ஒரு கடிதம் எழுதுகிறார் ; அல்லது கருணை மனு போடுகிறார்; அல்லது காலில் விழுகிறார்.  அந்தக்  கருணை மனுவின் சாராம்சங்கள்  இவையாகும்.  

• பிரிட்டிஷ் அரசு என்னை கருணையின் அடிப்படையில் விடுதலை செய்யுமானால், நான் பிரிட்டிஷ் அரசுக்கு உறுதியான ஆதரவாளனாக இருப்பேன்.

• பிரிட்டிஷ் அரசமைப்பை ஏற்றுக் கொண்ட எனது மாற்றம், இந்தியாவிலும், வெளிநாடுகளிலும் என்னை வழிகாட்டியாக ஏற்றுக்கொண்டிருக்கிற ஏராளமான இளைஞர்களை சரியான திசைவழிக்கு மீண்டும் கொண்டு வந்து சேர்க்கும்.

• மேன்மைக்குரிய பிரிட்டிஷ் அரசு விரும்புகிற எந்த வழியிலும் நான் பணிபுரிவேன்." 

இப்படி இந்தியாவைக் காட்டிக் கொடுக்கும் வாசகங்கள் கொண்ட கடிதத்தை அந்நியருக்கு எழுதிக் கொடுத்துவிட்டு அந்தமான் சிறையில் இருந்து வெளிவந்தவர்தான் ஆர் எஸ் எஸ் இயக்கத்தின் முன்னோடிகளுள் ஒருவரான வரும் இந்து மகா சபையின் தலைவரும் ஆன வி .டி. சவர்க்கார்.  (ஆங்கிலேய அதிகாரிகளுக்கு சவார்க்கர் எழுதிய கடிதத்திலிருந்து   பிரண்ட்லைன் ஏப்ரல் 07,1995 இதழ்).  இந்து மகா சபைதான் இன்றைய பாரதீய ஜனதாக் கட்சியின் தாத்தா. இதன் தத்துவங்கள்தான் இன்றைய பாரதீய ஜனதாக் கட்சியின் தேர்தல் அறிக்கையில் மாற்றவே முடியாதவை என்று குறிப்பிடப்படும் ஐந்து அம்சங்கள். 

இதை இங்கு வேதனையுடன் குறிப்பிடக் காரணம் , இப்படித் தன்னுடைய விடுதலைக்காக தேசத்தின் விடுதலையை துச்சமாக மதித்து நாட்டை மாற்றாருக்குக் காட்டிக் கொடுத்த வரலாற்றுக் களங்கத்தை சுமந்து கொண்டிருக்கும்  இவரின் உருவப் படத்தைத்தான் 2003ம் வருடம் பிப்ரவரி 23ம் தேதி பாராளுமன்றத்தில் மைய மண்டபத்தில் மகாத்மா காந்தியின் படத்துக்கு நேர் எதிராக அன்றைய வாஜ்பாய்  அரசு  திறந்து வைத்து சந்தோஷப்பட்டது. 

தேசத்தந்தை மகாத்மா காந்தியை கொலை செய்ய சதித்திட்டம் தீட்டிய மூளைகளில் ஒரு மூளை என்று அந்த வழக்கில் சேர்க்கப்பட்டு அதிலும் மன்னிப்புக் கேட்ட  வி. டி. சவர்க்காரின் உருவப்படம் , அவர்களால் சுட்டுக் கொல்லப் பட்ட மகாத்மா காந்தியின் படத்துக்கு எதிரே பாராளுமன்றத்தில் வைக்கப் பட்டு இருக்கிறது. அதுமட்டுமல்ல  . அந்தமானின் தலைநகரான போர்ட் பிளேரின் விமான நிலையத்துக்கு இவரது பெயர் சூட்டப்பட்டது. இது மட்டுமின்றி, போர்ட் பிளேரில் உள்ள தியாகிகளின் சதுக்கத்தில் உள்ள தியாகிகளின் சிலைகளுடன் இந்தக் காட்டிக்கொடுத்த  மன்னிப்பு வாங்கிக்கும் 2003ம் ஆண்டு சிலையும்  நிறுவப்பட்டது என்றால் இவைகள் இது எவ்வளவு பெரிய வரலாற்றுப் பிழைகள்  என்பதை சிந்திக்க வேண்டும்.   

இப்படித்தான் இந்தி ய விடுதலைப் போராட் டத்தின் வரலாற்றுப் பக்கங்களில் பதிந்தும் பொதிந்தும் கிடக்கும் எண்ணற்ற முஸ்லிம்களின் தியாகங்கள் மறைக்கப்பட்டு, கொச்சைப் படுத்தப்பட்டு, ஆங்கிலேயருக்கு அடிவருடிய சங்பரிவார் துரோகிகள் வீரத்தியாகிகளாக காட்டப்பட்டு வருகிறார்கள். சவார்க்கர் ஒரு கோழை அவரை விடுதலைப் போராட்ட வீரர் என்று சித்தரிப்பது ஆபத்தான  அபத்தம்.

இந்த சவர்க்காரின் ஆரம்ப வரலாற்றையும் இங்கு தருவது இன்றைய அரசியல் சூழ்நிலையில் இன்னும் பொருத்தமாகுமென்று கருதுகிறேன். இதனைப் படிப்பதன் மூலம் மேலே குறிப்பிட்டுள்ள அத்தனை உயரிய மரியாதைகளுக்கு சவர்க்கார் போன்றவர்கள் தகுதி படைத்தவர்கள் தானா என்பதை நாம் தெரிந்து கொள்ளலாம். 

இந்தியாவில் முஸ்லிம்களுக்கெதிரான அரசியலை முன்னெடுத்தவர்களில் மூஞ்சே, ஹெட்கேவர், கோல்வால்கர் தொடங்கி, 'ஆர்.எஸ்.எஸ். & கோ'வினரால் அதிகம் அடையாளம் காட்டப்படுவோர் வீர சிவாஜி, வீரசவார்க்கர், பாலகங்காதர திலக் ஆகியோராவர். அதற்குக் காரணமும் இருக்கவே செய்கிறது. முடிசூடுவதற்காக பார்ப்பனர்களிடம் அடி பணிந்த சிவாஜியாக இருந்தாலும், மதசார்பின்மையை முன்னிலைப்படுத்திய காங்கிரஸ் மாநாட்டில் செருப்பை விட்டெறிந்து ரகளையில் ஈடுபட்ட 'திலக்'காக இருந்தாலும், காந்தியார் கொலை வழக்கில் குற்றம் சாட்டப்பட்ட சவார்க்கராக இருந்தாலும் அவற்றை வரலாற்றில்  மறைத்து,  தேசியம் என்ற பொதுத் தலைப்பின்கீழ் இவர்களை அறிமுகப்படுத்தலாம் என்பதுதான் அது. இந்துத்வா என்னும் நஞ்சை புகட்டுவதற்காக சேர்க்கப்படும் தேன்தான் சங்க்பரிவாரால் மற்றும் அதன் பிரதமர் வேட்பாளரான மோடியால் கலக்கப்படும் "தேசபக்தி” என்கிற வார்த்தைப் பிரயோகமாமாகும். உண்மையில் நாட்டுப் பற்று என்கிற வார்த்தையை சொல்வதற்கே இவர்கள் அருகதை அற்றவர்கள் என்பதே வரலாறு.  சவர்க்காரின் வரலாற்றை சுருக்கமாகப் பார்த்தாலே நாம் இந்த முடிவுக்கு வரலாம்.  

விநாயக் தாமோதர் சவார்க்கர், பார்ப்பனர்களிலேயே தூய பிரிவாகக் கருதப்படும் சித்பவன் பார்ப்பனக் குடும்பத்தில் பிறந்தவர். பார்-அட்-லா படிப்பதற்காக இங்கிலாந்துக்குப் போன சவார்க்கர், அங்கே "சுதந்திர இந்தியச் சங்கத்தில்" இணைந்த இந்திய மாணவர்கள் ஆயுதமேந்தக் காரணமாக இருந்ததாக இங்கிலாந்து அரசு கருதியது.

வங்காளத்தின் 'குதிராம் போஸ்'க்கு எதிரான வழக்கில் வாதாடிய சர். கர்ஸன் என்பவரை 1909-ஆம் ஆண்டு சுட்டுக் கொன்றதாக 'மதன்லால் திங்கரா' என்ற சுதந்திர இந்தியச் சங்கத்தின் தீவிர உறுப்பினர் கைது செய்யப்பட்டார். அந்தக் கொலையில் வி.டி. சவார்க்கருக்கும் தொடர்பு இருந்ததாக 13.3.1910-ஆம் நாள் அவரும்  கைது செய்யப்பட்டார். இந்தியாவில் மேலும் விசாரணைக்காக சவார்க்கரை கப்பலில் இந்தியாவுக்குக் கொண்டு வந்தனர். வரும் வழியில் பிரான்சில் 'மார்செய்லீஸ்' என்ற துறைமுகத்தில் 8.7.1910-அன்று சிறுநீர் கழிக்கச் செல்வதாகக் கூறி தப்பித்துச் செல்ல முயன்று, உடனே பிடிபட்டார் சவார்க்கர். தண்டனையில் இருந்து தப்பும் எண்ணம் தொடக்கம் முதலே அவருக்கு இருந்து வந்தது. 

அதே ஆண்டு டிசம்பர் 24-ஆம் நாள் 50 ஆண்டுகள் சிறைத்தண்டனை வழங்கப்பட்டு அந்தமான் சிறையில் அடைக்கப்பட்டார். அந்தமான் தீவுக்குக் கப்பலில் கொண்டு செல்லப்பட்டு 1911-ஆம் ஆண்டு ஜூலை 4-ஆம் நாள் சிறையிலடைக்கப்பட்டார். சிறைக்குக் கொண்டு வரப்பட்டவுடன், 6 மாதம் கழித்து ஒரு கருணை மனு எழுதி பிரிட்டிஷ் அரசுக்கு அனுப்பி வைத்தார் மன்னிப்பு மனு வீரரான சவார்க்கர். அது கண்டுகொள்ளப்படாமல் போகவே மீண்டும் அதை நினைவூட்டி 1913-ஆம் ஆண்டு நவம்பர் 13-இல் மேலே நான் குறிப்பிடப்பட்டுள்ள அம்சங்களுடன் கூடிய “புகழ்பெற்ற' கருணை மனுவினை அனுப்பி வைத்தார்.

கருணை மனுப் போர் தொடுப்பதில் மட்டும், என்றும் சளைக்காத மன்னிப்புக் கடித மாவீரராகவே திகழ்ந்தார் அவர். அந்தமானில் அடைக்கப்பட்டபோதும் சரி, காந்தியார் படுகொலையில் சிறையில் இருந்தபோதும் சரி - அவர் எழுதிய கருணை மனுக்கள் மாதிரியாகக் கொள்ளப்பட வேண்டியவை. அதிலும், தடாலடியாகக் காலில் விழுந்து மன்னிப்பு கேட்பது போன்று எழுதுவது சவர்க்கரின் தனிச்சிறப்பு.

அந்தமானில் சவர்க்காரின் சிறை வாழ்க்கை நிறைய சுவாரசியமானது. அவருடன் சிறையிலிருந்த 92 வயதான தினேஷ் குப்தா என்பவர் ஆக. 9, 2003 அன்று டில்லியில் அளித்த ஒரு பேட்டியில்,

"வி.டி. சவர்க்காரும் நானும் ஒன்றாக சிறையில் இருந்தவர்கள். அவர் ஒன்றும் சிறையிலேயே உயிரைவிட்டு விடவில்லை. சிறையிலேயே உயிரைப் பறிகொடுத்த 8 விடுதலை தியாகிகளுக்கு அவர்களின் நினைவைப் போற்ற போர்ட்ப்ளேயரில் வைக்கப்பட்டிருக்கும் சிலைகளுக்கு மத்தியில் சவர்க்காரின் சிலையையும் வைத்திருப்பது அந்த மற்ற விடுதலை வீரர்களையும் அவமானப்படுத்துவதாகும். மேலும் ஆங்கிலேயர் ஆட்சிக்கு உதவுவதாகக் கூறி மன்னிப்புக் கடிதம் எழுதியனுப்பிய சவர்க்காரை விடுதலைப் போராட்டத் தியாகியாக சித்திரிப்பது மாபெரும் தவறாகும்; தாங்கமுடியாத துன்பமாகும்" என்று குறிப்பிட்டார்.

அவருடன் சிறையிலிருந்த விஸ்வநாத் மாத்தூர் என்பவர், "ஒரு கோழையைப் புரட்சியாளனாக தூக்கி நிறுத்துவது கேலிக் கூத்தாகும்" என்று கடந்த பி.ஜே.பி. ஆட்சியில் சவர்க்கார் படத்தை நாடாளுமன்றத்தில் வைத்தபோது தனது கருத்தை வெளிப்படுத்தியிருந்தார்.

தினேஷ் குப்தாவும், மாத்தூரும் மட்டுமல்ல, சவார்க்கருடன் சிறையில் இருந்த வங்காளத்தின் திரிலோகநாத் சக்ரவர்த்தி அவர்கள் தனது சுயசரிதை நூலில் தங்களை சிறை அதிகாரிகளுக்கு எதிராகப் போராடத்தூண்டி விட்டு, தான் மட்டும் (சவார்க்கர்) நல்ல பிள்ளையாக இருந்து உண்ணாவிரதத்தில் கலந்து கொள்ளாமல் விட்டதைக் குறிப்பிட்டிருக்கிறார். இதை சவார்க்கரும் 'அந்தமானில் எனது ஆண்டுகள்' என்ற நூலில் ஒப்புக் கொண்டுள்ளதாக பிரபல வரலாற்றாளர் பிபின் சந்திரா கூறுகிறார்.

1911-ஆம் ஆண்டு சவார்க்கர் எழுதிய கருணை மனுவில் "1906-07 ஆம் ஆண்டுகளில் இந்தியாவில் நிலவிய நம்பகத் தன்மையற்ற சூழலினால் நாங்கள் பாதை தவறிவிட நேரிட்டது. நாட்டின் நன்மையிலும், மனித நேயத்திலும் அக்கறை கொண்ட யாரும் தவறான பாதையில் செல்ல விரும்ப மாட்டார்கள். எனவே பெருந்தன்மை வாய்ந்த அரசு என்னை மன்னித்து விடுதலை செய்தால் நான் விசுவாசமாக இருப்பதோடு, இந்தியா மற்றும் வெளிநாடுகளில் தவறான பாதை செல்வோரையும் என் வழிக்கு மாற்றுவேன்... எனவே பாதை தவறிய இந்தப்  பிள்ளை பெற்றோரிடம் மன்னிப்புக் கோருவதில் தவறில்லை" என்று குறிப்பிடுகிறார். அதாவது பிரிட்டிஷார் இவருக்குப் பெற்றோராம். 

இப்படியாக, அந்தமானில் சவார்க்கரின் வீர, தீர, தியாகப் பெருவாழ்க்கை நிறைவுற்று 1921-ஆம் ஆண்டு மே 2-ஆம் நாள் அங்கிருந்து மாற்றப்பட்டு, 1921-24 ஆம் ஆண்டுகளில் வங்காளத்தின் அலிப்பூர் சிறையிலும், மகாராஷ்டிராவின் ரத்னகிரியிலும் சிறை வைக்கப்பட்டு, 1924-ஆம் ஆண்டு ஜனவரி 6-ஆம் நாள் பிரிட்டிஷ் ராணுவத்துக்கு ஆள் சேர்த்துக் கொடுக்க வேண்டும் என்பது உட்பட்ட   நிபந்தனைகளுடன் விடுதலையானார் சவார்க்கர்.

சொன்னபடி செய்து பிரிட்டிஷ் அரசுக்கு ஆதரவாக ஆள் திரட்டும் பணியில் விடுதலையான பிறகு அவர் ஈடுபட்டார். அவரது தலைமையில், காந்தியார் கொலை வழக்கில் இரண்டாவது குற்றவாளியான நாராயண ஆப்தே மகாராஷ்டிரத்தில் இந்து மகாசபைக்கும், பிரிட்டிஷ் இராணுவத்திற்கும் ஆள் எடுக்கும் பணியில் ஈடுபட்டு அதற்காக அரசாங்கத்திடமிருந்து உரிய ஊக்கத் தொகையையும் பெற்று வந்தார். இப்படிப்பட்டவர்கள்தான் நாட்டுப் பற்று பற்றி நாக்குக் கிழியப் பேசுகிறார்கள். 

இந்து மகா சபையையும், ஆர்.எஸ்.எஸ் - சையும் கொண்டு, இந்துத்வாவைக் கட்டமைக்கப் பணியாற்றினார். இந்தியாவை ஒரே  கலாச்சார தேசியமாக இந்துத்துவத்தின் அடித்தளத்தில் இந்து அரசை நிறுவுவதே பணியாகக் கொண்டிருந்தார். 

காந்தியார் கொலை வழக்கு செங்கோட்டையின் தனி விசாரணை அரங்கிற்குள் நடத்தப்பட்டபோது, அதில்  சவார்க்கர் மட்டுமே தனக்கும் இதற்கும் சம்பந்தமில்லையென்றும், தன்னால் எந்தத் தீங்கும் நேரவில்லையென்றும் புலம்பியபடியே பேசினார்.  சந்தேகத்தின் பேரில் கைது செய்யப்பட்டபோது காவல் துறையினருக்கு அவர் எழுதிய கடிதத்திலும் அவ்வாறே குறிப்பிட்டிருந்தார் அது நிராகரிக்கப்பட்டது.

பரபரப்பான அந்த கொலை வழக்கில் நீதிபதி ஆத்மசரண் அவர்களால் "குற்றம் நிரூபணமாக போதிய ஆதாரம் இல்லை" என்று விடுவிக்கப் பட்டார் சவார்க்கர். காரணம் மேற்கூறிய திட்டத்தில் ஆர் எஸ் எஸ் - ஸின் ஆலோசனையின்படி, நேரடி முக்கியக் குற்றவாளிகளான நாதுராம் கோட்சேவும், நாராயண ஆப்தேவும் அளித்த வாக்குமூலங்கள் சவார்க்கரின் பெயர் இடம் பெறாதபடி பார்த்துக் கொள்ளப்பட்டது.  

நீதிமன்றத்திலோ சவார்க்கர் வெளியிட்ட கருத்து அவரது தீரத்தை (!) வெளிப்படுத்தியது. 'கோட்சேயும், ஆப்தேயும் தங்களை பூனாவில் உள்ள இந்து மகாசபை வீரர்கள் என்று அறிமுகப்படுத்திக் கொண்டதாகக் கூறினார். ஆனால், 1937-ஆம் ஆண்டு முதல் கோட்சேவுக்கும் சவார்க்கருக்கும் இருந்த தொடர்பு வரலாற்றில் பதிவு செய்யப்பட்ட ஒன்று. சவார்க்கரின் மேற்பார்வையில் கோட்சே நடத்திய இந்துராஷ்டிரா இதழும், கோபால் கோட்சேயின் வாக்கு மூலங்களும் தனஞ்செய்கீரின் (சவார்க்கரின் வாழ்க்கை வரலாற்று ஆசிரியர்) நூலுமே சாட்சி.

இந்த வழக்கு விசாரணையிலும் ஒரு கூத்து.  வழக்கில் இருந்த மற்ற அனைவரிடமிருந்தும் தனித்துக் காணப்பட்டவராகவும், சோகமே வடிவான முகத்தைக் காட்டிக் கொண்டிருந்தவராகவும் சவார்க்கர் காணப்பட்டார். தூக்கு மேடை ஏறும் முன் கோட்சேயின் கடைசித் துயரமே, சவர்க்கார்  தன்னைத் தூண்டி விட்டுப் பின் சரிவரக்  கண்டு கொள்ளவில்லை என்பதுதான். இப்படி திட்டமிட்டு  தேசப் பிதாவையே கொன்றவர்கள் பெற்றுள்ள பரிசு நினைவுச்சின்னம், விமான நிலையைப் பெயர், பாராளுமன்றத்தில் படம்.  

எங்கும், எதிலும், எப்போதும் பட்டப் பெயரைத் தவிர வீரத்திற்கும் தியாகத்துக்கும் உண்மையான நாட்டுப் பற்றுக்கும் சவார்க்கருக்கும் நெருக்கம் இருந்ததே இல்லை என்பதே உண்மை . இப்படிப்பட்ட வரைதான் தோளில் தூக்கி வைத்துக் கொண்டாடுகிறார்கள். இவருடைய நாட்டுப் பற்றை,  இவர் விடுத்தப் பிரகடனம் ஒன்று  அடையாளம் காட்டுகிறது; பறைசாற்றுகிறது. நாட்டுப் பிரிவினையைத் தூண்டிய பிரகடனங்களில் இதுவும் ஒன்று. 

1917ல் ஆர்எஸ்எஸின்  சவர்க்கார் விடுத்த பிரகடனம் இதுவாகும். 

“இந்தியா என்பது ஒற்றை தேசமல்ல. ஒன்று இந்து தேசம். இன்னொன்று முஸ்லிம் தேசம். இன்னும் முஸ்லிம்களுக்கு இந்தியாவில் சிறுபான்மையினர் என்ற அளவில் அல்லாமல் எந்தவொரு எதிர்காலமும் இல்லை” .(R.N.AGARWAL THE DIALOGUE BETWEEN HINDUS & MUSLIMS).

இந்த சவர்க்கர் பூனாவில் மறைந்தபோது அவருக்கு அஞ்சலி செலுத்த ஒரு காங்கிரஸ்காரர் கூட வரவில்லை. அன்றைய உள்துறை அமைச்சர் சவான் அரசு மரியாதை தரவேண்டுமென்ற கோரிக்கையை நிராகரித்தார். அந்தமான் சிறையில் சவர்க்கருக்கு சிலை வைக்க வேண்டுமென்ற கோரிக்கையை பண்டித நேரு காலில் போட்டு மிதித்தார். அதற்கு பதில் அந்த சிறையை இடித்து மருத்துவமனை ஆக்கலாம் என்றார். மொரார்ஜி தேசாய் பிரதமரான போது கூட சாவர்க்கரின் நினைவிடத்தைப் பார்வை இட மறுத்தார். இடையில் ஏற்பட்ட பிஜேபி ஆட்சிதான் சந்தடி சாக்கில்  பல வரலாற்றுப் பிழைகளை வாஜ்பாய் தலைமையில் செய்தது. 

இறுதியாக ஒரு கேள்வி, 

சுதந்திர போராட்டத்தின் போது நாட்டுக்கு சவார்க்கர் மாதிரி துரோகம் செய்த ஒரு முஸ்லிமை ஆதாரப்பூர்வமாக காட்டி இவர்களால் நிரூபிக்க முடியுமா? தேசவிடுதலைக்காக தன் சமுதாயத்தின் வருங்காலத்தை மொத்தமாக பணயம் வைத்த முஸ்லிம்கள் மீது குத்தப்பட்டுள்ள முத்திரை, “தேச விரோதிகள்” .” பயங்கரவாதிகள்”, “ தீவிரவாதிகள்” என்பவைதான். நம்முடைய பாட நூல்கள் காந்தியின் பெயரையும் நேருவின் பெயரையும் இவர்களுடன் சேர்த்து, பிரிட்டிஷ் அரசின் அடிவருடிகளையுமே குறிப்பிடுகின்றன. இன்னொரு சிறுபான்மை இனத்தைச் சேர்ந்த பகத் சிங், சுகதேவ் சிங், உத்தம் சிங் ஆகிய சீக்கிய தியாக சீலர்களை குறிப்பிடுகின்றனவா? அப்படியே குறிப்பிட்டாலும் ஒற்றை வரியில் தானே குறிப்பிடப்படுகின்றன?

அவர்கள் குறிப்பிடாததை எல்லாம் நாம் குறிப்பிடுவோம். இன்ஷா அல்லாஹ். 

இந்தியாவின் முதல் சுதந்திரப் போர்வீரரான  கேரள மண்ணின் குஞ்சாலி மரைக்காயரில் இருந்து தொடங்குவோம். 

இன்ஷா அல்லாஹ் தொடரும்... 

இப்ராஹீம் அன்சாரி

காது கொடுத்து கேளுங்கள் - ப்ளீஸ் ! 14

இறைவனின் அருட்கொடையான அருள்மறைத் திருக்குர்ஆனிலிருந்து இறை வசனங்களை ஓதக் கேட்டாலும் அதன் பொருள் அறியாவிட்டாலும் அப்படியே நம் மனதை ஈர்க்கும். அன்றாடம் தொழுகையில் ஓதப்படும் இறைவசனங்களை முழுவதுமாக அர்த்தங்கள் பொதிந்த அவ்வசனங்களை கேட்கும்போது உள்ளத்தில் ஏற்படும் மாற்றத்தை ஒவ்வொருவராலும் அப்பட்டமாக உணரப்படும்.

இந்த வாரம் ஸூரத்துல் 'பகரா' அத்தியாயத்திலிருந்து வசனங்களை அழகிய உச்சரிப்புடன் தொழுகையில் ஓதுவதை காது கொடுத்து கேட்போம் இன்ஷா அல்லாஹ் !

சூரத்துல் பகரா

வசனங்கள் 284 - 286

2:284. வானங்களிலும், பூமியிலும் உள்ளவை (அனைத்தும்) அல்லாஹ்வுக்கே உரியன; இன்னும், உங்கள் உள்ளங்களில் இருப்பதை நீங்கள் வெளிப்படுத்தினாலும், அல்லது அதை நீங்கள் மறைத்தாலும், அல்லாஹ் அதைப் பற்றி உங்களைக் கணக்கு கேட்பான் - இன்னும், தான் நாடியவரை மன்னிப்பான்; தான் நாடியவரை வேதனையும் செய்வான் - அல்லாஹ் அனைத்துப் பொருட்கள் மீதும் சக்தியுடையவன்.

2:285. (இறை) தூதர், தம் இறைவனிடமிருந்து தமக்கு அருளப்பெற்றதை நம்புகிறார்; (அவ்வாறே) முஃமின்களும் (நம்புகின்றனர்; இவர்கள்) யாவரும் அல்லாஹ்வையும், அவனுடைய மலக்குகளையும், அவனுடைய வேதங்களையும், அவனுடைய தூதர்களையும் நம்புகிறார்கள்: “நாம் இறை தூதர்களில் எவர் ஒருவரையும் பிரித்து வேற்றுமை பாராட்டுவதில்லை; (என்றும்) இன்னும் நாங்கள் செவிமடுத்தோம்; (உன் கட்டளைகளுக்கு) நாங்கள் வழிப்பட்டோம்; எங்கள் இறைவனே! உன்னிடமே மன்னிப்புக் கோருகிறோம்; (நாங்கள்) மீளுவதும் உன்னிடமேதான்” என்று கூறுகிறார்கள்.

2:286. அல்லாஹ் எந்த ஓர் ஆத்மாவுக்கும் அது தாங்கிக் கொள்ள முடியாத அளவு கஷ்டத்தை கொடுப்பதில்லை; அது சம்பாதித்ததின் நன்மை அதற்கே; அது சம்பாதித்த தீமையும் அதற்கே! (முஃமின்களே! பிரார்த்தனை செய்யுங்கள்:) “எங்கள் இறைவா! நாங்கள் மறந்து போயிருப்பினும், அல்லது நாங்கள் தவறு செய்திருப்பினும் எங்களைக் குற்றம் பிடிக்காதிருப்பாயாக! எங்கள் இறைவா! எங்களுக்கு முன் சென்றோர் மீது சுமத்திய சுமையை போன்று எங்கள் மீது சுமத்தாதிருப்பாயாக! எங்கள் இறைவா! எங்கள் சக்திக்கப்பாற்பட்ட (எங்களால் தாங்க முடியாத) சுமையை எங்கள் மீது சுமத்தாதிருப்பாயாக! எங்கள் பாவங்களை நீக்கிப் பொறுத்தருள்வாயாக! எங்களை மன்னித்தருள் செய்வாயாக! எங்கள் மீது கருணை புரிவாயாக! நீயே எங்கள் பாதுகாவலன்; காஃபிரான கூட்டத்தாரின் மீது (நாங்கள் வெற்றியடைய) எங்களுக்கு உதவி செய்தருள்வாயாக!”

அதிரைநிருபர் பதிப்பகம்