(against “My Choice” of Deepika Padukon)
பெண்ணியம் என்றொரு
பிரம்பை எடுத்துத்
தன்னையே தாக்குதல்
தகுமா
கண்ணியம் காப்பதே
புண்ணியம் மிக்க
பெண்ணியம் என்பதை
எண்ணியும் பாராமல்…
உண்ணி ஏறிய
ஊர்ப்பசு போல
கடியில் சொக்கிக்
குறுதி இழத்தலே
கதியா
பாரதி தேடிய
புதுமைப் பெண்ணிலும்
பகுத்தறிவுற்று
பண்பட்ட இம்மண்ணிலும்
பாலியல் வக்ரமும்
பலருடன் புணர்ச்சியும்
புதுமை என்று
புலம்புதல் பேதமை
வனப்பைக் காட்டி
பிழைப்பை நடத்துவோர்
முறையான பெண்மைக்கு
வரையறை சொல்வதா
அவர்தம் பிழைப்பில்…
ஆடைகள் குறைத்து
அடைந்த செல்வத்தில் -நவீன
ஆடைகள் வாங்குவர்
மேடைகள் கிடைத்தால்
போதையில் ஆடுவர்
கூடுதல் காசுக்குக்
கொஞ்சுவர் குழைவர்
வசனத்திற்கேற்ப
வதனத்தை மாற்றுவர்
வாலிபர் மனத்தில்
போலியைக் காட்டி
சோலியை முடிப்பர்
இந்தப் பெண்டிர்…
சொப்பன உலகத்தில்
சொலிக்கும் தாரகைகள்
எதார்த்தம் எதிர்வந்தால்
கழுத்தில் சுறுக்கிட்டு
சுறுக்கெழுத்தில்
சொல்லி முடிப்பர்
அவர்தம் வாழ்க்கையை
ஆணும் பெண்ணும்
அனைத்திலும் சமம் என்றால்
ஆணென்றும் பெண்ணென்றும்
‘அவன்’ ஏன் படைக்க வேண்டும்
ஆண்மைதான்
அகிலத்தில் உயர்ந்தது
ஆயினும்
அதைவிட உயர்ந்தது
தாய்மைப் பண்புள்ள
தரமான பெண்மை!
சபீர் அஹ்மது அபுஷாஹ்ருக்
9 Responses So Far:
/ஆண்மைதான்
அகிலத்தில் உயர்ந்தது
ஆயினும்
அதைவிட உயர்ந்தது
தாய்மைப் பண்புள்ள
தரமான பெண்மை!//
பெண்மையின் உயர்வை உயர்த்திப்பிடித்து
ஒழுக்கமற்ற சுகத்தை ஓரம் கட்டும்
சாட்டையடி கவிதை ( என் ஆசை நிறைவேறியது )
அபு ஆசிப்.
காதர்,
அஸ்ஸலாமு அலைக்கும் வரஹ்...
நீ கேட்டுக்கொண்டபடி எழுதியது உனக்குத் திருப்தியாக இருந்தது என்பதில் மகிழ்ச்சி.
நன்றி
சுட்டுங்கள் என்றதும், கவிதை தோட்டாக்களால் துளைத்து எடுத்து விட்டீர்கள் !
//வனப்பைக் காட்டி
பிழைப்பை நடத்துவோர்
முறையான பெண்மைக்கு
வரையறை சொல்வதா//
303 துப்பாகியால் சுட்டது போல் உள்ளது
கவிதையின் கடைசி வரிகள் ஒரு கவிஞனின் நடையை கத்தியில் நடக்க வைக்கும் சோதனை. சரியாக கடந்து ஜெயித்திருக்கிறாய்.
அபு இபு,
பெண்மையை உயர்த்திப் பிடிப்பதாக நினைத்துக்கொண்டு பெண்ணியவாதிகள் சிலர் உடல்சார்ந்த விஷயங்களை மட்டும் எடுத்துச்சொல்லி பெண்களை அவர்கள் இருக்கும் நிலையிலிருந்து பாதுகாப்பற்ற படுபயங்கர படுகுழியில் பிடித்துத் தள்ளவே முனைகின்றனர். அந்தோ பாவம்.
ஹமீது,
My Choiceல் சொல்லப்பட்டிருப்பதுபோல், "கல்யாணம் முடிந்துவிட்டாலும் புற ஆண்களுடன் உறவு வைத்துக்கொள்ள" விரும்பும் தீபிகா படுகோன்களுக்காக ச்சப்புக்கொட்டிக் காத்திருக்கிறது உறவு பந்தங்களை விரும்பாத ஓநாய் ஆண்கள் கூட்டம் ஒன்று.
ஜாகிர்,
சரியாகப் பிடித்திருக்கிறாய். எதார்த்தமான கடுப்போடு இலகுவாக எழுதிக்கொண்டே வந்த நான் 'ஆணினமா பெண்ணினமா? எந்த இனம் பெரியது?' என்று சொல்லி முடிக்கத்தான் சிரமப்பட்டேன்.
தாயான பெண்கள் மட்டுமல்ல; தாய்மைக்கான பண்புகளைப் பெற்ற பெண்ணே உயர்ந்த படைப்பு.
பெண்ணியத்தின் பெருமையையும் பேணுதலையும் சொல்லி பெற்றெடுத்த தாய்மைக்கும் தலைநிமிர்த்தும்படியான தரமான கவி படைத்துள்ளாய் நண்பா அருமை
Post a Comment