திரு(தொண்)டர் புராணம் 22

ஒரு ஊருல திருடன் இருந்தானாம். அவன் திருடிவிட்டு ஓடும்போது பொதுமக்கள் விரட்டுனாங்களாம். பொதுமக்களும் "திருடன்" "திருடன்" என்று கத்திக் கொண்டே விரட்டியதால் வீடுகளிலிருந்தவர்கள் எல்லாம் சேர்ந்து கொண்டு விரட்ட ஆரம்பித்தார்களாம். ஓடிக்கொண்டே திரும்பிப் பார்த்தால் பெருங்கூட்டமே அவனை விரட்டிக் கொண்டு வருகிறதாம். நின்றால் தக்காளி சட்னிதான்! எல்லோருமே "திருடன்" "திருடன்" என்று கத்திக் கொண்டே விரட்டுவதால் அவனும் அவ்வாறே "திருடன்" "திருடன்" என்று கத்திக் கொண்டே ஓடினானாம், 

முதலில் இருந்தே திருடனை விரட்டிக் கொண்டு வந்தவர்களுக்கு முன்னாடி பலரும் சேர்ந்து கொண்டு விரட்டி வந்ததால் பின்னாடி இருப்பவர்களுக்கு யார் திருடன் என்பதே குழம்பி விட்டதாம்,இந்த சந்தடியில் எல்லோரையும் முன்னாடி ஓடவிட்டு திருடன் நைஸாக நழுவி விட்டானாம்.

நீதி: "திருடன்" "திருடன்" என்று கத்துபவர்கள் எல்லாம் உத்தமர்களல்லர்!

****

பிறரது உடைமையை அவருக்குத் தெரியாமல் கையகப்படுத்தி, தனது உடைமை என்று சொல்வதோடு, உரிமையாளருக்கு நஷ்டம் ஏற்படுத்தினால் அது திருட்டு என்பது பொதுவான அளவீடு. உடைமைகளுக்கு மட்டுமின்றி கருத்துகளுக்கும் இது பொருந்தும்.முன்னது பொருள்சார் திருட்டு; பின்னது அறிவுசார் திருட்டு.

இஸ்லாத்தைப் பொருத்தவரை பொருள்சார் திருட்டு தண்டனைக்குரிய குற்றம். ஏனெனில், அவ்வாறு திருடுவதால் உரிமையாளர் நஷ்டப்படுகிறார். குடிமக்களின் உரிமைகளைப் பாதுகாக்க வேண்டியது அரசின் கடமை என்பதால் உடைமைத் திருட்டுக்கு இஸ்லாம் கடுமையான தண்டனையை பரிந்துரைக்கிறது.

நீதி: பிறரது உடைமைகளை நஷ்டம் உண்டாக்கும் அல்லது அபகரிக்கும் நோக்கில் திருடுவது குற்றம்.

****

நல்ல நோக்கத்தில் எழுதப்படும் ஆக்கங்களுக்குத் தொடர்புடைய ஆக்கங்களிலிருந்து மேற்கோள் காட்டுவது, சம்பந்தப்பட்ட சுட்டிகளைச் சுட்டுவது, தேவையான பகுதிகளை மீள்பதிவிடுவது போன்றவை இணையத்தில் புழங்குபவர்களுக்கு பரிச்சயமான ஒன்று. அவ்வகையில், ஒரு சகோதரர் எழுதிய கட்டுரைக்குத் தொடர்புடைய சில பகுதிகளை, இன்னொரு தளத்திலிருந்து எடுத்தெழுதியதை, திருடி விட்டதாக சிலர் ஒப்பாரி வைக்கின்றனர்.

பிறருக்கு நஷ்டம் ஏற்படுத்தாத வகையிலும், பலருக்குப் பயனுள்ள வகையிலும் எழுதப்பட்ட ஆக்கத்தில் கட்டுரையாளர் எடுத்தாண்ட சில பகுதிகளுக்காக, அந்தத் தொடரை வெளியிட்ட தளத்திற்கு அவப்பெயர் ஏற்படுத்தும் விதமாக திருட்டுப் பட்டம் சுமத்துபவர்களுக்கு தீர்ப்பளிக்க அல்லாஹ் போதுமானவன். 

****

இணையத்தில் பொது பயன்பாட்டுக்கு வைக்கப்பட்ட அறிவுசார் ஆக்கத்தை மேற்கோளிட்டதை திருட்டு என்பதாகச் சொல்பவர்களின் அறியாமையை, யோக்கியதையைப் பார்க்கும்போது முதல் பத்திகளில் சொல்லப்பட்ட திருடன் கதைதான் நினைவுக்கு வருகிறது. ஏனெனில்,

1) மார்க்க பிரச்சாரம் செய்வதற்காகவே அமைப்பு கண்டதாகச் சொல்லி விட்டு (இதற்கு அமைப்பே தேவை இல்லை என்பது வேறு விசயம்) கொல்லைப்புறம் வழியாக தேர்தல் சமயங்களில் மட்டும் அரசியல் செய்வது,

2) பலரும் சேர்ந்து பொது நன்மைக்காக ஏற்படுத்திய பத்திரிக்கையை, கொல்லைப்புற அரசியல் அமைப்புக்குப் பயன்படுத்துவது,

3) பலரும் வசூலித்துக் கட்டிய இறையில்லங்களை கொல்லைப்புற அரசியல் அமைப்புக்கும் தேர்தல் பிரச்சார படியளக்கும் அரசியல் கட்சிகளின் பிரச்சாரத்திற்கும் பயன்படுத்துவது,

போன்ற திருட்டுத்தனங்களை வாய்ஜாலத்தால் நியாயப்படுத்திக் கொண்டிருக்கும் கொல்லைப்புற அரசியல் அமைப்பின் தற்போதைய அதிரை கிளையின் திருத்தொண்டர்களுக்கு,அதன் உள்ளூர் மர்கஸை உருவாக்கப் பாடுபட்டவர்கள் அதிரையைச் சார்ந்த சகோதரர்கள் என்பதை மறுக்க முடியுமா? கொல்லைப்புற அரசியல் அமைப்பின் அடாவடிகளுக்கு ஒத்து ஊதவில்லை என்பதால் அடாவடியாக அமைப்பிலிருந்து நீக்கியதோடு அதிரை தவ்ஹீது மர்கஸ் என்பதை கொல்லைப்புற அரசியல் அமைப்பின் தலைமையகத்தின் பெயரில் பதிவு செய்திருப்பதுதான் உடைமைத் திருட்டு!

****

உரிமையாளருக்கு நஷ்டம் ஏற்படுத்தாத, உடைமையாளரின் உரிமையை மறுக்காத கட்டுரையை பதிந்ததை திருடியதாக ஒப்பாரியிட்ட யோக்கியவான்களை,மேற்கண்டவற்றுக்கு விளக்கம் சொல்லாதவரை அதிரை ததிஜ (தமிழ்நாடு திருட்டு ஜமாத்) என்று சொல்லலாமா?

****

பின்குறிப்பு: தவ்ஹீத்கான் என்பது புணைப்பெயர்தான். புணைப்பெயரில் எழுதுவதை மார்க்கம் தடுக்கவில்லை. மேலும், தளநிர்வாகிகளுக்கு புணைப்பெயரில் எழுதுபவர் யாரென்றும் தெரியும். முந்தைய பதிவில் இடஒதுக்கீடு ஆணையம் குறித்த ஏமாற்று வித்தையை தோலுறித்ததால், முகமூடி கிழிந்த வெறியில் பதிவை எழுதியவரையும், பதிவிட்டவர்களையும் திட்டித்தீர்த்த திருத்தொண்டர்களே, "அதிரை ததஜ" என்பது மட்டும் தனிநபரின் பெயரா? பதில் சொல்லுங்கள்

****

தவ்ஹீத்கான்