பாலியலுக்கு பலியாகாதே ! - தொடர் - 4 12

கவனமாக இருங்கள்!

பாலியல் வன்முறைகளுக்கெதிராக என்னதான் மக்கள் ஆர்பரித்தெழுந்தாலும், நாடு தழுவிய போராட்டங்களை நடத்தினாலும், குழு அமைத்து ஆய்வு செய்தாலும், சட்டத்திருத்தம் கொண்டு வந்தாலும், ஆயுள் தன்டனை, ஆண்மை நீக்கம் என்று அரட்டிக் கொன்டாலும் அன்றாடம் நடக்கும் பாலியல் குற்றங்கள் குறைந்த பாடில்லை. மாறாக அதிகரித்துக்கொண்டுதான் இருக்கிறது. சத்திய மார்க்கம் தளத்தில் வெளியான ஒரு கட்டுரையில், ஊடகங்களில் "இன்றைய வன்புணர்வுச் செய்திகள்" என்று தனிப்பக்கங்கள் ஒதுக்குமளவுக்கு நிலைமை மோசமடைந்துள்ளது” என்று தனது வருத்தத்தைப் பதிவு செய்திருந்தார் KATKA கட்டுரையாளர். 

இந்தியாவின் தலை நகரான டெல்லி பாலியல் குற்றங்களுக்கும் தலை நகரமாக முன்னேற்றம் அடைந்துள்ளதை எண்ணி வருந்தாமல் இருக்க முடியாது. பாலியல் குற்றங்களுக்கு கலாச்சார சீர்கேடு ஒரு முக்கிய காரனமாக இருந்தாலும், மக்களின் கவனக்குறைவும் ஒரு முக்கிய காரனியாக இருக்கிறது என்றால் அது மிகையாகாது.

பாலியல் குற்றங்கள் பெரும்பாலும் அறிமுக மற்றவர்களால் நிகழ்த்தப் படுவதில்லை. மாறாக நன்கு அறிமுக மானவர்களாலேயே அரங்கேற்றப் படுகிறது. அறிமுக மற்றவர்களால் ஏற்படுத்தப்படும் பாலியல் குற்றங்கள் வெகு சொற்பமே. அது ஒரு சதவிகிதம் கூட இருக்காது என்பதை உறுதியாகச் சொல்லலாம். ஆனால் பெரும்பாலான பாலியல் குற்றங்கள் நெருங்கிய உறவினர்களால், அண்டை வீட்டினரால், நண்பர்கள், காதலர்கள், சகமாணவர்கள், சகபணியாளர்கள், மேலதிகாரிகள், முதலாளிகள் என அன்றாட வாழ்கையில் தொடர்புள்ளவர்களாலேயே அரங்கேற்றப் படுகிறது.

பெரும்பாலான பாலியல் குற்றங்கள் வழக்கு மன்றங்களுக்கு வருவதில்லை என்று புள்ளி விவரங்கள் தெறிவிக்கின்றன. இதற்கு பல்வேறு காரணங்களிருப்பினும் அறிமுகமானவர்களால் குற்றங்கள் இழைக்கப்படுவதும் ஒரு முக்கிய காரணமாகும். மேலும் அறிமுகமானவர்களால் இழைக்கப்படும் பாலியல் வன்முறைகள் நன்கு திட்டமிடப்பட்டே அரங்கேற்றப்படுவதால் அதிலிருந்து தப்பிப்பதும் முடியாமலாகிவிடுகிறது.

சமீபத்திய செய்தியிகளிலிருந்து சில உங்கள் சிந்தனைக்காக!

காதலர்கள் வீட்டிலிருந்து வெளியேறி கோவிலிலே தாளிகட்டிக்கொள்கிறார்கள். பிறகு பதிவுத்திருமனம் செய்துகொள்ளலாம் என்று காரில் ஏற்றி, குலிர் பானத்தில் மயக்க மருந்து கலந்து கொடுத்து காரிலேயே தன் உறவினர்களோடு சேர்ந்து கற்பழித்திருக்கிறான் ஒரு கபோதி.

http://www.inneram.com/news/india-news/2013-04-12-13-19-57-10163.html

இரவில் குப்பைத்தொட்டியில் குழந்தை அழும் சப்தம் கேட்க, குழந்தை மீட்கப்பட்டு காவல் துறையிடம் ஒப்படைக்கப்படுகிறது. காலையில் பத்தாம் வகுப்பு படிக்கும் தன் மகளோடு சென்று குழந்தை எங்களுடையது தான் என்று கேட்க, எழுதி வாங்க்கிக்கொண்டு குழந்தை ஒப்படைக்கப்படுகிறது. அங்கே காவல் நிலைய வியரனையில் அந்த தாய் சொன்ன செய்தி – இக்குழந்தை என் மகளுடையதுதான். பள்ளி விடுமுறையில் தன் அத்தை வீட்டுக்குச் சென்றிருந்தபோது அத்தை மகனோடு உறவு ஏற்பட்டிருக்கிறது. அதனால் என்ன செய்வதென்று தெரியாமல் குப்பையில் போட்டுவிட்டோம். 

http://tamil.oneindia.in/news/2013/03/11/tamilnadu-10th-std-girl-dumps-her-baby-a-dust-bin-171296.html

9ம் வகுப்பு படிக்கும் சிறுமி ஒருவர் கோவை மாவட்டம் ராமநாதபுரத்திலுள்ள அவரது உறவினர் வீட்டில் தங்கி பள்ளிக்கு சென்று வருகிறார். அங்குகிருந்த 59 வயதான அந்த மாணவியின் உறவினரும், அவருடைய நண்பரும் அந்த சிறுமியை சுமார் ஓராண்டு காலமாக பாலியல் வன்கொடுமைக்கு ஆளாக்கி வந்துள்ளனர். அதனால் அந்த சிறுமிக்கு உடல்நலக்குறைவு ஏற்பட்டவே, அவர்களுடைய 70வயது நண்பரான, ஓய்வுபெற்ற மருத்துவரின் உதவியை நாடியுள்ளனர். அதனைத் தொடர்ந்து அந்த 70 வயதான மருத்துவரும், இன்னும் இருவரும் சேர்ந்து அந்த சிறுமிக்கு தொடர்ந்து வன்கொடுமை இழைத்துள்ளனர். அதனால், பாதிப்படைந்த சிறுமி கோவை மாநகராட்சி காவல் துறை ஆணையரிடம் புகாரளிக்கிறார். விசாரணையில் சிறுமியை மிரட்டியும், மயக்க மருந்து அளித்தும் அவர்கள் வன்கொடுமை செய்தது தெரியவந்துள்ளது. 

http://tamil.oneindia.in/news/2013/02/16/tamilnadu-minor-girl-gang-raped-kovai-5-arrested-169909.html

இப்படி ஏராளமான காட்டுகளை சுட்டிக் காட்டிக்கொண்டே இருக்கலாம். இதுபோன்ற வன்முறைகளில் பெறியவர்களும் சிறுவர்களும் பாதிக்கப்பட்டாலும் பெரியவர்களின் இழப்பு அவர்களின் நடத்தையின் காரணமாக அவரவர்கள் தேடிக்கொள்வதே அதிகம். ஆனால் பாவம் குழந்தைகள் என்ன குற்றம் செய்தார்கள். இந்தக் காமுகர்களின் கழுக் கண்கள் அவர்களுக்கு விளங்குமா? இந்த அநியாயத்தை பாருங்கள்

டெல்லி காந்தி நகர் பகுதியைச் சேர்ந்த 5 வயது சிறுமி கடந்த 15-ம் தேதி வீட்டினருகே விளையாடிக்கொண்டிருந்தவள் காணாமல் போய் 17-ம் தேதி அச்சிறுமியின் வீட்டிற்குக் கீழுள்ள மற்றொரு வீட்டில் உடல் முழுதும் காயங்களுடன் கண்டுபிடிக்கப்படுகிறாள். கீழ் வீட்டுக்காரனின் மனைவி தாய்வீட்டுக்குச் சென்றிருந்த நிலையில் அந்த மிருகம் இக்கொடுமையைச் செய்துள்ளதாக செய்திகள் தெறிவிக்கின்றன. 

http://www.inneram.com/news/india-news/delhi-child-rape-case-accused-arrested-in-bihar-10290.html

இரண்டு நாள் அந்தக் காமுகனின் கொடுஞ்சிறையில் அந்த பிஞ்சு எத்துனை வேதனையை, இன்னல்களைச் சந்தித்திருக்கும். அந்தக் குழந்தையின் மனநிலை எவ்வாறு இருந்திருக்கும். காப்பாறுவோர் எவரும் உண்டா என்று அந்தப் பிள்ளை எவ்வளவு ஏங்கியிருக்கும். நினைக்கும் போதே உள்ளம் நடுங்குகிறது. பிறருடைய வேதனைகளை நாம் யூகிக்கத்தான் முடியும். உண்மையில் முழுமையாக உணரமுடியாது. ஆனால் சம்மந்தப்பட்டவர்கள் அதை உணரும்போது அவர்களின் உள்ளம் வெடித்துச் சிதறிவிடாதா?

இது போன்ற நிகழ்வுகள் தொடர்வது சட்டமும் ஒழுங்கும், குற்றவாளிகளைக் காப்பதற்கே, குடிமக்களைக் காப்பதற்கல்ல! என்ற எண்ணத்தையே ஏற்படுத்துகின்றன.

நம்மைக் காப்பாற்ற யாரும் வருவார்களென்று இருக்காமல் நம்மையும் நம்மைச் சுற்றியிருப்போரையும் நாம்தான் காக்க வேண்டும் என்று கவனமாக இருந்தால் இறையருளால் இயன்றவரை அனேக ஆபத்துக்களிலிருந்த்தும் நம்மை பாதுகாத்துக் கொள்ளலாம். அரசாங்கம் சட்டம் இயற்றி நம்மை காப்புற்றும் என்று எண்ணியிருந்தால் ஏமாந்து போய்விடுவோம்.

• நம்மைச் சுற்றி நடப்பதைக் கண்கானியுங்கள்!
• பிள்ளைகள் அதிகநேரம் ஃபோனிலே பேசினால் விசாரியுங்கள்!
• பிற வீடுகளுக்கு தகுந்த பாதுகாப்பு இல்லாமல் பிள்ளைகளை அனுப்பாதீர்கள்!
• கனவன் மனைவி மட்டும் (பெரிவர்கள் இல்லாமல்) இருக்கும் வீடுகளுக்கு தகுந்த பாதுகாப்பு இல்லாமல் டியூசனுக்கு அனுப்பாதீர்கள்!
• பருவப் பெண்களுக்கு சக பருவப் பெண்களையே பாதுகாப்பெனக் கருதாதீர்கள்!
• வீட்டிற்கு வரும் உறவினர்களானாலும் கண்கானியுங்கள்!
• மூத்த அன்னியப் பெண்களோடு பிள்ளைகள் பழகுவதற்கு அனுமதிக்காதீர்கள்!
• பாலியல் தொல்லைகள் பெண்களுக்கு மட்டுமின்றி ஆண்களுக்கும் உண்டு என்பதை அறிந்துகொள்ளுங்கள்!
• கண் பார்வையிருந்து குழந்தைகள் சற்றே மறைந்தாலும் உடனே அவர்களின் பாதுகாப்பை உறுதி செய்துகொள்ளுங்கள்!

எத்துனைக் கோரச் சம்பவங்கள் நிகழ்ந்தாலும் வாசிப்போருக்கும், செவியேற்போருக்கும் செய்தி. ஆனால் பாதிப்புக்குள்ளானோருக்கு? சிந்தித்துணரும் மக்களுக்கு இதில் படிப்பினைகள் இருக்கின்றன. என்ன நடந்தாலும் அரசாங்கம் ஒன்றும் பெரிய தீர்வுகளைக் கொண்டுவரப்போவதில்லை. மக்களின் கோபத்தைக் குறைக்க ஒரு குழு அமைக்கும். தவிற பெரிய மாற்றங்கள் எதையும் கொண்டுவரப்போவதில்லை. கற்பழிப்புக் குற்றங்கள் இல்லாமலாக்க கற்பழிப்பு குற்றமில்லை என்று சட்டம் இயற்றச் சொல்லும் கோமாளிகளே பெரும்பாலும் ஆட்சி அதிகாரத்தில் இருக்கிறார்கள் என்பதை நினைவில் கொண்டு நாம் தான் கவனமாக இருக்க வேண்டும்.

எல்லாம் வல்ல ஏக இறைவனான அல்லாஹ் நம் அனைவரையும் துற்பாக்கியங்களிலிருந்து தூரமாக்கி ஈருலக வாழ்வையும் அழகாக்கித் தருவானாக! மேலும் நரக நெருப்பின் வேதனையிலிருந்தும் நம்மை பாதுகாப்பானாக!

இன்ஷா அல்லாஹ் தொடரும்

அபு நூரா

அதிரையில் ATCO வர்த்தக பொருட்காட்சி ஏன்? 14

 Date : 05-05-2013

அதிரையில் கடந்த 28-04-2013 முதல் கா.மு.மேல்நிலைப் பள்ளி மைதானத்தில் நடைபெற்று வரும் கலாச்சாரம் மற்றும் வர்த்தக பொருட்காட்சி பற்றிய தவறான செய்திகளை உள்நோக்கத்தோடு சிலர் திட்டமிட்டு பரப்புவதோடு, வெளிநாட்டில் வசிக்கும் அதிரை மக்களையும் குழப்பி வருவதைத் தொடர்ந்து,சில தகவல்களைப் பகிர்ந்துகொள்ள விரும்புகிறோம்.

ATCO பொருட்காட்சி ஏன்?

நம் முன்னோர்கள் பல அண்டை நாடுகளுடன் பாரம்பரிய வணிகத் தொடர்புகள் கொண்டிருந்தபோதும், அதிரையில்  குறிப்பிட்டுச் சொல்லும்படியான உள்ளூர் வியாபார நிறுவனங்கள் ஏதுமில்லை. 

அதிரை இளைஞர்கள் பள்ளிப்படிப்பு முடிக்கும் முன்பே பாஸ்போர்ட் எடுத்துக்கொண்டு வெளிநாடுகளுக்கு அனுபவம் இல்லாமல் செல்கின்றனர். உள்ளூரில் இருப்பவர்கள் எத்தகைய தொழில் செய்வது? எப்படி, எங்கு அணுகுவது? போன்றவற்றை அறியாமல் தொழில்களைத் தொடங்கி நஷ்டமடைந்து மீண்டும் வெளிநாடு செல்வது அல்லது வெளிநாடுகளில் கஷ்டப்பட்டு உழைத்துவிட்டு, உள்ளூரில் தொழில் தொடங்கியும் அவற்றை முறையாக சந்தைப்படுத்தும் வழிகளின்றி பத்தோடு பதினொன்றாக இருப்பதை கவனத்தில் கொண்டு,

1) உள்ளூர் நிறுவனங்களையும் தொழில் முனைவோர்களையும் ஊக்குவித்து, சுற்றுவட்டார மக்களிடம் அவர்களது  பொருட்களை அறிமுகப்படுத்தவும்,

2) சாதாரண பட்டுப் புடவைக்குக்கூட திருச்சிக்கும், சென்னைக்கும் செல்லும் வீண்விரயத்தை தவிர்த்து, உள்ளூரில்  அதற்கான வாய்ப்புகளை ஏற்படுத்துவதன் மூலம் அனாவசிய செலவுகளை தவிர்ப்பதோடு, வெளியூருக்கு தனியாக  செல்வதால் ஏற்படும் சிரமங்களிலிருந்து நமது பெண்களை பாதுக்காக்கவும்,

3) பள்ளி விடுமுறை நாட்களில் வெளியூர்களுக்கு குடும்பத்தோடு சுற்றுலா செல்வதைத் தவிர்த்து,பெண்களுக்கும் குழந்தைகளுக்கும் பாதுகாப்பான பொழுதுபோக்கு, விளையாட்டு அம்சங்களுடன் கூடிய ஓர் நிகழ்வை ஏற்பாடு செய்வதும்,

4) அதிரை மட்டுமின்றி சுற்றுவட்டார ஊர்களில் நடக்கும் கந்தூரிகளுக்குச் செல்பவர்கள் "நாங்கள்  இணைவைக்கவோ / பிறவிசயங்களுக்காகவோ செல்லவில்லை,அங்கு விற்கப்படும் பொருட்கள் வாங்குவதற்கே செல்வதாகவும் சொல்பவர்களும் உண்டு. இதன் காரணமாகவும் கந்தூரிக்குச் செல்வதிலிருந்து ஊர்மக்களை மீட்க முடியவில்லை என்பதனையும் கருத்தில் கொண்டு, அதற்கான வாய்ப்பை ஏற்படுத்தவும் வர்த்தக பொருட்காட்சியை அதிரையில் நடத்துவது என்று உள்ளுர் மற்றும் வெளிநாடுவாழும் அதிரையர்களின்  ஆலோசனையுன் கடந்த ஆறுமாதங்களுக்கு முன்பு திட்டமிடப்பட்டு செயல்படுத்தப்பட்டுள்ளது.

எதிர்பாராத தடைகள்

5) குறிப்பாக இதனை குறிப்பிட்ட முஹல்லாவில் சிறிதளவில் நடத்துவது என்று முதலில் தீர்மானிக்கப்பட்டது.  பின்னர் மேலும் சிலமுஹல்லாவாசிகளின் வேண்டுகோளைத் தொடர்ந்து மேற்கண்ட நோக்கங்களை ஊரளவில்  நடாத்தலாம் என்று கருதி,அனைவரும் எளிதில் அணுகும் வகையில் கா.மு.பள்ளி மைதானத்தில் நடத்துவதென  பல மாதங்களுக்கு முன்பே அனுமதி பெறப்பட்டது. 

6) ஆண்டு இறுதித் தேர்வுகள் நடந்ததால் தேர்வுகள் முடியும்வரை மாணவர்களின் கவனம் சிதறிவிடக்கூடாது  என்று விடுமுறை அறிவிக்கப்பட்ட பிறகே மைதானம் & அரங்கு ஏற்பாடுகள் செய்யப்பட்டன. திடீரென பெய்த மழையால் மைதானத்தில் நீர்தேங்கி சகதியானதும் மிகுந்த சிரமத்திற்கிடையே சீர்செய்யப்பட்டது.

7) பிறமத சகோதரர்கள் நம் தூய மார்க்கத்தை அறிந்துகொள்ள ஏதுவாக, இலவச புத்தகங்கள் மற்றும் இதர பிரசுரங்களுக்கு பிரத்தியோக இடம் ஒதுக்கி செய்வதாக இருந்தோம், கடைசி நேர மழையால் செய்யமுடியாமல் போனது, இன்ஷா அல்லாஹ் வரும் காலங்களில் இதனை அனைவரின் ஒத்துழப்புடன் செய்வோம்.

பாதுகாப்பு ஏற்பாடுகள்:

8) வர்த்தகர்கள் மற்றும் பொதுமக்களுக்கு எந்த அசம்பாவிதங்களும் ஏற்பட்டுவிடக்கூடாது என்பதற்காக வேண்டி தீயணைப்பு வாகனமும் ஏற்பாடு செய்யப்பட்டது. வாகனங்கள் பாதுகாப்பாக நிறுத்தப்பட்டு கண்காணிக்கப்படுகின்றன.

9) பெண்களும் குழந்தைகளும் பாதுகாப்பாக இருக்கும் பொருட்டு 16 கண்காணிப்பு கேமராக்கள் பொருத்தப்பட்டு,  பாதுகாப்பு ஊழியர்களும் பொதுமக்களோடு ஊடுறுவி கண்காணித்து வருகின்றனர்.

10) நுழைவுக்கட்டணமின்றி இலவசமாக அனுமதிக்கும்போது சமூக விரோதிகளும் வரக்கூடும் என்பதால் குறைந்த  கட்டணம் நிர்ணயிக்கப்பட்டு திருடர்கள் மற்றும் சமூக விரோதிகள் கலந்துவிடாதபடி நுழைவாயிலில் மட்டுறுத்தி  அனுப்பப்பட்டனர்.

சிறப்பம்சங்கள்:

11) அனைத்து தரப்பு மக்களும் எளிதில் வந்துசெல்லும் வகையில் சமயசார்பற்ற நிகழ்வாக இஃது அமைந்துள்ளது.  மேலும், இதன்மூலம் அதிரையின் பாரம்பரிய கலாச்சாரமும் சமூக ஒற்றுமையும் புதுப்பிக்கப்பட்டுள்ளது.

12) கந்தூரிகளில் கடைவைக்க தயங்கியவர்களும் தங்களது நிறுவனங்களை தயக்கமின்றி வைத்துள்ளனர்.

13) மாணாக்கர்களின் திறமைகளை ஊக்குவித்து பல்வேறு போட்டிகளும், பரிசுகளும் வழங்கப்படுகின்றன.

குறைகளும் குற்றச்சாட்டுகளும்

14) பல நிகழ்ச்சிகளுக்கு மத்தியில் வெகுசில சினிமா பாடல்களும், இசையும் இருந்தது. இதனை தவிர்த்துக் கொள்ளும்படி கண்ணியத்துக்குரிய அப்துல்காதர் ஆலிம் தலைமையில் அதிரை உலமாக்கள் கேட்டுக்கொண்டதன் பேரில் 03-05-2013 முதல் இசை நிகழ்ச்சி நிறுத்தப்பட்டுள்ளதை காலை 8:30 மணிக்கு அறிவித்திருந்தோம். 

15) இந்நிலையில் ஒரு சிலர் இந்த பொருட்காட்சி சமூக சீரழிவுக்கு வழிவகுக்கும் என்று மாவட்ட  ஆட்சியருக்கு அனுப்பிய மனுவின்பேரில் 03-05-2013 வெள்ளிக்கிழமை மாலை 5:00 மணியளவில் கலெக்டரின்  PRO பொருட்காட்சி அரங்கைப் பார்வையிட்டு சென்றார்.

(“உலகிலேயே மிக எளிமையானது பிறரிடம் குறை கான்பது. உலகிலேயே மிக கடினமானது தன் குறை உணர்வது”)

வேண்டுகோள்:

16) நமதூரில் எதைச் செய்தாலும் அதில் குறைகாணவும், குற்றஞ்சொல்லவும் சிலர் இருக்கிறார்கள். உலமாக்கள்  வேண்டுகோளின் பெயரில் இசை நிகழ்ச்சி தவிர்க்கப்பட்டுள்ளது. இந்நிலையில், மேற்கண்ட நோக்கங்களை அறியாத சிலர், பல்வேறு வகைகளில் குறிப்பாக இலைத்தளத்தில் அவதூறு பிரச்சாரம் செய்து வருகிறார்கள். மேலும் எந்த ஒரு நல்ல நிகழ்வு யார் மூலமாக நடந்தால் என்ன என்று இல்லாமல் இது எங்களால்தான் நடந்தது என்ற புகழ் எதிர்பார்ப்பு ஏன்? அவர்களின் கூற்றை பொய்பிக்கும் முகமாக, அவர்களின் தூண்டுதோலுக்கு இணங்க மீண்டும் சினிமா பாடல்கள் இடம்பெரும் சூழல் ஏற்பட்டால் அவர்களே இதற்கு பொருப்பாவார்கள்.

17) நீண்டகால திட்டத்துடன் லாபநோக்கின்றி, தன்னார்வலர்களின் ஆலோசனையுடன் செய்யப்பட்டு முறையான  அனுமதிகளுடன் செயல்பட்டு வரும் இந்த முயற்சி, நிச்சயம் மார்க்கத்திற்கும், நம்நாட்டு சட்டத்திற்கும் நமதூர்  கலாச்சாரத்திற்கு எதிராகச் செயல்படாது என்று உறுதியளிக்கிறோம்.

18) ஆகவே, தயவுசெய்து பொய்ப்பிரச்சாரங்களை நம்பாமல்,உங்கள் மேலான ஆலோசனை மற்றும்  கருத்துகளை பொருட்காட்சி நிர்வாகிகளிடமோ (அ) Email  மூலமோ தொடர்பு கொண்டு தெரிவித்தால், இன்ஷா அல்லாஹ் எதிர்வரும் காலங்களில் மேற்கண்ட  நோக்கங்களை நிறைவேற்றும் வகையில் சிறப்பாகச் செயல்படுத்துவதற்கான நடவடிக்கைகள் எடுக்க ஏதுவாக அமையும்.

குறிப்பு: மேற்கண்ட விளக்கம், வெளிநாடுவாழ் பெரும்பாலான நல் உள்ளங்கள் கேட்டுக் கொண்டதற்காகவே அன்றி பதிலுக்கு பதில் என்ற அடிப்படையில் விதண்டாவாதத்திற்கு எங்களுடைய நேரத்தை வீணடித்து மீண்டும் இதுபோன்ற பதில் தருவது அவசியமற்றதாக இருக்கும் என்று நம்புவோம்.

இவண்,

ஒருங்கிணைப்பாளர்,

அதிரை வர்த்தகம் மற்றும் கலாச்சார அமைப்பு (ATCO)

தொடர்புக்கு: EMAIL: adiraifestival@gmail.com.

நானும் ஆஃப்ரிக்காவும் - நிறைவுறுகிறது ! 44

மீண்டும் தாமதம், என்ன யாசிர் நீங்க தொடர் முடிப்பதற்குள் நாங்கள் ஆஃப்ரிக்காவையே ஒரு எட்டுபோய் பார்த்திட்டு வந்திடுவோமே என்று பலர் முணுமுணுப்பது காதில் அ(றை)ரையும் குறையுமாக விழுகின்றது,சிலர் பார்த்துவிட்டே வந்திருக்கலாம் நானும் இரண்டு நாடுகளுகு போய்விட்டு வந்துட்டேன்

கடந்த தொடரின் கடைசியில் காட்டிய பட மேட்டருக்கு வருவோம் என்ன மறந்துட்டீங்களா ??

இந்தபடம்தான் அது

தாயின் காலடியில்தான் சொர்க்கம் உண்டு என்று சொன்னது இஸ்லாம். தாயின் அன்பு சுயநலமில்லாதது,தன் குழந்தைகளின் நலம் விரும்புவது,அந்த பாசத்திற்கு எடுத்துக் காட்டுவதுபோல் மேலே உள்ள படத்தில் நீங்கள் காண்பது எத்தியோப்பியர்களின் பாரம்பரிய வீடுகளில் சாப்பிடும் தட்டுகள். இதைப்போல் வயது வாரியாக,வரிசையாக அடுக்கி வைக்கப்பட்டிருக்கும், குழந்தைகள் தங்களுக்கு சாப்பாடுத் தேவைப்படும்போது அவர்களுடைய தட்டை எடுத்துக் கொண்டு அமர வேண்டும்,அதனைக் காணும் தாய் அத்தட்டில் உணவு பரிமாறி மகிழ்வாள். அவர்கள் பெரியவர்களாகி பல இடங்களுக்குச் சென்று பொருள் சேர்த்து, வருடத்தில் ஒரு நாள் ஒன்றுகூட வேண்டும் என்பது அம்மக்களின் மரபு, அப்பொழுதும் அந்த பெரிய குழந்தைகள் தட்டுகளை எடுத்துக்கொண்டு அமர வேண்டும். எல்லாத் தட்டுகளும் தரையில் இருந்தால் தாய் எல்லையில்லா மகிழ்ச்சியடைவாள். அதில் ஒன்று தரையில் இறக்கபடாமல் இருந்தால் அவள் அதிகமான கவலையில் மூழ்குவாள். அத்தட்டுக்குரியவர் ஏதாவது காரணத்தால் வராமல் இருக்கலாம் அல்லது இவ்வுலகைவிட்டே சென்று இருக்கலாம், தாய் அன்பிற்கு நிகர் எதுவுமே உலகிலில்லை.

அடுத்த நாள் என்னுடைய கஸ்டமர் “வாங்க” அடிஸ் அபாபாவை ஒரு சுற்று சுற்றி விட்டு வரலாம் என்று கூற நானும் கிளம்பினேன்..பல புராதன இடங்கள்,வரலாற்று வாழ்விடங்கள், அழிந்தும் அழியாமலும் இருக்கும் நினைவுச்சின்னங்கள் என்று பட இடங்கள் சுற்றிக் காட்டப்பட்டாலும் ஹஜ்ரத் பிலால்(ரலி) அவர்கள் பெயருடைய பள்ளியை அவர்கள் பிறந்த ஊரிலயே காணும்போது உடல் மெதுவாக சிலிர்க்கத்தான் செய்தது.

மேகங்கள் புடைசூழ,கார்கள் அணிவகுக்க கம்பீரமாக நடந்துவரும் எத்தியோப்பியன்

கண்ணியத்திற்குரிய ஹஜ்ரத் பிலால் அவர்களின் பெயரில் உள்ள பள்ளி.

அடிஸ் சபாபாவின் ஆர்தொடக்ஸ் சர்ச்(கத்தோலிக்க கிருஸ்டியன்கள் விரல்விட்டு எண்ணக்கூடிய தொகையே).

வளர்ந்து வரும் இஸ்லாம் பெருகிவரும் பள்ளிகள்.

நாட்டின் பார்லிமென்ட், கண்ணுக்கு தெரிகின்றதா ? 

இத்தாலி ஆக்கிரமிப்பாளர்களை விரட்டியடித்த தியாகிகளின் நினைவு சதுரம் (ஆஃப்கானில் விரட்டி அடிக்கப்பட்டால் அது “தீவிரவாதம்”)

என்ன எத்தியோப்பியாவைச் சுற்றி பார்த்தாச்சா !!!

இவ்வுலகில் இறைவனால் செல்வத்தால் சிறப்பாக்கிவைக்கபட்டவர்களில் எத்தியோப்பியவைச்சேர்ந்த சேக் முகம்மதுவும் ஒருவர் ( Mohammed Hussein Al Amoudi),எத்தியோப்பியா / சவூதி என்று இரட்டைக்குடியுரிமை பெற்ற இவரின் ஷெரட்டான் ஹோட்டல் ஆஃப்பிரிக்காவிலயே மிகப்பெரிய ஹோட்டல். அதன் அழகும், அமையப் பெற்றிருக்கும் லோகேஷனும் ஒரு நிமிடம் திக்கு முக்காட வைத்தது என்றே சொல்லவேண்டும் (அல்லாஹ் காப்பாற்ற வேண்டும் )சில மனிதர்கள் அதனையே சொர்க்கம் என்று நினைத்து வாழ்ந்துகொண்டிருக்கின்றார்கள் அவர் பல நல்ல காரியங்களை நாட்டிற்கும் ,மார்க்கத்திற்கும் செய்து கொண்டிருப்பதாகக் கேள்விப்பட்டேன்.

மழை மேகங்கள் இருட்டிக்கொண்டு வந்தாலும்,நாங்க எங்கள் பயணத்தைச் சுருட்டிக்கொண்டு வர தயாரில்லை,அடு்த்து அனைத்து ஆஃப்ரிக்க நாடுகளும் ஒன்று கூடும் ஆஃப்ரிக்க யூனியனைக் காணவேண்டி சென்றோம், அந்த பில்டிங்கை போட்டோ எடுத்தவுடன் பில்ட் பாடியுடன் வந்த இரண்டு செக்யூரிட்டிகள் இக்கட்டிடத்தை புகைப்படம் எடுக்க அனுமதியில்லை எடுத்ததை அழித்துவிடுங்கள் என்றனர்…நாங்கள் எடுக்கவே இல்லை எங்க அழிப்பது என்று கூறிவிட்டு காரை தள்ளிக்கொண்டு கிளம்பினோம்…ஆமாம் துபாயில் 130KMH ஓட்டிவிட்டு அங்கே 50 KMH ஓட்டுவது என்பது தள்ளிக்கொண்டு போவதற்கு  சமமாகத்தான் இருந்தது

ஆஃபிரிக்காவை தாழ்வு  நிலையில் வைத்துவிட்டு தான் நிமிர்ந்து நிற்கும் ஐ.நா-வின் ஆஃபிரிக்க யூனியன் கட்டிடம்

எத்தியோப்பியாவின் மிகப்பழமையான மார்க்கெட் “மெர்க்காட்டோ (Mercato)” மால் 200 வருட பாரம்பரியமிக்க அந்த மார்க்கெட்டுக்கு சென்றால் எல்லாவற்றையும் வாங்கிவிடலாம் (வாப்பா/உம்மாவைத்தவிர என்று துபாய் ஆட்கள் சிட்டி சென்டரைப் பற்றி முன்னர் சொல்லுவார்கள் ). அல்ஹம்துலில்லாஹ் அந்த மார்க்கெட் இயக்கத்தைக் கட்டுபடுத்துபவர்கள் முஸ்லிம்கள்தான் என்றதும் மனதில் எத்தியோப்பிய குளிர்க்காற்றின் சுகம் முழுவதுமாக உடம்பெங்கும் பரவியது

கம்பீரமாக காட்சி தரும் மெர்க்காட்டோ மார்க்கெட் பள்ளி

அப்புறம் சகோதரர் மாலிக்கிற்காக… சில பிஸினஸ் குறிப்புகள்

90 மில்லியன் மக்கள் தொகையுள்ள நாடு…மிகப்பெரிய கன்னி மார்க்கட்

சொந்த நாட்டில் தயாரித்து அல்லது அசெம்பிள் செய்து விற்கப்படும் பொருள்களுக்கு அரசு ஆதரவும்,வரிச்சலுகைகளும் உண்டு

வளர்ந்து வரும் துறை என்றால், கணினி(மென்பொருள்/வன்பொருள்) / கட்டுமான சம்பந்தமான தொழில்கள்/ கனரக வாகனங்கள் / ஜெனரேட்டர்கள்/ஆடைகள் அதன் மூலப்பொருட்கள்

நீங்கள் ஏற்றுமதி செய்வதாக இருந்தால் முதலில்  ஒவ்வொரு பொருட்களுக்கும் விதிக்கப்படும் வரிகளின் தகவல்களை பெறவேண்டும் சில பொருட்கள் 100% வரிகளுக்குட்பட்டவை.பொதுவாக அனைத்துப் பொருட்களுக்கும் 35 முதல் 45% வரிகள் உண்டு

HS code எனப்படும் பொருட்களின் கஸ்டம்ஸ் எண் குறியீடு உலகின் டாப் பிராண்ட்களின் குறியீட்டையே அவர்கள் முட்டாள்தனமாக பயன்படுத்துவதால் நீங்கள் ஒரு 3 டாலர் வெப் கேமை எடுத்து சென்றாலும் 1000டாலர் மதிப்புள்ள சோனிக்கு கேமராவிற்கு நிகரான வரி செலுத்த வேண்டி வரும்

அலுவலக செட்டப் அந்த நாட்டின் குடிமகனோடுதான் செய்யவேண்டும் அந்த”குடி”மகனை கொஞ்சம் நாள் கழித்து ஓரம் கட்டிவிடலாம்

நான் பயணத்தை முடித்துகொண்டு கிளம்பும்போது, வழியனுப்ப வந்த மேகங்கள்

போர்டு சாய்ந்து இருந்தாலும், அந்தநாட்டின் மக்களின் மனதில் நிமிர்ந்த நடைபோடும் இந்தியா(ர்கள்)

வீட்டிற்கு போக காந்திருந்த நேரம்…எமிரேட்ஸ்..இதன் டேஸ்ட்டே தனிதான்

வளங்கள் பல இருந்தும் வறுமையாக வாழும் நிலைக்கு தள்ளப்பட்ட ஆஃபிரிக்கா கண்டம்தான் இன்றைய வியாபார உலகிற்கு விடிவெள்ளியாக திகழ்கின்றது.பல முன்னேறிய மார்க்கெட்டுகள் தன்னிறைவு அடைந்துவிட்டது. அங்குள்ள பயன்பாட்டாளர்களும் முதிர்ச்சி அடைந்து விட்டார்கள். ஆனால் கன்னித் தன்மை மாறாத ஆஃப்ரிக்கா இன்னும் பல நூறு வருடங்களுக்கு உலக வியாபார நிறுவனங்களுக்கு வரப்பிரசாதமாக இருக்கும் என்பதில் ஐயமில்லை

என்ன வாசகர்களே …கென்யா பயணத்தைத் தொடரலாமா?…மறுபடியுமா ?  எக்ஸ்கீயூஸ் மீ இந்த ”எக்ஸ்ட்” எங்கே இருக்கு என்று கேட்டு வெளியே வந்துடலாமா ? எல்லாம் உங்கள் கமெண்டின் வீரியத்தை பொறுத்துதான் இருக்கும்..மீண்டும் சந்திப்போம் இன்னொரு கோணத்தில்

இத்துடன் இத்தொடர் நிறைவடைகின்றது. ஆனால் ,பயணங்கள் தொடரும்

முஹம்மது யாசிர்

அடப் பாவிங்களா !? (மற்றுமொரு அனுபவம் பேசுகிறது !) 27

ஒரு சனிக்கிழமை மத்தியான நேரம், மீன் ஆணம் ரசம் சூடா சோறு சாப்பிட்டுவிட்டு ஒரு குட்டி தூக்கத்தை போடலாம்னு எத்தனிக்கும்போது அபுதாபியிலிருந்து ஒரு ஃபோன் கால், சார் மாலிக்குங்களா? போன வாரம் நீங்க லுலு செண்டர்லே கூப்பன் எழுதிப்போட்டதுலே நீங்க ஜெயிச்சிருக்கீங்க (இது மாதிரி கூப்பன் எழுதி கை வலிச்சதுதான் மிச்சம்) என்ற சந்தோஷமான செய்தி கேள்விப்பட்டவுடன் வந்த கொட்டாவியெல்லாம் போன இடம் தெரியலே. உடனே சுறுசுறுப்பாகி அப்புறம் சொல்லுங்க சார் என்று கேட்டதுதான் மிச்சம். நீங்க உங்க குடும்பத்தோடு 7 நாள் கோவா சுற்றுலா செல்லலாம், இந்த வருஷத்துக்குள்ளே பயன்படுத்திக்கனும், விமான டிக்கெட் நீங்களே எடுக்கனும் என்றும் அங்கே இறங்கியவுடன் 3 ஸ்டார் ஹோட்டல் மற்றும் முழு சுத்திக்காட்டும் செலவும் இந்த கூப்பனில் அடங்கும் என்றும் சொன்னார். அந்த கூப்பனை வாங்கனும் என்றால் ஒரு பெரீய காரியம் செய்யனும். அதாவது துபாய்- ஷார்ஜா ரோட்டில் உள்ள அலுவலம் அன்றே மாலை சரியாக 6 மணிக்கு மனைவி, குழந்தையுடன் சென்று அதற்கான சின்ன(?) புரோகிராம் நடக்கும் அதுலே கலந்துக்கொண்டவுடன் வெற்றிப்பெற்றதற்கான கூப்பன் கிடைக்கும் என்றார்.

சரி வந்த அந்த ஒரு நல்லதையாவது போய் வாங்கிடலாம் என்று தூக்கம் தொலைத்து 6.10க்கே போய் ஒரு ஃபில்டிங்க்லே 13 வது ஃபிளாட்டில் ஆஃபீஸ் இருக்கு என்று கண்டு பிடித்து போனால் மயான அமைதி. விபரம் சொன்னவுடன் ரெஜிஸ்டர் செய்துட்டு இங்கே புரோகிராம் குறைந்தது 3 மணிநேரம் முழுதா இருக்கனும் என்ற உத்திரவாதம் வாங்கிட்டு பிள்ளைகள் விளையாடுவதற்கும் பார்ப்பதற்கும் டாம்/ஜெர்ரி வீடியோவை போட்டு அவங்களை அங்கே தள்ளிக்கொண்டு போய்விட்டார்கள். 

சிறிது காத்திருப்பிற்கு பிறகு அழைப்பு வந்தது, நீங்க இங்க்லீஸா/ஹிந்தியா என்றார்கள் நான் தமிழ் ஆனால் இங்க்லீஸை தேர்ந்தெடுத்து உள்ளே சென்றோம். அங்கே...

ஒரு பெரிய ஹால், கிட்டத்தட்ட ஒரு மேசைக்கு மூனு நாற்காலிப்போட்டு அந்த காலத்து டி.ராஜேந்தர் படத்துலே டிஸ்கோ டான்ஸ் பாட்டு நடந்தால் எப்படி இருக்குமோ அது மாதிரி (மேடை மட்டும் மிஸ்ஸிங்), பக்கத்துலே உள்ளவங்களிடம் காதோடு காது வைத்து பேசினால்தான் விளங்கும் என்றளவுக்கு அதிரடி மியூஸிக் சிஸ்டம் அதிர்ந்துக்கொண்டிருந்தது. எங்களுக்கான இருக்கை மிக நெருக்கமாக போடப்பட்டு தலையோடு தலை ஒட்டி பேசினால்தான் விளங்கும் என்ற அளவுக்கு ஏற்பாடு செய்யப்பட்டிருந்தது. ஒருவர் ஹைதராபாத் காரராம், தன் பெயர் காதர் Welcome to Country Club என்று ஆரம்பித்து ஃபோனில் சொன்ன அதே வார்த்தைகளை இவரும் ரிப்பீட்டு செய்தார். மேலும் சன் டீவிலே கேட்பது மாதிரி லவ் மேரேஜா, சொந்தமா, யாரு சமைப்பா, என்னா படிச்சிருக்கீங்க, எத்தன குழந்தைகள், இருவருக்கும் என்னா சமையல் புடிக்கும், யாரு சமைச்சா புடிக்கும் இப்படி நிறைய கேட்டு கேட்டு சொல்லி சொல்லி இப்போது 45 நிமிடம் கடந்துவிட்ட்து. 

திடீர்னு ஒரு மேசையில் உள்ளவர் எழுந்து Dear Ladies and Gentle man, Pleased to welcome to join our club Mrs & Mrs X and just they signed our contract அப்படினு சொன்னவுடன் மற்ற மேஜையிலுள்ளவங்க கைதட்டினர், நமக்கும் எதுவுமே புரியவில்லை இருந்தாலும் மேனர்ஸ் கருத்தில் கொண்டு நாமும் பேருக்கு தட்டினோம்.

சரி, எங்களுக்கான ஆள் (காதர்), இப்போ உலகத்துலே சுற்றுலா செல்லவேண்டுமானால் எங்கே செல்ல புடிக்கும்? இப்படி ஒரு கேள்வி, நாங்களும் ஏதோ ஒன்னு சொன்னோம், அதுக்கு அங்கே போகனும் என்றால் பெண்சில் கால்குலேட்டர் வைத்து ஒரு கால்குலேஷன் செய்து இவ்வளவு திர்ஹாம் செலவு ஆகும், அதே எங்களுக்கான மெம்பர்ஷிப் அட்டை காண்பித்தால் அதுலே பாதிதான் வரும், எது பெட்டர் என்றார்.யோசித்தோம், இடையிடையே தேனீர், ஜூஸ் இப்படி சப்ளை வேறு.

இடையிடையே ஒவ்வொரு 20 நிமிஷத்துகு ஒரு தடவை அதே மாதிரி ஒவ்வொரு மேசையா ஒருத்தர் எழுந்து அதே வசனத்தை ஓதி கைதட்டு வாங்கினர். அதற்குபிறகு என்ன நடக்குது என்பதை உணர்வதற்கு கால அவகாசம் தரவில்லை.

பழைய ரெஸ்டாரண்ட்லே அடிப்பட்ட மெனு கார்ட் மாதிரி ஒரு புத்தகத்தை கொடுத்து இதுலேயுள்ள ரிஸார்ட் எல்லாம் எங்க கம்பெனியோடது, இந்தியாவுலே உள்ள எந்த மாநிலத்துக்கு சென்றாலும் அங்கே 3 அல்லது 5 ஸ்டார் ரிசார்ட் இருக்கு நீங்க தங்கிக்கலாம் என்றார். அதற்கு நான் நான் ஏண்டா நடுராத்திரிலே சுடுகாட்டுக்கு போகப்போரேனு வடிவேலு ஒரு படத்துலே கேட்பார் அதுமாதிரி சுற்றுலா செல்பவங்க கிடைக்கும் நேரங்களில் முடிந்தளவு எல்லா இடங்களையும் பார்த்து அனுபவித்து சந்தோஷப்படத்தான் தவிர படுத்து தூங்குவதற்கு இல்லையே. எனவே சாதாரண கட்டணத்தில் அறை போதுமானது என்றவுடன் சின்ன சிரிப்புடன் சமாளித்துவிட்டு இவங்களோட மெம்பர்ஷிப் கார்ட் வாங்கினால் கராமாவில் உள்ள உடற்பயிற்சி கூடத்துக்கு வாரம் ஒரு முறையும், ஏதாவது கோலிவுட் பட்டாளம் வந்து செய்யும் புரோகிராமுக்கு டிக்கட்டும் இலவசமாக கிடைக்குமாம்.

சரி, முடிவா மெம்பர் ஆவதற்கு எவ்வளவு என்று இடையிடையே கேட்டாலும் அதை கடைசி 30 நிமிடத்தில்தான் வெச்சிருக்காங்க ட்விஸ்ட், இதை பற்றி விலாவாரியா மேனேஜர் சொல்லுவார் என்று இன்னொருவர் வந்து தன்னை அறிமுகப்படுத்திக்கொண்டு 10 நிமிஷம் அதே வேதம் ஓதினார். கடைசியில் மற்ற நேரங்களில் சேரனும்னா 45,000 திர்ஹாம் வருமாம், இன்னிகு அது ஆஃபராம் அதாவது 27,000 திர்ஹாம் வருவாம். அதிலேயும் இன்ஸ்டால்மெண்ட் ஸ்கீம் இருக்காம் அதாவது 9,000 திர்ஹாம் இப்போ உடனே கட்டிவிட்டு அடுத்த 2 மாசத்தில் மீதியை செலுத்தனுமாம். 

இதைவிட கொடுமை என்னவென்றால், கொடைக்கானலில் ஒரு பிளாட் (காலி மனை) தருவாங்களாம், அதுலே இவங்களே வில்லா கட்டி வாடகைக்கு விட்டு அந்த வருமானத்தில் 50% தருவாங்களாம், மேலும் 9,000 திர்ஹாம் கட்டியது போக மீதி பணம் ADCB பேங்க் மூலம் சேலரி ட்ராண்ஸ்பர் இல்லாமல் லோன் வாங்கி தருவாங்களாம்.. அத்தோடு விட்டாங்களா இப்போ பணம் இல்லை, சம்பளம் வாங்கியதும் திரும்ப வருகிறேன் இல்லேனா 2 நாள் கழித்து யோசித்து வருகிறேன் என்றதுக்கு இங்கேயே இப்போவே கொடுக்கனும் இல்லேனா முன்னர் சொன்னா மாதிரி 45,000 கொடுக்கும்படியாகிடும் என்றார்கள்.  வேணும்னா ஒரு ஆளை கூடவே அனுப்புறேன் பணம் கொடுத்துவிடுங்க என்றர்கள். சுதாரிச்சுக்கடா என்று அப்பப்போ எனக்குள்ளே நானே சொல்லிக்கிட்டேன். 

நேரம் இரவு 10 ஆகிவிட்டது, நாங்கள் மட்டுமே மீதி அவர்களும் விடுவதாக இல்லை கடைசியாக 1000 திர்ஹாம் அட்வாஸா கொடுங்கள் அப்புறம் 2 நாள் கழித்து மீதியை கொடுங்க என்று பிச்சை எடுக்கும் ரேஞ்சுக்கு வந்துட்டாங்க. இவ்வளவு பேசி சும்மா வர மனசு இடம் தரலே, கடைசிலே என் நண்பனுடைய கிரடிட் கார்டை கொடுத்து அதுலே எடுத்துக்க என்று கொடுத்தவுடன் பரபரப்பான வேலைகள் நடந்தன, என்னை அங்கேயே பாஸ்போர்ட் சைஸ் ஃபோட்டோ எடுத்து அந்த கூப்பனில் பிரிண்ட் செய்து கையிலே கொடுத்தாங்க. அதே நேரம் இறைவனின் கிருபையால் அந்த கடன் அட்டையை தேய்க்கும்போது Insufficient Money என்று ரிசல்ட் வந்துவிட்டது. அத்தோடு தலைக்கு வந்த்து தலைவலியோடு மட்டும் திரும்பிவிட்டேன்.

சில நாள் கழித்து நண்பரிடம் பகிர்ந்துக்கிட்ட போது, அங்கே நடந்த ஒவ்வொரு நிகழ்வையும் சொல்லிக்காட்டினார். இடையிடையே எழுந்து சொன்னதும் கைதட்டியது எல்லாமே அவர்களின் செட்-அப் என்றார். அடங்கொய்யாலே.... அப்போ ”எனக்கு ரத்தம் கக்கி சாவே” என்று மயில்சாமி சொன்ன ஜோக்தான் ஞாபகம் வந்த்து...

சில நாள் கழித்து எதார்த்தமா என் நண்பனுக்கு ஃபோன் செய்தேன். இதுவும் இறைவன் நாடியது, இப்போ அவசரமா ஒரு மீட்டிங்க் கிளம்பிக்கிட்டிருகேன் அப்புறமா ஃபோன் செய்றேன் என்றான், என்னானு விசாரிச்சா அவனும் ரத்தம் கக்கி சாவ ரெடியாகிட்டான், அடப்பாவி மக்கா பாயிண்ட் பாயிண்டா விளக்கி அங்கே போகவேனாம் என்று தடுத்த புண்ணியம் கிடைத்தது. இனிமேலாவது மக்கள் உஷாராவாங்களா?

இரண்டு காரியம் புரியவில்லை

எப்படி இந்தநாட்டு அரசாங்கம் இதை கண்டுக்காம இருக்கு !?

எப்படி இவ்வளவு ஓப்பனா ஏமாத்துறாங்க. !?

எகிப்தை மையமாக வைத்து இயங்கும் International Tourism club

இந்தியர்கள் நடத்தும் Country Club…

என்ற இரண்டும் இங்கே செயல்பட்டுக்கிட்டிருக்கு...

அப்துல் மாலிக்

கோடைகால விடுமுறை - இஸ்லாமிய ஒழுக்கப் பயிற்சி முகாம்...! 6

அதிரை தாரூத் தவ்ஹீதின் ஒத்துழைப்புடன் அதிரை "இஸ்லாமிக் மிஷன்" ஆண்டு தோறும் நடத்தும் பள்ளி, கல்லூரி மாணவமணிகளுக்கான இஸ்லாமிய ஒழுக்கப் பயிற்சி முகாம், இன்ஷா அல்லாஹ், இன்று (மே-5ம் தேதி) தொடக்கம் மே-15ம் தேதி வரை நடைபெற இருக்கின்றது.

உயிரினும் மேலான இஸ்லாமிய விழுமியங்களைப் பயிற்றுவிக்கும் இந்த நல்வாய்ப்பை முழுமையாகப் பயன்படுத்திக் கொள்ளுமாறு கேட்டுக் கொள்கிறோம்.

A.D.T.

தண்ணீர் ! தாகம் தீர்க்கவா ? தாரை வார்க்கவா? – இரண்டாம் பகுதி 22

இந்த தலைப்பில் பகுதி ஒன்று கடந்த 2012 ஏப்ரலில்  அதிரைநிருபர் வலைதளத்தில் ஒரு எச்சரிக்கையூட்டும் ஆக்கமாக என் பெயரில் பதியப்பட்டது. அதனுடைய இணைப்பை இங்கே காணலாம். 

http://adirainirubar.blogspot.in/2012/04/blog-post_12.html

இப்போது எழுதப்படப் போகும் இந்தப் பகுதியை படிக்கும் முன்பு  ஒரு வருடத்துக்கு முன்பே இது பற்றிய எச்சரிக்கை விடுத்து பதியப்பட்ட முதல் பகுதியை படித்துக் கொண்டால் இந்த பிரம்மாண்டப் பிரச்னையின் உண்மை உருவம்  தெரியும் . 

கடந்த ஆண்டு டிசம்பரில் தலைநகர் புது டில்லியில் தேசிய நீர் வளத்துறை கவுன்சிலின் ஆறாவது கூட்டம், மினரல் வாட்டர்  பாட்டில்கள் மேசைகளை அலங்கரிக்க நடைபெற்றது. இந்தக் கூட்டத்தில் தேசிய நீர்க் கொள்கை 2012 – ன் வரைவு வடிவம்  ஏற்றுக் கொள்ளப்பட்டது. ஏற்றுக்  கொல்லப்பட்டது   என்று எழுதினாலும் அதனால் தவறு வந்துவிடாது. இந்தக் கூட்டத்துக்கு இந்தியாவின் மவுன சாமியார்களின்  தலைவர் பிரதமர் மன்மோகன் சிங் தலைமை  தாங்கினார். இந்தத் தலைப்பில் நாம் பதிந்த பகுதி ஒன்றில் சுட்டிக்காட்டப்பட்ட அத்தனை அபாயங்களையும்  இந்தக் கூட்டம் அட்சதை தூவி அங்கீகரித்தது. 

இதன்படி,

அரசோ அல்லது அரசின் உள்ளாட்சி அமைப்புகளோ இன்மேல் குடிநீர்  மற்றும் விவசாயத்துக்கான பாசன நீரை வழங்காது. (பேரூராட்சி மன்ற தலவர்கள் மற்றும் உறுப்பினர்கள் இனி தெரு குழாய்களில் தண்ணீர் வரவில்லை என்கிற தண்ணீர் பிரச்னைகளுக்கு பதில் சொல்ல வேண்டியதில்லை) . இதை செய்யப் போவது தனியார் அல்லது பன்னாட்டு வர்த்தக நிறுவனம்தான். 

மளிகைக்கடையில் விற்கப்படும் மஞ்சள் மிளகாய் கொத்தமல்லி மைதா சீனி போல் இனி தண்ணீரும் ஒரு வணிகப் பொருள். இந்தத் தண்ணீர் ஆற்றில் ஓடி வந்தாலும் சரி, நிலத்தடிகளில் இருந்தாலும் சரி, பாசன நேரானாலும் சரி அவற்றிற்கு விலை உண்டு. 

“காற்றும் நீரும் வானும் நெருப்பும் பொதுவில்  இருக்குது  

 மனிதன் காலில் பட்ட பூமி மட்டும் பிரிந்து கிடக்குது” 

என்று பாடப்பட்டது ஒரு காலம். இப்போது நீரும் நம்மை விட்டுப் பிரிக்கப் பட்டு வர்த்தகப் பொருள் ஆகிவிட வழி திறக்கப்படப்  போகிறது.  இப்படியே போனால் காற்றும் கூட பைகளில் அடைக்கப்பட்டு       விற்கப்படலாம். 

வீட்டுக்குத் தேவையான தண்ணீரின் அளவின்  பயன்பாடு, விவசாயம், தொழில் என்று தண்ணீர் பயன்படுத்துதலை நிர்வாகம் செய்ய தண்ணீர்  ஒழுங்காற்று  ஆணையம் என்ற ஒன்று அமைக்கப்படும் . யார் கண்டது இனி பெரும் விருந்துகள் வைக்க வேண்டுமென்றாலும் ஒரு ஆளுக்கு இவ்வளவு தண்ணீர்தான்  என்ற அளவு  அரசால் அனுமதிக்கப் படலாம். தொண்டையில் விக்கல் வருமென்று கூடுதலாக இரண்டு பீப்பாய்  தண்ணீர் ப்ரோவிஷன் வைத்தால் கூட அதைவிடக் கூடுதலாக சிலருக்கு விக்கல் ஏற்பட்டாலும் தாசில்தாரிடம் அனுமதி பெற்று, ரேஷன் கடைகளில் வரிசையில் நின்று வாங்கிவந்துதான்   விக்கல் வருபவர்களுக்கு தண்ணீர் கொடுக்கும் நிலை ஏற்படலாம். 

இப்போது வரவிருக்கும் மசோதாவின்படி, தண்ணீர் பயன்படுத்துவோர் சங்கங்கள் அமைத்து அவரவர்கள் தங்களுக்கு என்று ஒதுக்கீடு செய்யப்பட நீரை நிர்வகித்துக் கொள்ள வேண்டும். அரசு தலையிட்டு ஒழுங்கு படுத்த வேண்டிய நிதி   - காப்பீடு – சேமிப்பு தொடர்பான  பல சேவைகளை  கட்டுப்பாடு இன்றி - தடையின்றி திறந்து விடுகிறது. தண்ணீர் போன்ற  அத்தியாவசிய ஆனால் இலகுவாக நிர்வகிக்க இயலாத துறைகளில் தடைகளை அதிகரிக்கிறது. இதனால் தனியார்க்கு தண்ணீர் பட்ட பாடாகப் போகிறது. 

மின்கட்டணத்தை கூட்டுவது குறைப்பது, தொலைபேசிக் கட்டணத்தை கூட்டுவது குறைப்பது, போக்குவரத்துத்த்க் கட்டணமனங்களை கூட்டுவது குறைப்பது ஆகியவைகளுக்கு   ஒழுங்கு படுத்தும் ஆணையம் அமைந்திருந்து மக்களின் நாடித்துடிப்பை அறியாமலேயே திடீர் முடிவுகளை அறிவிக்கும்  ஆணையங்கள் அமைந்திருப்பதுபோல் தண்ணீருக்கும் ஒழுங்குமுறை ஆணையம் அமைக்கப்படும்.

இதில் நாம் முக்கியமாக உற்று நோக்க வேண்டிய அம்சம்  என்னவென்றால் அரசு அல்லது அரசுத்துறைகள் என்பது தண்ணீர்  வழங்கும் “ சேவை” செய்யாது. தண்ணீர் வழங்கும்  வசதிகளை வழங்குபவர் என்ற நிலைக்குத் தள்ளப்பட்டு அதை இலாபகரமாக நிர்வகிக்கும் “வர்த்தகத்துறை" ஆகிவிடும் என்பதே.  இதன் மூலம் நாம் குறிப்பிட்டுக் காட்ட வேண்டியது என்ன வென்றால் தண்ணீர் பங்கீட்டு சேவை என்பது அங்கங்களுக்கோ அல்லது அரசு- தனியார் பங்கேற்பு நிறுவனங்களின் பொறுப்புக்கோ மாற்றப் படும்.

இதுதான் தலையில் இறங்கும் இடி. அதாவது நிலத்தின் சொந்தக்காரர்கள், வீடுமனை உரிமையாளர்கள் தங்களுக்கு  சொந்தமான நிலப்பகுதியில் கிணறு தோண்டவோ, ஆழ்துளைக் குழாய் வைத்து கிணறு தோண்டி நிலத்தடி நீரை எடுக்கவோ அவருக்கு உரிமை இல்லை. இனி பத்திரப் பதிவுகள் நடக்கும்போது ஸ்தாவர ஜங்கம சொத்துக்கள் என்று எழுதவேண்டியது இருக்காது. குறிப்பிட்ட நிலத்தின் அடியில் இருக்கும் நீர்,  நிலத்தை வாங்குபவருக்கு சொந்தமல்ல. ஆகவே பத்திரப்பதிவில் இத்தனை கிழமேல் ஜாதியடிக்கு உட்பட்ட நிலத்துக்கு  அடியில் இருக்கும் நீர் தவிர மற்றவைகளை அனுபவித்துக் கொள்ள வேண்டியது என்று எழுத வேண்டி இருந்தாலும் இருக்கலாம். 

மற்றொரு  குறிப்பிடத்தக்க அம்சம் என்ன வென்றால் தேசிய அளவிலும் மாநிலங்களுக்கு இடையிலும் ஏற்படும் தண்ணீர் தொடர்பான் பிரச்னைகளை விசாரித்து தீர்வு காண மத்திய அரசு ஒரு நிரந்தரமான தண்ணீர் வழக்கு நடுவர் மன்றத்தை உருவாக்கும். இந்த ஒரே ஒரு அம்சத்தை மட்டுமே பொதுவாக வரவேற்கலாம். அதற்காக ஆட்டுக் குடல் கறி சாப்பிடவேண்டுமென்ற  ஆசைக்காக ஒரு ஆட்டையே அறுக்கலாமா?

இப்போது மேற்கண்ட அம்சங்களைக் கொண்ட ஒரு வரைவு சட்டம் பாராளுமன்றத்துக்கு வர இருக்கிறது. இந்தக் கொள்கையை கேரளா, கர்நாடகா, தமிழ்நாடு, பீகார் ஆகிய மாநிலங்களுடன் ஐந்து நதிகள் பாயும் பஞ்சாப் மாநிலமும் எதிர்த்துள்ளன. 

அரசியல் அமைப்புச் சட்டம் மாநிலங்களுக்கு வழங்கிய உரிமையை சில தனிப்பட்ட முதலாளிகளை திருப்திப் படுத்துவதற்காக இந்த தேசிய நீர்க் கொள்கையின் வரைவுசட்டம் வர இருக்கிறது. இது முழுக்க  முழுக்க  மாநிலங்களின் உரிமை மீது அதிகாரம் செலுத்தும் நடவடிக்கைதான் என்று மாநில முதலமைச்சர்கள் அலற ஆரம்பித்துவிட்டார்கள். இந்த சட்டம் அமலுக்கு வந்தால் மாநிலங்களில் விவசாயம் மற்றும் தண்ணீர் பயன்பாடு ஆகியவற்றை மத்திய அரசே கட்டுப் படுத்தும். நாடு முழுதும் உள்ள நதிகள், ஆறுகள், காட்டாறுகள், ஏரிகள், குல்ன்கள், ஆழ்துளை கிணறுகள் உட்பட்ட எல்லா  வகையான நீர் ஆதாரங்களையும் மத்திய அரசு அதன் நேரடிக் கட்டுப்பாட்டில் எடுத்துக் கொள்ளும். தண்ணீர் கொள்கை என்ற பெயரில் தண்ணீரை விலை வைத்து விற்கவும் மாநிலங்களின் உரிமையைப் பறிக்கவும் முயற்சிப்பதை தடுக்க ஒன்றிணைவது ஒரு காலத்தின்  கட்டாயமாகும். 

ஒரு விவசாயத்தை நம்பி இருக்கிற நாட்டில் தண்ணீருக்கு விலை நிர்ணயம் செய்வதை தனியாரிடம் விட்டால் அது ஏற்கனவே சீர்கெட்டிருக்கிற விவசாயிகளின் வாழ்வையும் விவசாயத்தையும் தலைகீழாகப் புரட்டிப் போட்டுவிடும்.   

இந்தியாவில் பாதுகாப்பான, சுகாதாரமான குடிநீர் என்பது மிகப்பெரிய பிரச்சனை என்பது குறிப்பிடத்தக்கது. பரவும் நோய்களில் 21% மோசமான நீராதாரங்களினால் ஏற்படுகிறது என்பதும் 5 வயது வரையிலான குழந்தைகள் இறப்பிற்கு சுகாதாரமற்ற நீராதாரங்களே காரணம் என்பதும் குறிப்பிடப்படவேண்டியது. இந்தியாவில் அனைத்து முனிசிபாலிட்டிகள் மக்களுக்குத் திறந்து விடும்  தண்ணீர் எதுவும் பாதுகாப்பானதல்ல என்பது மிகவும் கவனத்திற்குரியது. ஏதோ தண்ணீர் என்ற பெயரில் உள்ளூராட்சி மன்றங்கள் திறந்துவிடும் தண்ணீர் பாதுகாப்பானதா சுத்தமானதா என்பதை சோதிக்க எவ்வித அமைப்பு ரீதியான ஏற்பாடும் இதுவரை இல்லை. 

மேல்நிலை நீர் தொட்டிகளின் உள்ளே எலியும் பூனையும் ஒன்றாக கட்டிப் பிடித்துக்கொண்டு  செத்துக்கிடந்த செய்திகள் எல்லாம் வெளியாகின்றன. நல்ல நீரும் சாக்கடை நீரும் சரசமாடிக் கலப்பது பூமிக்கடியில் நடக்கும் புதிய காதல் கதை. எண்ணெய்க் குழாய்கள் பதிக்கப் ப்பட்ட பகுதிகளில் குடிக்கத்தரும் தண்ணீரில் எரிபொருள் வாடை வருவதை மறுக்க முடியுமா?  

மேலும் நல்ல நீரை மட்டும் பிரித்து எடுத்து வாட்டர் பாட்டில் நிறுவனங்கள் கொள்ளை லாபம் ஈட்டி வருகின்றன. அதுதான் பாதுகாப்பானது என்ற பிரச்சாரமும், மக்களின் நம்பிக்கையும் வலுத்து வருகிறது. பேருந்துகள்  நிறுத்தப் படும் இடங்களில் வாங்கிக் குடிக்கும் தண்ணீர் தயாரிக்கப் பட்ட விதம்  பற்றி நாம் எண்ணிப் பார்த்து இருக்கிறோமா? 

இந்தியாவில் ஒரு ஆண்டுக்கு – குடி தண்ணீர் 30 ஆயிரம் கோடி ரூபாய்க்கு விற்கப்படுகிறது . அதுவும் தமிழ்நாட்டில் மட்டும் 5000 கோடி ரூபாயாம் . தமிழகத்தில் 10,000 க்கும் அதிகமான தண்ணீர் விற்கும் நிறுவனங்கள் இயங்குகின்றன . நாளுக்கு நாள் அழியும் இயற்கை வளங்களில் தண்ணீரே முதன்மையானதாக உள்ளது .

ஆனால் அயல்நாட்டு முதலாளிகளுக்கு எப்படி நம் ஆதாரங்களைச் சுரண்ட அனுமதி அளிக்கலாம் அதற்கு ஏற்றபடி எவ்வாறு சட்டங்கள் இயற்றலாம், எதிர்த்து வரும் போராட்டங்களை எப்படி அடக்கலாம் என்பதிலேயே மத்திய  அரசு கவனத்தைச் செலுத்தி வரும் நிலையில் இதுபோன்ற விவகாரங்களை சிந்திக்க அரசுக்கு நேரம் எங்கே  இருக்கிறது? மண், பொன், பெண்  ஆகிய மூன்று போகப் பொருள்களுகாகவே போர்கள் நடைபெற்றதாக உலக சரித்திரம் கூறுகிறது. இனியொரு போர் நடந்தால் அது தண்ணீருக்காகத்தான் இருக்கும் என்ற ஒரு உலகளாவிய அச்சம் உருவாகியுள்ளது. 

நிலமும் நீரும் இந்தியப் பொருளாதாரம் ஏற்றம் பெறத் தேவையானவை. ஏற்கனவே நிலங்கள் சிறையிடப்பட்டு நெல் விளைந்த பூமிகளில் கல் விளைந்து வீணாகக் கிடக்கின்றன. இப்போது தண்ணீரையும் தனியார்க்கு தாரை வார்த்துக் கொடுப்பது மண்ணின் மக்களின் அடிமடியிலே கை வைக்கும் அக்கிரமம் என்பதை அரசு உணரவேண்டும். நீர் வளத்தை ஒரு லட்டாகப் பிடித்து அடுத்தவர் கையில் கொடுக்க அரசு ஏன் இத்தனை அவசரம் காட்டுகிறது? ஏற்கனவே மழை பெய்ய மறுக்கிறது. மேகங்கள் கூடிக் கூடி கலைந்து வித்தை காட்டுகின்றன;  நகரமயமாவதால் மரங்கள் வெட்டப்படுகின்றன. விலை மதிப்பற்ற காடுகள் வெட்டி           வீழ்த்தப்படுகின்றன. ஒரு காய்ச்சல் குருவியைப் பிடித்தால் கூட கைது செய்யும் வனத்துறை, வனங்களை அழிக்கும் வலிமை உடைய அரசியல்வாதிகளை கண்டு கொள்வதே இல்லை.    

சுற்றுப்புற சூழ்நிலைகளை மேம்படுத்துவதை விட்டு விட்டு கழுதைகளுக்குக் கல்யாணம் செய்துவைத்தால் கன  மழை பெய்யும் என்று காத்திருக்கிறோம். தண்ணீரின் தேவை மக்கள் பெருக்கத்தால் அதிகரித்து வருகிறது. குளங்கள் மற்றும் ஏரிகளில் குளித்துப் பழகியவர்கள் வீடுகளுக்குள் நீச்சல் குளம் கட்ட ஆரம்பித்துவிட்டார்கள். கிராமங்களில் உள்ள ஏரி  மற்றும் குளங்கள் தூர்  வாரப்படாமல் வருடக்கணக்கில் கிடப்பதால் மேடு தட்டிப்போய், எப்போதாவது இஷடப்பட்டால் பெய்யும் மழை நீரையும் சேகரித்துவைத்துக் கொள்ள வகை தெரியாமல் கிடக்கின்றன. ஏரிகளில் குளங்களில் தனியார் மண் அள்ளுவது தடுக்கப் பட்டு இருக்கிறது அரசும் இதை கவனிக்காமல் அலட்சியப்படுத்துகிறது. இருக்கும் நிலத்தடி நீரையும் கெடுத்துவைப்பதற்காக இரசாயனக்கழிவுகள் காட்டாறாக ஓடுகின்றன; இறால்  பண்ணைகள் இலாபகரம் என்பதால் கடற்கரையோர கிராமங்களில் தினமும் தோண்டப்பட்டு வளர்ந்தோங்கி வருகின்றன. இதனால் உப்பு நீர் கடலில் இருந்து ஊருக்குள் வரவேற்பு வளையம் வைத்து  கொண்டுவரப் படுகிறது. எங்கேயாவது பேருந்து நிலையமோ, சந்தைகளின் விரிவாக்கமோ திருமண மண்டபங்களோ அரசின் தரப்பில் மணிமண்டபங்களோ நினைவுச் சின்னங்களோ  கட்ட இடம் தேவைப்பட்டால்  குளங்களும் ஏரிகளும் குறிவைத்து தூர்க்கப் பட்டு அவற்றின் மேல்  காங்க்ரீட் கட்டிடங்கள் கட்டப் படுகின்றன. உதாரணமாக சென்னை வள்ளுவர் கோட்டம் கட்டப்பட்டது ஒரு ஏரியை உயிருடன்  எரித்து சாம்பலாக்கிவிட்டுத்தான் . அதனால்தான் அந்தப் பகுதி இன்றும் லேக் ஏரியா என்று அழைக்கப் படுகிறது.  குளத்தங்கரைகளிலும் ஆற்றங்கரைகளிலும் குடிசைகள் கட்டி அரசியல் பின்பலத்தில் ஆக்கிரமிப்புகள் அதிகமாகிவிட்டன.

உலகிலேயே அதிகம் மழை பெய்யும் சிரபுஞ்சியிலேயே தண்ணீர் பஞ்சம் என்று வெட்கமின்றி தம்பட்டம் அடிக்கிறார்கள். கோடை வாசஸ்தலங்கலாகிய   சிம்லா, ஊட்டி, கொடைக்கானலில் கூட தண்ணீர்ப் பஞ்சம் தலைவிரித்து ஆடுகிறது . இத்தகைய இழிநிலைக்குக் காரணம் தண்ணீரை மேலாண்மை செய்வது சரியில்லை என்பதுதான். சிரபுஞ்சியிலேயே தண்ணீர்ப் பஞ்சம் என்றால் உலகமே நம்மைக்  கேலி செய்யும். 

மேலே சொல்லப்பட்ட குறைகளைக் களைந்து தண்ணீரை காப்பாற்றும் முயற்சிகளை  முன்னிறுத்தும் வகையிலும்   தண்ணீர் மேலாண்மையை மேம்படுத்தும் வகையிலும் புதிய சட்டங்கள் மற்றும் ஒழுங்கு முறைகளை மத்திய அரசு கொண்டுவந்தால் யாவரும் வரவேற்கலாம். அதைவிட்டுவிட்டு இன்னும் பிரச்னைகளை அதிகப் படுத்தும் மசோதாவை அவசர அவசரமாக கொண்டு வருவது அரசின் உள்நோக்கத்தை சந்தேகிக்க வைக்கிறது. ஏற்கனவே நேரடி அந்நிய  முதலீடு, உலகமயமாக்கல், தாராளமயமாக்கள், 2 G, இத்தாலிய ஹெலிகாப்டர், சி. பி .ஐ. அறிக்கை கசிவு என்று தன் மீது பல களங்கங்களை சுமந்து நிற்கும் மன்மோகன் அரசு,  தண்ணீரை தனியார்க்கு தாரை வார்ப்பதன் மூலம் மற்றொரு சாக்கடையை அள்ளி சந்தனமாகப் பூசப்போகிறது.  

தண்ணீரை திரவத்தங்கம் என்பார்கள். இந்தத் தங்கத்தையும் தனியாரிடம் கொள்ளை இலாபம் ஈட்ட வழிகளை திறந்துவிடும் அரசை வகை கெட்ட அரசு என்றே கூற முடியும்.

இபுராஹீம் அன்சாரி

அதிரை வர்த்தக மற்றும் கலாச்சார ? விழா - நடந்தது என்ன ? 26

அஸ்ஸலாமு அலைக்கும்.

கடந்த ஒருமாத காலமாக அதிரையின் சாலைகளில் 'வர்த்தக, கலாச்சார விழா' நடக்கப் போவதாக ஃப்ளக்ஸ் விளம்பரங்கள் அறிவித்தன.

என்ன? எங்கு? எப்போது? என்பன பரம இரகசியமாக இருந்தன.

ஏப்ரல் இறுதி வெள்ளியில் விபரங்கள் வெளிவந்தன. கற்றோர் பலர் அதில் பொறுப்பு வகிப்பதாகக் கூறப்பட்டிருந்தது. அதிரையில் 'பெருஸ்ஸ்ஸ்ஸா' ஏதோ மாற்றம் வரப்போகிறது என்று பலரும் நம்பியதுபோல் நானும் நம்பினேன்.

அது எத்துணை மடத்தனம் என்பது 28.4.2013 மாலை தெரியவந்தது.

படித்தவர்கள் நடத்திய 'கலைச் சேவை'களை வீடியோவில் பார்த்து மனம் கனத்தது.

என்னைப் போலவே ஏமாறிப்போன சகோதரர்களுள் ஒருவரான 'மீடியா மேஜிக்' நிஜாமுத்தீன், 'வர்த்தகமாம்லோ ...' என்ற எண்ணத்தில் ஒரு ஸ்டால் போட்டிருந்தார். அது புத்திசாலித்தனமா இல்லையா என்பது வேறு விஷயம். ஆனால், அங்குள்ள அரங்கத்தில் நடைபெற்ற அசிங்கங்களை வீடியோ எடுத்துப் பத்திரப்படுத்தியது வெகு புத்திசாலித்தனம்.

இத்தனைக்கும் அரங்கக் கலை(?) நிகழ்ச்சிகளுக்கு அனுமதி பெறப்படவில்லை என்ற தகவலையும் அவர் நேற்று காவல் நிலையத்திலிருந்து தெரிந்து வந்து சொன்னார்.

அரங்கம், அசிங்கங்களை அரங்கேற்றிய முதல் நாளே விழாவின் ஜாயிண்ட் செக்ரட்டரி செய்யது அஹ்மது கபீர் அவர்களை சந்தித்துத் தமது எதிர்ப்பினைத் தெரிவித்திருக்கிறார் சகோ. நிஜாமுத்தீன். "சரி, சரி! பாட்டுகளைக் குறைத்துக் கொள்ளலாம்" என்ற அறிவுசீவித்தனமான பதில் கிடைத்திருக்கிறது. என்றாலும் அடுத்தடுத்த நாட்களில் அரங்கம் தொடர்ந்து அசிங்கமாகிக் கொண்டே வந்தது.

நேற்று 2.5.2013இல் அதிரை உலமாக்கள் சபை, கலாச்சாரத்தை(!) அழைத்துப் பேச்சுவார்த்தை நடத்தியபோதும் பெரும் பொருட்செலவில் கலாச்சாரப் பொரட்சி நடைபெற்று வருவதால் "அரங்க நிகழ்ச்சிகளை நிறுத்தமுடியாது; யோசித்துச் சொல்கிறோம்" என்றெல்லாம் முட்டுக் கொடுக்கப்பட்டதை அறிந்த சகோ. நிஜாமுத்தீன் மாவட்ட ஆட்சியருக்குப் புகார் அனுப்பினார் (இணைப்பு).

இன்று மாலை ஐந்து மணியளவில் மாவட்ட ஆட்சியரின் ஆய்வுக் குழுவொன்று அதிரைக்கு வந்து, விழா இடத்தை ஆய்வு செய்யத் தொடங்கியது.

ஆய்வுக் குழுத் தலைவர் அழைத்ததன் பேரில் சகோ. நிஜாமுத்தீனோடு நானும் தம்பி ஜமாலுத்தீன் புகாரியும் விழாக் குழுவினரின் அலுவலகத்துக்குச் சென்றோம். "கோரிக்கைகள் யாவை?" எனக் கேட்டபோது,

1. பெண்களுக்கான தடுப்பு அல்லது சிறப்பு நேரம் அல்லது 'பெண்கள் மட்டும்' நாள் ஆகிய ஏதேனும் ஒன்று ஏற்பாடு செய்ய வேண்டும்.

2. கலாச்சாரக் கேடு விளைவிக்கும் அரங்க நிகழ்ச்சிகள் தடை செய்யப்பட வேண்டும்

3. தீயணைப்பு வண்டிகள் வேண்டும்.

4. ஆம்புலன்ஸ் வண்டி தயார் நிலையில் வேண்டும்.

5. பலமான பாதுகாப்பு ஏற்பாடு (செக்யூரிட்டி) வேண்டும்.

ஆகிய கோரிக்கைகளை எழுதிக் கொடுத்து சகோ. நிஜாமுத்தீன் கையொப்பம் இட்டுக் கொடுத்தார்.

"பாட்டு, கூத்து, நாடகம் இனி அரங்கத்தில் நடக்காது. மற்றவை அனைத்தும் உடனடியாக ஏற்பாடு செய்யப்படும்" என அதிகாரி உறுதியளித்தார்.

"தடை செய்யப்பட வேண்டியவை இன்னும் வேறு பல இருக்கின்றன. சந்திப்போம்" எனக் கூறி விடைபெற்று மக்ரிபுத் தொழுகைக்கு விரைந்தோம்.

கடைசி நேரத்தில்தான் தெரியவந்தது. வந்த அதிகாரி நிஜாமின் காலேஜ்மேட்டாம்.

ஜமீல் M ஸாலிஹ்

ஓடி விளையாடு ஊரோடு உறவாடு ! – AFFA – ஒரு பார்வை ! 6

அஸ்ஸலாமு அலைக்கும் வரஹ்...

Adirai Friends Football Association (AFFA) அதிரை நண்பர்கள் கால்பந்தாட்ட கழகம். இந்த பெயரை எங்கோ என்றோ கேள்விபட்டது போன்றதொரு நினைவு வருகின்றதா!? ஆம் ஆண்டுக்கு ஒரு முறை கோடை விடுமுறை நாட்களில் (சம்பிரதமாய்) பொழுதைக் கழிப்பதற்காக கால்பந்து போட்டியை நடத்தும் குழுவின் பெயர் என்ற எண்ணங்களை நீங்கள் வைத்திருக்கிறீர்கள் என்றால் அதனை சற்றே ஒரு ஓரமாக தூக்கி வைத்து விட்டு தொடர்ந்து வாருங்கள் மேலும் நமது பார்வையை விரிவுபடுத்துவோம்.

AFFA - வின் தோற்றத்தையும் அதன் தொடர் வளர்ச்சியையும் என் நினைவுக்குள் எட்டியதை இங்கே ஒரு பதிவாக அறியத் தருகிறேன்.

தொடக்கமாக துடிப்பான இளம் கால்பந்து வீரர்களை கொண்டு ஒருங்கிணைந்த கால்பந்து அணியாக மட்டுமே கட்டமைக்கப்பட்டது. இதன் அமைப்பாளர்களில் ஒருவனாகவும் ஆரம்பகாலத்தில் அணித் தலைவராகவும் நான் பொறுப்பில் இருந்தேன். இந்நிலையில் நமது கால்பந்து அணிக்கு என்று ஒரு நல்ல பெயர் வைத்து அழைக்க முடிவு செய்தோம். அணியில் இருந்த நண்பர்களிடம் தெரிவித்தேன், அவர்களும் ஒப்புதல் தந்தார்கள். அதன் பின்னர் அதிரை நண்பர்கள் கால்பந்தாட்ட கழகம் - அதிரை ஃப்ரெண்ட்ஸ் ஃபுட்பால் அஷோசியசன் - AFFA என்ற பெயர் நிலைத்தது. 

• கால்பந்து விளையாட்டுப் போட்டிகளில் நமதூரை எல்லா வகையிலும் முன்னிலை படுத்த வேண்டும்.
• அனைவரோடும் நட்பு பாராட்ட வேண்டும். 
• எளிதில் அறியக்கூடிய வகையில் இருக்க வேண்டும்.
• சர்வதேச கால்பந்து சம்மேளனம் (FIFA)-வைப் போன்று தொடர்புடைய பெயராய் இருக்க வேண்டும்.
• எல்லாவற்றுக்கும் மேலாக நாம் அறிந்த வகையில் பெரும்பாலான கால்பந்து அணிகளின் பெயரில் ஏதாவது ஒரு வகையில்''கிளப்'' வார்த்தை இடம்பெற்று விடுகிறது. இதற்கு மாறாக சற்றே வித்தியாசமாக இருக்க வேண்டும் என்றும்,''கிளப்'' என்றால் பெரும்பாலும் தவறுகளும், அனாச்சாரங்களும் நடைபெறும் இடம் என்று அறியப்படுத்தப்படிருப்பதாலும் இதற்கு மாற்றமாக''அசோசியேசன்'' என்று தேர்வு செய்தோம். இதுதான் ''AFFA''வின் பெயர் உருவானதின் சுருக்கம்.

தோற்றம்:

AFFA - 2003 ஆம் ஆண்டு கால்பந்தாட்டத்தில் ஆர்வமுள்ள நண்பர்கள் சிலர் ஒன்று கூடி துவங்கப்பட்டது. 

அமைப்பாளர் மற்றும் அணித் தலைவர் - S.முகம்மது புஹாரி

AFFA-வின் தலைவர் - N.சேக்தம்பி

மற்றும் குழு உறுப்பினர்களாக 

(1) இக்பால்

(2) அப்சர்

(3) அகமது அஸ்லம்

 (4) அகமது ராசிது 

(5) அகமது அஸ்ரப் 

(6) முகம்மது இபுறாஹிம் 

(7) முகம்மது சம்சுதீன் 

(8) தாரிக் உதுமான் 

சட்டென்று நினைவுக்குள் வந்ததும் வராததுமாக இன்னும் சில  சகோதர்களைக் கொண்டு இது வலுப்பெற்றது. AFFA சிறந்து விளங்க வேண்டும் என்றும் இது சீரான வளர்ச்சியை அடைய தனகென்று ஒரு நல்ல கட்டமைப்புடன் கூடிய ஒரு நிர்வாகத்தை ஸ்திரமாக அமைத்துக்கொண்டது.

நிர்வாகத்திற்கான பொறுப்பாளிகளாக ஆரம்ப காலத்தில் நியமிக்கப்பட்டவர்களின் விபரம்.

தலைவர்; S.முகம்மது தமீம் 

துணைதலைவர்  -  அகமது அஸ்லம் 

செயளாளர்  -  S.முகம்மது புஹாரி 

துணை செயளாளர்  -  அகமது அஸ்லம் 

பொருளாளர்  -  S.சர்புதீன்

இவர்களைக் கொண்டு முறையான முதல் நிர்வாகக்குழு அமைக்கப்பட்டது.

செயற்குழு உறுப்பினர்கள் மற்றும் பொதுக்குழு உறுப்பினர்கள் என்றும் முறையே சேர்க்கப்பட்டது.

'AFFA''-விற் கென்று நெறிமுறைச் சட்டங்கள் ''BYLAW' உருவாக்கி தமிழ்நாடு சங்கங்கள் பதிவுச் சட்டம் விதிகளின்படி மாவட்ட சங்கப் பதிவாளர் அலுவலகத்தில் AFFA-வை பதிவு செய்து ஒரு முழுமையான அமைப்பாக செயல்பட்டு வருகிறது. 

இது ஆண்டுக்கு ஒருமுறை பொதுக்குழுவையும்,மூன்று மாதங்களுக்கு ஒரு முறை செயற்குழுவையும் தேவைக்கு ஏற்ப AFFA-வின் ''பைலா'' வில் விதிப்படி சிறப்பு செயற்குழுவையும், அவசியமேற்படும்போது சிறப்பு பொதுக்குழுவையும் கூட்டி அவ்வப்போது ஏற்படும் நிகழ்வுகளுக்க்ய் ஏற்ப AFFA-வின் வளர்ச்சியையும்,நோக்கத்தையும் அடைய பல முடிவுகள் எடுக்கப்படுகின்றது. மேலும் நிர்வாக மற்றும் பொதுக்குழுவில் எடுக்கப்படும் முடிவுகளின் அடிபடையில் நிர்வாகிகள் மாற்றம் செய்படுகின்றன.

AFFA-வின் தற்போதைய நிர்வாகிகள்

(1) தலைவர் : செய்யது முகம்மது புஹாரி 

(2) துணைதலைவர் :  முகம்மது தமீம் 

(3) செயளாளர் : சமியுள்ளாஹ் 

(4) துணை செயளாளர் : முகம்மது அனஸ் 

(5) பொருளாளர் : அபுல் ஹசன் சாதுலி

AFFA-வின் நோக்கம்;

• AFFA-வை மிகவும் வலுவான தலைசிறந்த கால்பந்தாட்ட அணியாக உருவாக்குவது.
• அதிரையில் கால்பந்து வீரர்களுக்கு பயிற்சியளித்து அவர்களை மிகச் சிறந்த வீர்ர்களாக்குவது.
• கால்பந்து விளையாட்டின் மூலம் அதிரையின் பெருமையை உலகறியச் செய்வது.
• அதிரை கால்பந்து வீரர்களுக்கு அரசு மற்றும் தனியார் துறையிலும் வேலை வாய்ப்பை பெற்று தர முழு முயற்சிகள் எடுப்பது அதற்காக ஒத்துழைப்பது.
• வேறுபாடற்ற சமுதாயத்தை உருவாக்க பாடுபடுவது.
• கால்பந்து விளையாட்டு வீரர்கள் ஒவ்வொருவரும்  தான் சார்ந்திருக்கும் சமுதாயத்திற்கும், ஊருக்கும், தாய்நாட்டிற்கும் பெருமை தேடித்தர ஊக்கமளிப்பது.
• அதிரையில் உள்ள பள்ளிகள் மற்றும் கல்லூரி கால்பந்து வீரர்கள் திறம்பட விளையாடுவதற்கு AFFA தேவையான அனைத்து உதவிகளையும் ஒத்துழைப்பையும் வழங்குவது. 
• பண்பட்ட துடிப்பான ஆரோக்கியமான இளைஞர் சமுதாயத்தை உருவாக்குவது.
• சார்ந்துள்ள சமூகத்திற்கு எல்லா வகையில் நற்பெயரை பெற்றுத் தருவது.
• விளையாட்டோடு மட்டும் இருந்திடாமல் நல்ல ஆரோக்கியமான கல்வியை விளையாட்டு வீரர்கள் பெற ஊக்குவிப்பது.
• கால்பந்து போட்டிகளை அதிரையில் நடத்தி நமதூர் கால்பந்து ஆர்வளர்களின் விருப்பத்திற்கு ஏற்றவாறு போட்டிகளை வழி நடத்தி பங்களிப்பார்களுக்கும் போட்டியில் வெற்றி பெறும் அணிகள் மற்றும் வீர்ர்களுக்கு பரிசுகளை வழங்குவது. 
• AFFA-வின் வீரர்களை மாவட்ட,மாநில,இந்திய அளவிளான போட்டிகளில் பங்கேற்க செய்வது.

AFFA-வின் செயல்பாடுகள் அன்றும் இன்றும்;-

AFFA-தினந்தோறும் மாலை நேரத்தில் கால்பந்து விளையாட்டின் மூலம் அதிரையில் கால்பந்து விளையாட்டை தடையின்றியும் திறம்பட விளையாட ஏதுவாக மாலை நேரத்தில் பயிற்சி விளையாட்டை தொடர்ச்சியாக  நடைத்தி வருகின்றது.

AFFA-கால்பந்து அணி தனது ஆரம்ப காலத்தில் அதிரையை சுற்றிள்ள சில ஊர்களில் நடைபெறும் கால்பந்து தொடர் போட்டிகளில் மட்டுமே கலந்து கொண்டு வந்துள்ளது ஆனால் தற்பொழுது AFFA கால்பந்து அணியின் முறையான பயிற்சியினால் AFFA அணியின் தரமான விளையாட்டின் மூலம் தமிழகத்தில் பல பகுதிக்குச் சென்று பல்வேறு கால்பந்து போட்டிகளில் கலந்து கொண்டு அதிரைக்கு சிறப்பு சேர்த்து வருகின்றது.

முறையான பயிற்சி, சீருடைகள், கால்பந்தாட்ட காலணி, என்று நேர்த்தியான வலுவான அணியாக AFFA நிமிர்ந்து நிற்கிறது. இந்த மாற்றத்தை AFFA குழுவினர்கள்தான் சிறப்புடன் செயல்படுத்தி காட்டியிருக்கின்றனர். நமது அணி AFFA முழுமையாக கால்பந்து விளையாட்டின் நுணுக்கங்களை உள்வாங்கி விளையாடி வருகிறது எனவே நம் (AFFA) அணி தமிழகத்தின் பல பகுதிகளுக்கு சென்று தடம் பதிக்க ஏதுவாக இருக்கின்றது.

தொடரும்…

S. முகம்மது புஹாரி

முன்னால் செயாளாளர்,(AFFA)

மற்றும்

தஞ்சை மாவட்ட கால்பந்து சங்க செயற்குழு உறுப்பினர்

அவர்கள் கண்ணீரும் நம் கண்ணீரும் - தொடர் - 5 9

அல்லாஹ்வின் திருப்பெயரால்…

சென்ற வாரத் தொடரில் நபி(ஸல்) அவர்களின் வாழ்நாட்களில் பேருதவியாக இருந்த அபூதாலிப், அவர்கள் மரணிக்கும் நிலையில் ‘லாயிலாஹ இல்லல்லாஹ்’ என்ற கலிமாவை சொல்ல மறுத்தார். இதற்காக நபி(ஸல்) அவர்கள் அழுதார்கள். இணை வைப்பாளர்களுக்கு மன்னிப்பே கிடையாது என்பதை அல்லாஹ் அல்குர்ஆன் (9:113) வசனத்தின் மூலம் உறுதி செய்தான் என்பதுடன் சேர்த்து அழுத்தமான மற்றொரு வரலாற்று சம்வத்தையும் பார்த்தோம்.

குர்ஆனை ஒரு மனிதன் ஓதாவிட்டால் அவன் வாழ்வில் ஏற்படுகிற இழப்பு மிகப்பெரியது. இந்த இழப்புக்கு சொந்தக்காரர்களாக நாம் இருந்தால் இனியாவது நாம் நம்மை மாற்றிக் கொள்ளவேண்டும். 

நபி(ஸல்) அவர்கள் இறுதியாக தொழுகையில் ஓதிய அத்தியாத்தை நினைத்து அழுதுள்ளார்கள் அவர்களோடு வாழ்ந்த சத்திய சஹாபாக்கள்.

இப்னு அப்பாஸ்(ரலி) அறிவித்தார்கள்.

நான் 'வல்முர்ஸலாதி உர்பன்' என்ற அத்தியாயத்தை ஓதும்போது அதனைச் செவியுற்ற (என் தாயார்) உம்முல் ஃபழ்லு(ரலி), 'அருமை மகனே! அல்லாஹ்வின் மீது ஆணையாக, மக்ரிப் தொழுகையில் நபி(ஸல்) அவர்கள் இந்த அத்தியாயத்தை ஓதியதுதான் நான் அவர்களிடமிருந்து கடைசியாக செவியுற்றதாகும். நீ அதை ஓதியதன் மூலம் எனக்கு நினைவுபடுத்திவிட்டாய்' என்று கூறினார். புகாரி 763, volume 1 book 10.

மற்றுமொரு வரலாற்று தொகுப்பில், இப்னு அப்பாஸ் அவர்கள் அறிவிக்கிறார்கள் நான் வல்முர்ஸலாதி உர்பன் என்ற அத்தியாத்தை ஓதும்போது என்னுடைய தாய் உம்முல் ஃபழ்லு(ரழி) அவர்கள் அழுதுவிட்டார்கள், ஏன் தாயே அழுகிறீர்கள் என்று கேட்டதற்கு நபி(ஸல்) அவர்கள் மரணிப்பதற்கு முன்பு இறுதியாக அவர்கள் ஒரு மகரிப் தொழுகையில் ஓதியது அந்த வசனம், நீங்கள் அந்த வசனத்தை ஓதியவுடன் எனக்கு அந்த சம்வத்தை நீ ஞாபகத்திற்கு வந்துவிட்டது, அதை நினைத்து அழுகிறேன் அருமை மகனே என்று கூறினார்கள் என்பதை நாம் அறிய முடிகிறது. நபி(ஸல்) அவர்கள் தொழுகையில் என்ன திருக்குர்ஆன் வசனங்கள் ஓதினார்கள் என்பதை நினைவில் வைத்திருந்தார்கள் அந்த உத்தம நபியின் உன்னத சஹாபி பெண்கள் என்பதை எண்ணும் போது திருக்குர்ஆனோடு எந்த அளவுக்கு நெருக்கமாக இருந்துள்ளார்கள் என்பதை நாம் உணரலாம்.

நபி(ஸல்) அவர்களுடைய சபையில் வஹி எழுதுவதற்காக உள்ள தோழர்களில் உபை இப்னு கஃஅப் என்கிற நபி தோழர் மிகவும் முக்கியமானவர். பின்வரும் சம்பவத்தைப் படித்துப் பாருங்கள் இவ்வுலகில் யாருக்கும் கிடைக்காத பாக்கியத்தை அல்லாஹ் அந்த நபித் தோழருக்கு கொடுத்துள்ளான்.

அனஸ் இப்னு மாலிக்(ரலி) கூறினார்கள், நபி(ஸல்) அவர்கள் உபை இப்னு கஅப்(ரலி) அவர்களிடம், 'உங்களுக்கு 'லம் யகுனில்லஃதீன கஃபரூ' எனும் (98 வது) அத்தியாயத்தை ஓதிக்காட்டுமாறு அல்லாஹ் என்னைப் பணித்துள்ளான்' என்று கூறினார்கள். உபை இப்னு கஃஅப்(ரலி), 'அல்லாஹ் என் பெயரைச் குறிப்பிட்டா (அப்படிச்) சொன்னான்?' என்று கேட்டார்கள். நபி(ஸல்) அவர்கள், 'ஆம்' என்று பதிலளிக்க, (ஆனந்த மிகுதியால்) அப்போது உபை இப்னு கஃஅப்(ரலி)அழுதார்கள். புகாரி: 4959 - Volume :5 Book :65

நபி(ஸல்) அவர்களுடைய சபையில் அவர்கள் முன்னால், திருக்குர் ஆனை ஓதுவதே மிகப்பெரிய பாக்கியம், அதைவிட மிகப்பெரிய பாக்கியம், இதற்கும் மேலாக அல்லாஹ், குறிப்பிட்ட என் பெயரை சொல்லி ஓத கட்டளையிடுகிறான்  என்பதை கேட்டு உத்தம நபியின் உன்னத தோழர் உபை இப்னு கஃஅப் (ரழி) அவர்கள் தேம்பி தேம்பி ஆனந்தத்தில் அழுதுள்ளார்கள் என்றால், திருக்குர்ஆனோடு அந்த மக்களுக்கு இருந்த தொடர்பு எவ்வளவு நெருக்கமானது என்பதை நாம் உணரலாம்.

நபி(ஸல்) அவர்கள் தம்முடைய இறுதி காலங்களில் கடும் நோயினால் அவதியுற்றார்கள், தொழுகைக்குக்கூட செல்ல முடியாத நிலை, இஷா தொழுகை நேரம் நம்மால் எழுந்து செல்ல முடியவில்லை, நின்றால் மயக்கம் வந்துவிடுகிற நிலைமை அவர்களுக்கு. உடனே தம் அருமை மனைவி ஆயிசா அவர்களை அழைத்து உன் தந்தை அபூபக்கரை இமாமாக நின்று தொழ வைக்கச் சொல் என்றார்கள். 

ஆயிஷா(ரலி) அறிவித்தார்கள் : நபி(ஸல்) அவர்கள் மரணிப்பதற்கு முன் நோய்வாய்ப் பட்டிருந்தபோது பிலால்(ரலி) வந்து தொழுகை பற்றி அவர்களிடம் அறிவித்தார்கள். அப்போது நபி(ஸல்) அவர்கள் 'அபூ பக்ரைத் தொழுகை நடத்தச் சொல்லுங்கள்" என்றார்கள். அதற்கு நான் அவர் இளகிய மனம் படைத்தவர். உங்கள் இடத்தில் அவர் நின்றால அழுதுவிடுவார். அவரால் ஓத இயலாது என்று கூறினேன். 'அபூ பக்ரைத் தொழுகை நடத்தச் சொல்லுங்கள்" என்று மீண்டும் கூறினார்கள். நானும் முன் போன்றே கூறினேன். நானும் முன் போன்றே கூறினேன். மூன்றாவது அல்லது நான்காவது முறை 'நீங்கள் யூஸுஃப் நபியின்தோழியராக இருக்கிறீர்கள். அபூ பக்ரைத் தொழுகை நடத்தச் சொல்லுங்கள்" என்றனர். (அதன்பின்னர்) அபூ பக்ர் தொழுகை நடத்தினார். நபி(ஸல்) அவர்கள் கால்கள் தரையில் இழுபடுமாறு இரண்டு மனிதர்களுக்கிடையே தொங்கியவகளாக (பள்ளிக்குச்) சென்றனர். அவர்களைக் கண்ட அபூ பக்ர்(ரலி) பின்வாங்க முயன்றார்கள். தொழுகையை நடத்துமாறு அவருக்கு நபி(ஸல்) அவர்கள் சைகை செய்தார்கள். அபூ பக்ர்(ரலி)யின் வலப்புறமாக நபி(ஸல்) அவர்கள் உட்கார்ந்தனர். நபி(ஸல்) அவர்கள் கூறும் தக்பீரை அபூ பக்ர்(ரலி) மற்றவர்களுக்குக் கேட்கச் செய்தார்கள்.  - புகாரி 712 Volume :1 Book :10

இங்கு நாம் கவனிக்கப்பட வேண்டியது என்னவென்றால், அல்லாஹ்வுடைய ரசூல் நின்ற முசல்லாவில், அவர்கள் உயிரோடு இருக்கும் போது, பல கோடி நன்மைகள் பெற்று தரும் அந்த இமாமத்து செய்யும் பொறுப்புடன் மக்களுக்கு தொழுகை நடத்தும் ஒரு வாய்ப்பு தன்னுடைய தந்தை அபூபக்கர்(ரழி) அவர்களுக்கு கிடைத்திருக்கும் அந்த சந்தோசமான தருணத்தில், திருக்குர்ஆன் வசனங்களை ஓதினால் அழுதுவிடுவார்கள் யா ரசூலுல்லாஹ் என்று தன் தந்தை திருக்குர்ஆனோடு எப்படி தொடர்புடையவர்கள் என்று அபூபக்கர்(ரழி) அவர்களுக்கு நற்சான்றிதழ் அன்னை ஆயிசா(ரழி) அவர்களால் வழங்கப்பட்டுள்ளது என்பதை இந்த ஹதீஸின் மூலம் நாம் காணலாம்.

மேலே சொல்லப்பட்ட மூன்று சம்பவங்களிலிருந்து நாம் பெரும் படிப்பினைகள் ஏராளம்.

நம்மில் எத்தனை பேர் எனக்கு திருக்குர்ஆன் ஓதத்தெரியவில்லையே என்று அழுதிருக்கிறோம்?

என் தாய், தந்தை, பிள்ளைகள், மனைவி, சகோதரர்கள், சகோதரிகள், சொந்தங்கள் மற்றும் நண்பர்கள் ஆகியோரில் பலருக்கு திருக்குர்ஆன் ஓதத் தெரிந்தும் ஓதுவதில்லையே அல்லது ஓதத்தெரியவில்லை என்று என்றைக்காவது வருத்தப்பட்டதுண்டா? அழுததுண்டா?

என் தாய், தந்தை, பிள்ளைகள், மனைவி, சகோதர்கள், சகோதரிகள், சொந்தங்கள் மற்றும் நண்பர்கள் ஆகியோர் திருக்குர்ஆனை ஓதினால் அழுவார்கள் என்று என்றைக்காவது அல்லாஹ்வின் திருப் பொருத்தத்தை எதிர்பார்த்து இருந்திருக்கிறோமா?

திருக்குர்ஆனோடு நம்முடைய தொடர்பு எப்படி உள்ளது என்பதை என்றைக்காவது, இது போன்ற கண்ணீர் சம்வங்களை வைத்து ஒப்பீடு செய்திருக்கிறோமா?

வல் முர்ஸலாதி உர்பன் என்ற அத்தியாயம் ஓதக்கேட்டால், நபி(ஸல்) அவர்கள் இறுதியாக ஓதிய அத்தியாம் என்ற நினைப்பு நமக்கு வரவேண்டும்.

அல்லாஹ் தான் விரும்பிய நபித்தோழர் உபை இப்னு கஃஅப்(ரழி) அவர்களின் பெயரைச் சொல்லி 'லம் யகுனில்லஃதீன கஃபரூ' எனும் (98 வது) அத்தியாயத்தை ஓதச்சொல்லி நபியவர்களுக்கு கட்டளையிட்டானே, அது போல் ஸாலிஹீன்களாக,முத்தகீன்களாக வாழ்ந்தால் அல்லாஹ்வுக்கு நெருக்கமானவர்களாக இருக்கலாமே என்று நினைத்து நாம் கண்ணீர் சிந்த வேண்டும்.

இந்த வார உறுதி மொழி:

திருக்குர்ஆனோடு நம்முடைய தொடர்பை நெருக்கமாக்கிக் கொள்ள வேண்டும். திருகுர்ஆனில் ஒரு பக்கமாவது பொருளுணர்ந்து அதன் வரலாற்று சம்வங்களுடன் படித்து, அவைகளை விளங்கி அல்லாஹ்வின் சக்தி, ஆற்றல், எச்சரிக்கை, கருணை இவைகளை எண்ணி ஒவ்வொரு நாளும் அவனின் பொருத்தத்தை மட்டுமே நாடி அழும் நன்மக்களாக நம்மை நாமே மாற்றிக்கொள்ள வேண்டும் இன்ஷா அல்லாஹ். இதற்கு அல்லாஹ் நம் எல்லோருக்கும் உதவி புரிவானாக.

M தாஜுதீன்

அல்லாஹ்வின் இறையில்லத்தில் யாருடன் மல்லுக் கட்டுகிறார்கள் !? 12

அஸ்ஸலாமு அலைக்கும் (வரஹ் )

2:114   وَمَنْ أَظْلَمُ مِمَّن مَّنَعَ مَسَاجِدَ اللَّهِ أَن يُذْكَرَ فِيهَا اسْمُهُ وَسَعَىٰ فِي خَرَابِهَا ۚ أُولَٰئِكَ مَا كَانَ لَهُمْ أَن يَدْخُلُوهَا إِلَّا خَائِفِينَ ۚ لَهُمْ فِي الدُّنْيَا خِزْيٌ وَلَهُمْ فِي الْآخِرَةِ عَذَابٌ عَظِيمٌ

2:114. அன்றி அல்லாஹ்வுடைய பள்ளிவாசல்களில் அவனுடைய பெயர் கூறப்படுவதைத் தடுத்து, அவைகளைப் பாழாக்க முயற்சிப்பவனைவிட பெரிய அநியாயக்காரன் யார்? அச்சத்துடனன்றி அவைகளில் நுழைய அவர்களுக்கு உரிமையே இல்லை. (அவ்வாறிருக்க அதற்கு மாறாக நடக்கும்) அவர்களுக்கு இவ்வுலகில் இழிவுதான். மறுமையிலோ கொடிய வேதனை உண்டு.

நேற்று மாலை (30-04-2013) தக்வா பள்ளியில் இதற்கு முன்னர் நடந்திராத ஒரு நிகழ்வு நடந்திருக்கிறது.

பள்ளிவாசலின் மோதினாரையும் அவருடைய  மற்றொரு உதவியாளரையும் திடீரென்று பள்ளிவாசலின் மைக் வைத்திருக்கும் அலமாரியை பெட்டிச் சாவியுடன் மஃக்ரிப் நேரத்திற்கு சற்று முன்னிருந்து இஷா தொழுகை முடியும் வரை அங்கே காணவில்லை.  இதனால் இரண்டு தொழுகைகளுக்கும் குறித்த வக்திற்குள் பாங்கு சொல்லப்படவில்லை. மற்ற பள்ளிவாசல்களை விட பல நிமிடங்கள் கழித்து, பொறுப்பு யாரிடமும் ஒப்படைக்கப்படாத நிலையில் மோதினாருக்காக காத்திருந்து அவர் வராத நிலையில் அங்கிருந்த சகோதரர் ஒருவரால் சற்று கால தாமதத்திற்கு பின் பாங்கு சொல்லப்பட்டது. அதுவும் மைக் ஒலி பெருக்கி இல்லாமல் சொல்லப்பட்டது. இது ஒருவேளை எதேச்சையாக கூட நிகழந்திருக்கலாம் என்று விட்டுவிடவும் முடியவில்லை.

சில நாட்களுக்கு முன் ஹைதர் அலீ ஆலிம் அவர்கள் பயான் சம்பந்தமாக சுமூக முடிவு ஏற்பட்டு ஒலி பெருக்கியில் வழக்கம் போல் பயான் நடந்த நிலையில் நம்மில் சில சகோதரர்களால் ஒலிபெருக்கியில் பயான் நடை பெறுவதை தடை செய்யும் முகமாக தங்களின் பலத்தை பிரயோகித்து மோதினாரையும் அவர் உதவியாளரையும் ஒலிபெருக்கி இருக்கும் அலமாரியின் சாவியுடன்  அங்கிருந்து அகன்று கொள்ளும்படி வேண்டப்பட்டதா அல்லது எதேச்சையான நிகழ்வா? என்று சந்தேகிக்கும் முகாந்திரம் அதிகமுள்ளது. ஒருவேளை அவர்களுக்கு அவசியமான வேலைகள் இருக்கும் பட்சத்தில் அந்த பொறுப்பை தற்காலிகமாக யாரிடமும் ஒப்படைக்கப்படாமல் பயான் வழக்கமாக நடைபெறும் தினத்தன்று இவ்வாறு நடக்க என்ன காரணம்?

தங்களின் அதிகாரப் பெருமையை நிலை நிறுத்துவதற்காக, அல்லாஹ்வுக்கு எதிரான போரில் இறங்கியிருப்பவர்கள் யார்?

2:114   وَمَنْ أَظْلَمُ مِمَّن مَّنَعَ مَسَاجِدَ اللَّهِ أَن يُذْكَرَ فِيهَا اسْمُهُ وَسَعَىٰ فِي خَرَابِهَا ۚ أُولَٰئِكَ مَا كَانَ لَهُمْ أَن يَدْخُلُوهَا إِلَّا خَائِفِينَ ۚ لَهُمْ فِي الدُّنْيَا خِزْيٌ وَلَهُمْ فِي الْآخِرَةِ عَذَابٌ عَظِيمٌ

2:114. அன்றி அல்லாஹ்வுடைய பள்ளிவாசல்களில் அவனுடைய பெயர் கூறப்படுவதைத் தடுத்து, அவைகளைப் பாழாக்க முயற்சிப்பவனைவிட பெரிய அநியாயக்காரன் யார்? அச்சத்துடனன்றி அவைகளில் நுழைய அவர்களுக்கு உரிமையே இல்லை. (அவ்வாறிருக்க அதற்கு மாறாக நடக்கும்) அவர்களுக்கு இவ்வுலகில் இழிவுதான். மறுமையிலோ கொடிய வேதனை உண்டு.

சில ஆண்டுகளுக்கு முன் அ.ஜ. பள்ளியில் ஒலிபெருக்கியில் பாங்கு சொல்வதை ஆர்.எஸ்.எஸ்.  காரர்கள் தடை செய்தபோது பொங்கியெழுந்த இளைஞர்களும், சமுதாய உணர்வு மிக்கவர்களும் இந்த விஷயத்திலும் கவனம் செலுத்த வேண்டும்.

இப்படியே போனால் அல்லாஹ்வின் இறை இல்லத்தை இழுத்து மூட ஒத்திகை பார்க்கிறார்களா நம் சகோதரர்கள்?

அன்புக்குரிய இளைஞர்களே, சகோதரர்களே, உங்களுடைய உறவினர்களும் நண்பர்களும் உங்களைப் பற்றி பழிச்சொல் பேசுவார்கள் என்று அஞ்சி அல்லாஹ்வின் மார்க்கத்தை நிலை நிறுத்த தவறினால், அல்லாஹ்வுடைய தீனின் கண்ணியத்தை, அல்லாஹ்வுடைய இல்லத்தின் கண்ணியத்தை காக்க தவறினால், அல்லாஹ்வுடைய புனித அடையாலங்கலான அவன் மகத்துவம், அவனுடைய ஏவல், விலக்கல்கள் பற்றி பேசப்படுவதை, கண்ணியப்படுத்தி பாதுகாக்க தவறினால், அல்லாஹ்  நம்மை என்ன செய்வான் என்ற கீழ்காணும் எச்சரிக்கையை அஞ்சிக் கொள்ளுங்கள்.

5:54   يَا أَيُّهَا الَّذِينَ آمَنُوا مَن يَرْتَدَّ مِنكُمْ عَن دِينِهِ فَسَوْفَ يَأْتِي اللَّهُ بِقَوْمٍ يُحِبُّهُمْ وَيُحِبُّونَهُ أَذِلَّةٍ عَلَى الْمُؤْمِنِينَ أَعِزَّةٍ عَلَى الْكَافِرِينَ يُجَاهِدُونَ فِي سَبِيلِ اللَّهِ وَلَا يَخَافُونَ لَوْمَةَ لَائِمٍ ۚ ذَٰلِكَ فَضْلُ اللَّهِ يُؤْتِيهِ مَن يَشَاءُ ۚ وَاللَّهُ وَاسِعٌ عَلِيمٌ

5:54. நம்பிக்கையாளர்களே! உங்களில் எவரேனும் தங்கள் மார்க்கத்தில் இருந்து மாறிவிட்டால் (அதனால் அல்லாஹ்வுக்கு நஷ்டமொன்றுமில்லை. உங்களைப்போக்கி) வேறு மக்களை அல்லாஹ் கொண்டு வருவான். அவன் அவர்களை நேசிப்பான்; அவர்களும் அவனை நேசிப்பார்கள். அவர்கள் நம்பிக்கை கொண்டவர்களிடம் பணிவாக நடந்து கொள்வார்கள்; நிராகரிப்பவர்களிடம் கண்டிப்புடையவர்களாக இருப்பார்கள்; அல்லாஹ்வின் பாதையில் போர் புரிவார்கள். பழிப்பவனின் பழிப்பை அவர்கள் அஞ்ச மாட்டார்கள். இது அல்லாஹ்வின் அருளாகும். அவன் விரும்பியவர்களுக்குத்தான் இதனை அளிக்கின்றான். அல்லாஹ் மிக விசாலமானவனும், (அனைத்தையும்) நன்கறிந்தவனாகவும் இருக்கின்றான்.

9:24   قُلْ إِن كَانَ آبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُم مِّنَ اللَّهِ وَرَسُولِهِ وَجِهَادٍ فِي سَبِيلِهِ فَتَرَبَّصُوا حَتَّىٰ يَأْتِيَ اللَّهُ بِأَمْرِهِ ۗ وَاللَّهُ لَا يَهْدِي الْقَوْمَ الْفَاسِقِينَ

9:24. (நபியே! நம்பிக்கையாளர்களை நோக்கி) நீங்கள் கூறுங்கள்: உங்களுடைய தந்தைகளும், உங்களுடைய பிள்ளைகளும், உங்களுடைய சகோதரர்களும், உங்களுடைய மனைவிகளும், உங்களுடைய குடும்பங்களும், நீங்கள் சம்பாதித்து வைத்திருக்கும் (உங்கள்) பொருள்களும், நஷ்டமாகிவிடுமோ என நீங்கள் பயந்து (மிக எச்சரிக்கையுடன்) செய்து வரும் வர்த்தகமும், உங்களுக்கு மிக்க விருப்பமுள்ள (உங்கள்) வீடுகளும் அல்லாஹ்வையும், அவனுடைய தூதரையும் விடவும், அல்லாஹ்வுடைய பாதையில் போர் புரிவதைவிடவும் உங்களுக்கு மிக விருப்பமானவைகளாக இருந்தால் (நீங்கள் உண்மை நம்பிக்கையாளர்களல்ல. நீங்கள் அடைய வேண்டிய தண்டனையைப் பற்றிய) அல்லாஹ்வுடைய கட்டளை வரும் வரையில் நீங்கள் எதிர்ப்பார்த்திருங்கள். (உங்களைப் போன்ற) பாவிகளை அல்லாஹ் நேரான வழியில் செலுத்துவதில்லை.

உலகெங்கும் ஆங்காங்கே முஸ்லிம்கள் படும் வேதனை அதிரையையும் தொட வேண்டுமா? அந்தோ நாம் செயல்படாமல் இருந்து விட்டோமே என்று காலதாமதமாகி கதறும்முன் செயல்படுவோம் வாருங்கள்.

 அல்லாஹ் கூறுகிறான் :

7:3   اتَّبِعُوا مَا أُنزِلَ إِلَيْكُم مِّن رَّبِّكُمْ وَلَا تَتَّبِعُوا مِن دُونِهِ أَوْلِيَاءَ ۗ قَلِيلًا مَّا تَذَكَّرُونَ

7:3. (மனிதர்களே!) உங்களுக்காக உங்கள் இறைவன் அருளியதையே பின்பற்றுங்கள். அவனையன்றி (மற்றெவரையும் உங்களுக்குக்) பொறுப்பாளர்(களாக ஆக்கி, அவர்)களை நீங்கள் பின்பற்றாதீர்கள். (எனினும், இதனைக் கொண்டு) நல்லுணர்ச்சி பெறுபவர்கள் உங்களில் மிகக் குறைவு.

7:4   وَكَم مِّن قَرْيَةٍ أَهْلَكْنَاهَا فَجَاءَهَا بَأْسُنَا بَيَاتًا أَوْ هُمْ قَائِلُونَ

7:4. (பாவிகள் வசித்திருந்த) எத்தனையோ நகரங்களை நாம் அழித்திருக்கின்றோம். அவற்றில் இருந்தவர்கள் இரவிலோ, பகலிலோ நித்திரையில் இருக்கும்பொழுது நம்முடைய வேதனை அவர்களை வந்தடைந்தது.

7:5   فَمَا كَانَ دَعْوَاهُمْ إِذْ جَاءَهُم بَأْسُنَا إِلَّا أَن قَالُوا إِنَّا كُنَّا ظَالِمِينَ

7:5. அவர்களிடம் நம்முடைய வேதனை வந்த சமயத்தில் "நிச்சயமாக எங்களுக்கு நாங்களே தீங்கிழைத்துக் கொண்டவர்களாகி விட்டோம்" என்று கூறியதைத் தவிர வேறொன்றும் அவர்கள் கூறவில்லை.

7:6   فَلَنَسْأَلَنَّ الَّذِينَ أُرْسِلَ إِلَيْهِمْ وَلَنَسْأَلَنَّ الْمُرْسَلِينَ

7:6. ஆகவே (இதைப் பற்றி நம்முடைய) தூதர்களையும், அவர்களை எவர்களிடம் அனுப்பி வைத்தோமோ அவர்களையும் நிச்சயமாக நாம் விசாரணை செய்வோம்.

7:7   فَلَنَقُصَّنَّ عَلَيْهِم بِعِلْمٍ ۖ وَمَا كُنَّا غَائِبِينَ

7:7. (அப்போது அவர்களின் செயல்களை) நாம் நிச்சயமாக அவர்களுக்கு உறுதியுடன் விவரிப்போம். நாம் மறைவானவர்களாக இருக்கவில்லை.

நம்முடைய இரட்சகனாகிய அல்லாஹ் நமக்கு எல்லாவித எச்சரிக்கைகளையும் தெளிவாகவே சொல்லிவிட்டான். இனி நமது பொறுப்பு

கடைசியாக கிடைத்த தகவல்:

மோதினாரை அசருக்குப் பின் "ஒரு தரப்பினர் மைக் போட சொல்கிறார்கள், மற்றொரு தரப்பினர் மைக் போட வேண்டாம் என்று சொல்கிறார்கள், எனவே ராஜினாமா செய்கிறேன்" என்று சொல்லச் செய்து அவரை அங்கிருந்து போகும்படி செய்ததுடன், அவருடைய உதவியாளரையும் அங்கிருந்து செல்லும்படி செய்திருக்கிறார் பள்ளியின் தற்போதைய தலைவர். மஃக்ரிப் தொழுகைக்கு சிறிது நேரத்திற்கு முன் அவர் அங்கு வந்து மைக் இருக்கும் அலமாரியை பூட்டி சாவியை எடுத்துக் கொண்டு போயிருக்கிறார். சாவி வைத்திருக்கும் நபரும் தொழுகைக்கு வராமல் மறைந்து கொண்டு பழியை சத்தியப் பிரச்சாரம் செய்பவர்களின் மீது சுமத்த சூழ்ச்சி செய்கிறார்களா?   

35:44   أَوَلَمْ يَسِيرُوا فِي الْأَرْضِ فَيَنظُرُوا كَيْفَ كَانَ عَاقِبَةُ الَّذِينَ مِن قَبْلِهِمْ وَكَانُوا أَشَدَّ مِنْهُمْ قُوَّةً ۚ وَمَا كَانَ اللَّهُ لِيُعْجِزَهُ مِن شَيْءٍ فِي السَّمَاوَاتِ وَلَا فِي الْأَرْضِ ۚ إِنَّهُ كَانَ عَلِيمًا قَدِيرًا

35:44. இவர்கள் பூமியில் பிரயாணம் செய்து தங்களுக்கு முன் இருந்தவர்களின் முடிவு என்னவாயிற்று என்பதைப் பார்க்கவில்லையா? மேலும் அவர்கள் வலிமையில் இவர்களைவிட மிக்கவர்களாக இருந்தனர்; வானங்களிலோ, பூமியிலோ உள்ள எதுவும் அல்லாஹ்வை இயலாமல் ஆக்க முடியாது. நிச்சயமாக அல்லாஹ் யாவற்றையும் நன்கறிந்தவன்; பேராற்றலுடையவன்.

அபூ முஸ்அப்

சற்று நேரத்திற்கு முன்னர் கிடைக்கப்பெற்ற தகவலில், நேற்று மைக் ரிப்பேர் ஆனதால் அதனைச் சரி செய்யப்பட்டு இன்று ஃபஜ்ர் தொழுகைக்கு பாங்கு சொல்லப்பட்டதாக பள்ளியின் நிர்வாகச் செயலாளர் தெரிவித்திருக்கிறார். இன்றும் மஃப்ரிப் மற்றும் இஷா தொழுகைக்கு மைக்கில் பாங்கு சொல்லப்படவில்லை.