40000 அடிகள் வாங்கிய அதிரைநிருபர்‏ 23

அஸ்ஸலாமு அலைக்கும் (வரஹ்)...

அன்பிற்கினிய அதிரைநிருபர் வாசக நேசங்களே !

எல்லாம் வல்ல அல்லாஹ்வின் பேருதவியாலும் உங்கள் யாவரின் ஆரோக்கியமான ஆதரவோடும், தாங்கள் அனைவரது ஒத்துழைப்பு, அளப்பறிய பங்களிப்புடன் ஆலோசனைகளினாலும் நம் அதிரைநிருபர் வலைப்பூக்களின் தோட்டத்திலேயே மேலோங்கி மனம் வீசுவதற்கும் நம் அதிரைச் சமூக மக்களின் இதயத்தில் தடம் பதித்ததோடு மட்டுமல்லாது வயது பேதமில்லாமல் இருபாலரையும் வசீகரித்தும் வருகிறது. அல்லாஹ்வுக்கே எல்லா புகழும் (அல்ஹம்துலில்லாஹ் !).

"மின் வலைப் பூக்களால் நறுமனம் தெளித்து நம் அதிரை மக்களிடம் ஒற்றுமை எனும் கயிற்றை கொடுத்து வெற்றி மாலையாக்க ஏன் நம்மால் முடியாதா?" என்ற கேள்வியுடன், பிரச்சினைகளுக்கு சுழிபோடாத, நற்செய்திகளை மட்டும் நம் மக்களிடம் பகிர்ந்துக் கொண்டு ஒற்றுமையை ஏற்படுத்தலாம் என்ற எண்ணத்தில் உருவாக்கப்பட்ட நம் அதிரைநிருபர். நேற்றோடு அதிரைநிருபர் 40,000 செல்ல அடிகளுக்கு மேல் வாங்கி இன்று அதிரை மக்கள் பெரும்பாலோரின் இதயம் தொட்ட இனிய வலைப்பூவாய் இடம் பிடித்துள்ளதை எண்ணிப்பார்க்கும் போது மிக்க மகிழ்ச்சியாக உள்ளது. அல்ஹம்துலில்லாஹ் !.

நம் அதிரைநிருபர் சர்ச்சைக்குள் வந்திடும் பாகுபாடு பதிவுகளை எந்தச் சூழலிலும் பதிவுக்குள் நுழைக்காது, அப்படி பதியும் தகவல்கள் சர்ச்சையானது அல்லது பிளவுக்கு வழிபோடுவதாக உணரப்பட்டாலோ அல்லது அன்பிற்கினிய வாசகர்கள் எங்கள் கவனத்திற்கு கொண்டுவந்தால் எவ்வித பாராபட்சமில்லாமல் அதன் மீது நடவடிக்கை எடுக்கப்படும் என்பதை உங்கள் அனைவருக்கும் தெளிவு படுத்திக் கொள்கிறோம். அதிரைநிருபருக்குரிய தனிப்பட்ட மின் அஞ்சல் முகவ்ரில் adirainirubar@gmail.com நேசம் தேடும் வாசக சொந்தங்கள் அனைவரும் தொடர்பு கொள்ளலாம்.

அன்றும் இன்றும் என்றும் அதிரை நிருபரின் நினைவூட்டல் : அதிரைநிருபர் வலைப்பூ நம் அதிரைச் சார்பு வலைப்பூக்கள் எதனோடும் போட்டி போடுவதற்கல்ல அதற்கான அவசியமும் இல்லை. அதிரை நிருபர் குழுவின் மற்றொரு சாயலே சாட்சி சொல்லும் அதிரை சார்பு பெரும்பாலான வலைப்பூக்களை சங்கமிக்க வைத்துக் கொண்டிருக்கும் நம்முடைய அதிரைமணம்.

இன்ஷா அல்லாஹ், இனிவரும் நாட்களில் நல்ல பல்சுவைத் தகவல்கள் வெளிவர இருக்கிறது. ஹஜ்ஜுடைய மாதம் நெருங்கி வருகிறது வழக்கம் போல் தன் எழுத்துக்களால் நம் அனைவரையும் நல்ல சிந்தனையின் பக்கம் திரும்ப செய்யும் நம் சகோதரர்களின் நல்ல கட்டுரைகள் வெளிவரும் என்று நாம் எதிர்ப்பார்க்கலாம்.

ஊரிலும், வெளிநாடுகளிலும், குடும்பங்களையும், நண்பர்களையும் விட்டு விலகி திரவியம் தேடும் நம் அனைத்து அதிரை சகோதர, சகோதரிகளுக்கு நல்ல பயனுள்ள தகவல் பறிமாற்றம் செய்து ஒற்றுமையுடனும் நிறைவான மன அமைதி மேம்பட அதிரைநிருபர் வலைப்பூ முயற்சி செய்யும், இன்ஷா அல்லாஹ்.

சகோதரர் ஷரபுதீன் நூஹூ அவர்களின் ஆர்வமூட்டலால் கல்வி விழிப்புணர்வு, வழிகாட்டல் முகாம் நடத்துவது சம்பந்தமாக நல்ல ஆக்கப்பூர்வமான கருத்துக்கள் பரிமாற்றம் தொடர்ந்து நடந்தேறி வருகிறது. நம் சகோதரர்களிடமிருந்து நல்ல ஆக்கபூர்வமான வரவேற்பும் ஆதரவும் பெருகியது. சகோதரர் ஷர்புதீன் அவர்களின் ஆர்வம், ஊக்கம், முயற்சி இவைகளால் இன்று கல்வி விழிப்புணர்வு கருத்தரங்கம் இந்த வருடம் அரையாண்டு தேர்வு விடுமுறையில் நம் அதிரையில் நடந்தேற முயற்சிகளின் துவக்கம் ஆரம்பமாகிவிட்டது என்ற செய்தியை இங்கு உங்கள் அனைவரிடம் அதிரைநிருபர் மற்றும் அதன் பின்னாலிருக்கும் அன்புச் சகோதரர்கள் சார்பில் அறியத் தருவதில் பெருமையடைகிறது. இது தொடர்பாக விரிவான செய்தி வெகு விரைவில் வெளியிடப்படும்.

"அந்தப் பக்கம் / இந்தப் பக்கம் என்றில்லாமல் நம் அதிரையின் ஒற்றுமையை மட்டுமே முன்னிருத்தி செயல்பட வேண்டும்" என்ற நம் அதிரைநிருபர் நேசமிகு சகோதரர்களின் ஆதங்கம் விரைவில் அந்த ஏக்கமும் பூர்த்தி செய்யப்படும் என்பதை மீண்டும் பதிவு செய்கிறோம். நட்பு வட்டாரத்தின் உதவியுடன் அனைத்து முஹல்லக்களையும் உள்ளடக்கும் வகையில் விரைவில் அதிரைச் செய்தி ஊடகம் வெளிவர இருக்கிறது என்பதையும் இங்கு மகிழ்ச்சியுடன் தெரிவித்துக்கொள்கிறோம்.

அதிரைநிருபர் வலைப்பூ மற்ற பிற வலைப்பூக்களைப் போலல்லாமல், அமைதியின் ஆளுமை, அழகின் அசத்தல், அற்புதம் இவற்றினை உள்ளடக்கிய சாதாரண மின்வலைப்பூவே. இருப்பினும் ஒற்றுமைக்கு முன்மாதிரியாக இருப்பதில் முதன்மையாக இருக்கவே அதிரைநிருபர் என்றுமே வாதிடும், போராடும், ஒன்றினைக்கும், இன்ஷா அல்லாஹ் !

அதிரைநிருபர் வலைப்பூவுக்கு பங்களிப்பும், ஆதரவும், ஒத்துழைப்பும், ஆலோசனைகளும் வழங்கிவரும் நம் அனைத்து அதிரை அன்பு சகோதரர்களுக்கும், மற்ற ஊர் சகோதரர்களுக்கும் மிக்க நன்றி.. எல்லாம் வல்ல அல்லாஹ்வுக்கே எல்லா புகழும்.

அல்லாஹ் நம் அனைவருக்கும் நல்ல உடல் ஆரோக்கியத்தையும், நல்ல ஈமானையும் தந்தருவானாக - பிரார்த்திக்கிறோம் !

-- அதிரைநிருபர் குழு