இஸ்லாம் - மனித நேயப் பிரகடனம் ! 10

அளவற்ற அருளாளன், நிகரற்ற அன்புடையோன் அல்லாஹ்வின் பெயரால்...

அஸ்ஸலாமு அலைக்கும் வரஹ்...

இஸ்லாம் மனித நேயத்தை இம்மண்ணில் நிலை நிறுத்த ஏராளமான வழிமுறைகளைக் கையாண்டிருக்கிறது. அனைத்தையும் படைத்து, பாதுகாத்து, உணவளிக்கின்ற ஓர் இறை அல்லாஹ் இஸ்லாத்தை மனித குலத்திற்கான வாழ்க்கை நெறியாக தேர்ந்தெடுத்துக் கொன்டான். மனித நேயம் இம்மண்ணில் தழைத்தோங்க வேண்டுமெனில் இஸ்லாமே ஒரே தீர்வு. இஸ்லாத்தின் வணக்க வழிபாடுகளில் அநேகமும் மனிதன் தனக்கும், மனித சமூகத்திற்கும், ஏனைய உயிரிணங்களுக்கும் நன்மை செய்வதே! அதில் ஒன்று நம் சிந்தனைக்காக இங்கே.

யார் பிறருக்காக பிரார்த்தனை செய்கிறார்களோ அவர்களுக்காக வானவர்கள் பிரார்த்தனை செய்கிறார்கள் - நபி மொழி.

இது மேலோட்டமாகப் பார்க்கும்போது சாதாரனமாகத் தோன்றினாலும் உள்ளார்ந்து பார்த்தால் மிகப் பெரும் தத்துவம் இதில் அடங்கியிருப்பதை உணர முடியும். ஊனமுற்றவர்கள், உடல் பருத்தவர்கள், முதுமையிலும் கடினமான வேலை செய்பவர்கள் என பொதுவாக கஷ்டப்படுவோரை நாம் கண்டாலோ அல்லது வாழ்க்கையில் பல இன்னல்களோடு வாழ்ந்து கொன்டிருப்பவர்களைப் பற்றி செய்தியைக் கேட்டாலோ அவர்கள் மீது பரிதாபப்பட்டு "ஒவ்வொரு நாளும் தங்களுடைய அன்றாட வாழ்க்கைத் தேவைகளைப் பூர்த்தி செய்ய எத்தகைய சிரமங்களை இவர்கள் மேற்கொள்ள வேண்டியிருக்கும் என்று எண்ணியவர்களாக "எங்களுடைய இறைவனே இவர்களுடைய காரியங்களை இலேசாக்கி வைப்பாயாக! உன்னுடைய புறத்திலிருந்து அவர்களுக்கு உதவியாளர்களை அனுப்பி வைப்பாயாக என! சத்தியத்தின் வழிகளிலே அவர்களை நிலைத்திருக்கச் செய்வாயாக!" என ஒருவர் பிரார்த்தித்தால் அவருக்காக வானவர்கள் அல்லாஹ்விடத்திலே பிரார்த்திப்பார்கள்.

மேற்சொன்னபடி ஒருவர் பிரார்த்திக்க தொடங்கிவிட்டால் இறக்கம், பிறர் துன்பத்தில் இன்பம் கொள்ளாமை, கஷ்டத்தில் இருப்பவருக்கு உதவும் தன்மை, என ஏராளமான நற்பன்புகள் அவரிடத்தில் ஏற்பட்டுவிடும். அப்படிப்பட்ட ஒரு மனித சமுதாயத்தையே இறை மார்க்கமான இஸ்லாம் வார்த்தெடுக்கிறது. பிறர் துன்பம் கண்டு துவண்டுவிடும் எவரும் பிறருக்கு தீங்கிழைக்க மாட்டார். அதைத் தான் இஸ்லாம் மனித இனத்திடம் எதிர்பார்க்கிறது

இன்று உலகில் மனிதர்களுக்கு இழைக்கப்படும் அநேக தீங்குகளும் மனிதர்களாலேயே இழைக்கப்படுகிறது!? மனிதனைத் தவிர்த்து வேறு எந்த இனமும் தனது இனத்தை கொன்று குவிப்பதில்லை!

கடந்த மாதம் 22-ம் தேதி வெள்ளிக்கிழமை மதியம் நார்வே தலை நகர் ஓஸ்லோ-வில் நடந்த குண்டு வெடிப்பு மற்றும் துப்பாக்கி சூட்டை அரங்கேற்றியவன் அண்டர்ஸ் பெஹ்ரிங் ப்ரேவிக் என்கிற பயங்கரவாதி. சுமார் 94 உயிர்களை கொன்று குவித்த இவன் இறை மார்க்கமான இஸ்லாத்திற்கு எதிரான கருத்துக்களை அவனது வலைப்பூ மூலம் பரப்பி வந்ததாக காவல் துறையின் விசாரனையில் தெறிய வந்துள்ளது.

இஸ்லாம் மனித நேயத்தை மனிதர்களுக்கு மத்தியில் நிலை நாட்ட ஏராளமான வழிவகைகளை செய்திருக்க இஸ்லாத்திற்கு எதிரான எவரும் மனித இனத்திற்கு எதிரானவராகத்தானே இருக்கமுடியும்! அதைத்தான் நார்வேயில் நடந்ததாயினும், குஜராத், பாகல்பூர், மும்பை, கோவை, தில்லி, மாலேகான், ஆந்திரா, அஜ்மீர், என அனைத்து நிகழ்வுகளும் நிரூபித்திருக்கின்றன.

பாதிக்கப்பட்டவரின் பிரார்த்தனைக்கு அஞ்சிக் கொள்ளுங்கள்! ஏனெனில் அவருக்கும் அல்லாஹ்வுக்குமிடையில் எத்திரையும் இல்லை. தீங்கிழைக்கப்பட்டவர் மன்னிக்காத வரை அல்லாஹ் உங்களை மன்னிக்க மாட்டான்! என பிறருக்குத் தீங்கிழைக்காமல் வாழும் வாழ்க்கையையே இஸ்லாம் போதித்திருக்க அதற்கு எதிரான கொள்கை கொன்ட எவரும் மனித குலத்திற்கு எதிரானவர் என்பதே நிரூபனம்.

ம அஸ்ஸாலாம்

அபு ஈசா