என் இதயத்தில் இறைத்தூதர் ! - 10 - மாசு ! 8

எனக்கு முன்னால் இருந்த ஒரு பாதிரியார்,அவரிடம் சில கேள்விகள் கேட்டு - உண்மை நிலைகளை அவர் அறிய வேண்டும் என்ற ஆவல் பிறக்க அவரிடம் எனது உரையாடல்'

"சார் எனக்கு சில சந்தேகங்கள் ! கேட்கலாமா ?"

ஓ! தாராளமாக கேளுங்கள் !"

"என் பெயர் இதோ இந்த ரேஷன் கார்டில் இருக்கிறது, உங்களுடைய பெயர் "இன்னதுதான்" என்று ஏதேனும் ஒரு ஆதாரம் இருக்கிறதா ? ரேஷன் கார்டுதான் என்றில்லை,எந்த id களாக இருந்தாலும் பரவாயில்லை.

"ம்... இல்லை! ஆனால், என்னை பலர் "இவ்வாறுதான்" கூப்பிடுவார்கள்.

சரி, என் பெயரை என் தந்தை வைத்தார், உங்கள் பெயருக்கு ஆதாரம் தர உங்கள் ஐடி, ரேஷன் கார்டில் ஒன்றுமில்லை. அது போகட்டும், உங்கள் பெயரை 'இவ்வாறு; கூப்பிடுவார்கள், என்று சொல்கிறீர்கள். அவர்கள் யாவர் ? என சொல்ல முடியுமா "

"பொதுவாகப் பலர்....!"

ஒகே... விட்டுத் தள்ளுங்கள்.

நான் ஒரு முஸ்லிம், என் பெயர் அரபியில் இருக்கிறது. நீங்கள் ஒரு கிறிஸ்தவர். உங்கள் பெயரை "பலர்" சொல்லும் படி அழைக்கப்படும் உங்களுக்கு அது சொந்த மொழியா ? இல்லை வேத மொழியா ?

"இல்லை, எதுவும் இல்லை,நாங்களாக  பலவாறு வைத்துக் கொள்வோம்"

அது இருக்கட்டும் திருக்குர்ஆனை எடுத்துக் கொள்ளுங்கள். அவர்கள் இந்த குர்ஆனை (கவனமாக) சிந்திக்க வேண்டாமா, (இது) இறைவன் அல்லாத பிறரிடமிருந்து வந்திருந்தால், இதில் ஏராளமான முரண்பாடுகளை அவர்கள் கண்டிருப்பார்கள்' (அல்குர்ஆன் 4 : 82)இன்றளவும் எதுவும் மாறவில்லை, யாராலும் மாற்றிடவும் முடியாது. 

ஆக, உங்கள் பெயரையும் பலர் பல மொழிகளில் குறிப்பிடுகின்றனர். மூல மொழியில் இல்லாத, வெரும் மொழி பெயர்ப்பில் மட்டுமே, அதுவும் பலமுறை மாற்றப்பட்டு வரும் பைபிள் மாதிரி எனில் ஏற்றுக் கொள்வீர்களா ?நீங்கள் வெறும் மொழி பெயர்ப்பை மட்டும் வைத்துக் கொண்டு,ஒவ்வொரு முறை பிரிண்ட் செய்யும் போது மாற்றியும் விடுகிறீர்கள்.சில பல வசனங்களை தூக்கியும் விடுகிறீர்கள்.அதனாலும் பல முரண்பாடுகள் உள்ளன என்பதை ஒப்புக் கொள்கிறீர்களா?

ஆமாம் உண்மைதான்.

உதாரணமாக இஸ்ரவேல் மக்கள் மீது கடவுள் கோபம் அடைந்தாராம். இஸ்ரவேலருக்கு எதிராகத் திரும்பும் படி தாவீது ராஜா கடவுளால் ஏவப்பட்டாராம். இதனால் தாவீது ராஜா தனது சேனாதிபதியாகிய யோவாபிடம் இஸ்ரவேல் மற்றும் யூதா ஜனங்களின் தொகையை கணக்கெடுக்கும் படி ஆனையிட்டாராம். இதை பழைய ஏற்பாட்டின் 2 சாமுவேல் 24:1 பின்வருமாறு கூறுகின்றது:

'கர்த்தருடைய கோபம் திரும்ப இஸ்ரவேலின்மேல் மூண்டது. இஸ்ரவேல் யூதா என்பவர்களை இலக்கம் பார் என்று அவர்களுக்கு விரோதமாய்ச் சொல்லுகிறதற்கு தாவீது ஏவப்பட்டான்.' - 2 சாமுவேல் 24:1

இந்த வசனத்தில் கர்த்தருடைய கோபம் இஸ்ரவேலரின் மீது மூண்டதாகவும், அதன் தொடர்ச்சியாக இஸ்ரவேல் மற்றும் யூதா ஜனங்களின் தொகையை கணக்கிடும் படி தாவீது ராஜா கர்த்தரால் ஏவப்பட்டதாகவும் இந்த வசனம் கூறுகின்றது. ஆனால் இதற்கு மாற்றமாக 1 நாளாகமம் 21:1ம் வசனம் தாவீதை கணக்கெடுக்கும் படி தூண்டியது கர்த்தரல்ல, சாத்தானே தூண்டினான் என்று கூறுகின்றது:

'சாத்தான் இஸ்ரவேலுக்கு விரோதமாய் எழும்பி, இஸ்ரவேலைத் தொகையிடுகிறதற்குத் தாவீதை ஏவிவிட்டது' - 1 நாளாகமம் 21:1

இந்த வசனத்தில் தாவீதை இஸ்ரவேலருக்கு எதிராக திருப்பியது கர்த்தரல்ல சாத்தானே என்கிறது. ஆனால் 2 சாமுவேல் 24:1ம் வசனமோ கர்த்தர்தான் தாவீதை ஏவினார் என்கிறது. உன்மையில் தாவீதை இஸ்ரவேலர்களுக்கு எதிராக திருப்பியது சாத்தானா? அல்லது கர்த்தரா? சாத்தான் தான் தூண்டினான் என்றால் 2 சாமுவேல் 24:1ல் கர்த்தர் என்று சொல்லப்படுவது எப்படி? சாத்தானுடைய இடத்தில் எப்படி கர்த்தர் வந்தார்? அல்லது கர்த்தருடைய இடத்தில் சாத்தான் வந்தானா? இந்த இரண்டு வசனங்களில் எது சரி?

தாவீது ராஜா தனது சேனாதிபதியாகிய யோவாபிடம் போர்வீரர்களின் கணக்கெடுக்க சொல்கின்றார். ஆந்த கணக்கெடுத்த சம்பவத்தை பழையஏற்பாட்டின் இரண்டு இடங்களில் சொல்லப்பட்டுள்ளது. அதன் படி அவர் கணக்கெடுத்து தாவீதிடம் கணக்கை ஒப்படைத்தாராம்.

இஸ்ரவேலர்களில் உள்ள மொத்த போர்வீரர்கள் எத்தனைப் பேர்?

மொத்தம் '11 லட்சம் பேர்' என்று கணக்கு கொடுத்ததாக 1 நாளாகமம் 21:5 லும் அதற்கு மாற்றமாக மொத்தம் '8 லட்சம் பேர்' என்று கணக்கு கொடுத்ததாக 2 சாமுவேல் 24:9 லும் நேர் முரணாக சொல்லப்பட்டுள்ளது. உன்மையில் யோவாப் இஸ்ரவேலர்கள் பற்றி கணக்கெடுத்தது எவ்வளவு?

அதே யோவாப் யூதாவில் உள்ள மொத்த போர்வீரர்கள் எத்தனைப் பேர் என்றும் கணக்கெடுத்து தாவீது ராஜாவிடம் கொடுத்தாராம்.

யூதா கோத்திரத்தில் உள்ள மொத்த போர்வீரர்கள் எத்தனைப் பேர்?

மோத்தம் '4 லட்சத்து எழுபதினாயிரம் பேர் இருந்தார்கள்' என்று கணக்கு கொடுத்ததாக 1 நாளாகமம் 21:5 லும் அதற்கு மாற்றமாக மொத்தம் '5 லட்சம் பேர் இருந்ததார்கள்' என்று கணக்கு கொடுத்ததாக 2 சாமுவேல் 24:9 லும் நேர் முரணாக சொல்லப்பட்டுள்ளது. உன்மையில் யோவாப், யூதாக் கோத்திரத்தில் உள்ள போர்வீரர்களைப் பற்றி கணக்கெடுத்தது எவ்வளவு?

இந்த சம்பவங்களின் தொடர்ச்சியாக காத் என்பவன் தாவீதிடத்தில் கார்த்தர் சொன்ன செய்தியை சொன்னதாக சொல்லப்படுகின்றது. அந்தச் செய்தியில் சில வருடங்களுக்கு பஞ்சம் வராலாம் என்று சொன்னதாக சொல்லப்படுகின்றது. அது எத்தனை வருடம் என்று காத் தாவீதிடத்தில் சொன்னான்?

ஏழு வருடங்களுக்கு பஞ்சம் வரும் என்று சொன்னான் - 2 சாமுவேல் 24:13

இல்லை இல்லை மூன்று வருடங்களுக்கு பஞ்சம் வரும் என்று சொன்னான் என்று 1 நாளாகமம் 21:12 ல் சொல்லப்படுகின்றது. இதில் எது சரி?

சிலவற்றை மட்டுமே உதாரணமாக சொன்னேன்.பைபிளின் முதல் பக்கத்தில் இருந்து அதன் கடைசி பக்கம் வரை என்னால்,சொல்லிக் கொண்டே இருக்க முடியும்.

நீண்ட மௌனம்.அவரால் வாய் திறக்க இயலவில்லை.

எந்த மொழியாக இருந்தாலும்  அந்தந்த மொழிக் கென்று சில தனித் தனமைகள் இருக்கும், ஆங்கிலமோ, தமிழோ, அரபியோ எதுவாக இருந்தாலும்  சரிதான்.

ஒரு மொழியிலுள்ள வேதத்தையோ, இலக்கியங்களையோ  எவ்வளவுதான் திறமையுடன், பிற மொழிகளில் பெயர்த்தாலும் மூல நூலின் சாறை, எதார்த்தத்தை பிற மொழிகளில் அப்படி கொண்டு வந்திட முடியாது. எப்படியும் சிறிதேனும் கூடுதலோ குறைவோடுதான் மொழி பெயர்க்க முடியும். இல்லையா ?

ஆம் உண்மைதான்.

அப்படியானால் உங்கள் பையிள் மூல மொழியில் இல்லை என்பதனாலும் தன் ஒரிஜினலாட்டியை இழந்து விட்டது. உங்கள் பெயரைப் போலவே, சரிதானே!?

ஆமாம் ! ஏற்றுக் கொள்கிறேன், ஒவ்வொன்றுக்கும் ஒரு ஒரினினல் தன்மை இருக்கிறது என்பதை ஒத்துக் கொள்கிறேன். பைபிள் அந்த ஒரிஜினாலிட்டியை இழந்து விட்டதன் உண்மையை என் பெயர் மாற்றம் குறித்தும் சம்பந்தப் படுத்தி விளக்கியதற்கு நன்றி !

பரவாயில்லை சகோதரரே ! நமக்கென்று சில அடையாளங்கள் இருக்கின்றன,. அந்த அடையாளத்தை நாம் மாற்றி விடும்போது, அதன் மூலத் தன்மை போய்விடுகிறது. உதாரணமாக திருக் குர்ஆன் எந்த மொழியில் இறங்கியதோ அது இன்றும் பேசப்படுகிறது, போற்றப்படுகிறது. ஆனால், பைபிளோ இறக்கப்பட்டதோ ஒரு மொழி - அது இன்று இல்லை. பல்வேறு மாற்றங்களுடன் பல மொழிகளில் அதன் சுய  அடையாளத்தை  இழந்து  மாசுபட்டு கிடக்கிறது.மூலம் இல்லை என்பதால் அவரவர் மொழி வசதிக் கேற்ப,சுய பொருள் கொடுக்கப்பட்டு - சின்னா பின்னமாகி விட்டது. 

ஆனால், குர்ஆனைப் பொருத்த வரை மொழி பெயர்க்கப்படும்போது கூட, மூலம் என்ன சொல்கிறது என்பதைக் கண்டு, நாங்கள் மொழி பெயர்க்கிறோம். ஏனெனில், குரான் இறங்கிய அரபு மொழி இன்றும் உயிருடன் உள்ளது.

சரி,போதும் என எண்ணுகிறேன்,

உங்களுடன் உரையாடிது மிக்க மகிழ்ச்சி ! நன்றி !

இன்ஷா அல்லாஹ் தொடரும்

இப்னு அப்துல் ரஜாக்

(குறிப்பு : இந்த பதிவுக்கான சாரம் - சிராஜ் அப்துல் ஹை அவர்களின் நூலில் இருந்தும்,http://egathuvam.blogspot.com/ இருந்தும்  தழுவி எழுதப்பட்டது.)