நகர்ந்து கொண்டிருக்கும்இதே வரிசையில்தான்
நானும் நின்று கொண்டிருக்கிறேன்
இலக்கை நோக்கிய
இந்த நகர்வு
இடர்பாடுகளின்றித் தொடர்கிறது
இடையிடையே
குறுக்கே புகுந்தும்
சறுக்கி விழுந்தும்
இலக்கை அடைபவர்கள்
ஏராளம் வந்தாலும்
என் நகர்தலில் பாதிப்பில்லை
இந்த வரிசையில்
நிற்கத் துவங்கியது
எப்பொழுது என்று
நினைவிலில்லை என்றாலும்
இந்த அனிச்சை நகர்வு
ஓர் அசாதாரணத் தருணத்தில்
நின்றே தீரும்
என்பதைக் குறித்து
எதிர்வாதம் ஏதுமில்லை
என் முறைக்கானக் காத்திருப்பின்போது
ஞாபகங்கள் சூழ்ந்து கொள்கின்றன
வரிசையில் நகர்தலினூடேதான்
வாழ்வை நுகர்தலும் தொடர்ந்திருக்கிறது
பிறப்பென்றத் துவக்குமும்
வளர்ப்பென்றத் தொடர்தலும்
கற்றல் விதிகளும்
காதல் களிகளும்
பரஸ்பரம்
ஆடையாய் அமைய வாய்த்தவளோடான
சுக துக்கங்களும்
குளிரூட்டப்பட்ட அறையிருப்புகளும்
உயிரூட்டப்பட்ட வாரிசுகளும்
இனம் பெருக்கியதும்
இடம் பெயர்ந்ததுவும்
சினேகிதர்களுடனான
மாறுபட்ட காலகட்டங்களும்
தேடல் சுவாரஸ்யங்களும்
தெளிவில்லா அனுமானங்களும்
எதிர்ப்பார்ப்புகளும் ஏமாற்றங்களும்
காத்திருப்புகளும் கைவிடுதல்களும்
மெய்வருத்தி வாங்கிய கூலியும்
மேம்படுத்திச் சேர்த்தச் செல்வமும்
என
எல்லாம்
எடுத்துச் செல்லவியலாத
சுமைகளாகப்
பின் தங்கிவிட...
என்
எண்ணங்களும் செயல்களும் மட்டுமே
என்னுடன் மீளும்
தவிர்க்க முடியாத
அத் தருணம் மட்டுமே
முற்றுப் புள்ளியில் துவங்கும்!
சபீர் அஹ்மது அபுஷாஹ்ரூக்
9 Responses So Far:
//என
எல்லாம்
எடுத்துச் செல்லவியலாத
சுமைகளாகப்
பின் தங்கிவிட...
என்
எண்ணங்களும் செயல்களும் மட்டுமே
என்னுடன் மீளும்//
சத்தியமான வார்த்தைகள்.
//தவிர்க்க முடியாத
அத் தருணம் மட்டுமே
முற்றுப் புள்ளியில் துவங்கும்!//
"முற்றுப் புள்ளியில் முடியும்" என்று படிக்க இருந்த எனக்கு ஷாக்!
தொடர்ந்து "துவங்கும்" என்றுக் கூறி சிந்திங்க வைத்துவிட்டீகள் ஜோ!
கடைசி வரிகள் கப்ர் ஜியாரத் செய்ததுபோல் இருந்தது.
ஜசாகல்லாஹு ஹைரன் வால் ஆஃபியா.
//எண்ணங்களும்செயல்களும்மட்டுமேஎன்னுடன்மீளும்//சிந்திக்கவைக்கும்வரி .
//எண்ணங்களும்செயல்களும்மட்டுமேஎன்னுடன்மீளும்//சிந்திக்கவைக்கும்வரி .
ஜோ,
ஃபாரூக் மாமா
ஜஸாக்கல்லாஹ் க்ஹைர்
மறுமை வாழ்வின் துவக்கம் இம்மையின் முற்றுப்புள்ளியே என்ற தெளிவு நம் ஒவ்வொருவருக்கும் இருக்க வேண்டும் என்பதே நான் சொல்ல வந்த செய்தி.
வரிசையில் நிற்பவர்களில் கவுண்டரை நெருங்கிக் கொண்டிருப்பவர்களில் நானும் ஒருவன் என்ற எண்ணம் ஏற்படுகிறது என்பதைவிட இந்தக் கவிதை ஏற்படுத்துகிறது.
இந்த எண்ணத்தை ஏற்படுத்தியதில் இந்த கவிதைக்கு வெற்றி.
அதே நேரம் உள்ளுணர்வை தட்டி எழுப்பி இருக்கிறது என்பதையும் சொல்லவேண்டும்.
Assalamu alaikkum
Dear brother Mr.Sabeer AbuShahruk,
Good reminder of non stop moving towards ultimate point. (The hearafter).
Jazakkumullahu khair
B.Ahamed Ameen from Dubai.
Assalamu alaikkum
Dear brother Mr.Sabeer AbuShahruk,
Good reminder of non stop moving towards ultimate point. (The hearafter).
Jazakkumullahu khair
B.Ahamed Ameen from Dubai.
Post a Comment