கல்வி தாகம் 1: TNPSC Group 1 பற்றி கூடுதல் விளக்கம் 20

TNPSC Group 1 பற்றி கூடுதல் விளக்கம்.

நம் சமுதாயத்தை சேர்ந்த மிகச்சிலரே TNPSC Group1 மூலமாக DSP, துனை கலெக்டர் போன்ற பதவிகளை பெற்றவர்கள். பின்பு பணிமூப்பு அடிப்படையில், புரோமோசன் பெற்று மாவட்ட ஆட்சித் தலைவாராகவும், மாவட்ட காவல்துறை கண்காணிப்பாளாராகவும் ஆனவர்களும் உண்டு.

TNPSC Group1 தேர்வுமுறை UPSC-Civil Service Exam போல இருந்தாலும் சில வேறுபாடுகள் உண்டு. மேலும் தமிழ்நாடு அளவில் நமக்கு இடஒதுக்கீடு இருப்பதால், இந்த தேர்வில் அதிகம் கவணம் செலுத்துவது பயன் அளிக்கும்.

Preliminary Exam. (Prelim)

இந்த Prelim Exam போட்டியாளர்களின் எண்ணிக்கையை குறைப்பதற்காகவே நடத்தப்படுகின்றது, அதாவது வடிகட்டும் தேர்வு. இதில் TNPSC group1 பொருத்தமட்டில் ஒரு பரிட்சைதான். அதிலும் 'பொது அறிவு (GK)' பற்றிய வினாக்களே இடம் பெறும். இதற்க்கு 300 MARKS உண்டு. (For Syllabus and more details Visit www.tnpsc.gov.in)

TNPSC Group1 தேர்வின் முக்கியத்துவம்.

இந்த வருடம் கிட்டதட்ட 93000 பேர் TNPSC Group1 Prelim பரிட்சை எழுதியதாக சொல்கின்றார்கள். ஆனால் நிறப்ப வேண்டிய காலி இடம் 61 மட்டுமே! (DSP. Dep Collector உட்பட) அதாவது பரிட்சை எழுதிய நபர்களில் 0.065% சதவித பேருக்கு மட்டுமே வேலைகிடைக்க வய்ப்பு உள்ளது. சராசரியாக 1 வேலைக்கு 1524 பேர் போட்டி போடுகின்றார்கள் (Ratio 1:1524). இதிலிருந்து இந்த அதிகார வேலைவாய்ப்புகளின் முக்கியத்துவத்தை தெரிந்து கொள்ளலாம். எனவே அதிகாரமில்லா வேலையாகவோ அல்லது பதவியாகவோ இருந்தால் இத்தனை பேர் போட்டி போடுவார்களா?. இப்போது தெரிந்திருக்குமே!  இப்பதவி எவ்வளவு முக்கியம் என்று!. ஆனால் நம் சமுதாயமோ போட்டி என்றால், உடனே ஒதுங்கும் முதல் சமுதாயமாக இதுநாள்வரை இருந்ததினால், இதனால் நாம் இழந்தது ஒன்றல்ல!. முன்பு முஸ்லிம்களாகிய நம்வசம் இருந்த 800 வருட ஆட்சியை இழந்தோம்!. தற்போது இதுபோன்ற தேர்வினை ஒதுக்கியதால் தற்போது அதிகாரத்தையும் இழந்து நிற்கின்றோம்!.

ஒரு காலத்தில் குறிப்பிட்ட சாதியை சேர்ந்தவர்கள் மட்டுமே இந்த வேலைக்கு தகுதியானவர்கள் என்ற நிலை மாறி, தமிழ்நாடு முழுவதும் இந்த அதிகாரம் பொருந்திய வேலைக்கு போட்டா போட்டி நிலவுகின்றது. நம் சமுதாயம் மட்டும், பணம் சம்பதிப்பது மட்டுமே நோக்கமாக வெளிநாட்டுக்கு போக பஸ்போர்ட் எடுப்பதில் குறியாக உள்ளது. இப்போது ஓரளவு விழிப்புணர்வு உள்ளதால் இனிவரும் காலங்களில் இந்த 93,000 பேர்களில் நிச்சயமாக நம் சமுதாயத்தை சேர்ந்தவர்களும் இருப்பார்கள், நமது ஊரை (அதிரை) சேர்ந்தவர்களும் இருபார்கள் என்றால் நமக்கு அது மிக்க சந்தோசமே!.

இவர்களில் இருந்து Prelim பரிட்சை எழுதியவர்கள் காலியாக உள்ள மொத்த இடங்களின் அடிப்படையில் 1:10 என்ற விகிதாசார அடிப்படையில் பொதுவாக அடுத்த கட்ட மெயின் தேர்வுக்கு தகுதி பெறுவார்கள். Prelim தேர்வு எழுதியவர்களின் எண்ணிக்கை அதிகமாக இருப்பதாலோ என்னவோ, இப்போது TNPSC 1:20 என்ற எண்ணிக்கையில் மெயின் தேர்வுக்கு தெரிவு செய்துள்ளார்கள். அதாவது மொத்த காலி இடங்கள் 61 என்றால் 1220 பேர் மெயின் தேர்வு எழுதுவதற்கு தகுதி பெறுவார்கள். இப்போது approximately 1300 பேர் மெயின் தேர்வுக்கு தகுதி பெற்றுள்ளார்கள் 1:20 ratio க்கு கூடுதலாக வருதே என்று எல்லாம் கேட்க கூடாது. ஒரே மதிப்பெண் பலர் எடுக்கும் போது இந்த எண்ணிக்கை வித்தியாசம் வரும்.

Main Exam & Interview (முக்கிய தேர்வு)

Group1 - MAIN EXAM - (For Syllabus and more details Visit www.tnpsc.gov.in ) இதில் இரண்டு பரிட்சை உண்டு. ஒவ்வொறு Paper ம் 300 மதிப்பெண். (600 Marks) இந்த தேர்வு மிக முக்கியமானதாகும். இதிலும் இதன் பின்பு நேர்கானலிலும்( Interview) 80 மதிப்பெண் எடுக்கும் 600+80 மதிப்பெண் மட்டுமே கணக்கில் எடுத்துக்கொண்டு உங்களுக்கு ரேங்க் வழங்கப்படும். இது மாதியான தேர்வுகளை எழுதும் போது நேர பற்றக்குறை பெரும் பிரச்சனை. நமதூர் கல்லுரி (KMC) பேராசிரியர்களில் சிலர் மெயின் தேர்வுவரை வந்தவர்கள் உண்டு, அவர்களின் அனுபவத்தையும் பயன்படுத்திக்கொள்ளலாம்.

தேர்வுக்கு தயாராகும் சகோதரர்களுக்கு சில ஆலோசனைகள்.

1. வெற்றி பெறுவோம் என்ற நம்பிக்கைதான் உங்களின் முதல் ஆயுதம்.

2. திட்டமிடல்.

3. கடின உழைப்பு(படிப்பு),

4. குழுபடிப்பு பயன் அளிக்கும் (நாம் சேரும் நபரை பொறுத்தது).

5.பரிட்சைக்கு உரிய Syllabus (பாடம்) நன்றாக தெரிந்து கொண்டு முழுமையாக படிப்பது.

6. TNPSC group1 பரிட்சையில் வெற்றிபெற்றவர்களின் ஆலோசனை.

7. ஆங்கில அறிவு (லிட்டரேச்சர் அளவு எல்லாம் தேவையில்லை)

8. முழு தயாரிப்புகளுக்கு (Preparation) பிறகு, பழைய TNPSC Group1 & UPSC Civil Service தேர்வுகளில் கேட்கப்பட்ட கேள்வி தாள்களை Refer பண்ணுவது முக்கிய பலன் அளிக்கும்.

தேர்வில் நேர பற்றாக்குறையால் ஏற்படும் பிரச்சனையை தவிர்த்துக் கொள்ள இது மாதிரியான தயாரிப்புகள் உதவும். பல நபர்களுக்கு எல்லா கேள்விகளும் பதில் தெரிந்திருந்தாலும் நேரபற்றாக்குறையால் பதில் அளிக்க முடியாமல் போய்விடுகின்றது.

Prelim தேர்வில் தேர்ந்தெடுக்கபட்டவர்களுக்கு வரும் ஜனவரி மாதம் (2011) முக்கிய தேர்வு (Main Exam ) நடைபெறவுள்ளது. நாம் இனி கலந்துக்கொள்ள முடியாது. இந்த Prelim தேர்வில் கலந்துக்கொண்டு மெயின் தேர்வுக்கு தேர்ந்தெடுக்கப்பட்டவர்களில் நம் (அதிரை) சகோதர்கள் யாராவது இருப்பார்கள் என்று நம்புவோம்.

இப்போதிலிருந்தே நாம் அடுத்த ‘தமிழ்நாடு அரசின்’ அறிவிப்புக்கு காத்திருக்கவேண்டும். தமிழ்நாடு அரசின் காலி இடங்களுக்கான அறிவிப்பு வெளியாகலாம். அதோடு TNSPSC group1 தயார்படுத்தலிலும் இப்போதே ஈடுபடவேண்டும். கல்லுரிகளில் முதல், இரண்டாம், மூன்றாம் ஆண்டு படிக்கும் மாணவர்கள் மட்டும் அல்லாமல். வேலையில் உள்ள (உள்நாடு,வெளிநாடு) தகுதியுள்ள சகோதரர்கள் முயற்சியில் ஈடுபடலாமே. முஸ்லிம்களுக்கு 35 வயதுவரை சலுகை உண்டு!.

முயற்சித்தால் வெற்றி (இன்ஸா அல்லாஹ்!)

 "நம் சமுதாயம் விழித்துக் கொள்ள வேண்டிய" தருணம் இது, நான் படித்து தெரிந்து கொண்டதைதான் சொல்லியுள்ளேன். நான் தொகுத்து தந்துள்ளதை விட நீங்கள் அதிகமாக அறிந்தவர்களாக இருக்கலாம். அல்லது நான் பதிந்த கருத்தில் பிழை இருக்கலாம். இருந்தால் சுட்டிகாட்டவும். நம் சமுதாயத்தின் பயன் தான் முக்கியம்.

சகோ. முகமது அலி IPS, பேராசிரியர் ஆபிதீன், CMN சலீம் போன்ற பலர் இந்த விசயத்தில் நிபுணத்துவம் பெற்றவர்களாக உள்ளார்கள். ஆர்வம் உள்ளவர்கள் அவர்களின் ஆலோசனை பயன் படுத்திக்கொள்ளலாம்.

வரும் ஜனவரியில் நம் ஊரில் நடைபெறவுள்ள கல்வி விழிப்புணர்ச்சி மாநாடு வாயிலாக உண்மையான ஒரு எழுச்சி எற்படவேண்டும். இன்ஸாஅல்லாஹ்! ஏற்படும் என்று நம்புவோம்.

-- அதிரை மீரா

நன்றி: அதிரை முஜீப்.காம்