இஸ்லாத்தில் பெண்கள் 10

அன்பான சகோதர சகோதரிகளே, அஸ்ஸலாமு அலைக்கும்

இஸ்லாத்தில் பெண்களுக்கு சுதந்திரமில்லை, உரிமையில்லை, இஸ்லாம் பெண்ணடிமையை தூண்டுகிறது என்றேல்லாம் இன்று புலம்பி பிழைப்பு நடத்திவரும் மேற்கத்திய மேதாவிகளுக்கு பதில் தரும் விதமாக, உலக புகழ் பெற்ற இஸ்லாமிய பேச்சாளர் சகோதரர் காலித் யாஸீன் அவர்கள் ஆற்றிய செற்பொழிவுகளிலிருந்து ஒரு சில பகுதியை உங்களிடம் பகிர்ந்துக்கொள்கிறோம்.

இச்சொற்பொழிவு ஆங்கிலத்தில் இருந்தாலும், குறைந்த ஆங்கில அறிவு உள்ளவர்களுக்கும் புரியும்படி உள்ளது. உணர்ச்சிபூர்வமான சொற்பொழிவை அனைவரும் நிச்சயம் கேட்க வேண்டும். இறைவனின் மார்க்கமான இஸ்லாம் மட்டும் தான் பெண்களுக்கு பாதுகாப்பு தரும் மார்க்கம் என்பதை மேற்கத்திய கலாச்சார மேதாவிகள் புரிந்துக்கொள்ளட்டும்.

சில மாதங்களுக்கு முன்பு தினமல(ம்)ர் என்ற நாளிதழில் நபிகளால் சொன்னது என்று ஒரு செய்தியில் பாதி ஹதீஸ்களை மட்டும் பதிந்துவிட்டு ஒர் தவறான கருத்தோட்டத்தை இஸ்லாத்தின் மீது தினிக்க முயன்றது அல்லாஹ்வின் உதவியால் அது எடுபடவில்லை. இச்செய்தியை ஒர் இஸ்லாமிய இணையதளமும் அவைகள் முழுமையான ஹதீஸ்கள் இல்லை என்று அறியாமல் வெளியிட்டது. இதனால் குழப்பம் அடைந்த நம் சகோதரிகள் சிலர் தமிழ் இணைய குழுமங்களில் கேள்விகளை கேட்க ஆரம்பித்துவிட்டார்கள் இஸ்லாம் பெண்ணடிமையை தூண்டுகிறது என்று. இவை தினமலரில் வெளியான செய்தி, ஆதாரமற்ற முழுமைபெறாத செய்தி என்று  நாம் தெளிவாக்கியதோடு அல்லாமல் இந்த இஸ்லாமிய  சொற்பொழிவையும்  அனுப்பிவைத்தோம்,  இஸ்லாத்தின் மீதான அச்சகோதரிகளின் சந்தேகங்கள் தீர்க்கப்பட்டது.

இதை எதற்காக சொல்லுகிறோம் என்றால் இஸ்லாம் தொடர்பான எந்த செய்தியும் மீள் பதிவு செய்யும் போது அச்செய்திகள் சரியான தகவல்களுடன் உள்ளனவா என்பதை அளசி ஆராய்ந்து வெளியிடுவது நல்லது. இல்லாவிட்டால் அதுவே காலப்போக்கில் இணைய தேடல்களில் தேடுபவர்களுக்கு இஸ்லாமியர்களின் இணையத்தளங்களிலிருந்து ஆதாரம் உள்ளது என்று எடுத்துக்காட்டி இஸ்லாத்தை பற்றி தவறாக விமர்சனம் செய்வதற்கு நாமே ஒர் பாதை அமைத்து கொடுத்ததுபோல் ஆகிவிடும். அல்லாஹ் பாதுகாப்பானாக.

-- அதிரைநிருபர் குழு

நன்றி: அதிரை TV