கல்வியும் கற்போர் கடமையும் ! - குறுந்தொடர் - 2 6

பாடப் பிரிவைத் தேர்வு செய்தல்:

10ஆம் வகுப்பு வரை பொதுப் பாடத்திட்டமே இருப்பதால் அதுவரை மாணவர்களுக்கு எவ்வித குழப்பமும் இருப்பதில்லை. 10ஆம் வகுப்பு (S.S.L.C. Metric., O.S.L.C.,) தேர்ச்சி பெற்ற பின்னர் மேல்நிலை வகுப்பில் சேரும் போதோ அல்லது மேல்நிலைத் தேர்வு (+2) தேர்ச்சி பெற்ற பின்னர் கல்லூரியில் சேரும் போதோ எந்தப் பாடப்பிரிவை (Group) தேர்ந்தெடுத்து படிப்பது என்பதில் பலருக்கு குழப்பம் ஏற்படுகிறது. குரூப்பை தேர்ந்தெடுப்பதில் பலருக்கு தெளிவான இலக்கு ஏதும் இருப்பதில்லை. இந்த விஷயத்தில் பெற்றோர்களும் தங்கள் பிள்ளைகளைக் குழைப்பி விடுகிறார்கள். கணிதப் பாடத்தில் ஈடுபாடு இல்லாத ஒரு மாணவனை இன்ஜினீயராக்கும் ஆசையில் அவனுடைய பெற்றோர்கள் கணிதப் பாடத்தை எடுத்துப் படிக்க வலியுறுத்துவார்கள். பெற்றோரின் வலியுறுத்தலினால் அப்பாடத்தைத் தேர்ந்தெடுத்துப் படித்து அதற்கு தாக்குப் பிடிக்க முடியாமல் சிரமத்துக்குள்ளாகி பாதியிலே படிப்பைக் கைவிட்ட மாணவர் பலவரை நான் பார்த்திருக்கிறேன்.

ஒவ்வொருவருக்கும் எதிர்கால இலட்சியம் என்ற ஒன்று நிச்சயமாக இருக்கும். I.A.S.அதிகாரி, I.P.S.அதிகாரி, இன்ஜினீயர், டாக்டர், வங்கி அதிகாரி, ஆசிரியர், வழக்கரிஞர், விஞ்ஞானி, தொழிலதிபர் இவற்றி எது தனது இலட்சியம் என்பதை 9ஆம் மற்றும் 10ஆம் வகுப்பு படிக்கும்போதே தீர்மானித்துக் கொள்வது நல்லது. அறிவியல் பாடப்பகுதி முக்கியமா ? கலைப் பாடப்பகுதி முக்கியமா? இப்படப் பகுதி கடினமாக இருக்குமா ? எளிதாக இருக்குமா ? வேலை வாய்ப்புக்கு இது உதவுமா? உதவாதா ? போன்ற கேள்விக் கணைகளில் சிக்கி மாணவர்கள் தங்களைக் குழப்பிக் கொள்ளக் கூடாது. தாங்கள் முன்னரே முடிவு செய்து வைத்துள்ள இலக்கை அடைய எந்தப் பாடப் பகுதி தேவை என்பதை நல்ல கல்வியாளர் ஒருவரிடம் கலந்தோசித்து அந்தப் பாடப்பகுதியைத் தேர்வு செய்வதே நல்ல அணுகுமுறையாகும்.

தற்கால உயர் கல்வித் திட்டத்தில் வேலை வாய்ப்புக்குப் பெருதும் உதவக் கூடிய எத்தனையோ புதிய பாடப் பிரிவுகளெல்லாம் அறிமுககப்படுத்தப்பட்டுள்ளன Computer Science, Computer Applications, Information Technology, Bio-Technology, Micro Biology, Visual Comunications, Catering Technology இதுபோல் எத்தனையோ உள்ளன. மாணவர்கள் தங்கள் விருப்பம், தகுதி, குடும்பச் சூழ்நிலை இவற்றைக் கருத்தில் கொண்டு இவற்றில் ஒன்றைக் கூடத் தேர்வு செய்து கொள்ளலாம்.

நூலகப் பயண்பாடு:

'யாசித்தாவது வாசித்துப் பழகு' என்பது ஓர் அறிஞனின் கூற்று. ஆர்வத்தோடும், ஆசையோடும் புத்தகங்களை வாசிக்கும் பழக்கம் மாண்வர்களிடம் வர வேண்டும். பாடப் புத்தங்களை மட்டும் படித்தால் போதும் என பல மாண்வர்கள் நினைக்கிறார்கள். அந்நினைப்பு சரியானதன்று, குறிப்பிட்ட கால வரம்பிற்குள் முடிக்கப்பட வேண்டும் என்ற திட்டத் தோடு எழுதப்பட்டவைதான் பாடப் புத்தகங்கள். அவை தேர்வுக்கு ஓர் அளவு உதவலாம். அறிவை ஆற்றலையும் வளர்த்துக் கொள்வதற்கு அவை மட்டும் போதாது. பாடத் தோடு தொடர்புடைய வேறு ப நூல்களையும், பாத்துக்கு அப்பாற்பட்ட சில நல்ல நூல்களையும் படிக்கின்ற பழக்கத்தை ஏற்படுத்திக் கொள்ள வேண்டும். இதற்குப் பெரிதும் பயண்படுவது நூலகங்கள்தாம். எனவே மாணவர்கள் தங்கள் கல்விக் கூடங்களில் உள்ள நூலகங்களையும், மற்ற பொது நூலகங்களையும் அதிகம் பயன்படுத்திக் கொள்வது மிக அவசியம்.

தேர்வுகள்:

அரசுப் பாடத்திட்டத் தேர்வுகளில் தோற்றுப் போகிறவர்களெல்லாம் வாழ்கையில் தோற்றுப் போகிறவர்கள் அல்லர் என்பது பொது விதியாக இருப்பினும் இன்றையக் காலகட்டத்தில் தேர்வில் ஜெயிப்பவரே வாழ்க்கையில்ல் ஜெயிப்பவராக இருக்க முடிகிறது. எனவே கல்வி கற்கும் மாண்வர்கள் தேர்வுக்கு முக்கியத்துவம் அளிக்க வேண்டியது அவசியமாகிறது. அவர்கள் தேர்வை துணிவோடு எதி கொள்ள முன்வர வேண்டும்.

வேண்டாமே தாழ்வு மனப்பான்மை:

தேர்வு வெற்றிக்கு முதல் எதிரியே தாழ்வு மனம்ப்பான்மை தான். அதை முதலில் அகற்ற வேண்டும். நம் நாட்டின் குடியரசித் தாலைவராக இருந்த டாக்டர் அப்துல் கலாம் அவர்கள் அனுசகிதி விஞ்ஞானியாக விளங்கிய போதும் குடியரசுத் தலைவராக பதவியேற போதும். அதன் பின் பல விழாக்களில் பங்கேற்ற போதும் ஒரு குறட்பாவை அடிக்கடி சொல்லிக் காட்டியதோடு 1330 திருக்குறட்பாக்களிலும் தனக்கு மிகவும் ப்டித்த ஒன்றாக அதனைக் குறிப்பிடிகிறார். அந்த குறட்பா என்ன தெரியுமா ?

"வெள்ளத் தனையது மலர்நீட்டம் மாந்தர்க்கு

உள்ளத் தனையது உயர்வு"

தடாகத்திலுள்ள பூவின் தண்டானது தடாகத்தில் நீர் மட்டத்திற்கேற்ப உயர்ந்து நிற்பது போல மனிதர்களின் முன்னேற்றம் அவர்களின் மனத் திடத்தைப் பொறுத்தே அமையும் என்பதே இக்குறட்பாவின் கருத்தாகும். "எண்ணம் போல் வாழ்வு" என்ற சொற்றொடரும் இக்கருத்தைதானெ உணர்த்துகிறது.

வேண்டு உயர் நோக்கம்:

பொதுவாக வாழ்வில் உயர விரும்பும் மனிதர்களுக்கு மேற்கண்ட குறள் வழிகாட்ட வல்லது எனினும், சிறப்பாக, கல்வி பயில்கிற மாணவச் சமுதாயத்துக்குப் பெரிதும் நம்பிக்கை ஊட்டக் கூடியது. உயர்கல்வி பெற்று உன்னத நிலையடைய விரும்பும் மாணவர்கள் தங்களிடமுள்ள தாழ்வு மனப்பான்மையை நீக்கி, 'என்னால் முடியும்' என்ற நம்பிக்கையை உள்ளத்தில் உறுதியாகக் கொள்ள வேண்டும். எப்படியும் 35% மதிப்பெண்கள் பெற்றுத் தேர்வில் தேர்ச்சி பெற்று வெற்றி பெற்றுவிடுவேன் என்ற தாழ்வு மனப்பான்மை வேண்டவே வேண்டாம். இத்தகைய தாழ்வு மனப்பான்மை தேர்ச்சிக்கு பதிலாக தோல்வியைத் தந்து விடலாம். 100% மதிப்பெண்கள் பெற்று வெற்றி பெறுவேன் என்ற உறுதியோடு அதற்கேற்ப தங்களின் செயல்பாட்டை அமைத்துக் கொண்டால் 80% - 90% அளவிலாவது வெற்றி அமையும்.

தொடரும்...

- SKM ஹாஜா முகைதீன் M.A. Bsc., BT.

 (முன்னால் தலைமையாசிரியர். கா.மு. மேல்நிலை பள்ளி, அதிரை)