சிரியாவில் நடப்பது என்ன? - பகுதி 3 4

அல்லாஹ்வின் திருப்பெயரால்.

கடந்த சில மாதங்களுக்கு முன்பு சிரியாவில் நடப்பது என்ன என்ற தலைப்பில் இரு பதிவுகள் part1 மற்றும் part2 பதிந்திருந்தோம். ஏதோ அரேபிய புரட்சி (ARAB SPRING) என்று ஒரு விளையாட்டாக உலக நாடுகள் சிரியாவில் ஆட்சியாளன் பஸ்ஸாருல் அட்டுழியங்களை ஊடங்களின் மூலம் உண்மை செய்திகளை மக்கள் பார்வைக்கு தர மறுக்கிறார்கள். இதில் இந்திய ஊடகங்களுக்கு சொல்லவே தேவையில்லை. 

ஐ.நா. சபையின் அறிக்கைப்படி, சிரியாவில் பஸ்ஸாரின் கொலைவெறிக்கு இது வரை 60,000 மக்கள் பலியாகியுள்ளார்கள். ஆனால் கொல்லப்பட்டவர்களின் எண்ணிக்கை பல்லாயிரம் என்பதாக சிரியாவின் ஆட்சியாருக்கு எதிராக போராடி வரும் Free Syrian Army தரப்பிலிருந்து தெரிவிக்கப்படுகிறது.

இதுவரை 3500க்கும் மேல் குழந்தைகள் கொல்லப்பட்டுள்ளார்கள்.

இதோ ஒரு குழந்தையின் சோகமான வாழ்க்கையை கேளுங்கள். ஆங்கிலத்தில் மொழி பெயர்ப்புடன்கூடிய காணொளி.

சிரியாவில் குழந்தைகளின் அன்றாட வாழ்வினை தாய், தந்தை, சகோதரர், சகோதரி மற்றும் உறவினர்களை இழந்த குழந்தைகள் விவரிக்கிறார்கள். இதில் 11 வயது அஹ்மதுடைய சோகச் செய்திகளுக்கும், 5 வயது மலக் என்ற பெண் குழந்தை தன்னுடைய தாய் எப்படி கொல்லப்பட்டார் என்பதை விவரிப்பதற்கும், 10 வயது அப்துல்லா மற்றும் 11 வயது ஃபைசன் ஆகியோரின் கோபத்துடன் கூடிய கேள்விகளுக்கும் பதில் தான் என்ன?

நேற்று முன் தினம் அல்ஜஜீரா செய்தியில் போதிய மருத்துவ வசதியின்மையால் குழந்தைகளே பாதிக்கப்பட்டுள்ளார்கள். இந்த காணொளியை பாருங்கள்.

மிகப்பெரிய மார்க்க மேதைகளை உருவாக்கிய இந்த சிரியா நாட்டில் முஸ்லீம்களுக்கு இழைக்கப்படும் கொடுமைகளுக்கும் நாம் செய்ய வேண்டிய பரிகாரம் அவர்களுக்காக துஆ செய்வது தான் இத்தருணத்தில் கட்டாயம் தேவை.

யா அல்லாஹ்! சிரியா முஸ்லீம் மக்களுக்கு பொறுமையை வழங்குவாயாக… 

யா அல்லாஹ்! பெற்ற தாய் தந்தையர்கள், பிள்ளைகள் இழந்து வாடும் சிரியா மக்களுக்கு மன நிம்மதியை அளித்தருள்வாயாக.. யா அல்லாஹ்! அவர்களுக்கு நல்லருள் புரிவாயாக..

யா அல்லாஹ்! இந்த அசாத் பஷாரை தண்டிப்பாயாக…! உன்னுடைய சாபத்தை அவன்மீது உண்டாக்குவாயாக…

யா அல்லாஹ்! சிரியாவில் குர்ஆன் சுன்னாவை நிலைநாட்ட அஹ்லுல் சுன்னத்துவல் ஜமாத்து உம்மத்திற்கு வெற்றியை தந்தருள்வாயாக...

நம் ஒவ்வொருவரின் பிரார்த்தனையிலும் சிரியாவில் வாழும் முஸ்லீம்கள் அனைவரின் பாதுகாப்பிற்காக எல்லாம் வல்ல அல்லாஹ்விடம் கையேந்துவோம், இதுவே நாம் அவர்களுக்கு செய்யும் மிகப்பெரிய உதவி…. அந்த மக்களுக்காக பிரார்த்தனை செய்யுமாறு உங்கள் அனைவரையும் உருக்கத்துடன் கேட்டுக்கொள்கிறோம்.

 அதிரைநிருபர் பதிப்பகம்