மாநாட்டு துளிகள்: 14.01.2011 14

அல்லாஹ்வின் மாபெரும் கிருபையினால், அதிரையில் ஏற்பாடு செய்யப்பட்டுள்ள கல்வி விழிப்புணர்வு மாநாடு இன்று வெள்ளிக்கிழமை இந்திய நேரம் காலை ஒன்பது மணிளவில் தொடங்கியது.

** நிகழ்ச்சியின் தொடக்கமாக பேராசிரியர் ஆபிதீன் அவர்கள், “உனக்குள் உன்னைத்தேடு” என்ற தலைப்பில் கல்வி குறித்த செயல் விளக்கத்தினை படசெய்தி மூலம் அழகுற விளக்கி கூறினார். மேடையில் மட்டும் நின்று பேசிவிட்டு செல்லாமல், மாணவர்கள் மத்தியிலே நின்று வகுப்பறையில் பாடம் எடுப்பது போன்று தன் உரையை அவர் நிகழ்த்தியது சற்று வித்தியாசமாகத்தான் இருந்தது.

** தவளை,பறவை, போன்றவைகள் எப்படி முயற்சிசெய்து அவை தங்கள் வாழ்வை அமைக்கின்றது என்றும், மாணவர்களான நாமும் அதுபோல் முயற்சியை அமைக்க வேண்டும் என்றும் கூறி மாணவர்களுக்கு ஊக்கதினை அளித்தார்.

** இந்த நிகழச்சிக்கு சுமார் 300 மாணவிகளும், சுமார் நூறு மாணவர்களும் கலந்து கொண்டனர். ஆண்களெல்லாம் அயல்நாடு சென்று விட்டதால், இனி இவர்களை நம்பி பயன் இல்லை என்று வீறுகொண்டு எழுந்த என் சகோதரிகளின் எண்ணிக்கையை கண்டு நான் வியக்கின்றேன்.

** மாநாட்டில் கலந்த கொண்ட மாணவ மாணவியர்களுக்கு மதியம் உணவு வழங்கப்பட்டது.

இனி மாலை நான்கு மணிக்கு இரண்டாம் அமர்வு.

ஆனந்த குமார் என்ற மாணவன் பிறவியிலேயே பார்வை அற்றவர். ஆனால் அவர் பெற்ற மதிபென்னோ 1125 / 1200 ஆகும். இவரால் சாதிக்க முடிந்ததை உங்களால் ஏன் முடியாது என்று மில்லியன் டாலர் கேள்வியை முன் வைத்து தனது மாலை நேர அமர்வை பேராசிரியர் ஆபிதீன் "அரியவகை படிப்புக்களை" தொடங்கிவைத்தார். 

தற்போதுள்ள படிப்புகளை நாம் ஐந்துவகையாக பிரிக்கலாம் என்றும் அவைகள்:

• சாகச படிப்புகள்.
• எதிர்காலமுள்ள படிப்புகள்.
• சுயதொழில் படிப்புகள்.
• சேவைப்படிப்புகள்.
• குறைந்தகால சான்றிதழ் படிப்புகள்

மேலும் அறியவகை படிப்புகளாக இவர் பரிந்துரைத்த படிப்புகள்:

• பாதுகாப்பு துறை டிபன்ஸ் சர்வீஸ் (இந்திய அரசாங்கம் அதிகம் செலவழிக்கும் துறை.)
•  இணைய காவலர்கள். 
• பாரன்சிக் சயின்ஸ். 
• கிரிமினாலாஜி. 
• பைலட். 
• ஏரோநாட்டிக்ஸ் எஞ்சினியரிங். 
• டிடெக்டிவ் ஏஜென்ட். 
• மீன்பிடி கப்பல் பயிற்சி. 
• இன்டகிரேட் சயின்ஸ். 
• உயர்தொழில்நுட்பம். 
• பயோ டெக்னாலாஜி. 
• நானோ டெக்னாலாஜி. 
• மெடிக்கல் பயோ இன்ஜினியரிங் டெக்னாலாஜி. 
• கணக்கியல். 
• பயோ இன்பெர்மேட்டிவ் டெக்னாலாஜி. 
• இன்பர்மேசன் டேச்னாலாஜி. 
• அஸ்ட்ரானாலஜி. 
• பேஷன் டெக்னாலஜி. 
• போரன்சிக் அக்கவுண்டிங். 
• டிசைனிங். 
• ஸ்டேட்டிஸ்டிக். 
• கம்பெனி செக்ரடரீஸ். 
• தீயணைப்பு துறை. 
• ஆப்தோமேட்ரி. 
• ஜோர்ணலிசம்.

மேற்கண்ட படிப்புகள் எல்லாம் நம் சமுதாயத்திற்கு தெரிந்திருக்க வாய்பேயில்லை!. மேலும் இந்த வார்த்தைகள் எல்லாம் இவர்களில் வாயினில் உச்சரிக்க வருமா? என்பதே ஓரு கேள்விக் குறிதான். ஏனெனில் எனக்கே இந்த வார்த்தைகளை டைப்படிக்கவே நமக்கு சற்று கடினமாகவே இருந்தது. நமக்கு தெரிந்த பட்டமெல்லாம்:

MBA துபாய், Bsc சவூதி, BBA அமெரிக்கா, BA ஆஸ்திரேலியா. 

டிஸ்டன்ஸ் எஜூகேசன் என்றால் தொலைதூர சம்பாதிப்பு தான்.

பின் மானவர்களின் படிப்பு சார்ந்த கேள்விகளுக்கு பதிலும் அளித்தார். சிங்கப்பூரில் இருந்தும் செல் போன் சிணுங்கி கேள்வியை கேட்டேடுத்தது.

இதனை தொடர்ந்து UNITED MEDIA செய்தி நிறுவனர் சகோதரர் தவுவ்லத்கான் அவர்கள் சென்னையிலிருந்து VIDEO CONFERENCING மூலம் இதழியல் (JOURNALISM) தொடர்பான விளக்கமும், நம் சமுதாயத்தின் பங்கின் அவசியத்தை வழியுறுத்திய செற்பொழிவும் முதல் நாள் மாநாட்டை மேலும் சிறப்பாக்கியது என்றால் மிகையில்லை. நிகழ்ச்சிக்கு வருகை தந்தவர்களுக்கு VIDEO CONFERENCING  ஒரு புது அனுபமாக இருந்ததாக நேரில் கண்டவர்கள் தெரிவித்தார்கள். இத்துடன் இன்றைய நிகழ்ச்சிகள் இனிதே நிறைவேறின.

மற்ற நிகழ்ச்சிகள் நாளை மாலை நான்குமனிக்கு இனிதே தொடங்கும். இன்ஷாஅல்லாஹ்.

முதல் நாள் நிகழ்ச்சி எப்படி இருந்தது, உங்கள் கருத்துக்களை பதியுங்கள்.

-- அதிரை முஜீப்

-- அதிரைநிருபர் குழு