அதிரையில் தொடர்ந்து கனமழை... 40

மழைக்குத் தெரியுமா எங்களூர் பேரூராட்சியின் ஆட்சி மாற்றம் !?

தென்மேற்கு பருவ மழை வடகிழக்கு பருவமழை அதன் பருவம் தவறாது தனது பணியைச் செய்திட துவங்கிவிட்டது, தமிழகத்தில் பெரும்பாலான பகுதிகளில் நல்ல மழை பெய்து வருகிறது ஒரு சில இடங்களில் தண்ணீர் வெள்ளம் போல் ஓடுகிறது. இதேபோல் அதிரை பேரூராட்சி மன்ற வெற்றியாளர்களும் அவர்களின் பணிகளை தொடர்ந்திட வேண்டும் என்றும் ஆவலாக எதிர்பார்த்திருக்கும் அதிரை மக்களுக்கு மழை ஒரு சாம்பிள்.

அதிரையில் கடந்த மூன்று நாட்களாக நல்ல மழை பெய்து வருகிறது, நேற்று இரவு பெய்த கனமழையில் 8 செண்டிமீட்டர் அளவு பெய்திருக்கிறது என்று அதிரை பிபிசியின் தகவல்.

இந்த தொடர் மழைக்கு மேலத்தெருவில் ஒரு வீட்டின் கூரை இடிந்து விழுந்திருப்பதாக அதிரை.in வலைத்தளத்தில் புகைப்படத்துடன் வெளியாகி இருக்கிறது.

அதிரையில் வீதிகளில் நடமாடுபவர்களும் வாகனங்களை ஓட்டிச் செல்பவர்கள் நிதானத்தை கடைபிடிக்க வேண்டும், மின்கம்பத்திற்கு தெரியாது. புதிய ஆட்சி மாறியிருப்பது மழை எத்தனை செண்டிமீட்டர் பெய்தது இன்னும் பெய்திடும் என்றெல்லாம். அது வழக்கம்போலே நிற்குமா / நிற்காதா? என்று அன்னாந்து பார்க்க வைக்கும், எந்த நிலையில் அதன்மேல் ஊடுருவும் கம்பிகளின் உறுதி இருக்கும் என்ற உத்திரவாதம் கிடையாது. இவ்வாறானச் சூழலில் விபத்துக்கள் நிகழாமல் பாதுகாப்பாக இருக்க முயற்சியுங்கள்.

புதிய பேரூராட்சி ஆட்சி மாற்றத்திலிருக்கும் அதிரை, மழைக் காலங்களில் படும் அவதியையும் புதிய தலைவரும் உறுப்பினர்களும் கண்கானிக்காமல் இருக்கப் போவதில்லை, இருந்தாலும் எந்த நடவடிக்கையானாலும் துரிதமாக எடுத்திட ஆவண செய்ய வேண்டும்.

- அதிரைநிருபர் குழு