ரியல் எஸ்டேட் - சிந்திப்போம் ! [தொடர் - 2] 12

அஸ்ஸலாமு அலைக்கும் வரஹ்...

முந்திய பதிவில் ரியல் எஸ்டேட் என்ற பெயரில் பணம் சம்பாதிப்பதற்காக நிலங்களை வர்த்தகப் பொருளாக்கி வாங்குவதும், விற்பதுமாக நிலம் பல கை மாற்றப்படுவதும், புதிய மனைகள் விற்பனைக்கு வரும்போது 4, 5 மனைகளை வாங்கிப் பதுக்கி வைப்பது பற்றியும் எழுதி இருந்தேன். நிலங்கள் பல கை மாறுவதால் ஒவ்வொரு முறையும் இலாபம், மற்றும் செலவுகள் நிலங்களின் கொள்முதல் விலையோடு சேர்க்கப்பட்டு அதன் விற்பனை விலை உயர்த்தப்படுகிறது. மேலும் ஒருவர் 4, 5 மனைகளை வாங்குவதால் அதற்கான தட்டுப்பாடு ஏற்பட்டு தேவை அதிகரிப்பின் காரனமாகவும் நிலங்களின் விலை உயர்கிறது. இதனால் மனைகளின் அவசியத் தேவையுள்ள ஏழைகள் மற்றும் நடுத்தர வகுப்பினர் பாதிப்படைகின்றனர்.

புதிய மனைகள் போடப்பட்டாலும் நாளை நல்ல இலாபம் கிடைக்கும் என்று அவசியமில்லாதவர்களும் மனைகளை வாங்குவதற்கு போட்டி போடுவதால் எப்படியும் விற்றுத் தீர்ந்துவிடும் என்று நில உரிமையாளர்கள் எண்ணம் கொள்வதற்கும், ஆரம்பத்திலேயே விலையை உயர்த்தி நிர்ணயம் செயவதற்கும் வழி வகுத்துவிடுகிறது. இதனாலும் ஏழை மற்றும் நடுத்தர வகுப்பினரின் உரிமை பாதிக்கப்படுகிறது.

நிலம் வியாபாரப் பொருள் என்ற நிலையை அடைந்துவிடுவதால் அதை விலை ஏறும் வரை வைத்திருப்பது பதுக்கலாகிவிடும்.

இது போன்ற காரனங்களால் அவசியமில்லாமல் நிலங்களை வாங்குவதும், விலை ஏறிய பின் விற்கலாம் என்று வைத்திருப்பதும் இஸ்லாத்தின் பார்வையில் தடுக்கப்பட்டதே - நிச்சயமாக அல்லாஹ்வே மிக்க அறிந்தவன் - என என்னுடை நிலைபாட்டையும் பதிந்திருந்தேன்.

"இவ்வாறு அவசியமில்லாமல் நிலங்களை வாங்குவது கூடாது என்றால் அவசியமில்லாதவருக்கு நிலங்களை விற்பதும், அதற்கு தரகராக இருப்பதும் தடுக்கப்பட்டதே!"

அவ்வாறு அவசியமில்லாமல் நிலங்களை வாங்குவது கூடாது எனும் நிலைபாட்டை நாம் எடுக்கும் போது ஒரு மனிதன் எவ்வாறு தன்னுடைய வளங்களைப் பெருக்கிக் கொள்ள முடியும்? எவ்வாறு சொத்து சேகரிக்க முடியும் போன்ற கேள்விகள் எழ வாய்ப்புள்ளது அதற்கான விளக்கமாக இப்பதிவு அமையும் இன்ஷா அல்லாஹ்!

*********************************************************************************

இங்கே புரிந்துகொள்வதற்காக முந்தைய பதிவில் மேற்கோல் காட்டிய உதாரனத்தை மீன்டும் எடுத்துக் கொள்வோம். அதாவது நாய் விற்ற காசு குரைக்குமா?

எந்து ஒரு விசயத்தையும் நாம் பகுத்துப் பார்க்கப் பழகிக் கொன்டால் இஸ்லாமிய மார்க்கத்தின் அடிப்படையில் அதன் நிலை என்ன என்பதையும் அல்லாஹ்வின் உதவியால் இன்ஷா அல்லாஹ் புரிந்து கொள்ளலாம்.

நாய் விற்ற காசு குரைக்குமா என்ற கேள்விக்கு பதில் சொல்வதற்கு முன்னால் நாய் சம்பந்தமாக இஸ்லாத்தின் நிலைபாடு என்ன என்பதை நாம் பார்க்க வேண்டும். அதாவது இஸ்லாம் நாயை செல்லப் பிரானியாக வளர்ப்பதைத் தடை செய்கிறது. அதே சமயம் நாயை வேட்டைக்கு மற்றும் காவலுக்குப் பயன்படுத்துவதை அனுமதிக்கிறது.

எனவே தடுக்கப்பட்ட ஒரு காரியத்தில் நேரடியாகவோ அல்லது மறைமுகமாகவோ ஈடுபடுவது கூடாது என்ற அடிப்படையில் நாய் செல்லப் பிரானியாக விற்கப்பட்டால் அந்த காசு குரைக்கும் மற்றும் வேட்டைக்கு அல்லது காவலுக்கு விற்கப்பட்டால் அந்த காசு குரைக்காது என்பதை வேறுபடுத்திப் புரிந்து கொள்ள வேண்டும்.

அந்த அடிப்படையில் மார்க்கத்தில் சொத்து சேர்ப்பதற்கோ வளங்களைப் பெருக்கிக் கொள்வதற்கோ எந்த தடையும் இல்லை. எனவே செல்வத்தைப் பெருக்கிக் கொள்வதற்காக நிலங்களை வாங்குவதும், விற்பதும் அனுமதிக்கப்பட்டதே!

மனைகளை வாங்கி வைப்பவரும் தன்னுடைய வளங்களைப் பெருக்கிக் கொள்ள வேண்டும் என்றுதானே வாங்கி வைக்கின்றார்! பின் அதை மட்டும் ஏன் கூடாது? என ஒரு கேள்வியும் இங்கே எழ வாய்ப்புண்டு.

*********************************************************************************

சொத்து (ASSET)

பொதுவாக சொத்துக்களை அசையும் சொத்து அசையா சொத்து என இரு வகைகளாகப் பிரிக்கலாம். இவ்விரண்டையும் வேறுபடுத்தத் தெரிந்து கொன்டால் எந்த வகையான சொத்து வாங்கலாம், எந்த வகையான சொத்து வாங்கக் கூடாது என்பதை புரிந்து கொள்வதும் எளிதாகிவிடும், இன்ஷா அல்லாஹ்.

அசையும் / அசையாச் சொத்துகளைப் பட்டியலிட்டுத மனனம் செய்து தெறிந்து கொள்வதைவிட அதன் பன்பின் அடிப்படையில் வேறுபடுத்தித் தெறிந்து கொன்டால் அதை இனம் கான்பது எழிதாகிவிடும்.

இப்போது நாம் வனிகவியல் பாடத்திற்கு வருகிறோம்!

அசையும் சொத்து (CURRENT ASSET):

அசையும் சொத்து என்றாலே அதன் உரிமை மாறிக்கொன்டே இருக்கும். உதாரனமாக ஒரு கார் தொழிற் சாலையில் கார் உற்பத்தி செய்கிறார்கள் என்று வைத்துக் கொள்வோம். அந்த கார் அவர்களுக்கு அசையும் சொத்து. ஏனெனில் அது விற்பனை செய்ய (உரிமை மாற) வேண்டும் என்பதற்காக உற்பத்தி செய்யப்படுகிறது. அதை ஒரு மொத்த வியாபாரி கொள்முதல் செய்து விற்பனைக்காக வைத்திருக்கிறார். இங்கேயும் கார் ஒரு அசையும் சொத்தாகவே கருதப்படும்.

சுறுங்கக் கூறின் "ஒரு வாணிபத்தில் விற்பனைக்காக வைக்கப்பட்டிருக்கிற சொத்து அசையும் சொத்து" ஆகும்.

அசையாச் சொத்து (FIXED ASSET):

தன்னுடைய பயன்பாட்டிற்காக வாங்கப்படுகின்ற சொத்து அசையா சொத்து எனப்படுகிறது. மேற்படி உற்பத்தியாளருக்கும், வியாபரிகளுக்கும் அசையும் சொத்தாக இருக்கின்ற கார் நுகவோரிடத்தில் வரும் போது அசையா சொத்தாக மாறிவிடுகிறது. காரனம் நுகர்வோர் காரை விற்பனைக்காக வாங்கவில்லை, மாறாக பயன்பாட்டிற்காகவே வாங்குகிறார்.

இப்பொழுது அசையும் மற்றும் அசையா சொத்துக்களை வேறுபடுத்திப் பார்ப்பதற்கான நுட்பம் புறிந்திருக்கும் என நம்புகிறேன்.

*********************************************************************************

இங்கே நாம் தடுக்கப்பட்டதென சொல்வது விற்கும் நோக்கத்தோடு (அசையும் சொத்தாக) நிலங்களை வாங்கி விலை ஏறும் வரை சில கால அலவிற்கு விற்காமல் வைத்திருக்கும் வாணிபத்தை.

விற்க வேண்டும் என்பதற்காக வாங்குகிற சரக்கை எந்த ஒரு வியாபாரியும் விற்காமல் வைத்திருக்க மாட்டார். அதை வாங்குவதற்கான நுகர்வோர் இல்லை என்றாலும் எப்பாடியாவது விற்க வேண்டும் என்பதற்காக விளம்பரம் கொடுப்பார், பல வியூகங்களை வகுப்பார். அவருடைய நோக்கம் எப்பாடியாவது வாங்கிய சரக்கை விற்க வேண்டும் என்பதாகவே இருக்கும்.

அதே போல் ஒரு வனிகர் தன்னுடைய சரக்கை வாங்குவதற்கான நுகர்வோர் இருந்தும் விற்பனை செய்யாமல் விலை ஏறிய பின் விற்பனை செய்யலாம் என்று வைத்திருந்தால் அதனைப் பதுக்கல் என்றே சொல்வோம். எனவே நிலங்களை விற்க வேண்டும் என்ற நோக்கத்தோடு வாங்கி அதை விலை ஏறும் வரை வைத்திருப்பது பதுக்கல். ஆகாவே இஸ்லாமின் பார்வையில் இது ஹராம் (தடுக்கப்பட்டது/ பாவம்) என முந்தைய தொடரில் குறிபிடிருந்தேன்.

அதே சமயம் நம்முடைய தேவைக்காக (அசையா சொத்தாக) வாங்கப்படும் நிலம் மற்றும் ஏனைய சொத்துகள் வாங்குவதும் விற்பதும் மார்க்கத்தில் அனுமதிக்கப்பட்டதே. மேலும் ஒரு மனிதன் எவ்வளவு சொத்துக்களைச் சேர்த்துக்கொள்ளலாம் என்பதற்கு எல்லையும் இல்லை. ஒரே ஒரு நிபந்தனை என்னவெனில் சொத்துக்களுக்கான செல்வ வரியை (ஜகாத்) தகுதியானவருக்குக் கொடுத்து விட வேண்டும்.

அசையா சொத்துக்களும் தானே விறகப்படுகிறது என்ற ஒரு கேள்வி எழவும் வாய்ப்புண்டு. இருப்பினும் அசையா சொத்துகள் செல்வத்தைப் பெருக்கிக் கொள்ள வேண்டும் என்பதற்காக வாங்கப்படுகிறது. மேலும் அதன் விற்பனை சூழ்நிலையின் காரானமாகவே தவிர ஏற்கெனவே திட்டமிடப்பட்டதள்ள.

செயலுக்கான கூலி எண்ணததின் அடிப்படையிலேயே அமையும் என்பதே மார்கத்தின் நிலைபாடு!

மேலும் அசையா சொத்து நிலையான சொத்தாக வாங்கப்படுவதால் அது அடிக்கடி கை மாறவும் அதனால் விலை ஏறவும் வாப்பில்லை.

எனவே "நிலங்களை நிலையான சொத்தாக வாங்கிக் கொள்வது கூடும், வியாபாரச் சரக்காக வாங்கி விலை ஏறும் வரை விற்பனையை தாமதிப்பது கூடாது என்பதே என்னுடைய நிலைபாடு"

நிச்சயமாக அல்லாஹ்வே மிக்க அறிந்தவன்!

யா அல்லாஹ் ஹலாலானவற்றைக் கொன்டு எங்களுடைய தேவையைப் பூர்த்தி செய்வாயாக! ஹாராமானவற்றின் தேவையை விட்டும் எங்களைப் பாதுகாத்துக் கொள்வாயாக!

அல்லாஹ் நாடினால் பெண் பிள்ளைகளுக்கு வீடு கட்டிக் கொடுக்கும் நமதூரின் பழக்கத்தையும் தொடர்ந்து அலசுவோம்!

ம'அஸ்ஸலாம்

அன்புடன்

- அபுஈசா

மேலே பதியப்பட்டுள்ள ஆக்கம் கட்டுரையாளரின் தன்னார்வத்தாலும், அவரால் சேகரிக்கப்பட தகவல்களைக் கொண்டு எழுதப்பட்டுள்ளது.