சிறப்புடன் நடந்தேறிய கோடை விடுமுறை மார்க்கப் பயிற்சி.. 8

அல்லாஹ்வின் திருப்பெயரால்...

அஸ்ஸலாமு அலைக்கும் (வரஹ்)

அல்ஹம்துலில்லாஹ் ! எல்லாம் வல்ல அல்லாஹ்வின் கிருபையால் சென்ற மூன்று வருடங்களைப் போன்றே இவ்வருடமும் கடந்த ஏப்ரல் 15ம் தேதி முதல் மே 30ம் தேதிவரையில் கோடைவிடுமுறை மார்க்கப் பயிற்சி முகாம் இரண்டு இடங்களில் தனித் தனியே சின்ன நெசவுக்காரத் தெருவிலிருக்கும் பெண்கள் மதரஸாவில் மாணவிகளுக்கும், மரைக்கப் பள்ளியில் மாணவர்களுக்கும் மிகச் சிறப்புடன் நடந்தேறியது.

காலை 9 மணி முதல் நன்பகல் 12 மணி வரை மவ்லவி பட்டம் பெற்ற ஆலீம் உஸ்தாதுகளால் வகுப்புகள் நடைபெற்றது, காலை 11 மணி வரையில் குர்ஆன் தஜ்வீத் முறைப்படி பார்த்து ஓதுதல், சிறிய சூராக்கள் மனப்பாடம் செய்தல், நன்கு பார்த்து ஓதத் தெரிந்த மாணாவமணிகளுக்கு யாசீன், வாகிஆ, தபாரக்கல்லதீ போன்ற நீண்ட சூராக்களை மனப்பாடம் செய்ய வைப்பதும் அதனைத் தொடர்ந்து மாணவமணிகளின் வயதிற்கு தகுந்தார்போல் மார்க்க (அகீதா) கொள்கை சட்டங்கள் மற்றும் அன்றாட நடைமுறைக்குத் தேவையான முக்கிய துஆக்கள், இஸ்லாமிய வரலாறுகள் என்று தொடர்ந்து நல்ல முறையில் போதிக்கப்பட்டது. கோடை விடுமுறக்கென்று தயாரிக்கப்பட்ட பாடநூல்கள் சென்னையிலிருந்து வரவைக்கப்பட்டு மாணவமணிகளுக்கு வழங்கப்பட்டது.

நமதூரிலுள்ள பெரும்பாலான தெருக்களிலிருந்து 100க்கு மேற்பட்ட மாணவர்களும் 50க்கு மேற்பட்ட மாணவிகளும் கலந்து கொண்டு பயனடைந்தனர். குறிப்பாக சென்னை போன்ற வெளியூர்களில் குடும்பத்தோடு இருக்கும் மாணாவமணிகள் தங்களது விடுமுறையை ஊரில் செலவிட வந்த தருனத்தை இந்த அருமையான பயிற்சியினை பயண்படுத்திக் கொண்டது குறிப்பிடத்தக்கது. மாணவமணிகளுக்கு போதனைக்கிடையே தினமும் 11 மணியளவில் குளிர்பானங்கள், மற்றும் பகல் நேர சிற்றுண்டிகளும் வழங்கப்பட்டது.

நிறைவில் அதுநாள் வரை போதிக்கப்பட்ட அனைத்து தலைப்புக்களிலும் பரீட்சை வைப்பக்கப்பட்டு முதல் ஐந்து இடத்தைப் பெற்ற மாண்வர்களுக்கும் மாணவிகளுக்கும் தனித்தனியே சிறந்த பரிசுகள் வழங்கப்பட்டது.

இதேபோன்று வரும் வருடங்களிலும் மென்மேலும் இப்பணி தொடர்ந்திட தாங்கள் யாவரும் எல்லாம் வல்ல அல்லாஹ்விடன் துஆ செய்வதுடன் எல்லா வகையான ஒத்துழைப்பயும் நல்கிட அன்புடன் கேட்டுக் கொள்கிறேன்

இவண்

மவ்லவி, ஹாபிழ் P.அப்துல் காதர்

மரைக்காப் பள்ளி

அதிராம்பட்டினம்